رواية من أكون للكاتبة أسماء صلاح الفصل الخامس والأربعون
تنهد اكرام و قال: -طيب يا ابني اللي يريحك بس على الاقل لما تفوق نشوفها و نخرج على طول.
و عندما جاء الليل طلب جاسر منهم الذهاب فوجودهم في المستشفى غير مفيد و بعد ذلك ذهب ليجلس في مكتبه و اندهش عندما وجدها تدخل و تغلق الباب
-انتي عايزة اي؟
-مش عايزة غيرك يا جاسر حاولت انساك و معرفتش حتى بعد ما اتجوزت
نظر لها جاسر باستحقار و قال: -مشكلتك بس انا بحب مراتي.
-بتحب فيها أي؟ و بعدين دي عندها مشاكل في القلب يعني حتى مش هتعرف...
قطعها جاسر و قال: -بعيدا عن اللي تقصدي فأنا مكتفي بيها و بعدين يا دكتورة المريض مش عيب و بعدين اصححلك معلوماتك ميرال عندها ضعف في عضلة القلب و بتتعب من الإجهاد البدني الزيادة عن العادي لكن هي تقدر تمارس حياتها الطبيعة عادي جدا، في أمراض بتتعالج و في أمراض لا.
نظرت له ندى و ادمعت عيناها قائلة: -طب اشمعنا دي ما كنت تتجوز اي واحدة تاني اشمعنا اختي
-جات صدفة و بعدين فكري في جوزك و ابنك و بطلي قرف
اقتربت ندى منه و قالت: -خلاص هطلق منه
ابتعد جاسر عنها و قال: -مشكلتك انتي، و اتفضلي عشان ورايا شغل
نظرت له ندى بحقد و قالت: -تمام انا ماشية...
قضى جاسر بعض الوقت بمفرده و بعد ذلك ذهب إلى غرفتها ليطمئن عليها و وجدها مازالت فاقدة للوعي و نبضها مازال منخفض، امسك بيدها و قبلها بحنان قائلا: -متأكد انك هترجعي كويسه زي الاول
حركت يدها و رمشت بعيناها و قالت بخفوت: -جاسر
-نعم؟
فتحت عيناها ببط و قالت بوهن: -هو اي اللي حصل؟ و انا حاسه ان ضهري بيوجعني اوي و دماغي
رتب على يدها و قال: -عملتي حادثة و انتي هنا من الصبح.
اخذت أنفاسها بصعوبة و أخذ صدرها يعلو و يهبط و قالت: -انا هموت كدا؟ لو موت بلاش تتجوز عليا على طول استنى شوية كتير
-بطلي كلام عشان متتعبيش و بعدين انا مش هتجوز عليكي مفيش واحدة هتشيل اسمي غيرك
نظرت له ميرال و قالت: -بتقول كدا عشان انا تعبانة يعني؟
رفع يدها ليقبلها و قال: -لا عشان انا مش عايز اعيش غير معاكي
اخذت ميرال أنفاسها و ابتسمت بهدوء و قالت: -هو انت مروحتش ليه؟
-هروح اتخانق مع مين؟ و بعدين البيت من غيرك هيبقى وحش
-هو كان لازم ادغدغ كدا عشان تقولي الكلام دا؟
-كفايه كلام كدا عشان متتعبيش و صحيح انا متأكد ان اختك هي اللي عملت كدا بس محتاج اتأكد عشان هخرب بيتها
-دي حادثة عادي يا جاسر وارد انها تحصل مع أي حد في الشارع أكيد ندى مش هتعمل كدا.
مر ما يقارب 20 يوما و بدأت ميرال تتحسن حالتها و انتقلت من غرفة العناية و لم يراها احد من أهلها طوال تلك الفترة و لكن ندى كانت تأتي بجميع أخبارها من المستشفى و علمت بأنها تعافت و لم تجد طريقة للتواصل فقامت بالاتصال بها
استغربت ميرال و رددت على الهاتف قائلة: -ندى؟
-انتي عارفه جاسر مش عايزانا نشوفك ليه؟
-ليه؟
-عشان محدش يعرف يتكلم معاكي و بعدين يا ميرال انتي مازالتِ تحت الملاحظة يعني ممكن تتعبي تاني و بعدين الحادثة أثرت على جزء من المخ و دا اللي جاسر خباها عليكي
تنهدت ميرال و قالت بغضب: -انتي عايزة اي يا ندى؟
-انتي اللي لازم تاخدي كل حاجه انا بحبها
ابتسمت ميرال ساخرة: -دا بجد و انا خدت اي بقا؟
-كل حاجه حتى من و احنا صغيرين ماما كانت بتفضلك عليا، و بابا كان بيعاملك حلو تعرفي حتى مرضك كان في مصلحتك، و يوم ما اتجوزتي خدتي الراجل الوحيد اللي انا حبيته، انا بكرهك اوي يا ميرال و مش هسيبك تحققي اللي انتي عايزاها و بعدين اوعي تكوني فاكره انك هتكملي معاه جاسر مستحيل يكون بيحبك و حتى ان فضل جنبك هيبقى عشان هو بيشفق عليكي يا بنتي انتي حتى ابوكي وافق عليه بدون مناهدات كتيره لأنك مريضة و مش راجل هيقبل بيكي، جاسر محبش و لا هيحب غيري و انتي بس سكة عشان يفضل جنبي و انتي حتى ممكن متقدريش تخلفي و طبعا هو فاهم كل دا لانه دكتور...
ألقت ميرال الهاتف على الأرض بغضب و أمسكت رأسها بيدها و انهارت باكية، دخلت ملك و عندما وجدتها في تلك الحالة اتجهت إليها و سألتها بقلق: -مالك بس يا ميرال؟
نظرت لها ميرال و قالت بانهيار: -انا تعبانة شوية بس
تعجبت ملك و قالت: -طب اشوف الدكتور
هزت ميرال رأسها رافضة و قالت: -لا مش عايزة، انا عايزة ابقى لوحدي لوسمحتي.
اقتربت ملك منها و ضمتها إليها لترتب عليها و قالت: -لا مش هينفع اسيبك كدا و بعدين براحتك لو مش عايزة تقولي اي اللي حصل؟ بس اكيد مش من جاسر لأنه شافك كدا هيبقى حوار
ابتعدت ميرال عنها و قالت: -دا ليه؟
-لأنه كان قلقان عليكي اوي و ما صدق انك بقيتي كويسه و بعدين دا بيحبك اوي
نزلت الدموع على وجهها العابس و قالت: -لا يا ملك مش بيحبني و كل دا عبارة عن وهم، هو بس بيعمل كدا عشان صعبانه عليه.
ملك بدهشة: -لا انتي عبيطة بجد يا بنتي جاسر مانع اهلك يزوركي عشان خايف عليكي و مفيش حد غريب بيدخلك الاوضه و موقف حرس على الباب كل دا عادي بالنسبالك
ازداد بكائها و قالت: -مش عارفه بقا
ابتسمت ملك و ضمتها إليها قائلة: -طب بطلي عياط عشان جاسر لو شافك كدا هيبقى حوار بجد و بعدين انا متأكدة من كلامي سيبك من كلامه هو و كلام اي حد تاني.
مسحت ميرال دموعها و قالت: -ملك انا و جاسر متجوزين لسبب مش عشان بنحب بعض، و أصلا لحد دلوقتي...
صمتت ميرال فرددت ملك قائلة: -منك انتِ ميرال جاسر مستحيل يقرب من واحدة غصبن عنها
-ايوه بس...
قطعتها ملك و قالت: -ميرال لو انتي بتحبي سيبك من كل دا و اعملي اللي قلبك بيقولك عليه...
دلف جاسر إلى الغرفة و لاحظ احمرار عيناها و قال: -في أي مالك؟
نظرت لها ملك و قالت: -طب انا هخرج اجيب حاجه و راجعة.
اقترب جاسر منها و جلس أمامها و قال: -مالك يا ميرال في حد ضايقك؟
نظرت له ميرال و قالت: -هو انا هخرج امتى؟
-كمان يومين كدا، أي اللي حصل؟
-جاسر انا عايزة ننفصل و انا هكلم بابا و أفهمه ان حصل بينا مشاكل.