رواية عشق رجال الصعيد الجزء الأول للكاتبة منار همام الفصل الرابع والثلاثون
ادهم بزهول: ايي!
آيه بعياط: ايوه طلقني و متلكلمنيش ومخصماك
ادهم: مخصماني!
آيه قعدت على الارض وفضلت تعيط. ادهم نزل لمستواها وحط ايده على خدها
: مالك يا روحي
آيه بدموع: مخنوقه اوي وعايزه اعيط
ادهم بحنيه: طاب ننزل نتمشا
آيه بتمسح دموعها وشهقاتها شغالة
: لا
ادهم وهو بيحرك صباعه على خدها بحنيه
: طاب عايزه اي يا روحي
آيه: عايزه اعيط
ادهم خدها في حضنه
: عيطي في حضني براحتك.
آيه دخلت جوه حضنه وكأن دا تصريح علشان تطلع كل إلى جواها. وانهارت في العياط
و ادهم ضمها اوي
آيه بدموع: ماما وحشتني اووي يا ادهم انهارده لما شفت اهل حور وهما جين يشوفو ابن بنتهم علشان تعبان، كان نفسي يبقا عندي اهل يجو عندي لما اتعب، كان نفسي بابا يبقا بيحبني، آيه رفعت وشها إلى احمر من العياط لادهم، هو انا وحشه يا ادهم
ادهم باس مناخيرها
: لا يا روحي انتي اجمل واحده اشوفها في حياتي.
آيه بشهقات: امال الكل بيكرهني ويبعد عني ليه
ادهم: طاب هو انا بعدت عنك ما انا اهو و خالتك و صحابك غير اهلي، كلنا بنحبك والله، قرص منخيرها، بس انتي إلى غبيه وعايزه تشوفي حاجه وتسيبي حاجه
آيه دفنت وشها في صدره ورجعت تعيط تاني، بعد وقت آيه كانت هديت
ادهم وهو بيمسح اثار الدموع من عنيها
: خلصتي
آيه بخجل: عكننت عليك بس انا والله كنت مضايقه و محتاجه اعيط
ادهم باسها برقه.
: انتي تعيطي براحتك يا روحي، شالها واتجه بيها لسرير، تعالي بقا ننام ونكمل عياط بكره
آيه ضحكت واستخبت في حضنه.
ايهاب ساند بضهره على السرير و حور في حضنه بيحرك ايده على شعرها
ايهاب: حور نمتي
حور رفعت وشها: لا صاحيه
ايهاب: بقولك. انتي جبتي كام في الثانويه
حور دفنت وشها في حضنه بخجل
: 85
ايهاب بضحك: ومالك مكسوفه كدا. ميل باس راسها، بنسبه لواحده مكنتش بتاخد دروس مجموعك حلو اوي
حور رفعت وشها: اممم بنسبه لواحد جايب 99 مش حلوه
ايهاب: لاني كنت باخد دروس و بحضر حصاصي كلها حتا لو متاخر عادي
حور: اممم طاب انت بتسئل ليه.
ايهاب: اممم كنت بفكر اقدملك مع آيه بس حلو تمريض برضو
حور قامت بفرحه: بجد. هتخليني اكمل
ايهاب ضحك: ايوه هخليكي تكملي
حور باسته على خده: بحبك
ايهاب ضحك: طاب بقولك متخلي البو سه دا لبعد ما دراعي يخف
حور ضحكت: لا انا هبوس دلوقتي براحتي
ايهاب: ماشي يا وحش بوس براحتك.
ادهم سحب دراعه من تحت راس آيه براحه علشان متحسش بيه ونزل...
تحت ادهم قاعد في الجنيه على كرسي وحتط راسه بين اديه والسيجاره في ايده، عباس حط ايده على كتفه
: مالك
ادهم بصله واتنهد: آيه
: مالها
ادهم بهدوء: مش عارف مالها فجاء كدا لقيتها عايزه تعيط وبتفتكر امها و. انا مش عارف حاسس اني مقصر معاها اوي.
عباس ضحك: عارف امك وهي حامل فيك كل يوم خناقه، مره طلقني مره مش عايزاني جنبها، ومره عايزني اركب ورحلها الساعه 2بليل. مكنتش عارف اعمل معاها اي. مكنتش ينفع كل شويه اطنطط من الصعيد للقاهره و مكنش عندي حجج اقولها لابوي لحد ما في مره جبت ورق مزور وفهمت ابوي اني تعبان والدكتور حوالني على مستشفى في القاهرة والعلاج دا هيقعد شهور، كل دا علشان اقعد معاها تسع شهور الحمل و هتحملها بهرموناتها ونكدها بروقانها، عباس حط ايده على كتفه، اطلع نام انت مش مقصر معاها ولا حاجه دي هرمونات حمل بكره تفك و تبقاا زي الفل.
ادهم هز راسه وقام، وقبل ما يمشي بص لابوه وابتسمله
: شكرا، عباس هز راسه بص عليه بحب
تاني يوم
ادهم بص لآيه إلى نايمه بعمق جنبه وميل باسها
: آيه حبيبتي اصحي
آيه بنوم: صباح الخير
ادهم بحب: صباح النور على إلى هتجنني بهرموناتها
آيه بخجل: اسفه بس والله كنت مخنوقه اوي
ادهم بضحك: انت براحتك يا وحش الكون
آيه بخجل: طاب اوعا علشان ننزل نفطر
ادهم اعتلاها وغمزلها: متيجي نفطر هنا.
آيه رفعت حجبها بجراءة وهي بتحرك ايدها على كتفه
: هي مش الدكتوره قالت مينفعش لحد اول تلات شهور
ادهم: لا ما هي الدكتوره دي مبتفهمش
آيه دفعت ادهم لورا وقامت من على السرير واتجهت للحمام بدلع
: بس انا شيفها فاهمه
ادهم حط ايده تحت راسه وهو بيبص عليها
: وماله.
بعد الفطار كلهم متجمعين و كل واحد قاعد وجنبه مراته...
الجد: عملت اي في شغلك صحيح يا ادهم
ادهم: صحبي مشغلهولي لحد ما اشوف هعمل اي واحتمال انقله هنا
ايهاب: طاب و عملت اي في ورق نقل مراتك
ادهم: هخلي اسر يبعتهملي في البريد واقدملها اول ما يوصلو
ايهاب: حلو علشان تروح هي وحور سوا
الجد: ليه هي حور هتكمل
حور بتوتر: ايوه يا جدي هقدم تمريض
الجد ابتسم: البلطو عليا
حور قامت بفرحه وباست ايده
: شكرا يا جدي.
الجد طبط عليها: دا حقك يا بنتي.
عدا كام شهر ايهاب خف وبقا احسن و حور و آيه انتظمو في الكليه الجديده كل يوم بيوصلهم ادهم واحيانا بيروحو بعربية آيه إلى جبهالها ادهم من القاهره، وادهم إلى خلاص هيتجنن تقريبا من هرمونات آيه، وعلاقته مع ابوه إلى اتصلحت شويه بسبب ان ادهم ديما بياخد استشارته لما يتعب مع آيه، في الاول كان بيبقا مكسوف و متوتر، منسيش مرا لما آيه قعدت تعيط وتقلوه ان مناخيرها كبرت وتخنت و بطل يحبها، و هو كل ما يقلها انها حلوه و هيفضل يحبها، كانت بتقعد تعيط وتقلو انه كداب وبيخدها على قد عقلها، وراح لابوه وقله. خدلها حاجه حلوه واطلع قلها ان منخيرها حلوه وجسمها حلو ولسه كمان بعد الخلفا هتخس تاني، وافضل في جمالها، ادهم لحد دلوقتي مكنش مصدق النتيجه الوهميه لكلام ابوه، وعلاقته بخواته إلى كل متروح تزيد حب و مقضينها اغلب الوقت لعب مره كوره وشطرنج ولاعاب كتير...
في ليلة عند آيه و ادهم الساعه 2
آيه بهمس: ادهم. ادهم
ادهم بنوم وتعب: نعم يا حبيبتي
آيه: جعانه.