رواية عشق الصقر الجز الثاني للكاتبة شهد طارق الفصل الثاني والعشرون
صقر حبيبي تعال بص القمر حلو ازاي انهاردة، ظلت تنادى ولكن لا يرد، حتى التفت لتجده يقف أمام باب الشرفة مبتسم لها ولكن هناك رصاصة بقلبه لا تعلم من اين اتت له وبعد ثوان من الصدمة وجدته يقع وفمه ينثر الدماء مروان عليه ونزلت لمستواها لتضمه إليها قائلة بصريخ يشق الحبال الصلبة: صقر حبيبي مالك رد عليا عشان خاطري يا صقر.
ابتسم لها بنهيج رابطا على وجنتيها قائلا بصوت متقطع: شوشتي يا قلب صقر انا بحبك اوي اسف اني مش هكمل معاكي بس مش بإيدي.
وبعد ثوان صمت مهدلا يده لاسفل.
ظلت تنهج وتتسارع انفاسها حتى صرخت بشدة وفتحت أعينها، حتى نهض صقر بفزع ملتفا لها قائلا برعب: مالك يا شهد في ايه حبيبتي اهدي...
حاولت أخذ أنفاسها وهي تقول بصوت متقطع: ك. كابوس، كابوس وحش اوي يا صقر وحش اوي.
ضمها إليه قائلا بهمس: اهدي خلاص الكابوس انتهى، اهدي، وظل يردد بعض الآيات القرأنية حتى ذهبت في نوم عميق وهو الاخر.
في صباح يوم جديد في شركة صقر...
دلفت خلود إلى المكتب الخاص بها وبه العديد من زملائها، خلود تعينت بالشركة منذ شهر، دلفت بمرح قائلة لزملائها: صباح الفل على الحلوين.
ضحكوا بخفة قائلين لها: صباح الخير على القردة، اقعدي يا بت.
فردت جسدها بغرور مصتنع قائلة: عيب محاسبة زيي تقولوا ليها يا بت على فكرة.
ردت عليها إحدى زملائها قائلة: طب يا بت اقعدي عندك شغل كتير انهاردة.
ذهبت لتجلس على مكتبها وتأخذ نفس عميق قائلة وهي تمسك بعدة اوراق: الورق ده عايز امضاء صقر باشا.
بس صقر باشا لسه مجاش.
نظرت خلود لساعة يديها بإستغراب قائلة: غريبة ده الساعة 10 وهو بيكون موجود من الساعة 9 الا يكون شهد تعبانة ولا فيها حاجة، جماعة طب ما تخلوا حد يتصل بيه.
انتي عارفة محدش بياضا بصقر باشا غير. لما يكون في حاجة ضرورية جدا جدا، غير كدة ممكن نشوف الويل، وبعدين هو مش جوز بنت خالتك، ما تتصلي ببنت خالتك نفسها.
هزت راسها خلود قائلة: تصدقي صح، ماشي هتصل بيها، ابعتي جيبلنا فطار بقا.
وفجأة دلف شاب طويل وهو رئيس قسم التي تعمل بيه خلود و زملائها ويدعى أحمد.
وجه أنظاره لخلود قائلا: آنسة خلود حاولي انهاردة تخلصي ورق الاجتماع بتاع بكرة عشان احتمال اراجعه معاكي قبل ما تروحي.
نظرت له خلود بإبتسامة قائلة له: تحت امرك حاضر.
شكرا يا انسة خلود بعد اذنكم يا جماعة...
وخرج فقالت خلود بهيام: هو استاذ احمد هيفضل يخليني احب على نفسي كتير.
ما انتي اللي بتحبي على نفسك من ساعة ما جيتي يا ختي وهو مش مديكي وش.
خلود: احم يا جدعان الاحراج ده هو شكله بس مؤدب يعني وانا اللي بجحة تقريبا ما علينا هجيبه هجيبه بردوا.
ضحك الجميع عليها وهي الأخرى وبعد ثوان اكملوا ما كانوا يفعلوه.
في مكان مجهول.
يلتف البوص بكرسيه ليواجه شخص ما قائلا بهدوء: غريبة مالك مهدي اللعب اليومين دول يعنى.
اضطرب المجهول قائلا: احم لا ولا مهدي ولا حاجة.
رفع حاجبه قائلا: امال.
المجهول: عادي عشان ميشكوش فيا واكيد هرجع تاني، انا تحت امرك يا بوص.
اممم لما نشوف، خلي بالك انت دخلت في طريق مفيش فيه الرجوع.
كاد أن ينطق المجهول ولكن أوقفه البوص بإشارة من عينيه وخرج.
في فيلا صقر.
كان نائما بعمق ولكن جذب أذنه صوت بكاء مكتوم، انتفض وهو يحاول فتح عينيه ولم يجد شهد بجانبه نهض سريعا ووجدها بجانب الفراش تبكي والمقعد واقع بإهمال على الأرض، نزل لمتسواها وضمها إليه قائلا بقلق: مالك يا حبيبتي في ايه مالك اهدي.
ظلت تبكي وتنتفض حتى عاد ما قاله: اهدي عشان خاطري ايه اللي حصل بس واللي وقعك كدة.
ردت اخيرا وشهاقتها تتعالى: قومت من النوم. مخنوقة. مخنوقة اوي ف حسيت اني عايزة اسم شوية هوا حولت اقوم عشان اوصل للكرسي معرفتش و. و وقعت.
نظر لها بحزن شديد ولكن تبدلت ملامحه بحب قائلا: طب مصحتنيش ليه يا شوشتي.
نظرت له اخيرا ومازلت تبكي: اليوم امبارح كان متعب اوي فقولت حرام اصحيك اكيد تعبان.
ضمها إليه مرة أخرى قائلا بحنان: حتى لو تعبان لو اخر نفس في عمري هعملك الأنتي عيزاها.
انتفضت مرة أخرى متشبتة فيه بقوة قائلة بذعر نتيجة كابوس أمس: لا مش هيبقى اخر نفس مينفعش ه هعيش من غيرك ازاي.
نظر لها بإندهاش من حالتها وحاول تهدئتها قائلا: بس حبيبتي اهدي ديه كلمة عادي انا جمبك متقلقيش.
اكمل قائلا: يلا نطلع البلكونة واقول لنعمات تحضر لينا احلى فطار عشان قدامنا انهاردة كذا مشوار، هنشوف الدكتور ونشوف هنسافر امتى وكمان نطمن على فادي ونشوف الدكتور بتاعه.
بعد أن هدأت قليلا امأت برأسها بموافقة، ابتسم لها وحملها بين يديه ليجعلها تفيق وبعد وقت.
تجلس في الشرفة وهي ممسكة بالكوب الساخن خلصتها وهو يجلس امامها يتناول الطعام، لفت أنظار صقر انها تنظر لباب الشرفة كثيرا واحيانا يلمح نظرات خوف بها فقرر أن يسألها: شوشتي هو الباب فيه حاجة مش عجباكي ولا ايه.
انتفضت قليلا ولاحظ صقر هذا ولكن تماسكت سريعا وردت بإبتسامة مصتنعة: لا حبيبي مفيش انا سرحت شوية بس.
نظر لها بشك قائلا: مش عايزة تحكي الكابوس كان فيه ايه.
أغمضت عينيها بعنف قائلة بنهيج: لا مش عايزة احكي.
امسك يديها سريعا قائلا بهدوء: اهدي خلاص اهدي.
ردت عليه سريعا: انت مش تعبان مش حاسس بحاجة وجعاك؟
نظر لها بإستغراب اكتر قائلا: لا حبيبتي انا الحمد لله كويس المهم خلصتي فطار.
هزت رأسها قائلة: اه الحمد لله.
ابتسم لها مقبلا يديها قائلا قبل أن يحملها بين يديه كالعادة: يبقى يلا بينا.
ابتسمت ولفت يديها حول عنقه دافنة رأسها في عنقه قائلا بهمس مغوي وهي تأخذ انفاس من رائحته الرجولية: ريحتك دي هي النفس اللي بيحيي روحي.
ابتسم ابتسامة بسيطة ولكن عاشقة لشهده اقترب برأسه وقبلها من جبينها ونزل لاسفل واستقلوا سيارتهم مع الحرس.
وبعد مدة وصلوا إلى المشفى وبعد دقائق كانوا متواجدين امام الطبيب.
نظر لكلاهما قائلا: زي ما قولت لحضرتك امبارح يا صقر باشا، البروفيسور عالج حالات شبهها كتير ونسبة نجاح العملية بإذن الله تتعدى ال %90 ده لو مكنش %100.
ابتسمت براحة وخوف في نفس الوقت ولكن وجدت من يمسك يديها ويربط عليها ليطمئنها، وجه أنظاره للطبيب قائلا: طب و فادي.
انا امبارح اتواصلت مع نفس المستشفى بعد ما بعت ليهم التقارير وقالوا إن حالة الاستاذ فادي مش صعبة وان شاء الله هيكون في هناك دكتور مع نفس دكتور الهانم.
نظر صقر له بعد أن أخذ أنفاسه براحة نوعاً ما قائلا: تمام يا دكتور أن شاء الله نشوف مواعيد السفر وآكد عليك.
منتظر حضرتك.
خرج كلتاهما من غرفة الطبيب قائلة له: هنروح لفادي المستشفى؟
فادي هنا في المستشفى يا شوشتي بعد ما نكتب امبارح اتصلت عليهم عشان ينقلوه المستشفى هنا.
وضعت يديها على وجنتيه بحب قائلة: ربنا يخليك ليا يارب يا اجمل عاشق في الدنيا.
امسك يديها وقبلها قائلا: ويخليكي ليا يارب.
ابتسموا لبعضهم واعتدل صقر في وقفته وذهب هو و شهد إلى غرفة فادي بمجرد أن دلفوا وجدوا همس تجلس امام فادي وتحاول اطعامه هو يحاول الرفض ضحكت بخفة قائلة وهي تتحرك بالمقعد: ايه يا بنتي انا قولت هلاقيكي في سابع نومة في البيت.
امسك فادي التيشيرت الخاص بها قائلا مثل النساء بحسرة: ياريت يا ختي ياريت سابع نومة قولتلها تروح تغير هدومها و تنام روحت من هنا و انا اتنقلت من هنا قولت اعمل بأصلي واتصل عليها اقولها اني انتقلت وقولتلها ترتاح وتيجي الصبح مفيش ساعة لقيتها ف وشي وعاملة تصغط فيا زي دكر البط.
انفجر كل من شهد وصقر في الضحك على طريقة فادي أما همس ومن شفتيها بزعل كالاطفال قائلة: الحق عليا عايزة آكلك.
اقتربت شهد أكثر قائلة وكأنها تداعب طفل: كُل كويس يا صغنن عشان تخف بسرعة.
كانت نقصاكي ياختي اسكتي والنبي اسكتي.
ضحكت شهد مرة ثانية ناظرا صقر لها بحب وعشق، حمحم قائلا: انا و شهد كُنا عند الدكتور خلال كام يوم هنسافر كلنا عشان تعمل عمليتك وشهد تعمل عمليتها...
حمحم فادي بإحراج قائلا: بس يعني، احم مش لازم اعملها برة ممكن اعملها هنا وخلاص في أي مكان.
نظر لها صقر موجها حديثه لشهد قائلا: فهميه يا شهد عشان عيب اللي بيقولوا ده.
ايه يا فادي عيب اللي بتقولوا ده على أساس انك مش بتعتبر صقر اخوك.
لا طبعا مش قصدي بس.
مفيش بس يا فادي، هنسافر كلنا، هينفع تسافري معانا يا همس.
نظرت همس لها قائلة: مش عارفة يا شهد انا أقنعت ماما و بابا بالعافية عشان اجي اقعد مع فادي، بس أنا مش هقدر اسيبه هحاول اقنعهم.
ابتسم فادي من حديثها ولاحظت شهد ابتسامته ونظروا الكل لبعضهم متمنين ايام قادمة تحمل الخير لهم.
لفت أنظار شهد اهتزاز هاتفها بداخل حقيبتها أخرجته منها ناظرة للهاتف وكانت روان ابتسمت بتهكم وذهبت بالمقعد عند الشرفة وضغطت على الهاتف قائلة: أيوة يا روان.
اذيك يا شوشة وحشتيني.
ابتسمت بحزن قائلة: انتي لسه فكراني يا روان...
ليه يا بتقولي كدة يا شهد.
مبروك يا روان على الحمل بس كنت مستنياكي تبلغيني انتي بنفسك كنت مستنية بنت عمي تتصل بيا تقولي بعتذرلك يا شهد مش هقدر اجي عزومتك عشان تعبانة من الحمل، بس ولا يهمك يا روان، انا مسافرة لسه مش عارفة امتى عشان اعمل عملية قولت اعرفك عشان متعرفيش من برة سلام...
أغلقت الهاتف وهي تشعر بإختناق التفت ل فادي قائلة: حمد لله على سلامتك يا فادي احنا هنجهز الإجراءات ونبلغكم، خدي بالك منه و من نفسك يا همس.
التفت لعشقها التي شعر بشىء ما تغير بها بعد هذه المكالمة، وكأن عينيها أعطت له نظرة استنجاد فأقترب منها قائلا: يلا نمشي.
نظرت له والدموع تتلألأ في عينيها قائلة: مش عايزة اروح الفيلا عايزة اروح بيت البحر.
قبل يديها قائلا: عيوني.
القوا على فادي وهمس السلام وذهبوا ليستقلوا سيارتهم وينتقلوا لبيت البحر.
في بيت البحر.
تجلس بأحضانه امام البحر ولاحظ صقر اخذها لانفاسها كل دقيقة على الأقرب وكأنها تختنق فقال: شهد مالك انتي تعبانة بتاخدي نفس كل شوية بقوة كدة ليه؟!
ضمت نفسها إليه أكثر قائلة: مفيش حاجة يا حبيبي انا كويسة بس حاسة بضيق نفس شوية و هوا البحر حلو اوي.
يعني مفيش حاجة تانية؟
عايزة انام يا صقر عايزة انام.
ضمها إليه أكثر وهي دفنت رأسها في عنقه وذهبت في ثبات عميق.
وبعد اسبوع.
في طيارة متوجهة الى باريس وبها كل من ( شهد وصقر و فادي و همس ).
ارتفع صوت شهد قائلة لفادي: اهي باريس ديه انا روحتها من وانا عندي 17 سنة كانت رحلة غريبة شوية بس كانت حلوة والله ونظرت لصقر في هذه اللحظة وتنهدت أيضا قائلة بخفوت: يارب الرحلة ديه كمان تبقى كويسة.
امسك يديها و قبلها قائلا: ان شاء الله هتبقى كويسة وهتبقى احلى رحلة في حياتنا.
ضرب فادي على ظهر مقعد صقر قائلا: خف شوية يا عم الرومانسي.
ضحكت شهد بخفة فرد صقر قائلا بغيظ: وانت مالك يا بارد خليك في اللي معاك، كان يوم اسود ما قولت نسافر كلنا مع بعض والمصحف.
ضحكوا جميعهم وغادرت الطائرة متوجهه إلى باريس معلنة عن رحلة جديدة أو لنقول بداية جديدة لكل شىء.
وبعد ساعات وصلوا الى باريس وبعد قليل وصلوا للمشفى.
غرفتين، غرفة بها شهد وبجانبها صقر يمسك بيديها يحاول أن يطمئنها والطبيب الفرنسي على الجانب الآخر يمسك ببعض الاشاعات الخاصة بها، وبالغرفة الأخرى بها فادي تجلس همس بجانبه تمسك بيديه لتطمأنه والطبيب هو الآخر يمسك بالاشاعاات الخاصة به.
وبعد ساعة، جهز كل من شهد و فادي لدخول غرفة العمليات، اقترب صقر من عشقه وجدها تبكي بصمت قائلة بصوت مرتعش: انا خايفة.
قبل يديها قائلا بحنان بالغ رغم الخوف بداخله: لا اوعي تخافي هتبقى كويسة وترجعي تاني لحياتك هترجعي عشان نجري و نسافر ونعمل كل اللي بتحبيه.
شددت على يديه لتحاول بث الطمأنينة بداخلها وعلى الجانب الآخر فادي يأخذ أنفاسه بقوة حتى شعر بيديها تمسك بيديه قائلة بهمس: متخافش هتبقى كويس وهتطلع نظرك ستة على ستة وهنسافر و نتفسح وبعدهم نتجوز صح وترجع فادي حبيبي.
ربط على يديها قائلا: يارب يا همس يارب ادعيلي.
ودلف الاثنان أمام أنظار صقر و همس وهم يودعونهم وبمجرد أن أغلق باب العمليات الخارجي انهار صقر على الأرضية وهو يبكي بصمت، ظل متماسكا أمامها حتى لا يجعلها تشعر بالخوف لكن هو مرتعب بداخله وهمس فعلت بالمثل وظلوا هكذا عدة ساعات.
الوقت يمشي ببطء كل دقيقة تمر عليهم كالساعة، يمشي صقر مرارا وتكرارا في الطرقة ويجلس، تقوم همس تفعل ذلك وتجلس مرة اخرى وبعد مرور ثلاث ساعات خرج فادي وعلى عينيه رابطة بيضاء والبنج ما زال أثره عليه، هرولت عليه همس وامسكت بيده قبلتها بقوة وهي تبكي أما صقر اقترب من الطبيب و طمأنه على حالة فادي وحاول الاطمئنان على عشقه ولكن. لا يوجد اي خبر مازالت العملية خاصتها قائمة ولم تنتهي.
مرت ساعتين ولم تخرج ف ذهب لغرفة فادي ليطمأن عليه وكان قد فاق والطبيب بجانبه ليزيل عنه الرابطة البيضاء ليتأكد من نجاح العملية.
فقال بقلق لم يخفى عن نبرة صوته: حمد لله على سلامتك يا فادي وان شاء الله ترجع زي الاول.
اعتدل فادي بلهفة قائلا: صقر. الله يسلمك، هو هو شهد طلعت من العمليات ولا لسه.
نظر له بحزن قائلا: لسه يا فادي كل ده في العمليات ومحدش راضي يطمني.
ردت همس قائلة: هتبقى كويسة، شهد ربنا مش هيزعلها ولا هيزعلك هتبقى كويسة إن شاء الله.
رفع رأسه وهو يدعي ربه ثم التف لفادي وهو ينتظر مع فادي وهمس نتيجة عمليته، أقارب منه الطبيب وهو يزيل الرابطة البيضاء وهمس تزيل دموعها وقلبها يدق بشدة وبعد ثوان ظل يفتح ويغلق بعينيه حتى وقعت عينيه عليها تسألت بعينيه هل يراها فأجابها وهو يهز رأسه بشدة هرولت عليه لترتمي بأحضانه تبكي بشدة.
ابتسم لهم صقر بحب على حالة الفرحة التي بهم وهو يتمنى في هذه اللحظة أن تتبدل الأدوار وتصبح شهد هي على الفراش وهو مرتمي بأحضانها وهم يشاهدون حالتهم، دلفت إحدى الممرضات وأخبرته بلغتهم الفرنسية خروج شهد من غرفة العمليات، هرول معاها وهو يدلف إلى غرفة من اوجعت قلبه كثيرا والطبيب يقف بجانبها وطبيب اخر مصري: ها يا دكتور هي اخبارها ايه ارجوك طمني ديه بقالها كتير في العمليات.
رد عليه الطبيب المصري بإبتسامة قائلا: متقلقش يا صقر باشا العملية كبيرة ومش سهلة كان لازم تاخد الوقت دة، المفروض أن العملية نجحت الحمد لله لكن هنتأكد من النتيجة لما أن شاء الله تفوق.
وخرج الطبيب والممرضة بعد أن تأكدت من كل شىء، جلس بجانبها وظل يقبل يديها وهو يبكي بصمت بعد أن تأكدت من سلامتها، بكى من فرط الخوف وهي بالداخل وبعد مرور ساعة دلف فادي وهو ممسك بيد همس ويستند عليها، لم يتحرك من جانبها، جلس فادي و همس على الأريكة وجميعهم ينتظرون افاقة شهد.
بعد مرور ساعتين سمع انين صوتها نظر إليها بلهفة وهو يقترب ليسمع ما تقوله، وماذا تقول في هذه اللحظات سوى ( صقر ).
ابتسم سريعا وهو يقول بلهفة: شهد حبيبتي فوقي وسمعيني صوتك يلا.
نظر لهمس بلهفة قائلا: ارجوكي يا همس نادي الدكتور قوليله انها بتفوق.
امأت برأسها سريعا وهرولت لتستدعي الطبيب.
وبعد قليل، كان يقف الطبيب المصري و الفرنسي بجانب شهد بعد أن قال الطبيب الفرنسي عدة كلمات ترجمها الطبيب المصري قائلا: مدام شهد ياريت تتحركي أي حركة عشان نتأكد من نجاح العملية.
ظلت تتأوه بوجع قائلة: اااه مش قادرة حاسة يوجع مش طبيعي.
استحملي يا مدام شهد واتحركي اي حركة بسيطة.
حركت اصابعها حركة بسيطة للغاية ولكن هذا يدل على نجاح العملية تنفس الجميع براحة قائلا الطبيب المصري: كدة الحمد لله العملية نجحت هتفضل كان يوم تحت الملاحظة ومن بعدها نبدا العلاج الطبيعي وحمد لله على سلامة الهانم مرة تانية عن اذنكم.
وغادر الكل ما عدا فادي و همس واقتربوا منها سريعا وهي ابتسمت لهم قائلة بصوت مبحوح وهي تنظر لفادي: حمد لله على سلامتك.
ابتسم لها قائلا: حمد لله انتي على سلامتك والحمد لله العملية نجحت رجعنا لنفسنا في يوم واحد مع بعض.
وكمان همس: كلنا كنا خايفين على عليكي وبالذات وأشارت لصقر الذي كان ينظر إليها.
نظر فادي لها قائلا: انا هرجع اوضتي عشان نسيبك ترتاحي، يلا يا همس.
استند على ذراعها وخرجوا.
بينما التفت شهد بعشقها قائلة بتعب: وحشتني اوي الكام الساعة دول اوي، عملت ايه وانا جوه.
وجدته يقبل يديها ويبكي بصمت ويأخذ أنفاسه بصعوبة فأمسكت يده بقوة وخوف قائلة بصوت مرتعش: صقر حبيبي مالك اهدا بس خد نفس كويس انا كويسة متخافش، صقر متقلقنيش عليك.
بعد قليل أخذ أنفاسه بهدوء وقبل يديها مرة أخرى قائلا بهمس: كنت حاسس اني روحي مش جوايا، كنت حاسس ان دقات قلبي واقفة ما انا روحي و قلبي مش جمبي، كنت بعيط من كتر الخوف.
انا كويسة و بسببك أنت انا عارفة انك مش راضي تبين خوفك ادامي متأكدة بمجرد ما انا دخلت انهارت كل قواك، حقك عليا يا حبيب روحي حقك عليا.
نظر لعينيها بعمق قائلا: المهم انك كويسة المهم أن شوشتي رجعتلي وحياتنا هترجع تاني زي زمان.
هزت رأسها بقوة وظلوا ناظرين لبعضهم لا يشعرون بما حولهم.
وبعد مرور أسبوع.
تحسنت حالة شهد بشكل ملحوظ وفي يوم كالعادة يجلس بجانبها ويمسك بيديها ليمدها بالقوة والطبيب على الجهة الأخرى: كدة الاعصاب تمام وحضرتك من انهاردة هتبتدي العلاج الطبيعي.
نظرت له بخوف ولكن طمئنها بعنينه وكأن عينيه تتحدث قائلة ( انا بجانبك لا تخافي ).
ابتسمت ابتسامة طفيفة وبدأت بالفعل رحلة العذاب بالنسبة لشهد احيانا تبكي بصمت ومرة أخرى تستمد القوة و الاصرار من همساته من عينيه من وجوده فقط بجانبها، بجانب روحها فقط هو.
وبعد مرور أيام من العلاج الطبيعي وبعد انتهاء احدى جلساتها كانت تمشي معه في حديقة المشفى ليروا اثر الجلسات الطبيعية، شردت قليلا عندما خطت اول خطوة بمفردها وكأنها طفل واخيرا خطى اول خطوة بمفرده وهو والدها الذي كافأها بضمه إليها وانعمها بدفىء أحضانه.
لاحظ شرودها وهي تستند عليه فداعب وجنتيها قائلا: سرحتي في ايه غيري.
ضحكت بخفة ودلال منذ فترة لم تتعامل به قائلة: هو انا اقدر افكر في حد غيرك؟ اقدر افكر في حاجة غير روحي، اقدر افكر في حاجة غير نفسي، اقدر افكر في حاجة غير العيون اللي بتحسسني بالأمان وان الدنيا متساويش لحظة من غيرك، عرفت بفكر في ايه، بفكر في الفترة الفاتت ديه كلها افتكرت اول خطوة مشيتها لوحدي بعد العلاج ومكافأتي كانت حضنك كنت عاملة زي الطفلة اللي خطت اول خطوة لوحدها وانت باباها كان احساس حلو اوي اوي.
يستمع إليها و يبتسم فقط، دقات قلبه تتعالى بعشق فقط، لاحظت سكونه فقالت: سكت ليه.
زفر براحة قائلا: من امتى بعرف ارد عليكي.
ابتسمت بعشق مغوي قائلة له: طب يلا نطلع عشان تعبت شوية.
امسك يديها و قبلها قائلا: يلا بينا يا شوشتي.
وصعدوا معا لغرفتها لترتاح من مجهود اليوم.
وبعد مرور أيام أخرى لا نعلم عددها ولكن مرت طويلا على ابطالنا العاشقان.
تقدري تخرجي من المستشفى وتمارسي حياتك عادي. قالها الطبيب وهو يقف أمام شهد وصقر.
نظرت له بدهشة ممزوجة بالفرحة قائلة له: بجد يا دكتور يعني اقدر امشي واعمل كل اللي انا عيزاها.
ابتسم الطبيب لها قائلا: اه تقدري طبعا انتي بقالك فوق ال 5 شهور بتعملي علاج طبيعي ده لولا ارداتك القوية المهم متعمليش مجهود زيادة.
صفقت بيديها كالاطفال وابتسامة طفولية على وجهها، خرج الطبيب والتف العاشق بها ليضم وجهها بين يديه قائلا: احلى شهر عسل في الدنيا لاحلى شهد مش هنرجع مصر غير واحنا زي زمان.
ابتسمت بشدة فالله لا يضيع مجهود بنى ادم على الإطلاق حمدت ربها بداخلها واستعدت لحياة جديدة بكل المعاني و لغات العالم.
في اول مكان سافر إليه العاشقان أشعر انهار باريس.
تقف أمام النهر وهو يقف ويضمها من ظهرها ويأخذ أنفاسه من عنقها الدافىء قالت بهمس وصل إليه: اكتر مكان بعشقه مش عشان شكله، عشان ده اول مكان اعترفت فيه لنفسي اني بعشقك وبعشق وجودك جمبي.
اخذ نفس عميق قائلا لها: عرفت أن ربنا بيحبني لما رزقني بيكي، عرفت أن ربنا غفور رحيم اوي، عرفت أنه الزرق ده ممكن يجي في صور كتير ومنهم زوجة، احلى رزق في الدنيا.
ضمت يديه الذي تضمها أكثر واكثر قائلة: عارف في أغنية بحبها اوي بحس انها ليا و ليك.
نظر لها بينما هي ظلت تدندن بصوت هامس ولكنه ساحر.
لكل عاشق وطن ولكل طير مرساه
ولكل شمس شروق بعد الغروب تحياه
ولكل قلب حبيب مكتوب علية يلقاه
قدر وجمعنا
وأدي الحياة معني
قولي بحبك خلي
الدنيا تسمعنا
ضميني داوي جراح
قلبي اللي قبلك تاه
الحب يعني نصيب
يجمع مابين أتنين
وأجمل الأحلام
لو حلم بين قلبين
أيدي في إيديكي خلاص
ما يهمنا شر الناس
وكفاية أعيش أحساس
قلبك وأقول الله
لكل عاشق وطن ولكل طير مرساه.
ولكل شمس شروق بعد الغروب تحياه
ولكل قلب حبيب مكتوب علية يلقاه
ظل يستمع إليها بعشق صوتها مثل الدواء بعد الداء صوتها كمفعول الماء بعد الارتواء بينما التفت له تنظر في عينيه بعشق قائلة: انت وطني انت مرسى الأمان يا عشق شهد.
أشار لها بعينيه أن تنظر خلفها التفت بإستغراب وهو ضمها إليه وثوان ووجدت السماء تنطلق بالالوان للتتجمع في جملة
(، شوشتي بعشقك يا، عشق الصقر )
ظلت تقفز بسعادة بينما التفت له لتضمه بفرحة عارمة لا توصف وهو حملها وظل يدور بها في جميع الارجاء ليصرخوا بفرحة قائلين لبعضهم: بببببعشققققك...