رواية كشماء للكاتبة سعاد محمد سلامة الفصل التاسع
نزل ركن بقبلاته الى عنقها يقبله بقوه ولهفه أيضا
ليتركها بعد أن سمعا طرقا على الباب
ليتجه الى الباب متذمرا
ليفتحه ليجد الخادمه تقول
شنط العروسه وصلت
ليتنحى جانبا لتدخل الخادمه ومعها أخرى يدخلون الشنط
لتنظر الخادمه الى كشماء تجدها تعدل من ثيابها
لتبتسم بخبث وتخرج هي ومن معها سريعا
لتشعر كشماء بالحرج وهي تقف تسند بأحدى يديها على الحائط هي لم تعد تشعر بالقدره ولا بالسيطره على جسدها كأنها هلام.
ليغلق ركن خلفهم الباب ويعود للأقتراب منها لكنها كانت قد تمالكت نفسها قليلا لتبتعد وتتجه الى الحمام دون تحدث تهرب منه ونظراته لها التي تفقدها السيطره.
ليبتسم على هروبها من أمامه دون تحدث لا يعلم هو الأخر ما يحدث له ليله واحده قضاها جوارها تغير حاله لهذه الدرجه ما هذا الشعور الجديد الذي يدخل أليه لأول مره بحياته لا ينفر من قرب أمرأه منه بل هو من يبدأ و يقترب منها لو لم تطرق الخادمه الباب لكان أتم زواجه منها الأن وهو سعيد.
أما كشماء دخلت الى الحمام تقف أمام المرآه تلتقط أنفاسها المتسارعه لترفع رأسها تنظر الى أنعكاسها في المرآه لترى أثار قبلاته على وجنتيها وشفاها وأيضا رقبتها
لتلوم نفسها على هذا الأستسلام المخذى لها التي شعرت به معه ماذا يحدث لأول مره يسيطر عليها هذا الشعور لابد أن تتمالك القدره على نفسها لن تدع أحد يسيطر عليها ستظل تلك البريه التي يصعب ترويضها.
أستقبل علام ومعه كامليا التي يراها بأعجاب بتلك العبائه الحريريه المزوده بالشيفون من الأكمام ذات اللون البنفسجى تشبه زهرة البفسج تحد جسدها تظهر أن لها مفاتن أمرأه حتى لو كان جسدها صغير فهى أمرأه حقيقيه
ليستقبلا كل من
جدتهما ومعها كريمه وأيضا عمها نمر ومعه زوجته نعمه
ليجلسوا بذالك الصالون الصغير المرفق بجناحهم
بعد السلام والترحيب.
قامت الجده بأعطاء كامليا عقدا ذهبيا كبير وجميل ذا طابع قديم تقول العقد دا أنا ورثته عن أمى وبصراحه مفيش أى حد عندى أغلى منك تستحقه
لتبتسم كامليا لها وهي تضعه لها حول عنقها
لتقبل رقيه رأسها وتضمها بحنان وتكمل قائله أنت مش بس مرات حفيدى أنتى بنت الغالى والغاليه الى عمرها ما غلطه خرجت منها في أى حد
لتبتسم كريمه على أدعاء كامليا الخجل أمامهم وهي ترد بذوق قائله شكرا قوى يا تيتا ربنا يخليكي ويطول في عمرك.
لتبتسم نعمه قائله ربنا يطول في عمرك وتشيلى ولادها هي وعلام قريب
لتنظر كامليا لعلام بخبث وتبتسم
ليدعى عدم الأنتباه لها
لتقوم نعمه و نمر وكذالك كريمه بأعطائها رزما من المال
لتتعجب وكانت سترفض
لتضحك كريمه قائله خديهم دا نقوط يا كامليا
وتنظر أليها لتعلم كامليا أنها كانت ستسبها لولا وجود الأخرين
لتبتسم كامليا لها
ليجلسوا لبعض الوقت يتحدثون بمرح وود وتألف.
الى أن وقفت رقيه تقول دول عرسان جداد والمفروض نبقى خفاف وبعدين يلا يا كريمه علشان نروح نصبح على كشماء وركن هما كمان
ليقف خلفها الجميع
لتقترب كريمه من كامليا وتميل عليها تقول بهمس طبعا أنتى معندكيش أثبات النهارده
لترد كامليا بوقاحه لأ عندى يا كرمله أدخلى بصى عالملايه علشان تتأكدى بنفسك
لتنظر كريمه لها بذهول وتعجب
وهى ترى نعمه ورقيه يعودان من الداخل مبتسمتان وبيدهم الملاءه بها الأثبات.
لتقول نعمه ألف مبروك وشويه وهيجى عاطف سلفى ومعاه تيسير وكمان سعد ومراته أحنا قسمنا نفسنا علشان منزحمش المكان ألف مبروك مره تانيه
لتنظر كريمه الى علام وتهمس قائله ربنا في عونك ويصبرك على مابلاك
ليخرجوا جميعا ويتركوهم وحدهم
لتقول كامليا وهي تنظر الى النقود
أهو لو الباقين كل واحد فيهم عطانى رزمه زى دى يبقى معايا مبلغ محترم أبدأ بيه مشروع حياتى
ليقول علام وأيه هو مشروع حياتك.
لترد كامليا أعمل مشغل تريكو وتطريز يدوى وأجيب ست سبع بنات تشتغل عندى وأسترزق من وراهم.
لينظر أليها متعجبا يقول تفتحى مشغل طب والطب هتعملى بيه أيه
لترد كامليا انا أخدت أجازه منه دلوقتى أهو أرتاح من المدير الأتم الى كان ماسكلى عالغلطه ونفسه يحولنى لمجلس تأديب بس ربنا كان بينجينى من شره أصلى ماشيه بما يرضى الله وعمرى مأذيت حد
لينظر أليها متعجبا عمرك مأذيتى حد أومال جلدى الى لحد دلوقتى بيحرقنى دا أيه.
لترد كامليا ببساطه وبراءه وأنا مالى أنت الى أجرب وعندك جدرى أبعد عنى لتعدينى
أما أروح أعين الفلوس دى جوه لتحسدها أصل محدش عبرك لا عطاك نقوط زمانك بتحسدهم.
لتتركه وتدخل الى الداخل
ليقف علام متعجبا.
بمنزل جبر الديب
جلس أيبو على طاوله الفطور مع جلال ووالديه وأيضا جميله يمزح مع جلال ويتحدث مع جميله التي تنظر له بخجل ليأتى فكرى ينضم أليهم على الطاوله
ليجلس مرحبا
أهلا بيك يا أبراهيم من زمان مشوفتكش هنا عندنا أيه الى شغلك كدا الى أعرفه أنك خلصت جامعه مع جلال
ليرد أيبو متشكر على سؤالك بس مشغول بدرب عند محامى علشان أن شاء الله أنا الى همسك كل الشئون القانونيه الخاصة بشركتنا ومصانعنا كلها.
ليرد فكرى بالتوفيق
بس أنا مكنتش أعرف أن ركن هيتجوز الأ من كام يوم وقابلت خطيبته وأختها أنا وفادى كانوا ماشين هنا في البلد ولما عرضت عليهم أوصلهم رفضوا حتى لما قولت لهم أنى صديق لعمك سلطان رفضوا واضح أنهم معندهمش ثقه في الى هنا
ليرد أيبو هما فعلا مش بيثقوا في أى حد بسهوله وأكيد معندهمش معرفه سابقه بحضرتك
ليشعر جبر بضيق من أسئلة أخيه
ليقول بكره يتعرفوا على كل أهلهم هنا وخلونا في الفطور.
ليقف أيبو قائلا انا متشكر على الأستصضافه وكمان الفطور اللذيذ ده أنا لازم أمشى يادوب ألحق أرجع أغير هدومى وأروح للمحامى لاحسن ركن موصيه عليا أحلى وصايه والمحامى عامل بالوصيه قوى
عن أذنكم
ليقف جلال قائلا خدنى معاك انا كمان عندى شغل في النيابه
وتقف جميله قائله وانا كمان عندى سكشن عملى لازم أحضره
ليغادر الثلاث طاوله الطعام معا كل يتجه الى وجهته.
لينظر جبر الى فكرى قائلا عايز تعرف أيه يا فكرى الى حصل زمان مش هيتكرر تانى وحاذر المره دى مش هدارى عليك وأبعد عن كريمه وبناتها.
ليقف جبر قائلا لزوجته تعالى معايا عايزك
ليظل فكرى يبتسم بخبث وهو ينوى الحصول على من فقدها بالماضى ويسترجعها له.
خرجت كشماء من الحمام بعد أن وضعت بعضا من مساحيق التجميل بعشوائيه لتدارى بها أثار قبلات ركن وأيضا قامت بفرد شعرها على عنقها بالكامل لتدارى تلك الأثار الذي عليه
لينظر ركن أليها مبتسما يقول جدى وبابا وماما هيجوا دلوقتى يصبحوا علينا
لترد كشماء وأيه يعنى
ليرد عليها بخبث قائلا وهيعوزا يشوفوا الأثبات
لتقول له بعدم فهم أثبات أيه
ليرد مبتسما أثبات شرفك
لترد بتعلثم أثبات شرفى.
ليقترب ركن منها قائلا بخبث ووقاحه أنا ممكن أتصل عليهم يتأخروا شويه وبعدين يجوا يكون الأثبات جهز
لتبتعد عنه قائله بتسرع لا متتصلش أنا عندى عذر
ليقترب ركن مره أخرى ينظر أليها قائلا متأكده أصل الحاجات دى مفيهاش هزار عندنا
لترد كشماء وهي تبتعد أيوا متأكده وأبعد بقى وبطل حركاتك دى علشان بعد كده هيبقى ليا رد تانى مش هيعجبك وتتركه وتبتعد عنه
ليقف يضحك عليها وهي تنظر له بغيظ من وقاحته التي يستعملها معها.
بعد قليل دخل أبراهيم الفهداوى ومعه أبنه سلطان وزوجته أنعام
التى بمجرد أن دخلت أحتضنت ركن أولا وهنئته ثم أحتضنت كشماء وهنئتها أيضا
ليجذبها أبراهيم من يدها ويضمها بحنان قائلا
حفيدتى الغاليه الى شبه الغاليه نوارة عيلة الفهداوى كلها
لينظر أليه سلطان بسخريه وهو يجذبها لتجلس الى جواره
ليقول سلطان لها بأختصار مبروك.
لتشكره كشماء وهي تشعر أنه يبغضها ولا تعرف السبب ولكن فتح أبراهيم عبله مخمليه قديمة الشكل ليخرج منها.
طقما ذهبيا قديم الشكل لكن مميز ليقوم بتلبيسه لها قائلا ده بتاع جدتك دريه كنت أشتريته لها بعد جوازنا بسنين لما ربنا فتح عليا وهي وصتنى أنى أعطيه لمرات أول حفيد ليا بالرغم أنها ماتت قبل أولادى ما حد منهم يتجوز بس أنا أحتفظت بيه والنهارده بنفذ وصيتها ومش هلاقى أغلى منك تستحقه لينهى حديثه وهو يقبل منبت شعرها
لتبتسم كشماء وتقول شكرا قوى يا جدو
ليضمها بيده اليه بحنان.
ليعطى لها سلطان وكذالك أنعام روزمتان من المال
لينظر لها جدها أن تأخذهما منهما
لتفعل وتأخذهم
ليجلسوا يتحدثوا بمرح وود ألا سلطان الذي يبغضها
ليدخل عليهم بعد قليل كريمه ومعها رقيه التي أخذتها بالحضن وقبلت خديها وجلست الى جوارها لتصبح كشماء بالمنتصف بين أبراهيم ورقيه
لتقول رقيه أحنا جينا دلوقتي انا وكريمه وأعمامك ونسوانهم هيجوا بعد شويه أنا قولت بلاش نجى مره واحده لتعطيها رزمه كبيره من المال.
لتأخذها منها كشماء وهي تدعى الخجل هي الأخرى
لتبتسم كريمه ساخره
جلسا أبراهيم ورقيه يتحدثوا عن بعض الذكريات
ليقف أبراهيم قائلا
كفايه كده لازم أقوم أنا وسلطان وأنعام علشان نروح نصبح على كامليا هي كمان
لتقف أنعام قليلا لتقول أمال مش هنشوف أثبات عروستنا
لتنظر كشماء تدعى الخجل
ليرد ركن للأسف كشماء عندها عذر
لتنظر لها كريمه بتعجب
لتدعى كشماء الأ مبالاه
لتقف رقيه قائله خلينى أنا كمان أجى معاك.
ليقول أبراهيم بود ماشى تعالى معايا
لينظر ابراهيم لركن قائلا تعالى معايا عايزك في موضوع خاص بالشغل لو كان يستنى كنت سيبته لحد ما ترجعوا من السفر مش هياخد غير دقايق
ليفطن أنه يريد أن تظل كشماء مع والداتها بمفردهن
ليذهب معه
ويخرج الجميع
وتظل كريمه مع كشماء
لتقترب كريمه من كشماء وتقول لها بهدوء
أزيك ياكشماء عامله أيه.
لتنظر كشماء لها وتقول هكون عامله أيه ما أنا قدامك أهو هو أنا لحقت أغيب عنك دا مسافة كم ساعه يعنى
لترد كريمه الكام ساعه دول بيفرقوا كتير
تعالى نقعد شويه
لتجلسا مره أخرى
لتقول كريمه فين الأثبات بتاعك يا كشماء
لترد كشماء أثبات أيه أنتى مش سمعتى ركن قال أيه
انا عندى عذر
لتمسك كريمه شعرها بقوه قائله عندك أيه يا عنيا بت متعصبنيش أنت والغبيه التانيه فكرنى أيه مش فهماكم.
بقى الى عندها عذر بجد دخلت والى معندهاش أى عذر مدخلتش وعندها عذر أنتم مفكرينى هبله دى كانت بتتلوى في الحنه مش بترقص ومصدقت الحنه خلصت وسفت شريط مسكن وأتخمدت مقتوله ومحستش بيكى وأنتى بتهربى
لتسلك كشماء شعرها قائله أى شعرى لتكمل بأستغراق هي كامليا دخلت ألف مبروك يلا جهزى نفسك يا كرمله بعد تسع شهور هتجيب لك بنت حلوه وتكبرك وتقولك يا تيتا.
لتشد كريمه شعرها قائله أنتم هتسوقوا الهباله على الشيطان قولى لى أيه حكاية أكياس الدم الى كانت في كيس أسمر وحاطينها في التلاجه الصغيره الى كانت في أوضتكم جبتوهم منين وكنتم ناويين تعملوا بها أيه
لتسلك كشماء شعرها مره أخرى قائله بتذمر أنا هقص شعرى ده خالص علشان معدتيش تعرفى تمسكينى منه
لتنظر كريمه لها وتقول بوعيد أبقى قصى منه سنتى وشوفى أنا هعمل فيكى أيه وقتها
قولى أيه حكايه أكياس الدم دى.
لتقول كشماء انتى مفيش حاجه تستخبى عليك مفيش مره تبطلى تفتشى في حاجه حتى التلاجه بتفتشى فيها
لترد كريمه الى عندها بلوتين زيك أنتى والغبيه التانيه لازم عنيها تبقى في وسط راسها قولى وبطلى لف ودوران
لتبتسم كشماء قائله هقولك وأريحك انا عارفاكى زنانه ومش هترتاحي غير لما تعرفى كل حاجه
فلاش باك،
قبل ليلة الحناء بيوم صباحا.
خرجتا كشماء وكامليا من المنزل معا يسيران في البلده بيد كل منهن كيس كبير به فشار تأكلان منه وهن تسيران كان كل ما يراهن بالبلده ينظر لهن بأستغراب
لتقول كامليا هو ليه الناس بتبص لنا بأستغراب كده هو أحنا فضائيين
لتضحك كشماء قائله يمكن مستغربين مننا أول مره يشوفوا بنات تمشى تاكل فشار في الطريق
ظلا يسيرا بالبلده ويتجولان بطرقها
لتسمع كامليا رنين هاتفها
لتخرجه من تلك الشنطه الصغيره التي تلفها حول خصرها.
لتنظر الى الهاتف ثم الى كشماء قائله دا المقطقط أما أرد عليه
لتسمعه يقول بضيق بقالى ساعه ونص أنا وركن مستنينكم في المستشفى تيجوا أنتم فين انا أتصلت على البيت مرات عمى قالت أنكم خرجتم من أكتر من ساعه أيه توهتوا في الطريق أسألوا أى حد هيدلكم على المستشفى يلا بسرعه ويغلق الهاتف سريعا
لتقول كشماء كان عايز أيه
لترد كامليا شكلنا أتأخرنا عليهم خلينا نروح لهم المستشفى وبعدها وأحنا راجعين نتمشى.
لتضحك كشماء قائله وماله حتى علشان أعرف الطريق أما أهرب من هنا
لتقول كامليا أنتى لسه مصممه عالهرب
لتردكشماء ايوا مستحيل أتجوز راجل العصابات ده أنما أنتى خليكى مع المقطقط بتاعك
بعد قليل رن هاتف كشماء لتخرجه من تلك الشنطه التي حول خصرها وتقول دا راجل العصابات لترد عليه بضيق
ليقول بأختصار وصلتوا المستشفى ولا لسه
لتردكشماء أحنا في المستشفى.
ليرد قائلا أحنا في أوضة مدير المستشفى تعالوا على هناك بسرعه ويغلق الهاتف
لتضع الهاتف بالشنطه وتغلقها قائله بيقولك أنهم في أوضة المدير خلينا ندور عليها ونروح لهم
بعد دقائق دخلتا الى غرفة مدير المستشفى
ليقف ينظر لهن بأستغراب وتعجب
لينظر كل من ركن وعلام لهن بأشمئزاز مما يرتدين.
فهن كان يرتدين مثل بعضهن لكن بأختلاف الأحجام وكان عباره عن قميص رجالى أزرق مفتوح وأسفله تيشرت مضاهى لنفس اللون وبنطلون أسود جينز وتلفان حول خصرهن شنط صغيره وتضعان على رأسهن كاب رجالى وتخرجن شعرهن من الفتحه الخلفيه للكاب
ليغمض ركن وعلام أعيننهما ثم يفتحانها بضيق
ليرحب مدير المستشفى بتعجب أهلا بعرايسنا أتفضلوا ثوانى هتصل على الدكتور الى هيساعدكم
لترد كامليا أنا دكتوره وعارفه الفحص.
لينظر مدير المستشفى لها بتعجب ولكن يقول يعنى زميله أهلا بيكى أكيد هنتشرف أما تجى تمارسى المهنه هنا معانا في المستشفى
لترد كامليا بترحيب قائله أكيد ان شاء الله و على فكره دا مش أكتر من فحص روتيني أنا عملته لأكتر من عريس وعروسه قبل كده دا حتى مضيت على فحص لعريس وبعدها بأسبوع مضيت على شهادة وفاته عادى يعنى
ليتعجب مدير المستشفى
بينما علام يريد قتلها
ليدخل عليهم طبيب قائلا ان كان العرايس وصلوا كل شىء جاهز.
ليشير المدير عليهن قائلا أيوا وصلوا وفيهم دكتوره زميله
لينظر الطبيب أليهن هو الأخر متعجبا ويقول والدكتوره تخصص أيه
لترد كامليا لسه متخصصتش دكتورة صحه عامه
ليهمس علام قائلا وعمرها ما هتتخصص أنا بفكر أقتلها دلوقتى وأرتاح منها
ليذهبوا جميعا مع الطبيب للقيام بالفحص
لينتهى من كشماء وكامليا أولا
لتقول كامليا على ما تخلص فحصهم هنخرج أحنا
لتقول كشماء نتقابل في أوضة المدير.
ليهمس ركن قائلا أحسن علشان انا ممكن أخنقك بسماعة الدكتور لو فضلتى قدامى دقيقه
خرجتا لتقول كامليا شايفه المستشفى نضيفه أزاى مش زى المستشفى الى بشتغل فيها والمدير ذوق مش زى المدير التانى الغبى بقولك أيه ماتيجي ناخد لفه فيها
لتقول كشماء وماله يلا
سارتا يتجولان بالمشفى وبأقسامها لتعجب كامليا بها كثيرا
الى أن وجدتا نفسهم أمام بنك الدم الخاص بالمشفى.
لتقول كامليا دى فيها بنك دم مش زى المستشفى الى بشتغل فيها الى عايز دم يروح يجيبه وهو حظه
تعالى ندخل كده نتفرج
دخلتا
لتقوم كامليا بأخراج بطاقه تثبت عملها كطبيبه
ليرحب بها الأخصائى الموجود
لتقف تفكر بشىء لتنظر الى كشماء لتجدها تنظر أليها بتفهم
لتقول كشماء وهو أنتم عندكم هنا كل الفصايل موجوده
ليرد الأخصائي أيوا يا أفندم المستشفى دى مبنيه بالجهود الذاتيه لأهل البلد وبيجى لها تبرعات كتير وكل شىء متوفر بها.
لترد كشماء عندكم فصيلة ABموجب
لينظر الأخصائى الى الثلاجه خلفه قائلا أيوا يا أفندم موجود هنا كيس واحد
لترد كشماء كيس واحد بس خليه يمكن حد يحتاجه أيه هي أكتر فصيله متوفره عندكم بكثره
لينظر الأخصائى الى الثلاجه قائلا فصيلة o متوفره هنا بأنواعها
لتقول كشماء طيب هات لينا كيسين دم منها
لتقول كامليا بس انا فصيلتى Aموجب نفس فصيلة ماما أنما أنتى واخده فصيلة ماما وبابا مع بعض.
لترد كشماء قائله انتى هتنقى أنتى هتشربيه أهو أى حاجه تقضى الغرض وخلاص لو فشلت في الهرب من هنا
لترد كامليا على رأيك وتنظر الى الأخصائى قائله هات كيسين واحد o والتانى A
ليعطى لهم الأخصائى الكيسان وهو متعجب منهن
لتقول كامليا وسعر الكيسين دول قد أيه
ليرد الأخصائي حضرتك زميله أكيد مش هناخد منك تمنهم.
لتقول له تمام شكرا وان شاء الله ان فضلت امارس الطب هاجى أشتغل في المستشفى دى دى عجبتنى قوى نضيفه ومكيفه وكل شىء فيها متوفر مش زى المستشفى التانيه الداخل مفقود والخارج مولود يلا سلام يا زميلى.
لتغادرا وتتركاه يقف متعجبا منهن.
لتضعا كل واحده منهن كيس الدم بحقيبتها وتكملان سير بالمشفى الى أن تصادما بركن وعلام أمام باب الخروج
لتقفا مخضوضتان أمامهم وهم ينظرون لهن بضيق.
ليقول ركن بضيق لفنا المستشفى كلها ندور عليكم ياترى خلصتم جولتكم ولا لسه
لترد كشماء أه خلصنا
ليقول علام طب يلا أوصلكم للبيت علشان عندى شغل مهم
لترد كامليا لأ بالسلامه أنتم أحنا هنتمشي شويه في البلد ونرجع بعدها متعطلوش نفسكم ولو توهنا هنسأل أهل البلد
كان ركن سيعترض ولكن قال علام طيب تمام براحتكم بس أحذروا متبعدوش عن البلد هنا
ليتركهن ويغادران كلا منهم بسيارته.
لتنظر كامليا لهم قائله أيه دول ما صدقوا الأ متحايلوا علينا حتى
لترد كشماء أحسن غاروا في داهيه
لتضحك كامليا قائله على رائيك خلينا نتمشى أنا زهقت من قعده البيت
لتسيران تتجولان بالبلده بمرح ويتداخلون مع الناس وكانوا يرحبون بهم بتعجب أحيانا اذا عرفوا أنهم من عائلة النمراوى الشهيره بالبلده الى أن حل المساء لتعودان الى البيت
ليدخلون الى غرفتهم مباشرة
لتجدا كريمه في أنتظارهن وهي متضايقه منهن بشده.
لتقول كامليا أيه ده يا كرمله أيه سبب قعدتك كده
لتقف كريمه وتقترب منهن قائله
قاعده مستنيه الهوانم على ما يرجعوا كنتم فين لدلوقتي خرجتم الصبح وراجعين بعد العشا ومبتردوش على التلفون ليه
لترد كشماء كنا بنتمشى يعنى أحنا صغيرين وهنتوه أنا دخلت أماكن أصغر من البلد دى ومتوهتش
لتقترب كريمه منهن أكثر عارفه أنكم صايعين وضايعين بس أحنا هنا في أرياف وقريبين من الجبل وممنوع بنات تفضل بره البيت للوقت ده.
لترد كامليا ليه هيخطفونا دا أحنا نخطف بلد
لتضحك كريمه قائله في دى متأكده منها بس لازم تتعودوا على كده هنا مش زى القاهره ويلا زمانهم جهزوا العشا غيروا لبس التشرد الى عليكم ده وتعالوا علشان تتعشوا وبعدها تتقلبوا تناموا علشان بكره الحنه وموالها طويل
لتتركهم وتغادر الغرفه
لتخرج كل منهم كيس الدم من شنطتها
لتبحث كامليا عن كيس أسود وتقول أحنا نحطهم في الكيس ده في التلاجه الصغيره الى هنا محدش هياخد باله منهم.
لتقول كشماء انا مش هحتاجه لأنى ههرب من هنا أنا ركزت في الطريق وعرفت مداخل ومخارج البلد حلال عليكى الكيسين أبقى أعملى بهم حفله مصاصين دماء أنتى والمقطقط
لتضحك كامليا قائله وماله أهو مش هيضر.
عوده. ،
أستمعت كريمه لها الى أن أنتهت لتقول لها أنتم مش بنات أنتم شياطين انا مش عارفه أنا ربيتكم كده أزاى
لتضحك كشماء
لتنغز كريمه كشماء قائله بتضحكي على أيه أنتم محتاجين تتربوا من جديد بس مش على أيدى.
علي أيد ركن وعلام هيربوكم من جديد وهينجحوا في الى فشلت أنا فيه
لتضحك كشماء قائله دا احنا الى هنربيهم ونعرفهم النبى الى يصلوا عليه
لتبتسم كريمه بسخريه قائله بأمارة أيه
علامات ركن الى على أصداغك ومدرياها بالمكياج وياريت حتى مش ظاهره ولا شعرك الى فرداه علشان يدارى العلامات الى على رقابتك يا غبيه
لتشعر كشماء بالضيق قائله هو الى خدنى على خوانه بس خلاص أنا صحيتله.
لتقف كريمه قائله انا لازم أمشى أنا لو قعدت معاكى أكتر من كده هفرقع منك انتى والغبيه التانيه
لتضحك كشماء وتقول بتذكر أه نسيت أقولك
فاكره الراجل الى قابلناه في بيت العمده أول يوم جينا هنا
لترد كريمه بتذكر قصدك جبر
لتقول كشماء لأ التانى الى قالك أنتى رجعتى يا كريمه لهنا تانى
لترد كريمه بمقت قصدك فكرى ماله
لتقول كشماء قابلنا يومها وعرض علينا يوصلنا البيت بس رفضنا وهو قال لنا أنه كان صديق لبابا.
لترد كريمه بفزع الراجل ده ممنوع تكلموه او حتى تسلموا عليه ولو قابلكم في أى مكان أبعدوا عنه أنا بقولك أهو وأنا هحذر على الغبيه التانيه أما أرجع مفهوم
لترد كشماء بأستغراب مفهوم أنا هشوفه فين أصلا بعد كده دى كانت صدفه
لتقول كريمه لنفسها الماضى مش هيرجع تانى يا فكرى.