رواية وبقيت أسيرة لمغرور للكاتبة ميادة مصطفى الفصل السابع
ملك بدون النظر اليها شاورت له علي يونس: روح للهناك دا هيوديك للمدير
ثم ذهب ونظرت له ملك وتاكدت انه سعيد: يا نهار اسود يالههوي يا خرابي وبعدين هعمل ايه وجاي هنا ليه وعايز صهيب في ايه استرها يارب.
سعيد ليونس: السلام عليكم يا باشا
يونس بدون اهمية: وعليكم السلام
سعيد: لو سمحت عايز المدير
يونس وهو مشفول: وانت عايزة ليه يعني
سعيد: كنت جاي عشان اشتغل فراش هنا في الشركة وقالولي لازم اجي اقبل المدير الاول.
يونس: امممم طيب روح اقعد هناك كدا شوية
ذهب سعيد إلى اخر الممر وعندما ذهب جاءت ملك ليونس لكي تعرف سبب تواجد سعيد.
ملك بقلق: احم يونس
يونس بابتسامة: عيون يونس امرئ
ملك: هو الرجل دا ماله عايز ايه
يونس: جاي يشتغل فراش
ملك بصدمة: فراش نعم
يونس: مالك اتصدمتي كدا ليه
ملك بتوتر: ها ايه وانا هتوتر ليه يعني بس شكلة قلقني مش عارفة ليه شكلة مش مظبوط علي كدا هتشغلو.
يونس: انت عارفة صهيب لازم ادق حاجة في الشركة يبقي مسئول عنها هخلي يدخلو وهو يحدد.
ملك بتوتر: وبعدين هنعمل ايه هتفضح ثم لاحظ ان سعيد ياتي اليهم فذهبت مسرعا.
سعيد: ها ياباشا مش هدخل للمدير ولا ايه
يونس: ثواني هدخله دلوقتي خليك هنا ذهب يونس إلى صهيب صهيب في واحد جاي يشتغل فراش ها اقوله ايه ولا ادخلهولك.
صهيب: دخلو وابعتلي ملك عايزها خرج يونس إلى سعيد ادخلو يالا ثم اكمل وناده علي ملك من بعيد ملك كلمي صهيب بي.
سعيد لفت نظره اسم ملك وكان سوف ينظر اليه لكن يونس زعق له: متخلص انت هتفضل تبص شمال ويمين.
سعيد بتوتر: ها هو فين مكتبة طيب
يونس: اخر الممر دا
وبعد ان ذهب سعيد إلى صهيب جاءت ملك: صهيب عايزني في ايه
يونس مط احد شفاتيها: الله اعلم هو قالي كدا وبس ادخليلو
ملك مرعوبة ومش لاقية مبرر: ادخل ازاي وفي راجل غربب عنده لما يخرج
يونس بضحك: رجل غريب هههه ضحكتيني اولا دا قد ابوكي ثانيا مانتي عادي بتقبلي رجالة اللي بيجو من اي شركة لينا.
ملك اتوترت: ها معلش انا لازم اروح عندي صداع جامد اوي وحاسة ان هيغم عليا ببقي عرف صهيب وانا همشي بقي.
يونس: ماشي بس كنتي شوفتي عايز ايه الاول
ملك: لا معلش مش هقدر
في الحارة
هنا بدموع: ماما حبيبتي وحشتيني اوي
سميرة ببكاء: وانتي اكتر يا روح امك عاملة ايه طمنيني عليكي
هنا ببكاء: اهو الحمدلله ماشي الحال طمنيني انتي عليكي.
سميرة: الحمدلله اهو انا زي ما انا ايه الجديد بس انتي في حاجة قولي لامك فيكي ايه المضروب اللي جوه دا مد ايده عليكي ثم قامت اكسره ايده ثم شدت ملك يد سميرة و جعلتها تجلس من تاني امي لا معمليش حاجة دا طلع غلبان اوووي عكس ابو تمام وغير كدا طلع بيحبني من زمان بس انا مش طايقة.
سميرة باطمئينان: طيب يا بنتي الحمدلله بس حاولي مدام كويس ومش زي ابو اتقبلي خلاص بقي امر واقع.
هنا اتنهدت: بحاول خرج حسين من الغرفة بابتسامة السلام عليكم ازيك يا حماتي معلش كنت بغير هدومي وقولت اسيبكم مع بعض تاخده راحتكم في الكلام.
سميره بابتسامة: ربنا يباركلك يابني كلك ذوق انت اخبارك ايه ربنا يفرح قلبكم يارب ويكرمكم بذرية الصالحة يارررب.
حسين نظر لهنا وابتسم: احلي دعوة والله دي ربنا ميحرمناش منك
هنا باستغراب من شخصية حسين: طيب عن اذنكم احضر حاجة نشربها
حسين: هاجي معاكي اساعدك
هنا: لا متتعبش نفسك انت خليك اقعد مع ماما
حسين: حاضر والله منورانا يا حماتي
سميرة: نورك يا حبيبي والله
في الشركة
صهيب وهو غير مهتم وينظر إلى الاوراق التي امامه: كنت شغال فين قبل كدا.
سعيد: لا يا باشا انا مكنتش شغال في مكان انا كان عندي التاكسي بتاعي كنت شغال عليه بس ربنا يجازيهم ولاد الحرام سرقة مني وهو كان بلاقساط واديني مديون دلوقتي بتمنة.
صهيب: ماشي بس اهم حاجة هتعرف في الشغلانة دي
سعيد: هيا كيمياء هعرف بامر الله
صهيب: طيب هتطلع دلوقتي للسكرتيرة هتاخد معلومات عنك ومن بكرة هتشتغل ثم رن الجرس لملك لتاتي لكنه جاءه يونس نعم يا صهيب.
صهيب: رنيت عشان تجيلي ملك
يونس: ملك تعبت وروحت
صهيب باستغراب: روحت وتعبانه مالها ها قول
يونس: مش عارف هيا قالت تعبانه ومشيت
صهيب بقلق وخوف وغيط: - ازاي تمشي وهيا تعبانة من غير متقولي ثم جز علي اسنانه ماشي يا ملك المهم خد بيانات الرجل دا وهيستلم شغله من بكرة وانا همشي بقي الحق ملك.
يونس: ماشي تعالي وراءيا
في الفيلا
ملك بتعب وتوتر: ازيك ياماما ثم جلست بتعب
والدتة صهيب: مالك يا ملك شكلك مرهق اوي وليه جيتي بدري حد زعلك
ملك: لا تعبت شوية
والدتة صهيب: اهو صهيب كمان جي انتو متخانقين ولا ايه يا ولاد
صهيب بزعيق ^ - انتي ازاي تمشي من غير ما تقوليلي
ملك: نعبت فجاءة فضطريت امشي معلش متزعلش
صهيب بقلق: طيب فيكي ايه تعالي نروح للدكتور
ملك: لا حاجة بسيطة هطلع انام هبقي كويسة.
والدتة صهيب: مش هتتغدي يا بنتي
ملك: تسلمي يا ماما ماليش نفس لما اقوم من النوم ابقي اكل
والدتة صهيب: ماشي يا بنتي علي راحتك ثم ذهبت ملك قليلا ثم ناده عليها صهيب ملك.
ملك التفتت اليه: نعم
صهيب بحب: بحبك يا اغلي من روحي
ملك ابتسمت: وانا بعشقك يا حبيب قلبي
صهيب بحنان: يالا اطلعي نامي وانا مش هاكل غير لما انتي تصحي وناكل مع بعض
ملك: هتفضل من غير اكل ازاي كل حاجات خفيفة ونبقي ناكل مع بعض
صهيب: تؤ تؤ طول مانتي ماكلتيش مقدرش انا اكل اي حاجة
ملك بابتسامة: ربنا ميحرمنيش منك ابدااااا يارب
في الحارة.
سعيد: يالههوي يا بت يا سميرة لو تشوفي الشركة وجمالها حاجة كدا خيال دا احنا مش عايشين يا شيخة.
سميرة: اللهم صلي عالنبي وكبيرة كدا زي اللي بنشوفهم في التلفزيون
سعيد: تليفزيون ايه دي احلي بكتير
سميرة بفرحة: يعني كدا خلاص هتشتغل فيها
سعيد: اه من بكرة باذن الله
سميرة: هو الواد حسين عرف الشركة دي منين
سعيد: مهيا الشركة دي اللي كان شغال فيها الواد احمد الله يكحمو
سميرة: ليه كدا حرام عليك الله يرحمة هو في دار الحق واحنا في دار الباطل.
سعيد: بس بس انتي هتتفلسفي عليا المهم الواد حسين شغال قريب من الشركة دي 6فكانو منزلين اعلان انهم عايزين فراش وكدا فقالي.
سميرة: اممممم يالا ربنا يفتاحها في وشك يارب
سعيد: ولا يا بت هيبته المدير تخافي منه وانتي داخلة عليه
سميرة: يالا ربنا يحنن قلبه عليك وميقرفكش ثم خبط الباب جامد يا تري مين اللي بيخبط كدا مين ثم فتحت الباب وكان الطارق هو عبده اهلا اهلا اتفضل يا معلم نورت.
عبدة: ناديلي جوزك
سميرة: سعيد يا سعيد المعلم عبده عايزك
سعيد خرج من الغرفة: اهلا يا معلم عبده
عبده: ولا اهلا ولا سهلا خلاص
سعيد: في ايه يا معلم وحد الله
عبده: في ايه اننا داخلين علي شهر والبت اللي اسمها ملك دي مختفية وانت ولا حس ولا خبر ولا شايفك بدور حتي.
سعيد: لا طبعا ازاي مش بدور لا بدور وانت قولتلي هصبر عليك كام يوم لسه الكام يوم معدوش.
عبده: لا والله يعني الكام يوم هتعمل فيهم حاجة طيب يا سعيد هديك مهلا اسبوعين مش كام يوم وعليا الطلاق هيبقي اخر كلام ويانا يا انت.
في الفيلا في غرفة ملك تجلس ملك متوترة من وجود سعيد في الشركة: يالههوي وبعدين هضيع معقول اسيب اللي انا في دا وارجع تاني للحارة ولسعيد ولعبده لا طيب ايه الحل لازم اعرف من صهيب عمل ايه معا يارب يكون رافضة.
ارتدات ملك ملابسها ونزلت إلى صهيب
صهيب باستغراب وابتسامة: ايه دا انتي منامتيش يعني
ملك: مجاليش نوم وبصراحة مش عارفه انام حاسة بذنب انك مكلتش بسببي فقولت انزل اكل معاك ومال ماما فين.
صهيب: تقريبا في اوضتها المهم
ملك: ايه
صهيب: بتخافي عليا اوي كدا
ملك: مكنش هخاف علي روحي هخاف علي مين يعني ها قولي
صهيب بنظرة حب وشوق من عنيه: بحبك وخلاص مبقتش اقدر اعيش من غيرك ولا في بعدك
ملك بحب: وانا كمان يا صهيب حبيت حياتي بوجودك جنبي من غيرك مكنتش عايشة اصلا
صهيب: ملك انا قرارت حاجة ومش هتنازل عنها مهما كان ودا قراري الاخير
ملك: قرار ايه دا.
صهيب: قرارت اتجوزك في اقرب وقت ثم نزل علي ركبتيه تتجوزيني يا ملك وصدقيني هيبقي اسعد يوم في حياتي يوم ما تتكتبي علي اسمي وتكوني علي ذمتي وتبقي حرم صهيب الغزولي.
ملك بدموع: انا مش عارفة اقول ايه بس يعني
جاءت والدته صهيب: وافقي يا بنتي عشان خاطري لو بتحبيني صح وافقي
ملك بدموع: طبعا بحبك جدااا وبموت وبعشق صهيب واتمني اكون مراته بس انا مينفعش
صهيب: هو ايه اللي مينفعش ممكن افهم
ملك: مش هقدر اتجوزك
صهيب بغضب: يبقي مبتحبنيش اي حد بيحب حد بيتمني يبقي معا وفي حضنه وانتي تقولي مينفعش لسه بتحبي يا ملك مش قادرة تبقي لغيره.
ملك بتهز في راسها: لا والله لا انت بقيت كل حياتي انا نسيت كل حاجة
صهيب قرب منها وبحب وحنان: ومال في ايه يا ملك فهميني
ملك: مفيش يا صهيب وانا موافقة عالجواز ودا هيبقي اسعد يوم في حياتي انا كمان
والدته صهيب زغرطيت جامد
صهيب بضحك: اهو العرق الشعبي طلع اهو احلي زغروطة دي ولا ايه من احلي ام في الكون.
والدتة صهيب: انا فرحة مش سيعاني بجد مش مصدقة خلي الفرح يوم الخميس الجاي
صهيب: حلو اوي ياريت
ملك بتوتر: لا خميس ايه لسه بدري شوية
والدته: لا يا ملوك انا الكبيرة واحدد وقولت الخميس يعني الخميس
ملك: بس يا ماما انتي عارفة يعني لازم انا احدد وكدا
صهيب بفرحه: نو نو خلاص الكبيرة امراءت واحنا لازم ننفذ هو الخميس
ملك بقلة حيلة: ماشي الخميس الخميس بس هنلاحق.
صهيب: هننزل من دلوقتي نشوف كل اللي احنا عايزينه واحجزلك في احلي قاعة كمان
ملك: هو صح الرجل اللي كان جاي عشان شغل الفراشة اتقبل ولا لا
صهيب: هو دا وقته الشغل اه يا ستي اتقبل ليه يعني في حاجة
ملك بتوتر: لا لا مفيش اصل بفكر طول ما فرحنة خلاص بعد كام يوم اقعد بقي من الشغل عشان اشوف وراءنا ايه.
صهيب: عين العقل والله برافو عليكي
وبعد عددت ايام في الشركة
يونس دخل لصهيب: انا عايز اعرف ملك مبقتش تيجي ليه وانت جبت سكرتيرة مكانها
صهيب رجع بضهره عالكرسي وبداءه يروح ويجي بي: وانت يخصك في ايه معلش
يونس بتوتر: عادي باستفسار مش اكتر
صهيب قام وقف: اسمعني بقي يا يونس كويس
يونس: سمعك
صهيب: انا و ملك بنحب بعض وفرحنه بعد يومين وانا قعدتها من الشغل
يونس بصدمة: ومكنتش عايز تقولي ليه ها.
صهيب: مرعاه لمشاعرك مش اكتر وبحب احذرك شيل ملك من دماغك فهمني
يونس بحزن: تخبئ عليا انا يا ضهيب لدرجادي صداقتنا ملهاش اي لازمة خلاص فعلا هيا انتهت وانا من انهاردة معرفكش يا صهيب عن اذنك.
صهيب: يونس يونس ثم خبط بقضبة يده علي المكتب ايه الغباء دا كان لازم انا اللي اقوله مش اقوله لما هو سال.
في الحارة عن هنا
حسين بحب: مش هتقربي مني بقي وتنسي اي حاجة حصلت
هنا: بحاول انس واقرب والله لانك ملاقش ذنب بلي حصل وانا مراتك وحقك طبعا
حسين بفرحة: يعني ايه ها قوليلي
هنا بكسوف: يعني اعتبر انهاردة الفرح
حسين قام مسرعا بكل حب وحنان شال هنا بين ذراعة ودخل بها إلى غرفتهم ليبداء بينهم حياتهم الزوجية الحقيقية.
في الشركة صهيب ييتحدث مع ملك في الهاتف
صهيب بزعل: ايه يا عمري عاملة ايه وماما عاملة ايه
ملك: الحمدلله يا حبيبي احنا كويسين بس انت اللي صوتك مش كويس خالص مالك يا حياتي فيك ايه قولي.
صهيب بتنهيده: يونس زعل لما عرف ان فرحنة بعد يومين واني مخبئ عليه ساب الشركة ومشي وقال مش عايز يعرفني تاني.
ملك: اااه طيب وانت مش قولتلو ليه من اول يوم اتفقنا في
صهيب: والله خفت علي مشاعره بس ومش هقبل ان احس في عينه نظرة حب ليكي ممكن اقتله انا مستحمل كلامه بلعافية اصلا باقي علي العشرة اللي مابنا بس.
ملك: باذن الله خير متقلقش اكيد مش هيستغني عنك
صهيب: لو استغني هو حر هو اللي اختار مش انا المهم عروستي الحلو ناقصها ايه
ملك بابتسامة: نقصني ابقي جنبك وبس مفيش حاجة نقصاني
صهيب بابتسامة حب: وانا مش نقصني غير انك تبقي مراتي وفي حضني.
ملك بحزن وسرحان: وبعدين يا دنيا هتفضل لامتي فرحتي نقصها حاجة كدا بجد عايزاك تسامحني علي اي حاجة هتحصل بس مش قادرة اعترفلك بي اي حاجة في الوقت الحالي يمكن بعد جوازنا اتشجع وانت تسامحني عشان هبقي مراتك لكن حاليا بسهولة جداااا هتسبني واكني مكنتش في حياتك ودا مش هقدر عليه.
صهيب: الو الو روحتي فين يا ملك حبيبتي
ملك فاقت بسرعة ومسحت بعض قطرات الدموع الذي تنزل علي خدودها: معلش يا حبيبي الشبكة بتقطع يالا هسيبك انت عشان الشغل وهروح انا اطمن علي ماما سلام.
في يوم الفرح الجميع متجمع وكان فرح من اجمل الافراح
وكان صهيب كلملك عالعرش وكانت ملك ايضا كلملكة وكانت الليلة جميلة
في الشركة
كانت المواظفين جميعا متجمعين لكي يذهبو إلى حفل الزفاف
سعيد للمواظفين: مالكم متجمعين كدا ليه في حاجة
احد المواظفين: المدير فرحة انهاردة ورايحين
سعيد بسعادة: طيب خدوني معاكم وحيات عيالكم
احد المواظفين: خلصت شغلك طيب
سعيد يلهفة: اه خلصت والله وكنت مروح.
اخد المواظفين: طيب يالا غير هدومك ويلا عشان ماشيين
سعيد: فريره وهكون جاهز.