رواية معشوقتي المجنونة الجزء الأول للكاتبة ابتسام محمود الصيري الفصل العشرون
عند نايا الساعه سته و نص المغرب
مهيمن اتصل بيها: قلب قلبي انا تحت
نايا: حبيبي ثانيه واكون عندك فضلت نايا واقفه قدام المرايه تظبط فستانها و تظبط شعرها و حطت جليتر خفيف اووى
نايا: ماميتو انا نزله
هاله: هو مهيمن جه
نايا: اه من ربع ساعه و نزلت
مهيمن في العربيه ساند ايده ع الكرسي اللى جنبه و ايده التانيه بيلعب في دقنه
مهيمن اول ما شافها: بص في الساعه، لسه بدرى كنتى استنيتى كمان ساعه.
نايا تركب بضحك: ع فكره انا كده بقيت سريعه و مواعيدى مظبوطه كنت تعالى شوفنى من فتره
مهيمن يدور العربيه و يتحرك: كده مظبوطه بقالك تلت ساعه بتقولى نزله لا وكمان تعالى بدرى عشان نلحق مكان مالبستيش من بدرى ليه طالما عارفه نفسك بتتأخرى
نايا بضحك: و الله كنت جاهزه بس لازم التاتش الاخير قبل ما انزل، امشى بقى و بطل كلام هنتأخر بسببك
مهيمن: اهلا شكل العيله كلها كده، هو صحيح فين نضال ما شفتهوش امبارح.
نايا اتوترت شويه: اصله بيسهر مع اصحابه دايما و امبارح كان تعبان من المعسكر و كان نايم
مهيمن: اممممم و مسك ايدها و باسها برقه وحشتينى
نايا اتكسفت مع انها كانت مبسوطه جدا: ايه رأيك بدل ما اوحشك اروح بدل نضال و اكون في وشك ع طول في الشغل
مهيمن شكله اتغير و بان عليه الزعل
نايا: حبيبي لاوى بوزه ليه، اوعي يكون مش عايزنى معاك في كل حته.
مهيمن بصوت حزين: طبعا عايزك بس عايزك في بيتى مش في شغلى، و لو سمحتى اوعي تقولى عايزه ابقى معاك تانى في شغلك ولو مش فاهمه طبيعة شغلى اسألي اخوكى
نايا: خلاص فك التكشيره دي ولا شكلك راجل مصرى اصيل بيقلب ب نكد وقت الخروجه عشان تقلب الخروجه و نطلع بيتنا نتخانق
مهيمن بضحك: بيتنا، ياريت والله ساعتها هبقى اصيل اصيل و مافيش خروج من الاساس، مش هستنى ادور ع نكد يا شقيه.
نايا: يخربيت ضحكتك، تعرف انا ممكن اقلب نفسي اراجوز عشان اشوف ضحكتك ع طول
مهيمن بثقه و تكبر: مابضحكش للاراجوز حتى و انا صغير و صعب كمان حد يضحكنى
نايا: و ايه الغرور ده كله
مهيمن: مش غرور، بس مافيش حد يقدر يضحكنى غيرك انتى يا قلبى
نايا بفرحه: كده انا اللى هتغر
مهيمن: خدى وضعك معايا، يالا وصلنا الكافيه.
نايا نزلت و مهيمن نزل شدها من ايدها: ايه الحلاوه دي، ناويه تعملى فيا ايه، اسبتى ع درجة حلوه واحده ماينفعش كل ما اشوفك الاقيكى احلى من المره اللى قبلها
نايا اتكسفت من قربه و من كلامه فضلت تهزر احسن ما يجرجرها للرزيله: بس انا مش قدك كلامك بيدوخنى يا ولا
مهيمن: نايا يا قلبي مابتعرفيش تعيشى رومانسيه ابدا كل حاجه عندك ضحك و هزار
نايا بجديه: كده احسن، صدقنى لو شفت الرومانسيه بتاعتى ممكن تسيبنى بعد ساعه.
مهيمن: ياااا للدرجه، شكلك اوفر اووى
نايا: فعلا للدرجه دي ف خلينى عاقله زي مانا اضحك و اهزر احسن و مشيت قدامه
مهيمن شدها و وقفها عند حيطه و حط ايده ع الحيطه و هي في النص: ورمانسيتك هشوفها امتى
نايا بكسوف و احمرت خدودها و وشها سخن: احم احم شكل الماتش ابتدا زقته و قالت جو جو
مهيمن عدل كم بدلته و ماشي بكل هيبه و قعدو و التلفزيون كان ورا نايا
نايا: انا كده رقبتى هتتلوح
مهيمن: تعالى اقعدى ع الكرسي اللى جنبي.
نايا قامت و قعدت جنبه و الماتش اشتغل
نايا كانت متوتر عشان الماتش: لا لا، شوت شوت، اوووه كانت هتدخل، يا غبي يمين ما قلتلك يمين
مهيمن كان قاعد بكل هيبه بيتفرج عليها و مبتسم
نايا وقفت: ايوه ايوه جو جو جو جووووووووووووووووون جون جون جون جوووان ( فضلت تتنطط و تصوت ) و جبنا جووون
مهيمن كان مبتسم ع حركتها الطفوليه و فضلت متوتره لحد اخر الماتش و كسبنا كاس العالم.
( ايوه كسبنا كاس العالم الله ما كل حاجه في الرواية احلام جت ع كاس العالم و منحلمش ناخده)
نايا في الوقت ده كانت فرحانه جدا و بتتنطط: تعالى نتمشى ب العربيه و نحتفل وسط الناس
مهيمن: بس الدنيا هتبقى زحمه اووى
نايا: ماليش دعوه يالا و شدته و فضلو ماشيين بالعربيه في وسط الزحمه وقف اشترالها علم و زماره و هي كانت فرحانه جدا و هو كان فرحان عشان فرحتها
و هي كانت قاعده ع الشباك و بترفرف العلم و تزمر.
مهيمن: قلبي احنا اتأخرنا ع البيت عندك هروحك اووكي
نايا بصت في الساعه: احيه الساعه اتنين اكيد ماما اتصلت وقلقت عليا عشان مردتش عيها
مهيمن: ما تقلقيش كرم اتصل بيا و طمنته عليكى، ممكن نروح
نايا بفرحه: ممكن
مهيمن: ماشي يا بنوتى الجميله
نايا بطفوله: انا بنوتك
مهيمن ماسك ادها و هو سايق: انتى بنت قلبي
نايا: انا بحبك اوووى، وفرحانه اووى انى كنت معاك
مهيمن: ربنا يخلينى ليكى عشان اسعدك و باس ايدها.
نايا دخلت جوه حضنه و بصتله بصه كلها حب و شوق و هيام و عواطف
مهيمن: ليه بس البصه دي
نايا فضلت باصه في عينه
مهيمن: احنا تحت البيت
نايا اتكسفت و نزلت تجري
مهيمن بضحك: يا مجنونه و بص في الساعه اوبا انا عندى عمليه الحق اروح اجهز نفسي
نايا طلعه و هي في عالم تانى و بتغنى: هاقبله بكره و بعد بكره و اول ما تدخل
هاله: لا والله انتى بتغنى و انا قلقانه عليكى.
نايا اتخضت: ايه يا ماميتو زعلانه ليه بس يا قمر انتى ما انتى عارفه الماتش و الزحمه و لو كمان كنت مع كرم كان زماني لسه مارجعتش
هاله: ما هو كمان لسه مارجعش، وانا كنت قلقانه عليكى بتصل بيكى مش بتردي
نايا: معلش يا قلبي سماح المرادي مايبقاش قلبك بلاك
هاله: ماشي يا نايا راجعه البيت الساعه تلاته الفجر و شغاله تاكلى ب عقلي حلاوه
نايا تنحت للساعه: يالهوى الساعه تلاته الا ربع، هار اسوح و مرشوش عليه نفخ و تعليق.
هاله: فيه ايه يا مصيبه مغلطتش في البخارى ماجتش ع ربع ساعه قولتها زياده
نايا: معلش يا ماما انا لازم اخد شاور و انزل ع طول
هاله: هو ايه البيت ده، هو بقى سايب كل اللى عايز ينزل بينزل، هو انا ماليش رأيي و لا ايه
نايا: ازاي يا ماميتو ده انتى الخير و البركه بس معلش عندى تجربه لازم تتعمل قبل طلوع الشمس
هاله: تجربة ايه و شمس ايه الا طلعت روحك، محسسانى انك هتخترعى الذره.
نايا: معلش هبقى افهمك بعدين و دخلت التواليت اخدت شور و نزلت ع طول
فضلت ترتب نفسها هتعمل ايه في السكه و ازاي هتعمل نفسها ست و اول ما وصلت مركز القوات دخلت التواليت و فضلت قدام المرايه تشوف هتعمل ايه اول حاجه حشت نفسها من كل حته و بقى عندها امكانيات كبيره و لبست الفستان ضيق جدا و لبست بروكه صفرا قصيره و حطت ميك اب فاقع اووى و طلعه من التواليت.
مهيمن داخل المكتب في نفس الحظه اتخض: بسم الله الرحمن الرحيم، انتى مين يا ست و ايه اللى دخلك حمامي
نايا فضلت تقرب عليه و بصوت مايص و مسهوك: ما تجيب بوسه
مهيمن رجع بسرعه: بوسة مين باسك عقرب ابعدى عنى
نايا و بضحكة نضال: ايه رأيك فيا انفع ابقى المضيفه منال
مهيمن اخد نفسه و قعد ع الكرسي و فضل يبص عليها و ينزل راسه: ده انت تنفع تشتغل في كابريهات شارع الهرم.
نايا حطت ايدها ع كرسي مهيمن و قربت منه: قول اللى عندك، اتبهرت ب جمالي صح
مهيمن حس بأحساس غريب ناحية نضال و اتوتر
اللوا يحيي يدخل اتصدم من منظرهم: ايه ده!، انت يا مهيمن تعمل كده و في المكتب
مهيمن زقها بأحراج: قابل يا عم، ما بشكلك بتاع بيوت الدعاره ده ليه حق يشك، ايه يا منيل اللى عامله في نفسك ده انا بقولك هاخدك بيت مشبوه و لا هتبقى مضيفه
اللوا: انا مش فاهم حاجه خالص مين دي
مهيمن: تقصد تقول مين ده.
اللوا: مش هيفرق المهم مين
مهيمن بنرفزه: ده نضال بيه
اللوا بضحك: ايه يابنى كل الامكانيات اللى مش ع ست لا ورجلك بتلمع
نايا بمشاكسه: ده عشان الشراب الفليه تحب تشوف العار اللى تحت
اللوا: ابوس ايدك بلاش اشوف اي عار هي مش ناقصه
نايا: استنى بس هوريك
اللوى يمسك ايدها: والله ابدا يدخل فادي
فادي اتصدم في اللوا و مهيمن: احم سورى (و لسه هيقفل الباب)
نايا تبص ل فادى: تعالى لما اوريك العار انت كمان.
فادي كان هيغلط و يقول نايا: ن، نضال طيب اسيبكم انا
مهيمن: خد الواد ده في ايدك
فادى دخل شدها بقرف: اعوذ بالله جاتك الارف في شكلك
نايا بضحك: ابهرتك صح
فادي يبص عليها و يقول بضحك: كلو ولا
نايا: عينك لاعورهاك
مهيمن بغيظ: بعد اذنك تخف القرف اللى في وشك شويه احسن تخض الراجل
نايا بتصميم: لا مش ممكن اتفضل بينا ع الشغل.
نزلو ركبو باص و مهيمن كل ما يبصلها يستعيذ من الشيطان الرجيم لحد ما وصلو اطلع انت و انا هاجى وراك و ركبت الطياره و قبل ماتتحرك ركب مهيمن من غير ما تاخد بالها منه.
نايا ب الانجلش: مرحب بيكم ياريت نلتزم ب التعليمات عشان سلامتكم اربطو الاحزمه و راحت قعدت ع الكرسي ربطت الحزام و راميه ودنها و مهيمن كان قريب منهم اووى و كان بيسمع و نايا اول ما شفته تنحت عشان غير لونه بشرته و بقى اسود خالص و فضلت تضحك بشويش
مهيمن بصلها بصة صقر عشان تركز
نايا فعلا خافت من البصه و ركزت في شغلها.
عند فوزى البنت راحتله و اتأكدت انه راجل اعمال كبير و نزلت معاه.
عند رنا
شافت عزه و هي نازلة و كان نفسها تفهمها بس معرفتش و مدحت و امل فضلو في الشقه معاها، و عزه نزلت لوحدها.
عند ساره
ساره: يا حاج اصحى يالا عشان تسأل ع ابنك
احمد: طيب هقوم اهو.
في الطياره
دانيال: الورق جاهز مع دافيد كويان و قال عنوانه و لازم نعمل العمليه بسرعه دخلنا كمية سلاح كبيره هنقضى بيها ع الوطن العربي كله
ولافي: خلاص انا هبقى اروح لديفيد
مهيمن شاورلها تقرب منهم
نايا قامت و ودتلهم عصير: اهلا بيكم اتمنى تقضو وقت ممتع معانا
دانيال بصلها بصه ب وقاحه: ده هيبقى اسعد وقت قضيتو و ماسك البوبو
نايا فقدت اعصابها و ضربته بالقلم: اه يا سافل يا واطى يا زباله انت اتهبلت.
مهيمن قام بسرعه: احنا اسفين ع اللى حصل، ما تهدى يا انسه منال حصل خير
نايا تركز لنفسها: سوري
دانيال: انا لازم اقتلك انتى ازاي تمدى ايدك عليا و طلع مسدس
نايا زقت دانيال و فتحت باب الطياره و شدت مهيمن من ايده و نطو من الطياره
مهيمن اتفاجأه انه بيطير في الهوا: يا مجنون يا ابن المجنونه و فضلو يعومو في الجو عشان مايقعوش بسرعه.
في عربية فوزى كانو وقفين قدام الاشاره
البنت: شكلها لسه مجتش
نضال: طيب امشى شويه وارجع تانى فوزى حرك العربيه و مشي.
عند نايا في الهوا كانت قربو يقعو في البحر
نايا طلعت حاجات كبيره من صدرها و رمتها في المايه عشان تاخد صد المايه و تكسر التوتر السطحي للماية و جسمهم مايتكسرش و هما نزلو بعدها ع طول
مهيمن طلع ع وش المايه و فضل يدور عليها لحد ما لقها
مهيمن يروحلها و بعصبيه: يا ريتك كنت مت و ريحتنى انت اهبل يالا تنط الارتفاع ده كله و مش معانا براشوت لا وكمان بتهزر و بتضحك في العمليه ده انت سنتك سوده معايا.
نايا بتوتر و تحط ايدها ع شعرها و اتأكدت ان الطقيه اللى حطها تحت البروكه الصفرا موجوده و شعرها مابنش وتقول بجرأه: يا فندم الحيوان ماسك البوبو بتاعتى
مهيمن ضربها في وشها بالبوكس بغيظ: ما يمسكها يا خويا، هي خلاص كرامتك نأحت عليك
نايا لما ضربها طير راسها في المايه و جابت دم من مناخيرها و بقها و كانت دايخه طلعت راسها من المايه و طلعت البوصله و عامت و سابته و كانت بتعيط و مرضتش حتى تبصله.
مهيمن كان متعصب جدا من اللى عملته و سابقها في العوم
و كان متضايق انه مد ايده ع نضال و كان كل شويه يبص عليها يطمن (و طبعا مش محتاجه اقول انه عارف ان هي نضال مش نايا).
في القوات الخاصه يدخل ابو نضال
احمد: لو سمحت انا عايز اقابل حد مسئول عن الظباط اللى كانو في المعسكر
العسكرى: المسئول مش موجود ممكن اوديك المكتب بتاعهم
احمد: طيب الله يباركلك
العسكرى وصله المكتب و دخل ابو نضال: السلام عليكم لو سمحتو كنت عايز اسال ع نضال احمد
ظابط كان معاهم في المعسكر: مكتبه اللى جنبنا يا حاج
احمد: شكرا يابنى و يروح المكتب التانى و كان فادى بس اللى موجود.
احمد: السلام عليكم نضال موجود
فادى يقوم بسرعه: حضرتك مين
احمد: انا ابوه كنت عايز اتطمن عليه ده بقاله اربع شهور مرجعش البيت
فادى بتوتر: اتفضل، اصل هو رجع من المعسكر ع عمليه
احمد: يعنى هو كويس
فادى: اه الحمدلله
احمد: بالله عليك اول ما يرجع خليه يكلمنى امه قلقانه عليه
فادى بتأثر: ان شاء الله يا حاج
احمد قام: اسيبك تشوف شغلك يابنى
فادى: انت عايز اي حاجه انا زي ابنك
احمد: ربنا يخليك يابنى و مشي.
فادى: لا حول ولا قوه الا بالله ايامك شكلها قربت تنتهى يا نايا ربنا يستر عليكى.
عند فوزى رجع عند الاشاره تانى
البنت تشاور: اهي هي دي
نضال بذكاء: انا هستنى تقرب و هنزل ادخلها العربية
عزه قربت منهم
نضال نزل بسرعه دخلها العربيه و فوزى مشي بسرعه
عزة بتصويت: انتم مين و عايزين منى ايه و كانت خايفه يكونو تجار اعضاء
فوزى وقف بعيد و نضال شال النقاب من عليها
فوزى بصدمه: دي مش بنتى
عزه بصوت عالى: انت مين يا راجل انت و خاطفنى ليه
البنت: انتى قولتيلى امبارح اتصل ب اهلك و اخليهم ياخدوكى.
عزه: لا حول ولا قوه الا بالله عشان كده يا حبة عينى كانت مصممه تنزل النهارده
فوزى بقلق: بنتى رنا فين
عزه: انا هقولك كل حاجه انا اخت مدحت، احنا يعتبر تحت الصفر و لما الفلوس خلصت مع رنا اخدها تشتغل هنا، و حكتلهم اللي حصل
فوزى بوجع في قلبه: لو سمحتى فين العنوان
عزه: انا هقولك بس اخويا بالله عليكم محدش يإذيه
نضال: انا هروح اجبها بس لازم احط خطه قبل ما اهجم عليه.
فوزى يبص ل نضال: يابنى انت متأكد انك مش شغال في الداخليه
نضال بهزار: والله ابغى اقول شغال، بس مش فاكر ايتها حاجه.
عند مدحت الباب يخبط جامد
رنا قلبها يدق جامد
مدحت: فيه ايه اصطبر ياللى ع الباب هي الدنيا هطير و فتح
الشاب: اختك فيه عربيه خطفتها
مدحت بعصبيه: و انتم كنتو فين؟!
الشاب: معرفناش نلحقها العربيه مشيت بسرعه بس صورت العربيه
مدحت شاف الصوره: ده ابو رنا، طيب خلاص امشى انت
امل بخوف: يا نهار اسود و هنعمل ايه
مدحت: مش عارف
امل: هاتها و تعالى نهرب بيها من هنا
مدحت: شدها من شعرها و مشيو بيها.
عند نايا في البحر
نايا قلبت نفسها ع ضهرها و مسحت دموعها و بتكلم نفسها: هو ميقصدش يضربنى انا هو بيضرب نضال انا مش لازم ازعل منه، بس لا ده تصرفي انا يعنى هو يقصد يضرب اللى عمل التصرف ده، ماشي يا مهيمن بتضربنى و طلعت من صدرها برطمان شكولاته نوتيلا فتحتها و فضلت تدخل صوبعها و تلحس
مهيمن بص وراه لقاه بعيد اووى عنه و نايم ع ضهره قلق عليه و رجع واول ما وصل قال بقلق: نضال انت كو. (و يبص عليها.
و يقول بغيظ ) انت بتنيل ايه
نايا ببرود: باكل شكولاته ولا غلط كمان
مهيمن عض شفاته اللى تحت جامد: يا رب انى استغفرك و اتوب اليك لا حول ولا قوه الا بالله ربى ارحمنى من الكائن ده
نايا مدت ايدها: تاخد لحسه
مهيمن بنرفزه: قولى بس انت عايز تعمل فيا ايه
نايا بلا مباله: ع فكره قعدتك و كلامك معايا فايده ليك
مهيمن: فايده ليا انا!
نايا بثقه: ايون مش كل ما بتشوفنى بتفضل تذكر ربنا يبقى بديلك ثواب كل شويه اهو.
مهيمن نزلها في المايه: ورينى بقى هتكولها ازاي
نايا طلعت من المايه و لسه البرطمان في ايدها: تؤتؤتؤ، ينفع كده بليت النوتيلا، وكبت المايه اللى في العلبه و رجعت تاكل منها
مهيمن بنرفزه: يااارب و الله كده كتير عليا انا بشر و بغلط اه، بس مش ده يكون عقابي اللى في الدنيا يا رب عاقبنى اي عقاب بس مش من ده، حتى اموووت محروق او مخنوق بس بعيد عن الشخص ده
نايا: استمر في الدعاء و اهم شي قبل الاكل و بعده، تاخد لحسه.
مهيمن بغيظ: يارب يطلعلك قرش يلحسك و مشي بعيد وغطس تحت المايه و رجعلها و شد رجلها من تحت المايه
نايا خافت و رمت البرطمان و عدلت نفسها راح عضها جامد في رجلها
نايا اتأكدت ان تحتها حاجه مفترسه صوتت بخوف و فضلت ترفص و تعوم جامد
مهيمن يطلع ويضحك ضحك هستري
نايا تبلع ريقها و وشها مخضوض: ليه بس كده! ( سابته و مشيت و كانت خايفه جدا)
مهيمن كان مبسوط انه قدر يغيظ نضال زي ما بيغيظه.
وعند اقرب شط طلعو و طلبو انقاذ يجيلهم ب الهيليكوبتر
مهيمن كل ما يفتكر يفضل يضحك
نايا كانت متغاظه و زعلانه: و الله عجبتك اعملهالك ع سي دي
مهيمن بضحك: ياريت كان معايا كاميرا
نايا بعصبيه: انا هسكت احسن
مهيمن بضحك: لا مش مصدق انى قدرت انرفزك انا افتكرتك جبله
نايا: ماشى اضحك اضحك( و بتريقه تقلد ضحكتو).
عند فوزى في الشركه
نضال قعد و فضل يرسم مداخل و مخارج البيت اللى عزه بتوصفه و فضل يحط احتمالات و فضل يدرس في المنطقه و البيت
و قال بجديه: انا كده جاهز للهجوم
فوزى: استنى خد بودي جارد تاني معاك
نضال برحوليه: و انا مش هقبل حد يشوف بنتك في الوضع ده و يروحو يقولو ل اي خصم ليك و يمسكوها عليك و منصبك يتضر
فوزى: انا مش عارف اشكرك ازاي يابنى انت كل مدى تزود ثقتى فيك.
نضال: و ده شرف ليا يا فندم انك تكون واثق فيا، انا هروح دلوقتى
عزه: استنى هروح معاك
نضال: لا خليكى هنا عشان محدش يعملك حاجه و انا مش هقدر اخد بالى منكم انتو الاتنين و كمان مش عارف انا هواجه كام شخص و المخاطر قد ايه
عزه: ماتشغلش بالك بيا انا لازم اروح، انا خايفه ع اخويا
نضال: اتأكدى عمرى ما هأذيه
عزه: لا لازم اروح
نضال: تمام براحتك.
في القوات الخاصه
اللوا بعصبيه: ممكن اعرف ايه التهريج اللى حصل ده
مهيمن مش عارف يقول اي مبرر و حتى لو قال نضال اللى عمل كده في وشه هو عشان هو اللى دربه: الحمدلله حصل خير و المعلومات معانا
اللوا: انت بقى جي تهزر افرض كان عرف يا باشا انكم قوات تبع مصر
مهيمن: -
نايا اضايقت من طريقة كلام اللوا ل مهيمن وانه مش بيرد عليه قالت بحده: سيادتك انا اللى اتسرعت في اتخاذ القرار الكابتن مالهوش ذنب.
اللوا: و لما هو يبقي القائد بتاعك و انت تعمل كده يبقى هو قائد فاشل، و ع فكره دانيال سأل عليكم و الشركه قالتلو ماجوش ولا ليهم اي اثر و اكيد ماتو
مهيمن يكتم عصبيته: تمام بعد اذنك و يطلع و باين ع وشه العصبيه و كان ماشي بسرعه و بيهز الارض تحت منه من كتر العصبيه و قافل ايده جامد
نايا طلعت من عند اللوا و خافت تروحله ليضربها دخلت التواليت و غيرت هدومها و ظبطت نفسها و طلعت ع مكتبها.
فادي و عمرو: حمدلله ع السلامه عملتو ايه
نايا بتوتر: هقولك بعدين مش قادر اتكلم دلوقتى و كتبت الكلام بتاع (دانيال و ولافي) اللى كان في الطياره
عمرو طلع من المكتب
نايا: فادي روح بص ع مهيمن شوفه عامل ايه
فادي: شكلك عملتي مصيبه يا مصيبه
نايا: روح بس بص عليه هقولك بعدين
فادي: بس انا كمان عايزك في موضوع مهم
نايا: روح بس شوفه الاول
فادي: ماشى و قام و طلع
عند مهيمن مش طايق حتى نفسه
فادي خبط
مهيمن بعصبيه: ادخل.
فادي: ازيك يا كابتن
مهيمن بعصبيه: روح قول ل نضال لو شفتك قدامى النهارده هقتلك
فادي: خير يا كابتن في ايه
مهيمن بصوت عالى: اتفضل امشي من قدامى مش عايز اشوف حد
فادي طلع
مهيمن بعصبيه: انا يتقالي انت قائد فاشل انا ابقى واقف و مش عارف حتى ارد اقول اي حاجه، ماشي يا نضال و ربي ل اسحلك و اعلمك الادب و قام زي المجنون و نزل.
عند نضال
دخل الحاره و كانت عزه قدامه و خبطت ع الباب فتحولها بلطجيه واول ما فتحو ضربه نضال بالبوكس اتسحبت عزه و دخلت البيت و مش لاقتهم
نضال فضل يضربهم و كانو تلاته مسكوه اتنين و التالت كان هيضربه نضال رفع نفسه ضربه بالرجل في وشه و خبط الاتنين في بعض و اخد عزه و جرى
عزه: رنا مش هنا اكيد هربو بيها
نضال و هو بيجرى: تعرفي اي مكان ليهم
عزه: لا
نضال وصل العربيه و ركبو و مشيو بسرعه.
عند مهيمن في العربيه العربيه
ماشي بسرعه و راح الفيلا بتاعته
الامن: حمدلله ع السلامه كابتن مهيمن
مهيمن استكفى برفع ايده
الامن اخيرا جيت هنا حضرتك وحشنا والله
مهيمن: شكرا و دخل بالعربيه ركنها و طلع غير هدومه و لبس مايو و نزل البسين في عز التلج و كان في البسين اتنين دولفين و اول ما شافو مهيمن راحو عليه و فضل يلعب معاهم و يلعبو معاه.
( الفيلا بتاعة مهيمن و كان جايبها هديه ل مراته بس ماتت قبل ما يورهالها وبقى بيدخلها وقت ما يكون متضايق ).
عند نايا
كانت قلقانه جدا عليه
نايا تكلم عمرو: انا هروح و قامت
فادى: هبقى اكلمك عايزك ضرورى
نايا: ماشى و نزلت.
عند فوزى
نضال و عزه يدخلو
فوزى ب قلق: فين رنا
نضال بأسف: انا عايزك تهدى ان شاء الله هنعرف مكانهم
فوزى يمسك قلبه: انا تعبان اووى ودينى المستشفى.