رواية رحم للإيجار الجزء الثاني للكاتبة ريحانة الجنة الفصل الحادي والثلاثون
في فيلا مهاب عز الدين
تمارا نايمة لسة غرقانة في احلام وكلام وحب الليلة اللي فاتت. كانت ليلة من اجمل لاياليها. صحيت علي صوت فونها بيرن، شهاب...
تمارا مبتسمة بس لسة غالبها النوم: حبيبي. وحشتني.
شهاب بنبرة جدية لحد كبيير. غير نبرته الحنينة اللي متعودة عليها منه: انتي لسة نايمة؟
تمارا: اهاه. لسة انت صحيت من بدري شكلك. هي الساعة كام.
شهاب: الساعة 2 الظهر.
تمارا: يانههههار مش ممكن انت نمت كل ده ازاي!
شهاب بسخرية: معلش عروسة بقي وكمان احنا سهرنا اوي امبارح. المهم. قومي بسرعة كدة وفوقي وانا مستنيكي عايزك.
تمارا بدلع: ايه لحقت وحشتك. ثم اني لسة هقوم واخد حمام وافطر وابقي اكلمك.
شهاب بحزم: انا قولت بسرعة عايزك. تبقي تقومي وتنجزي وتجيني وانا لما اشوفك هأكلك ما تقلقيش. هتشبعي علي الاخر.
تمارا: امممم. انت مالك كدة محسسني انه العشاء الاخير وهتسمني مالك.
شهاب بسخرية: ههههههه. ايه قلبك حاسس. ياللا بسرعة ساعة بالكتير. وتكلميني هجيلك اخدك انا في البيت.
تمارا: اوك حبيبي. انا مش هتاخر عليك.
شهاب بغموض: مستنيكي.
تمارا قفلت مع شهاب وقامت علشان تاخد حمام لقت فونها رن تاني.
تمارا: اوففف. هو صباح جنان شكله كدة. لقته مهاب. اوبس سوري يا هوبا جات فيك.
ردت عليه: صباح العسل علي هوبا العسل انت فين.
مهاب: هههههه. يا صباح الروقان. عاملة ايه يا عروسة. انا في الشغل انتي عارفة الشغل ما بيرحمش. اسف عارف انك كنتي عايزاني امبارح. بس اوعدك ارجع ونقعد نتكلم سوا زي مايعجبك.
تمارا: ولا يهمك يا هوبا. اصلا انا كدة كدة. نازلة هقابل شهاب.
مهاب بضيق: ليه بقي هو البيه ماكفهوش سهر امبارح. لسة عايز يكمل. قوليله يتنيل ينزل شغلة بدل الاجازة اللي مالهاش لازمة دي. كفياه عسسل. اومال لما يتجوز هيعمل ايه مش فاهم. هيستقيل.
تمارا: ههههههههه. وبعدين معاك يا هوبا ارحم بقي شوية. شيل البوب من دماغك. ماقولنا ده في الحتة الشمال.
مهاب بزهق: ده انسان غتيبت هو كله شمال اصلا. انا عارف عجبك فيه ايه. ما 1000غيره كانوا قدامك اشمعن ده مش فاهم.
تمارا: هههههههه. اقفل يا هوبا اقفل انت مافيش فايدة فيك. انا كدة هتأخر علي شيبو لما ارجع نتكلم.
مهاب بعصبية: نعم يا ختي عايزة تقفلي معايا علشان سي زفت ده. طيب ايه رئيك بقي انك هتفضلي تتكلمي معايا انا مش قافل. خاليه يتفلق بقي ويفضل مستني.
تمارا: هههههههه. وانا تحت امرك يا حبيي معاك للليل يا هوبا قلبي. بلاها شيبو. هو فيه احلي من هوبا وعيون هوبا وزراير هوبا.
مهاب غصب عنه ضحك: ههههههههه. اضحكي عليا يا بنت ابوكي ماشي. هسيبك تروحيله. بس وحياة ابوكي تتقلي شوية. الواد ده خسارة فيه دلقتك عليه بالشكل ده. يابت ده انتي بنت مهاب الدين. يعني التقل كله بلاش يحس انه امتلكك كدة. خاليه يلف حاولين نفسه.
تمارا اتنهدت: اتقل علي مين علي حبيبي. بص يا هوبا اخلع انت من وسطينا علشان كدة هنتعب مع بعض.
مهاب بنفاذ صبر: طيب يا ختي روحي شوفي كامل الاوصاف اللي واكل عقلك. وابتسم هتوحشيني يا قلب ابوكي.
تمارا بحب: وانت واحشني من دلوقتي يا قلب تيمو. باي
مهاب قلبه مقبوض: تيمو. خالي بالك من نفسك. سلام حبيبتي.
قفلت تمارا وراحت اخدت حمام ولبست وكلمت شهاب وراحت تقابله.
اما مهاب. كان حاسس بخنقة مش عارف سببها. قلقان علي تمارا بإستمرار. وحاسس انها في حاجة هتتعبها وتوجعها. اتنهد وحاول يبعد الفكرة عن دماغه لانه تعب من كتر خوفه عليها.
في فيلا اكمل التهامي.
چنا قاعدة مع أكمل وتسنيم. وفاتحتهم في موضوع جوازها من مروان واللي كان صدمة قوية ليهم.
أكمل بصدمة ودهشة: انتي بتقولي ايه. اكيد اتجننتي صح.
چنا بتصميم: لا مااتجننتش. انا عاقلة جدااا. انا هتجوز ايه المشكلة بس.
أكمل بغضب شدها من دراعها بقوة وهزها بعنف: المشكلة انك صدمتيني فيكي. انتي چنا بنتي العاقلة اللي طول عمرها اقول ان عقلها يوزن بلد. عايزة تتجوز واحد من سن ابوها وكمان تخلف لمراته وتديها ابنها. ازاي انتي واعية لكلامك ده جنان رسمي. وانا مستحيل اوافق عليه. ثم انا بنتي تتجوز فترة علشان تأجر حتة منها ليييه. ايه اللي يجبرك تعملي كدة. انطقي وكلميني بعقل بدل الجنون اللي خرج منك ده.
چنا بدموع: اللي يجبرني اني حبيته. وماحبتش غيره ولا ههحب بعده. بابي ارجوك افهمني. انا ومروان بنحب بعض. وعايزين نتجوز. بس في نفس الوقت مش عايزين نجرح ريما. فإحنا هنفهمها ان جوازنا هيكون علشان العملية بس. لكن انا ومروان بنحب بعض ومش هنتجوز فترة ولا حاجة لا مروان مش هيسبني ابداا.
أكمل بعصبية خبط الترابيزة بإيده بقوة: مروان ده ندل جبان. بعته معاكي يحافظ عليكي ويحميكي من الغرب. حماكي منهم لكن ماقدرش يحميكي من نفسه. ضحك عليكي ووهمك بالحب. عايز يسرق شبابك واحلي سنين عمرك. عايز ياخد حته منك يديها لمراته. بس ده بعده. نجوم السماء اقربله من انه يتجوزك مستحيل. وانا هقتله لو فكر بس انه يكلمك تاني.
چنا بعصبية: ارجوك يا بابي دي حياتي وانا حرة فيها وهتجوز مروان يعني هتجوزه. مش هتجوز غيره. وانا بحزرك يا بابي لو بس فكرت تأذي مروان انا همشي من حياتكم وهتجوزه بعيد عنكم. وتبقوا انتم اللي اخترتم تخسروني.
أكمل بص لتسنيم بغيظ: افهم انتي ساكتة ليه. انتي عاجبك كلامها.
تسنيم لسة بتستوعب اللي بيتقال. قربت من چنا بدموع. ووقفت قصادها.
چنا بحزن ودموع: بتحبيه؟!
چنا بصتلها وبصت في الارض: ايوة بحبه.
تسنيم بحزن اكبر: هتقدري تتنازلي عن حته منك لريما. هتسيبي ابنك او بتنك لواحدة تانية. هتيديها ابنك وتاخدي جوزها. شايفة انك كدة كسبانة.
چنا بتبكي: ارجوكي يا مامي بلاش تحاولي توجعيني.
أكمل بغيظ: هو انتي لسة شوفتي وجع. اسمعي لو فضلتي مصرة علي الجنان ده. انا همنعك تشوفيه ولا تسافري معاه. حتى المشروع هسحبه منك.
انتي فاهمة. يظهر ان فعلا زي مابيتقال العرق دساس. وانتي هتورثي امك. بكل عيوبها.
چنا بدموع: انا! انا امي هي دي اللي واقفة قصادك امي تسنيم. ثم انت ليه بتلومني انا حبيت زي ما انتم حبيتم في يوم من الايام. ليه بتقسي عليا انا ما اجرمتش.
أكمل بعصبية: انتي ازاي مش قادرة تشوفي انك عايزة تفضحيني وتفضحي نفسك. اقول للناس ايه بنتي بتأجر حتة منها. لييه ايه اللي يجبرك علي كدة.
چنا: حبيته وبقولهالك لاخر مرة. لو وقفت قصاد جوازنا هسيبلكم كل حاجة وهتجوزه بردوا. واتبقوا انتم اللي اخترتم.
أكمل بكل غضب ضربها بالقلم وقعها علي الارض: اخرتها تبعينا علشان واحد ضحك عليكي ولعب بمشاعرك. هي دي اخرتها.
تسنيم جريت عليها: ايه اللي عملته ده. ازاي تضربها.
أكمل: دي تتحبس هنا مافيش سفر ولا شغل. ومروان الندل ده انا هعرف اتصرف معاه.
چنا قامت ووقفت قصاده: لو اذيت مروان. مش هتشوفني تاني هبعد عنكم للابد.
تسنيم: تعالي معايا فوق. انا عايزاكي.
أكمل مصدوم ازاي چنا اتغيرت بالشكل ده. وبيتوعد لمروان بكل غضب.
في اوضة چنا تسنيم نيمتها في سريرها. وحضنتها بحنان.
تسنيم: مش عايزاكي تشيلي هم حاجة. انا جنبك مش هسيبك.
چنا بدموع: انا بحبه وعايزة اعيش معاه. ليه بابي مش قادر يفهم كدة ليه بيعقبني وهو حب زي في يوم.
تسنيم: ما تزعليش من أكمل هو بيخبك وعايز مصلحتك. بس لو انتي فعلا شايفة حياتك وساعدتك مع مروان. انا هساعدك وهقف جنبك.
چنا: بجد يا مامي هتساعديني.
تسنيم ابتسمت: بجد يا قلب مامي. انا ماعنديش في الدنيا غيرك انتي وحمزة اخوكي. مستعدة احارب الكون ده كله علشان اسعدكم. حتى لو كان اكمل نفسه.
چنا حضنتها بقوة: انا يحبك اوي يا مامي اوي.
تسنيم: وانا بحبك يا قلبي. انتي شكلك تعبان ياللا نامي وارتاحي ونتكلم بعدين.
سابتها تسنيم ونزلت لاكمل مكتبه. اكمل لسة متعصب ومش عارف يوصل لمروان. هيتجنن قلبه بيتقطع علي بنته مش مصدق ان اليوم اللي تجيله فيه وتقوله انها بتحب وعايزة تتجوز يكون بالشكل ده.
اكمل بصلها بحزن وسألها: عاملة ايه دلوقتي.
بتعب وحيرة: هتكون عاملة ايه منهارة طبعاااا. ومموتة نفسها عياط. وبعتاب. بس انت قسيت عليها اوي يا أكمل.
أكمل بعصبية: قسيت ايه بس. هو انت لسة عملت حاجة. دي بنت مجنونة. عايزة تتجوز واحد قد ابوها وكمان تخلفله هو ومراته. ده جنان رسمي وتخريف. بإستغراب. ثم انتي بتجادليني في ايه عايز افهم. انتي موافقة علي اللي هي عايزة تعمله ده.
تسنيم بهدوء: انا موافقة علي اي حاجة تسعد بنتي. وهي شايفة ساعدتها مع مروان. وانا هساعدها واقف جنبها دي حياتها هي تعيشها زي ماتحب. وانت مش لازم تقف قصاد سعادة بنتك وحبها.
أكمل بغضب: انتي اكيد اتجننتي انتي وبنتك. انا مش ممكن اوفق علي التخريف ده.
تسنيم بحدة: ليه بقي هو الحب عيب. وبعدين ده جواز. احنا قولنا ايه بس. ليه مش موافق؟
أكمل بغيظ: انتي ازاي مش شايفة انها كارثة. انا بس عايز افهم دماغك. طب هي صغيرة ومتهورة. لكن انتي ايه بقي!
وبعدين دي بنت قليلة الادب. واضح كدة انها ورثت الكل ماسبتش حد.
تسنيم بوجع ودموع: انت بتعايرني يا أكمل بغلطتي معاك! بتعايرني علي حبي وثقتي فيك؟!
اكمل ندم وحس انه اتسرع في كلامه وغضبه خلاه يجرحها.
أكمل بندم: تسنيم حبيبتي انا اسف والله ما اقصد. انتي عارفة كويس انتي بالنسبة ليا ايه. وعمري ما اعايرك ابدااا. ااانا كنت اقصد مايا الله يرحمها.
تسنيم بتمسح دموعها بقوة: ولا حتى مايا دي واحدة ماتت وبين ايدين ربنا. هو اللي يحاسبها وهيحاسبنا احنا كمان. وانا بحذرك يا أكمل اياك تغلط في مايا مرة تانية. وخصوصا قصاد چنا. وانا بقي اللي هقف قصادك. وچنا هتتجوزه يعني هتتجوزه. انا كل اللي يهمني سعادة بنتي. وهي شايفة ساعدتها مع الشخص ده. عن اذنك.
خرجت تسنيم واكمل هيتجنن مش عارف ازاي هيتصرف في المصيبة دي. وكمان ازي هيواجه رعد.
في قصر رعد الحديدي.
في مكتب رعد. رعد قاعد قصاده مروان. مروان خلص كلامه. ومش قادر يفهم سكوت رعد الطويل ونظراته الغامضة القوية اللي اكنها بتدخل جواه علشان تتأكد من صدق كلامه. الصمت طول ومروان مش قادر يستشف ردة فعل رعد. واخيرا رعد قام من مكانه ومشي خطوات هادية وثابتة ناحية الشباك اللي بيطل علي الجنينة. وحط ايده في جيبه وبغموض.
رعد: شايف الجنينة الصغيرة اللي هناك دي.
مروان قام ووقف جنبه. انت تقصد جنينة البنات.
رعد لفله بهدوء وهز راسه: ايوة. الجنينية دي فيها شجرة لكل واحدة من عيلتي. لكل بنت وست في عيلتي عيلة الحديدي واولهم همس وكمان ريما. عارفة انا لو في يوم عديت ولقيت فيه واحدة فيهم ورقها دبلان ولا مش مفتحة. عارف بعمل ايه في البستاني.
مروان بدأ يغضب لان رعد بدأ يظهر اللي جواه.
رعد قرب منه بغضب وزقه في صدره بقوة: بطرده وامشيه واجيب غيره. مع انها غلطة بسيطة من وجهة نظر اي حد. بس بالنسبة ليا انا مش كدة. دي غلطة عمره انه اهمل في شئ انا بنفسي إأتمنته عليه. يوم ماحد يكون السبب في اذي حد من عيلتي وخصوصا مراتي واختي وبناتي. ويخلي دمعة تنزل منهم. قسما بربي انسفه وما اخلي ليه ذكر في الدنيا. وبصوت جاهوري وغاضب. فاااااهم. قولي فهمت ايه من اللي قولته. لما اطرد بستاني علشان ورقة دبلت. تخيل هعمل فيك ايه علشان عايز تجرح اختي الوحيدة. اخت رعد الحديدي وتتجوز عليها وياريت السبب الخلفة زي ما انت واهمها. لا ده انت خاين قلبك غدر بيها وحبيت غيرها. ومين عيلة من دور ولادك. ليه. فهمني ليييه.
مروان بثبات وقوة: نفس السبب اللي خلاك تتجوز همس. علشان حبيت چنا والحب مش بإيدينا.
رعد بغضب جامح: انت بتقارن مين بمين. انا عمري ماحبيت مها ولا كانت بالنسبة ليا زوجة ولا حبيبة. وهمس كانت اول واخر حب في حياتي. انت بقي ايه! هاه. ريما دي مش هي حب عمرك. مش دي اللي كنت عايزني اخد عين من عيونك واجوزهالك. ايه بقي. اتغيرت ليه. ايه في ريما مابقاش عاجبك. خلفة وطلبت منك تأجر بدل المرة 1000 وانت رفضت. تبني قولت لا مااربيش عيال غيري. ايه بتتلكك ليها ليه.
مروان اتنهد: قولتلك بحبها يارعد حبيت چنا افهم بقي ارجوك. انت اكتر واحد لازم تفهمني وتقف جنبي. رعد انت اكتر واحد عارفني وعارف انا طول عمري جد وماليش في الستات ولا عمر جه علي بالي اخون ريما او ازعلها ولا اجرحها. احساسي بچنا ده شئ غصب عني. من فضلك انا حكتلك كل شئ بصراحة لانك مش مجرد شريك شغل ولا اخو مراتي. لا انت اخ يارعد واظن تاريخي معاك يثبت كلامي.
رعد بغضب مسكه من هدومه بقوة: واختي اعمل فيها ايه. اتحمل دموعها ازاي اتحمل قهرة قلبها وهي شايفاك مع غيرها. حتى لو هي من ضعفها وضياعها وافقت وراضية. ده لانها لسة علي البر ومتحمسة لطفل. وانت استغليت ده. لكن اول ما تفوق هتفوق علي كابوس جوازك من غيرها عيلة صغيرة حلوة وتاخد قلبك وعقلك. هتتوجع وتعرف انها ماكنش المفروض ابدااااا. توافق ان ست تانية تشاركها فيك. قولي انت انا اعمل ايه وقتها. ده انا مابتحملش اشوف دمعة واحدة منها ازاي هقدر اشوفها بتتوجع وتتعذب قصاد عنيا.
مروان بحزن نزل ايد رعد بهدوء: طيب قولي انت لو مكاني هتعمل ايه. لو في يوم حبيت واحدة غير همس هتعمل ايه.
رعد بقوته وجبروته المعتاد: هخلع قلبه واعصره بين ايديها علشان قدر يحب ويعشق غيرها. اللي حب حب خلاص. مافيش شئ في الكون ممكن يخليه ينسي حبه. عدي لحد النهاردة محتفظ بحب حلا في قلبه وبين ضلوعه. ماقدرش ينساها. وانت ريما عايشة ماماتتش. بتتفس في حياتك. وانت بكل قسوة عايز تكتم انفاسها عارف ليه. علشان انا متأكد ان انت النفس بالنسبة لريما.
مروان قعد بتعب ومسك راسه بين ايديه وبحيرة: طيب اعمل ايه. اوجع مين اكسر قلب مين. چنا دلوقتي بتفاتح اكمل وتسنيم في جوازنا. وريما منتظرة ردها علي احر من الجمر. وانا بتقطع مابين الاتنين. انا تعبت مش قادر اتحمل.
رعد قعد هو كمان حزين ومحتار.
الباب خبط ودخلت ريما رعد بص لمروان بغضب ورجع بصلها. خايف تكون سمعت اللي اتقال.
رعد قام وقرب منها بحنان: حبيبتي انتي جيتي امتي.
ريما ابتسمت: انا لما لقيت مروان اتأخر قولت اجي اشوف ايه اللي حصل. وبتردد
هههههو. ههو مروان فاتحك في الموضوع.
رعد بصلها بحزن وشفقة وغمض عنيه بقوة بيحاول يلجم غضبه وثورته اللي ممكن تفتك بمروان وتقطعة اجزاء من كتر غضبه منه. قلبه واجعه علي اخته الوحيدة. ازاي برغم حبها لمروان قدرت تتنازل عنه لغيرها. ماحدش حاسس بوجعها والجرح اللي بينزف جواها غير رعد. فتح عنيه وبص في عنيها بحنان وشاف الم وقهرة وزل وانكسار. ماحدش يقدر يفهمهم غيره. ضم وشها بين ايديه.
رعد بحزن: ايوة قالي كل حاجة. انتي حقيقي موافقة ان مروان يتجوز چنا علشان يخلف.
ريما ابتسمت بوجع بتحاول تداري كسرة قلبها: ااا. ااايوة موافقة. ددددده انا اللي مختارها. چنا بنت ناس ومتربية وانا حبيتها وكمان هي موافقة تحمل وتولد وتديني البيبي.
رعد بص لمروان بعتاب ولوم. ومروان بص بعيد مش متحمل نظرات العتاب دي. ورجع رعد بص لريما. بقي محتار يرفض ويمنع الجوازة دي. وهي خلاص هيأت نفسها ليها. خصوصا انها مش لاقية واحدة بمواصفات چنا وتوافق انها تديها حتة منها.
ريما شايفة ملامح العصبية والحيرة علي وش رعد. قلقت.
ريما بقلق: مالك يا ابيه فيه ايه.
رعد اتنهد بحيرة: انتي عارفة معني طلبك ده ايه. مروان هيخلف من چنا طبيعي زي اي زوج وزوجة. مش عن طريق للعملية. عارفة انا اقصد ايه. هتتحملي! هتقدري؟!
ريما بكت بقلة حيلة: اايوة عارفة. ببس مافيش حل تاني.
رعد بقوة: لا فيه. مروان يوافق يتبني طفل او يروح اي مركز خصوبة في العالم ويخلف طفل وينتهي الموضوع. مش لازم جواز.
مروان بغضب: انا مش عايز عيال ولا عايز اخلف ولا عايز اتجوز. هو مروان ده ايه لعبة في ايديكم. انت واختك هتمشوني علي مزاجكم. اهلف واتبني. انت مين بيقدر يمشي كلامه عليك او يجبرك علي اي حاجة. اييه الجبروت ده.
رعد اندفع ناحيته بغضب وشراسة و بقوة ضربه لكمة قوية رجعت مروان خطوات لورا.
رعد: ما تنساش نفسك ولا تنسي ان انا اللي عملتك. وانا اللي خليتك تبقي علي حالك النهاردة. خصوصا لما جوزتك اختي وحته مني. فووق وارجع لعقلك.
مروان بغضب جز علي سنانه: لولا اني عامل حساب للعشرة اللي بينا وفرق السن بيني وبينك ولمعزتك عندي ومقدر اللي انت فيه. انا كنت رديتلك الضربة عشرة.
رعد قرب منه بتحدي: لا ماتعملش اي حسابات. ووريني تقدر تعمل ايه.
ريما بصريخ ودموع وقفت بينهم وبعدتهم عن بعض: بااااس باااس. اييه. انتم علي اخر الزمن هتقفوا قصاد بعض بسببي. رعد انا اللي طلبت من مروان يتجوز. اانا اللي عايزة طفل مش هو. والله لو فضلتم تعملوا كدة. انا هسافر وابعد عنكم كلكم وماحدش هيقدر يوصلي.
رعد بيحاول يهدي علشان ريما اتنفس بقوة وهو بيمنع غضب كبيير جواه.
رعد لاخر مرة هسألك: انتي فكرتي كويس لو عايزة تتراجعي انا جنبك ومافيش مخلوق ممكن ياخد جوزك منط طول ما انا عايش. وبص لمروان بقوة وتحدي. وهو فعلا قد كلامه.
ريما بصت لمروان وبلعت ريقها بحزن: ايوة موافقة. وعايزة كمان منك خدمة لو انا غالية عندك.
رعد بحنان قربها من حضنه: غالية! انتي بنتي يا ريما مش مجرد اخت. اؤمريني حبيبتي.
ريما برجاء: تطلب چنا من أكمل. اكيد لو انت اتدخلت اكمل عمره ماهيقدر يرفض. ارجوك لو بتحبني خلصلي الجوازة دي بسرعة من فضلك.
رعد بحزن ضمها لحضنه بقوة وهو جواه بيتالم. بتترجيني علي ايه. عايزاني ابقي انا اللي بقدملك السكينة اللي هتدبحي بيها نفسك. انا اللي عمل فيكي كدة. اااااه يا ريما قلبه موجوع عليكي لاقادر اصدمك واقولك الحقيقة ولا قلبي مطاوعني ارفض واسيبك كدة عايشة بعذابك.
رعد هرجها من حضنه وبص في عنيها: حاضر يا حبيبتي حاضر.
ريما بفرحة مسحت دموعها: بجد هتتدخل.
رعد غمض عنيه بألم واتنهد: ايوة هعملك اللي انتي عاوزاه. المهم تكوني مبسوطة.
ريما: ربنا يخليك ليا ومايحرمنيش منك ابدااا.
رعد ابتسم: ولا يحرمني من ضحكتك اللي بتنور وشك دي.
في مطعم شعير تمارا قاعدة مع شهاب بتاكل. تمارا بتاكل بحماس لجوعها. وشهاب مااكلش الا شئ بسيط وشكله متغير ساب الاكل وبدأ يشرب سجاير بشكل مستفز.
تمارا سابت الاكل وبقلق: مالك حبيبي ليه مش بتاكل. وانت من امتي بتشرب سجاير اصلا!
شهاب بصلها بغموض: انتي لسة في حاجات كتيير ماتعرفيهاش عني. بكرة لما تقربي مني اكتر هتعرفيني اكتر.
تمارا رفعت حاجبها بإستغراب: احنا قضينا مع بعض فترة مش قليلة عمري ما شوفتك بتشرب. ازاي لو انت بتشرب بالشكل والحرفية دي قدرت تمنع نفسك طول الفترة دي!
شهاب بسخرية: هههههه. ظابط شاطر بقي تقولي ايه. بعرف اتحكم في نفسي لاقصي درجة ممكن تتخيلها.
تمارا: امممم. شكلك وراك بلاوي لسة هعرفها.
شهاب قرب منها وبص في عنيها: انا عملك مفاجأة هتعجبك اوي.
تمارا ابتسمت: مفاجأت ايه!
شهاب: خلصي اكلك وانا هقولك.
تمارا: انا خلاص خلصت اكلي. قول بقي.
شهاب رجع ظهره للكرسي وبمكر: هاخدك تشوفي شقتك. مملكتك اللي وعدتك بيها.
تمارا: امممم. انت مصمم بقي.
شهاب بجدية: انتي خايفة مني ولا ايه!
تمارا ابتسمت بثقة: انا مستحيل اخاف منك. شهاب احنا عشنا شهور لوحدنا في بيت واحد. لا كمان في اوضة واحدة لما كنا في بيت مهدي
وعمرك ما فكرت تستغل ده. هخاف منك دلوقتي بعد مابقيت خطيبتك. وبعدين انت شهاب الحديدي. ارجل انسان شافته عنيا.
شهاب بلع ريقه بغيظ: طيب ياللا بينا.
تمارا قامت معاه وركبوا العربية ووصله عند عمارة في حي راقي جدااا علي النيل. طلعوا فوق. شهاب فتح باب الشقة ودخل وبخبث.
شهاب: اتفضلي نورتي بيتي.
تمارا دخلت مبتسمة وبدأت تتفرج وعجبها زوق الشقة رقيق وبسيط. بس فجأة ابتسامتها راحت لما شافت صور لواحدة في كل مكان صور علي الحيطان وفي تابلوهات مرسومة. كمان براويز صغيرة وفيها صور ليها مع شهاب صور كلها حميمية وحب. وقفت قصاد صورة كبيرة بتجمعها مع شهاب وعنيهم في عنين بعض نظرتهم لبعض كلها حب ولهفة واشتياق. حاست بغصة في قلبها وبحزن. وهي عارفة الاجابة قبل ما تسأل ببديهية شديدة بس حابت تتأكد.
تمارا: مين دي؟!
شهاب بثقة ابتسم بغرور وحط ايده في جيب.
ومشي خطوات واثقة ناحية الصورة وبصلها: دي حبيبتي.
تمارا بغيظ: ملك!
شهاب بسخرية: وهي فيه غيرها حبيبتي. مش انا حكتلك.
تمارا بعصبية: تقصد اللي كانت حبيبتك خالي بالك من كلامك.
شهاب ابتسم بتحدي: كانت ومازالت وهتقضل طول عمرها حبيبتي. ملك دي الماضي والحاضر والمستقبل.
تمارا دمعت بوجع حاست ان روحها بتروح منها في لحظة: طيب وانا! انا ايه لما هي الحاضر والمستقبل؟
شهاب بقوة وغضب: انتي مجرد وسيلة كانت بتقربني من ابوكي علشان احرق قلبه واوجعه. وادوقه مرارة الفراق.
تمارا بدموع وهي مش مستوعبة: ااانت بتقول ايه! اانا مش فاهمة حاجة.
شهاب بملامح غاضبة ومخيفة: اوعي تتخيلي ان اول لقاء بيني وبينك كان صدفة. تؤتؤ. ده كان مترتب والشباب دي انا اللي خلتهم يكونوا موجودين في الوقت ده. خناقتنا كانت مرسومة بالملي. انتي كنتي هدفي من البداية.
تمارا بعصبية: لييبه عملت كدة ليه!
شهاب: علشان كان لازم انتقم منه لانه كان السبب في موت اغلي انسانة علي قلبي.
تمارا بإستغراب: انت بتقول ايه!
شهاب مش انتي عايزة تعرفي ايه اللي بيني وبين ابوكي. انا هقولك. هعرفك حقيقة الراجل اللي كان عايز يعمل علاقة مع عيلة في سن بناته.
تمارا بصدمة: كداااب انت بتخرف بتقول ايه!
هفهمك. انا وملك حبينا بعض واتفقنا علي الجواز والشقة دي كانت هتبقي شقتنا. اختارت كل حاجة فيها كل حاجة جبناها سوا. بس فجأة لقيتها بتتغير وبتقرب من اللواء مهاب. وفي يوم
فللاااااش باااك.
في مكتب مهاب عز الدين.
ملك مع مهاب.
مهاب: هههههههههه. يخرب عقلك. انتي بتجيبي الكلام ده منين.
ملك: هههههههه. اهو حاجة كدة علي قدي يا سيادة اللواء. المهم ان كلامي بيعجبك
مهاب بصلها بإعجاب لشئ جواه هي ماتعرفوش: انتي كل حاجة فيكي بتعجبني. تعرفي انتي فيكي شبه كبيير من واحدة كنت اعرفها زمان.
ملك ابتسمت وقربت منه: بجد. ودي تبقي مين واحدة كنت بتعرفها علي المدام.
مهاب بثقة: انا عمري ماعرفت حد علي نغم. انا حبيتها وعمري ماحبيت غيرها. ببس دي كانت انسانة عرفتها قبل ما اتجوز نغم اصلا.
ملك قربت منه اكتر: وكانت حلوة زي كدة.
مهاب بيحقق في ملامحها: كل حاجة فيكي تشبها حتى صوتك. وابتسم بس انتي شقية عنها هي كانت هادية وناعمة.
ملك بغموض: كان اسمها ايه!
مهاب: وهيفرق معاكي؟
ملك: جدااااا. ارجوك قولي اسمها كان ايه.
مهاب اتنهد: چيرمين.
ملك بلعت ريقها بألم: حبيتها.
مهاب بعصبية: ملك ماتنسيش نفسك. انا كون بقربك مني ده مش معناه انك تتجوزي حدودك. وتسالي اسألة ما تخصكيش.
ملك بحزن واحراج بصت في الارض: ااسفة. مش هتتكرر تاني. يظهر فعلا اني تجازت معاك. عن اذنك.
مهاب اتأنب وقرب منها ولفها ليه واتنهد: ملك انتي زي بناتي وبعزك جدااا. ياريت ماتزعليش مني.
ملك بصت في عنيه وقربت منه اكتر وحطت ايديها علي صدره برقة.
ملك: بس انا عمري ماحسيت اني زي بنتك. انت عندي حاجة تانية.
شهاب خبط ودخل لمهاب ماكنش يعرف ان ملك عنده. وانصدم لما شافها معاه في الوضع ده. غضب واتعصب.
مهاب بعد عن ملك وبص لشهاب بعصبية: انت بتهرج. ازاي تدخل كدة من غير ما اسماحلك.
شهاب بصله بغل: طول عمرنا بنخبط وندخل يا سيادة اللواء. ايه اللي جد. وعموما اسف لاني دخلت في وقت مش مناسب. وبصلهم بحقارة وخرج.
مهاب اتعصب من الموقف اللي حطته فيه ملك وبعصبية: علي مكتبك.
ملك: اانا ببس عايزة اقولك.
مهاب خبط المكتب بقوة: قولت علي مكتبك. ياللا.
خرجت ملك ودخلت لشهاب اللي كان رايح جاي زي الاسد الغضبان.
ملك بحزن: ششهاب ارجوك افهم.
شهاب شدها بعنف: افهم ايه. هاه. انا تخنيني ومع مين مع راجل قد ابوكي. انتي احقر واحدة شوفتها في حياتي.
ملك بدموع: ارجوك ماتظلمتيش. انت فاهم غلط.
شهاب بغضب وصوت عالي: فاهم ايه وغلط ايه فاهميني انتي الصح.
ملك قعدت يدموع: انا مش بكره في حياتي حد قد مهاب عز الدين كل اللي نفسي فيه اني انتقم منه واقتله بإيدي.
شهاب بصدمة: ايه ازاي مش فاهم. اتكلمي في ايه بينكم.
ملك اتنهدت: امي اسمعا چيرمين. زمااان كانت بتحب مهاب ووثقت فيه تخيلت انه حبها وهو ضحك عليها. سلمته نفسها بكل رضي. بعدها سابها زيها زي اي ريكلام عرفها وقضي معاها وقت وسابها. بعدها اتعرفت علي واحد صاحبه اسمه زياد الكومي ده يبقي ابويا.
شهاب بدهشة: بس ده مش اسمك. انتي ملك الجارحي.
ملك اتنهدت وكملت: زياد عرف اللي بين امي ومهاب هددها واجبرها تعمل معاه علاقة وتفضل معاه. بعد فترة مهاب عمل خدعة في زياد وبلغ عنه. زياد خرج من الخدمة واتحاكم. وامي سافرت امريكا وقتها كانت حامل فيا. وزياد ماكنش يعرف. سافرت وبعدت عن الاتنين. اقذر واحقر اتنين عرفتهم في حياتي. الاتنين حاولوها من بنت رقيقة حبت بصدق حتى لو غلطت لمجرد واحدة بتشبع عرائزهم القذرة. حاولوها لبنت ليل كل واحد اخد منها اللي قدر عليه ورماها. كرهي لمهاب مايقلش عن كرهي لزياد.
امي سافرت واتعرفت هناك علي هاشم الجارحي. رجل اعمال انسان محترم حبها ووثقت فيه وحاكتله كل حاجة. كنت انا خلاص اتولدت. وقتها هاشم كتبني علي اسمه. امي كانت بتكتب مذكراتها وكتبت كل اللي حصلها من مهاب وزياد. وبكت ملك بحرقة. اللي قهرني ووجعني انها برغم اللي عمله فيها مهاب الا انها لحد مماتت كانت بتحبه وملتمساله الاعذار. وشايفة انه احسن واحد عرفته. امي جالها كانسر وانا عندي 10 سنين. فضلت تحارب فيه 5 سنين وماتت. وقتها انا لقيت مذاكرتها قرأتها. وعهدت نفسي لازم انتقم من الاتنين خصوصا مهاب. طلبت من هاشم ينزلني مصر. واكمل دراستي هنا. وفعلا عمل كدة. وكملت ودخلت الاكادمية.
شهاب بغيظ من اللي بتحكيه: وازي دخلتي شرطة وانتي معاكي جنسية امريكية.
ملك بقوة: اتنازلت عنها. كان كل همي اوصل لمهاب.
شهاب: وانتي بقي بتقربي منه علشان يحبك وتعملي معاه زي ماعمل مع امك.
ملك بغل وغضب: مش بس كدة. انا هدفي افضحه واخرجه من الدخلية بفضيحة واضيع عيلته زي ما امي ضاعت مني. وبعد ما اشفي غليلي منه اقتله.
شهاب قرب منها بحنان: بس مهاب حويط مش سهل تخدعيه. بس انا جنبك ومعاكي وساعدك لحد ما تخدي بطار امك.
ملك حضنته: انا بحبك انت. وعمري ماحبيت غيرك. ارجوك اوعي تسيبني.
شهاب ضمها بقوة: عمري ماهسيبك. انا جنبك.
في مكتب مهاب عز الدين.
مهاب بشك: سامح انا عايز اعرف كل حاجة عن ملك من يوم ما اتولدت.
سامح بقلق: مالك في ايه. هي عملت ايه.
مهاب: الشبه اللي بينها وبين چيرمين مش مطمني.
سامح: مش فاهم شاكك في ايه. چيرمين اختفت من سنين ماحدش يعرف عنها حاجة. خصوصا بعد موت ابوها. كمان اسم امها مالوش علاقة بچيرمين
مهاب: مش عارف بس انا لازم اتأكد. قلبي بيقولي في حاجة غلط.
مر وقت كبيير ومهاب عرف فيه كل حاجة عن ملك واصلها وانها بنت چيرمين وانها غيرت اسم امها في اوراقها علشان مهاب مايعرفهاش. وعرف ان شهاب بيساعدها علشان تنتقم منه.
ملك كانت مع شهاب في مكتبه. مهاب دخلهم.
مهاب بسخرية: اهلا اهلا. ايه ياتري بتخططوا لايه. اممم. مشكلتكم انكم اغبيا ومش عارفين مين هو مهاب عز الدين.
شهاب بص لملك: وانت لازم تعرف انك لازم تدفع ثمن اللي عملته في حياتك.
مهاب بثقة: انا عمري ما اذيت حد. الا اللي يستاهل الاذي.
ملك بغل: وامي كانت تستاهل الاذي.
مهاب: امك سلمتني نفسها برضتها انا ما اجبرتهاش.
ملك بغضب: بس حبتك وثقت فيك.
مهاب: اخر كلام عندي انتي وهو تبعدوا عن طريقي واي خطوة ممكن تاخدها ناحيتي هنسفكم فاهمين.
خرج مهاب وبدأت الحرب بين مهاب وبين شهاب وملك. لحد يوم العملية. كلك كانت تعبانة وشهاب طلب انها تستبعد من العملية. بس مهاب رفض. وعلشان دي كانت عملية كبيرة جداااا مهاب نزل بنفسه معاهم. كان مابين العناصر رائد قريب من مهاب جدااا بيكره شهاب بشكل كبيير. ونفسه يخلص منه اسمه خالد. خالد شايف ملك طول الوقت عنيها علي مهاب واكنها بتنتهز الفرصة علشان تقتله. بس خالد كان همه الاكبر شهاب عايز يخلص منه. خالد استغل الضرب بينهم وبين تجار السلاح. ونشن ناحية شهاب. شهاب ماكنش مركز مع اي حد غير ملك. خايف عليها. ملك شافت خالد ينشن علي شهاب جريت بسرعة وحضنته واخدت هي الضرب بداله. شهاب حضنها بصدمة. ملك شاورتله علي خالد وشهاب بكل غضب وغل ضربه بالرصاص. وساب ملك وراحله.
شهاب: ليه عملت كدة لييه.
خالد: اللواء مهاب هو اللي امرني اقتلها.
شهاب بغيظ اكبر ضربه تاني وقتله. ورجع لملك وماتت بين ايديه.
ومن وقتها اقسم ينتقم من مهاب.
باااااك
شهاب بغضب: هاه عرفتي انا بكره ابوكي ليه. وانتي كنتي مجرد اداه للانتقام.
تمارا بوجع وجرح. وصدمة. صدمة في ابوها اللي شهاب صورلها انه شطان مع انه مظلوم وما امرش خالد بحاجة. ومصدومة في حبيبها اللي حبه طلع وهم وكذب وانتقام.
تمارا ضحكت بهستيرية وجع ومرار.
شهاب بغيظ: بتضحكي علي ايه.
تمارا وقفت ضحك وبصتله بتحدي: اصلي ما تخيلتش اننا شطار في التمثيل بالشكل ده.
شهاب بعصبية: تقصدي ايه!
تمارا بغل: زي ما انت مثلت عليا الحب علشان تنتقم. انا كمان مثلت عليك الحب علشان رهان حقير وتافه زيك. انت عندي ما تسواش غير شاليه في الساحل.
شهاب بغضب: انتي بتقولي ايه.
تمارا بسخرية: اسأل مايا علي رهاني معاها عليك. انت كنت تحدي مش اكتر.
شهاب بغل وغضب ضربها قلم بقوة: حقققيرة.