رواية معشوقتي المجنونة ج2 للكاتبة ابتسام محمود الصيري الفصل الخامس
تقف نايا تبص من الشباك و تنصدم تنزل راسها بسرعه و تعض شفتها اللى تحت
العسكرى: الحمدلله ده كابتن مهيمن
نايا بخوف هار اسوح امشى بسرعه وقفت ليه
العسكرى باستغراب: امشى ليه! ده كابتن مهيمن
نايا تلطم ع وشها: ما الوكسه انه مهيمن ده انا هتنفخ و تبص ل توتا تبقى تقولى ل عمو نايا ماتت اتفقنا يا توته
توتا بزهق: يوووه بقى ع اليوم ده اثمى توتا توووتا
نايا تخبطها بشويش ع راسها: ماشى يا لمضه.
مهيمن فتح باب العربية نايا استخبت في العساكر
مهيمن يقلع النضاره و بعصبيه: هي فين المدام؟
توتا ببراءه: ماتت يا عمو
مهيمن داخ و كان هيقع سند ع الباب و بصوت ضعيف: انتى بتقولى ايه
توتا بطفوله: هي اللي قالتلي
مهيمن بعصبيه و صوت عالى زعق ل توتا: هي فين
توتا اتخضت و عيطت شورت ع نايا بخوف: ورا عمو ده
نايا طلعت من ورا العساكر: فيه ايه؟ بتزعقلها كده ليه؟
مهيمن بصلها بصة صقر و بصوت هادى: تعالى يا نايا.
نايا بضحكة خوف: شكلك مش مريحنى
مهيمن بهدوء و بعكس اللى جواه: تعالى بس انزلي عايزك
نايا: ما انا لو جتلك هتبعتر حالي
مهيمن بحده: تعااالي
نايا راحتله بشويش مسك ايدها و بينزلها
توتا جريت عليه: عمو انت هتاخد طنط دي فين؟
مهيمن ابتسامه مصطنعه: هفسحها يا سكره
نايا بخوف: انت فكيت نفسك ازاي
مهيمن بنظرة حده: شكلك مش عارفه انا مين
نايا بخوف: لا ما انا عارفتي
فلاش باااك
نايا نزلت عربية الترحيلات.
مهيمن طلع المفاتيح بتاعته من جيبه و كان فيها اله حاده صغيره فتح بيها الكلبش بيفتح الباب كان مقفول بالمفتاح كان بيحاول يفتحه اول ما اتفتح لقى اللوا في وشه
اللوا بيكتم ضحكته: العسكري جالي و قالي انك في المكتب و مققول عليك
مهيمن بعين كلها شر بص للعسكري: تعرف لو كنت فضلت شبه الخيال كنت نسفتك( و يبص للوا و يدوس ع سنانه ) هي فين؟
اللوا يعمل نفسه مش فاهم: هي مين!
مهيمن بنرفزه: اللي بسلامتها شايفه نفسها زينه.
اللوا انفجر من الضحك: زينه نزلت تحرر البنت من المافيا
مهيمن سابه و نزل قابل الظابط محمد اخد عربيته
بااااك
نايا بخوف: مهيمن افهم، و الله ماكنتش اقصد بس كنت عايزه اقنعك انى اقدر و اهو قدرت
مهيمن بعصبيه و يقرب عليها: انا تكلبشينى و تخلينى شبه العصفوره جوه القفص
نايا بخوف و ترجع ل ورا: اوعى تقول ع نفسك كده ده انت صقر اسد لا انت طرزاااان
مهيمن بنرفزه: و انا هفرجك طرزان ممكن يعمل ايه يا مدام.
نايا ترفع صابعها و تشاور ع نفسها و تحركه: انا كده مش متفاءله
مهيمن يزقها ع العربيه و يحط ايده ع العربيه و هي في النص: اعتذرى و قولى مش هتدخلى المركز تانى
نايا بحده: انسى
مهيمن بعصبيه يضرب العربيه بأيده: متنرفزنيش عشان مندمكيش
نايا حطت صابعها ع دماغه: طلعنى من هنا و مش هتتنرفز و هترتاح
مهيمن نزل ايده خافت و كشت في نفسها.
مهيمن مسك ايدها بحنيه و حطها ع قلبه: بس لو طلعتك من دماغى مش هقدر اطلعك من قلبى مش هقدر اشوف فيكى اي وجع او رصاصه، الرصاصه قبل ما هتصيبك هتصبنى، نايا انا بحبك حب عمرى ما حبيته لحد حتى مراتى الله يرحمها عمرى ما قلبى دقلها، ياريت تقدرى حبى ليكى و ترحمى قلبى
نايا كان نفسها تترمى في حضنه بس عنادها و كبريائها منعوها سحبت ايدها و اديته ضهرها: مش هسيييب المركز يا مهيمن خليك معايا ع الوضع ده.
مهيمن بعصبيه خبط العربيه بأيده جامد: و انا مش هقبل بالوضع ده، و افضل كمان مع واحده عنيده و دماغها عايزه تتكسر اعتذري يا نايا
نايا بعند و صوت عالى: إلاااء
مهيمن حاول يهدى نفسه و يمسح وشه
نايا بهزار: حاسب بس تلخبط وشك و انت بتمسحه كده
مهيمن بصلها و مره واحده شالها فوق العربيه و نايمها و ربطها
نايا تكلم نفسها: يا لهوووى هتعمل فيا ايه يا خربيت اللى يزعلك.
مهيمن سمعها: ماتقلقيش ده انتى قلب قلبى همرجحك و اشهيصك
نايا تعوج شفايفها و تقول بهزار: اااااه مش تقول كده من بدرى و انا اللى فكرااااااا
مهيمن بضحك غيظ: لا اوعي تفتكرى غلط و نزل و ساق العربيه
نايا تصوت بخوف: يخرب عقلك
مهيمن: اعتذرى هنزلك
نايا تغلب خوفها و تقول بهزار: القعده هنا تحفه وااااااو
مهيمن اتعصب و ساق بسرعه
نايا تصوت
مهيمن: هتعتذرى
نايا بضحكة عيظ: الهوا بيزغزغنى
مهيمن ساق اسرع
نايا بصويت: لا لا لا.
مهيمن: هتعتذرى
نايا: ما قولتلك الجو هنا حلو اووى بس في حشرات بتدخل جوه بوقى
مهيمن بعصبيه: ماشى يا نايا (و فضل سايق).
في بيت فادى
روح ع بيته بردو مالقاش دانيه قعد بتعب و حط الفون و المفاتيح ع الترابيزه و رخى اعصابه و فرد نفسه ع الكنبه كلم نفسه و بعدين معاكى يا دانيه اعمل معاها ايه بقى اتعدل في قعدته مسك الفون و اتصل ع مامتها
سوسن باستغراب و بصت ل دانيه: ده جوزك
دانيه بلامبالاه: ما تردى عليه
سوسن ب انشغال: شوفيه عايزه ايه ايدى مشغوله
دانيه ببرود: و انا مالى هو متصل عليكى مش عليا و قامت دخلت اوضتها ترسم.
سوسن ردت ع فادى: الو يا حبيبي، عامل ايه؟
فادى بضيق: الحمدلله هي دانيه عندك
سوسن بإحراج و تكلم نفسها: يادى الكسوف شكلها ماقالتلهوش بردو
فادى: ماما سمعانى
سوسن تبرر الموقف: اه سمعاك يا حبيبي، اه عندى انا كنت تعبانه شويه و هي لما كلمتنى و عرفت جت ع طول
فادى ابتسم بحزن و حس بكدبها و كلم نفسه عمرى ما اتوقعت انك تكدبى عليا.
و كلم سوسن: ع العموم سلامتك، قولى ل دانيه خليها معاكى براحتها و لما تحب ترجع البيت خليها تكلمنى و انا اجيلها اخدها
سوسن: طيب تعالى اقعد معانا شويه و اتغدا و تبقى خدها و انت مروح
فادى بوجع: معلش تعبان و عايز انام
سوسن بإحراج: طيب تعالى يابنى اتغدا حتى و ادخل ريح هنا براحتك
فادى بص ع السفره اللى عليها بواقى الاكل في البيت عنده: متحرمش منك دانيه عملت الغدا قبل ما تنزل تسلميلى عايزه حاجه.
سوسن ارتاحت شويه: تسلملى يا حبيبي
سوسن قفلت الفون و دخلت ل دانيه الاوضه: انا كنت ناويه اقفل مع فادى و اجى ابهدلك بس اللى صبرنى انك عملتيله اكله قبل ما تنزلى
دانيه بصت بعدم فهم: اكل ايه اللى بتتكلمى عنه
سوسن: اكل جوزك الغدا يعنى بتاعه
دانيه ببرود: انا ماعملتش اكل
سوسن: يعنى هو بيدارى ع هبلك و انتى بارده مابتحسيش انتى يا بت مالك و مال جوزك
دانيه بنرفزه: هو بقى سيادته بيتريق عليا و بيقول عملتله اكل.
سوسن باستغراب: بيتريق! انتى يا بت هبله هو بيحاول يخلى شكلك كويس و انتى ديب فريزر متحرك
دانيه ببرود: ماما لو سمحتى انتى ماتعرفيش حاجه
سوسن بهدوء: طيب عرفينى
دانيه بوجع: فادى بيخونى
سوسن بصدمه: ازاي و انتو لسه متجوزين!
دانيه بدموع: ما ده اللى قاهرنى
سوسن حضنتها: طيب اهدى كده و خليكى عاقله حاولى تتكلمى معاه و قربيه منك
دانيه بتعب: ان شاء الله وفضلت ترسم.
عند مهيمن
وصل المركز و نزل و ساب نايا مربوطه
عمرو قابله: شفت نايا؟
مهيمن بضيق: عايز منها ايه؟
عمرو: البنت اللى كانت مخطوفه بتعيط جامد و عيزاها
مهيمن بلامبالاه: انزل فكها من عربية محمد بيه
عمرو تنح
مهيمن بعصبيه: هتتنح كتير
عمرو بتساؤل: و مين ربطها؟ اقصد ليه ااا! يعنى حصل ايه؟
مهيمن مشى و سابه
عمرو نزل من المركز وراح عند العربية وطلع فكها: حصل ايه؟
نايا بضيق: المجنون ربطنى و بيقول عليا انا مجنونه ده هو لوحده مورستان
عمرو بضحك: و الله الراجل كان عاقل و هادى و بيتحكم في اعصابه لكن من ساعة ماعرفك...
نايا نطت من ع العربيه: سكت ليه ما تكمل، تقصد ان انا اللى بهت عليه و ربنا ماهسيبك و طلعت تجرى وراه لحد ما طلعت و سمعت صوت البنت بتعيط
عمرو وقف و ضرب دماغه بشويش: اه صحيح البنت بتعيط جامد عليكى
نايا ضربته ع كتفه: ماقولتش ليه من بدرى و سع كده.
عمرو وقفها: انتى عملتى فيها ايه؟
نايا تظبط هدومها و بفخر: عشان تعرف انى حووونينه (و دخلت الاوضه لقت مهيمن شايلها و بيحاول يديها شوكولاته البنت اول ما شافتها خلت مهيمن نزلها و طلعت تجرى عليها حضنتها)
نايا شالتها: كده ابعد عنك خمس دقايق ارجع الاقيكى بتعيطى
مهيمن ادا الشوكولاته ل نايا و بصلها بحده: ورايا ع المكتب اهلها هناك.
نايا مسحت دموع توتا: عيزاكى تبقى هيرو و تبقى قويه قدام ماما و بابا و تقولى انك قتلتيهم كلهم اتفقنا
توتا حضنتها جامد و بعين مكسوره و فيها الدموع: متسثيبينيث
نايا تحضنها و تطبطب عليها: انا معاكى يا حياتي و اول ما دخلت مكتب مهيمن يالا نشجع البطله اللى حاربت كل المافيا لوحدها
توتا كانت خايفه و مامتها اخدتها: كويس انك رجعتيلى يا توتا
حسام بتريقه: لا واضح يفرق معاكى رجوعها اووي ما انتى طول اليوم رمياها.
جهاد بعصبيه: و الله انا ببقى سيباها في اكبر حضانه و ببقى مطمنه عليها جدا، شايف البنت بقت عامله ازاي بسببك
حسام بعصبيه: بسببي انا؟ بقت كده، و الله اللى زيك ما ينفعش يبقى ام اصلا
جهاد تنزل توتا و تحط ايدها في وسطها: و حضرتك اللى ينفع يبقى اب، هي البنت اتخرست من شويه كله بسببك
نايا كانت متنحه و بتبص ل كل واحد شويه و اول ما سمعت اتخرست لسه هتتكلم: لا هي...
توتا تغمزها انها متقولش.
مهيمن قعد و حط رجل ع رجل و فضل يبصلهم و مستغرب جدا ان ازاي حد معاه طفله قمر كده و يفضلو يتخانقو حتى ميقدروش شعورها و انها كانت مخطوفه
حسام باستغراب: ب سببي انا!
جهاد: انت يادوب بنك تقدر تقولى تعرف عنها ايه
حسام بصوت عالي: البنك اللى مش عاجبك دلوقتى جربى اقعدى يوم من غير فلوسه و شوفي نفسك هيحصلك ايه
جهاد بنرفزه: انت بتزلنى بفلوسك يا حسام
حسام بعصبيه: اعتبري اللى تعتبريه.
جهاد بغباء: ماشي يا حسام و بنتك عندك اهي وريني هتحافظ عليها ازاي انا هسيبهالك عشان تقدر قيمتي و تعرف اذا كنت بعمل ولا لا
حسام بغباء اكبر: و انا مش عايز اي حاجه من ريحتك (و يخرجو الاتنين و كل واحد يمشى في طريق عكس التاني)
نايا بصت ع الباب: هو ده فيلم هندي صح، انت ياعم انت خد هنا انتى يا طنط.
مهيمن بص للبنت و شاف دموعها متحجره في عنيها قلبه وجعه جدا شالها و باسها و اداها ل نايا و قرب من ودنها هديها هروح اجيبلها حاجات حلوه
نايا اخدتها و هزت راسها ل مهيمن ب ماشى
وتقول بهزار: مال القمر زعلان؟
توتا بنرفزه: كل ده و لثه بتثألى
نايا: دول بيهزرو
توتا: اه ما انا عرفاهم كويث
نايا مستغربه للباقتها في الكلام و شقاوتها اللى تخطف العقل: ايه رأيك تبقى بنتى انا.
توتا حضنتها جامد: انا حبيتك اووى انتى بتهزرى معايا و بتتكلمى مث بتزعقيلي زيها كل ما اتكلم
نايا حضنتها: يا قلبى، بس انتى جميله و عسوله و الكلام معاكى بيبقى ممتع جدا بس ماما بتبقى مش فاضيه
توتا: انتى ماما
نايا: يا حبيبتى و انا موافقه
توتا: نختار بابا بقى
نايا بهزار: بس ياريت يكون مز كده و لذيذ زينا مش عايزين واحد كشرى
توتا: نفكر مع بعض مين مين
يدخل مهيمن توتا تجرى عليه ده بابا.
نايا بصوت واطى: مالقتيش غير ده يبقى ابوكى بقولك ميكنش كشرى و مز
توتا: هو ده، اذا كان فثحك انتى يا كبيره يا عاقله مش هيفثحنى انا يا ثغيره
مهيمن يشلها و يبوسها في خدها: ده انا هفسحك احلى فسحه و ادالها عروسه و شنطه فيها حاجات حلوه كتير (و كلمها في ودنها ) بس قولى ل نايا تروح معانا
توتا تديلو البسكوت يفتحه: تقصد ماما
مهيمن بص ل نايا و ابتسم و فتح البسكوت و ادها ل توتا و يقول: هي بقت ماما.
توتا تاكل بسكوته و تهز راسها ب اه
مهيمن: يالا يا توتا زي ما اتفقنا
توتا تروحلها تمسك هدومها و تشدها: انا عايزه اتفسح
نايا بحنان: بس كده عونيه، بس اخلص الاجراءات و اشهيصك
توتا تشاور ع مهيمن: مع بابا و انا و انتى
نايا تنزل ل مستواها و تقعد ع ركبتها و تكلمها في ودنها: سيبك منه انا هشهيصك
توتا: لا معاه انا نفسى اخرج مع بابا و ماما مابيتخنقوث و يركزو معايا زيكم كده.
نايا تضحك ضحك هستيرى: ده اللى انا و مهيمن مابنتخانقش
توتا تكشر: انتو كمان بتتخانقو؟
مهيمن ينزل هو كمان لمستواها و يقعد ع ركبه و نص: انا ابدا( و يبص في عين نايا ) انا حنين اووى
نايا بنرفزه: يعنى انا اللى بتخانق مع نفسى مجنونه انا مثلا
مهيمن يبصلها و يرفع ايده باستسلام و يغمز ل توتا: شوفتى انا برئ اهو و يشاور ع نايا
نايا: ايه ده انا اللى طلعت بعبع
توتا و مهيمن يهزو راسهم ب اه.
مهيمن: اثبتى بقى انك حنينه شبهى
نايا هرشت في شعرها و ضربته في صدره من غير ما توتا تاخد بالها و تقول ل توتا معاكى طبعا يا قمر و عشان اثبتلك انى كيوت و بابا ده الشرير
و قامت راحت مكتبها تقفل في القضيه.
عند فادى
فادى جه ع نفسه و اتصل ع دانية: دندون عامله ايه؟
دانيه: الحمدلله
فادى: هتباتي عند ماما ولا اجيلك اخدك
دانيه: اه هبات تعبانه شويه و برسم رسمه لسه مش خلصتها
فادى: ماشى يا عيوني ماتسهريش عشان ماتتعبيش اكتر
دانيه ببرود: ان شاء الله
قفل فادى و كان زهقان جدا و كلم نفسه: ابو الجواز ع اللى عايز يتجوز ايه النكد ده.
عند نايا
خلصت شغلها قامت راحت مكتب مهيمن لقت مهيمن بيلعب مع توتا و بيضحكو جامد ابتسمت ليهم
مهيمن بص عليها: اخيرا شفت ابتسامتك
نايا تجاهلته و بصت ع توتا: انا خلاويص بس بصى يا توته لازم نروح المستشفى الاول نزور عمو نضال المسكين اللى اخد رصاصه
مهيمن بخضه و قام من ع الارض: هو نضال اتصاب
نايا: اه
مهيمن بصوت عالى و نرفزه: و مابتقوليش ليه من بدرى.
نايا: هو انت ادتنى اي فرصه اتكلم، ع العموم ماتقلقش دي رصاصه في كتفه
مهيمن: يعنى ايه مقلقش اي حد من الفريق ده يهمنى اووى و بعتبرهم كله اخواتى مش مجرد فريق
نايا ابتسمت: طيب يالا نروحله (و نزلو و عمرو نزل معاهم)
عمرو باستغراب: البنت لسه معاكم ليه
نايا: هقولك بعدين
عمرو فضل مستغرب طول الطريق وجود توتا مع نايا.
عند شادي و فريده
كان معاهم سمسار بيفرجهم ع الفلل لحد ما فريده وقفت عند فيلا فيها بسين ع شكل قلب و جنينه صغيره كلها ورد احمر و بينك و ابيض و النجيله الخضرا في الارض كلها و الفيلا نفسها متكونه من دورين الدور الاول كله رسيبشن و الارضيه بورسلين و الدور التانى اربع اوض و الارضيه باركيه
فريده: الله الفيلا دي حلوه اووى
شادي مسك ايدها بحب: يعنى عجبتك
فريده: اووي
شادي بص للسمسار: تمام هناخد دي.
السمسار: مبروك يا دكتور مبروك يا هانم
فريده و شادي: الله يبارك فيك
راحو مقر شركه التسويق بتاع الفيلا و خلصو الورق و بقت ملكهم ( الفيلا كانت جنب فيلا مهيمن بالظبط)
شادي اتصل ب مهندس ديكور عشان يظبط الفيلا و يشوف هتاخد وقت قد ايه و قاله شهرين
شادي: يالا نروح ل سوسو عشان نقولها و نتفق ع ميعاد و ننزل نشتري الفستان
فريده: يالا بينا
ركبو العربيه و فريده كانت عماله تهزر و ترقص من الفرحه.
و شادي كان فرحان اووى بشخصيتها المرحه.
في المستشفى
دخل مهيمن و عمرو و نايا و توتا
اول ما دخلو المستشفى عمرو واقف تنح نايا اخدت بالها منه راحت وقفت جنبه و بصت في نفس الاتجاه بتاعه: شايفه حاجه يا بت يا توته
توتا تشاور بأديها: فيه مزه هناك اهى
نايا خبطته: بتبص ع ايه يا مش محترم
عمرو بسرحان: شايفه البنت اللى هناك دي هي نفس البنت اللى جت مره تسأل ع نضال.
نايا تبص تلاقى بنت قاعده ع كرسى و بتقرأ قرأن و لابسه حجاب كبير اسود و عبايه واسعه جدا سوده حتى الشوز اسود و وشها بدر منور و الاسود بيزيد بياضها و جمالها
نايا تحط ايدها ع دقنها: و انت لسه فاكر شكلها
عمرو ب ابتسامه: عيب عليكي صورتها اتحفرت في عقلي من اول مره
نايا: ماشي يا كزانوفا عصرك
عمرو: شكلها مش سهله و خايف اكسف نفسى ما تروحي كلميها انتى و عرفيني عليها
نايا بصوت رجولى: و انا مالى و دخلت ل نضال.
عمرو: ماشى يا نايا مردودالك و دخل وراها
كان في الاوضه نضال نايم ع السرير و قالع التيشرت و كتفه مربوط و ويزو قاعده اخر السرير و ام و ابو ويزو واقفين جنبه و مهيمن واقف جنبه الناحيه التانيه
نايا وقفت جنب مهيمن و تقول برقه: السلام عليكم
الكل و عليكم السلام
نايا تبص ل نضال و بنفس الرقه: حمدلله ع السلامه
مهيمن يبصلها و يقول بصوت واطى: من امتى الرقه دي
نايا بثقه: طول عمرى رقيقه بس البعيد مش بيحس.
نضال كان بيبصلهم و يقاطعهم: لا اله الا الله ( يبص ل نايا ) الله يسلمك يا نايا تشكرى ع السؤال
مهيمن رفع حاجبه و شاور ع نفسه: ده انا
نايا تهز راسها ب اه
نضال: يا كابتن بتقول البعيد انت لازق في امها، اهدو كده حوالينا ناس
عمرو ميل ع نضال: ما بيستروش ابدا
مهيمن سمعه و اتضايق
ويزو تغير الموضوع: انتى نايا
نايا: ع حسب الواد ده قالك عليا ايه
نضال: واد برستيجى راح في الوبا
فوزي: اسيبك مع ضيوفك بعد اذنكم.
رانيا: خدنى معاك
نايا برقه: ايه يا طنط احنا جينا مشيناكم
رانيا: لا والله، هطلع اشوف رنا عشان ما تبقاش لوحدها
الباب خبط و دخلت رنا اول ما دخلت لفتت كل انتباه اللي في الاوضه
عمرو بصلها و تنح
رنا تبص للارض: ماما همشى انا عندى دار
رانيا: همشى معاكى ثانيه اسلم ع نضال
فوزي: لا خليكى معاهم و انا هوصلها و اروح الشركة و بص ل نضال: تقوم ب الف سلامه يا بطل و سلم ع مهيمن و نايا و ميل ع توتا: مع سلامه يا قمر.
توتا بدون فهم: انا توتا مش قمر
كلهم ضحكو
فاروق بضحك: الغلط ع بابا المفروض كان سماكى قمر عشان انتى قمر
توتا تبص ل مهيمن و تشد ايده: صح انا قمر
مهيمن نزل ل مستوى توتا: و احلى كمان انتى و (فكر شويه و بص ل نايا و سرح في عينها اللي غرق فيها و نسي هو فين ) عارفه الطبيعه اللى فيها كل حاجه حلوة انتى الطبيعه ذات نفسها.
انتى السما الصافيه في هدوئك، انتى الورده المفتحه لما بتبتسمي اللي بتخطف نظر اي حد، انتى الاشجار في حنيتك اللى الواحد بينسى نفسه في حضنك، و كشر وشه انتى الجبل في عز قوتك، انتى البحر في غضبك
قال كلماته وهو مغيب زي المتبنج و كل حرف طلع من قلبه كان يقصد بيه نايا
نايا عينها دمعت و بصت الناحيه التانيه الكل باصص عليهم و كلهم في حالة صمت
توتا تقطع الصمت و تقول بفرحه: انا كل ده يا بابا.
مهيمن نزل عينه من ع نايا و بص ل توتا: طبعا يا قلب بابا
عمرو و نضال: بابا!
مهيمن غمزلهم سكتو
توتا بفرحه: مع انى مث فاهمه اللي قولته بث مبثوطه (و باسته ع خده)
فرزي بضحك: ده انت شاعر يا عم ليها حق بنتك مايعجبهاش القمر.
مهيمن اتحرج و مش عارف قال كده ازاي ابتسم ليه و سكت و كلم نفسه و ملامحه مكشره ايه اللى انا قولته ده و من امتى بقول كلام غزل و ملامحه اتغيرت و ابتسم و بص ل نايا حد يبقى معاه نايا و ماينطقش عينهم اتقابلت مع بعض و كل واحد عينه مليانه شوق و حب و اشتياق
نايا بصتله كتير و غمضت عينها تحضنه بيها مهيمن حس بكل حرف هي عايزه تقوله و فرح اووي انها مقدرتش تسيطر حتى ع عينها اللى بتصبره ع قسوتها و عنادها.
نضال بيتكلم مع ويزو و رانيا
و فوزى بيتكلم مع توتا و عمرو باصص ع رنا اللى باصه في الارض
فوزى يكلم نايا و هي سرحانه مع خيالها
مهيمن قرب عليها خبطها: فوزى بيه بيكلمك
نايا تتخض و تركز و تبص ل فوزى: سورى كنت بتقول ايه
فوزى: ربنا يباركلكم في البنت اللمضه دي
نايا بصت ل توتا و بصتله: و يبارك في عمر حضرتك
فوزى سلم ع نضال و مهيمن و نايا و بيمد ايده ل عمرو يسلم عليه لقاه هو كمان في اللالا
نايا تخبطه: عمو بيسلم عليك.
عمرو يركز و يسلم عليه
فوزى: انتم كلكم مالكم
عمرو ب ابتسامه: لا ابدا مافيش
فوزى: ربنا معاكم يا ابطال
و نزل و وراه رنا
نايا تهرب من عين مهيمن و تبص لعمرو
: ايه اللى اخد عقلك
عمرو: هو اتاخد بس ده اتخطف بجمالها
و يبص ل رانيا: دي اكيد رنا
نايا: شكلك لماح ايه الذكاء ده كله
رانيا ضحكت ع نايا و بصت ل عمرو: اه هيا
عمرو: معلش ممكن سؤال
رانيا: اتفضل.
عمرو: هي مالها حاسس انها اااا يعنى عينيها حزينه و وشها دبلان مع انه بدر منور
نايا بتريقه: ها و ايه كمان، طيب لحظة ايدها بتعيط من الجوانتى و رجلها بتكح تراب من الجزمه يا جزمه
عمرو خبطها و بتريقه: لذيذه
رانيا بضحك: انتى فظيعه، و تبص ل عمرو مالهاش بس هي بتحب تقعد لوحدها
عمرو بمعاكسه: و حد يسيب القمر ده لوحده
ويزو بصتله: الله، احنا بنعاكس
عمرو بضحك: هو انا كده بعاكس انا بقول الحقيقه
نايا بضحكه صفرا: طيب خف.
توتا تشد هدوم مهيمن: بابا يوووو بقى يالا بقى انا زهقت اوووف
مهيمن بضحك: كل ده طيب يالا بسرعه
توتا: يالا يا ماما بقى
نايا: الناس دي صدعوكى انا عارفه يالا
عمرو و نضال بصو ل بعض: بابا و كمان ماما!
نايا بضحك: امال ايه
نضال: مش دي البنت ال...
نايا قاطعته: هي
نضال: طيب ازاي بابا و ماما فهمينى
نايا: هفهمك بعدين يا رزل سلاموووز
مهيمن شال توتا و مشى و نايا مشيت جنبه.
وصلو عند العربيه و مهيمن فتح الباب اللى ورا و دخل توتا ربط الحزام و نايا قعدت قدام و هو لف ركب و دور العربيه
مهيمن بص ل توتا في المرايه: الانسه تحب تروح فين؟
توتا بفرحه: الملاهى
مهيمن يبص ل نايا: و المدام تحب تروح فين؟
نايا: بينا ع الملاهى مرسى ابو العباس
مهيمن: اوكي و اتحرك بالعربيه
^^^
في بيت سوسن
فريده دخلت البيت فرحانه جدا: مامتي يا مامتي احنا لقينا فيلا.
سوسن تطلع من المطبخ: مبروك يا حبيبتي ربنا يسعدكم يا رب و بصت ل شادي مبروك يا حبيبي
شادي راحلها حضنها و باس راسها: الله يبارك فيكى يا ست الكل انا هفضل ادعيلك عمرى كله ع اجمل هديه هديتيهالي
دانيه طلعت ع صوتهم و ع وشها ارهاق و تعب قالت بهزار: اخيرا هفرح فيكم احم اقصد بيكم
شادي بص ل فريده بحب و رجع بص ل دانيه: افرحى براحتك زي ما تحبي
سوسن بهزار: عارف ترجع تشتكي من هيافتها بعد الجواز هعمل فيك ايه.
شادي بضحك: انا اشتكي ده انا هصدق لما ادخلها القفص بتاعي و تبقى سجينه فيه
فريده بحب: منحرمش منك ابدا يا عمري يا رافع معنوياتي
شادي حط ايده ع كتفها و بص ل رانيا و دانيه: عايزكم تختارو معاد الفرح و تحبو يكون فين ولا اقولكم فين دي مفاجأه
فريده: لو من بكره معاك
شادي: ياريت كان ينفع ماكنتش اسيبك ابدا
سوسن: يابت اتقلى شويه
فريده تبص ل شادي بمشاكسه و تقرصه من خدوده بشويش: اتقل ع عمرى انا، مستحيل.
شادي بصلها بابتسامة عاشق: احلى مافيها صراحتها و مشاعرها الواضحه، بس وردة حياتي هتبقى العروسه و بس مش عايزها تشغل بالها ب اي حاجه تانيه
فريده بهزار: ايوه صح انا لازم اعمل فيها عروسه
شادي بحب: تعملي! انتى من صغرك شبه العروسه اللعبه و دلوقتي جه الدور تبقي عروسه بجد و ملكة حياتي
فريده تبص ل مامتها: سامعة الكلام، ازاي بقى اتقل ع اميري
سوسن تدعي الزعل: يعنى اطلع انا منها.
شادي ساب فريده و راح ل سوسن باس ايدها: انتى الخير و البركه بس سيبيها براحتها
سوسن: انا هسيبكم خالص و ادخل اعمل الاكل
شادي: لا نختار معاد الاول
سوسن بحب: اللى يريحكم يا حبيبي شوف ايه يناسبها و شوف والدك و مشاغله انا فاضيه وقت ما يكون مش هيكون ورايا حاجه
شادي: خلاص ماشي نشوف بابا
دانيه كانت قاعده بصه عليهم و تكلم نفسها.
يجي فادى يتعلم اللى مش فالح في حاجه غير الشغل قامت من ع الكرسي: هدخل اكمل رسم ع ماتتفقو ع معاد الفرح بس يا ريت ننجز
شادي بصلها و ابتسم: ماتختاري انتى و ريحينا
دانيه بمشاكسه: اختار انا! و افضل افكر و يطلع عيني و حضراتكم تبقى دماغكم صافيه و تفضلو تحبو في بعض
فريده و شادى هزه راسهم ب اه
دانيه: لا اشغلو دماغكم شويه و طلعت لسانها ليهم و دخلت الاوضه
شادي بص ل فريده: مش هفكر برده في حاجه نتصل ع بابا هو يختار.
فريده غمزتله: بيس يا مان
اتصل ع باباه و عرفه ان الفيلا هتخلص بعد شهرين و باباه قاله يكون بعد شهرين ونص.
كفايه بقى رومانسيه ندخل ع العنيده
اول ما وصلو مرسى ابو العباس نايا و توتا فضلو يجرو ورا بعض، مهيمن حس انه بين طفلتين مليانين نشاط و طاقه تكفى العالم كله.
فضل واقف مكانه بس مخلى عينه عليهم عشان ياخدو راحتهم و كل واحده تختار مرجيحه شويه لحد ما نايا ركبت المركب و كانت بتتمرجح و هي مبسوطه و توتا كانت معاها بس قاعده اول ما تزلو بصت ع مهيمن و كان نفسها يكون قريب منها و يلعب معاهم ميلت ع توتا تكلمها في ودنها: مش واخده بالك بابا سرحان و مش بيلعب معانا
توتا: عادى يا ثتى ثيبيه يالا نلعب
نايا: لا لازم يلعب معانا
توتا: طب روحى قوليله بثرعه عثان نلعب بقى.
نايا: لا روحى انتى و اوعى تقوليله انى انا اللى قولتلك
توتا: هروح بث عثان نخلث و نلعب
نايا بضحك: ماشى يا لمضه
توتا جريت ع مهيمن بفرحه كبيره اول مره تدخل قلبها مهيمن عينه عليها و فرحان ع فرحتها فجأه شاب وزنه تقيل بيجرى اتكعبل في توتا و وقعت و هو وقع عليها مهيمن اتنفض من مكانه و جرى بسرعه و نايا تنحت مكانها و فضلت تصوت.