رواية وبقيت أسيرة لمغرور للكاتبة ميادة مصطفى الفصل الثاني
ملك بخضة: يالهوي دا انا ممكن اموت فيها بتقولي ايه انتي
هنا: يابت متخافيش انا واقفة في صيدلية وعارفة انا بقولك ايه
ملك بقلق: تفتكري ابوكي هيفرق معا اموت ولا اعيش
هنا: اكيد مانتي لوحصلك حاجة هتجبيلو هو نصيبا
ملك: عندك حق بس مش هعمل حاجة غير لما اشوف استاذ احمد دا هيعمل ايه وهيرضي يتجوزني من غير جهاز ولا لا لو مرضيش ابقي انا كدا عملت اللي عليا
هنا: صح كدا و الحاجة معايا في اي وقت تعوزيها.
سميرة من الخارج: يا بنات يا بنات
ملك بهمس: بس اقفلي عالموضوع عمتي بتنادي ثم بصوت عالي ايوا يا عمتي
دخلت سميرة اليهم: - احمد بره يا قلب عمتك
ملك بفرحة نظرت الي هنا: بجد بره وعمي سعيد بره
سميرة: لا نزل راح عالقهوة
ملك بارتياح: الحمدلله طيب بعد اذنك يا عمتو قدميلو حاجة لحد ما البس
سميرة: حاضر يا حبيبتي
هنا: جي في وقتة
ملك بسرحان: يارب ما يعقد الدنيا يارب
في الخارج.
سميرة بتقدم شاي لاحمد: اهلا اهلا يا بني نورتنا ايه محدش بيشوفك ليه اخبارك ايه
احمد بكسوف: - الحمدلله والله بخبر مشغول شوية في الشغل
سميرة: الله يقويك يا بني يارب والدتك عاملة وحشاني والله ونفسي اشوفها
احمد: والله كانت تعبانه شوية الفترة اللي فاتت بس نحمد الله بقت احسن
سميرة: تؤؤؤ لا الف سلامة عليها ابقي اروح اطل عليها دي حبيبتي
دخلت ملك: السلام عليكم ثم مددت ايديها لتسلم علي احمد ازيك يا احمد.
احمد: الحمدلله يا ملك عاملة ايه
سميرة: هسيبكم شوية مع بعض قبل ما سعيد يرجع
ملك بابتسامة: ماشي يا عمتي
خرجت سميرة الي الخارج ثم نظر احمد لملك: بقولك عاملة ايه مبترديش ليه
ملك بزعل: مفيش حاجة
احمد بحب: لا في انا مش هتوها عن قلبي
ملك: قلبك فين بقي قلبك ماخلاص انت مبقتش تحبني زي الاول
احمد قرب منها: انتي لسه عندك شك اني حبي ليكي ممكن يقل.
ملك بحب: احمد انا عارفة طبعا انك بتحبني وانت عارف انا بحبك قد ايه برضو بس انا زهقت من العيشة دي بجد خلاص مبقتش قادرة استحمل
احمد بتنهيده: قوليلي في ايدي ايه اعملو وانا اعملو انا ان كان عليا عايزك تبقي معايا امبارح قبل انهاردة مش انهاردة قبل بكره كمان وانتي عارفة طبعا الكلام دا وعارفة اني جاهز بس جوز عمتك عمال ياءجل كل شوية بحجة.
ملك باحراج: هو دلوقتي حجتة اني معنديش جهاز وانه مديون بفلوس ومش هيقدر وكلام من دا صح
احمد: ايوا صح وهنعمل ايه طيب
ملك: احمد انت اهم حاجة عندك انا ولا الجهاز
احمد ضحك: انتي بتقارني ايه بايه ياهبلة انتي لا طبعا الجهاز
ملك بزعل: الجهاز
احمد بضحكة عالية: والله هبلة بجد طبعا انتي ولا مليون جهاز يساوي ضفرك انا عايزك انتي وبس بلهدوم اللي عليكي وبس بس هما يرضو وانا موافق.
ملك بفرحة: تمام انا كنت عايزه اسمع منك الكلام دا بس واوعدك ان بعد الجواز هجهز نفسي بمرتبي
احمد بزعل: مش عايز اسمع الكلام دا تاني لاني انا متجوزك عشان اريحك من تعب وشقا السنين فلما نتجوز مفيش شغل اصلا
ملك بحب: ربنا ميحرمني منك ويخليك ليا يا قلبي ويجمع مابنا في الحلال عن قريب
احمد: باذن الله قربب اوي
ملك: المهم عايزه اقولك علي الخطة اللي قالتلي عليها هنا اسمعني بقي
في الحارة.
عاد سعيد من القهوة وعدي علي محل المعلم عبده: السلام عليكم يا معلم
المعلم عبده: اهلا بسبع البرومبة اللي متغفل
سعيد باستغراب: في ايه يا معلم مالك
المعلم عبده: عمال تسكت فيا وتقولي البت ملك ليك وهطفش الواد احمد وانت اصلت متغفل
سعيد: مهو دا اللي هيحصل والبت ملك ليك دا انا مش مخلي الواد احمد يعتب عتبة الباب وصح ايه متغفل دي يا معلم.
المعلم عبده باستهزاق: ايوا مهو باين انك مش مخلي يعتب الباب باماراة انه في بيتك وانت مش موجود هههه
سعيد بغل: انت بتقول ايه
المعلم عبده: اللي سمعتة الواد احمد عندك في الشقة من بدري وانت مش موجود
سعيد ذهب مسرعا الي شقة وعندما وصل
احمد بخجل: عمي سعيد ازيك
سعيد بغضب: انت ازاي تيجي هنا وانا مش موجود
احمد: انا كنت مفكر انك هنا وغير كدا ما عمتي وهنا موجودين
سعيد: عمتك ايه وزفت ايه انا الرجل هنا ودي مش عمتك.
احمد باحراج: احم اسف يا عمي والله ما كان قصدي ملك كانت تعبانة وقولت اجي اطمن عليها
سعيد: مفيش مكالمات ولا مقبلات ولا تيجي هنا لحد ما تتجوزه
احمد: ازاي يعني خلاص انا مستعد اتجوز من بكره
سعيد: واحنا مش جهزين قولنا لما نجهز نبقي نقولك جهزنا اتجوزو
احمد: انا مش عايزها بجهاز انا عايزها بلهدوم اللي عليها
سعيد: واحنا بناتنا مش عرر عشان تروح بيت جوزها من غير جهاز.
ملك بنهيار: حرام عليك بقي سبنا في حالنا هو موافق سبنا نتجوز
سعيد: متخلنيش اخد شبكته وارميهالو في وشه
ملك: لو متجوزتش انا واحمد وحددت معا معاد دلوقتي انا هنتحر
سعيد: مش بنتهدد انتحري ياختي غوري
جريت ملك الي غرفتها وجريت معاها هنا
ملك ببكاء: هاتي ازازة المنوم اللي قولتي عليه
اعطتها هنا ازازاة منوم وبداءت تصرخ: الحقوني الحقوني ملك اخدت برشام عشان تنتحر الحقوني
جري الجميع الي الداخل.
ملك وهيا بتفقد الوعي: ذنبي في رقبتك يا جوز عمتي ثم وقعت علي الارض
احمد: ملك ملك قومي يا حبيبتي هنتجوز بس قومي
سميرة ببكاء: بنت اخويا يا ملك الحقونا ياهووووي بنت اخويا بتموت
سعيد في باله: الله يخربيتك يا ملك هتجبيلي نصيبه باين علي شكلك وبعدين ولو ماتت انا هضيع بسبب المعلم عبده انا لازم اهودهم لحد الاخر واعمل اللي هما عايزينه واشوف حل تاني اخلص بي من الجوازه دي بس اشوف حصلها ايه دي.
سميرة ببكاء نظرت لسعيد: انت هتفضل متنح مكانك كدا ولا ايه شوف حل الحق البت هتموت
سعيد: ها ها طيب طيب هتصل بالاسعاف
وبعد حوالي نص ساعة وصلت الاسعاف وذهبة بها الي المستشفي ثم قامو الاطباء بعمل غسيل معدة لها وقامت بخير
سميرة: ينفع كدا يا ملك عايزه تحرقي قلب عمتك عليكي.
ملك: عايزه استريح من اللي انا في يا عمتي تعبت ولو متجوزتش احمد هنتحر تاني لحد مااموت انا ممكن اتجوزو من وراءكم بس مش معقول اردلكم جمالكم بشر واخلي الناس تتكلم عليكم وافضحكم
احمد: باذن الله هنتجوز برضي الكل ومن غير فضايح
ملك: ومال هو فين عمي سعيد
هنا: قال نازل اجيب اكل وبقاله اكتر من ساعة
في الحارة يجلس سعيد مع عبده
المعلم عبده: دماغك سم السم ياض يا سعيد.
سعيد: مهو مفيش حل غير كدا عشان نخلص من الواد الملزق اللي اسمه احمد دا
المعلم عبده: خلاص قولهم ان فرحهم الاسبوع الجاي وهنعملهم احلي فرح كمان
سعيد بفرح: حالا اروح اخبارهم وربنا يجازيك خير ههههههه
في المستشفي جاءة سعيد بخبث وفكره شيطانية: بقي كدا يا ملوك عايزه تموتي نفسك عايزه توجعيني عليكي
ملك بانفعال: وهعمل كدا 100 مره لو موافقتش علي جوازنا.
سعيد بخبث: وانا ميرضنيش طبعا زعلكم وفي الاول والاخر دي حياتكم وعشان كدا انا قررت ان فرحكم يبقي الاسبوع الجاي
احمد: بجد مش مصدق مش عارف اقولك ايه بجد يا عمي سعيد
سعيد بابتسامة صفره: متقولش حاجة يا بني ربنا يسعدكم
ثم اطلقت سميرة زغروطة عالية ثم قربت هنا من ملك وقالت بهمس: شوفتي افكاري جابت نتيجة ازاي مبروك يا قلبي
ملك بفرح: عقبالك يا قلبي
وبعد يومين في شركة الغزولي.
دخلت السكرتيرة الي صهيب: مستر صهيب السواق بره بيقول عايز حضرتك في حاجة مهمه
صهيب بغرور شاورلها انه يدخل
احمد: صهيب بية كنت بس جاي استاذن حضرتك ان اسلم مفاتيح العربية لزميلي محمد عشان ورايا مشوار مهم ولازم امشي بدري
صهيب: مشوار ايه دا ان شاء الله هو اللي زيك عنده مشواير مهمه من ايه
احمد باحراج: احم اصل عقبال سيادتك هتجوز بعد كام يوم فرايح انا وخطيبتي نشتري شوية حاجات.
صهيب: امممم مبروك ماشي سلملو المفاتيح خد دول حلاوة الجواز
احمد: لا يا باشا خير سابق
صهيب: قولت خد يبقي تاخد بدون نقاش
ثم دخلت فتاة في بداءيت العشرينات: قلبي وحشتني
صهيب باستغراب: مين مليكة ثم نظر لاحمد روح انت
خرج احمد من عند صهيب
صهيب: انتي ايه فكراك بيه وازاي تدخلي هنا من غير استاءذان
مليكة بدلع: انت لسه زعلان مني
صهيب رن الجرس للسكرتيرة: ازاي تدخل من غير ما تعرفيني.
السكرتيرة بتوتر: والله هيا اللي قالتلي انها اوقفها صهيب بصوته الجهوري اطلعي بره والافي استقالتك قدامي حالا
مليكة: للدرجة دي مش عايز تشوفني انا ماشية بس خليك فاكر انك هتندم
عند ملك واحمد
ملك بفرح: انا مش مصدقة اننا خلاص بنجهز لفرحنا واننا هنتجوز بعد كام يوم
احمد: ولا انا مصدق حاسس اني بحلم
ملك: بس زعلانه جداااا اني مفرشتش شقتي بنفسي ولا حتي شوفتها.
احمد بحب: طيب ممكن اخدك وتشوفي عش الزوجية بتاعنا شكلة ايه
ملك بخوف: مش هينفع طبعا الناس وعمي سعيد لو عرف يقتلني
احمدحضن وشها بايدو: متخافيش طول مانا معاكي عشان خاطري لازم تشوفيها عشان لو مش عجبك حاجة فيها اغيرهالك
ملك: ماشي بس احب اقولك اني مستعدة اعيش معاك في عشة
احمد بابتسامة: قلبي انا يالا بينا
وصلو الي شقتهم
احمد: - ايه رايك
ملك بفرحة: تحفة تحفة اي حاجة معاك جنة بجد.
ثم شدها من ايديها: تعالي اوريكي بقيت الشقة ثم ذهب بها الي غرفة النوم ها ايه رايك
دخلت ملك بسعادة الي داخل الغرفة بدون وعي: حلوة اوي مش مصدقة ان كام يوم وهنبقي انا وانت مع بعض هنا في الشقة ويتقفل علينا باب واحد
قرب منها احمد لاول مرة برغبة وشوق ولهفة: - لا صدقي يا عمري ثم قرب شفايفها
ملك باحراج: ها يا بينا عشان اتاخرت
شدها احمد لحضنة: مش عايز اسيبك وبدا كل منهما يعيش في عالم اخر.
ملك بشوق: احمد اللي بيحصل دا غلط مينفعش
احمد برغبة: ملك انتي بعد كام يوم هتبقي مراتي
ملك: بس مش هينفع برضو اللي خلانا صبرنا دا كله مش هنقدر نصبر يومين
احمد: لا ارجوكي محتاجلك
في الحارة
سعيد بغضب: هيا الزفتة بنت اخوكي دي مصدقت نزلت مع الواد الزفت
ولا ايه
سميرة: الله يا ابو هنا مش عرسان وبيحضرو لفرحهم
سعيد: فرحهم اها فرحهم
سميرة: مالك يا رجل عامل كدا ليه.
سعيد: اتصلي بيها استعجليها عشان مقلبش الدنيا علي دماغهم
سميرة: حاضر وفضلت ترن عددت مرات لكن ملك لم ترد
عند ملك واحمد
يرتدي كل منهم ملابسه وكانت ترتدي ملك ملابسة بدموع وقهرة
احمد باسف: اسف معرفش دا حصل ازاي بجد سامحيني.
ملك ببكاء شديد: انا مش عارفة ازاي عملت كدا وبداءت تلطم علي وشها بكل قوتها مسك يديها احمد وجذابها لحضنة ملك اهدي متعمليش كدا في نغسك انا عمري ماهتخلي عنك ابدا انتي انتي هتبقي مراتي قدام ربنا وكل الناس انا عارف ان اللي حصل دا حرام وعيب ومينفعش بس غصب عني واحساسي انك هتبقي مراتي بعد كام يوم مسيطر عليا والشيطان هيقلي انك من حقي استغفر الله العظيم يارب مش عارف ايه اللي بقوله دا بس اللي عايز اوصلهولك اني حاسس انك من دلوقتي مراتي ومجتش علي يومين يعني اضحكي بقي.
ابتسامة ملك ابتسامة بلغصب: ربنا يعديها علي خير يارب
وفي يوم الفرح في شركة صهيب الغزولي
احمد: انا بشكرك طبعا علي كل حاجة عملتها معايا
صهيب: ايه يا بني مش مفروض انهاردة انت عريس ايه جابك
احمد: جيت اشكرك علي الهدية اللي قدمتهالي وواسلم لحضرتك المفاتيح بتاعت العربية واكد علي حضرتك انك تشرفنا في الفرح
صهيب: لا ابدا مفيش حاجة بس اعذورني مش هقدر اجي
احمد: كان نفسي تشرفني يا باشا والله.
صهيب: يالا روح بقي عشان تلحق تحضر نفسك تلاقي العروسة قربت تجهز
في الحارة في شقة سعيد كان جميع الاقارب متواجدان للحضور الفرح
هنا بسعادة: احلي عروسة دي ولا ايه بنت خالي قمر يا ناس
ملك بقلق: حبيبتي يا هنا عقبالك
هنا: مالك يا ملوكة فيكي ايه شكلك مش عجبني
ملك بخوف: قلبي مقبوض اوي
وبعد حوالي ساعتين جهزت ملك وكانت تنتظر احمد ثم سمعت زعيق وصريخ من كل انحاء المكان
ملك بخوف: في ايه مالكم ايه الصويت دا.
سميرة بحزن وتلطم علي وشها: احمد احمد عربية خبطته وبين الحياه والموت
ملك بصريخ: احمممممد.