رواية كشماء للكاتبة سعاد محمد سلامة الفصل الثالث والعشرون
بأحد مصانع الاسمنت
جلس سعد مع علام يتشاوران حول تلك المناقصة
ليقول سعد أعتقد بشكل كبير أحنا الى هنفوز بالمناقصه دى لأن موقفنا في السوق هو الأقوى وكمان عندنا الأمكانيات الى تساعدنا بسهوله الوحيد الى كان ممكن ينافسنا هو رفقى القاضى لأن عنده التمويل الكافى وطالما قالك أنه مش هيدخل المناقصة يبقى ضمناها.
ليرد علام رفقى القاضى فعلا قد كلمته ومش هيدخل وكمان قالى أنه معندوش السيوله الماديه الكافيه بس معتقدش أن دا السبب لأن ببساطه لو فاز بالمناقصه ممكن ياخد قروض من البنوك وأرباح المناقصة دى هتسدها بسهوله جدا أعتقد هو دماغه شىء في تانى وكمان عرضه أنه يدخل معانا شريك كان من وراه هدف
ليقول سعد وأيه هو.
ليرد علام معرفشي هو عرفنى على أبنه وأبنه دا دكتور في الجامعه الأميريكيه ودارس أقتصاد وأدارة أعمال بس قالى أنه مش حابب أنه يكون راجل أعمال وحابب التدريس في الجامعه بس من وجهة نظرى أنه بيحضر أبنه يدخل السوق وأتخلى عن دخول المناقصة دى بسبب تانى ممكن بسبب شريكه الى محدش في السوق يعرفه
ليرد سعد فعلا شريكه ده محدش يعرفه شىء بيقول راجل أعمال خليجي ورفقى بيشتغل بأسمه.
وشىء بيقول أنه مستثمر أجنبى وعلشان كده مستفيد من رفقى في مصر عالعموم طالما رفقى مش داخل أنا ضمنت، المناقصة
ليبتسم علام قائلا أنت نسيت أن فادى الديب قال أنه هيدخل المناقصة دى وشكله ملهوف عليها قوى
ليرد سعد لأ سيبك فادى معندوش الأمكانيات سواء الماديه او الأنتاجيه الى تكفى مناقصه زى دى
ليقول علام مش لازم تستهون بيه.
ومتنساش فادى زى أبوه فكرى عنده طرق ملتويه كتير أنت ناسى من كام سنه وقع السوق وغدر على التجار الى كان بيتعامل معاهم
ليضحك سعد قائلا متنساش الدرس الى أنت أديته له بعدها دا يبقى مجنون لو فكر زى أبوه كده لأن المره دى هتكون نهايتهم
ليبتسم علام قائلا سيبك من المناقصة والكلام فيها أنا عرفت أنا أيه حامل مبروك.
ليبتسم سعد الله يبارك فيك عقبال ما باركلك قريب أنا شايف أن الأمور بينك وبين كامليا ماشيه تمام بالرغم أن في الأول كنت بحس أنه مش راغب في الجوازه دى بس حكايه عيد ميلاد كامليا الى أنت هتعمله ده تأكد أحساسى أنك حبيت كامليا وبصراحه أنا شايف أنها أكتر واحده تنفعك لأنها بتقدر تتحمل عصبيتك
ليضحك علام قائلا تتحمل عصبيتى دا أوقات كتير ببقى عايز اقتلها بسبب أفعالها المتشرده.
ليضع يده على رأسه يشعر بتحسر على شعره.
فى أحد الكافيهات على النيل عصرا.
جلست كشماء وبصحبتها جميله وكامليا
لتقول كامليا المنيا كبيره قوى من قبل الضهر بنلف ولسه يا دوب مجبناش نصها
لتقول جميله دى عروس الصعيد كله أيه تعبتي من اللف
لتضحك كامليا أنا اتعب انتى متعرفيش مين هما كشماء وكامليا يتعبوا من اللف في الشوارع
يا بنتى احنا كنا متشردات بأمتياز وسنظل متقلقيش.
لتضحك جميله وتنظر هي وكامليا الى كشماء التي لا تشاركهن الحديث تنظر الى النيل شارده
ليغمزن لبعضهن بمرح
لتقول كامليا بقولك ايه يا جميله متتصلى على أيبو أسأليه ركن هيرجع أمتى من ايطاليا
لتنتبه كشماء أليهن
ليضحكن الأثنان
لتقول جميله بمزح فكره أستنى أما أتصل على أيبو أسأله كده
لترد كامليا وهي تنظر الى كشماء ايوا أتصلى وطمنينى.
لتنظر كشماء لهن بسخريه قائله واضح جدا أن دماغكم ساحت من الشمس والحر أنا بقول نتمسى علشان منزعلش من بعض أنا كل الحكايه أنى مضايقه من أفعال نجلاء وبنتها الى بترسم دور الملاك قدام العيله
لتنظر كشماء الى جميله قائله أحب أبشرك أنتى عند حمى ولا مارى منيب في أفلامها أنا مش عارفه أيه الى خلاكى توافقى تتجوزى من أيبو دا يغور من وش أمه.
بس الصراحه هو طيب ويتحب طنط أنعام بتقولى انها هي الى مربياه وكمان كانت بترضعه لبن صناعى يعنى مشربش من سم نجلاء
لتضحك جميله قائله أهو أنتى قولتيها أن أيبو طيب وهو كل الى يهمنى
إنما نجلاء او شيماء أنا اقدر اتعامل معاهم وأتجنب شرهم ببساطه لأن شيماء أنا مش في بالها زيك وأنا متأكده أنك عارفه سبب أن شيماء حطاكى في دماغها ليه
لترد كشماء للأسف عارفه
لتقول جميله يبقى سيبك منها وخليكى مع ركن هو كل الى يهمك.
لتهمس، كشماء ركن هو سبب المشكله الرئيسي أصلا عندى
لتقول كامليا أيه دا انتو المفروض سلايف وتولعوا في بعض ومقالب بقى مش تنصحوا بعض
ليضحكن
لتقول جميله أنا من أول ما شوفتكم يوم فرحكم الصراحه حبيتكم واتمنيت تكونوا أصحابى وبعدين ما ممكن اعمل مقالب معاها بعدين مش لازم من أولها كده أظهر خططى لها
وبعدين المفروض نتحد ونعمل حزب على نجلاء وشيماء
لتبتسم كشماء قائله أه عدو عدوى صديقى.
لتبتسم كامليا قائله جرى أيه أحنا خارجين نتفسح ونغير جو مش نفكر في نجلاء وشيماء أنا بصراحه النهارده عيد ميلادى ومحدش الحمد لله فاكر فأيه بقى أنا قررت أفرح نفسى وأنسى أى حاجه مضيقانى في حياتى حتى لو كانت كرمله
لتقول كشماء بخضه وهي تنظر خلف كامليا ها أيه الى جابك يا كرمله هنا
لتنظر كامليا خلفها برعب قائله مقدرش أنساكى يا
ليضحكن جميله وكشماء عليها.
لتنظر لهن قائله بتضحكوا عليا يوم عيد ميلادى ليكم يوم ميلاد ومحدش هيفتكركم كدا زيي وتقعدوا نفس القاعده دى
ليجلسن يمزحن ويمرحن مع بعضهن الى أن أتى ذالك البغيض
ليقف أمام طاولتهن قائلا مش معقول الصدف
جميله بتعملى أيه هنا
لترد جميله أنا بتفسح انا كامليا وكشماء أنت بتعمل أيه
ليرد فادى كنت مع عميل هنا بنتفق على شغل وخلصت وشوفتك جيت أعرف بتعملى أيه
ليمد يده ليسلم على كامليا.
لتسلم عليه بأطراف أصابعها وكذالك كشماء فعلت
لتنهض كشماء قائله مش يلا بينا نكمل جولتنا علشان قربنا عالمغرب
لتنهضا كامليا وجميله يوافقنها الفعل
لتتركا فادى يقف ينظرلهن باشتهاء يتذكر حين رأهن خلثه يرقصن يوم عقد قران أيبو وجميله بين النساء قائلا يا بخت ولاد الفهداوى والنمراوى وقعوا مع حوريات شكلهم مش مقدرين تمنكم انا لو مكانهم مكنتش خليت واحده فيكم رجليها تدوس في الشارع كنت داريتكم عن العيون.
مساء.
أتصل ركن على هاتف كشماء لكنه يعطى غير متاح أو مشغول كالعاده منذ أن سافر يتواصل معها بالرسائل التي ترد عليها بأختصار ومتى أرادت يريد أن يسمع صوتها الذي أشتاق أليه
لم يحدثها سوى مره واحده لا تتعدى دقائق كان يحدث جده وبالصدفه كانت جواره
القى هاتفه على الفراش ينظر أليه وهو يقوم بفرك شعر رأسه بين يديه حائرا يريد أن يعرف كيف هو طريق البدايه مع تلك العنيده.
ربما تسرع في حديثه معها ذالك اليوم وأيضا لامها على شىء لم تكن تعلم مقصده حين وضعت شيماء ذالك الفيديو أمام نظره شعر بغيره عارمه لا يريد أن يراها أحد ترقص أمامه حتى أن كانت نساء
هى عنيده للغايه معه أخطىء حين ظن أنه أمتلكها
يشعر أنها كالماء تتسرب من بين يديه.
بعد يوم طويل قاموا بقضائه بين الطرقات والاماكن السياحيه بالمنيا
قررن العوده أخيرا.
لتقول جميله أنا هلكت والله من اللف بس أنتم ماشاء الله ولا كأن حاجه
لتضحكا لتقول كامليا معاكى كامليا منصور كنت بطبق باليومين والتلاته سهر وراء بعض
وكشماء منصور كانت بتاخد القاهره كعب داير طول اليوم وساعات كانت بتبقى عالطريق لنص الليل
لتضحك جميله قائله والله أنا بستعجب أنتم أزاى كده ومتربين في القاهره مش هنا في الصعيد بس بصراحه أنا لازم أرجع هنا في ميعاد للرجوع للبيت مينفعش بنات تكون بره أكتر من كده.
لترد كامليا خلينا نرجع وتهمس قائله الا المقطقط ما سأل عنى طول اليوم مش خايف أكون أتخطفت عامل لى فيها مقموص من يوم شعره ما هو بدأ ينبت تانى
لتنظر الى كشماء الصامته قائله وأنتى أيه مش عايزة تروحى مش خايفه نجلاء وشوشو يستغلوا غيابك ويضربوا أسفين بينك وبين ركن.
لتقول كشماء بلا مبالاه يعملوا الى هما عايزينه أنا أساسا مبقتش طايقه وجودى معاهم في مكان والله لو ما جدى وطنط أنعام وأيبو كنت هجيت وسيبت البيت دا من الأول
لتضحك جميله قائله والله انتى طمنتينى وأديتنى أمل في البيت الى هعيش فيه في المستقبل
لتقول كشماء انا لو منك أنط من وأنا عالبر بس انتى عايزة تغرقى مع أيبو بقى براحتك.
لتشعر جميله فجأه بدوخه كبيره وألم بصدرها ليختل توازنها قليلا لتلاحظا كامليا وكشماء ذالك ليقتربان منها سريعا ويسنداها
لتبتلع ريقها قليلا
لتتجه كشماء بعد ان تركتها مع كامليا الى السياره وتاتى لها بالماء
شربت جميله الماء لتشعر بالتحسن لحد ما
لتقول كامليا حاسه بأيه
لترد جميله الحمد لله أحسن دى دوخه بسيطه يمكن من لفنا طول اليوم في الحر
بس انا الحمدلله بقيت أفضل
لتقول كامليا طيب وحاطه أيدك على صدرك ليه.
لترد جميله بكذب مفيش انا حطاها عادى
لتشك كامليا بشىء لكن سريعا نفضت عن رأسها الشك ورجحت أنه أرهاق
ليطمئن كامليا وكشماء عليها
لتنظر كشماء الى ساعة يدها لتجدها أقتربت من الموعد المحدد الذي حدده لها علام.
لتقول لجميله تعالى نروح كامليا وحتى ممكن تخليها تكشف عليكى هناك دى دكتوره على ما تخصص هيبقى عندها تسعين سنه وكل الى عالجتهم أنتقلوا الى الرفيق الاعلى وكمان أحكيلك على أم الكلب ماكس الى قتلتها بالدوا الغلط
لتضحك جميله رغم تألمها البسيط قائله يعنى هتقروا عليا الفاتحه
لتنظر كامليا لجميله بشرر قائله انتوا سلايف بقى وهتتقفوا عليا.
لتنظر الى كشماء قائله مين الى كتبلك على علاج لما التعبان لدعك مش أنا لو مش أنا بعت لركن أسم المصل وكمان أدويه تانيه كان زمان السم سار في جسمك وموتى وورثت لوحدى
لتبتسم كشماء قائله كنت عارفه أنتى نفسك أموت و تورثينى بس دا بعدك أنا هعيش ميت سنه وأتمتع بميراثى لوحدى ومش بعيد تموتى أنتى قبلى وأورثك أنا
لتضحك جميله على نقارهم قائله أهو المال أما بيدخل بين الاخوات بيفسد نفوسهم
لتضحكا كامليا وكشماء معا.
لتغمز كشماء لجميله لتفهم أن ميعاد العوده الذي قال لهاعليه أقترب
لتقول جميله يلا نرجع كامليا وأدخل عندها أشرب عصير او اى حاجه لازم أشوف كرم بيت النمراوى وحريمه
لتضحك كامليا قائله بيت النمراوى كريم وحريمه نسمه ماعدا تيسير وأيه خبيثه بس أنا فهماها ومطنشه لها بمزاجى
لتنظر جميله لكشماء قائله ما طنشى أنتى كمان لنجلاء وبنتها زى كامليا كده.
لتضحك كشماء قائله طب دى واحده بارده دى القطب المتجمد بحد ذاته بس هحاول أطنشهم وأشوف أخرهم معايا أيه ويلا بينا أنا زهقت من اللف في الشوارع طول اليوم.
فى حوالى الثامنه
بيبت النمراوى
وقف علام مع كريمه يتحدث مبتسما يقول شكرا لمساعدتك لو مش أنتى قولتى على ميعاد عيد ميلاد كامليا قدامى بالصدفه مكنتش هعرف.
لترد باسمه أنا أتمنى لبنتى كل السعادة وانا شيفاها سعيده معاك رغم المده القصيره الى عرفتوا بعض فيها حسيت أنها مرتاحه وأى حاجه تسعد بناتى أنا ممكن أعملها.
ودلوقتي هي زمانها هي وكشماء ومعاهم جميله على وصول
ليبتسم علام ودقات قلبه تزيد في الخفقان.
بعد قليل دخلت كامليا وكشماء ومعهن جميله ال. داخل بيت النمراوى
لكن كان هناك أمر غريب فالمنزل هادئ على غير العاده.
كان أول من دخلت هي كشماء وخلفها كامليا التي بمجرد أن دخلت أنطفأ النور لثوانى ثم عاد
لتجد بهو المنزل مزين بزينة عيد الميلاد الملونه والبالونات التي تحمل أسم كامليا
ليأتى من خلفها علام باسما يقول
كل سنه وأنتي طيبه ليميل عليها ويهمس كل سنه وانتى طيبه يا سنقورتى الحلوه
لتبتسم له ودت لو قامت بأحتضانه ولكن خجلت من الحاضرين.
لتقترب منها كريمه تضمها قائله كل سنه وانتي طيبه ياحبيبتي في فستان يجنن فوق في أوضتك أطلعى ألبيسيه وأنزلى بسرعه
لتفرح كامليا كفرحة طفله وتترك حضن كريمه وتتجه تأخذ يدا كشماء وجميله قائله تعالوا معايا ساعدونى البس بسرعه علشان أنزل أنسف الجاتوه كله لوحدى
ليضحكوا عليا وهي تجذبهن خلفها للسير بسرعه
بعد دقائق نزلت ترتدى فستانا جميل
عندما رأها علام أبتسم
تحدث عقله.
من تلك الحسناء الصغيره ماذا سيحدث لو خطفها الأن وذهب مع الى جزيرة وحدهما لا يوجد بها سواهم لن يمل من البقاء معها
أقتربت تقف على رأس الطاوله تبتسم كعادتها
ليقف على يمينها علام وعلى اليسار كانت تقف كريمه مبتسمه وجوارها كشماء التي تبتسم من أجل أختها لكن كريمه تشعر أن بقلبها شىء يأبى السعاده ولكن لتنتهى من فرحة كامليا أولا ثم تعرف سبب ذالك الشعور وحقيقته من كشماء.
وقفت عائلة النمراوى ومعهم أيبو التي أتى برفقة أنعام وجده التي دعاتهما كريمه بالهاتف
لتغنى لها أغنية عيد الميلاد الشهيره
لتميل لكى تطفىء الشمع لتمسك يدها كشماء قائله بهمس أتمنى أن المقطقط يطلعه شعر بدل الى طيرتيه له
لتبسم كامليا
لتنظر لهن كريمه التي تقف بمنتصفهن بزغر
لتبتسمان
لتميل كامليا تطفىء الشموع وهي تتمنى أن تظل تلك السعاده بحياتها ويزول ذالك العبوس من على وجه كشماء.
ليبدأ الجميع في أعطاء هدياه لكامليا
لتقترب من كريمه قائله فين هدية عيد ميلادي يا كرمله أوعى تقولى لى نسيت زى كل سنه
لترد كريمه بالظبط نسيت فابعدى عنى
لتضحك كامليا قائله طالما نستى بقى هحضنك قوى زى كل سنه
لترتمى كامليا تحتضن كريمه بقوه
لتتذمر قائله وهي تخرج أحد الهدايا من كم عبائتها هديتك أهى وأبعدى عنى بعضمك الى بيوجع في جسمى.
لتتركها كامليا قائله هو لازم الحضن كل سنه مفيش مره تدينى الهديه قبله يلا هديه مقبوله عقبال عيد ميلادى التسعين وتكونى كبرتى كده وكهكهتى وبتمشى على عصايه خشب
لتزغر كريمه لها
لتبتسم كامليا قائله مش هتقدرى تضربينى قدام الموجودين فا أنا بستغل الوضع
لتضحك لها كريمه بحنان.
نظرت كامليا لكشماء قائله فين هديتى يعنى متجوزه مليونير وبقيتى مليونيره عارفه لو قولتى لى مكنش معايا فلوس وأشتريتك ورده أنا هأكلهالك دلوقتي
لتضحك كشماء قائله عارفه أنا حاسه أننا هنفلس بسبب قرك ده
هو أنا جبت لك ورده بس بروش دهب علشان ترديه الضعف الشهر الجاي عيد ميلادى.
لتخطف كامليا تلك العلبه المخمليه من يد كشماء قائله على ما يجى السهر الجاى يحلها ربنا مش يمكن يقوم زلزال و يقسم المنيا بينا وبين عيلة الفهداوى
لتضحك كشماء قائله عارفه أنك بلطه وهتاخدى هديتى وتطنشى عليها يلا أبقى أبعت حرامى يسرقها وأنتى نايمه
لتبتسم كامليا وهي تضم كشماء قائله هجبلك أحلى منها في عيد ميلادك يارب يجى بفرحه كبيره
لتبتسم كشماء بتكلف.
لتضمهن لحضنها كريمه رغم أن سعادتها منقوصه بسبب ما تشعر به أتجاه كشماء
بعد قليل أقتربت كامليا من علام قائله فين هديتى
ليرد علام أى هديه أنتى كنتى طلبتى حاجه أو أنا كنت وعدتك بهديه
لترد كامليا دى لا بتنطلب ولا بيتوعد بها دى تقدير
ليقول علام طالما تقدير يبقى أنسى أنتى تقديرك عندى عالى مش شايفه راسى والى عملتيه فيها أعتبرى شعرى الى طيرتيه هديه منى ليكى
لتقول كامليا يعنى هتصالحينى.
ليرد علام هفكر بعد الحفله هقولك قرارى
لتقول كامليا ماشى يا مقطقط بس متزعلش بقى اما أقلب عليك
ليضحك ويتجه يجلس على احد المقاعد
ليقترب طفل سعد من كامليا قائلا عمتو مش هتدينى هديه من الى معاكى دول
لترد كامليا بود كان على عينى بس كلها هدايا بنات
فى عيد ميلادك أوعدك أجيبلك هديه طياره كبيره بطير بالريموت كنترول لتميل عليه وتهمس قائله ونلعب بيها أحنا الاتنين وبس ومش هنلاعب عمك علام بيها علشان مجابش ليا هديه.
ليبتسم الطفل ويضمها بفرحة طفل سعيد
لتضمه بود
لكن أيه كانت النيران تشتعل بقلبها وهي ترى تدليل الجميع لكامليا وتتويجها اليوم كملكه بموافقة الجميع
وتيسير التي تشعر بالضيق من أبنة سلفتها التي تتفضل في نظرها على فتياتها
نادت رقيه كامليا لتذهب تجلس جوارها
لتخرج علبة صغيره أنيقه وتقول لها هديتك وعقبال مليون والسنه الجايه يبقى معاكى عوضك يارب
لتبتسم كامليا وتنظر الى علام الذي أبتسم هو الأخر.
ليأمن على أمنياتها أبراهيم الفهداوى الذي يجلس جوارهن ويقوم بأعطاء كامليا هديتها
أنتهى عيد الميلاد ليذهب كل فرد الى وجهته
دخلت كامليا وكشماء الى جناح كامليا تحملان الهدايا التي أعطت لكامليا
لتقول كشماء يلا أبقى أفتكرينى بهديه من دول في عيد ميلادى بصراحه جدو جابلك أنسيال عليه بعض
النقوش الفرعونيه عينى هتطلع عليه مش عايزه أدعى عليكى يوم عيد ميلادك لا الدعوه تستجاب.
لتضحك كامليا قائله أعملك واحد زيه تقليد وأديهولك في عيد ميلادك الشهر الجاي
لتدخل عليهن كريمه قائله وهي تنظر الى كشماء أنا أستأذنت من أنعام وقولت لها أنك هتفضلى وتباتى معايا اللليله وهي وافقت
لتبتسم كشماء مرحبه بذالك
لتقول كريمه يلا تعالى معايا وسيبى الغبيه دى تفرح شويه بالهدايا
لتقول كامليا ماشى يا كرمله أبقى شوفى مين هيجبلك سيديهات أم كلثوم وعبد الوهاب الى بتحبيهم زى كل سنه.
لترد كريمه لأ خوفت دا أنتى زى ما تكونى بتجيبهم وعينك فيهم وقبل شهر بيكون السيديهات مضروبه
يلا تصبحي على خير وكل سنه وانتي طيبه
لتبتسم لهن كامليا وهن تذهبان
ليدخل عليها علام ويغلق الباب خلفه
لينظر أليها مبتسما يقول وهو ينظر الى الهدايا الموجوده على الفراش
أيه دا كله دى كلها هدايا دا أنتى تفتحى بهم محل صاغه
لتقف وتفرد يدها تخمس بوجهه قائله عينك صفره هتحسدهم
ليضحك عاليا.
لتكمل حديثها قائله مش كفايه مجبتليش هديه وفوتهالك كمان عايز تحسدنى على الهدايا
لتقوم بثنى أصابع يدهاقائله بمرح
كان عندنا كتكوت صغنون ثم تفرد كف يدها كله تكمل وبقى قد كده
ليضحك علام كثيرا ويتجه الى دولاب ملابسها ويأتى بتلك العلبه التي كانت بيدها صباحا
ليمسك يدها ويقوم بتوقيفها أمام المرأه ويفتح تلك العبله ويقف خلفها ويقوم بوضع ذالك العقد بعنقها
قائلا
كل سنه وأنتي طيبه وعقبال سنين كتير
ليقوم بتقبيل عنقها.
لتنظر لأنعكاسهم بالمرآه قائله يعنى العقد دا هديه منك ليا
ليميل برأسه موافقا يبتسم
لتستدير كامليا وتقوم بأحتضانه بدون مقدمات
ليلف يده حولها محتضنها بقوه
مقبلا جانب عنقها
لتعود برأسها للخلف تنظر اليه
لترى تلك النظره الرومانسيه بعينه لتخجل لأول مره من نظره لها
ليبتسم لتتحدث العيون وهو ينحى يهمس أمام شفتاها.
بأيطاليا.
ظل ركن ساهرا ينام على الفراش يفكرفى طريقه يجعل بها كشماء تنسى لا يهتدى عقله لشىء يتمنى أن تنتهى هذه الليله ليعود الى كشماء الليله القادمه يملى نظره من وجهها الذي أشتاق أليه
ظل يفكر بها يتخيل لقائه بها سيعترف لها بما يشعر به أتجاهها هي ليست شهوه ولا رغبه هي عشق نمى في قلب كانت الصحراء تحده من كل جانب الى أن أستطاعت نقطة ماء أن تكسر حاجر تلك الصحراء لتتسرب المياه الى الداخل لتروى أرضا كانت جافه.
لتتخصب وتصبح عشقا ينمو
فاق من تخيله لها على صوت طرق الباب
لينهض ويرتدى ملابسه
ويذهب ليفتح
ليجد تلك الوقحه أليكسيا بزيها المثير تقترب منه بحميميه
لتقول له وهي شبه مخموره علمت أنك ستسافر غدا فجئت لأودعك
ليبعدها عنه قائلا بحزم بأمكانك توديعى غدا بالشركه الخاصه بوالدكى سنلتقى لأنهاء بعض العقود
لتلف يديها حول عنقه بأغواء قائله جئت من أجلك مره سابقه ورفضتنى لن أسمح لك برفصى مره أخرى.
ليبعد يديها من حول عنقه قائلا سبق أنا قولت لكى لا أهوى النساء
لتضحك بعهر قائله وزوجتك ألا تهواها
ليرد ركن بحسم هذا شأنى وزوجتى لا دخل لأى أحد سوانا به
تفضلى
ليسحبها ركن من يدها
لتسير معه الى الباب ليقوم بفتح الباب لتخرج ولكنها أغلقت الباب سريعا لتستدير تقبله على غفله بقوه.
بغرفة كريمه. بمنزل النمراوى
خرجت كشماء من حمام الغرفه
لتجد كريمه تجلس على الفراش
لتبتسم لها.
لتقول كشماء أيه الى خلاكى طلبتى من طنط أنعام أنى أبات هنا
لترد كريمه علشان أعرف أيه السر الى كتماه في قلبك وحاسه أنك حزينه شارده دايما من بعد ما رجعتى أنتى وركن من بيت الجبل ده
لترد كشماء بمراواغه هيكون أيه حصل عادى مفيش حاجه أنتى الى شاغله بالك عالفاضى
لتفرد كريمه يدها قائله تعالى في حضنى يا كشماء
لتذهب كشماء وترتمى بحضن كريمه.
لتقول كريمه أحكى لى أيه الى خانقك لدرجه دى انا حاسه بيكى من وقت ما قولتى لى في التليفون يا ماما وسكت وقولت هتجى لوحدك تحكى ليا
بس أنتى كاتمه في قلبك
قولى لى
لترفع كشماء وجهها من على صدر كريمه
لترى كريمه تلك الدموع التي تنزل من عين كشماء لتنصدم بهم
لتسمع كشماء تقول أنا عايزة أطلق من ركن
ركن هاننى
لتنصدم كريمه بقولها وتشعر بالأسى وهي ترى دموع أبنتها التي تنزل بتأثر
لأول مره بكائا على أحد غير والداها.