رواية عشق رجال الصعيد الجزء الأول للكاتبة منار همام الفصل التاسع
ادهم اول مشاف انهيار آيه وعياطها اضيق من نفسه معقوله لدرجه مش طيقاه وبتخاف منه، هو مكنش هيكمل وهو بيهددها بس، لبس التيشرت وبعد بضيق.
: انتي لو اخر واحده في الدنيا مش ممكن ابصلها خليكي فاهمه كدا والي حصل في المعرض دا علشان ابعد نسرين صحبي بيحبها وهي عينها مني، ادهم كان طالع بس رجع، واهااا الورقه إلى معايا هتتقطع اول ميتقدملك عريس، ادهم مشي اول ما فتح الباب كف نزل على وشه بكل غضب من نوسه، ادهم معملش حاجه وطلع من الشقه كلها نزل تحت
نوسه دخلت جري على آيه بلهفه
: حبيبتي انتي كويسه
آيه مسحت دموعها
: متخفيش يا خالتي هو معمليش حاجه.
نوسه طبطت عليها
: قومي اغسلي وشك يا حبيبتي، آيه هزت راسها وقامت.
ادهم قاعد سرحان و مرجع راسه لورا على الكرسي في الورشه بتاعة صحبه اسر
: مكنتش اعرف انها بتكرهني كدا
اسر ضحك وهو بيطلع من تحت العربيه. مسح اديه بالفوطه
: والله. مستني اي منها بعد إلى عملته، قافل الباب وبتهددها. عايزها تعمل اي
ادهم اتعدل: وهي تعرف عني كدا، انا ممكن اعمل فيها كدا خمس سنين عايشه معانا كنت بطلع انام فوق السطح لحد ما كتبت عليها، انا محافظ عليها من نفسي
اسر قعد قصاده
: بتحبها!؟
ادهم: لا.
اسر: طاب انا طالب ايدها
بوكس نزل في وش اسر من ادهم بدون انذار.
اسر: اي مش انت مش بتحبه وصحبك اوله بيها
ادهم بغضب: دا انا اقتلها ولا تكون لحد تاني
اسر حط ايده على وشه بوجع وهو بيضحك
: روح صلحها يا اخي وغور من حوليا
ادهم زق الكرسي على الارض وهو بيبص ل آسر بغضب ومشي...
فتحيه بخوف: انا خايفه يا مدام لحد يكشفني والله جمال بيه ما يرحمني فيها
: اجمدي كدا ومتخفيش، جمال هيعرف منين ان ايهاب بيتعاطه وايهاب ذات نفسه ميعرفش
فتحيه: م. مهو إلى حضرتك متعرفهوش ان ايهاب بيه اتجوز وبقي معاه المدام وهي ممكن تعرف
: حتا لو عرفت هتخاف تقول لجمال من ايهاب
فتحيه: طاب تمام على اتفاقنا احطلها كل يوم المخدر في القزازه إلى بيجيبها
: ايوه بس عيزاكي تزودي الكميه علشان الحرب هتبداء بجد.
ادهم دخل الشقه وهو باصص في التليفون والوقت كان متأخر لقي آيه قاعدة قدام التلفزيون ادهم حط الكيس(فيه الايس كريم إلى بتحبه ايه)
علي الطرابيزه وبكل برود وزي ما هو وشه في التليفون
: قومي اعملي كوباية شاي
ايه قامت ونفخت بضيق على برودة وبصوت واطي
: يارب امتا اخلص منه، ادهم قعد و شويه وطلعت ايه بالشاي حتط قدامه بضيق
: اتفضل
ادهم برضو عيونه في التليفون
: خدي الكيس دا وادخلي نامي.
آيه: بكره اجازه ومش عايزه انام دلوقتي
ادهم حط التلفون في جيبه وبصلها بتحدي
: عايز اسمع فيلم ومش هينفع تسمعيه معايا
ايه بسخريه: ليه يعنى في حاجات خارجه
ادهم بصلها بخبث: بظبط لو انتي عاجبك الموضوع تقدري تقعدي عادي
ايه وشها احمر من الكسوف وهي بتدب رجلها في الارض
: سافل، ودخلت.
ادهم ضحك: متنسيش الكيس. آيه طلعت، خدتها ودخلت تاني بغصب.
حور واقفه في المطبخ وهي بتعيط. وبتعمل لايهاب عصير لمون بعد ما فجاء قام وفضل يستفرغ في الحمام.
حور طلعت وحتط العصير على الطرابيزه ودخلت الحمام ولقيت ايهاب بيغسل وشه
حور مسحتلو وشه بالفوطه. و ايهاب عرقان وبيترعش كله
: بقيت احسن
قبل ميرد عليها نزل وشه في الحوض تاني
حور بخوف: ، د. دم.