رواية نيشان للكاتبة روز الفياض الفصل الثالث والعشرون
باوعتله خزرته ومسحت دموعي كتله: والله اذا باوعت هناك عالبنات قيس متلوم الا نفسك.
قيس: صدك ناقصات عقل توج تبجين علي خاف اموت وترديني انسجن ولا اروح وهسه تهدديني خاف اباوع لعد وين الحب قبل شويه والبواجي والسجن.
مريم: زين انت اذا رحت هناك شمدريني متروح تتزوج هناك وحده ثانيه وتبقى 14 عدها وتجيني هنا 14يوم؟
قيس: لا ويكلج المصلاويات حلوات وحده احلى من الثانيه.
مريم: ??.
قيس: لج اششش اش الناس نايمه فضحتينه اضحك وياج هههههه خرب يومج اتشاقى والله العظيم صدك ناقصات عقل ودين ههههه.
ظلينه كاعدين للصبح على فد بجيه اني ومرت عمي بيبي محد كللها بعد الصلاه جهزتله جنطته ماادري شخليت ماادري شحطيت لو شما حطيت.
اسوء 14 يوم مرت علي بحياتي جنت اتخبل من اتصل عليه وميرد جنت اكول لو مات لو اتصوب مابيها مجال.
اول يومين حتى للدوام مارحت بس ميس لحت علي وامي ومرت عمي وعمي حتى التهي بس خلصت عيوني من البجي.
جنت اتوقع بأي لحظه يتصلون ويكولون استشهد.
بالليل جنت اصعد انام يم امي ميقبلون انام وحدي بالغرفه وجنت اخلص الليل احجي وياه عالواتساب ومن اخلص استلم البجي.
نورس: تره الرجال مابي شي لتفاولين عليه وتبجين.
مريم: من تتزوجين تحسين??
نورس: تره هو هم ابن عمي واحبه مو بس انتي.
مريم: سكتي نورس مالي خلكج.
نورس: كون اصورج فيديو وادزه لزيد حتى يشوف شكد تحبين قيس.
باوعتلها اتعجبت كتلها: شنو زيد؟ شجاب زيد عالسالفه؟ شتحجين؟
نورس: اعرف بموضوعج انتي وزيد سابقا??.
مريم: شنو؟ شتعرفين؟ ??
نورس: زيد حجالي.
مريم: شحجالج??؟
نورس: كل شي.
مريم: احجي شحجالج؟ شوكت حجالج؟
نورس: من اجه اخر مره اتصل بيه وحجه وياي حتى اقنعج تعوفين قيس لان هو يحبج وميتحمل يشوفج وياه.
مريم: خل ياكل نع...
نورس: واني هم هيج رأيي.
مريم: وشكلتيله؟
نورس: كتله انت عوفهم بحالهم خليهم عايشين حياتهم ومرتاحين وسعيدين هي تحبه وهو يحبها وانت بطل انانيه وتفكر بس بنفسك.
مريم: حقير ماادري شلون جنت احبه.
نورس: متحبيه بس لان هو كلج احبج حبيتي هالشعور انتي من الاول تحبين قيسان بس لان متزوج ممفكره بالموضوع وممنتبهه على نفسج وهو هم يحبج بس ميتجرأ يكول وخصوصا هو متزوج وعنده 3بنات وانتي زغيره وممتزوجه ودكتوره ممتوقع تقبلين بي بس هو اهتمامه بيج واضح.
مريم: معقوله??!
نورس: اكيد.
مريم: انتي من شوكت تفتهمين بهالسوالف??؟
نورس: من زماان.
مريم: لا والله من شوكت يعني عندج نظره بهيج امور وتفتهمين بهالسوالف انتي لحد ماخلصتي الاعداديه تلبسين حجاب الاميره بعد منين تعرفين??؟
نورس: ??.
مريم: اي يمكن احبه من الاول يمكن حجيج صحيح ممعقوله حبيته بسرعه وممعقوله بهالسرعه نسيت زيد.
نورس: مو كتلج مجنتي تحبيه لزيد.
مريم: والله منا وهيج لازم اخذ رأيج طلعتي تفتهمين وواعيه لا وعقلج جبير يعني مو اي كلام طلعت اني كل شي ماافتهم لج انتي شتدرسين اخاف علم نفس؟
نورس: ??.
مريم: فديت قيسان عمري والله بس انتي هسه طلع كل الغلط منج.
نورس: ياغلط؟
مريم: اسحب كلامي واتراجع طلعتي كل شي متفتهمين.
نورس: لج شكو ياغلط؟
مريم: مدام من الاول تعرفين احب قيسان وهو يحبني ليش محجيتي ونبهتيني؟
نورس: الحمدلله والشكر واني وين ادري بيج معجبه بزيد حتى اكولج؟ ووين ادري راح يصير هيج وتتزوجين قيس يعني ممتخيله بيوم من الايام تتزوجون لان هو متزوج والمصيبه عنده اطفال.
مريم: اسم الله مصيبتيش فال الله ولا فالج مو مهم عسى ماعنده درزن احبه.
نورس: اي حبيه كولها تحبه اصلا انتي ووياج فد 50 وحده من المنطقه ومن كليتي ههههه.
مريم: يمه??منو هاي إلى تحبه؟
نورس: يمعوده هو من جان متزوج ام لسان وجان يطلع للشارع البنات عيونهم عليه وهم يتحرشون بي ومن جان يجي وياي للكليه اذا احتاجه كل القسم يجون يسألون عليه البنات منو هالحلو ومنو هالوسيم.
مريم: ايا قليلات الادب اي وحده تباوعله عسى عيونها تيزاب يوكع بيها ياربي??
نورس: لازم تتعودين عالوضع حبيبتي لان زوجج حلو واحلى منج.
مريم: شنووو؟ عابت هالشكل تره اصيح لامي تأدبج??
نورس: ??
مريم: صدك احلى مني لج؟
نورس: نعم??.
مريم: عابتلج ياعوبه ياعدوة الجمال??.
نورس: ??.
مريم: لج يممممممه??يمه.
امي: شبيج شكو؟
مريم: تعاي شوفي بتج.
نورس: ماحجيت شي والله بس كتلها البنات كلهم يباوعون لقيس ومعجبين بي وهو احلى منج??.
امي: ??????.
نورس: ااااخ اخخخخخ??
امي: قليلة الادب اختج بيا حال تردين تخبليها متشوفيها مالها خلك وحامل.
نورس: ادري الحامل منحشش عليها يعني ????؟
امي: لج الحامل تكون عايشه بنص عقل مو مال هيج سوالف تره??
مريم: ??????.
نورس: ??
مريم: يمه شبيج انتي هم تحجين علي??
نورس: لاعفيه بس هذا السؤال اذا عايشه بنص عقل وين النص الثاني؟
امي: هو نص يروح بالحمل والنص الثاني يلحكه من تجيب??
نورس: ?? امي طلعت حشاشه.
مريم: بس خل يرجع هو بعد مااجيكم ولااعرفكم ولاتعرفوني??.
امي ونورس: ??.
امي: كافي كافي لتروح تسويها صدك وتتخبل وتنزل بنص الليل خليها بنص عقل احسن ميروح كله عالاقل لحد ميرجع قيس ويستلمها ??.
نورس: والله الله يعينه هالمسكين شلون متحمل خبالها??.