قصة شباب طفلة بقلم إسراء محمود
من الفصل الحادي عشر إلى الفصل الخامس عشر
الفصل الحادى عشر
تدخل سلوى الحمام تغسل وشها . وتحس بحاجه مش مظبوطه فيها تبص لتحت وتلاقى دم كتير على الارض تصوت ويغمى عليها
للاسف سلوى تخسر ابنها من قبل ما تشوفه بسبب النزيف اللى حصلها
تدخل سلوى فى مرحله لا تحسد عليها من الحزن والاكتئات الشديد،وعماد على قد ما كان حزين عل قد ما كان بيحاول يخرج سلوى من اللى هى فيه
حصل مشاكل بين عماد واسرته بسبب اللى حصل .فقرر عماد بيعد عن اللى حصل وياخد سلوى ويسافر عشان ترتاح شويه وتنسى اللى حصل.
بعد حوالى سنه ونص . تنجب سلوى اوى طفل ليها وتسميه محمد
عماد: حمدلا على سلامتك يا حبيبتى
سلوى: الله يسلمك يا عماد
عماد: بصى ولد زى القمر شبهك هتسميه ايه بقى
سلوى: محمد
عماد: الله اسم حلو اوى محمد عماد سليم
هههههه حلو
ثريه: الف الف حمدلا على السلامه يا قلب ماما
سلوى: الله يسلمك يا ماما
...
فى البيت عند ملك ومريم
ملك: ها عرفتى بنت ولا ولد
مريم:مش لما نطمن عليها الاول يا بت انتى
ملك: طب يعنى بنت ولا ولد
مريم بنرفزه بسيطه: ولد اخرسى بقى
ملك بطفوله: اهو سكت
بعدها بفتره ملك دخلت المدرسه بقت فى سنه اولى ابتدائى،كانت بنوته شطوره وهاديه ملهاش دعوه بحد
...
فى الاجازه
تم خطبه مريم واحمد بعد قصه حب طويله من غير ما حد يصارح التانى بمشاعره كانت عباره عن نظرات وابتسامات فقط
... ...
تعدى السنين بسرعه اوى وملك يبقى عندها 12 سنه وتنقل هى واهلها فى بيتهم الجديد وتسيب صحابها اللى كانت بتلعب معاهم فى الشارع وهى كانت زعلانه اوى من الموضوع دا
اما سلوى يبقى عندها محمد و تقى،اما مريم واحمد يتجوزوا يبقى عندهم ادم
...
ملك: بابا هو احنا ليه سبنا بيتنا القديم انا مش عايزه اسيب صحابى
سامى(الاب): عشان دا احسن يا حبيبتى واكبر
ملك: لا التاتى كان احلى
ثريه(الام): خلاص بقى يا ملك متزهقيش بابا
ملك بحزن: حاضر
سامى:طه
طه: نعم يا والدى
سامى: دى الاوضه بتاعتك دخل حجاتك فيها يلا
طه: اشطا
سامى: ايه بتقول ايه يا ولد
طه: قصدى حاضر
سامى بحنيه: ودى بقى اجمل اوضه فى البيت كلو عشان ملك القمر
ملك: ابتسمت .شكرا يا بابا
تدخل ملك الاوضه بتاعتعا الجديده
ثريه لسامى: انا مش عارفه بس هتفضل تدلعها كدا لحد امتى
يامى: لا اله الا الله مالك بس يا ام سلوى
ثريه بحنق: مفيش
الفصل الثانى عشر
بمرور الوقت ملك زيها زى اى شخص فى الدنيا الفطره والطبيعه اللى فيها بتختفى ويبدا يظهر فيها صفاتها سواء كانت حلوه او وحشه.. فاحنا هنتكلم شويه عن طبيعت ملك وصفحتها
هى كانت من النوع الهادى اوى مش بتحب الصوت العالى لانو بيعصبها ويخليها تتنرفز،مش بتعرف تتكلم مع حد غريب، من النوع اللى بيفهم اللى قدمها كويس اوى،بتحب تساعد اى حد،وبتزعل من اقل حاجه وممكن تعيط وبتفرح جدا لما جد يقولها حاجه حلوه،بس بتتعصب بسرعه وفى نفس الوقت صابوره جدا متعرفش ازاى.)
نرجع تانى لقصتنا
ملك بدات تتعود على البيت الجديد وتتاقلم معاه،اما اصحابها فكانت بتشوفهم فى المدرسه بس مش ديما لانها كانت فى فصل وهما فى فصل تانى،وفى المدرسه عرفت صحاب جداد (ياسمين، نهى)
...
زى ما قولنا ملك بدات الدراسه وهى متفوقه جدا ومن التلاميذ الاوائل،لكن ديما كانت بتحس انها وحيده حتى مع اصحابها ودا كان بيزعلها اوى... كمان ملك لما مبرت بدات تحس انها فقدت الحنان من مامتها وبباها ومكنتش حاسه باي حنان منهم،كانت بعيده كل البعد عنهم اكنهم مش بباها ولا مامتها
...
عند سامى وثريه
سامى: ملك بتكبر يا ثريه
ثريه: ما انا واخده بالى والله مش عاميه
سامى:ربنا يقوينا ان احنا نجيبلها كل اللى هى عيزاه
ثريه بحنق: ومالو
...
فى مكان اخر
تحديدا (شرم الشيخ )
ساهر: ها وصلت لحاجه
المحامى بخوف: للاسف لا يا فندم
ساهر بعصيبه: يعنى اييييه 7 سنين ومعرفتش حاجه اييييييييه ماتت دى حتى لو ماتت كنا عرفنا ايبه الارض انشقت وبلعتها
المحامى:مهو
ساهر: مهو اييه بص الغشل دا مينفعش معايا يا شوكت شوف شعلك كويس احسن انت عارف انا ممكن اعمل ايه
شوكت (المحامى): ححاضر يا فندم بعد اذنك
ساهر: اتفضل
الفصل الثالث عشر
(ساهر هو شاب وسيم صاحب الوجه ذو الملامح الرجوليه الساحره والجسم مفتول العضلات والعيون الزرقاوات والشعر الاسود الناعم والطول الواضح )
يجلس ساهر على الكرسى ويمسك الهاتف الخاص به و...
ساهر: الو يا حبيبتى عامله ايه
نيره: الحمد لله يا حبيبى بخير طمنى عليك انت
ساهر: انا بخير
نيره بقلق: ها يا ساهر لقيتوها
تنهد ساهر بحزن: لا لسه
نيره بتماسك: إن شاء الله خير وهتلاقوها متخافش انت بس
ساهر: يارب يا عمتو يارب سلام عشان عندى اجتماع دلوقتى
نيره: ربنا معاك
...
فى مكان اخر
عند سوسن فى بيتها
سوسن بتعب: امال اماال
امال: نعم يا حبيبتى
سوسن: انا عايزه اشوف ملك
امال: !ملك مين
سوسن: ملك بنت ثريه
امال: اه اه،ليه خير فى حاجه
سوسن: وحشتنى ياستى عايزه اشوفها الله
امال: خلاص حاضر هتصل بثريه اخليها تبعتها
سوسن: بسرعه
امال: حاضر ارتاحى انتى بس
تخرج امال وتكلم ثريه فى التليفون
ثريه: الو
امال:الو يا ثريه اذيك
ثريه:الحمد لله اذيك واذى سوسن اخبارها ايه
امال:كويسه الحمد لله. قوليلى انتى فاضيه النهارده
ثريه:يعنى عندى شويه حجات كدا بس لو عايزه حاجه تتأجل عادى احنا عندنا كام اموله
امال:الله يخليكى . بس كنت عايزه اقولك سوسن عايزه تشوف ملك
ثريه:ليه خير فى حاجه
امال: مش عارفه بتقول انها وحشاها وعايزه تشوفها
ثريه: هى فى الدرس دلوقتى لما ترجع هبعتهالك
امال: ماشى سلام بقى
ثريه بتوتر:سلام
...
بعدها بشويه ترجع ملك من الدرس و...
ملك: عووووو انا جيييييت
ثريه: اهلا . بقولك قبل ما تغيرى هدومك روحى لطنط امال شوفيها عيزاكى فى ايه
ملك:دلوقتى!؟
ثريه: ايوا
ملك: حاضر
تروح ملك عند امال
امال:ايوا حاضر وتفتح الباب،،ملوكه حبيبتى اذيك
ملك:الحمد لله يا طنط . ماما قالتلى ان حضرتك عيزانى
امال: مش انا اللى عيزاكى دى سوسن
ملك: طنط سوسن ليه
امال: مش عارفه ادخليلها وانتى تعرفى
ملك:حاضر
تخبط ملك على الباب وتدخل
سوسو بلهفه:ملك حبيبتى ازيك يا قلبى اخبارك ايه
الفصل الرابع عشر
سوسن: ملك حبيبتى اذيك يا قلبى اخبارك ايه
ملك: الحمد لله يا طنط
تفضل سوسن باصه لملك من غير ما تتكلم والدموع تتكون فى عنيها
ملك: احم خير يا طنط حضرتك كنتى عيزانى فى حاجه
سوسن: مفيش انتى وحشتينى وكنت عايزه اشوفك
ملك بابتسامه طفوليه: طب مش عيزانى اعملك حاجه
سوسن: تعرفى يا ملك انتى شبه حد اعرفه من زمان اوى
ملك:ياترى مين
سوسن:واحده صاحبتى
ملك:ربنا يخليها لحضرتك
سوسن بحزن:قولى ربنا يرحمها
ملك:هى ماتت
سوسن بالم وبابتسامه مصطنعه:ايوا .. شكلى هحصلها قريب
ملك: بعد الشر عن حضرتك متقوليش كدا . انتى هتخفى وتبقى كويسه ان شاء الله
سوسن بحنين: تعالى فى حضنى يا ملك
تروح ملك لسوسن وتخدها فى حضنها .تحس ملك بحنان محستهوش عمرها فى حضن مامتها وغصب عنها عنيها دمعت ونزلت على سوسن
سوسن:ايه يا ملك بتعيطى ليه يا حبيبتى
ملك: اصل حضن حضرتك حلو اوى
سوسن: يا حبيبتى انتى احلى
تفضل ملك مع سوسن ساعه ونصف قعدوا فيها يتكلموا مع بعض ويضحكوا ويتفرجوا على الكارتون،وملك تحكى حواديت لسوسن وتنام وتخرج ملك لامال و...
امال: ايه يا ملك فى حاجه
ملك: لا يا طنط انا همشى بقى
امال: هى سوسن نامت
ملك: ايوا قراتلها قصه ونامت
امال:ههههههه ماشى يا ملك خلى بالك من نفسك ولا اقولك استنى تعالى انا هوصلك
ملك: ملوش لازمه يا طنط شكرا
امال: انا كدا كدا نازله اشترى حجات تعالى معايا اوصلك فى طريقى
ملك:ماشى
تخرج ملك وامال من البيت
فى اوضه سوسن تفتح النور وتبتسم و...
سوسن يا حبيبتى يا ملك كل مره تحكيلى حدوته وانا اعمل نفسى نايمه واشوفك
بس الحمد لله النهارده عرفت اخد االى انا عيزاه منها
تجيب سوسن العصايه اللى بتسند عليها وهى ماشيه وتحاول تقوم من على السرير وتكلم حد فى التليفون
سوسن: رد بقى ابوس ايدك
...(هذا الرقم معلق او غير متاح يرجى الاتصال فى وقت لاحق)
تحاول سوسن اكثر من مره ولكن للاسف كل المحاولات فاشله
سوسن لنفسها: طب اعمل ايه انا دلوقتى ياربيي مفيش حد بيرد عليا اعمل ايه ثو تتذكر شئ ..اه صح صح انا كان معايا الرقم الارضى بس هو فين مش فاكره
اه هشوفه فى دفتر الارقام يمكن الاقيها
امال تروح ملك بيتها وتسلم على ثريه وتمشى
ثريه: ما تقعدى شويه معايا
امال: المره الجايه عشان متاخرش على سوسن.
ثريه: طب خلاص ابقى سلميلى عليها
امال: حاضر . سلام
تروح امال تشترى شويه طلبات وترجع تلاقى سوسن لسه ناميه تصحيها عشان تاخد الدوا.
امال: سوسن حبيبتى قومى يلا عشان تاخدى الدوا
سوسن بنوم: حاضر قايمه اهو
تصحى تاخد الدوا وتريح جسمها على السرير وامال تقعد جمبها
امال: سوسن
سوسن:ممممم
امال: انبسطى النهارده مع ملك
سوسن: اوى اوى ربنا يحميهة يارب بنت زى القمر
امال: اه فعلا ربنا يحميها .. ويسعدك كمان وكمان يارب
سوسن: يارب.. روحى نامى انتى وارتاحى انا هقعد شويه وبعدين انام
امال: لا عشان لو احتجتى حاجه ابقى جمبك
سوسن: اسمعى الكلام ورحى ارتاحى ولا هتخلينى اقول ان انا تعباكى معايا ومش مخلياكى ترتاحى
امال: مين قال كدا لا طبعا دا انتى نور عيونى
بصى انا هسيبك بس عشان متقوليش كدا تانى وكمان شكلك عايزه تقعدى مع نفسك شويه
سوسن: هههه ديما فهماكى كدا روحى بقى صدعتينى
امال:حاضر ياستى ماشيه اهو
قامت امال وخرجت من الاوضه
سوسن: ياربى انا اعمل ايه دلوقتى معقوله سافر ومرجعش لحد دلوقتى
Flash Back
سوسن: اهو الحمد لله لقيتو وتتصل بالرقم
الخدام: الو
سوسن: الو فيلا فريد بيه السباعى
الخدام: ايوا يا فندم مين معايا
سوسن: لو سمحت قوله مدام سوسن عبد الله
الخدام: هو مش هنا يا فندم
سوسن: امال فين
الخدام: دا مسافر حضرتك
سوسن بقلق: طب متعرفش هيرجع امتى
الخدام: لا والله يا فندم معرفش
سوسن: طب مفيش حد فى البيت هنا
الخدام: لا والله المدام نيره مش موجوده دلوقتى
سوسن: نيره اخت فريد بيه
الخدام: ايوا يا فندم
سوسن: طب لو سمحت سجل عندك الرقم دا .. دا رقمى اول ما توصل نيره هانم بلغها فورا انها تتصل بيا لانها مساله حياه او موت
الخدام: حاضر يا فندم
سوسن ارجوك متنساش
الخدام: حاضر
تعلف سوسن التليفون وترجع كل حاجه مكانها وتدخل الاوضه وتعمل نفسها نايمه لحد ما اختها جت
Back
سوسن: يارل نيره اختو تكلمنى اول ما ترجع يارب
الفصل الخامس عشر
فى فيلا فريد السباعى
نيرة هانم حمدلا على سلامتك .. قالتها سعاد عند عوده نيره من برا
نيرة: الله يسلمك يا سعاد
سعاد: احضر لحضرتك العشا
نيره: لا شكرا . بس اعمليلى كوبايه نسكافية وهتيهالى فوق
سعاد: حاضر يا هانم
تطلع نيره الغرفه وتغير هدومها . تدخل سعاد المطبخ تحضر النسكافيه
شلبى (الخدام): سعاد هى الست هانم جت
سعاد: ايوا وطلبت منى كوبايه نسكافية وبعملها اهو
شلبي: طب هاتى انا اطلعوا ليها
سعاد: خد بس اوعى تكسرها
شلبى: متخافيش
فى اوضه نيره
ادخلى يا سعاد
قالتها نيره لما الباب خبط
شلبى: انا شلبى يا ست هانم
تقوم نيره تفتح الباب و...
نيره: شلبى خير فى حاجه
شلبى: اتفضلى النسكافيه يا هانم
نيرة: شكرا يا شلبى روح انت
شلبى بتردد: بسسسس؟
نيرة: عايز تقول ايه يا شلبى
شلبى: بصراحه يا هانم فى واحده اتصلت بحضرتك النهارده وكانت عايزه فريد بيه
نيرة: مقلتش اسمها ايه
شلبى: لا قالت اسمها سوسن وكمان سابت رقم تليفونها وقالت انها عايزه تكلمك فى موضوع ضرورى مساله حياة او موت
نيرة: طيب فين الرقم
شلبي: اتفضلى
نيرة: طب روح انت وانا هشوف الموضوع دا
شلبى: ماشى بعد اذنك
يخرج شلبى ويقفل الباب وراه
نيرة: يا ترى مين دى وعايزه ايه من فريد... خلاص نتصل ونعرف
...
عند سوسن
كانت لسه قاعده ماسكه الفون بتاعها
سوسن: يارب يارب
يرن الفون بتعها
سوسن بلهفه: الوو ... ترد بخيبه امل: لا النمره غلط وتقفل الخط
...
عند نيرة شربت النسكافيه وكلمت ساهر عشان تطمن عليه وبعدين قفلت معاه واتصلت بسوسن
...
سوسن: الو
نيرة: الوو .. مدام سوسن موجوده لو سمحتى
سوسن: ايوا انا انتى نيرة اخت فريد
نيرة: ايوان انا . خير حضرتك كنتى عايزه حاجه
سوسن: ايوا ارجوكى انا عايزه رقم فريد ضرورى
نيرة: اقدر اعرف ايه السبب
سوسن: مش هينفع اقول دلوقتى بس صدقينى موضوع حياة او موت
نيرة: فريد مش هنا مسافر امريكا
سوسن: طب طب متعرفيش هيرجع امتى نيرة: للاسف هو ممكن ميرجعش تانى
سوسن بخوف: لا لا ازاى دا لازم يرجع النهارده قبل بكرا
نيرة: طيب حضرتك انا اخته ومش بيخبى عليا حاجه فممكن تقوليلى فى ايه وانا لو اقدر اساعدك مش هتاخر
سوسن: طب بصى انا لقيت البنت
نيره ودقات قلبها بتزيد من القلق: ب بنت مين
سوسن: بنت فريد وليلى الله يرحمها
نيرة: ا انتى بتتكلمى بجد انتى متاكده من الكلام دا
سوسن: طبعا متأكده
نيرة: طب بصى احنا لازم نتقابل
سوسن: كان نفسى بس انا ست مريضه ومش بخرج من البيت
نيرة: بسيطه هاتى عنوانك وانا اجيلك لحد عندك
سوسن: بس انا بعيده عليكى اوى
نيرة: هاتى العنوان بس
سوسن: طيب ماشى
نيرة: تمام بكرا ان شاء الله هتلاقينى عندك
سوسن: ان شاء الله هستناكى
تقفل نيرة الفون مع سوسن وتتصل بساهر
نيرة:الو
ساهر: الو يا حبيبتى
نيرة: ساهر انت فين
ساهر: هكون فين فى البيت يعنى هروح فين
نيرة بفرحه: انا لقيت البنت يا ساهر
ساهر بصدمه: انتى بتقولى ايه
نيره: ايوا انا لسه قافله مع سوسن حالا وهى قالتلى انها لقيتها
ساهر: سوسن انا تقريبا سمعت الاسم دا قبل كدا بس مش فاكر فين... المهم هى قالتلك ايه
نيرة: دا موضوع طويل هبقى احكيهولك بعدين.. انا بس اتصلت بيك عشان اعرفك وكمان عشان هروحلها بكرا
ساهر: هاجى معاكى مش هتروحى لوحدك
نيرة: تيجى فين بس مش لما اروح واعرف كل حاجه الاول
ساهر: لا انا هاجى معاكى . بكرا الصبح هتلاقينى عندك
نيرة: طيب ماشى سلام