رواية طبيبة قلبي الجزء الأول للكاتبة سلسبيل كوبك الفصل السادس والعشرون
فهد: احم انا كنت عايز اقول حاجة.
ليث: قول يا فهد.
فهد: انا بطلب ايد فردوس.
الكل فرح و بص لفردوس. فردوس اتوترت و اتكسفت.
حياة: رأيك يا فردوس؟
فردوس(بجمود): لا مش عايزة.
فهد: تمام عن اذنكوا، آسف علي الازعاج.
فهد سابهم و مشي بسرعة. و الكل كان باصص لفردوس.
فردوس: عن اذنكوا.
فردوس قامت و حياة كانت هتقوم وراها.
ليث: تعالي معايا ورايا مشوار.
حياة: انا مالي. عن اذنك.
ليث شال حياة علي كتفه و خرج. حياة قاعدة عمالة تضربه علي ضهره.
حياة: سيبني يا ليث قولتلك سيبني.
ليث(ببرود): بعد كدة مش هتكلم معاكي انا هعمل و بس.
حياة(بصريخ): الحقوووووووني خاطفني.
ليث(ببرود): اه خاطف مراتي.
ليث رمي حياة في العربية.
حياة(بدموع): يا غبي وجعتني.
ليث: انتي كويسة؟
حياة: لا.
ليث: حاسة بوجع فين؟
حياة: مفيش انجز شوف عايز ايه.
ليث لف و ركب جمبها و السواق اتحرك من غير و لا كلمة.
عند فردوس.
فردوس طلعت اوضتها و قفلت الباب و قعدت تعيط.
نازلي: فردوس افتحي الباب. خلينا نتكلم.
فردوس: امشي من هنا يا نازلي. ارجوكي.
نازلي: طب اسمعي كلامي.
فردوس: لا.
نازلي: طب هسيبك تهدي و هجيلك.
فردوس كانت قاعدة في الارض ورا الباب وبتعيط.
ادم: بيحبك علفكرة.
فردوس(بصدمة): انت ازاي جيت هنا؟
ادم: من البلكونة عادي يعني.
فردوس: طب بعد اذنك ارجع مكان ما كنت.
ادم: سبب رفضك ايه؟
فردوس: مفيش.
ادم: اومال رفضتي ليه؟
فردوس: هو كدة.
ادهم: ايوه اللي هو ازاي؟
فردوس: انت كمان جيت من البلكونة؟
ادهم: شايفة ايه؟ اتكلمي ايه سبب رفضك؟
ادم: احنا مش هنسيبك الا لما تتكلمي، و علفكرة فهد بيحبك اوي.
فردوس(بعياط): مش هنكر و اقول اني مش معجبة بيه بس حساه.
ادهم: حساه مش بيحبك.
فردوس(بعياط): ايوه. معرفش بقي ده اللي انا حساه.
ادم: ادي لنفسك فرصة تانية.
فردوس: بس انا رفضته خلاص.
ادم: سيبيها علينا. يلا باي يا جميل.
ادم و ادهم رجعوا من البلكونة. و فردوس فضلت قاعدة مع نفسها...
-في مكان تاني.
في جامعة نازلي.
نازلي: يا كريم.
كريم: قولتلك لا يا نازلي.
نازلي: بس انا هساعده بس.
كريم: في مليون شخص هنا ممكن يساعده.
نازلي: اوف طيب.
كريم: يا حبيبتي لاحظي اني بغير عليكي.
نازلي: عارفة. بس ده مجرد زميل.
كريم: طب اسمعي كلامي علشان خاطري.
نازلي: طيب يا كيمو.
كريم: قولتلك متقوليش كيمو.
نازلي: بدلعك يا كيمو.
كريم: يا بت. يلا قدامي نحضر المحاضرة.
نازلي: طيب يلا بينا. و هتعزمني علي غداء.
كريم: ماشي يا ستي. يلا.
-في مكان تاني...
في شركة ليث.
فريد: خلاص يا ابني هي هتلاقيها مش واثقة بس من حبك.
فهد: ازاي بس انا معجب جدا بيها و بحب شخصيتها هادية و رقيقة و جميلة كدة.
فريد: طب حاول تاني.
فهد: دي احرجتني قدام الكل.
فريد: في الحب مفيش احراج يا فهد عادي.
فهد: طيب. فتون عاملة ايه؟
فريد: تمام كلمتها و وصلتها المستشفي و جيت علي هنا.
فهد: طيب، ربنا مع ليث.
فريد: انا حاسس في حركة مش مظبوطة حوالينا...
فهد: و انا برضو بس مش عارف احدد ايه هي.
فريد: خايف علي ليث.
فهد: بس ليث غبي.
فريد: ايوه دي البنت فكراه بيكرهها دلوقتي و هو متكلمش و لا نطق.
فهد: طلع جبان.
فريد: معندوش رومانسية و لا حب الواد ده.
فهد: يلا ربنا معاه و يصبر حياة.
فريد: آمين.
-في مكان تاني.
في عربية ليث.
ليث: بتبصي علي ايه؟
حياة(ببرود): ملكش فيه.
ليث: لا ليا.
حياة: و يا تري ازاي ممكن تقولي؟ ايه هي العلاقة اللي بتربطنا غير انك بتكرهني و انا.
ليث: و انتي؟
حياة: و انا بكرهك. احنا اعداء فمتتكلمش معايا.
ليث: و اللي بعمله مع عمك و ابن عمك ده تسميه ايه.
حياة: مساعدة انت بتساعدني. و متنكرش اني رفضت في الاول و قولتلك لا.
حياة: و كانت النهاية اهو. انت السبب في اللي انا فيه دلوقتي بسببك انا متجبسة و بسببك برضو ايدي الشمال ملفوفة و بسببك مبعرفش امشي علي رجلي بشكل صحيح. بسببك مبعرفش ادخل الحمام لوحدي الا بصعوبة بسببك مبعرفش اكل لوحدي.
حياة: انت سبب كل حاجة سيئة في حياتي يا ليث.
ليث(ببرود): وصلنا...
ليث نزل و حياة حاولت تفتح الباب و ليث جه و فتحولها...
حياة: شكرا.
ليث: احنا جايين نقابل عمك و ابنه.
حياة(بصدمة): انت مجنون!
ليث: اهدي بما انهم وافقوا علي مقابلتنا يبقي هما حسوا بأنك فاقدة الذاكرة لان حالتك بتوحي انك عملتي حادثة و شكلك فقدتي الذاكرة.
حياة: و انا هتعامل معاهم ازاي؟
ليث: عادي. انتي مراتي و هنعمل اننا بنحب بعض و متجوزين من سنة و هما هيفضلوا يسألوكي اسئلة علشان يطمنوا انك مش فاكرة اي حاجة.
حياة: طيب.
ليث حاوط حياة من خصرها و دخل للمطعم و بحث بعيونه علي عم حياة و ابنه.
ليث: اهم.
ليث: اهلا نعيم بيه اهلا يا عاصم.
عاصم: اهلا ليث بيه.
نعيم: تشرفنا بوجودك انت و المدام...
عاصم: اهلا مدام حياة.
حياة: اهلا.
عاصم مسك ايد حياة و باسها و بص في عيونها.
حياة: ميرسي. اهلا مستر نعيم صح؟
نعيم: ايوه.
ليث: اتفضلي حبيبتي.
حياة: شكرا.
نعيم: تحبوا تأكلوا ايه؟
ليث: عايزة تأكلي ايه؟
حياة(باحراج و همس): احم عايزة غداء مش فطار. لاني اتغديت يعني.
ليث: طيب. شوفوا هتأكلوا انتوا ايه؟
عاصم: تمام. ايه رأيك يا مدام حياة تأكلي ده؟
حياة داست علي ايد ليث جامد تحت الترابيزة. ليث بص ليها و بص علي اللي هي باصة عليه...
ليث: لا مش بتحبه.
عاصم: بجد؟
نعيم: و انتوا اتعرفتوا ازاي؟
ليث: من سنة اتجوزنا من سنة.
نعيم: ايوه اتعرفتوا ازاي؟
ليث: كانت حياة ماشية تايهة في الشارع و قابلتها و وقعت في حبها من النظرة الاولي.
عاصم: هو لسة في حب من النظرة الاولي دلوقتي؟
حياة(بشئ من البرود): ساعات بيصيب و ساعات بيخيب. بس الارجح انه بيخيب لان بيكون في طرف من الطرفين مخادع.
عاصم: اه شكلك عندك خبرة كبيرة في الحياة.
حياة: خبرتي و كل ما املك هي لجوزي و حبيبي ليث.
-حياة بصت ل ليث في عيونه و ليث بادلها البصة...
نعيم: طب و اهلك و عائلتك فين؟
ليث: حبيبتي عملت حادثة و فقدت الذاكرة و للاسف حصلت حادثة تانية برضو قريب بس خدت حقها. و اي حد يفكر انه يقرب منها هخليه يتمني الموت و مش هيطوله.
عاصم: مش نأكل بقي؟
ليث: طيب. يلا.
و طلبوا الاكل و بدأوا يأكلوا. ليث بدأ يأكل حياة.
حياة(باحراج): شكرا يا ليث.
ليث: انتي حبيبتي و مراتي.
و بعد فترة من الكلام المتنوع...
نعيم: لازم تشرفنا انت و المدام في يوم.
ليث: لو عقدنا الصفقة نعمل حفلة و نشوف بعض.
نعيم: لا طبعا لازم مراتي تتعرف علي المدام حياة انا شايف ان مفيش حد في جمالها الصراحة.
حياة: ميرسي بس في ناس مبتقدرش تقدر الجمال ده.
عاصم: يبقي حمار.
حياة(بضحك): ماشي.
حياة(لنفسها): يا حمار، انت و ليث حمير و الله...
ليث: عن اذنكوا يلا حياة.
ليث خد حياة و خرجوا من المطعم و ركبوا العربية.
حياة: اوف.
حياة قلعت الكوتشي و بدأت تشوف رجليها.
حياة: وجعاني اوي.
ليث: طب نعدي علي المستشفي.
حياة: لا شكرا انا بخير...
في المطعم...
نعيم: ده احسن حاجة كدة ننصب علي ليث و خلصت. و نرجع لامريكا.
عاصم: بس انا مش هرجع من غير حياة.
نعيم: قصدك ايه؟
عاصم: بابا انا حبيت حياة و هرجعها ليا.
نعيم: انت اتجننت.
عاصم: قسما بربي لو مخلتوش حياة ترجع ليا لاكون مبلغ عنكوا و اللي يحصل يحصل...
نعيم: طيب طيب هتكون ليك.
عاصم(لنفسه): هتبقي ملكي انا عاجلا ام آجلا حياتي. ضيعتك مرة و مش هضيعك تاني...
نعيم: طب يلا نروح.
عاصم: طيب.
-في مكان تاني.
عند تالا.
تالا خرجت و كانت بتتمشي بعربيتها و كانت هتخبط واحد. بس في اخر لحظة وقفت.
تالا: آسفة اسفة جدا لحضرتك...
شخص: خلاص و لا يهمك...
تالا: يعني مش زعلان مني.
شخص: لا خلاص عن اذنك.
تالا: طب اوصلك بعربيتي يعني شكر و اسف.
شخص: شكر علي ايه؟
تالا: احم يعني شكر لانك مش زعلان مني. و اسف لاني خبطتك.
شخص: حد قالك انك مجنونة؟
تالا: يوووووه كتير. اتفضل اركب انا اسااسا مليت من البيت.
شخص: تمام شكرا.
الشخص ركب مع تالا و تالا بدأت تسوق.
تالا: اسمك ايه؟
شخص: طب نعكس اسمك انتي ايه؟
تالا: سألت اولا.
شخص: كنت هتخبط.
تالا: اوف طيب اسمي تالا. و انت؟
شخص: مش هقولك.
تالا: رزالة و خلاص يعني.
شخص: ايوه هي رزالة احودي يمين.
شخص: ايوه هنا، باي تالا.
تالا(بغيظ مكتوم): تمام.
-في مكان تاني.
في قصر ليث.
صفاء: يا محمد.
محمد: نعم يا امي.
صفاء: انزل و روح للخياطة اللي بتعامل معاها الفستان اللي طلبته منها.
محمد: انا مالي انا؟
صفاء: خد معاك نعمان بس انجز يلا.
محمد: اوف طيب طيب.
محمد خرج من اوضته و راح لاوضة نعمان و خبط الباب.
نعمان: اتفضل.
محمد: بقولك فاضي نجيب حاجة لماما.
نعمان: طيب يلا بينا.
و الاتنين خرجوا و راحوا للخياطة.
محمد: لو سمحت مدام صفاء كانت.
بنت: اسفة بس انا بشتغل هنا و مفيس حجز باسم مدام صفاء.
محمد: ها؟
نعمان: ايه يا وحش ما تركز.
محمد: احم اه ممكن بس تتأكدي.
بنت: صدقني مفيش في الدفتر. حتى اتفضل دور...
محمد: كلامك صادق اكيد.
نعمان: احم احم محمد.
بنت: ممكن تكون اتلغبطت في محل تاني جمبنا بيعمل تفصيل برضو.
نعمان: تمام شكرا يلا يا محمد.
محمد: طيب طيب الله.
محمد و نعمان خرجوا و راحوا للمحل التاني.
محمد: لو سمحت في حجز باسم مدام صفاء.
بنت: اه ثانية يا فندم.
بنت: اتفضل و الحساب اتدفع قبل كدة.
محمد: تمام شكرا.
نعمان: مالك؟
محمد: معرفش يا نعمان. البت سحرتني و لا عملت فيا ايه؟
نعمان: يعني اعتبر ده حب من اول نظرة؟
محمد: احم لا يعني مش اكيد.
نعمان: واضح واضح.
في جنينة القصر.
ادم: حور متجريش بسرعة علشان متوقعيش.
حور: حاضر.
حور(بفرحة): حياة...
حور جريت علي حياة بسرعة و حضنت رجليها.
حور(بحزن): مش هتشليني زي كل مرة.
حياة: آسفة يا روحي.
حياة نزلت لمستوي حور و حضنتها جامد.
حياة: اوعدك اول ما اخف هشيلك و هحضنك و العب معاكي كتير كتير كتير.
حور: وعد؟
حياة: وعد يا قلب حياة. بحبك.
حور: و انا كمان اوي اوي...
ادم: هاي حياة.
حياة: هاي ادم.
ادم: هاي ليث.
ليث: تمام.
حور: عمو ليث.
ليث: نعم يا حور؟
حور: انت مزعل حياة؟
ليث: ليه بتقولي كدة؟
حور: معرفش بس حياة مش سعيدة.
حياة: مين قال كدة يا روحي انا مبسوطة اوي و فرحانة كمان...
حور: لا كلنا شايفين انكم مش مبسوطين.
ليث: كلكم مين؟
حور: كل الناس. انتوا ليه مش زي الناس اللي بتحب بعض هو مش اللي بيتجوزوا بيكونوا بيحبوا بعض.
حياة: مش بالضرورة يا حور اننا نكون بنحب بعض علشان نتجوز...
حياة: و تعالي هنا يا لمضة ايه الكلام الكبير ده؟
حور: انا كبرت.
ليث(بابتسامة): اكبري بقي علشان اجوزك بأيدي دي.
حياة(بهمس سمعه ليث): ده لو كملنا معاك.
حياة: هطلع اغير هدومي.
حياة سابتهم و قامت راحت للمطبخ.
حياة: العب يا عم.
صفاء: حبيبتي اخيرا جيتي مبقناش نعرف نكلمك بقي و لا ايه؟
حياة: انا اقدر يا صفصف انتي. اوعدك هفضي يوم و اجي اقضي معاكي اليوم ده من الاول.
صفاء: ماشي يا قمر.
حياة: احبك انا يا عم يا مز انت.
صفاء: امشي يا لمضة.
حياة: طيب يا قمري.
حياة طلعت اوضتها و دخلت اوضة الملابس.
حياة لبست بنطلون بيتي باللون الاسود و تي شيرت بكم باللون الابيض و دخلته في البنطلون و لبست كوتشي واطي باللون الابيض و الاسود و لمت شعرها علي شكل ديل حصان.
حياة جاية تنزل لقت لمياء و مريم قاعدين.
حياة: هاي يا بنات، ايه مش ناوين تروحوا؟
لمياء: ليث بيه مأمرش...
حياة: لا انا بقيت تمام الحمد لله و كلها يومين و اجي افك الحبس و هبقي تمام.
مريم: طب نساعدك.
حياة: خالص انا بغير هدومي اهو اينعم بلاقي صعوبة بس عادي يعني هتعود. متقلقوش.
مريم: و ليث بيه.
حياة: ملكوش فيه. انا هتصرف انا. شكرا لانكم اهتميتوا بيا...
مريم: ده واجبنا يا دكتورة و كمان انتي ياما وقفتي جمبنا كتير.
لمياء: و الله كنت زعلانة و انتي تعبانة...
حياة: تسلموا يا عسلات. يلا جهزوا نفسكوا اشوفكوا تحت.
حياة نزلت لقت ادهم قاعد في الجنينة قعدت جمبه.
ادهم: شايفاه مبسوط مع اختك ازاي؟
حياة: عايز تقول ايه؟
ادهم: ليث عمره ما لعب معانا و لا حتى عبرنا. لكنه مهتم باختك و ده يعني ان امرك يهمه.
حياة(بسخرية): يهمه اوي عارفة انا...
ادهم: و انتي مهتمة لامره.
حياة: انا ابدا طبعا لا. مبقاش يلزمني لو بيموت قدامي مش هعبره.
حياة(بصوت عالي): ليث.
حياة قامت جري و راحت ل ليث.
ادهم: واضح يا حياة.
حياة(بخضة): انت كويس؟
حور: اسفة يا عمو ليث مكنش قصدي اكعبلك.
حياة(بقلق): رد عليا انت كويس؟ رجلك مالها وريني...
ليث: خلاص اهدي انا بخير...
حياة(بقلق): لا شكله التواء كاحل. استني اشوف.
حياة بدأت تفتح رباط الجذمة ببطء علشان ايديها و بدأت تفحص رجليه.
حياة: حاسس بوجع.
ليث: اه.
حياة: فين؟
ليث: ها لا مش حاسس بوجع.
حياة: متأكد؟
ليث: اه.
حياة: طيب. الف سلامة عليك.
حياة معرفتش تقوم ليث ساعدها تقوم.
حياة: شكرا.
حياة: لو وجعتك او ورمت قولي و انا هدهنلك مرهم...
ليث: تمام.
ليث مشي و كان بيعرج بس لقي حياة سندته.
حياة: بلاش تكابر و تعمل نفسك مش موجوع...
ليث: في بعض الوجع اللي مبنعرفش نعبر عنه.
حياة: زي وجع الحب ممكن؟
ليث: مجربتوش علشان اقوله ليكي.
حياة: هيجي يوم و هتجربه و ساعتها هتندم اوي.
ليث(لنفسه): نفسي احكيلك بس معنديش الجراءة حياتي.
حياة(لنفسها): بكرهك حقيقي مجربتش وجع الحب قال، انا بس اللي مكتوب عليا اجربه يعني.
حياة طلعت ليث لاوضته و قعدته علي السرير و راحت للحمام و خرجت و هي معاها كريم و نزلت لمستوي ليث.
ليث: هتعملي ايه؟
حياة(بتنهيدة): هعمل واجبي كزوجة.
حياة قعدت و بدأت تدهن كريم ل ليث.
ليث: شكرا.
حياة: تمام. عن اذنك.
حياة غسلت ايديها و خرجت بره الاوضة راحت لاوضة فردوس و خبطت الباب.
فردوس: اتفضل.
حياة: ازيك يا جميل.
فردوس: الحمد لله.
حياة: اكيد عارفة جاية ليه. فهدخل في صلب الموضوع مباشرةً.
حياة: ايه سبب رفضك؟
فردوس: معتقدش واحد هيقبل انه يتجوز واحدة ليها ماضي زيي.
حياة: و كريم ده هواء مثلا؟
حياة: طب ما نازلي حكت لكريم اللي حصل معاها و قالتله ان في واحد حطلها مخدر و كان هيغتصبها و هو تقبل الموضوع لانه مش ذنبها.
حياة: و اللي حصل زمان مش ذنبك. ادي لنفسك فرصة تانية صلي صلاة استخارة.
حياة: ممكن كمان تستني اسبوع و هعملك مفأجاة.
فردوس: ايه؟
حياة: اصبري يا فتاة. و علفكرة باين انه بيحبك.
حياة: بس الصراحة الصراحة انتي واقعة وش.
فردوس: يا واطية انا.
حياة: ايوه انتي.
فردوس رمت المخدة علي حياة.
فردوس: لا مش واقعة، غوري يا بت.
حياة: بتضربيني يا واطية. طب خدي.
حياة رمت المخدة علي فردوس تاني.
فردوس: يا بت اهدي شوية مش عايزة اضربك علشان انتي متخرشمة من كل ناحية.
حياة: انا يا عمري ابدا انا لسة شباب. كفاية اني جميلة مبحبش اتكلم عن نفسي كتير.
حياة: و كمان هفك الجبس بكرة.
فردوس: انتي غبية يا بت معداش كام اسبوع.
حياة: عارفة بس هلبس حاجة تحمي دراعي و خلاص و هتكلم مع ليث و عايزة اروح الشغل.
فردوس: يا حياة اهدي بس.
حياة: ابدا. يلا باي هروح اقعد مع طنط صفاء. و انتي فكري يا قطة.
حياة خرجت و نزلت قعدت مع صفاء.
-في مكان تاني.
عند فتون في المستشفي.
احمد: بجد يعني اخوكي رجع ده هايل اوي.
فتون: طيب يا عم ابقي كلمه بقي.
احمد: يااااه ده صاحبي من زمان اوي.
فتون: ما خلاص يا عم عرفنا.
احمد: طيب يا اختي جهزي نفسك، فرحي بعد بكرة.
فتون: نعم نعم انت مش قولت اخر الاسبوع. و كمان حياة تعبانة.
احمد: لا كلمت حياة قالتلي تمام و قالت هتفك الجبس بكرة.
فتون: طيب يا عم. مبروك.
احمد: الله يبارك فيكي.
فريد: فتون.
فتون: اهلا.
فريد: هاي احمد.
احمد: ازيك يا فريد.
فريد: تمام. يلا يا فتون الحق اوصلك.
احمد: طيب متنساش بقي تيجي الفرح.
فريد: فرح مين؟
فتون: اصل احمد هيتجوز بعد بكرة.
فريد: اه الف مبروك و انا اللي كنت فاكرك عازب.
فتون: هروح اجيب شنطتي.
احمد: علشان كدة مكنتش بطيقني.
فريد: الصراحة اه. بغير علي فتون عندك مانع.
احمد: لا طبعا يا كبير، بس فتون اختي الصغيرة اللي مخلفتهاش امي. تمام.
فريد: هحاول اتقبل الكلام.
فتون: يلا...
احمد: باي.
فريد: باي.
احمد: ماتنسوش و البسي فستان نضيف مش من المعفنين بتوعك.
فتون جريت علي احمد و عضت ايده.
احمد: اه يا بنت ال.
فتون: اشتم اشتم لو قدي اشتم.
احمد: و ربي لاعوضهالك.
فريد: يلا يا عضاضة.
فتون: هتجنن عليك.
فريد: لا و علي ايه؟
فتون و فريد ركبوا العربية و فريد وصل فتون لبيتها.
فريد: باي.
فتون: باي.
-في مكان تاني.
في قصر ليث.
الكل كان مجتمع و بيأكل علي السفرة.
حياة: احم بعد بكرة ان شاء الله فرح حد بعتبره اخويا يعني. و يستحسن تحضروا كلكوا هو قالي كدة.
نعمان: احمد خلاص هيتجوز؟
حياة: ايوه...
فردوس: ده خبر حلو. ربنا يتممله علي خير.
نازلي: هيبقي فين و لا الساعة كام و ازاي احكي تفاصيل.
حياة: عادي يعني قاعة و هنبقي معاه من بدري. حاتم و نعمان هيحضروا معاه من الصبح بس.
ليث: هو كلمني و انا موافق، و الكل معزوم.
تالا: اخيرا هخرج مكان غير تقليدي.
نازلي: ده احنا هننزل تريقة علي العروسة الله.
حياة: بت بطلي اساسا ياسمين قمر، و هو قمرين يعني هما الاتنين لايقين لبعض.
فهد: بعتذر مش هقدر احضر.
حياة: تصدق و لا انا مش قادرة برضو.
فهد: بس ده فرح حد قريب منك.
حياة: و انت برضو قريب مني. بس.
فهد: خلاص يا ستي هأجي.
حياة: تمام. و ادم و ادهم كمان.
ادم: متخافيش جابين.
حياة: ايه رأيك يا طنط؟
صفاء: براحتك يا روحي.
حياة: كدة هيبقي احنا و فتون و اكيد فريد و اهل فتون بحاتم. حد تاني؟
ليث: مش ملاحظة انك بتتكلمي من الصبح.
حياة: اسفة مش هتكلم تاني.
و الكل كمل اكل في صمت...
صفاء: هطلع ارتاح انا.
محمد: حياة عايزك لحظة.
حياة: طيب.
في الجنينة.
محمد: هو حصل ايه بينك و بين ليث؟
حياة: حصل ايه؟
محمد: شايف ان في توتر بينكوا.
حياة: لا يا حبيبي و لا تشغل بالك. احنا كويسين و كمان انت عارف انه بارد نوعا ما و هكذا يعني...
محمد: طيب بس انا موجود في الخدمة علطول.
حياة: عارفة.
ادم: يلا يا حور نننام.
حياة: هو اللي انا سمعته صح و لا بيتهيألي؟
محمد(بضحك): صح...
حياة: مين دول اللي هيناموا؟
ادم: انا و حور.
حياة: اسكت ياض البت مينفعش تنام جمبك و كمان انت منحزف مش بثق فيك...
ادم: بنام باحترامي علفكرة.
حور: ايوه يا حياة ادم مش بيخليني اخاف.
حياة: ليكي اوضة تنامي فيها يا بت انتي.
ادم: حياة فكك مني. يلا يا حور.
ادم شد حور و طلع علي اوضته.
حياة(بصدمة): ده واخدها علي فين ده؟
محمد: اهدي اهدي. يلا اطلعي نامي.
حياة: طيب.
-حياة طلعت اوضتها لقت ليث نايم قربت منه و قعدت جمبه و بدأت تتأمل وشه و مسكت ايده.
حياة: تعرف يا ليث انت قسما بالله تستاهل تموت ديتك معايا رصاصتين.
حياة: جبان و متردد محسسني انك مكنتش مقطع السمكة و ديلها يعني. ده انت كنت كل يوم تتجوز واحدة شكل يعني.
حياة: و لا ليكون العيب فيا، و الله يعني ليكون فعلا.
حياة: انطق انطق اكتر من كدة هقتلك في ايدي.
-حياة كانت هتقوم بس لقت ليث مسك ايديها جامد و قربها منه و نيمها في حضنه.
حياة(بتوتر): ليث انت صاحي؟
حياة: ليث. اوف نايم الحمد لله.
حياة حضنت ليث و نامت هي كمان.
-في الصباح الباكر.
في اوضة ليث و حياة.
ليث قام و ملقاش حياة في الاوضة راح لاوضة الملابس لقاها بتلبس.
ليث: احم احم.
حياة(بخضة): انت صحيت؟
ليث: لا لسة.
حياة مسكت الفوطة و غطت جسمها بسرعة.
حياة: طب اطلع بره بعد اذنك.
ليث: اممم هفكر.
حياة: اطلع عايزة اكمل لبس.
ليث: و يا تري ايه المقابل؟
حياة: ليث بعد ما اخلص لبس ابقي اتكلم. مش هفضل واقفة كدة قدامك.
ليث قرب من حياة. حياة اساسا كانت في الركن.
ليث: و يا تري هستفاد ايه لما اخرج؟
حياة زقته بايدها براحة و هي باصة في الارض.
حياة: هتستفاد انك تكون محترم في نظري. اخرج يلا.
ليث مال علي حياة و بقي قريب من وشها.
حياة(بتوتر): ليث ابعد عايزة اكمل لبس...
ليث: طيب عفوت عنك.
ليث خرج و حياة اتنهدت بعمق و غيرت هدومها بسرعة.
حياة لبست جيبة قصير باللون الاسود و تي شيرت احمر بكم و فيه قلب ابيض و لبست كوتشي ابيض عالي نوعا ما. و سيبت شعرها و حطت روچ بسيط و اختارت شنطة باللون الابيض.
حياة خرجت من الاوضة لقت ليث خارج من الحمام.
حياة: عايزاك بره في موضوع.
حياة خرجت و قعدت في الصالة و استنت ليث و بعد فترة ليث خرج و قعد جمبها.
ليث: خير؟
حياة: احم يعني ان شاء الله هفك الجبس النهاردة. و هرجع الشغل كمان بعد فرح احمد.
ليث: نتكلم في حاجة حاجة.
حياة: تمام.
ليث: بالنسبة للجبس علي حسب الدكتور و هنروح و نشوف رأي الدكتور. ثانيا انا محاسبتكيش علي انك مشيتي الدكتورة و الممرضة من غير اذني.
حياة: انا دكتورة و هفهم اكتر، و انا مشيت الدكتورة و الممرضة لاني اقدر اساعد نفسي و مش محتاجة مساعدة من حد.
ليث: كلام الدكتور اهم منك.
ليث: بالنسبة للشغل اعتقد اتكلمنا فيه و مش عايز اتكلم تاني.
حياة: بطل تحكمات بقي انا بخير و مش محتاجة شفقتك. و بالنسبة للشغل ده شغلي انا و زي ما انت متقدرش تبعد عن شغلك انا كمان مقدرش ابعد عن شغلي.
ليث: بلاش عناد و اسمعي الكلام.
حياة: بحب العناد و كمان انا مش بعاند في حاجة غلط، واجبي كدكتورة اني اساعد الناس علشان تبقي احسن.
ليث: لما تفكي الجبس نبقي نتكلم.
ليث قام و نزل لتحت، و حياة قعدت و هي مش طايقة نفسها.
حياة: ربنا يعكنن عليك يا ليث يا ابن صفاء.
حياة نزلت و لقت الكل متجمع علي السفرة.
حياة: صباح الخير.
الكل: صباح النور.
ليث: في كذا قرار اتأخد.
الكل انتبه ليه و ساب اكله...
ليث: مبدأيا خطوبة كريم و نازلي بعد اسبوع بالظبط.
ليث: فردوس لسة عندك عرض جواز فهد و سايبك تفكري براحتك.
ليث: فريد و فتون هيعملوا الخطوبة بعد نازلي و كريم بيومين.
ليث: دول يعتبروا اهم القرارات اللي اتأخدت.
ليث: يلا يا حياة معايا.
و اول ما ليث و حياة وقفوا و جايين يخرجوا سمعوا صوت ضرب نار.
البنات كلها صرخت...