رواية كشماء للكاتبة سعاد محمد سلامة الفصل السابع عشر
أخذت أيه تسير ذهابا وايابا بغرفتها يشتعل قلبها بالحقد بسبب ذهاب علام وكامليا الى القاهره بمفردهم وذهابها للعمل معه في المصانع
ليدخل سعد مبتسما قائلا مساء الخير أيه الى مصحيكى لحد دلوقتي أحنا داخلين على نص الليل
لترد ببرود عكس ذالك النار المتوهجه بقلبها مستنياك يا حبيبى بس أيه الى أخرك كدا
رد سعد وهو يخلع جاكيت بدلته
لتساعده أيه في خلعه.
ليقول بتعجب أبدا داخلين مناقصه كبيره ولازمها أجراءات كتير وتحضير أكتر وعلام سافر النهارده القاهره علشان يحضر حفلة غرفة الصناعه وكمان علشان ياخد فكره عن ترتيبات السوق مع التغيرات الى حاصله بسبب عدم أستقرار، سعر الاسمنت في البلد والبلبله الى حاصله علشان يعرف يحدد خطة الانتاج والتسويق الفتره الجايه في ظل التقلبات الى حاصله في سوق الصناعات الكبيره وكمان يقرر أن كنا هنكمل في المناقصه دى ولا ننسحب أفضل.
لتقول ايه وهي دى أول مره تدخلوا مناقصه كبيره
ليرد سعد مش أول مره بس المناقصه دى مشاركه بين الحكومه ورجال أعمال كبار لبناء أكتر من منتجع سياحى وكمان أكتر من كمباوند سكنى غير كمان مجموعه من الاحياء السكنيه المتوسطه وأكيد الى هيفوز بمناقصة توريد الأسمنت، دى ممكن هو الى يتحكم في السوق كله
لتقول أيه بدلال ربنا يوفقكم بس أنا زعلانه منك
ليقول سعد بأنزعاج زعلانه منى ليه.
لترد أيه أنا طلبت منك انى أشتغل معاك في المصنع وانت قولت هتقول لعلام ومردتش عليا وشايفه أنه وافق على شعل مراته
ليضحك سعد قائلا أنتى مصدقه ان كامليا هتشتغل معنا في المصانع غلطانه دى جت المصنع شويه لفت على الاقسام وفي الأخر دخلت عند علام قالت له أنا مستقيله هتقعد في البيت تصرف الارباح أحسن لها من الشغل في حاجه متفهمش فيها.
لتستغرب أيه أرباح أيه انا لاحظت أمبارح بتقول أنا صاحبة أملاك بس نسيت أسألك قصدها أيه
ليرد سعد جدتى رقيه قسمت لها ولكشماء ميراثهم في جدى علام وهما تقريبا استلموه بس لسه شويه أجراءات هخلصها ويبقى بكده أخدوا ميراثهم رسمى
لتقول أيه قصدك ايه باخدوا ميراثهم يعنى الحاجه رقيه قسمت لكل واحد من ولادها ميراثه
ليرد سعد قائلا لأ كل حاجه زى ماهى مفيش غير ميراث عمى منصور هو الى بناته ورثوه كامل.
لتقول ايه واشمعنا هما ومس فاهمه ازاى ورثوه كامل
ليرد سعد يعنى مفيش حد هيورث معاهم لا بابا ولا عمى حتى مرات عمى كريمه اتنازلت لبناتها عن ميراثها وتيتا رقيه كمان
لتقول ايه بس دا حرام هما بنات والكل له في الورث وكمان انت وعلام ازاى توافقوا على حاجه زى دى مخالفه لشرع والعقل كمان انتم كان لازم ترفضوا
ليرد سعد وايه الى حرمه دا حقهم.
لتقول ايه لأ مش حقهم أنت ناسى أنهم بنات طب هنقول على كامليا ميراثها هيكون تحت سيطرة علام ومفكرتوش ان كشماء ممكن تاخد ميراثها وتعطيه لركن الدين الفهداوى
ليرد سعد اكيد ركن مش هيطمع في ورث مراته من أهلها وانت عارفه انه عنده أضعاف مضاعفه منه وكمان أن مرات عمى كريمه هتورث من خالى أبراهيم وبعدين هو تحقيق أنا هلكان وعايز اخد شاور وأنام أنا من مكان لتانى من الصبح.
لتقول أيه لأ يا حبيبى مش تحقيق ولا حاجه ادخل خد شاور على ما تطلع اكون جبت لك عشا خفيف
ليقول سعد مبتسما ياريت علشان أنا مأكلتش من ساعة مفطرت الصبح
لتقول أيه على ما تاخد شاور هكون جهزت لك عشا وجبته
ليقبل وجنتها قائلا متشكر.
ليدخل الى الحمام وهي تهمس قائله هتفضل طول عمرك تتعب وعلام يجنى من وراك النجاح وهو الكل في الكل وأنت في الضل بس أنا مش هقبل أبقى زيك ومش هقبل بمتشرده جايه من الشارع تكون لها أهميه اعلى منى إنا لازم أكون هنا فوق راس الكل.
فى الحفله
كان الجو هادئا
لكن فجأة
وقعت أليكسيا تتلوى ببطنها وتصرخ بقوه.
وفى نفس الوقت وقفت جيلان الناجى بجوار فرقة الموسيقى تمسك بالميكرفون تغني وترقص وتطلب من الفرقه بعض الأغانى الشعبيه الهزليه
ليبدأ الهرج والمرج بالحفل ليتم تدخل المسئولين على الحفل سريعا
ليرك ركن كشماء لتشعر بالغيظ منه وهي تراه يقترب من أليكسيا التي تنام أرضا ينظر لها ويسألها ما بها
لم ترد عليه وتتألم بشده ليقوم بحملها والخروج بها من قاعة الحفل
لتطلق عين كشماء شرار لو طالهم لأصبح الأثنان رمادا.
ليأخذ ركن اليكسيا الى غرفه خاصه بها من أجل والاتيان لها بطيب
بينما بالحفل نزلت جيلان من جوار الفرقه الموسيقه وقامت بجذب علام من ذراعه لتطلب منه الغناء و الرقص معاها
لتبتسم كامليا وهي تراها تهذى بهذا الشكل فمن تدعى الرقى ما هي إلا صائده ثروات
ليقوم علام بجذب يد جيلان والخروج بها من قاعه الحفل
لتطلق كامليا بعض السباب الأذع بهمس وهي تراه ياخدها ويخرج من القاعه.
دخل علام بجيلان الى غرفه خاصه بالأوتيل.
لتقف جيلان على الفراش ترقص وتغنى وهي تخلغ بعض من ثيابها القصيره
ليدخل بعده أحد المعدين بالقناه الى الغرفه
ليقول علام له أيه الى حصل خلاها تعمل الكلام الفارغ ده في الحفله
ليرد المعد هي كانت كويسه وفجأه شربت عصير وبعده بدقايق لتقول لقيتها بدأت تهيس
ليتذكر علام حين عادت كامليا كانت قريبه من أحد الندلاء هي وكشماء
لينظر الى المعد ويقول والحل معاها أيه دلوقتى
ليرد المعد معرفش بس أنا بقول أننا نديها منوم أفضل.
ليقول علام تمام معاك منوم
ليرد المعد لأ بس ممكن نطلب من الأستقبال بتاع الأوتيل
ليقول علام تمام أطلب منوم ويعطيه أسم أحد العقارات المنومه
بينما بغرفة أخرى وضع ركن أليكسيا على الفراش ومازالت تأن وتتلوى من بطنها
ليدخل أحد الأطباء ويخرج ركن الى الخارج
ليخرج الطبيب بعد دقايق
ليقول له ركن فيها أيه.
ليرد الطبيب واضح أنها تحت تأثير أعراض جانبيه لعقار أخدته وأنا أديت لها حقنه مهدئه وهتنام واما هتصحى هيكون أعراض العقار دا أنتهت
ليشكر ركن الطبيب ويفكر متى أخذت هذا العقار فقبلها بدقائق كانت تتحدث معه بثلاثه ليتذكر كشماء حين عادت من الخارج رأها تقف مع أحد الندلاء هي وكامليا
بينما شعرتا كلا من كامليا وكشماء بالغضب الشديد من ذالك الأثنان وتركهم لهن وذهابهن خلف تلك العاهراتان.
لتقول كامليا شايفه الأثنين الأغبيه دون عن الحفله هما الى خرجوا مع العاهرتين
لتقول كشماء أه شوفت ياختى راجل العصابات لما شال أم شعر منقرش وخرج بها
وكمان المقطقط لما سحب الى ما تتسمى
لتقول كامليا أم جناب منفوخه خدها وخرج كأن الحفله مفيش فيها رجاله غيرهم أغبيه راحوا معاهم وسابونا هنا لوحدنا بقولك أيه أنا زهقت مبقيتش قادره أفضل هنا أكتر من كده أنا همشى.
لترد كشماء وأنا كمان وغير أنى مش طايقه أشوف وش رجل العصابات
لتقول كامليا ومن سمعك أنا شرحه
لتنظران لبعضهن لتبتسمان وهن تغاداران تلك الحفله
عاد ركن الى الحفله يبحث بعينه عن كشماء لم يجدها
وكذالك علام
ليقترب ركن من علام قائلا هما فين
ليرد علام معرفش واضح أنهم أختفوا تانى
انا هتصل على كامليا أعرف هما فين
ليقوم بالاتصال ولكن لم ترد عليه ليعيد الاتصال لاكثر من مره ولم ترد عليه.
لينظر الى ركن قائلا كامليا مش بترد على أتصالى
اتصل أنت على كشماء يمكن ترد
ليتصل ركن أكثر من مره هو الأخر ولا ترد عليه
ليقول ركن أكيد هما متفقين مع بعض خلينا في الحفله قربت تخلص وبعدها نشوف هما فين
بعد قليل نزلتا من التاكسى كامليا وكشماء اللتان تمسكان بأحذيتن بأيد والاخرى بها كيسا للطعام
لتقفان أمام تلك العماره اللتان تسكنان بها سابقا يتنهدان قائلتان ما أحلى الرجوع أليكى.
لتدخلان الى شقتهن وترميان باحذيتهن ويضعن الطعام على طاولة السفره
لتقول كشماء صحيح الواحد مش بيرتاح غير في بيته بقولك أيه أفتحلى سوستة الفستان ده أنا خلاص هفرقع
لتقوم كامليا بفتح سحاب الفستان وتستدير لها قائله بقولك أيه أنا جعانه المقطقط مجوعنى من المغرب مدقتش الزاد على عصاير لحد ما قربت أحس أن عندى جفاف من كتر ما شربت عصاير دا غير الفستان أبو ترتر ده
انا هقعد أكل الاول وبعدها اقوم أولع في الترتر.
لتقول كشماء طول عمرك مفجوعه بس للأسف انا كمان جعانه مش كنا أستنينا يفتحوا البوفيه في الحفله وبعدين مشينا كنا وفرنا حق الأكل ده وكمان هنلاقى أصناف كتير نختار منها كان لازم نستعجل
لتقول كامليا تصدقى الفكره مجتش في بالى الا دلوقتى كنا ضغطنا شويه على نفسنا كان لازم اوافقك يعنى داهيه تاخدك انت والفستان بتاع أنثى الحوت الأخضر وكمان الفستان ابو ترتر
بقولك أيه قومى هاتى أطباق نحط فيها الاكل ده.
لترد كشماء وهي تفتح كيس الطعام ما تقومى أنتى انا بسبب الشوز حاسه أن صوابع رجلى بقوا بالونات
لتقول كامليا علشان على ما رجع بالاطباق تكونى نسفتى الاكل يعنى الاطباق الى فيها الاكل كانت أشتكت كلى كلى
بعد قليل انتهين من الطعام
لتمسك كل منهن زجاجه مياه غازيه
لتقول كامليا وهي تمد يديها بالزجاجه في صحتك يا موظوظه.
لتضرب كشماء بزجاجتها زجاجه كامليا قائله في صحتك يا سنقوره مش كنا جبنا الازازه لتر أحسن من النص لتر دى هتعمل أيه
لترد كامليا هو الخسيس بتاع المطعم هو الى حطاها ومشفنهوش بعد كده تركزى في الطلب وانتى بتاخديه يلا أهو أحسن من مفيش
لتقول كشماء انا مش جاى لى نوم دلوقتى
لترد كامليا ولا أنا بس أيه الاتنين الى متجوزنهم دول الا ما سألوا علينا من ساعة ما أتصلوا ومردناش عليهم زى ما يكون ما صدقوا يتخلصوا مننا.
لترد كشماء أحسن زمانهم بيطبطبوا على أم شعر منقرش والمنفوخه من الجناب انشاالله يولعم هما الأربعه
لترد كامليا انشاالله الى يغيظك أنه سحب المنفوخه ولا كأنه شايفنى بس مش ملاحظه أن الجرسون بدل في الكاسات الى شربوها
لتضحك كشماء قائله بس منظر ام شعر منقرش وهي مرميه بتصوت في الارض يموت من الضحك ولا الفستان بتاعها الى مش فستان أصلا دا مايوه كشف المستور أتفضحت يعنى.
لتضحك كامليا قائله ولا المنفوخه من الجناب وهي بتتحزم وهترقص كانت مسخره بصراحه
بقولك تلعبى دور كوتشينه أهو نتسلى شويه بما أننا في حكم الغصبانين ومتوقعه أن محدش هيعبرنا
لتقول كشماء وماله نلعب على طلاقنا احنا الاتنين وصدمة كرمله في خيبة بناتها
لتقف كامليا وتأتى بعلبه ورقيه بداخلها ورقات كوتشينه ليبدأن باللعب وهن يغشان بعضهن.
لتقول كشماء على فكره أنت بت غشاشه هي الكوتشينه فيها تسع ولاد دا تاسع ولد تكسبى بيه
لتقول كامليا أسم الله عليكى أنتى بتبصري بالشايب وانا ساكته ولا هي جات على تسع ولاد بتوعى
لترمى كشماء بورق الكوتشينه قائله مش لاعبه معاكى أنتى بت غشاشه انتى وولادك التسعه.
لتضحك كامليا قائله مش أبقى أدخل دنيا أبقى افكر في ولادى التسعه بقولك ايه أنا عطشانه أنا هروح أشوف في ميه في مواسير المطبخ الى زمانها عتقت وأشرب أجيبلك تشربى معايا أهو نتسمم سوا
لتقول كشماء لأ شكرا مش عايزه أموت مسمومه
لتدخل كامليا الى المطبخ
ليرن جرس باب الشقه
لتقوم كشماء لتفتح الباب.
بعد أن فتحت الباب وجدت من ينظر لها والشرار بعينه قائلا برن عليكى مش بتردى ليه وأيه الى خلاكى سيبتى الحفله وكمان أيه الى جابك هنا
قبل أن ترد جذبها من يدها قائلا يلا معايا نتكلم في بيتنا أتفضلى قدامى
لتسير، أمامه ليوقيفها قائلا أستنى
ليقف خلفها قائلا مش حاسه ان سوستة الفستان مفتوحه مس حاسه بأى هوا
ليغلق سحاب الفستان قائلا أشفطى بطنك شويه لتفعل العكس وهو يغلق السحاب التي كادت أن تقطع الفستان.
خرجت كامليا من المطبخ قائله مين الى كان بيرن جرس الباب علينا دلوقتى
لم تجد أحد بالمكان لتنادى كشماء أنتى فين وومين الى كان بيرن جرس الباب وسايبه الباب مفتوح ليه
لتتجه الى باب الشقه لأغلاقة
لتنخض ممن يقف ينظر لها وعيناه جمرات
لتقول ها علام
ليقول لها لأ عفريته
لتبتسم وتتحدث ببرود علام أيه الى موقفك عالباب أنت مش غريب تعالى أدخل أعملك شاى معايا واضح
أن البت كشماء يا ماتت يا أتخطفت مش باينه كده.
ليشير علام لها قائلا أتفضلى قدامى لأن كلمه واحده منك مش ضامن بعدها ممكن أردم العماره دى كلها عليكى
لتقول له طيب متتعصبش حرام عليك العماره فيها سكان هروح اطفى عالشاى واجى بلاش شاى دلوقتى حتى علشان ميسهرنيش،.
دخل ركن بكشماء الى فيلته في القاهره
ليدخل الى غرفة النوم وهي خلفه ولكنها أصطدمت بمقبض الباب الذي شق جزء كبير من على صدر الفستان
لتبتسم كشماء قائله أحسن لتضع يدها على هذا الشق
وتتجه الى الدولاب لأخذ ملابس لها لتقوم بتغير الفستان
وقف أمامها ركن قائلا بهدوء أيه الى عملتيه بالحفله ده
لتقول بأستغراق عملت أيه
ليقول ركن أختفيتى فين النص الساعه الى غيبتها
لترد قائله ما قولتلك كنت مع كامليا في الحمام.
لينظر ركن قائلا تمام كنتى في الحمام مع كامليا بس مش ملاحظه حاجه غريبه حصلت بعد ما رجعتى مباشرة
لتقول كشماء أيه هي الحاجه دى
ليرد ركن صريخ أليكسيا ووقعها على الأرض ودا مباشرة بعد ما شوفتك واقفه مع جرسون من الى كانوا في الحفله
لترد كشماء قائله عادى أما أقف مع الجرسون كنت بطلب منه ميه ولما شربت رجعت الكوبايه تانى
طب وأيه الى حطيته في كوباية الى كانت جنب كوباية الميه
لترد كشماء ولا حاجه لأنى ملمستهاش.
وبعدين أنت بتحقق معايا كده ليه المفروض أن الى كنت أسألك أنت بأى صفه شيلت ام شعر منقرش دى وروحت بها فين وسيبتنى لوحدى وسط ناس ما أعرفهمش
لينظر لها ركن قائلا دا واجب أنسانى متنسيش أنها ضيفه عندنا
لتقول كشماء بضيق يادى ضيفه عندنا وسيادتك بتعامل كل الضيوف كده ولا دى ليها معامله خاصه وانا شيفاها من أول الحفله وهي بتحاول تجذبك لها.
ليبتسم ركن فغيرتها واضحه ليقول لا ملهاش معامله خاصه وبعدين أيه الى خلاكى تسيبى الحفله بدونى
لترد كشماء والله سيادتك كنت مشغول في واجب أنسانى مع أم شعر منقرش ولقيت نفسى وسط عالم مش فاهمه هما بيقولوا أيه مشيت أنا وكامليا
ليقول ركن وماجتيش على هنا ليه ليه روحتي شقتكم القديمه
لترد كشماء علشان معرفش عنوان الفيلا دى.
ليقول ركن ومطلبتيش من السواق يجيبك ليه لترد كشماء بحنق مجاش في بالى وأنا دلوقتى حاسه بأجهاد وعايزه أستريح تحقيقك خلص ولا لسه في حاجه تانيه
ليتنحى ركن جانبا لتدخل الى الحمام وتغلق الباب خلفها بقوه ليقف لا يعرف أى شعور يضغى عليه الأن شعوره بالغضب من ما فعلت بأليكسيا بعد أن علم من النادل أنها شربت كوب الماء وأعطى لها الصنيه حتى يأتى بكوب أخر من الماء ليأخذ منها الصنيه ويذهب بها الى أليكسيا.
أم يسعد وهو يعيد تحدثها معه بغيره من تعامله مع أليكسيا بالحفله.
بعد قليل خرجت من الحمام
ترتدى منامه صيفيه نسائيه عباره عن برموده حمراء وفوقها تيشرت أحمر به ورده على الصدر المفتوح قليلا
لينظر لها
لتشعر كشماء بالتوتر من نظراته لتقول له أنا هنام تصبح على خير
ليرد وعيناه مسلطه على جسدها التي تحدده تلك المنامه قائلا بتحرش تصبح على خير أيه بقى بالبيجامه الحمرا دى المفروض تبقى ليلتنا طويله وحمرا كمان.
لتنظر له بغيظ قائله عندك أليكسيا مش كانت لابسه في الحفله مايوه أحمر في أزرق روح لها وكمل معاها الليله مش هتمانع
ليقول ركن فعلا لو روحت لها مش هتمانع دى في نفسها بس مش من النوع الى يعجبنى أنا ذوقى حاجه تانيه خالص
لتنام كشماء على الفراش وتقوم بشد الغطاء عليها قائله تصبح على خير وياريت تطفى النور متسبش الا لمبه صغيره وكمان تزود درجة حرارة التكيف لأنى سعقت منه.
ليتجه الى الحمام ويغيب قليلا ويخرج بشورت أسود ويتجه الى أطفاء النور إلا من لمبه صغيره ليتجه ينام جوارها على الفراش ويقترب منها ويضمها من الخلف
لتشعر به لتصحو بعد أن كادت أن تنعس لتقول له أنت بتعمل أيه
ليرد ركن أنت مش كنتى بتقولى سقعتى أنا بدفيكى
لتقول وهي تحاول فك يده من حولها
أنا قولت لك تزود درجه حراره التكيف مش تحضنى وبعدين خلاص مبقتش حاسه ببرد دفيت ياريت تبعد عنى.
ليقول ركن بهمس أنا بقول تنامى من دون كلام أو حركه لأنى بصراحه مش ضامن نفسى بعد الى عملتيه في أليكسيا ومتأكد أنك السبب بس هفوتها بمزاجى ليقبل عنقها قائلا تصبحى على خير لينام مبتسما فا أنثى الفهد أظهرت اليوم غيرتها عليه بوضوح وربما تكون بدايه الطريق لترويضها.
صفع علام باب الغرفه بقوه لتدخل خلفه كامليا تبتسم لكن تدارى البسمه.
ليقول علام ممكن تقولى لى سيبتى الحفله ليه وكمان مجتيش على هنا ليه أيه الى خلاكى تروحى شقتكم القديمه
لترد وهي تبتسم أنت بعد ما سيبتى وروحت مع أم جناب منفوخه دى فضلت لوحدي معرفش حد من المعازيم غير كشماء وهي كمان ركن سابها وبقينا زى الأهبل في الزفه قومنا مشينا وروحنا على شفتنا القديمه لأنى معرفش مكان الفيلا دى
ليقول علام ومطلبتيش من السواق يوصلك ليه
لترد كامليا تصدق نسيت السواق دا خالص.
ليقول علام نسيتى السواق ومنستيش أيه الى حطيته للعصي في كوباية جيلان
لترد كامليا هحطلها أيه
ليقول علام أنا شايفك وأنتى واقفه مع الجرسون الى كان رايح لها بالعصير وبعدها بمده قصيره جيلان
بدأت تهلوس
لترد كامليا أنا كنت بحسبه عصير ولما الجرسون قالى دا مشروب روحى سيبته
ليضع علام يده على شعره يشد فيه بضيق قائلا مشروب روحى دا انا الى هطلع روحك.
لتقول كامليا أهدى يا مقطقط العصبيه مش حلوه علشانك ممكن يجلك هارت أتاك وأنا مقدرش أعالجك وتروح فيها وأنت لسه صغير وأترمل أنا بقى ويقولك بقى العادات والتقاليد ولازم أتجوز أخوك علشان يربى الى في بطنى
لينظر علام لها بحنق شديد وأيه الى في بطنك
لترد كامليا عندى حموضه يظهر من الأكل أكيد البت كشماء كانت عنيها فيه
لينظر علام ويلف حول نفسه ليضع يده على حزام بنطاله قائلا فكره أنا أخنقها بالحزام.
لتراه كامليا لتصعد على الفراش قائله أنت بتقلع الحزام ليه لأ ميغركش أنى صغيره كده أه هتقلع الحزام هقلع الفستان ابو ترتر ده أعقل كدا وخليك ريلاكس
ليقول علام مش عايز أسمع صوتك أختفى من وشى فورا
لتنزل كامليا من على الفراش وتتجه للدولاب وتأخذ منامه لها وتذهب الى الحمام لتغلقه خلفها بهدوء وهي تبتسم
لتتذكر ما حدث بالحفل
فلاااش باك،
وقفتا كامليا وكشماء جوار بعضهن يشعرن بالضيق من تلك العاهرتان.
أليكسيا التي جذبت ركن معها ليشاركها الرقص بعد أن طلبت منه ذالك
ليوافق ويذهب معها
بينما جيلان توددت الى علام ليقوم بعمل لقاء معاها ليوافق ويذهب معها الى أحد جوانب القاعه
لتشعران بالغيره من ترك علام وركن لهن
لينظرن لبعضهن ليميلا رأسهن بموافقه
ليخرجن الى خارج تلك القاعه التي بها الحفله
لتفتح كشماء هاتفها وتبحبث عن شىء
لتقول كامليا لقيتى صيدليه قريبه من هنا
لترد كشماء قائله أيوا هي في ظهر الأوتيل ده يلا بينا.
ذهبن الى تلك الصيدليه ليقفن أمامها
لتقول كشماء ايه رأيك نجيب لهم ملين
لترد كامليا لا أنا عايزه حاجه أقوى لأم جناب منفوخه
لترد كشماء أه أيه رأيك في دوى العضم الى كانت بتاخده أم كريم جارتنا الى فوق كان من أثاره الجانبيه مغص شديد دى كانت يا عينى ساعات بتصوت من قوته
لترد كامليا أيوا هو دا.
لتقول كامليا بقولك أيه فاكره الدوا الى خدته أم كريم دى بالغلط وكان بيخليها تهلوس ولما قريت أسم الدوا عرفت أنه زى نوع من المخدرات وممكن يؤدى للأنتحار أهو ندي منه لأليكسيا تسافر بلدها تنتحر هناك
لتتفقان على ذالك لتدخلان الى الصيدليه
لنطلب كشماء أسم العقاران الطبيان
ليقول الصيدلى للأسف الدواء ده ممنوع صرفه بدون روشته أو طلب دكتور.
لتخرج كامليا بطاقتها الطبيه قائله أنا دكتوره ودا الكارنيه بتاع وزارة الصحة وبزاول المهنه كمان
ليتعجب الطبيب ويقول لها تمام حضرتك
ليعطى لهم الصيدلى العقاران
لتقول كامليا سعرهم كام
ليقول الصيدلى الثمن
لتقول كشماء مش تمنه كتير بقولك أيه أحنا هناخد من كل نوع حبيتن بس وباقى العلبه حلال عليك شوف لنا تمنهم قد أيه
ليرفض الصيدلى في البدايه ولكن قامتا بأقناعه.
لتأخذ كشماء منه كيس ورقى صغير للغايه به تلك الاربع حبات ويعودن الى الحفله مره أخرى
وجدن الجرسون يتجه ناحيه جيلان بكأس عصير قد طلبته منه لتقف كامليا أمامه تقول أنا عندى السكر ومحتاجه العصير ده لتأخذه وتدير ظهرها للجرسون وتفرك الحبتان اللذان تبدلا بالمشروب
ليقول لها النادل بس دا مش عصير دا مشروب طاقه
لتضعه قائله معلش ممكن تجبلى عصير علشان حاسه بدوخه
ليقول النادل بأحترام حاضر يا أفندم.
ليذهب ويعطيه لجيلان وما هي الا دقائق بعد أحتسائها للمشروب وصعدت الى جوار الفرقه الموسيقه وتهلوس وتضع حول خصرها ذالك الشال الشفاف التي كان فوق ملابسها وتبدأ بالرقص المبتذل والغناء
لتقترب من علام وتشده معاها ليرقص ولكنه تعامل معهاوجذبها الى الخارج
رات كشماء النادل متجه الى أليكسيا بماء ومعه كوبا أخر
لتوقف النادل قائله لو سمحت أنا عطشانه قوى ممكن أشرب
لينحرج النادل ويعطى لها الماء لتشرب.
لتقول له لو عايز تجيب ميه تانى سيب الصنيه معايا وروح هات غيرها
ليقول بحرج لا يا أفندم ميصحش لتقول له لا مفيش مشكله بس بسرعه قبل أى حد ما ياخد باله
ليترك النادل معها الصنيه ويذهب لياتى بالماء مره أخرى
لتفرك تلك الحبتان بيدها ليذوبا بالمشروب
ليعود النادل ويأخذ منها الصنيه ويذهب بها الى أليكسيا وما هي الى دقائق لتقع بالأرض تتلوى من ذالك المغص القوى ببطنها.
ليذهب ركن فهو يعرف يتحدث بالأيطاليه ويتعامل معها ويحملها ويخرج من القاعه
عوده، ضحكت كثيرا كامليا لتخرج من الحمام
لتجد علام ينهى أتصالا
لتقول له كنت بتكلم مين دلوقتى
لينظر أليها قائلا وأنتى مالك أطلع من الحمام ألاقيكى. أتخمدتى مش طايق أسمع صوتك
لتبتسم له قائله ماله صوتى دا أنا صوتى كروان الشرق وبلبله
ليتركها ويدخل صافعا خلفه الباب.
لتقول كامليا براحه عالباب أكيد لسه عليك أقساط حف الفيلا دى ولا براحتك أهو تتسجن بالأقساط ومش هعبرك ولا هزورك بعيش وحلاوه خلى أم جناب منفوخه تنفعك.
بعد دقايق خرج من الحمام بشورت أخضر غامق
ليتجه الى الفراش وينام على ظهره
لتقترب كامليا منه وترفع أحدى يديه وتنام على صدره قائله علشان تعرف أنت الى بتتحركش بيا وانا نايمه مؤدبه أهو
ليبتسم بسخريه من أفعال تلك المتشرده الصغيره
فى اليوم التالى
بالمنيا.
طلب أبراهيم الفهداوى من كريمه على الهاتف أن تذهب أليه هي والحاجه رقيه
لتصطحبا بعضهن وتذهبن لمعرفة ماذا يريد
ليبقى بالمنزل أيه وتيسير، لتقول تيسير لأيه متعرفيش الحاج أبراهيم الفهداوى عايز أيه من حماتى وكريمه
لترد أيه لأ معرفش
لتأتى الى جوارهن نعمه لتقول تيسير، لها أنت خارجه ولا أيه
لترد نعمه قائله أيوا أختى حكمت تعبانه شويه هزورها مش هتجى معايا تزورى عمتك يا أيه.
لتنظر أيه الى تيسير ثم الى عمتها قائله لأ يا عمتى أنا حاسه بشوية تعب في معدتى خلينى هنا لايزيد عليا التعب
لتقول نعمه وهي تنظر الى تيسير براحتك يا أيه أبقى خلى بالك منها يا تيسير
لتبتسم تيسير، لتغادر نعمه ولم يعد يبقى بالمنزل سوى أيه وتيسير، لتقول أيه لتيسير مفييش نسوان من العيله غير أنا وانتى في البيت قولى لى بقى أيه سبب جدى علام زمان لمنصور ومراته وبناته من هنا.
لتنظر تيسير، حولها وتقول لها تعالى معايا في مكان بعيد عن الخدامين وهقولك كل حاجه حصلت بس توعدينى محدش يعرف أنى قولت لك أنت عارفه جبروت الحاجه رقيه دى ممكن تخلى عاطف يطلقنى وميهماش عشرة السنين.
بمنزل الفهداوى
وقف أبراهيم الفهداوى يستقبل كريمه ورقيه بترحاب شديد
ليجلس معهن
ليبتسم قائلا أنا عرفت من كشماء انك يا رقيه كتبتى كل ميراث المرحوم منصور لها ولكامليا وبصراحه أنبسطت ان الحق رجع لأصحابه.
وأستدعيتك النهارده علشان تبقى الكبيره مع الحريم الى هيروحوا بالهدايا عند عروسة أيبو
لتبتسم كريمه قائله هو أيبو خطب بنت مين
ليرد أبراهيم امبارح قرينا فاتحته على بنت جبر الديب
لتشعر كريمه بنغزه في قلبها قائله جبر محترم وطول عمره أنسان حقانى
لتقول رقيه أه والله كفايه أستقباله لبنات منصور وهو ميعرفهمش
ليرد أبراهيم ما دا الى خلانى وافقت على نسبه وكمان البنت هاديه ووديعه
لتقول كريمه ربنا يتمم له على خير.
بعد قليل
دخلن بالهدايا كل من نجلاء ومعها شيماء وأنعام وكريمه ومعهن رقيه الى منزل جبر الديب الذي يتشاركه مع أخيه فكرى
كان في أستقبالهن
زوجه جبر وأبنتها جميله التي كانت كأسمها
لترحب بهن بخجل حقيقى
لتسخر نجلاء من خجلها المبالغ
لبجلسن يتجاذبن الحديث فيما بينهم
لتقول نجلاء التي لا تشعر بالراحه بينهن جميعا، معلشى ممكن أدخل الحمام
لتقول والدة جميله مع حماتك يا جميله وعرفيها مكان الحمام.
لتذهب معها جميله وتدلها على مكان الحمام
لتقول نجلاء لها شكرا أرجعى أنت وانا هعرف أرجع لعندكم تانى البيت ميتوهش
لتقول جميله حاضر يا طنط
لتتركها جميله وتعود الى النساء، لتدخل نجلاء الحمام لتخرج
لتصطدم بأخر شخص كانت تود رؤيته الأن
ليبتسم قائلا يا نجلاء من زمن متقبلناش وش لوش كبرتى بس
متغيرتيش كتير
لترد نجلاء وانت كمان كبرت يا فكرى ومبقتش صغير بس لسه فيك نفس العله.
وهى حبك لكريمه الى عمرها ما حست بيه لا زمان ولا دلوقتى وفضلت تبعد عن هنا مع منصور الى فضلته عليك مع أنك كنت هتسيبنى علشانها وكل قربك منى وقتها كان علشان تقرب منها هي ما هي كانت صحبتى في المدرسه الى كنت كل يوم تقف لها على بابها ولما قربت منها رفضتك فخطبتنى علشان أبقى سكه ليك
ليضحك فكرى قائلا قلبك لسه أسود ما أنتى كمان أصطادتى على الفهداوى من صداقتك لكريمه ولا كان نفسك في حد تانى.
لترد نجلاء لا تانى ولا تالت وأنت عارف كده كويس قوى
ليرد فكرى الى أعرفه أنك أنتى الى زمان ساعدتنى في أنى أزرع الشك بين منصور وسلطان والملف الى ضاع وكان نتيجة ضياعه سجن سلطان سنه الى شال منصور وقتها مسئولية ضياع الملف وأتسبب في سجن سلطان
ليقفا يتحدثا عافلين عن ذالك الأثنان اللذان سمعانهم بالصدفه
ليأتى لكل منهم خاطر كيف يستغل تلك الحادثه القديمه في نيل ما يريد والوصول الى ما يشتهى.