قصص و روايات - قصص رومانسية :

رواية عشق بلا قيود للكاتبة إيمان ضانا الفصل السادس والعشرون

رواية عشق بلا قيود للكاتبة إيمان ضانا

رواية عشق بلا قيود للكاتبة إيمان ضانا الفصل السادس والعشرون

سليم جة يمشى شاف امير
سليم: امييييير
امير: نعم يا بابا جاى تكمل تهزيق فيا تانى
سليم: اتكلم مع ابوك عدل ... انت مش قولت هتمشى ومحدش هيعرف مكانك
امير: ايوة ولما عرفت باللى حصل للوجين قررت اجى اشوفها واطمن عليها فيها حاجة دى
سليم: اظاهر ان الكلام معاك باداب مبيجبش نتيجة معاك ... بكرة هتكون كتب كتابك ع شيماء يا امير ولازم تيجى
امير: براحتك والله دى حاجة ترجعلك بس ابقى قابلنى لو جيت اصلا

سليم: هتيجى يا امير وهنشوف
امير: انت ايه اللى مخليك واثق كدة
سليم: بص انا ممكن اعاملك كراجل واستنى عليك يومين لكن بعد يومين ولو مرجعتش البيت وكتبت كتابك ع شيماء انا هتبرى منك ليوم الدين
امير: ولا يومين ولا عشرة سلام
سليم فى نفسة: اااااه يا امير انا مش عارف اللى حصلك اتغيرت اوى

فى اوضة ريان
دخلت اسما وقعدت ع الكرسى وفضلت باصة عليه وبتعبط
اسما بدموع: انا مش عارفة انا بعمل كدة ليه بس يمكن عشان انت كنت شهم وجدع ولا عشان انت عجبتنى اوى ولا عشان انا مجربتش حد يخاف عليه بالشكل دة ولا عشان ... حبيتك ... لازم تفوق يا ريان عشان لوجين مش عشانى لوجين اكيد محتجالك اوى الفترة اللى جاية دى لوجين بتحبك يا ريان بس انت عملت حاجة وحشة ف حقها ... الله واعلم اذا كنت مظلوم ولا كداب ... بس مع كل دة انا حبيتك كدة يمكن انا حاسة انى بحبك وممكن يكون احساسى دة انى كان نفسى يبقى عندى اخ زيك ... لوجين دى محظوظة بيك ... ويابخت مامتك بيك
ومسكت ايدة وطبطبت عليها بالراحة
دخل امير فى الوقت دة
امير مخدش باله انا كانت ماسكة ايدة بس اسما شالتها بسرعة
امير بغضب: انت اييه اللى مقعدك هنا خطيبك بيسأل عليكى وانت هنا ؟
اسما: انا كنت بطمن ع ريان وطالعة اهو
امير: اطلعى ومتدخليش هنا تانى !
اسما: حاضر

وخرجت اسما من غير اى كلمة تانية
دخل امير وقفل الباب وراه وتقدم خطويتين للسرير وبص عليه اللى كان منظرة بشع بطريقة فظيعة ودمها اللى مالي قميصة وشكل وشة اللى باين علية الشحب والتعب والارهاق حس امير بالاشفاق ع صحبة المريض وقعد ع الكرسى اللى جمب السرير
امير: بالرغم انى زعلان منك جدا بس انا بحبك يا اخويا ... كان دايما كلامك بيطلع صح ودايما تصرفاتك كانت من حد عاقل وانا كنت طايش بعمل اللى ف دماغى وبس ... بس انت فعلا تستاهل لوجين انا كنت غبى لما مفكرتش ولا مرة ف حبها وانا ضيعتها من ايدى ... بس انت شهم وجدع وتستاهلها اكتر منى عشان كدة يا صحبى لازم تقوم بالسلامة عشان فرحكم وانا اللى هشهد ع جوازكم هبقى الشاهد الاول
ونزلت دمعة من عيونة: بس انت تقوم بس

اسلام: انت يا هانم عمال ادور عليكى كنتى فين ؟
اسما ببرود: ملكش دعوة
اسلام: يعنى ايه مليش دعوة هو انا مش خطيبك ؟
اسما: كنت !
اسلام: يعنى ايه كنت ؟
اسما: يعنى كنت خطيبى انما دلوقتى انت ولا حاجة بالنسبالى
اسلام: اسما ممكن اكون كترت فى الكلام معاكى بس انا مقصدش اى حاجة والله
اسما: صدقنى وفر كلامك لانك بتتعب نفسك ع الفاضى !
اسلام: طب خدى بس البسى دبلتك
اسما: لا مش هلبسها تانى ابدا
اسلام: اعقلى يا اسما عشان خاطرى
اسما: انا عاقله ولا تكونش شايفنى بشد ف شعرى ؟!
اسلام: لا ياستى انت اعقل واحدة ف العالم ... بصى تعالى اوصلك بيتك وبكرة نتفاهم
اسما: انا هروح لوحدى
اسلام: باباكى موصينى اروحك بنفسى
اسما: وانا قولت هروح لوحدى
اسلام: بس انا مقدرش اكسر كلام حمايا
اسما: هه حماك دة كان زمان ... لكن متخفش انا هفهمة انك وصلتنى اذا كنت خايف ع شكلك قدامة عن اذنك
ومشيت اسما ولتانى مرة اسلام مصدوم

سوزان: انا عايزة ادخل للوجين
ادهم: ايوة بس الدكتور اكيد مش هيوافق
سوزان: حتى لو 5 دقايق بس
ادهم: خليها تستريح يا سوزان هى اكيد تعبانة ومتخدرة دلوقتى انا هروح اشوف ريان واتطمن عليه !
سوزان: خدنى معاك طيب
ادهم: تعالى !
وصلوا لغرفة ريان وهنا كان امير بيقفل الباب بعد طلوعة من الاوضة
ادهم: امير هو فايق ؟
امير: لا ريان شكله تعبان اوى الدكتور ركبله محاليل كتير فى جسمة كله
سوزان: انا هدخل اشوفة واطلع
فتح امير الباب لها ودخلت سوزان واول ما شافتة صوتت من منظرة ورجعت لوراه
ادهم: فيى ايه ؟
سوزان بدموع: بص شكله عامل ازاى ايه الدم دة ؟
امير: اعتقد كان معاها ساعت الحادثة وشالها وجابها ع هنا ودة دمها
ادهم: ربنا يشفية يارب ويشفى لوجين
الممرضة كانت معدية بالصدفة وشافتهم
الممرضة: يا استاذة اللى بتعملوة دة غلط الاستاذ تعبان سيبوة يستريح لو سمحت
امير: طب متعرفيش حالتة ايه ؟
الممرضة: دة ارهاق زايد مع صدمة نفسية بس هو اكيد منع الاكل بقاله فترة
سوزان: وهيفوق امتى ؟
الممرضة: بصراحة معرفش بس مش هيطول اكتر من بكرة
ادهم: تمام انا متشكر يا عن اذنك
قفلت الممرضة الباب وطلعت
امير: انا هتصل باخوة عمرو لازم يكون عارف
ادهم: ماشى يا امير
اتصل امير بعمرو اقاله ع اللى حصل واداله عنوان المستشفى
بعد دقايق وصل عمرو لوحدة من غير اى حد
(اظاهر مقلش لحد ع اللى حصله )
وطلب يدخله 5 دقايق بس والدكتور وافق
بعد دخوله الاوضة

عمر: ايه اللى حصلك بس كل دة بسبب لوجين انا عارف كويس ياريتنى ماكنت كلمتك كدة قبل ما تمشى يارتنكى ما كنت سبتك تمشى وانت ف الحاله دى
ريان بيفوق ببطئ وبيحرك راسة شمال ويمين ومغمض عينة وعمال ينادى ع !
ريان: لوجين لوجين لوجين لوجين
عمرو فرح اوى وجرى ينادى الدكتور
عمرو: يا دكتور ريان فاق
الدكتور جة: ريان انت شايفنى
ريان: لوجين لوجين
عمرو: هو عمال يقول لوجين لوجين بس
الدكتور: متقلقش هو بخير ... ريان قولى انت سامعنى
ريان: اااه اااه
الدكتور: فتح عنيك
ريان بدا يفتح عينة ببطئ
الدكتور: شايفنى كويس
ريان هز دماغة بأه
فرح عمرو اوى
عمرو: ريان الف سلامة عليك
ريان: انا انا فيين ؟
الدكتور: متقلقش انت فقدت الوعى بسبب قله اكلك
ريان: لوجين عامله ايه انا عايز اشوفها ؟
الدكتور بابتسامة: واضح انك بتحبها اوى ... ع العموم هى تمام الحمدلله وان شاء الله ع بكرة تكون فاقت يلا يا بطل ورينا نفسك وقوم بالسلامة
عمرو: متشكر يا دكتور
الدكتور: لا شكر ع واجب
عمرو: ينفع اخدة ع البيت انهاردة ؟
الدكتور: ايوة ينفع بس من الافضل سيبة لغاية بكرة بس
عمرو: معلش يا دكتور انا هاخدة البيت وهاخد بالى منة
الدكتور: براحتك انا هكتبلك اذن خروج وهبعتلك الممرضة تساعدك عن اذنك
عمرو: اتفضل يا دكتور

تانى يوم
اسلام منمش طول الليل وعمال يفكر ف المشكله اللى وقع فيها وبيفكر ازاى يصالح اسما
دخلت عليه سميحة
سميحة: يا اسلام رود ع موبايلك دة عمال يتصل من امبارح ومش ساكت ؟
اسلام: حاضر يا تيتة
اسلام: الووو مين معايا ؟
المتصل: الو اسلام معايا
اسلام: ايوة انا
المتصل: انا سمعت صوتك وعاجبنى اوى واضح ان عندك احساس عالى
اسلام: ربنا يخليك انت مين بقا ؟
المتصل: انا حازم جلال تسمع عنى ؟
اسلام: اية استاذ حازم جلال بيتصل بيا انا مخصوص
حازم: ههههه شوفت بقا دة عشان جمال صوتك
اسلام: انا متشكر اوى يا فندم دة حضرتك اشهر من نار ع العلم
حازم: هههه متشكر يا اسلام انا سمعت انك عايز تبقى مطرب ايه رايك تقابلنا ف لجنة التحكيم
وتسمعنا صوتك الجميل
اسلام: ازاى انا موافقش اناجاى يا فندم اكيد
حازم: وانا واثق انى هطلع منك حاجة ... لجنة التحكيم بكرة الساعة 7
اسلام: ماشى يا فندم
وقفل المكالمة
اسلام: يااااااا تيتيةةةةةةةةةةة
سميحة: ايه يااسلام خضتنى
اسلام: يا تيتة افرحى انا هبقى مغنى مشهوررررررررر
سميحة: بجددددد لولولوى
اسلام: ههههههههههههه

عند ريان
ريان بتعب: كفاية بقا يا ماما تعبت !
نيرفين: اخر معلقة يا رينو
ريان: كل مرة تقولى اخر معلقة
نيرفين: معلش خلاص والله انت محتاج غذا
ريان بص يمينة لقى عمرو واقف بيضحك علية
ريان: بتضحك ع ايه يا بنى
عمرو: ع منظرك عامل زى الطفل الصغير وامة بتاكله ههههه
ريان: ماشى يا عمرو افوقلك بس من اللى انا فيه وهوريك
عمرو: يارب ياخى تقوم بالسلامة ساعتها اعمل فيا اللى انت عاوزة
ريان: بقولك يا عمرو عايز اروح للوجين
عمرو وشة قلب: تانى تااانى يا ريان احنا مش هنخلص من ام السيرة دى بقا
نيرفين: يا حبيبى هو عندة حق مينفعش يا ريان كدة
ريان: روحى انت يا ماما معلش عايز اتكلم معاه لوحدنا
نيرفين: ماشى يا ريان بتوزعنا
عمرو: يابنى افهم هى لو بتحبك مش هتعمل كل دة
ريان: انت مش فاهم حاجة لوجين حصلها كل دة بسببى انا
عمرو: ايه وانت مالك بالحداثة
ريان: شافتنى وانا نازل من عند ديما
عمرو: وانت ايه اللى طلعك عند ديما
ريان: هحكيلك من الاول
نسيبة هو يحكى ونروح للوجين

الفصل التالي
جميع الفصول
روايات الكاتب
روايات مشابهة