رواية من أكون للكاتبة أسماء صلاح الفصل التاسع والثلاثون
مرت الايام عليها سريعا و لم يتغير حالها، و لكنها زادت مقابلاتها مع إيهاب خارج العيادة
كان يراقب اللوحات، فاتجهت اليه و قالت: -لو في حاجه عاجبك ممكن تخدها
-رسمك جميل اوي يا ميرا
ضحكت ميرال و قالت بابتسامة: -جات على اللام يعني؟، على العموم شكرا
-انتي هتفضلي في روما؟
-اها هرجع مصر اعمل اي؟
قطع حديثهم دخول شاب إيطالي و وقف معها و بقى يطرح عليها الكثير من الأسئلة و يجادلها في اختيار اللوحات و غادر بعد شراء اثنين
زفرت ميرال بخنق و قالت: -الشخص دا غريب اوي تقريبا كل يوم يجي يشتري لوحة و بيحضر كل المعارض اللي شاركت فيها
غمز لها إيهاب و قال بمرح: -شكله معجب لانه من الواضح انه ملهوش في الرسم و الكلام دا و انا حاسس انه شوفته قبل كدا
-تشرب حاجه يا دكتور؟
-ما بلاش دكتور دي.
نظرت له ميرال و قالت: -طيب يا دكتور
ابتسم إيهاب و قال: -ماشي يا ستي
-اها انت معزوم عندنا على الغدا، شكلك مش هتاخد لوحات
-يا بنتي انا مليش في الجو دا...
ذهبت ميرال إلى المستشفى بعد أن سألت إيهاب عن دكتور متخصص في القلب، و قامت بأجراء الكشف و الفحوصات
نزلت ميرال من المستشفى و أخبرها إيهاب بأنه سيأتي إليها و لكن ما تعجبت اليه هو وجود ذلك الشاب التي لم تعرف اسمه يجلس في سيارته و من الواضح عليه انه يراقبها، زفرت ميرال بحنق و اتجهت اليه و قالت بالايطالية: -لماذا تراقبيني؟
فتح باب السيارة و نزل و قال: -احب النظر إليكِ.
نظرت له و قالت باستهجان: -هل انت مختل؟ لا اريد رؤيتك
-دعينا نتعرف ميرا، انا اعلم عنكِ الكثير و اريد التقرب منك
ضربت كف على اخر فهو يبدو مريض و حمد ربها عندما وصل إيهاب و اتجهت إلى سيارته و قالت بضيق: -اطلع بسرعه، واضح انه مجنون
ضحك إيهاب و قال: -مهوس باين، اسف اتاخرت عليكي عملتي اي عند الدكتور
تنهدت ميرال و قالت: -مفيش هعمل عملية قريب
-متقلقيش هتكوني كويسه.
ابتسمت ميرال و بعد ذلك عبس وجهها و قالت بحزن: -انا خايفه على ماما، اكيد هتقلق عليا بص انا مش هقولها و خلاص
-مينفعش يا ميرال لازم تقولي و بعدين خير بإذن الله متخافيش انا هبقي معاكي
ابتسمت ميرال بامتنان و قالت: -شكرا يا إيهاب...
اخبرتها ميرال و بالطبع كانت دلال تشعر بالقلق من فقدانها و لكن ميرال كانت تحاول أن تطمئنها.
دلفت ميرال إلى المنزل و قالت بابتسامة: -انا جيت يا دودو فينك
-تعالي يا ميرال، انا هنا
ذهبت ميرال إلى غرفة الصالون و اندهشت عندما وجدته و قالت بتوتر: -جاسر...
قالت دلال بابتسامة: -اها دا فرحت اوي لما قالي انه جاي
صافحته ميرال بهدوء و استأذنت منهم و دلفت إلى غرفتها لتلعن تلك اللحظة التي جمعتهم
دلال بحرج: -هي متقصدش حاجه يا ابني بس.
قطعها جاسر و قال: -ممكن ادخلها
-اتفضل.
طرق جاسر الباب و دخل عندما سمحت له و بعد ذلك اغلقه و قال: -لو كنت اعرف انك هتضايقي مكنتش جيت
-هضايق من ايه؟
التفتت ميرال له و اردفت: -جاي ليه يا جاسر؟، عايز تعرف وصلت لايه يعني؟!
-عارف يا ميرال، الدكتور اللي بيتابع حالتك صاحبي، اللي هو إيهاب
نظرت له ميرال بدهشة و قالت: -تمام برافو
اقتربت ميرال منه و اردفت: -طب جاي تظهر في حياتي ليه؟ انا ما صدقت اتعودت على غيابك و لا دي عندك ليها علاج.
تنهدت ميرال بنفاذ صبر و قالت: -انسى، ممكن نطلع برا عشان مينفعش نسيبها لوحدها كدا
-ليه مقولتيش لحد من أهلك انك هتعملي عملية هنا
نظرت له ميرال و قالت: -مش عايزة حد جنبي، انا هعرف ابقى كويسه لوحدي و بعدين الدكتور قالي ان الموضوع سهل بلاش انت بس تقلقها انا مكنتش عايزة اقولها بس كان لازم
-ميرال الحالة النفسية مهمة أوي
-وجودك هيتعبني اكتر يا جاسر، شوف انت جاي هنا تعمل اي و ارجع مكان ما جيت.
-انا مش جاي عشانك انا جاي...
قطعته ميرال و قالت: -اكيد ماما وحشتك فقولت تيجي تشوفها
ابتسم جاسر و قال: -وحشتني اوي، كل حاجه وحشة من غيرك
نظرت له بعدم تصديق و قالت: -جاسر انا محتاجة انك تيجي تقولي كلمتين حلوين عشان تضحك عليا بيهم، كل حاجه انت قفلتها في مصر، فبجد انا شايفه ان وجودك هنا ملهوش لأزمة
خرجت ميرال من الغرفة و تابعها هو و فهمت دلال بأنها مازالت على وضعها و قالت: -انا هقوم احضر العشا.
نظرت له ميرال و قالت: -لا خليكي انتي انا...
قطعتها دلال و قالت: -ارتاحي يا حبيبتي
قامت دلال و تركتهم، نظر لها جاسر و قال: -انا غلطان
-محدش طلب منك تيجي هنا و بعدين انا مش عايزة اشوفك
قام جاسر و اتجه ليجلس بجوارها، فابتعدت عنه و اقترب منها قائلا: -اثبتي يا ميرال مالك؟ خليني اقول الكلمتين
تنهدت ميرال بضيق و انتظرت حديثه انا عندي شغل هنا و هخلصه و ارجع فقولت اشوفكم و كدا
-شكرا يا دكتور
-بلاش زفت دي.
قامت ميرال و عقدت ساعديها قائلة: -دكتور و مريضه عنده هقولك اي يعني؟
خرجت دلال و تنحنحت قائلة: -ادخلي هاتي الأطباق يا ميرال
استجابت ميرال لها و دخلت إلى المطبخ، نظرت دلال إلى جاسر و قالت: -خليك عارف انك انت اللي سيبتها و طبيعي تاخد حقها منك بالطريقة دي
خرجت ميرال و قالت: -الاكل جهز
طرق الباب فذهبت ميرال لتفتح و قالت بابتسامة: -حماتك بتحبك اتفضل يا إيهاب
-طب كويس، عندي ليكي خبرين اصلا.
دلف إيهاب إلى الداخل و سلم على جاسر و بعد ذلك جلسوا ليتناولوا العشاء و بعد ذلك دخلت دلال لتعد لهم الشاي
ميرال بتساؤل: -اي بقا؟
تنهد إيهاب و قال: -اول حاجه العملية هتكون صعبه و فيها نسبة خطورة على حياتك، انا روحت للدكتور و اتكلمت معاه و فهمت المضاعفات اللي ممكن تحصل خصوصا ان عضلة القلب ضعيفة اوي
جاسر بضيق: -هندخل في علم رب يعني؟ هتبقى كويسه ان شاء الله.
تنهدت ميرال بعد أن نظرت له باستغراب و قالت: -مش مهم يا إيهاب ما انا لازم اعملها، و بعدين زي ما دكتور جاسر قال مش هندخل في علم ربنا، اي الخبر التاني
-عارف الواد اللي بيلف وراكي دا يبقى مين؟
-مين؟
-دا معنى روك إيطالي و أصلا معروف جدا في روما بس انا مش متابع أوي، اسمه ميشال ماركوس و عليته من أكبر تجار السلاح هما مشهورين بدا
جاسر بدهشة: -ماله يعني؟
-منعرفش بس هو بيظهر في أي مكان ميرال بتكون في.
نظر إليها و اردف: -فاعملي حسابك بأنك لو حصلك حاجه في المستشفى هنضيع كلنا
ضحكت ميرال و قالت: -حاضر بس انا هعمل اي بجد دا شكله مجنون.
-متقلقيش يعني مش هيعملك حاجه
نظر لها جاسر و قال: -ما علينا، انا همشي
غادر جاسر و تابعه إيهاب بعد أن اودعهم
-مالك يا عم في أي؟
-مفيش، هي هتعمل العملية امتى؟
-بعد بكرا، بس سيبك انت حوار ميشال دا فظيع اوي والله انا خايف يخطفها و لا يعملها حاجه.
نظر له جاسر بامتعاض و قال: -و على اساس انه عادي كدا، لو حصل حاجه من دي فوقتها مش هيبقى في ميشال اصلا...
ذهبت ميرال إلى الجاليري الخاص بها و لكنه اوقفها و هي بتفتح الباب قائلا: -أود التحدث معاكِ؟
التفتت ميرال له و قالت: -لا اريد و أنا مرتبطة بشخص فأرجوك ابتعد عني.
-انا معجب بيكِ
في تلك اللحظة اتي جاسر و امسك بيدها قائلا: -من هذا؟
ابتلعت ميرال ريقها و قالت بتوتر: -زبون يريد شراء بعض اللوحات
نظر لهم ميشال بغضب و قال: -لا اريد شرائك انتِ عزيز.
لم يكمل جملته و قام جاسر بلكمه بشدة و قال بغضب: -ادخلي انتي جواه
قام ميشال و اتجه اليه و قال: -هل انت مدرك ما فعلته؟
سحبه جاسر من عنقه و همس له بخفوت: -و مدرك لأشياء كثيرة تفعلها تدمر سمعتك وسط معجبينك، الحانات المشبوهة و اظن انك أدركت الباقي، ابتعد عن تلك الفتاة لأنها لي...
عدل جاسر جاكته و دلف إلى الداخل فقالت ميرال بانفعال: -اي الشغل دا يا جاسر و بعدين انت غاوي مشاكل و لا مسمتعش كلام إيهاب امبارح.
-يعني انتي عجبك اللي قاله و بعدين انا مبخافش
زفرت ميرال بحنق و قالت بعصبية: -انت مالك هو قال اي؟ لوسمحت جاسر ملكش دعوة بيا
سحب جاسر من ذراعها و قبض عليه بشدة و قال: -و انتي مش عايزة تبطلي وس
سحبت ميرال يدها و قالت: -انا حره انت ملكش دعوة بيا يا جاسر و بعدين لو هي كدا انا دلوقتي ممكن اخرج و...
قطعها جاسر بحدة: -وعد مني هكسرلك رجلك عشان تقعدي يومين في المستشفى زيادة.
غادر جاسر و تركها، زفرت ميرال بحنق فهو أفعاله غير منطقية بالمرة.
كانت ميرال تقوم بإجراء فحص قبل دخولها إلى غرفة العمليات، رتبت دلال عليها و قالت: -هتبقى كويسه يا حبيبتي
نظرت لها ميرال بحزن و ابتسمت قائلة: -أكيد
-هو جاسر مش جي؟
تنهدت ميرال و افتكرت ما حدث بينهم بالأمس و قالت: -لا، مفيش حاجه بيني و بين جاسر عشان...
قطعهم طرق الباب و دخل جاسر فلحظت دلال تلك الابتسامة البلهاء التي ظهرت على وجهها و همست لها و كدا في بينكم حاجه؟
فاقت ميرال من شرودها فأردفت دلال انا هخرج ارد على دكتور إيهاب
نظرت له ميرال و قالت: -بحسبك مش هتيجي
جلس جاسر بجوارها علي الفراش و قال: -ما انا جيت عشان مدام دلال متكنش لوحدها ميصحش
نظرت له ميرال بغيظ و قالت: -دا انا ممكن أدخل مطلعش
وضع سبابته على شفتيها و قال: -متقوليش كدا تاني، العملية بسيطة و هتطلعي عشان نكمل خناقتنا
ابتسمت ميرال و عقدت ذراعيها حول عنقه و دفنت وجهها في صدره و قالت: -خليك معايا.
بعد مرور يومين تعافت ميرال و استعادت وعيها بالكامل
قامت ميرال فهي ملت من الفراش و اتجهت لتنظر من الشرفة، طرق جاسر الباب و دخل
تعجبت ميرال من قدومه فالجميع ذهب و هي طلبت منهم ذلك و قالت: -انت ناسي حاجه و لا اي؟
-اها، خليت إيهاب يوصل مدام دلال
ميرال بتساؤل: -طب انتي نسيت اي؟
-قلبي
رفعت ميرال حاجبها و قالت: -هو انت لاقيته تحت و لا اي؟
-هو مين؟
-ميشال.
-اها معرفش هو عايز اي بصراحة و شكلي هجيب أخرى معاه و بعدين انا مكنتش هسيبك تباتي، انا هنزل للدكتور و ارجعلك
اتجهت ميرال إلى هاتفها لتتفحص المكالمات و اتصلت بشقيقتها و قالت: -معلش ندى انا كنت مشغولة شوية الفترة دي.
-عادي يا ميرا بس عايزة اقولك انك هتبقى خالتو قريب.
ابتسمت ميرال و قالت بسعادة: -اخيرا الف مبروك يا ندى
-هتيجي مصر امتى؟
-في السبوع بقا، قولتي لعدي و لا لسه؟
-اها، و انتي عارفه القضية الغريبة اللي بابا كان بيحقق فيها مسك المجرم و طلع اسمه معتز، لسه قابض عليه من يومين
شهقت ميرال بصدمة و قالت: -بجد؟
-ايوه يا بنتي و انا قابلته عشان شككه في صحته العقلية
انتهت ميرال معها و انتظرت قدوم جاسر و عندما اتي قالت: -جاسر
-نعم؟
-تتجوزيني.