رواية معشوقتي المجنونة الجزء الأول للكاتبة ابتسام محمود الصيري الفصل الرابع والعشرون
عزيزي القارئ احب اطمنكم ان اللى جاي خلاص مابقاش فيه حماده من دلوقتى فيه جعفر و بس، الى كل من يعشق النكد اهو جالكم اهو ابسطى يا هدى زغرطى يا منال و النبى ما هحرمكم من النكد.
الساعة ستة صباحاً
مهيمن شاف الراجل بص ل نايا: اقفى ورايا و اوعى تبينى انك بنت
نايا اتصدمت انه عارف
مهيمن بقلق عليها: مش وقت تتنيح ركزى في كلامك و انشفى شويه
نايا بصوت متقطع: انتااااا
مهيمن ماسكها جامد و كان نفسه يخفيها من ع الارض: هشش مش وقت الكلام ده و رجعها و راه و طلعو، اول ما طلع نام ع الارض بتعب: هو انتو و حط ايده ع وشه.
اللوا يحيي بفرح: مبروك يا رجاله كنت واثق انك هترجع من طريق النفق عشان كده وقفت حرس ع جميع الانفاق
مهيمن بتعب و صوت حزين: الله يبارك فيك ( قام بتعب و شاورلها تمشي قدامه و راح عند الطياره شالها ركبها عشان الاصابه اللى في كتفها و ركب)
اللوا يحيي باستغراب: يعنى ما سألتش كام واحد مات و خسرو قد ايه
مهيمن بضيق: معلش مش قادر اتكلم و حط راسه ع ايده.
اللوا: شكلكم تعبتو ده حتى نضال مش بيتكلم زي عادته، المهم حمدا لله ع سلامتكم يا رجاله
مهيمن: الله يسلمك
نايا قلبها بيدق جامد و بتبص ع مهيمن بصت استرجاء و حب.
عند نضال
و صل ل اهله الساعة ستة و نص
خبط ع الباب و كان معاه فوزى
ساره تقوم
احمد: مين اللى بيخبط بدري كده
ساره قلبها يدق بفرح: خليك انت هروح انا افتح
احمد: انتى يا وليه رايحه تفتحى؟ استنى هروح انا
ساره: لا خليك انت مرتاح
احمد: استني ليكون حد غريب
ساره: لا قلبي بيقول انه نضال و قامت فتحت باب الاوضه و طلعت فتحت باب الشقه اول ما فتحت نضال اخدها بالحضن: وحشني حضنك اوووى ياما.
ساره بفرحه و تحضنه جامد: ابنى حبيبي وحشتنى
احمد يطلع: حمدلله ع السلامه يا واد نسيت ان ليك اهل
نضال راح ل باباه حضنه: ده انا نسيت نفسي يا حاج و بص ل فوزى اتفضل يا فوزى بيه
و دخلو كلهم و قعدو
احمد: عشان شغلك متجيش حتى تطمن امك عليك
نضال: و الله يابا انا عملت حادثه و فقدت الذاكره و لسه رجعالى
ساره بخضه: يا حبيبي يابنى و كنت فين كل ده
نضال يبص ل فوزى باحترام و شاكر للجميل: كنت عند الراجل الطيب ده.
احمد بضيق يقوم: ازاي كنت فاقد الذاكره و انا رحت سألت عليك و قالولي انك طالع عمليه، انت بتحور عليا
نضال بهزار: يا حاج المحور ذات نفسه بطّل تحوير، انا هحور ليه؟
احمد بنرفزه و يحس ان ابنه بيكذب عليه: انت هتستهبل رد عليا عدل
فوزى بهدوء: بس فعلا نضال كان عندى، ازاي لقيته موجود في شغله
نضال بهزار: ليكون عندى شيزوفرينيا
ساره بعدم فهم: يعنى ايه
نضال: ممكن كنت هنا و هناك طالع بدورين.
فوزى: ازاي بس و انت كنت ع طول قدامى
احمد: طب مين اللى راح مكانك
فوزى بجديه: احنا لازم نروح حالا مركز القوت الخاصه عشان نفهم كل حاجه
احمد: فعلا لازم نروح حالا انا هقوم اغير هدومى
ساره (تحب تعمل الواجب مع اي حد يدخل بيتها ) تقول بزعل: يصح بردو تنزلو من غير فطار
فوزى: معلش احنا لازم ننزل بسرعه و اكيد الزيارات هتبقى كتير بعد كده
ابو نضال غير و نزلو.
عند القوات الخاصه
مهيمن وصل و نزل من الطياره شالها نزلها و مسك ايدها بعنف و مشى بيها لحد المكتب و اي حد كان بيكلمه مش بيرد عليه لحد ما دخل مكتبه زقها ع الكنبه و يقول بعنف: ليه، ليه ضحكتى عليا، ليه مثلتى عليا الحب، ليه عملتى نفسك راجل
نايا من الصدمه مكنتش قادره تتكلم
مهيمن مسكها بعنف و هزها جامد: انتى اكيد جاسوسه انا لازم ابلغ عليكى و زقها جامد ناحيت اليمين وقعت ع الارض.
نايا بوجع تمسك ايدها و تقوم تجري وراه: مهيمن اضربنى بلغ عليا اعمل اللى انت عايزه بس اوعي تسبنى انا و الله مش جاسوسه انا حبيبتك، انا قلبك و نبضك انا زي ما انا و بالله عليك ادينى فرصه و اسمعنى
مهيمن من شدة الوجع في قلبه ادلها ضهره و فضل يخبط الحيطه ب ايده جامد: ليه، ليه كل ده؟ ليه عملتى فيا كده؟ ليه ضحكتى عليه ليه خلتينى احبك؟
نايا كانت مسكا ايدها من الوجع اللى فيها و تقول بدموع: لا مامثلتش انا بحبك و كل اللى حصل من غير قصد، مهيمن انت وعدتني انك مش هتسبني مهما حصل قول ايوه، رد عليا، مهيمن بصلي و حضنته جامد من ضهره ( فادي يدخل) مهيمن زقها جامد
فادي يتصدم من حضن نايا ل مهيمن و شكل مهيمن اللى باين عليه العصبيه و بينزل عرق جامد من وشه: هو فيه ايه؟! و ايه الاحضان دي؟
مهيمن يمسح وشه و يبص عليه: ع فكره دي نايا.
نايا بدموع: تنكر اني كنت بميت راجل في كل مهمة و كل طلب طلبته مني
مهيمن زقها: اسكتي بقى عايزة توصليني لحد فين تاني
فادي بتفهم: اهدى يا كابتن دي
نايا غمزته انه ميقولش انه يعرف حاجة
مهيمن بعصبيه: خدها من قدامي احسن اموتها
فادي بخوف عليها: تمام يا كابتن، بس فيه ناس بره عايزينك ضروري
مهيمن بحده: مش عايز اتكلم مع حد
فادي: دول بيقولو انه موضوع مهم اووي
مهيمن: خد دي من قدامي هغسل وشي و ادخلهم.
نايا راحت وراه التواليت: مهيمن صدقني انا بحبك و عمري ما مثلت عليك و لا كان في دماغي اي هدف والله انا حبيتك لشخصك و مقدرش ابعد عنك لحظة
مهيمن بصوت زي الرعد: امشي اطلعي بره
نايا بتصميم: مش هطلع غير لما تصدقني
مهيمن زقها اتخبطت في الحمام فادي بص ل مهيمن بحده و جرى عليها قومها
فادي بعصبيه: اطلعي بقى احسن ما اعمل جنايه
مهيمن مسكه من هدومه: تعمل ل مين يلا.
نايا اتاكدت كل ما هتفضل الامر هيسوء قامت وقفت ما بنهم بعدتهم عن بعض: انا همشي خلاص يالا يا فادي.
مهيمن كان واقف هيتجنن و طلع من التواليت و لقي الناس عند المكتب حاول يسيطر ع اعصابه: اي خدمة
عقيد صاحب فوزي: كابتن مهيمن انت ازاي يبقى عندك واحد متغيب و متبلغش
مهيمن بضيق: مش فاهم متغيب ازاي
العقيد: انت لما استلمت الفرقة بتاعتك كانت ناقصة واحد
مهيمن: لا كانو كاملين
العقيد: ازاي و نضال احمد اهو و كان حاصله حادثة و فقد الذاكرة و لسه الذاكرة رجعاله
نضال بهزار: اه و ربنا لسه حالا.
مهيمن مسح وشه و فضل ساكت شوية: بص سيادتك نضال كان فعلا معايا و حتى هو عمل عمليات كتير و اخر عملية هو اللى كان معايا فيها
العميد: ازاي و هو قدامي اهو
مهيمن مسك اللاسلكي فادي هات و سكت شوية هات اللى معاك و تعالى مكتبي
فادي بنرفزه: يا فندم لو سمحت الموضوع خالص و مالهوش لزوم تجريح فيها اكتر من كده
مهيمن بصوت زي الرعد: كلامي يتنفذ يا افندي
فادي بضيق: تمام يا فندم
نايا بدموع: انا بحبه يا فادي تفتكر هايسامحني.
فادي بعصبيه: ياما حذرتك و مسمعتيش الكلام اتفضلي قدامي و ربنا يستر
خبطو ع الباب و دخلو
مهيمن يشاور ع نايا: ده، اقصد دي بقى اللي كانت عاملة نضال
نضال: هي دي اللي خبطتني و سرقت هدومي و سلاحي و حاجتي!
مهيمن يضم ايده بغيظ: كمان حرامية.
نايا كانت دموعها مش بتقف ونازلة زي الشلال كان نفسها تغمض عينها ثانيه و تفتح تلاقى الدنيا وردي و مهيمن وخدها في حضنه و بيرقصو سلو تحت شلال و فعلا غمضت و سرحت في كل ده فتحت عينها لقت نفسها لسه في الواقع المؤلم
مهيمن قام: ثواني هعمل مكالمة اتأكد من حاجة و مشي بعيد
الكل: اتفضل
نايا كانت هتقع فادي قعدها ع الكرسي و كان ساندها
مهيمن بحده: كرم هي نايا اختك بجد
كرم
بتخضه: هي مالها يا مهيمن.
مهيمن: انت تعرف ان اختك كانت عامله نفسها راجل
كرم بتردد: بصراحه عرفت في الاخر
مهيمن بحده: تمام
كرم بقلق: مهيمن طمني عليها
مهيمن قفل في وشه و اتصل ع اللوا: بعد إذن سيادتك تعالى مكتبي
اللوا يحيي: فيه ايه يا مهيمن؟
مهيمن: معلش تعالى و حاول تفهم الموقف صح لو بتعزني
اللوا يحيى بحب: انا عيني ليك انت و نضال.
مهيمن عينه دمعت: طيب كويس سهلت الموضوع عليا هستناك (رجع ع مكتبه و شاف فادي ساندها عليه اتضايق جدا وقال بعصبيه: اقف كويس يا فندي و انتى يا هانم اقعدي كويس
فادي سندها ع المكتب و قرب ليه بتوسل: كابتن مهيمن لو سمحت خليها تمشي
مهيمن بصوت عالي: ارجع اقف مكانك ولا اقولك اطلع بره خالص
فادي يحاول يسيطر ع اعصابه: يا كابتن
مهيمن وقف خبط المكتب بأيده جامد: بره،
فادي طلع و كان متضايق جدا.
نضال يمثل الخوف: هو هيولع فينا ولا ايه! اهدى يا كابتن و هدي اعصابك صدقني محدش هينفعك
مهيمن يبصله و يضحكك بحزن: يا سبحان الله
نضال بهزار: تدوم ع قلبك يا باشتنا
مهيمن كان نفسه يعيط بس كان بيحاول يمسك نفسه
دخل اللوا يحيى: خير يا مهيمن؟ و ايه الناس دي كلها! و مال نضال؟
نضال: ماليش سيادتك انا زي الفل اهو
اللوا يحيي: مين ده؟
مهيمن بهدوء عكس اللى جواه: اتفضل سيادتك و هشرحلك كل حاجة.
نايا كانت حاطة راسها ع الترابيزة
اللوا راح عند نايا: نضال مالك؟
مهيمن يضحك من غلبه: نضال! بص بقى نضال ده مش نضال و مش راجل دي بنت اسمها نايا
اللوا باستغراب: نايا! مش ده اسم خطيبتك
مهيمن بيحاول يمسك دموعه: تقصد اللي كانت خطيبتي
نايا ترفع راسها وتبصله مهيمن يبعد عينه عنها
اللوا بعدم فهم: هو فيه ايه! انا مش فاهم حاجة
مهيمن قدر يمسك دموعه بس حاسس ان صوته هيفضحه: نضال هيشرحلك و هيفهم سيادتك وقام راح التواليت.
اللوا: مادام ده مش نضال، مين نضال؟
نضال يقوم يضرب تعظيم سلام: انا سيادتك، الموضوع اني كنت رايح المركز اول يوم و الانسة دي خبطتني و اخدت كل حاجة تخصني و جت بدالي
اللوا باستغراب مع عدم فهم: ازاي و صورة البطاقه و الكارنيه، طيب زورتي و عملتي كل ده ليه، انتي جاسوسه
نايا: -
مهيمن كان بيهدي نفسه في التواليت و غسل شعره و اول ما سمع انتي جاسوسه طلع ع طول.
مهيمن بتوتر و ضيق منها يحاول يبرر ليها عملتها: هي مش جاسوسة بس مش عارف ليه عملت كده مع انها قامت بعمليات كتير و كلها نجحت
اللو بحده: امال تسمي ايه انها تخبط ظابط قوات خاصة و تاخد كل اوراقه و تزور كل الورق و تيجي هنا
مهيمن بحزن عليها ( ماهى بودو معشوقته ): للاسف معرفش ولا اجابه
اللوا بتريقه: لا و توقعك انت كمان و تخليك تخطبها دي اكيد بترسم ع حاجة كبيرة اووي
مهيمن نزل راسه في الارض.
اللوا: البنت دي تتحول للتحقيق
مهيمن يرد بسرعه: بس انا متأكد انها مش جاسوسة
اللوا بعصبيه: شكلها عرفت تضحك عليك كويس و توقعك في حبها عشان تاخدك في صفها اكيد كانت عاملة حساب اليوم ده
مهيمن ماكنش عارف ينطق بكلمة و لتاني مرة يتحط في موقف محرج مايقدرش يرد و هي برضه السبب.
اللوا بص ل نضال الحقيقي: و انت هتستلم شغلك من بكره و هتاخد بعض التمارين عشان تتأهل للمكان ده ( نده عسكري ) دي (و شاور ع نايا ) حبس انفرادي
مهيمن كان بيبصلها و جسمه كله بينزف من جوه مش قادر يعمل حاجة و لا قادر حتى يتكلم
اللوا قام مشي و كان متعصب جدا
مهيمن بصوت حزين: تقدرو تمشو
فوزى: يابني البنت دي صعبانة عليا
مهيمن مكنش مستحمل حتى نفسه و مش عايز يسمع اي صوت: لو سمحت عندك اي كلام تاني يخص نضال
فوزى: لا.
مهيمن: طيب انا تعبان و مش قادر اسمع اي حاجة و اول ما طلعو دخل التواليت و حط راسه تحت المايه اللى هي بتبرد ع الخلايا و النسجه اللى في دماغه اللى ممكن تسيح من شدت الضيق و العصبيه.
اول ما فادي شافهم طلعو دخل لمهيمن
فادي بهدوء: كابتن انت هتسيبهم يسجنوها
مهيمن كان فاتح المايه ع راسه و مش بيتكلم
فادي: كابتن رد عليا هي هتتحاكم، دي ممكن تتشنق فيها
مهيمن في اللحظة دي خاف عليها ورد عليه بعصبيه: بس بس بس مش هيحصلها حاجة عشان هي مش جاسوسة و كل العمليات اللى عملتها نجحت ده غير هي اللى عملت القنابل اللى فجرنا بيها اسرائيل.
فادي اول ما سمع دفاع مهيمن عليها حس بفرحه تنزل قلبه: طيب هتسيبها كده
مهيمن بحده: انت تعرف انها بنت
فادي افتكر وعده ليها ان مهما يعملو فيها ميقولش انه يعرف و فضل ساكت
مهيمن يمسكه من هدومه: يعني كنت تعرف
فادي: يا كابتن اهدى، هي قالتلي شويه و هتنسحب
مهيمن يقعد ع الكرسي و يبصله بعين حمره زي الدم: انا عايز اعرف هي ليه عملت كده.
فادي: هي خبطته من غير قصد و لما عرفت انه ظابط خافت و اخدت كل حاجة و عملت عليها، بس ده من خوفها مش عشان توصل لحاجة و لما حبتك حبت مهيمن الانسان العادي اللى بره المركز مش عشان توصل لحاجة
مهيمن بهدوء: انا هحاول اكلم اللوا يحيي
فادي: هتكمل معاها
مهيمن بوجع: انت عايزني اكمل مع واحدة زي دي
فادي: بس هي بتحبك
مهيمن: لو سمحت انا تعبان و مش عايز اتكلم في الموضوع ده و ساب فادي و دخل للوا يحيي.
مهيمن: سيادتك بتعزني صح
اللوا: اكيد يا مهيمن انت ابني اللي مخلفتهوش
مهيمن: حضرتك كنت دايما بتقول كده ل نايا كمان
اللوا: مهيمن انا كنت بقول كده ل نضال ابو قلب جامد اللي كان بيرمي نفسه في اي مهمة من غير تردد مش ل نايا
مهيمن: طيب احنا ممكن نقفل الموضوع و لا كأن شيء حصل و نرجع نضال الحقيقي و نايا تروح
اللوا بحده: انت شايف ان ده ينفع.
مهيمن: عشان حتى العمليات اللي عملتها، متغفرش ليها؟ و من غيرها عملية تفجير اسرائيل ماكنتش كملت
اللوا: روح يا مهيمن ارتاح انت تعبان و بقالك كذا يوم مانمتش
مهيمن بحزن: انام! النوم بقى بيني و بينو تار وقام خرج.
عند فريدة مسكه الفون و في حالة عشق و هيام و تقول بدلع: ع فكرة زعلانة منك و مخصماك و مش هكلمك تاني
شادي بحب: ليه كل ده؟
فريدة: مش هكلمك و لا هرد عليك
شادي: انتي قد الكلام ده
فريدة بتفكير: امممم مش عارفة، طيب هو مواليد كام
شادى بضحك: تقريبا في عمري
فريدة بمشاكسه: يبقى مش قده طبعا بس بردو زعلانة منك
شادى: لا متقدريش
فريدة: ايه الثقه دي
شادى: انا بثق في روحي ماتقدرش تزعل مني ولا ثانية.
فريده بأشتياق: بس انت واحشني اووي و نفسي اشوفك ممكن تنزل مصر
شادى بحب: بس كده انا كلي ليكي بكرة اكون عندك
فريدة بفرحه: قلبي يا ناس ع العسل.
في القوات الخاصة
فادي قال ل عمرو كل حاجة و جابلها اكل و دخلولها الحجز
عمرو بهدوء: ماتقلقيش يا اجدع زمل هتطلعي
نايا بصتله و وشها كله دموع: انا مش عايزة اطلع انا عايزة مهيمن يصدق اني بحبه، ان شالله اتعدم بس ما يفتكرش اني خليته يحبني عشان اتحامى فيه انا بحبه اووي و تبص ل فادي، فادي مهيمن هيرجعلي؟
فادي: ممكن تقعدي و متفكريش ف حاجة و اتفضلي كلي كباب هوهو اللي بتحبيه.
نايا بنرفزه و تصويت: انا مش عايزة اكل انا عايزة مهيمن
عمرو مسكها: اهدي اللي بتعمليه ده غلط و بص ع كتفها ايه الدم ده كله انتي متصابه في كتفك انا هروح اجيب دكتور
نايا بعصبيه: انا عايزة اموت محدش ليه دعوة بيا و فضلت تخبط كتفها و نزفت جامد و وقعت في الارض.