رواية نيشان للكاتبة روز الفياض الفصل الثامن عشر
نزلت لكيته نايم رحت يمه استحيت حتى من نفسي يعني شلون احاول وياه شسويله يعني مااعرف شسوي ظليت اباوعله نايم خليت راسي وانطيته ظهري وظليت افكر شنو من بشر ماعنده اي رد فعل شنو هالبرود العنده ردت اروح للحمام هو حس كعد باوعلي كال: وين رايحه؟
مريم: للحمام.
قيس: جيبيلي مي عفيه.
رحت للحمام وجبتله مي ورجعت انطيته ورجعت نمت لزم ايدي سحبني بحضنه حضني وباسني بعدين انطاني ظهره ونام.
ظليت متخبله متحنطه ردت امد ايدي عليه ادوره واسأله ليش وشكو وشبيك؟ بس احس مالي طاقه ولاقدره لااتحرك ولا احجي ولاابجي.
ظليت مثل مااني صافنه عالسكف ودموعي تصب بدون صوت ياربي شهالعذاب هذا يعني شسوي وشحجي وشذنبي وشنو تاليته.
ظليت كاعده للصبح بالبدايه فكرت مااروح للدوام اليوم الصبح بس بعدين كلت اروح احسن عالاقل مااشوف زيد والتهي بالدوام بلكي انسى إلى صار.
كعدت صليت مااتريكت مالي خلك وصلني للمستشفى بدون كلام.
الظهر نفس الشي من رجعت ماحجينه اي شي صلينه واتغدينه هو راح نام اني حتى الغرفه مااشتهي ادخلها.
ظليت بالمطبخ غسلت الماعين ونظفت المطبخ وبعدين نظفت الديوانيه وغسلت الحمامات وصعدت فوك يم امي ونورس.
انطيت لامي المصرف وسولفنه عادي عن الدوام اتمنيت لو احجيلها بس اعرف تفكيرها هسه تكلي انتي تقربيله وخلي يحبج ويتعود عليج واني حاولت بس ماكو فايده هذا الاسبوع الثاني.
العصر رحت للعياده خلصت شغلي من وكت وبقيت كاعده بغرفتي ضايجه دخلت ميس خافت واستغربت عبالها متعاركين او زعلانين من بعض.
ظليت متردده احجيلها لو لا بعدين حجيتلها بس الوضع من زواجنه لهسه ماحجيت شي عن زيد وهالسوالف لان هي عبالها زيد هو قيس إلى جنت احبه قبل.
ميس: والله شكولج وضعكم صعب يعني المفروض انتي تحبيه من قبل الزواج المفروض ماكو حواجز بينكم هسه يعني تكدرون تحجون بهيج مواضيع وتحلوها اي سوء تفاهم ميبقى بينكم. زين حاولي وياه اتقربيله انتي.
ظليت ساكته بعدين كتلها: ماعندي استعداد اسوي اي شي بعد فلتحاولين تنصحيني هيج نصيحه.
ميس: هي هاي النصيحه الوحيده إلى ممكن تفيدج وتأثر عليه.
بجيت كتلها: وفرضا فادت وصار كل شي وانتهى بس بقى هيج بارد. شلون اخلص وياه عمري كله وهو هيج حاكرني هو هذا الزواج؟
ميس: الله يعينج ياحبيبتي والله ماادري شكولج لو تحجين وياه بصراحه لو تبقين تحاولين خاف يستحي خاف عنده مشكله.
مريم: شنو يستحي؟ اني المفروض استحي مو هو اذا هو يستحي لعد اني شسوي تره اني بنيه مو شرطي.
ميس: ?? نزول عليج.
مريم: لا مو نزول طركاعه سوده طاحت على راسي على كولت بيبي??.
ميس: ??.
مريم: خرب حظي وخرب قسمتي.
ميس: ??لج كافي حموت من الضحك.
مريم: عابت على شنو تضحكين؟ اني بياحال بالله وانتي تضحكين؟
ميس: ميخالف حبي اتحملي شويه.
مريم: كله الا هاذي الكلمه مااريد اسمعها.
ميس: شوفي استمري بوضعج يوميه لبسي بالليل واتمكيجي واتعطري ونامي ولا كأنه موجود خلي بس يباوع بعيونه قابل لشوكت راح يتحمل.
رجعنه للبيت طول الطريق يحجي بالتليفون لحدما وصلنه نزلنه رحت سويت عشا ويه مرت عمي بيت ليث وبيت غيث اليوم عدنه يباتون بقينه نسولف لنص الليل اني وفاتن واحلام هو راح نام وراها صعدت لامي فوك شفتها شويه واجه.
امي: ياهلا اتفضل عمه.
مريم: منو؟
امي: هذا زوجج كاعد تكولين نايم.
دخل هو سلم وبقى واكف يباوعلي بعدين كال: شنو عندج سهره اليوم الساعه ب12ونص؟
مريم: هسه جنت راح انزل عبالي نايم.
معلق كمت سلمت وهو هم سلم ونزلنه.
دخلنه للغرفه فكرت امشي بنصيحة ميس بس شفته لف راسه ونام حسيت معنوياتي بالحضيض صارت.
ثاني يوم حجيت لميس ظلت صافنه.
وراها بدت المشاكل بين قيس وبين ابرار لان متقبل البنات يجون عدنه ولاتقبل يشوفهم.
زيد سافر وقيس جان عصبي اغلب الوقت وضايج بسبب موضوع بناته حقه وضميري جان يأنبني حسيت كل هالبلاوي إلى صارتله والدوخه بسببي.
امي: خل تولي خل يطلكها ويرتاح منها ومن دوختها.
مريم: شلون يطلكها وبناته غير ام بناته؟
امي: بناته شعليهم هو ابوهم ومن حقه بالمستقبل ياخذهم عنده والمحكمه اصلا راح تسمحله ياخذهم فد يوم بالاسبوع مدام حضانتهم عدها.
مريم: اعرف بس لخاطر بناته هي امهم.
امي: انتي هم انشاءالله ام ابنه فكري بنفسج لتخافين عليها نسره هاذي.
مريم: صح امه ابنه??خل يشتهيني اول مره وبعدين عود احجيلج وياه.
امي: شنو يعني؟
مريم: ماكو شي سلامتج.
خلص الاسبوع الثالث على هالحاله.
اليوم لبست وكشخت وتعطرت ونمت وانطيته ظهري قررت اسوي مثلما كالت ميس احكره هو جان يحجي بالتليفون ويه صديقه خلص كلي: مريم نمتي؟
مريم: لا.
قيس: دوري خل نسولف.
مريم: احجي اسمعك.
قيس: هذا صديقي خوش ولد ويريد يخطب يعني يدور على بنيه بت ناس وسألني اذا عدنه بنات بالعائله. شرايج بنورس؟
ماالتفتت عليه ظليت منطيته ظهري واحجي كتله: ماادري والله اسأل امي ولو افضل تخلص وتتخرج وتتعين يالله تفكر بالزواج.
قيس: اووه سالفه طويله هاي الولد خوش ولد والله يفوتها.
مريم: شيفوتها هم المتزوجين شمحصلين حتى يفوتها??؟
سكت ماعلق بعدين كال: راح اطلك ابرار.
التفتت عليه: ليش؟ شكو؟