رواية كشماء للكاتبة سعاد محمد سلامة الفصل الحادي عشر
فى بيت النمراوى.
كان جميع النساء على طاولة الفطور التي تترأسها رقيه
لتقول تيسير زوجة أكبر أبنائها عاطف
انا أمرت الشغالين بتنظيف أوضة العرسان
لتنظر رقيه لها قائله أبعدى عن علام ومراته مالكيش دعوه بحاجه تخصهم هنا في البيت أى حاجه تخصهم كريمه ملزمه بها انا الى طلبت أننا نفطر لوحدنا من غير الرجاله النهارده علشان كده.
لتنظر تيسير لها وتشعر بالحرج ترد بتعلثم أنا مش قصدى حاجه أنت عارفه أنى أنا الى مسئوله عن البيت ونضافته وقولت طالما سافروا أخلى الشغالين ينضفوها أنتى عارفه أن أمبارح كان صباحيتهم وكان المباركين كتير والجناح أكيد مش نظيف.
لتقول رقيه عارفه بس أى حاجه من ناحيه علام ومراته يا نعمه يا كريمه هما المسئولين عنها وأنتى متدخليش فيها ومش هتكلم مره تانيه في الموضوع ده أنا هنا الكبيره ولسه بصحتى وأنا الى أحدد أختصاص كل واحد في البيت ده ومش هتكلم تانى وخليكى في نفسك وأهتمى ببناتك وأجوازهم الى ممشياهم تحت أمرك ومتفكريش الدكتوره كامليا زى غيرها هتسمع لكلامك ومش هتفكر
لتشعر أيه أنها تلمح عليها.
لتقول أيه بضيق من تشريفها لكامليا عليها على فكره يا تيتا أنا مش بسمع لكلام حد أنا كل ما في الأمر بحترم الأكبر منى
لتقول رقيه وأحترامك للأكبر منك أن تمنعى الخلف أبنك كبر ودخل الحضانه وكلها سنه ويدخل المدرسه
أنا عايزه أحفاد كتير يشيلوا أسم العيله بس أن مكنش منك في علام وكامليا ربنا يرزقهم بالذريه الصالحه الى تشيل أسم العيله فوقى من الهبل الى أنتى فيه وقدرى نعمة حب سعد ليكى.
لتشعر أيه بالضيق قائله أنا مش مانعه الخلف أنا كنت مستنيه ريان يكبر شويه ومقدره حب سعد وحضرتك عارفه أنا قد أيه بحب سعد.
لترد رقيه بسخريه يكبر أكتر من كده أبقى خلفى أما يدخل الجامعه وشكلك مقدره سعد فعلا الى معظم الوقت بينام في أوضة ريان أنا يظهر سيبت الحبل يفلت من أيدى لكن أنا دلوقتى الى هحدد كل شىء أوعوا تفكروا أنى نايمه على ودانى أنا في سريرى شايفه كل حاجه بتحصل في البيت ده و بعدين رجلك جريت كتير بالمرواح عند أحلام
ممنوع تروحى عند أمك غير يوم واحد في الأسبوع بعد كده
لتنظر تيسير الى أيه بخبث وتبادلها أيه نفس النظره.
بينما كريمه رأت نظارتهن لبعضهن لتخشى على أبنتها أن تتحد هاتان الخبيثتان عليها ولكن أطمئنت بسبب ميل رقيه الى أبنتها وأنها لن تترك أحد يقوم بألحاق الأذى بها كما أن أبنتها ليست ضعيفه كما يظنون.
فى منزل الفهداوى
علي طاولة الفطور
جلس أبراهيم الفهداوى مع ولديه
علي وسلطان ومعهم أيبو
ليقول أبراهيم أنا طلبت أننا نقعد نفطر لوحدنا من غير الحريم علشان أحدد أختصاص كل واحد فيكم.
دلوقتى ركن في أجازه ربنا يهنيه مع عروسته
الى هيمسك مكان ركن في الأداره هو على
علي عنده فكره في الأداره وأى حاجه تقف معاك أتصل على ركن بس مش عالفاضى والمليان
ليبتسم على بود
وأنت يا سلطان هتشرف على المصانع وتشوف أحوال العمال وانا هساعدك
ليضحك أيبو قائلا غياب ركن لأسبوع يعمل الدربكه دى كلها ليه هو كان الوحيد الى بيشتغل في العيله دى.
ليضحك أبراهيم قائلا فعلا ركن هو راجل العيله وعايزك يا أيبو تشد حيلك كدا وتساعده وتسنده وتكون في ضهره زى أبوك كده وتكونوا أيد واحده وبلاش تبقى زى غيرك طير شارد عن السرب.
لينظر سلطان بغضب لوالده قائلا أنا مكنتش طير شارد أنا حاولت أكبر من نفسي بس مش ذنبى أنى أتخدعت ووقعت في فخ منصور النمراوى الى حضرتك جبت بنته ودخلتها بيتنا وجوزتها لأبنى بدل ما تبعدها هي أمها الى زمان أتخلت عنك ومشيت وراء واحد أتسبب في سجن أخوها و قربتها مننا تانى كل ده علشان حبك لها الى خلاك تسامحها ومش بس كده لأ تجيب لنا هنا بنتها كمان علشان ترضى هي عنك.
ليضرب أبراهيم بيده على الطاوله قائلا أفهم معنى كلامك غبائك دا في الماضى هو الى أتسبب في الضرر لك ودلوقتي انا خلصت توزيع الأختصاصات عليكم ومش عايز أخطاء زى ما قولت وأتفضلوا كل واحد يشوف طريقه
ليقف الجميع من عالسفره الا أبراهيم الفهداوى مازال جالسا
ليغادر على وخلفه سلطان
ليقف أيبو قائلا قولى يا جدى هو أيه الى حصل زمان وخلى عمى سلطان أتحبس.
ليرد أبراهيم الفهداوى قائلا بحزم الى حصل حصل وأنت مالكش دخل فيه ودلوقتي أنا عايزك تشد في ضهر أبن عمك طول ما أنتم متحدين محدش هيقدر يصتادكم
ليبتسم أيبو ويميل يقبل يد جده قائلا متخفش يا جدى وراك رجاله يكسروا السراميك
ليضحك أبراهيم قائلا بس أنا مش عايزكم تكسروا السراميك أنا عايزكم تبنوا وأيديكم في أيد بعض.
نزل ركن من السياره بالجونه أمام أحد ال يلل الرائعه ليقوم بفتح شنطة السياره ويأخذ شنطة الملابس منها
لينظر الى داخل السياره يجد كشماء مازالت نائمه
ليقوم بالخبط على زجاج السياره النصف مغلق جوارها لتصحوا
ليشير لها بالنزول
نزلت كشماء من السياره تتمطىء بيدها وتقف تحرك أرجلها يمينا ويسارا
لينظر لها ركن متعجبا يقول في أيه
لترد كشماء الواحد حس أن جسمه متخشب ياباى أخيرا وصلنا.
لينظر متعجبا يقول أخيرا محسسانى أنك أنتى الى كنتى سايقه العربيه أنتى نايمه من ساعه ما طلعنا من المنيا الدور على الى سايق بقاله أكتر من تلات ساعات ونص متواصل
لترد كشماء ومصحتنيش ليه كنت بدلت معاك وسوقت شويه
ليرد ركن وهو يشير لها بالسير أمامه ابقى سوقى وأحنا راجعين
لتنظر الى المكان وتقول هو أحنا هنفضل هنا في الفيلا دى
ليرد ركن أيوه أتفضلى قدامى
لتقول له طب منزلناش ليه في أوتيل مش كان أوفر.
لينظر ركن لها أوفر في أيه
لترد كشماء أوفر في المصاريف أكيد أوضه أو حتى جناح في أوتيل أوفر من أيجار الفيلا دى
لينظر ركن مندهشا يقول أنتى مفكره أن الفيلا دى أيجار
لتنظر له كشماء
ليكمل ركن قائلا الفيلا دى بتاعتى ملكى مش أيجار وخلينا ندخل نغير علشان أنا زهقان من حر وتراب الطريق الى حضرتك أصريتى أننا نفتح شباك العربيه علشان التكييف بيضايقك
لتسير أمامه الى أن فتح الفيلا بمفاتيحه
لتدخل أمامه وهو خلفها.
ليضع شنطة ملابسهما جانبا
لتنظر كشماء الى الفيلا من الداخل بأنبهار ولكن تبين عكس ذالك قائله هو مفيش في الفيلا دى خدم ولا أيه محدش يستقبلنا
ليقترب ركن منها قائلا لأ مفيش خدم هو في حد يستقبل عرسان في شهر العسل برضو أحنا هنا لوحدنا
لتتوتر من أقترابه وتبتعد قائله ومين الى هيخدمنا
ليرد ركن هلب يور سلف
لتنظر كشماء وتقول بتعجب نعم.
ليقول ركن يعنى أخدم نفسك بنفسك وبما أنى ماليش في شغل البيت في دا مهمتك طول ما أحنا هنا أظن تعرفى تعملى شغل البيت زى أى ست
لتنظر كشماء له وتقول نعم أنت جايبني هنا علشان أخدمك
ليرد ركن ببرود تؤتؤتؤ تخدمينا أحنا الاتنين وانا ممكن أساعدك طبعا لو طلبتى منى دا بذوق
لتقول له قصدك أيه لو طلبت بذوق
ليقترب ركن منها قائلا يعنى مثلا تبوسينى وتطلبى منى أساعدك.
لتبتعد كشماء عنه وتهمس قائله باستك عقربه وتقول بصوت عالى هو دا الذوق عندك أنت بتحلم أنت قولت في الأول هلب يور سلف يبقى مع نفسك ماليش فيه
ليقترب قائلا أمال ليكى في أيه أظن فاكره أول مره أتقابلنا لما وقفتنى على الباب علشان أقلع الشوز بتاعي علشان لسه منضفه الأرضية بتاعة الشقه يعنى بتعرفى في شغل البيت أهو
قبل أن ترد عليه بلاذعه سمعت صوت رنين جرس الفيلا
ليقول ركن دا أكيد الديلفرى الى طلبته.
ليذهب ليأخذه ويتركها تقف بغيظ الى أن عاد
عاد بعد دقائق يحمل معه أكثر من كيس بداخلها أطعمه
ليضعهم أمامها قائلا المطبخ عالشمال من الجهه دى
أنا هطلع أخد شاور على ما تجهزى الأكل
ليتركها مره أخرى ويحمل معه الحقيبه ويصعد أمام عيناها التي تشتعل بالشرار.
علي الجانب الأخر
بسهل حشيش أمام أحدى ال يلل الفخمه
نزل علام من السياره وأتجه الى الخلف واخرج حقيبة الملابس الخاصه بهم ووضعها أرضا ليجد كامليا تقف أمامه تنظر له
قائله أيه ده هو أحنا وصلنا بسرعه كده ليه قولتلك هدى السرعه شويه
لينظر علام اليها بغيظ قائلا بسرعه أكتر من تلات ساعات ونص سواقه متواصله بسرعه دا أنا أنا جسمى أتخشب من الدريكسيون
لترد كامليا ماقولت لك أريحك شويه وأسوق أنا.
لينظر علام لها بغضب قائلا وحضرتك بتعرفى تسوقى
لترد كامليا ماقولت لك لأ ويعنى السواقه معضله
ليرد علام بغيظ أنتى الى معضله كنتى هتسوقى أزاى على طريق سريع وكمان جبلى كنتى هتدخلى بينا في الجبل
ليهمس لنفسه قائلا لو لوحدك معنديش مانع
لترد كامليا وبعدين أحنا وقفنا ونزلت ونزلت الشنطه من العربيه هنا ليه مش هنروح عالأوتيل
لينظر علام بغيظ قائلا أوتيل أيه أحنا هننزل هنا في الفيلا دى لو معندكيش مانع.
لترد كامليا وأنا همانع ليه هو أنا الى هدفع الايجار أنت حر لتهمس قائله أما البوليس يقبض عليك علشان مدفعتش الأيجار هعمل معرفكش
ليقول علام بتهمسى تقولى أيه وأيجار ايه الى هدفعه الفيلا دى بتاعتى وملكى وأدخلى قدامى وأنتى ساكته
لتبتسم قائله بجد يعنى الفيلا الحلوه دى ملكك مش تقول كده من الأول
يلا يلا تعالى ندخل وأطلب لنا أكل علشان أنا جعانه قوى.
لينظر أليها بتعجب قائلا أكل أكل أيه أنتى طول الطريق يا بتاكلى يا بترغى لحد مصدعت منك
لتنظر له قائله الحق عليا كنت بسليك في الطريق مش أحسن ما كنت أنام وأنت كمان يسهى عليك وتنام كانت العربيه هي الى هتكمل الطريق لوحدها
لينظر علام مندهشا يقول والله أنتى مخك لاسع ولازمك علاج سريع.
لترد كامليا فعلا مخى لاسع من حرارة الشمس الى واقفين فيها خلينا ندخل أحسن يجى لك ضربة شمس أنا جايه هنا أسبوع عسل أتفسح وأرفه عن نفسي مش أقعد بيك وأنت عندك ضربة شمس
لينظر علام بغيظ قائلا لسانك الى بينقط سم دا في مره هقطعه لك وأرتاح منه ادخلى قدامى
لتقول لسانى بينقط سم ليه هو أنا كنت حيه دا أنا لسانى بينقط عسل وسكر
وتسير أمامه تغنى بنشاز قائله عسل وسكر عسل وسكر حلوه الدنيا سكر.
ليفتح علام باب الفيلا لتدخل كامليا وتنظر حولها بأنبهار قائله أيه ده أنت متأكد أن الفيلا دى ملكك
ولا لاطشها من حد أسبوع
ليرد علام وهو يرمى الشنطه قائلا دا الى هلطشك على عينك أجبلك عما نصفى
لترد كامليا ببراءه تجبلى عما نصفى ومين الى هيسحبنى أهون عليك دا أنا مراتك الكيوت الهاديه المطيعه والعسوله وهطبخلك بأيدى بس مش النهارده انا تعبانه من الطريق خليها لبكره هو مفيش هنا شغالين ولا أيه.
ليرد علام بتهكم لأ مفيش شغالين أنتى مش لسه قايله أنتى الى هتطبخى بأيدك أتصرفى أنا هطلع أخد شاور من كتمة الطريق وانزل ألاقى الأكل جاهز.
ليتركها ويصعد
لتقول له طب خد معاك شنطة الهدوم دى لفوق
لينزل يأخذ الحقيبه ويصعد وهو يشتعل ضيقا منها.
لتبتسم وتمسك هاتفها قائله أما أشوف أقرب مطعم للفيلا دى فين وأطلب منه ديلفرى و أما يجى المقطقط يحاسب عليه.
نزل ركن الى الأسفل بعد أن أنعش جسده بحمام بارد ليدخل الى المطبخ
ليجد كشماء تجلس أمام طاولة المطبخ وأمامها الاكياس كما هى
لينظر أليها قائلا محضرتيش السفره ليه
لتنظر أليه قائله هو انت مينفعش تلبس هدومك كلها كامله أيه الوقاحه دى
ليبتسم وهو ينظر لها قائلا هي الناس في الأماكن الى زى دى بتلبس أيه
مش مايوهات للحريم وشورتات بحر للرجاله وأنا لابس شورت أهو.
لترد كشماء تصدق أنى غلطانه بعد شويه هروح أشترى مايوه أنا كمان وألبسه
لينظر لها مبتسما وهو يجلس أمام الطاوله ويقول معنديش مانع طالما هتلبسيه ليا ومحدش هيشوفك بيه غيرى بس ليه مطلعتيش الأكل من الأكياس وحطتيه في أطباق
لتقف كشماء وترد بضيق ماليش مزاج طلعه أنت لو عايز تاكل أنا ماليش نفس أتسمم دلوقتى أنا هروح أخد شاور لتسير
ليقوم ركن بجذبها لتقع على ساقيه لتحاول النهوض سريعا لكنه حاصرها بين يده والطاوله.
ليقوم باليد الأخرى بأخذ قطعه من الطعام الموضوع في الأكياس ووضع نصفها بفمها ويقترب بشفاه وقطع النصف الأخر بفمه كاد أن يقبلها ولكنه دفعته وقامت من على ساقه سريعا بعد أن أرخى يده عنها ليضحك ركن عاليا وهي تقف تنظر له بغيظ لثوانى ثم تركته
لتسمعه يقول
جهزى نفسك بعد نص ساعه هننزل نشترى تموين يقضينا لأسبوع أنا مش بحب أكل المطاعم ده
لتقول كشماء أنزل أشترى بنفسك.
ليرد ركن للأسف معرفش بس في حاجات مش بحبها هقولك عليها ومتشترهاش
لترد بخبث وماله هطلع أخد شاور وغير هدومى ونخرج نشترى
لينظر ركن بخبث قائلا مش عايزه مساعده
لترد كشماء لأ مخلياك لعوزه
لتهمس لنفسها قائله الصبر يا راجل العصابات.
صعدت كشماء الى أعلى ليأتى أليها فكره خبيثه
لتقوم بفتح هاتفها وتقوم بأتصال
لترد عليها سريعا
لتقول كشماء مساء الخير يا طنط أنعام أزى حضرتك
لترد أنعام بتلهف مساء النور أنا كويسه يا حبيبتي وصلتوا ولا لسه في الطريق
لترد كشماء لأ وصلنا
لتقول أنعام طب كويس وركن فين
لترد كشماء ركن في الحمام بياخد شاور بصراحه أنا كنت متصله عليكى علشان أعرف حاجه بس مكسوفه من حضرتك.
لترد أنعام ليه ياحبيبتي أنت مرات أبنى وبقيتى زى بنتى
لتقول كشماء بصراحه يا طنط أنا كنت عايزه أطبخ لركن أكله هو بيحبها بس أنا معرفش هو بيحب أيه ويكره أيه فقولت أكيد حضرتك عارفه
لتضحك أنعام قائله هقولك يا حبيبتي
ركن مش بيحب أكل البصل في الطبيخ ومش بيحب أكل المسبك بيحب أكل المشويات أى خضار مشوى أو لحمه أو سمك مشوى ومش بيحب الزيت أو السمن كتير في الأكل وبيفضل زيت الزيتون عن دا كله.
لتبتسم كشماء وتقول شكرا أوى ليكى يا طنط
لترد أنعام على أيه يا حبيبتي ربنا يسعدكم ويهدى سركم ويهنيكم ببعض
لتغلق كشماء الهاتف قائله واضح أنك ست طيبه بس جيبتى راجل العصابات دا أزاى معرفش أكيد طالع لأبوه شكله شرير ومش طايقنى يلا ربنا يقدرنى على فعل الخير في أبنك يا طنط.
فى نفس الوقت
كان سلطان يدخل على زوجته وهي تنهى الأتصال مع كشماء
ليقول لها كنتى بتكلمى مين وأيه سر الفرحه الى على وشك دى
لترد أنعام دى كشماء متصله عليا عايزه تعرف ركن بيحب ياكل أيه علشان تطبخه له
ليقول سلطان بضيق ودا سر السعاده الى على وشك
لترد أنعام أيوا شكلها طيبه وبنت حلال وبدور على الى بيحبه وعايزه تعمله له
ليقول سلطان بضيق بنت حلال خالص أنتى ناسيه أنها بنت منصور النمراوى.
لترد أنعام مش ناسيه يا سلطان بس هي ملهاش، ذنب في حصل في الماضى وكمان أنا شايفه أن ركن شكله هيميل لها
ليقول سلطان بضيق يميل أو لأ هو حر أنا نصحته وهو سمع لكلام جده بكره تبان على حقيقتها أكيد الغدر والخيانه في دمها وورثاها من منصور النمراوى.
ليترك سلطان الغرفه ويغادر
لتتنهد أنعام قائله مش عارفه لحد أمتى هيفضل الى حصل في الماضى له تأثير في حياتك.
عادت شيماء الى غرفتها مبتسمه بعد أن سمعت حديث عمها مع زوجته بالصدفه فربما مازال لديها فرصه في أسترداد ركن وجذبه لها أذا عرفت ماذا حدث بالماضى وأستغلت كره سلطان لكشماء قد تكون فرصتها الأخيره ليكون ركن لها وعليها أستغلالها لصالحها.
نزل علام بعد أن أخذ حمام دافىء وأستعاد نشاطه
ليذهب الى المطبخ
ليجد كامليا تضع على طاولة الطعام مجموعه كبيره من الأطعمه
لينظر أليها متعجبا يقول أنتى لحقتى تطبخى دا كله أمتى
لتنظر الى الطعام قائله أطبخ أيه هو المطبخ دا فيه حاجه أصلا دا شكل الفيلا دى مهجوره ومسكونه من العفاريت أنا لفيت الفيلا كلها على ما لقيت المطبخ ولقيت الأكل دا عالسفره يمكن العفاريت كانوا هيتغدوا بيه بس صعبت عليهم وسابوه ليا.
ليقول علام أنتى تصعبى على العفاريت دا هما لو شافوكى هيخافوا منك
لترد كامليا قائله كده وأنا الى دفعت حساب الديلفرى من معايا بس خلاص
لتخرج من جيبها فاتوره قائله دا حساب الأكل ده وانا عايزه تمنه وكمان البقشيش الى خده موظف التسليم
لينظر علام الى الفاتوره التي بيدها ويتجاهلها ويجلس على طاولة الطعام ويبدأ في تناول الطعام قائلا وأنا مالى أنا كنت قولت لك أطلبى ديلفرى الى طلب حاجه يحاسب عليها.
لتقول كامليا له هتاكل من أكل أنا الى دافعه حقه فين الرجوله
ليرد علام الرجوله موجوده أنتى دافعه تمن الأكل دا منين
لترد كامليا أنا كنت جايبه معايا فلوس من نقوطى أحتياطى
ليرد علام قائلا يبقى الأكل دا مدفوع تمنه من جيبى
لترد كامليا ودا أزاى بقى
ليرد علام ما النقوط دا هيجى وقت ويترد وأنا الى هرده من جيبى ولا أنتى ناويه تاخدى النقوط دا ومترديهوش لأصحابه.
لتنظر كامليا له وهي تجلس على طاولة الطعام وتقول ماشى يا مقطقط
بس عايزين نخرج نشترى تموين يكفينا الأسبوع الى هنقعده هنا ما أحنا مش هنعيش عالديلفرى ولا أكل المطاعم
ليرد علام بعد الغدا نروح نشترى بس في حاجات أنا مش بحبها هقولك عليها متبقيش تشتريها.
لتنظر كامليا له بمكر باسمه.
عصرا بعد أن أشتروا ما يحتاجونه من المؤن وعادوا الى الفيلا
خرج ركن وأخذ معه كشماء
ليجلسان على الشاطىء
لينظر ركن الى كشماء ضاحكا يقول أنتى رابطه الشال على راسك ومتلتمه زى الحراميه كده ليه
لترد كشماء أصل الشمس هنا قاسييه قوى وخايفة أخد ضربة شمس
ليضحك عليها
ليجلس على أحد المقاعد وتجلس هي على أخر
لينظر لها قائلا مش هتنزلى البحر
لترد كشماء عليه للأسف نسيت المايوه في الفيلا.
لينزع عن عينه تلك النظاره الشمسيه قائلا كويس أن نسيته خدى دى وخليكى هنا
ليعطيها النظاره ويتجه الى البحر ليسبح به لبعض الوقت
عاد أليها لينظر لها من قريب ليراها تمسك الهاتف وتلعب عليه ولكن في الحقيقه هي كانت تنظر أليه تقول هامسه لنفسها
يخرب بيتك أيه العضلات دى أمال لو مش بدخن كنت بقيت أيه
ليقترب أكثر منها ولكن قبل أن يصل سمع من تنادى عليه بلكنه أيطاليه قائله سيد ركن
ليقف ينظر أليها.
ليجدها تميل تقبله من خديه قائله بالأيطاليه لم أكن أتوقع أن أراك هنا مره أخرى
ليبعدها ركن عنه قائلا اهلا بيكى في مصر أليكسيا ماذا تفعلين هنا
لترد عليه أنا هنا في نزهه
ليبتعد ركن وهو يتركها قائلا حسنا أتمنى لك نزهه سعيده
لتمسك أليكسيا معصم يده وتقول له وهل أنت هنا في نزهه أيضا
ليرفع ركن يده ويبعد يدها عن معصمه قائلا أجل.
لترى أليكسيا ذالك الخاتم بيده التي ضوى من أنعكاس الشمس عليه قائله هل ما بيدك هذا خاتم زواج
ليرد ركن أيوا هو خاتم زواج
لتقول أليكسيا ومتى تزوجت ألم تقل لى أنك لا تفكر في النساء منذ أيام قليله
ليرد ركن هذا ما حدث وتزوجت سريعا
لتقول أليكسيا وهل تزوجت عن حب
لينظر ركن الى كشماء التي تجلس تنظر أليه ويبتسم قائلا بمراواغه الحب ليس شرطا وحيد للزواج
لتقول أليكسيا وهل زوجتك معك هنا.
ليرد ركن قائلا أيوا وهي ترانا الأن ولا أريدها أن تفهم وقوفنا معا خطأ
ليرى ركن أقتراب كشماء عليهم
لتقف الى جواره ليلف يده حول خصرها قائلا
كشماء زوجتى
ويقوم بتعريف
أليكسيا مستثمره أيطاليه وبتقضى هنا أجازتها
لتنظر أليكسيا الى كشماء بتعجب وأشمئزاز
فكيف له يرفضها بهذه الأنوثه والجمال ويتزوج من تلك المتشبه بالرجال في زيها
لتتحدث بالأيطاليه قائله تبدوا غير ملائمه لك تأكدت أنك لم تتزوج عن حب.
ليرد ركن أعتقادك خاطىء
كانت كشماء تقف تسمع الى حديث ركن مع تلك الشقراء وهي لا تفهم شىء ولكنها تشعر بالنفور من نظارتها الوقحه الواضحه لركن وهي تتأمل جسده النصف عارى بوقاحه وتتدلل عليه بذالك المايوه الذي يعرى جسدها أرادت أن تغرقها بماء البحر ولكنها تمالكت نفسها
أنهى ركن حديثه معها سريعا وليقول لها لابد أن أعود أنا وزوجتى الأن
لتقول أليكسيا حسنا.
لتميل تقبله أمام كشماء مرة أخرى قائله أعتقد أننا سنتقابل مره أخرى هنا بمصر
لتقول كشماء وقحه وقليلة الأدب زيه ليسمعها ركن ويبتسم
وقبل أن تسير أليكسيا خطوه كانت تقع على رمل البحر بوجهها الذي دفن في الرمل
لينحنى ركن يساعدها لتقف ولم يستطيع تمالك ضحكته
لتقول كشماء أيوا يا أخويا ساعدها ينوبك ثواب في عاهره حلل الاربع بوسات الى باستهملك باستها عقربه.
لتقف أليكسيا تنفض الرمال عن جسدها ووجها وتشعر بألم كبير بأنفها وتنظر ألي كشماء بغضب شديد
لتقول كشماء بأستعباط أوه سوسورى أيام فيرى سورى
وتكمل بالعربى قائله ما هو لو ركزتى في طريقك مكنتيش أتكعبلتى في رجلى وأنتى ماشيه
وتنظر الى ركن قائله ترجم لها لتفهمنى غلط دى ضيفه في بلدنا وليها علينا حسن الضيافه
لم يستطع ركن تمالك نفسه من الضحك قائلا وأنتى أساس الذوق.
لينظر ركن الى أليكسيا بعد أن تمالك نفسه يتحدث معتذرا
لتنظر أليكسيا الى كشماء بغضب كبير وتسبها بالايطاليه بقليلة الذوق
لينظرركن لها بغضب لتستأذن وترحل وهي تبتعد عن كشماء بحذر
لتنظر له كشماء قائله قالت أيه العاهره دى عليا أنا حاسه أنها شتمتنى بس مش مهم ربنا يسامحها هي ضيفه عندنا وتكمل بضيق هو أنت مزهقتش من الحر ده خلينا نرجع ال يلا أنا تعبت من وقت ما وصلنا أنا مجهده وعايزه أستريح.
ليقول ركن وهو يشير لها أن تسير خلينا نرجع.
بعد قليل عادا الى ال يلا
ليتركها ركن وهو يرد على هاتفه
لتصعد هي الى الغرفه
لتخرج ذالك الكيس من الدولاب
وتقوم بفتحه
لتخرج منه مايوه عباره عن قطعتين
لتفكر قليلا ثم تخلع ملابسها عنها وتقوم بأرتدائه وتقف أمام المرآه تنظر الى نفسها
لتقول يا لهوى بيلبسوه ده أزاى ويمشوا بيه دا حاسه أن عضم جسمى هو الى عريان أما أروح أستر نفسى ايه قلة الأدب دى
لتجد باب الغرفه يفتح عليها فجأه ويدخل ركن الذى
قام بالتصفير.
قائلا بأفتتان واو أيه المايوه الجميل ده
المايوه ده أشتريته وأحنا في المول وداريته منى في الكيس الأسود بس أيه مايوه يهوس بصراحه
لتجرى كشماء وتسحب غطاء الفراش سريعا وتقول بتعلثم مخبطش على الباب قبل ما تدخل ليه وبتبص لى كده ليه
ليقول ركن بحبث ومكر أنا مش ببصلك أنا ببص عالمرايه
لتنظر كشماء الى المرآه لترى أنعكاس جسدها من الخلف في المرأه.
لتحاول فرد الغطاء عليها ولكن كانت يداه أسرع حين جذبها أليه وقبلها بأفتتان.