رواية مجنونة في عالمي للكاتبة سلسبيل كوبك الفصل الحادي والعشرون
ادم مسك ايد وعد و حطها مكان الجرح و في اقل من لحظة كانت في حضنه...
وعد(بشهقة): انت مجنون!
ادم: ليه بس يا وعودة؟
منال: وعد انتي فين؟
وعد(بهمس): ماما ماما، ماما لا لا، ادم..
ادم(بهمس): هشششش. اهدي..
و في اقل من لحظة و بكل رشاقة طلع على البلكونة اللي فوق...
منال دخلت البلكونة...
منال: ايه يا حبيبتي مش نايمة ليه؟
وعد(بإرتباك): ها لا مفيش، مجليش نوم فقولت اقوم اقف في البلكونة شوية...
منال: ماشي يا حبيبتي، احنا جهزنا هدومنا الا انتي و نور و نانسي، تمام..
وعد: اه ماشي يا ماما..
منال: تصبحي على خير...
وعد: و انتي من اهله...
منال خرجت، و وعد اتنفست بحرية...
وعد: اه يا زبالة يا ادم...
و بعدين تليفونها رن...
وعد: مين اللي بيتصل دلوقتي؟
الخط اتفتح...
وعد: الو...
ادم: الو..
وعد: اه انت خذت الفون..
ادم: اكيد هسيبه ليكي مثلا...
وعد: بس انت ازاي فتحت الخط من غير ما افتحه انا..
ادم: هكرت التليفون..
وعد: اه يا زبالة...
ادم: وعد خشي نامي انجزي..
وعد: لا..
ادم: هنزلك...
وعد: خلاص ماشي اوف...
قفلت الخط، و مدخلتش من البلكونة...
ادم: مش قولنا نخش ننام...
وعد بصت على التليفون لقته مقفول فبصت لفوق لقته واقف في البلكونة بتاعته...
وعد: ايه بقي خش انت نام...
ادم: شكلك عايزاني انزل...
و لسة هينزل...
وعد: لا لا خلاص هخش انام...
و دخلت بسرعة و نامت...
-في الصباح الباكر...
مايا: وعد وعد قومي...
وعد: ايه؟..
مايا: يلا انتي مجهزتيش شنطتك...
وعد: اوف ماشي...
وعد جهزت كل حاجة و لبست فستان قصير بحمالة عريضة و مفتوح من الضهر...
وعد: انا جاهزة...
محمود: تعالي افطري...
وعد قعدت جمب ادم...
ادم(بهمس): غيري الفستان ده...
وعد(بهمس و استغراب): ليه؟
ادم مكنش عارف يفسر ليه...
ريان: شكلكوا حبيتوا الهمس اوي...
وعد(باحراج): لا خالص...
و كلوا كلهم...
تميم: شكرا لحضراتكوا جدا..
ادم: بجد اتشرفت بيكوا...
عز: عقبال ما نيجي تاني...
ادم: سلوي هانم ممكن اتكلم مع حضرتك على انفراد..
سلوي: تمام، اتفضل..
سلوي و ادم قعدوا يتكلموا...
و وعد و نور متوترين اوي...
حمزة: في ايه يا بنتي محسسني انكم لسة في ثانوية عامة و انتوا مستنين الشهادة...
وعد: ها لا مفيش..
ادم خرج هو سلوي...
ادم: يلا يا عز يلا يا تميم...
عز: باي وعد باي نور باي يا حياتي...
الكل بصوا ليه باستغراب...
وعد: امشي يا عز...
سلوي: يلا علشان نروح على ال؟يلا الجديدة...
وعد: هو وليد بيشرب مخدرات و لا ايه؟
سلوي: الواد ده طالع ضايع اوي...
مصطفي: يلا يا بنات...
و الكل ركب العربيات و نزلوا الشنط و مشيوا بالعربية، لغاية ما وعد لاحظت انهم عدوا من جمب قصر الشيطان...
وعد(بخوف): اوعوا تقولوا اننا هنعيش هنا...
نور: للاسف..
سلوي: في حاجة؟
وعد: لا طبعا، بس هي فين ال؟يلا؟
محمود: اهي جمب القصر بالظبط...
وعد كانت مش قادرة تقاوم، و نور كانت مش عايزة تعيش هنا..
وعد(بهمس): يا كلب البحر مقولتيش ليا ليه؟
نور: نسيت..
الكل نزل و كل واحد خد شنطه و طلع على اوضة ليه، و لسؤء الحظ اوضة البنات كلهم كانوا مواجهة للقصر...
وعد: ملقوش غير الحتة دي و يختاروها اه يا قلبي..
نور: انا مستحيل اقعد هنا انا ارجع شقتي احسن..
نانسي: يا رب خليه مكان جميل لينا كلنا...
سيلين: يا رب حقق احلامي...
سيرين: لازم اوقع الشيطان يعني لازم اوقعه...
الكل نام من التعب...
-اما في قصر الشيطان...
تميم: لسة جايين من ساعة...
ادم: تمام...
عز: انت كنت بتقول ايه لسلوي هانم...
ادم: كنت بخطبلك...
عز(بفرحة): و النبي، حبيبي و ربي...
و قام حضنه و باسه و من كتر الفرحة راح حضن تميم و تميم بادله الحضن...
ادم: دلوقتي مايا عايز اعرف ايه اللي خلاها تقعد في بيت وعد، تمام..
تميم: تمام المعلومات هتبقي عندك كمان ساعتين..
عز: هنروح نخطب امتي؟
ادم: لما اهلها يرجعوا بكرة...
عز: و ربنا بحبكوا...
-في مكان تاني...
وليد كان قاعد مع شخص...
الشخص: انا كنت علطول معاه، بس هو قدر يعديني رغم ان سنه صغير..
وليد: تمام، انا عايز ادخل المجال..
الشخص: لازم تثبت جدارتك...
وليد: متخافش...
الشخص: في صفقة جديدة جاك عايز وجه جديد..
وليد: تمام...
الشخص: بس الشئ الاهم و الاقوي نفرقهم عن بعض..
وليد: هيحصل...
الشخص: هبقي اكلمك...
-في ال؟يلا الجديدة...
وعد قامت خدت دوش لبست تي شيرت طويل لغاية بعد الركبة بشوية صغننين بلون الجملي و لبست سلسلة شيك و لبست كوتشي ابيض شيك و نزلت لتحت...
محمود: رايحة فين يا وعد؟
وعد: هخرج اكتشف المكان يا عمو...
محمود: طب تعالي ثانية...
وعد: نعم يا حبيبي...
محمود: وعد انتي في حاجة مخبياها و مش عايزة حد يعرفها...
وعد ارتبكت و اتوترت و خافت...
وعد: احم ليه بس يا عمو بتقول كدة، هخبي ايه مثلا؟
محمود: مش عارف يا وعد، بس اللي انا متأكد منه انك مخبية حاجة و حاجة كبيرة، بس عموما انا موجود في اي وقت علشان اسمعك...
وعد: شكرا يا عمو...
وعد خرجت و فتحت باب ال؟يلا...
وليد: اوبا، ايه رايحة فين؟
وعد: ملكش فيه..
وليد(بهمس): راحة لعشيقك و لا ايه؟
وعد(و هي بتحاول تكون هادية): ملكش دعوة بيا يا وليد تمام، و احسنلك ابعد عني، تمام..
وليد: بس انا اكتشفت السر...
وعد: سر ايه و قرف ايه وسع كدة الله..
وعد سابته و مشيت، و قعدت تتمشي...
و هي بتتمشي اذا بها تلاقي كلب ادم قدامها..
وعد: اانا بقول ابقي اكتشف المكان بعدين...
الكلب ده جري ناحيتها و وعد قعدت تجري تجري لغاية ما دخلت قصر ادم...
-(الحراس عارفينها و ادم عرفهم انها ينفع تدخل القصر عادي)...
وعد(بصريخ): ادم...
ادم اول ما سمع صوتها جري على بره...
ادم: في ايه؟..
وعد(و هي بتستخبي وراه): خلي كلبك ده يمشي من هنا...
ادم: وعد انتي غبية؟!
وعد: ده خلاني اجري كتير و انا اساسا قلبي بيوجعني لما بجري كتير...
ادم: نار...
الكلب ده جه عند رجل ادم..
وعد: طب استأذن انا بقي...
وعد لسة هتمشي ادم مسكها...
ادم: تعالي العبي معاه، طول ما انتي محسساه بالكره مش هيحبك...
وعد: يا عم انا مبحبش الكلاب و بخاف منهم الله...
ادم خلاها تقعد و مسك ايديها و حطها على الكلب..
وعد بصتله برجاء انه يسبها هو ردلها البصة بإطمئنان..
-وعد و ادم ملاحظوش العنين اللي بتبص عليهم و لا الكاميرا اللي بتصورهم...
وعد: بص هو لطيف، بس انا برضو بخاف..
ادم: ماشي يا ستي، عموما لما تشوفيه متخافيش هو اتعود عليكي، و كمان انا بخليه يطلع يتفسح كل شوية...
وعد: يارتني كنت انا..
ادم(بخبث): انك تبقي الكلبة بتاعتي...
وعد: زبالة و حقير يا ادم، اقصد اني الاقي حد كل شوية يخرجني و يفسحني انا عايزة ادلع...
ادم: انتي كدة متناقضة..
وعد: ليه؟
ادم: امبارح بتقولي عايز واحد يغير عليا و ميخلنيش اتكلم مع رجالة و دلوقتي عايزة اخرج و اتفسح...
وعد: ايه التناقص بقي؟
ادم: ان اللي بيغير و مش هيخلي مراته تكلم رجالة غيره هيغير عليها برضو و مش هيخلي حد يبص عليها...
وعد(بتفكير): وجهة نظر...
وعد: بقي اروح علشان اتأخرت...
ادم: تمام...
وعد لسة هتمشي...
وعد: ادم...
ادم: خير...
وعد: ازاي ان ده قصر كبير و الحراسة ملياه و دخلوني؟
ادم: لما شافوكي معايا كذا مرة حفظوكي، فسابوكي تدخلي عادي...
وعد: اه تمام...
ادم: وعد..
وعد: ايه؟..
ادم: متقلقيش من البنت بتاعت امبارح...
وعد: تومام، باي..
وعد مشيت و ادم دخل اوضة مكتبه لقي عز في المكتب...
ادم: مين؟
عز: جاسيكا، قدرت تنفض بجلدها من الانفجار و الحريق، و لقبوها بالثعلب لانها قدرت تخدع الرجالة علشان توصل للمافيا، و هي راجعة تنتقم من موت الجوكر..
ادم: تمام..
عز: في حاجة جديدة...
ادم: انطق..
عز: في شخص بيلعب من ورانا، لسة مش معروف بس هنعرفه...
ادم: تمام...
الباب خبط..
ادم: ادخل...
تميم: المعلومات جهزت...
ادم: قول...
تميم: في عداوة بينها و بين شخص اسمه معتز صديق ريان اخو وعد، معتز كرهه زاد لريان اضعاف لان مايا صدت معتز من اول مرة، و بعدين مؤمن بيه سافر هو و المدام لاسكندرية لتغير الجو، و ريان مسك الفرع، و في يوم ريان لاحظ غياب مايا و راح ليها البيت لقي ان معتز اتهجم على مايا بالضرب و ريان لحقها في اخر لحظة و خدها معاه البيت...
ادم(بغضب): معتز الكلب ده يكون قدامي في اقل من ساعة...
تميم: مختفي..
ادم(بغضب): قدامك ساعة يا تميم...
عز: استني خليك...
عز: هات الرقم..
تميم: هتعمل ايه؟
عز: نسيت اني تخصص برمجة و كمبيوتر و لا ايه؟
تميم: الرقم(، )...
عز بعد بحث دام لمدة عشر دقايق...
عز: في منطقة ال (، )حي ال (، )...
ادم: خد معاك رجالة كتير و عايزه قدامي يا تميم فاهم..
تميم: تمام..
تميم مشي و عز و ادم فضلوا في المكتب...
عز: ناوي تعمل ايه ما وعد؟..
ادم(بعصبية): ما تولع وعد، المهم مايا..
عز: ايه يا ابني قلبت كدة ليه؟
ادم: اشتغل يا عز اشتغل...
-في بيت عائلة النجار...
الكل قاعد متجمع...
وليد(بخبث): اخبار ادم ايه يا وعد؟
وعد: و انا هعرف ادم عامل ايه ازاي؟
وليد(بخبث): حسيتك بتكلميه او كدة بما انه المدير..
نور: قصر و جيب من الاخر يا وليد...
سيرين: في ايه يا نور؟ده بيستفسر بس..
وعد: انا راحة انام...
مصطفي: انتي كله نوم نوم؟
وعد: بابا انا بصدق اخد اجازة تومام...
نور: خديني معاكي...
سيلين: وعد عايزاكي...
وعد: بنات ورايا...
كل البنات طلعت مع وعد ما عدا سيرين...
وعد: ها يا ست الكل في ايه؟
سيلين حكت كل اللي حصل..
نور: متوافقيش طبعا...
وعد: وافقي طبعا...
نانسي: وافقي..
نور: لا متوافقيش...
مايا: متوافقيش...
وعد: انتي مجنونة منك ليها؟طبعا توافق..
نور: كرامتها رقم واحد...
وعد: مبدأيا الراجل مكنش يعرف انها بتحبه، يا ستي الراجل غشيم مفهمش انها بتحبه و لما فهم و عرف قرر يودي للعلاقة فرصة ممكن تنجح...
سيلين: تفتكري...
مايا: لا هو هانك و ساب البنت تضربك بالقلم لا..
نانسي: انا مش معني انه اخويا فهدافع عنه هو بس مكنش يعرف...
وعد: طيب تمام نلعب بيه...
مايا: ازاي؟
وعد: انتي بتحبيه، و بما انه قرر يودي علاقتكم فرصة يعني يبقي بقي معجب احنا بقي نلعب عليه...
سيلين: الله فكرة حلوة...
نور: احنا هنخليه يغير عليها حد الجنون...
نانسي: هيتجنن اخويا و انا عارفاه...
البنات ضحكوا، و كل واحدة راحت على اوضتها...
وعد لقت ادم واقف في بلكونته عاري الصدر و بيشرب خمرة...
وعد: ده واحد حقير و سافل و سكرانجي...
وعد: لحظة لحظة هو اسمها سكرانجي..
وعد: مش عارفة...
وعد: ايه الهبل اللي انا بقوله ده؟.
وبعدين وعد لاحظت ان تميم داخل بشوال هو كام راجل، لقت عز مع ادم في البلكونة...
عز: ادم جبناه...
ادم: هلبس و اجي، ظبط انت العزومة...
عز: تمام يا صاحبي...
وعد: ايه ده؟ايه اللي تميم جايبه معاه ده؟و لقته دخله في مكان كدة ورا القصر..
الباب خبط...
وعد: ادخل...
خدامة: وعد هانم مصطفي بيه عايز حضرتك...
وعد: تمام انا مسميش وعد هانم اسمي وعد بس اتفقنا...
خدامة: ماشي...
وعد: اسمك ايه بقي؟
خدامة: بسمة...
وعد: اسمك جميل يا بسمة...
بسمة: شكرا...
وعد نزلت لقت الكل متجمع...
وعد: متجمعين على خير ان شاء الله...
سلوي: وعد احنا معزومين في قصر الشيطان...
وعد وقعت على الكرسي جمب نور...
محمود: في حاجة؟
نور: ها لا بس هو يعني ليه؟
منال: اصله الشاب صاحب المستشفي بتاعتك يا وعد هو صاحب القصر ده و عزمنا عنده بمعني اننا جيران و كدة يعني...
سلوي: الكل موافق...
وعد: انا عايزة ادخل الحمام..
وعد قامت جريت على فوق...
و نور وراها...
نور: بصي بقي اختلقي اي اعذار علشان منروحش...
وعد: هشوف، روحي البسي، بس احتياطي...
وعد لبست فستان لونه اسود في دهبي طويل عبارة عن قطعتين جيبة طويل و منفوشة بسيط و باللون الدهبي في اسود و حاجة عبارة عن حاجة شبه التي الشيرت لونها اسود بكم مبينة جزء بسيط من بطنها و موصولة مع الجيبة من ورا، و لبست صندل اسود...
و وعد جهزت...
مصطفي: بسم الله ما شاء الله...
ريان: اختي قمرررررر...
مايا: بجد احلي واحدة...
وعد: متبالغيش...
سيرين: انا احلي طبعا...
سيلين: اكيد يا حبيبتي كلنا حلوين...
نور: انا جهزت...
نور لبست فستان وردي بحمالة عريضة و قصير و منفوش من تحت و لبست صندل ابيض..
سلوي: فاضل ربع ساعة و نتحرك...
-اما عند ادم...
ادم لبس بدلة شيك باللون الكحلي، و نزل للمكان اللي فيه تميم و فتح باب ببصمة و دخل...
المكان اللي دخله زي مكان تحت الارض و في زي ما يكون سجون مشي علطول في ممر لغاية ما وصل لاخر الممر، و حارس فتح الباب، و ادم دخل...
ادم: طبعا انت متعرفش انا مين صح؟.
معتز: مين؟
ادم: انا النار اللي هتحرقك، لانك بس اتجرأت و قربت من مايا...
معتز: هي طلعت حبيبتك انت كمان...
ادم: اغلي و اغلي...
عز: تميم ادم فاضل خمس دقايق...
ادم: راجعلك يا معتز، بس هتندم هتندم اوي..
ادم و تميم و عز خرجوا و انتظروا عائلة النجار...
الباب خبط...
الخدامة راحت فتحت..
سلوي: احم ادم بيه هنا..
الخدامة: اه هو بإنتظار حضراتكوا...
سلوى: تمام شكرا...
سلوي و الكل دخلوا و راحوا قعدوا في صالون كبير..
نور(بهمس): كنتي قاعدة في القصر ده كله؟
وعد(بهمس): للاسف، مكنتش اساسا عايزة افتكر بس بقي العائلة كانت هتقول ايه...
ادم: اهلا اهلا بسلوي هانم و مصطفي و محمود بيه، نورتوا...
تميم: اهلا منال هانم و سعاد هانم...
عز: نورتوا يا جماعة...
منال: بجد تشكر يا ابني على العزومة انت بجد ابن اصل..
وعد(بسخريةو همس): اوي..
و قعدوا اتكلموا كتير...
وعد: لو سمحت فين الحمام؟
ادم: مي...
مي: نعم يا حضرة الشيطان...
ادم: خدي الانسة وعد للحمام...
مي: تمام اتفضلي يا هانم...
وعد مشيت معاها و اول ما بعدت عن العائلة...
وعد: وحشتيني اوي...
مي: و انتي اكتر..
وعد حضنت مي...
وعد: روحي انا هرجع لوحدي...
مي: تمام...
وعد دخلت الحمام و هي خارجة لقت حاجة زي ما تكون بتلمع كدة واضحة من الباب من تحت...
وعد فتحت الباب و دخلت و قفلت الباب وراها...
وعد دخلت لقت شاشة كبيرة جهاز بروجتكور
-(على ما اعتقد ده اسمه؟)...
و لقت معروض عليه اكتر من صورة و الصور بتتغير و مكتوب السن و المهنة و ميعاد القتل...
وعد كانت مصدومة انه هيقتل الناس دي و كانت بتسأل نفسها هما عملوا ايه يعني...
و بعدين راحت على المكتب بتاعه و لقت على سطح المكتب ورق، و اول ما مسكته و قرأته كانت مصدومة و بعدين انهارت جدا، و قعدت تعيط...