رواية معشوقتي المجنونة ج2 للكاتبة ابتسام محمود الصيري الفصل الثامن والعشرون والأخير
سوسن قامت و وشها كله دموع قلبها مكسور مشيت خطوات بحزن
فريده تبص عليها و تقول بدموع: ماما انا اسفه، بس انا زعلانه اني مش هكون ام
سوسن بحنان: يا حبيبتي مكنتيش هتلحقي تربي ابنك، كنتى هتسيبيه ل وحده ف دنيا مبترحمش، جوزك بيحبك و عايزك انتي ل شخصك، مش عايز غيرك من الدنيا، العيال زي ما بتكون نعمه ممكن تكون نقمه ع اهلها ربنا بيحبك و دايما بيعمل الاحسن
رب ضارة نافعة يا بنتي.
وَأَمَّا الْغُلَامُ فَكَانَ أَبَوَاهُ مُؤْمِنَيْنِ فَخَشِينَا أَن يُرْهِقَهُمَا طُغْيَانًا وَكُفْرًا
فريده تمسح دموعها: صدق الله العظيم.
سوسن: كان في زمان واحد راكب سفينه غرقت الشاب و مفقدش الامل ب ربنا فضل يعوم لحد ما وصل جزيره كان بياكل من ثمار الشجر و بيشرب من جوز الهند و عمل كوخ صغير، في يوم اصطاد ارنب و سابه ع نار عملها و قام يدور ع حاجه تزود النار رجع لقى النار حرقت كل حاجه حتى الكوخ بتاعه زعل اووي ويأس من رحمة ربنا و فضل يقول ليه كده يا رب، بيبص في البحر لقى سفينه و نزل منها قارب راح ناحية الجزيره عشان يشوفو ايه النار دي و طبعا ربنا كان عايزله الاحسن من انه ياكل الارنب.
فريده بأيمان: و نعمه بالله يا امي
دانيه حضنت اختها: ربنا مدي كل انسان فينا 24 قيراط اللي واخدهم صحه و فيه واخدهم سعاده و فيه واخدهم عيال صالحين و فيه واخدهم فلوس قولى دايما الحمد لله
فريده بصفاء: الحمدلله و بصتلهم هو شادي زعل مني؟ هو فين وحشني اووي؟
دانيه تضحك: يالا يا ميصبه دلوقتي وحشك
فريده تحاول تقوم
سوسن تمسكها: هتروحي فين و انتي تعبانه كده.
فريده بشوق ل شادي: انا زعلت حبيبي مني في وقت هو اتخلى فيه انه يكون اب عشان ينقذني انا، هروح اصالحه ب نفسي
دانيه: خليكي و انا هجبهولك لحد عندك
فريده ابتسمت: لا انا هروحله
دانيه ساعدتها و طلعت لاقته واقف جنب الاوضه حزين جدا كان ساند ع الحيطه و مغمض عينه
فريده قربت عليه و حضنته
شادي من غير ما يفتح عينه حس بيها حضنها جامد
فريده باسف و حب: انا اسفه يا حبيبي، وحشتني اوووي.
شادي بحب: اوعي تفتكري انى هزعل منك حتى لو ثانيه، انتى الهوا بالنسبه ليا اللى مهما يكون فيه زعابيب و تراب مقدرش استغنى عنه انتى روحى يا فافا
فريده بحب: و انت كيان وردة حياتك، بحبك يا شادي و قربت عليه باسته
دانيه جريت عليها: بت انتى احنا في المستشفى
شادي شال فريده و دخل بيها الاوضه بتاعتها حطها ع السرير و كان مميل عليها و بصلها ب حب: هعوضك عن كل حاجه يا بنتى و حبيبتي و اختى و امي.
فريده حطت ايدها ع رقبته: و انا مش عايزه حاجه من الدنيا غيرك يا حبيبي.
يوم جديد
عند عمرو
حضر نفسه و اخد مامته و باباه و راح ل فوزي
رنا كانت مبسوطه جدا و كانت لابسه فستان رقيق لونه بيج و طرحه بيج زاد جمالها
، و بعد تعارف الاهل ع بعض
ابو عمرو طلب رنا للجواز
فوزي: شوفو تحبو الخطوبه امته
عمرو: انا اتمنى ميكونش فيه خطوبه يبقى جواز ع طول، شقتي جاهزه من كل حاجه فضل بس اميرة البيت
فوزي بص ل رنا اللى باصه في الارض، بص ل عمرو: موافق، و الفرح و شهر العسل ع حسابي.
نضال: مبروك يا عمور و بقينا نسايب
ويزو بفرح نزغرد
عمرو بص ل رنا: مبروك عليا انتى
رنا كان مكسوفه حدا من كلام عمرو و نظراته احمرت خدودها و ابتسمت ليه.
عند مهيمن
طلع اوضة عاديه، نايا كانت جنبه بتعمله كل حاجته
وهي بتأكله
مهيمن يحط ايده ع خدها: قلبى كفايه انا مش متعود اكل كل الاكل ده ولا متعود اكون في المستشفى كل الوقت ده
نايا بمشاكسه: حبيبي تعبان و لازم ياكل عشان يقوم و يرجع يهز الارض تحت منه
مهيمن باس ايدها: قلبي وجودك جنبى بيخفف كل جروحي ازاي بقى بتقولى عليا تعبان
نايا بحب: انت اجمل حاجه حصلتلي يا روحي.
توتا تدخل مع كرم و مريم: بابا بعد الثر عليك يا بابتي يا حبيبي
مهيمن ابتسم: قلب بابتك
نايا ميلت عليه: ان وبس اللى قلبك مستحيل اخلى حد يشاركني في قلبك
مهيمن بصلها هنغير
توتا بصتلهم: انتو بتقولو ايه و طلعت ع السرير
مهيمن: ولا حاجه يا توتا و بص ل نايا حلو كده
نايا: مش اووي كده
توتا بطفوليه تبصلهم: اثماله عليكم مالكم
كرم: حمدلله ع السلامه
مهيمن: الله يسلمك
كرم بتحمحم: مهيمن انا عارف الوقت مش مناسب بس عايز.
مهيمن يبصله ويفهم هو عايز ايه يقول بأبتسامه: في ايه يا كرم انت مش محتاج ل كل المقدمات دي، مبروك
كرم ابتسم و بفرحه: الله يبارك فيك
نايا بصتلهم و بصت ل مريم و حضنتها: مبروك يا مريوم
مريم بدون فهم: ع ايه؟
كرم ابتسم: انا كنت جاي اطلبك من مهيمن و هو وافق
مريم ابتسمت و بصت ل اخوها
مهيمن شاورلها تقرب عليه، مريم قربت ليه اخدها في حضنه و قال بحب و فرحه: لو لفيت الدنيا كلها مش هلاقي راجل يخاف عليكي زي كرم.
كرم ابتسم: تسلم يا مهيمن ع ثقتك
مريم ابتسمت
نايا حضنت كرم: مبروك يا كرم
مهيمن بحده بصلها انها تبعد عنه
نايا كانت عينها في عين مهيمن و كرم ضهره ل مهيمن
نايا تضم حواجبها و تقول ب عينها في ايه
مهيمن يحرك عينه ناخيت اليمين و من غير ما يتكلم ابعدي عنه
نايا تكشر و تقول بعينها ده اخويا
مهيمن يميل راسه ويقول بعينه بغيره
نايا تبصله بحده و تكشر
مهيمن يبصلها بحده اكبرويجز ع سنانه
كرم بعدها عنه: هو في ايه؟
نايا بضحكت غيظ: ولا حاجه ادخل في حضن اختك
مهيمن يبصلها بتوعد و يقول بعينه بعينه ماشي
مريم كانت بتبص ع تعبير وشهم و مستغربه ليهم
دخلت نفس الممرضه المسهوكه وتبص ل مهيمن بأعجاب ظاهر: تؤمر بأي حاجه يا كابتن
مهيمن يبص لنايا و يبتسم نص ابتسامه و يغمزلها و يقول بعينه انتى اللى ابتديتي و يقول للمرضه: ضهري قافش عليه لو سمحتى تعالي اعملي مساج مش قادر
نايا سابت كرم و تنحت.
الممرضه بأبتسامه: حاضر، واخدت كريم من ع الكوميدينو فتحت الكريم و بتحط ع ضهر مهيمن و لسه بتلمس ضهره
نايا بحده تزق ايدها: ايدك ل توحشك
الممرضه باستغراب: هو ايه اصله ده
نايا بحده: اصله تطلعي بره الاوضه دي و متدخلهاش تاني
الممرضه بصت ل مهيمن
مهيمن بغمزه: بقولك ضهري قافش
نايا خبطت مهيمن جامد: لو قافش اووي افكهولك يا يا نفجي بنفسي و بصت للممرضه ثانيه كمان هخلي كل اللى يعرفك يقرأ ع روحك الفاتحه.
الممرضه طلعت بخوف
كرم و مريم فضلو يضحكو
نايا حطت ايدها ع ضهره و كانت بتعمله مساج جامد
مهيمن بص ل كرم و كان بيضيف عينه من الوجع: خد اختك بعيد عنى هتموتني
كرم يمثل الخوف: ما انا لو حوشتها هتموتني انا، سلام يا برنس يالا يا توتا
توتا: عايزه اقعد مع بابا
كرم: تعالى هوديكي الملاهي
توتا تنزل: طب يالا بسرعه، سلام بقى يا بابا
مهيمن: كده بعتي ابوكي عشان الملاهي.
توتا بمشاكسه: ابوكي ايه ابوكي دي، من دلوقتي ولا اعرفك يا بابتي و طلعت جريت ورا كرم
نايا ضحكت ضحكة شر و تحط ايدها ع صدرها: البت دي تربيتى
مهيمن يمثل الخوف منها و بصوت واطي: و انا بقول واطيه ل مين
نايا تخبطه جامد في ضهره: بتقول حاجه يا حبيبي
مهيمن بوجع يضم عينه و يعض شفته اللى تحت و يقول: ايدك تقيله يا قلب قلبي.
نايا بتريقه: مش اتقل من دمك يا روحي، عشان تبقى بعد كده حتى متفكرش مجرد التفكير في بنت تلمسك يا حياتي
مهيمن لف ايده و حطها في وسطها و شدها قعدها ع رجله و بصلها اوووي بشوق و قرب من شفايفها برومانسيه.
الدكتور خبط عليهم محدش رد فتح الباب شافهم و لقاهم في دنيا تانيه طلع قفل الباب و خبط جامد
نايا اتخضت و قامت بسرعه
مهيمن ب ثبات: ادخل
الدكتور دخل و قرب يطمن ع الجرح
مهيمن بجديه: دكتور انا عايز اطلع من هنا
الدكتور بس انت بقالك 3 ايام بس
مهيمن بأصرار: انا مش هقدر اقعد هنا
الدكتور: يا مهيمن المره دي جرحك كبير
مهيمن: انا ادره ب حالي، و انا هكتب اقرار ع نفسي
الدكتور بقلة حيله: ماشي يا مهيمن
وطلع.
نايا تحط ايدها في وسطها: يا دماغك الناشفه
مهيمن بحب يمسك ايدها يقعدها ع رجله و يقربها لي حضنه: قلبي قعدتي ع السرير بتتعبنى اكتر من اي حاجه و انا لازم اطلع عشان انفذ وعدي ل حازم
نايا: وعد ايه؟
مهيمن: هفتح صالة تدريب و هدربه هو و توتا هخليهم ابطال خماسي
نايا بفرحه: وااااو فكره حلوه اوووي
الباب خبط
مهيمن: ادخل
نايا تقوم بسرعه: هو ايه الى ادخل و انا ع رجلك
مهيمن ضحك عليها
دخل اللوا: ازيك يا بطل.
مهيمن قام و قعد ع كرسي: تمام
اللوا: المركز مستنيكم يا ابطال
نايا تبص ل مهيمن: مستنى مهيمن و بس انا مكاني في المعمل و جنب جوزي في البيت
مهيمن ابتسم: و من امتى العقل ده
نايا: لما وثقت فيا انى اقدر اسيطر ع اي موقف، و مخوفتش عليا و بهزار غير كده كفايه كل طلعه ليا شاب من الشوباب ياخد طلقه بدالي و تعمل نفسها مكسوفه.
مهيمن بحب: انتى اثبتى انك تقدرى ع اي حاجه كنت غلطان لما قولتك متقدريش، و يقلدها و انا و كل الشوباب فداكي يا قلب قلبي
نايا بحب: و انا دلوقتى مش عايزه حاجه غيرك
اللوا: طيب ممكن متنزليش اي مهمه تشاركي ب دماغك بس
نايا تبص ل مهيمن
مهيمن هز راسه انه موافق
اللوا قام: طيب تمام هنستناكم قريب يا ابطال
مهيمن: انا هاخد اجازه شهرين
اللوا: نعم
مهيمن بهزار: انا مستقيل
اللوا بقلت حيله: امرى ع الله موافق ع شهرين.
نايا بضحك: زيه
اللوا: تمام في حاجه تاني
مهيمن رفع صباعه الابهام كده تمام.
عند عمرو
كان بيركز في اقل حاجه تسعد رنا
و دايما كانت بتصمم ويزو تكون معاهم في اي خروجه
في كافيه
عمرو بيحاول يفتح كلام مع رنا: الفستان بتاع الفرح شكله ايه
رنا بكسوف: ابيض
عمرو بص ل ويزو الى قاعده و مش راضيه تسيب ليهم نفس و يقولها: البحر شكله حلو قوي اتفرجي عليه
رنا تشاورلها ليها متقومش
ويزو تمسك العصير و تشرب: مش بحبه
عمرو يهرش في دقنه و يبص ل رنا: طيب ايه
رنا بابتسامه كسوف: ايه.
عمرو بص ل ويزو بغيظ: حلو العصير
ويزو: جدا
عمرو يعمل ايده ع بعض و يحركهم، نفسه يتكلم مع رنا و مش عارف يطرق ويزو
و يقول: ما تروحي تظبطي شعرك
رنا تبصلها و ترفع صوبعها: اوعي
ويزو تحط ايدها ع شعرها: هو كده حلو
عمرو بضيق: اه تمام و بص ل رنا مبسوطه
رنا بتكتم ضحكتها: جدا
عمرو بص ل ويزو و بيفكر في حاجه يقومها
ويزو: متفكرش كتير لزقه هنا رنا هتولع فيا لو اتحركت
عمرو ابتسم بغيظ و يبص ل رنا: قولي كده.
رنا رفعت صباعها و قالت: متصدقهاش
ويزو قامت: بقى كده، شوفي مين يعبرك و يروح معاكي مشوار بعد كده و مشيت
رنا بأحراج: ويزو يا، ويزو
ويزو بصتلها: انسي و مشيت
عمرو بص ل رنا: ايه بقى
رنا ترجع ورا خالص ع الكرسي: ايه
عمرو بصلها برومانسيه: بحبك
رنا اتكسفت و وشها احمر و بصت في الارض.
عمرو رفعلها وشها: انتى هتبقي مرات عمرو الدالي اوعي في يوم تبصي في الارض عايزك قويه دايما و تكوني راجل في اي حته، بس معايا انا و بس رنا الرقيقه الدلوعه، و بحب كلمة حاضر جدا جدا جدا اشطا
رنا ابتسمت وهزت راسها بالموافقه
عمرو بهزار: هاتي بوسه بقى
رنا برقت عينها و فتحت بقها و وشها احمر
عمرو بضحك: فيه ايه بهزر معاكي، بس مافيش اي بروبلم لو ادتيني بوسه
رنا بجديه و كسوف: لو سمحت عايزه امشي
عمرو مسك ايدها: رنا.
رنا بصتله و سحبت ايدها
عمرو بصوت حنين و رومانسي: عايز اسمعها منك
رنا فضلت تلعب في ايدها بكسوف
عمرو: ع فكره سهله جدا، طيب بلاش بحبك قولي ورايا A
رنا: A
عمرو: M
رنا: m
عمرو: W
رنا: W
عمرو: A
رنا: A
عمرو قعد ب ارتياح ع الكرسي و حط رجل ع رجل: جمعي الحروف دي
رنا تركز و تقول: اموا، اه اموا، صح
عمرو ب ابتسامه و يقرب ليها يمسك ايدها: انتى اللى ميت اموا.
رنا اخدت بالها يقصد ايه لما هو قالها وقالت بوش احمر: ع فكره انت رخم
عمرو بضحك: عارف عارف
رنا قامت ضربته بشنطتها و مشيت
عمرو قام جرى وراها و فضل يضحك: خلاص حقك عليا
رنا بجديه: بعد كده هزعل منك
عمرو بحب: و انا ميهنش عليا زعلك، والله يا رنا انا كده ابقى محترم في كلامي معاكي
رنا بصدمه: كده محترم
عمرو بضحك: يووووه كتير.
عند مهيمن
روح ع الفيلا و كانت معاه مامته و نايا و توتا
مهيمن كان نفسه يفرح نايا بجد، حس انه تعبها كتير ولازم تفرح من قلبها اخد وعد ع نفسه ميقربش ليها غير لما يلاقي نايا الشقيه المجنونة اللي ضحكتها بتهز قلبه.
مهيمن اشترى مكان يدرب فيه و اتصل ع نهال: السلام عليكم
نهال: و عليكم السلام، ازيك يا مهيمن
مهيمن: تمام، حازم جنبك
نهال: اه ثواني
نايا: استنى عايزه اكلمها و اخدت الفون ازيك يا نهال البقاء لله، معلش جت متأخره
نهال بحزن: حياتك الباقيه يا نايا، تبقى تجيبي توتا
نايا: ان شاء الله يا قلبي، هاتي حازم ل مهيمن
نهال: معاكي
نايا بهزار: موزه عامل ايه
حازم بروجليه: انا كام مره هقول اسمي حازم.
نايا: و احلى حازم يا روحى معاك عمو
مهيمن بحب: جاهز يا بطل للتمرين
حازم بفرحه: بجد يا عمو
مهيمن بجديه: اسمي كابتن تمام
حازم بفرحه: تمام يا كابتن
مهيمن بقى ياخد توتا و حازم التمرين
و توتا دايما تشاكس مع حازم و تتخانق معاه
توتا: مث عايزه ادرب انا الله مث عايزه هو بالعافيه
مهيمن بهدوء: اعملي الحركه دي و خلاص
توتا: يووووه بقى
حازم بحب: اعملى معايا يا توتا
توتا تبصله بشراسه: هث بقى مث عايزه الله.
حازم: ع فكره انتى مش بتعرفي تعملي حاجه
توتا بصوت عالى و بحده و غرور: بعرف
حازم بحده: واطى صوتك ان انكر الاصوات ل صوت الحمير
توتا تبص ل مهيمن: هو يقصد انا
مهيمن يمسكها و يضحك: لا مش انتى
توتا بنرفزه: ثبنى عليه الواد ده
مهيمن يمثل الجديه: توتا خلاص نركز شويه و اعملى زي ما بعمل
توتا بنرفزه: هو انت عملت و انا معملتث
مهيمن: اهو هعمل ركزي
توتا بقرف: انجز
مهيمن بصلها: بتقولى ايه.
توتا: ان جز، عايزه امثى مث بحب اقعد مع الولا ده بينزفزني
حازم يحط صباعه قدام وشها: ع فكره اسمى حازم و هبقى جوزك و متغلطيش عشان مزعلكيش
توتا بعصبيه: تزعل مين ياولا
مهيمن سقف جامد: ممكن نركز
توتا بصوت واطى: كل ثويه يقول نركز نركز و هو اثلا مث بيعمل حاجه، اوف بقى و تشاور ل نايا
نايا ترمى بوسه في الهوا و تقالها: معلش عشان خاطرى كملي تبص ل مهيمن ياريت تنجز
مهيمن وقف ربع ايده: انا انجزت و حازم بيعمل اهو.
حازم وقع
توتا ضحكت جامد عليه و قالت: يا نهار ضوحك، ده احنا هنوضحك ضوحك النهارده
مهيمن بحده: توتا اتفضلى اعملى نفس اللى عمله
توتا بنرفزه: ع فكرن ده وقع، اعمل اي هبل زيه يعني
مهيمن يكتم غيظه: لا تعملى الحركه صح
توتا بصوت عالى: طاااايب ما تقول كده من الصبح عمال دودو دودو دودو دووو ايه ده صدعتنى
مهيمن: انجزى
توتا بصوت عالى: حاااضر، و لسه بتلف وقعت
حازم جرى عليها قومها و نايا قربت ليها بسرعه.
حازم: معلش يا توتا قومي
توتا تمسح دموعها: مث ليك دعوه انت
مهيمن يبص ل نايا: مكانك و لو قربتى هنا تانى مش هدخلك التمرين، زي ما نهال بتعمل ياريت تعملى
نايا تبصله و بمسكنه: طب براحه عليها
مهيمن بحده: مكانك
نايا تقلد توتا: حااااضر و تروح تقعد جنب نهال و تمثل العياط: ياختى انتى قلبك ايه، عمال يبهدل في العيال و انتى قعده كده.
نهال بجمود: انا عايزه ابنى يكون راجل، الدنيا صعبه يا نايا و احنا مش لينا ضهر لازم يقع و يقوم لوحده عشان عمره ما هيلاقى اللى يسنده
نايا حست بوجعها بصتلها و سكتت.
بليل عند نايا و مهيمن
نايا شوفتى النجمه دي
نايا تبص بلا فهم: اه شفتيها
مهيمن: تعرفي كل ما افقد الامل انك هترجعيلى ابص عليها يرجعلى الامل
نايا بدون فهم: اشمعنا.
مهيمن: لو ركزتى هتلاقى النجمه دي الواحيده اللى قريبه من الارض و اول ما تظهر بتنور لينا الدنيا اكتر، انتى النجمه دي يا نايا انتى نجمة حياتى اللى مقدرش استغنى عنها ابدا انتى دقات قلبى اللى حسيت بيها بعد ما كان عايش عشان يدق، يمسك ايدها و يبوسها قلبى بيقول في كل دقه نا يا، بحبك يالى خليتى لدنيتى طعم بحبك يالى طلعتى الضحكه من قلبى بحبك يالى خلتينى اعرف اهزر و استحمل عنادك، بحبك يا اول كائن ع وش الارض يعصبنى، بحبك يالى نسيتينى همومى و وجع قلبى ع كل حاجه حصلت قبل ما اعرفك، بحبك يالى جننتينى، بعشقئك يا مجنونتى.
نايا بحب: مهيمن كل ضحكه ضحكتهاك كنت انت السبب، نظرتك لمستك كلامك كل حاجه فيك بتدينى قوه غير عاديه، حبك بيخلي ل حياتى معنى و هدف، بحبك يالى حبك عذبنى.
عدى فتره
لحد ما جه ميعاد فرح عمرو
كان فرح هادي و رومانسي جدا و تركيز عمرو كله مع رنا و بس، الكل كان فرحان
و حضر الفرح نايا و مهيمن و توتا
و دانيه و فادي و ويزو و نضال
لحد ما الفرح خلص
عمرو اخد رنا و راح بيته
عمرو بمشاكسه: البيت بيتك خدي راحتك خالص
رنا تدخل بكسوف
عمرو تحبى تتفرجي ع التلفزيون
رنا برقه: هدخل اغير عشان نصلي
عمرو: اوك اتفضلى، و رايح معاها
رنا تبصله: بقولك هغير.
عمرو بخبث: ما انا هروح معاكي عشان لو احتاجتي اي مساعده
رنا بحده: لا شكرا خليك
و دخلت غيرت و طلعت لبسه اسدال صلاه
عمرو بصلها: قمر في جميع حلاتك
رنا بكسوف: ميرسي
عمرو دخل غير و اتوضه و طلعو صلو
بعد الصلاه
عمرو مسك ايدها باسها: انتي رقيقه اووي، تصدقى لو قولتلك مشوفتش رقه زي كده
رنا بصتله بحب: و انت جدع اووي
عمرو حط ايده ع خدها ب حنان: عيونك
رنا: مالها.
عمرو. كل ما ابص فيها اغرق و خدودك بدوبني و حط ايه ع شعرها و شعرك بيسحرني لونه سواد الليل و، بص ع شفايفه و فضل مركز معاها و بلع ريقه و قرب بشويش و طبع اول بوسه برقه رنا كانت مكسوفه و بتحاول تبعد بوشها بهدوء فضل يطبع قبلات متفرقه لحد ما ركز ع شفايفها و تاهو هما الاتنين.
و بعد شهر
كان فرح كرم و مريم
كل ابطال الرواية حضرو الفرح
مهيمن دخل ل نايا الاوضه: ايه أيك يا قلب قلبي في الفستان ده تروحي بي الفرح
نايا بفرحه و اعجاب: واااو شيك اوووي، بس ليه ابيض
مهيمن بحب و يقرب ليها: عشان نفسي اشوفك فيه
نايا حضنته: حبيبي منحرمش منك ابدا
مهيمن بحب يضمها: ولا منك يا قلب قلبي و بعدها بشويش و بصلها في بنت هتظبطك النهارده
نايا باستغراب: اشمعنى!
مهيمن: عادي و طلع و دخل بنت ميك اب ارتست خلت نايا قمر بميك اب هادى جدا
نايا قامت بصت ع نفسها، و لقت نفسها جميله جدا فرحت و طلعت ل مهيمن
مهيمن بحب: ربنا يحفظك يا قلبي و باسها بوسه هاديه و اخدها و ركب العربيه، كان حضنها و مشغل اغاني رومانسي ل اليسا
لحد ما وصل الفرح، الفرح كان مش عادي كان فيه ظباط كتير و رتب عاليه ده غير كل ابطالنا
نايا اتفاجيت انهم كوشتين و بصت ل مهيمن.
مهيمن بحب: النهارده فرحك يا نايا، مكنش ينفع بعد كل اللي عملتيه معايا مفرحكيش زي اي بنت
نايا حضنته و بدموع الفرح: بحبك اوووي اوووي اوووي
نايا اول ما شافت دانيه و فريده سابت مهيمن و جريت عليهم حضنتهم
دانيه و فريده كانو فرحانين ليها
فريده: جوزك بيبص علينا شكله هيقتلنا روحيله
نايا سابتهم ورحت ل مامتها سلمت عليها و ع توتا و ع مامت مهيمن و ع كرم و مريم و نهال و حازم
و كانت واقفه تهزر.
مهيمن قرب ليها سحبها من وسط الناس: مافيش مره هتكملى رومانسيه للاخر
نايا بصتله و ضمت عينها: هثبتلك اني رومانسية و تغمزله و تمسك المايك تغني
شيكولاتة يا اشطاتا
طب سيكا سيكا يا مزيكا
سيكا سيكا يا مزيكا
التقل صنعة انا مش ممانعة
و تديله المايك
مهيمن بصلها و هز راسه: مش حافظ.
كرم قرب عليهم اخد منها المايك و بص ل مريم: اه يا بطة انا ناري شطة
اه يا بطة انا انا ناري شطة
ياللي رمش عنيكي يكتب فيه بتاع مليون اديب
اه يا ناري يا مراري
اه يا ناري يا مراري
قده كان ياما غنى العندليب.
نايا اخدت المايك و بصت ل مهيمن و كرم كان بيرقص
يا كفاءة ماليش طاقة
يا كفاءة ماليش طاقة
دنجة دنجة اه يا مانجا
دنجة دنجة اه يا مانجا
اه يا فراولة انا اولى
كرم ياخد المايك: اه يا فرعة روحي طالعة
كل حتة فيكي يابت تتكتب في مية ديوان
اه يا حبي ده انا حبي
يتعمل تمثال يا بت ويتبني في اكبر ميدان
مريم اتكسفت و فضلت تبصله يسكت.
نايا بصت ل كرم و تشاور ع مهيمن: مش باصصلي ليه يا اصلي
مش باصصلي ليه يا اصلي
و تبص ل عمرو: شوفلي شوفة يا كازانوفا
شوفلي شوفة يا كازانوفا
تبص ل مهيمن تغمزله: حبة حبة يا مربى
حبة حبة يا مربى
كرم ياخد المايك: حبيني يا نور عيني
عايز اتحب زي ما نايا بتحب مهيمن
انا فيها لا اخفيها
انا فيها لا اخفيها
ده انتي لو سبتيني انا ازاي هعيش من غير حبيب.
شِيكُولاتَة يا اشطاتا
طَبَّ سيكا سيكا يا مزيكا
التقل صَنْعَة أَنّا مَشّ مُمانَعَة
و راحت عنده و بصتله
طه دنجه دنجه
مهيمن بضحك: مجنونة و هتفضلى طول عمرك مجنونة يا معشوقتي المجنونة
نايا تمثل الزعل: ايرضيك اغنيلك و تسبنى مش تغني معايا
مهيمن يحاوط وسطها: والله مش بحفظ اغاني و فكر ثواني طيب هغنيلك و مسك طبله و بص للمعزيم: عايز الكل يقول ورايا تمام
الكل تماااااام، و قال بصوت عالي
اصحو لينا، احنا جينا.
لو هدمر سبها علينا
فرح نايا، هيولع نار، هتبقى دمار، كله عشان خاطر المجنونة
الوا إيه
علينا دولا وقالوا إيه؟
نايا بقى اسمها الأسطورة، إيه، من أسوان للمعمورة، وقالوا ايه؟
قالوا إيه علينا دولا وقالوا إيه؟ مش سامع حاجة.
قالوا إيه علينا دولا وقالوا إيه؟
نايا و مهيمن العرسان
ايه
قالوا نموت ولا يدخل مصر خسيس وجبان.
وقالوا إيه؟
قالوا إيه علينا دولا وقالوا إيه؟
ما تعلوا شوية.
قالوا إيه علينا دولا وقالوا إيه؟
نايا الدمراني هي المدفع و الدبابة.
ايه
نايا الدمراني هي المدفع و الدبابة.
ايه
بطله واحنا جنبها غلابه وقالوا إيه؟
قالوا إيه علينا دولا وقالوا إيه؟ ارفع بالصوت.
قالوا إيه علينا دولا وقالوا إيه؟
النقيب نايا من الشجعان.
النقيب نايا من الشجعان.
واقفت راجل وسط الفرسان.
وقالوا إيه؟
قالوا إيه علينا دولا وقالوا إيه؟ مش سامع حاجة.
قالوا إيه علينا دولا وقالوا إيه؟
بطلتنا نايا
قالوا إيه علينا دولا وقالوا إيه؟
طيرانا فوقينا.
قالوا إيه علينا دولا وقالوا إيه؟
حاميين أراضينا.
قالوا إيه علينا دولا وقالوا إيه؟
بطلتنا نايا.
قالوا إيه علينا دولا وقالوا إيه؟
والدور جه علينا.
و شاور ع فريقه، دول ابطال شقيانا
رجالة مهيمن
قالو ايه علينا دولا قالو ايه
دول وحوش كتيبتنا
قالو ايه علينا دولا قالو ايه؟
و بص ل نايا، نايا قلبت قلبي دمار بس هكمل معاها المشوار
قالوا إيه علينا دولا وقالوا إيه؟
نايا بضحك و فرحه: بتغنيلي اغنيه وطنيه.
مهيمن يحضنها اووي: ما احلى حب الوطن، و انتى الوطن يا قلبي قلبي
وبعد ما الفرح خلص مهيمين اخد معشوقته المجنونه بره القاعه و مسك ايدها
نايا بصتله باستغراب و بصت للهليكوبتر
مهيمن حط ايده في وسطها و مسك في حبل نازل من الطياره و اترفعو
نايا حضنته اوووي: بتقول عليا انا مجنونة.
مهيمن يعمل مناخيره ع مناخيرها: اللي يعيش معاكي لازم يتجنن وركب الهليكوبتر، وكانت في غايه السعاده ومهيمن كان طاير بيها، عرف قيمتها وقدرها وكان نفسه يجيبلها نجمه من السما علي شده حبها وثقتها فيه
مهيمن مسك ايدها باسها بكل حب وعشق و كان طاير في السما وغنى: بحبها، بحبها، وفي قلبي ساكن حبها، ياريت ياشوق توصفلها وتقولها هي الهنا. كل المني. هي حياتي كلها.
بحبها. بحبها، و باسها علي بطن ايدها وقال: لو فضلت عمري كله يا نايا اقولك انا اد ايه بحبك مش هعرف اوصفلك حبي ليكي، لاني مش بس بحبك، انا بعشقك يا احلي مجنونه دخلت حياتي.
نايا تبص في عيونه بكل حب وتحط ايديها علي خده بحنان: انا اللي بعشقك يامهيمن، وبرغم كل عذابي الفتره اللي فاتت، لكن عمر ثقتي وحبي ليك ما اتهزت ابدا، انت كل حياتي، وعمري اللي جاي انت روحي اللي عمري ما كنت اقدر اتخلى عنه ابدا، انت النفس اللي بتنفسه، في حد يقدر ميتنفسش و حطت راسها ع صدره.
وصلو مكان كله بحر تحتهم
مهيمن: جاهزه
نايا بصتله و بصت من الشباك لقت البحر تحتها: ناوي ع ايه يا مجنون
مهيمن لبس شنطه اللي بتفتح البراشوت و بصلها: البسي البراشوت ولا اقولك حضنها و نط بيها.
مهيمن نزل في الهوا وصرخ باعلي صوته ويعترف بعشقها: بحببببببببببببك يا معشوقتي المجنونة
كان مستمع بكل حرف نطق بيه وبص لشفايفها بصت ولهان
وهي بتتكلم: انا ابحسد نفسي عليك
مهيمن قرب من شفايفها بحب شديد، وضمها اوي، فتح البراشوت.
نايا استسلمت لامانها وعشقها و جسمها ارتخى وصلو ع جزيره مافيهاش اي بني ادم دخلو خيمه من خوص و الصمت بينهم، ولغه العيون تقول كل حاجه في قلبهم لانهم بيفهمو بعض من غير كلام، وهنا دق ناقوس الخطر، واستلم كل منهم لمشاعره الجياشه، فهمس في ودنها: انا كده جبت اخري، بجد انتي تطلعي الواحد مش عن شعوره لا تخليه يطلع من هدومه.
نايا تبص في عينه بحب كأنها بتقوله انا بين ايديك وتحت امرك اعمل اللي انت عايزه، فوصلت لي اشاراتها وكان ما كان وغاصوا في لحظات جراءه تمناها من شهور، واصبحت زوجته امام الله
نايا ركزت للى حصل قامت من ع الارض و عدلت فستانها: انت عملت فيا ايه يامهمين كده تغرغر بيا وانا في فستان الفرح، اخس عليك، انا وثقت فيك، ده جزاءي، انا استاهل منك كده و ربنا ل ادشملك.
مهيمين علي وشه الاستغراب و يقوم من ع الارض: اغرغر بيكي ايه يامجنونه انا جوزك والنهاردة دخلتنا اللى كانت من سنه اصلا، و مسك ايدها هي لسعت منك يا نايا
نايا ب ضحك و تحط ايدها في وسطه: طااه ما انا عارفه انها دخلتي، وعشان هي دخلتي، كانت مجنونه زينا يا قلبي
مهيمن ياخدها في حضنه: يا بنت المجانين انا خلاص استويت من جنانك يانايا، خضتيني.
نايا تضحك وتبصله بحب وعشق: هو انا اللي مجنونه برضو، انت ايه اللي جابك هنا اصلا، احنا مش مفروض نكون في الفيلا.
مهيمين يسكت شويه ويفرك ايده في دقنه و شالها و ينزل بيها البحر: عشان كنت عايز مكان فاضي اصرخ فيه برحتى واقول للدنيا كلها
بحبك، بحبك، بحبك
نايا بفرحه وبحب: وانا كمان بحبك وبعشقك يامطلع عيني، بس بموووت فيك، يحضنها قوي لقلبه ويلف بيها كتير وهي فرحانه انها خلاص بقت بين احضان حببها وامانها.