رواية لعنتي وعذابي الجزء الأول للكاتبة منى الأسيوطي الفصل الثاني

رواية لعنتي وعذابي الجزء الأول للكاتبة منى الأسيوطي الفصل الثاني

مرء اليوم بسلام ليأتى يوم الزفاف...
منزل الزينى...
هرج ومرج بالداخل والخارج استعدادا لحفل زفاف الابن الأصغر لتلك العائلة. في الداخل تعد النساء الطعام وتتجهز من أجل الزفاف والخارج يقف الرجال يتابعون الذبائح والزينة و الطباخين لإعداد المآدب للرجال ولنجد في احداى الزوايا يقف حربى برفقة اشقائة يتحدثون.
سلام. وبعدهالك عاد أفرد بوزك دا
حربى. محدش ليه صالح بيا مش نفذتلكم حديتكم بعدوا عنى بقى.

شبل. ابوك واخد باله منينا أعدل خلقتك دى
حربى. وااااه عاد سيبونى في حالى
شبل. أنت حر يا ولد ابوى انا نبهتك وانت حر
حربى. يوووه انا سايبكم وماشى
لينهى حديثة ويترك المكان ويذهب للداخل لتقابلة زوجة أخية رشا وطفلتها نور ذات العشرة اشهر لتقول.
رشا. مالك يا خوى
حربى ببسمة. مفيش يا مرت اخوى. نوراخبارها اى
رشا. نور زينة وحلوة بس مش احلى من عروستك
حربى. انتى شوفتيها
رشا. ومين ف البر كلة ميعرفهاش.

حربى بشك. كيف يعنى تقصدى اى
رشا بتسلية. لما تشوفها ف العشية هتعرف اقصد اى. مبروك
حربى، الله يبارك فيكى
ليتركها حربى ويصعد لغرفتة ويجلس على حافة الفراش يتحدث بصوت مسموع.
حربى. هي تقصد اى بالبر كلة يعرفها. ليكون مشيها بطال. يادى النيلة اى اللى انا بقولة دا. دى نقاوة ابويا اكيد جايب واحدة سمعتها زينة. أستغفر الله العظيم ديمآ اكدة رشا تلعب باعصابى. وأنا هشغل بالى ليه كلها كام ساعة واعرف قصدها اى...

منزل الديب...
غرفة المكتب...
يجلس إلياس وسراج وعبيدة ومنير يتحدثون بأمور العمل حتى قاطعهم دلوف أسيل وهي غاضبة لتقول...
أسيل. ايسو انت لغيت الفيزا بتاعتى
إلياس. صوتك عالى
أسيل بغضب، هو دا اللى همك. أنت تعرف انك بوظت اليوم كلة. انا تعبت على ما نقيت كل حاجة ناقصانى وطبعا بعد أربع ساعات لف وتعب مقدرتش اجيب اى حاجة لما عرفت أن الفيزا اتلغت
عبيدة بهدوء. أسيل.

لتلتفت أسيل لاثر الصوت وتتفاجأ بوجود سراج وعبيدة خلفها لتجيب بخجل قائلة.
أسيل، نعم
عبيدة. بتعلى صوتك ليه. ممكن تقولى كل اللى انتى عايزاة بس بصوت واطى
أسيل بتوتر. ا انا. اتعصبت. و. و.
عبيدة بضحك. هههههههههههه أهدى أهدى انا مش بعض. انتى هتفضلى كل أما تشوفينى تتوترى
أسيل. ا انا ماشية
لتنهى حديثها وهي تتجه للخارج ولاكن اوقفها صوت إلياس قائلا.
إلياس. مين قالك تمشى
أسيل بحنق. انا مش بكلمك انا مخصماك.

لينهض من مكانة ويتجة إليها ليمسك كفها ويقبلة بحنية قائلا.
إلياس. خلاص متزعليش. تحبى اجى معاكى بكرة ونجيب كل اللى انتى عايزاة وبعدين افسحك واجبلك شيكولاتة. ولا تاخدى الفيزا بتاعتى وتعملى اللى انتى عايزاة
أسيل بتوتر. لا ما اأنا انا انا. بعت الفواتير على البيت
إلياس. انتى مش قولتى انك مجبتيش حاجة
أسيل بتوتر. هاا. أصل.

إلياس. أصل اى. اقولك انا. انا وقفت الفيزا بتاعت اريج مش الفيزا بتاعتك. وطبعا هي اتقمصت وانتى زعلتى علشانها عشان كده جاية وسانة سكاكينك عليا
أسيل. طب ليه تزعلها
إلياس. عشان تيجى وتطلب منى انى اشغلها الفيزا تانى. مش انتى اللى تيجى
أسيل. والله. وأنا مش عجباك
إلياس. انتى تعجبى الباشا. بس ينفع كده تقطعى على اخوكى
أسيل. هههههههه لا ازاى حقك عليا.
إلياس. ههههههههه خلاص روحى وبلغى اريج وسما أننا خارجين بكرة.

أسيل بسعادة. بجد
إلياس. ايوا بجد. يلا روحى
لتقبل أسيل وجنتة بسعادة قائلة. حبيبى يا احلى ايسو لتنهى كلماتها البسيطة بسعادة وتخرج على الفور ليعود إلياس إلى مكتبة مرة أخرى ليباشر عملة ولكن استوقفة صوت عبيدة...
عبيدة. إلياس
إلياس. امممممممم
عبيدة. انا هاجى معاكم
سراج. وأنا كمان
إلياس. ماشى
سراج. اى السرعة دى. انا قولت هتضربنا بالنار هتولع فينا إنما ماشى كده عالطول اى التغير دا.

إلياس. لو ما بطلتش رغى ديتك معايا رصاصة. اقفل بوقك دا
سراج. خلاص سكت
منير. هتفضل لحد امتى تلف وارها
إلياس. العمر كلة. انا حر
منير. لاء مش حر. انا عايز أشوف عيالك قبل ما أموت
لينهض إلياس من مكانة ويتجة صوب الباب قائلا.
إلياس. لو هخلف هيبقى منها. هي وبس. ابقو كملو شغل انتو.

لينهى حديثة ويصفع الباب خلفة تاركآ المكان والجد يشتعل من الغضب. ليصعد سريعا لغرفتها وكالعادة يدلف دون الطرق على الباب ليتفاجأ بها ترتدى فستان من الحرير الأحمر الداكن مفتوح من الصدر طويل مرصع بالفصوص الفضية عارى الظهر تماما وشقيقتة تساعدها على ارتدأءة لتشهق سما عندما رأت إلياس أمامها لتنتبة الفتايات لوجودة لتقول اسيل عندما رأت الغضب يعلو ملامحة...
أسيل بتوتر. ايسو. أنت جيت امتى
إلياس...

أسيل. ش شوفت فستانى. انا خليت أريج تجربة وطلع تحفة عليها و.
ليقاطعها قائلا. لفى
أسيل بصدمة. اى
إلياس. أريج لفى ورينى ضهر الفستان
لتبتلع اريج لعابها بصعوبة قبل ان تقول. ليه
إلياس. أظن سمعتى انا قولت اى
سما. أبية ا.
ليصرخ إلياس بوجهها قائلا. اخرسى. اطلعى برة
لتهرول سما إلى الخارج ودموعها رفيقتها لينظر مرة أخرى لاريج قائلا. قولتلك لفى
أريج بتوتر. من غير ما ألف. ضهرة ع عريان
إلياس. أسيل. اطلعى برة.

أسيل بخوف. بس دافستانى انا. وأنا.
ليقاطعها قائلا. متختبريش صبرى ودلوقتى اختفى من قدامى
لتفر اسيل من امامة ليعيد نظرة لاريج مرة اخرى قائلا بهدوء...
إلياس، تعالى
أريج. ليه
إلياس، بقولك تعالى
لتتنهد اريج بقوة وتذهب إليةبخطى خائفة وتقف امامة قائلة.
أريج. نعم
إلياس. خايفة ليه
أريج. عشان انت مش مضمون ومن...
ليقاطعها قائلا. مش مضمون. اممممممم ولما انتى عارفة كده بتعملى ليه حاجات تعصبنى.

أريج. انا معملتش حاجة انا بس كنت بجربة ومطلعتش بيةبرة
إلياس. ولما انتى معملتيش حاجة. خايفة ليه من رد فعلى
أريج بغضب. يوووووة بطل حرب الأعصاب دى انت ب...
لتشهق بخوف عندما أمسك مقدمة الفستان وقام بشقة لنصفين. لتتمسك هي بأطرافة محاوله لتخفى جسدها أمام عينية ليقول.
إلياس، لو شوفتك لابسة حاجة كده تانى صدقينى مش هقطعة وبس لا دا انا هعمل اكتر من كده
أريج. ليه تقطعة كده. أسيل هتزعل
إلياس. تتفلق.

أريج بغضب. انشالله انت اللى تتفلق. الفستان كان عاجبها وكانت جايباة عشان عيد ميلاد عبيدة بعد فرحهم بيومين وكانت هتلبسة عشان تحتفل بية. أنت...
لتصمت حين رأت ظلام عينية وقال...
إلياس. هي كانت هتلبس الزفت دا بعد ما انتى لبستية وكمان قدام عبيدة.
أريج. وفيها اى مش جوزها
إلياس. وطبعا هي هتقول ل عبيدة انك جربتى الفستان، ويتخيلك وانتى لابساة
لتنظر أريج له بصدمة وتوتر حين فهمت مقصدة لتقول...

أريج. ل لاء. أنت فهمت غلط. و.
إلياس. امشى غيرى الفستان دا وتعالى.

لتهرول اريج من امامةمسرعة لتدلف لغرفة تبديل الثياب لتمسك بأحدى المنامات القصيرة وترتديها سريعا وتخرج له مرة اخرى لتجدة يجلس على الأريكة المقابلة للفراش ويدخن لتذهب له بخوف وتردد وتجلس بجوارة وهي تفكر في انة يجب عليها التدخل الآن قبل أن غضبة يبطش بالجميع لتتنهد وتقترب منه وتمسك السيجارة من بين شفتية وتنهض متجهه إلى الكمود لتطفئ السيجارة بالمنفضة الموضوعة علية. لتعود ادراجها مرة اخرى إلية لتجلس بجوارة قائلة.

أريج. آسفة
إلياس. هنخرج بكرة
أريج. أسيل قالتلى
إلياس بغضب. متعمليش كده
أريج بتوتر. معملش اى
ولكن إلياس لم يجاوبها وظل ينظر لها لفترة من الزمن لتشهق اريج عندما أمسك بمعصمها وسحبها لتجلس على فخذية ليثأر من شفتيها على ما تفعله به ليبتعد عنها بعد مدة قصيرة قائلا...
إلياس. بطلى تأثرى عليا
أريج. سافل
إلياس. وبموت فيكى يا بنت عمى
لترفع اريج بصرها وتنظر له بعتاب قائله.
أريج. متقولش كده تانى
إلياس. ليه.

أريج. عشان انا مش بنت عمك. انا بنت حرام وانت عارف كده
إلياس بحدة. متقوليش على نفسك كده
أريج. دى الحقيقة اللى مش هتتغير
إلياس. لاء دى مش الحقيقة انتى أريج وليد منير الديب فاهمة
أريج. منير الديب مش معترف بكدا. ولا اى حد من الموجودين. هما بيعاملونى كويس بس عشان صعبانة عليهم. متقوليش الجملة دى تانى. انا عارفة ان الفضل ليك. لولاك كان زمانى مرمية في الشارع و...

ليبتلع حديثها بين شفتية ليخبرها عن كم المشاعر التي يكنها لها...

منزل الزينى مساء...
صوت الطبل والمزمار الصعيدى يعلو من داخل حديقة المنزل ونجد بعض الاشخاص يمرحون بالرقص بالعصا والبعض يشاهدون الخيل وهو يرقص على أثر الطبل ويقف شبل وسلام برفقة والدهم وحربى يقوم بالتحطيب بالعصا أمام أحد الأشخاص ليعلو صوت التصفيق حين تغلب حربى على ذلك الشخص.

ليصمت الجميع حين استمعو لصوت بوق السيارات يعلو معلنا عن وصول العروس ليهرول حربى واشقائة اتجاةالبوابة الخارجية لاستقبالها ليعلو بعدها صوت إطلاق الأعيرة النارية فرحا بزفاف حربى الزينى...

يقوم حربى بفتح باب السيارة ويمسك بيدها ليساعدها على الهبوط وينظر لها ولكنة لم يرى شيئا بسبب ذلك الغطاء الموضوع على وجهها ليتنهد بقوة قبل ان يسحبها خلفة متجة بها للنساء بالداخل ليجلسها برفقتهم ويتجة للخارج مرة اخرى لتهرول رشا وهي سعيدة وترفع ذلك الغطاء وهي تبتسم لتقول...
رشا. بسم الله. الله اكبر ربنا يحميكى يا خيتى
لتجيب عائشة بدلا عنها قائلا. تسلمى يا ست الناس ربنا يخليكى.

رشا. اسمى رشا او ام نور. بلاش ست الناس دى يا خالتى
وفاء. خالتك. فوقى يا رشا. دى مرت الغفير
رشا. مالكيش صالح. انا اقول اللى انا عايزاة
وفاء، انتى حرة
لتقول رشا لعائشة. متزعليش يا خالتى
عائشة. ربنا يكرمك يا بنت الأصول
ليمر الوقت وينتهى الحفل لتودع عائشة صغيرتها وتغطى وجهها مرة اخرى قبل دلوف حربى للداخل ليصتحبها إلى غرفتة بالأعلى...
غرفة حربى...
يدلف حربى للداخل قائلا.
حربى. اتفضلى.

لتدلف حورية للداخل ويغلق حربى الباب خلفة ويتجة للفراش ليجلس علية ويقوم بنزع عمامتة وقبل أن ينزع حذائة وجدها تجلس على الأرضية امامة لتقوم هي بتلك المهمة وتنزع حذائة بدلا عنة ثم تنهض وتمسك عمامتة لتضعها بمكانها ولاكن اوقفها صوتة قائلا.
حربى. استنى
حورية بهمس. نعم
حربى. اسمك اى
حورية، حورية
حربى. شيلى البتاع اللى على وشك دا.

لتقوم حورية برفع الغطاء عن وجهها ليتفاجأ بجمالها الأخاذ وينظر لها بصدمة فهى كانت فائقة الجمال بداية من اهدابها الكثيفة التي تحاوط عينيها البندقية لثغرها المرسوم بابداع لانفها الصغير ولكنة تصنم مكانة حين نزعت حجابها ليهبط شعرها الأحمر بهدوء ليصل إلى خصرها ليفيق من شرودة حين قالت...
حورية. ممكن اسألك سؤال
حربى. اى
حورية. أنت اسمك اى
حربى. اسمى حربى الزينى
حورية. انا طلبت اقابلك قبل الفرح بس انت رفضت.

حربى بذهول. انا
حورية. او الكبير هو اللى رفض. الحقيقة معرفش
حربى. خير في حاجة عايزة تقوليها
حورية. أنت تعرف انا مين
حربى. بنت حسين الغفير
حورية. كنت متأكدة انك متعرفش حاجة
حربى. معرفش اى
حورية بتوتر. انا بنت الغفير بس بالتبنى، انا يتيمة.

لينظر لها بصدمة واضحة على ملامحة ولم يتحدث بشئ ليسحبها خلفة ولم يهتم بشعرها الذي تحاول أن تدارية ليقف بها أمام غرفة والدة ويطرق الباب بشدة ثم يدلف دون انتظار الأذن من والدة ليدفعها بقوة لتتعثر بفستانها لتسقط على الارضية لينهض عثمان سريعا من على الفراش قائلا بحدة.
عثمان. اى اللى انت بتهببة دا
حربى بغضب. جايبلى بنت حرام يا ابوى.

صمت ساد المكان بسبب تلك الصفعة التي تلقاها حربى من والدة ليجتمع الكل بغرفة عثمان على أثر الصوت لتهرول رشا وتساعد حورية على النهوض ليقول سلام، في اى يابوى
عثمان. في أن أخوك مترباش
حربى. جايبلى بنت حرام وتقول انى متربتش
صفعة أخرى يدوى صوتها بارجاء المكان لتشهق النساء على اثرها ولاكن ما جعل الأنفاس تنقطع حين التفت حربى ونظر لحورية قائلا.
حربى. انتى طالق.

لينهى حديثة ويتجة للخارج ليلحق به شبل وسلام وتتركهم وفاء والسخرية تعلو وجهها ليلتفت عثمان قائلا.
عثمان. حقك عليا يابتى
حورية. أنت مقامك كبير مينفعش تعتذر من حد يا كبير
عثمان. من هنا ورايح تقوليلى يابوى انتى في مقام بتى
حورية. انا هعمل اى دلوقت
عثمان. خديها يارشا يا بتى وخليها تغير الفستان دا وتنام في اوضة الضيوف والصباح رباح
رشا. حاضر يا بوى
حنين يا رب...
غرفة حربى.

يجلس حربى وهو غاضب بشدة من والدة لينهرة سلام قائلا.
سلام. أنت متخلف حد يعمل اكدة
حربى. سبنى في حالى ياسلام
شبل. يا أخى حرام عليك، كسرت فرحتها وكسرت نفسها قدامنا كلنا
سلام. أنت متخيل انها تطلق ليلة دخلتها الناس هتقول عليها اى. ترضى لو ليك أخت يحصل معاها اكدة.
شبل. ترضى أن نور بتى عريسها يعمل معاها اكدة. يجرها من غير تحجيبة ويرميها على الأرض ويهينها قدام الكل اكدة
حربى. انا. أن...

سلام. أنت زفت وقطران. والكلام وياك خسارة. يلا ياشبل
لينهى سلام الحوار ويخرج برفقة شبل ويترك حربى للأفكار تعصف بعقلة.

مرء الليل على الجميع لتعلوالشمس سماء اليوم التالى لتبدأ أحداث جديدة على ابطالنا لنبدأ بعائلة الزينى
منزل الزينى صباحا.
يجتمع عثمان بأسرتة لتناول الفطور سويا ولكنة لم يجد حورية تجلس برفقتهم ليقول...
عثمان. رشا
رشا. نعم يابوى
عثمان. حورية فين
رشا. فوق مرضيتش تنزل
عثمان. اطلعيلها يابتى وقوليلها انى عايزها
رشا. حاضر يابوى.

لتنهى جملتها وهي تتجة للأعلى ليلتفت عثمان لابنة شبل عندما وجدة يعبث بالهاتف ولا يتناول الطعام قائلا.
عثمان. سيب الزفت دا وكل
شبل. ثوانى يا بوى بتابع الأخبار
عثمان. تابع بعد الأكل
شبل. اى دا
سلام. في اى
شبل. شوفت الخبر دا
سلام. خبر اى
شبل. خبر على صفحة المشاهير.
زفاف حفيدة منير الديب والأخت الصغرى لإلياس الديب على ابن عمها عبيدة الديب في اكبر حفل زفاف الخميس القادم.
عثمان. أنت تعرف إلياس الديب.

شبل. لا بس سلام يعرفو. كان زميلة ف الجامعة
سلام. الكلام دا من زمن
شبل. بص منزلين صور للعروسة وأهلها
ليقطع حديثهم دلوف رشا برفقة حورية لتقول.
رشا. اهى يابوى
حورية. صباح الخير
عثمان. صباح النور يابتى. تعالى اقعدى
حورية. حضرتك عاوزنى
عثمان. عاوزك تفطرى
حورية. بس.
عثمان. مبسش اقعدى يلا
حورية. حاضر
لتجلس حورية أمام حربى وبجوار وفاء لتقول رشا.
رشا. شبل بطل لعب في التليفون وافطر.

شبل. استنى بس شوفت يا سلام إلياس احلو اكتر من الأول كيف.
سلام. طول عمرة بيهتم بشكلة
شبل. بيتكلمو عن اللى بيحبها استنى ليه صورة معاها و...
ليبتر شبل حديثة وينظر لهاتفة بصدمة
ليقول سلام. مالك متنح ليه
شبل...
رشا. شبل بتبص عل...
لتشهق رشا حين نظرت لهاتف شبل لترفع بصرها سريعا وتنظر لحورية وقبل ان تتحدث قرأت ذلك الخبر أسفل الصورة وكان عبارة عن.
عشق متيم بالزواج القريب. إلياس واريج الديب
لتنظر لشبل قائلة. مش هى.

شبل. أيش عرفك
رشا. مكتوب تحت اهو اسمها أريج الديب
سلام. هو في اى
لينظر سلام لحربى الذي يدعى اللامبالاة منذ اول الحديث قائلا.
شبل. بص البت دى نسخة من حورية.

ليرفع حربى نظرة لاخية وينهض ويلتقط الهاتف والغضب يمرح بين عينية لينظر للصور وكانت عبارة عن اريج ترتدى فستان مكشوف الصدر وقصير وشعرها يداعب جسدها الشبه عارى وهي بأحضان إلياس وصورة أخرى واليأس يدفن وجهة في ثنايا عنقها ليبحث سريعا على احداى المواقع عن حبيبة إلياس الديب ليرى صور عديدة لها وهي بأحضان إلياس وأخرى وهو يقبلها وأخرى يحملها بين يدية ليرفع نظرة إلى حورية قائلا.
حربى. انتى مين.

لتنظر له حورية بصدمة قائله. كيف يعنى انا مين.

أما عائله الديب. فقد قرر إلياس أن يذهب برفقة الفتايات وعبيدة وسراج إلى مدينة الألعاب ليمرحو قليلا.
مدينة الألعاب...
يسير إلياس وهو يحتضن اريج وخلفة عبيدة واسيل ويتبعهم سما وسراج.
عند إلياس.
أريج. هي الملاهى فاضية كده ليه
إلياس. انا حجزتها عشان تلعبى براحتك
أريج ببسمة. شكرا على الخروجة الحلوة دى
إلياس. مفيش ما بينا شكر. انا بحبك
أريج...
إلياس، أريج
أريج. نعم
إلياس. بتحبينى.

لتنظر له أريج بصدمة ولم تجيب. ليبتسم بحنو قائلا.
إلياس. انا عمرى ما سألتك بتحبينى ولا لاء ويوم ما أسألك تبلمى كده
أريج. عمرى ما فكرت في الموضوع دا. تصدق انا معرفش إذا كنت بحبك ولا لاء. بس انا بحب وجودك. بحب حضنك. بحب صوتك. وجودك أمان. ههههههههه وبحب سافلتك. وقح بس بحب وقاحتك. بحب نظرتك ليا. لتمسك يدية وتنظر له قائلة
أريج. بحب كلامك. وجودك. نفسك. ريحتك. انا بحب كل دا بس معرفش إذا كنت بحبك ولا لاء.

ليبتسم بسعادة وينظر لعينيها قائلا.
إلياس. طب بمناسبة انك بتحبى سافالتى ووقاحتى ما تجيبى بوسة
أريج. وقح وسافل ومتربتش
إلياس. هههههههههههه. طب انا عايز اتربى على إيدك
أريج بتمثيل. يالهوووى عليا. يابنى ارحمنى وبطل كلامك دا
إلياس. خلاص بلاش كلام نخلية فعل
لينهى حديثة وكاد ان يقبلها ولاكنها فرت هاربة وهي تضحك بصوت مرتفع ليلحق بها إلياس قائلا.
إلياس. اخرتى على إيدك يا بنت الديب
أما عند عبيدة...

يسير بجوار اسيل بدون حديث حتى طال الصمت بينهم ليقطعة عبيدة اخيرا قائلا.
عبيدة. مش عايزة تقولى حاجة
اسيل بتوتر. ها. لاء. اه. لا مش عارفة
عبيدة. نفسى اعرف بتتوترى ليه لما تشوفينى، من واحنا صغيرين كل أما تشوفينى تتلغبطى وتتوترى هو انا أخوف اووى كده
اسيل. لا تخوف اى. انا بس
ليقاطعها عبيدة قائلا. بحبك
لتنظر له اسيل والدموع تتلألأ في عينيها ليقول عبيدة بأسف.
عبيدة. آسف لو زعلتك بس.

اسيل. انا مزعلتش. انا بس مش مصدقة انك قولتها اخيرا
عبيدة ببسمة. هو انا صامت اوووى كده
اسيل. لاء مقصد.
عبيدة. والله بحبك يا مجنونة. تعالى نلعب شوية. عايزة انهى لعبة بقى
اسيل بسعادة. هتلعب معايا
عبيدة. اه. فيها حاجة
اسيل بسعادة. لاء يالا
ليمسك عبيدة يدها قائلا. يلا ياقلبى
أما عند سراج.
الوضع يختلف تماما فشجار سما وسراج على أتفه الأسباب أصبح مزعجا.
سما. انا حرة
سراج. يابت اتلمى هخنقك.

سما. متقدرش. والله اقول لعبيدة او أبية إلياس
سراج بسخرية. أبية يا طفلة
سما بحنق. مين دى اللى طفلة يا بتاع انت
سراج بدهشة. بتاع، يا بيئة
سما بصوت مرتفع. اتلم بقى وعدى يومك دا
سراج. صوتك لو على عليا تانى هخفيهولك
سما بسخرية. ازاى يا فندام عصرك وأوانك
سراج. كده
لينهى حديثة وهو يقترب من ثغرها ولاكن استوقفة صوت الوحش قائلا.
إلياس، أعملها وانا مش هخليك نافع لحاجة بعد كده
سراج. أنت قطاع ارزاق ليه كده.

إلياس. تعالى يا سما أريج بتدور عليكى
سما بتوتر. ح حاضر
لتنظر لسراج قبل ان تذهب قائله بهمس ولاكن أستمع لها إلياس...
سما. أقسم بالله انت ماشوفت تربية
لتنهى كلماتها وتفر هاربة من امامة لينظر له إلياس قائلا قبل ان ينفجرا ضاحكين.
إلياس. دى وراثة ف العيلة. كلنا متربناش.