رواية طبيبة قلبي الجزء الأول للكاتبة سلسبيل كوبك الفصل الرابع عشر
ليث دخل اوضة المكتب و فريد دخل وراه.
ليث(بشوية قلق): في ايه؟
فريد: خدعونا و قلبوا علي فهد و فهد دلوقتي بين الحياة و الموت يا ليث.
ليث بصله بصدمة و كلام فريد سببه حالة ذهول.
ليث(بصدمة): انت مجنون! انت بتقول ايه انت اهبل؟ تعرف اني بكره الهزار.
فريد: لا يا ليث. خدعونا و فهد اتصاب.
ليث(بصدمة): اازاي؟
فريد: انا طلبت انهم يرجعوه حالا.
ليث(بعصبية): طب و مستني ايه؟ انجز انت اللي هتأمنه قبل ما الصبح يطلع يا فريد الاقي اخويا هنا. فاهم؟
فريد: حاضر يا صاحبي.
فريد خرج بسرعة و امن كل حاجة خاصة بالسفر.
ليث حط رأسه بين وشه و قعد فترة مصدوم. و بعدين قام و طلع علي اوضته.
حياة كانت هتنام و هتطفي النور بس لقت ليث داخل و مش علي بعضه، قربت منه.
حياة: مالك؟
ليث و هو ماشي اتكعبل و وقع علي الارض و هو حزين، حياة اتصدمت من اللي حصل و ازاي ليث بقي في الحالة دي. و ركعت علي ركبها و بصت في عيونه.
حياة: حصل ايه؟ اتكلم هترتاح.
حياة اتصدمت للمرة التانية لما لقت دموع ليث علي خده بتنزل ببطئ و كأنه بيقاوم علشان متنزلش.
-(بسمع اغنية حزينة ملائمة للموقف اوي??????).
حياة(بصدمة): ليث مالك حصل ايه؟
-حياة حضنت ليث و ليث مسك فيها جامد و دفن وشه في رقبتها و بيعيط.
حياة: هششش اهدي خلاص. كله هيبقي خير.
ليث(بعياط): ممكن اخسره يا حياة.
حياة(بهدوء): مين؟
ليث(بعياط): فهد. ده مش اخويا ده اقرب مني بكتير. انا بحبه اوي دايما بيشوف اني مش بحبه بس و الله العظيم بحبه اوي و الله العظيم بحبه اوي.
حياة: و هو كمان بيحبك و عارف انك بتحبه متشلش هم، و هيرجع سليم بأذن الله.
ليث(بعياط): ده بين الحياة و الموت.
حياة: طب بص عندي فكرة، تعالي نصلي ركعتين مع بعض. و ربنا يريح قلبك.
ليث شدد علي حياة في حضنه اكتر و زاد عياطه.
حياة: يلا بس قوم قوم.
حياة قامت و قومت ليث و خدته معاها و راحت علي الحمام.
حياة وقفت قدام ليث و قربت منه و بدأت تمسح دموعه.
حياة: مهما حصل خليك قوي. في ناس كتير محتاجينك فاهم.
حياة: يلا اتوضئ.
حياة اتوضت قبله علشان لو مش بيعرف يتعلم و علشان ميتحرجش.
حياة: هستناك هلبس اسدالي.
حياة كانت هتخرج بس قربت منه و باسته علي خده.
حياة: يلا يا بطل.
حياة خرجت و لبست اسدالها. و ليث اتوضي و خرج ليها.
حياة(بابتسامة): يلا.
حياة و ليث بدأوا يصلوا كل واحد بيصلي لوحده بس جمب بعض، و الاتنين قعدوا يدعوا كتير. و خلصوا صلاة. ليث كان محرج من حياة.
حياة: بص ايه رأيك تريح ساعة واحدة بس علشان تقاوم بكرة. يلا مترفضش.
حياة لسة هتقوم بس لقت ليث نايم علي رجليها.
حياة(لنفسها): طب اعمل ايه؟
حياة بدأت تلعب في شعر ليث. و سندت رأسها علي السرير في الارض و ليث نايم علي رجليها.
حياة فضلت صاحية و اطمنت ان ليث انفاسه انتظمت. و قعدت تدعي لربنا كتير.
الشمس طلعت و حياة غصب عنها نامت.
ليث قام و افتكر اللي حصل و بص لقي حياة نايمة.
و اتعدل و قعد بقي مواجه لحياة و رجع بذكرياته شوية.
-Flash back.
ليث رجع من شغله لقي الكل حزين.
ليث: في ايه؟
صفاء(بعياط): ابوك مات يا ليث.
ليث بصلها بصدمة و مشي من قدامهم من غير و لا اي كلمة، طلع علي اوضته قعد علي السرير و هو مصدوم.
و بعد فترة لقي كاميليا بتدخل و قعدت جمبه.
كاميليا: تعرف؟
ليث بصلها علي أمل اتخفف عنه.
كاميليا(بجرأة): هنسيك ابوك في اقل من دقيقة بس سيبلي نفسك يا حبيبي.
ليث(بخيبة امل): بره يا كاميليا.
كاميليا: اسمع مني ده خير ليك لما يموت انت الوريث و هتأخد كل الفلوس و هتتحكم في كل حاجة.
ليث(بحدة): اخرجي بره يا كاميليا.
كاميليا خرجت.
حياة فتحت عنيها لقت ليث شارد و باصص ليها.
حياة: ليث ليث.
ليث: ها؟
حياة: يلا قوم خدلك دوش سريع.
ليث قام و لسة هيمشي.
حياة(بحزن): آسفة اني نمت.
ليث بصلها بصدمة و استغراب و دخل الحمام...
ليث(لنفسه بصدمة): لحظة هي بتعتذر علشان نامت.
ليث بدأ يأخد دوش سريع و هو بيفكر في اخوه.
حياة قامت و غيرت هدومها.
حياة لبست جاكت لغاية الركبة مقفول بس بحمالة عريضة يعني مش بكم كان باللون الاحمر و الاطراف باللون السود. و لبست صندل كعبه بسيط باللون الاسود. و حطت روچ احمر هادئ نفس درجة الفستان. و سيبت شعرها جابته علي الكتف.
حياة: انا معرفش ايه اللي عجبني فيه؟
حياة: يعني يوم ما يكون اخوه متصاب البس كدة.
حياة: لا مينفعش هيفتكر اني شمتانة فيه. لا هغيره قبل ما يطلع علشان ميزعلش.
ليث(بهدوء): البسيه.
حياة(بخضة): انت طلعت؟ امتي؟
ليث: مش مهم. اخرجي هغير.
حياة خرجت و ليث غير هدومه.
ليث لبس بدلة باللون الرمادي و قميص اسود و جذمة سوداء و حط البرفيوم بتاعه و سرح شعره.
ليث خرج لقي حياة مستنياه.
حياة: يلا.
-ليث و حياة نزلوا. و اول ما وقفوا علي السلالم لسة ليث هينزل. لقي حياة بتشبك ايديها في ايده و بتضغط عليها كنوع من الدعم. بصلها ردتله البصة بابتسامة جميلة.
حياة(بهدوء): يلا.
حياة و ليث نزلوا و تالا شافتهم و لفتت انتباه الكل. و صفاء و محمد انبسوطوا اوي من منظرهم.
كاميليا(بغضب): ابعدي ايدك عن حبيبي.
ليث(ببرود): و اكون حبيبها هي كمان لانها مراتي...
ليث تجاهل كاميليا و قعد و حياة قعدت جمبه. و الكل راح قعدوا علي السفرة.
ادهم: شكلك حلو يا حياة.
حياة: شكرا يا ادهم.
صفاء: انا مبسوطة اوي اوي.
حياة: يا رب دايما.
ليث ركز مع حياة و مكلش و كاميليا باصة ل ليث بغضب.
حياة(بتركيز): ليث انت مكلتش كل.
ليث: طيب.
ليث بدأ يأكل و الكل يأكل.
ليث: عن اذنكوا.
حياة: ثانية.
حياة خرجت مع ليث للجنينة.
ليث: ايه؟
حياة(باحراج): خلي بالك من نفسك و مترهقش نفسك. و طمني علي فهد و ارجعوا بسرعة.
-حياة كانت هتجري من قدامه بس هو مسكها من ايديها و شدها ناحيته بسرعة و كانت هتقع بس لحقها و هي مسكت في القميص بتاعه بسرعة.
ليث: افهم ايه من كلامك؟
حياة(بتوتر): ااا نن نني.
ليث: انك؟
حياة(بتوتر): وضعيتنا غلط كدة.
حياة زقت ليث و بعدت عنه.
حياة: متنساش. باي.
حياة سابت ليث و جريت لجوا بسرعة. و ليث ابتسم بس بسرعة خفي ابتسامته و ركب العربية و الحراسة محيطة بيه من كل الجاهات و هو في النص.
-في مكان تاني.
في بيت حياة.
نعمان: يا سيدات يا نساء البيت.
نازلي: عايز ايه؟
نعمان: انا نازل الدرس باي.
نازلي: فطرت؟
نعمان: اه حاجات بسيطة.
نازلي: اخبار حنين ايه؟
نعمان: مجتش الدروس امبارح...
نازلي: طب ابقي اطمن عليها بقي و طمنا.
نعمان: نازلي خشي نامي.
نازلي قعدت تضحك علي نعمان. و نعمان سابها و نزل...
فردوس(بنوم): صباح الخير.
نازلي: اغسلي وشك اغسلي.
فردوس: راحة يا اختي.
فردوس غسلت وشها و خرجت قعدت هي و نازلي يتكلموا. و بعدين لقوا حور صحيت.
حور: اوف بقي.
فردوس: مالك؟
حور: عايزة اكل و عايزة العب في الشارع.
نازلي: من امتي بنلعب في الشارع، لا مفيش لعب.
حور: طب عايزة اشوف حياة.
فردوس: قريب يا روحي.
حور: كدة كتير من ساعة ما اتجوزت مشوفتهاش غير يوم...
نازلي: عقبالك.
حور: لا هفضل معاكوا.
فردوس: قلبي بحبك.
نازلي: طب و انا.
فردوس: يا غيورة اكيد بحبك.
حور: اكتر مني؟
فردوس: لا طبعا.
نازلي: و النبي؟
فردوس: بس بس حياة كانت بتتعامل معاكوا ازاي ايه ده.
حور: انتي مكنتيش عايشة معانا يعني.
فردوس: بس بس.
تليفون نازلي رن.
الخط اتفتح.
نازلي: الو ازيك.
بنت: ازيك يا نازلي؟
نازلي: الحمد لله. اخبارك انتي ايه؟
بنت: كويسين بقولك فاضية؟
نازلي: اه بس ليه.
بنت: كويس انا و الشلة جاين نطمن عليكي.
نازلي: طيب تنوروا. بس مين بالظبط اللي جاي؟
بنت: كريم و صحابه و انا و صحابي شلتنا يا بنتي.
نازلي: طب ثانية.
نازلي(بهمس): صحابي جايين اقولهم ايه؟
فردوس: ماشي.
نازلي(بهمس): فيهم ولاد؟ بس هما من الدفعة يعني متفهمنيش غلط.
فردوس: طيب بس لازم نعمان يبقي موجود.
نازلي: اهلا يا حبيبتي. انتوا جايين امتي؟
بنت: بعد بكرة او بكرة محددناش بس هقولك كل حاجة.
نازلي: طيب مستنياكوا متتأخروش.
بنت: هبقي اكلمك و اقولك مين جاي بالظبط و كدة.
نازلي: تمام يا روحي.
بنت: باي.
نازلي: باي.
فردوس: ابقي قولي لحياة ممكن تيجي.
نازلي: طيب.
حور(لنفسها): في اليوم ده بقي انزل. هيصة.
فردوس: يلا هقوم اشوف نتغدي ايه.
نازلي: هقوم اذاكر شوية.
حور: هتفرج علي التلفزيون.
و كل واحدة راحت تشوف هتعمل ايه...
عند نعمان.
كان لسة الدرس مبدأش و هو مستني حنين.
و لقاها جاية بس ماشية لوحدها.
نعمان: حنين حنين.
حنين: نعم يا نعمان.
نعمان: مالك؟ حصل حاجة امبارح؟ مجتيش ليه؟ انتي كويسة؟
حنين: بعد اذنك يا نعمان كامل ممكن يعملك حاجة بلاش تقرب مني. عن اذنك.
حنين كانت لسة هتمشي بس نعمان مسكها جامد.
نعمان: طب و ربي يا حنين لتحكي حصل ايه و تحكي الحكاية كلها. لاما هعمل حاجة تزعلي عليها.
حنين(بخوف و توتر): الدرس؟
نعمان: مفيش درس. يلا.
نعمان خد حنين و راحوا كافتيريا.
نعمان: احكي، بس استني تطلبي ايه؟
حنين: عصير.
نعمان: عصير ايه؟
حنين: اي حاجة؟
نعمان: لو سمحت اتنين عصير مانجا...
نعمان: احكي.
حنين: انا عايشة في بيت عائلة تمام بابا قبل ما يموت خلاني اتخطب لابن واحد صاحبه و الكل موافق. انا وافقت علشان بابا. و لما بابا مات انا و ماما قررنا نعزل و انا فسخت الخطوبة بابا كان هيخليني اتخطب ليه بس علشان يحميني انا و ماما. و هو دلوقتي بيدور عليا و انا مش عايزاه بس.
نعمان: دي كل الحكاية.
حنين: ايوه.
نعمان: مبدأيا انسي انه ممكن يعملي حاجة او يعملك حاجة، و لو في اي حاجة انا واقف في ضهرك فاهمة.
حنين: طيب. شكرا.
نعمان: مفيش شكر بين الحبيب و حبيبته.
حنين بصتله بصدمة.
حنين(بصدمة): بتقول ايه؟
نعمان(بابتسامة): انا حبيتك عندك مانع.
حنين(باحراج): عايزة اروح.
نعمان: عيوني.
نعمان خد حنين و روحها بيتها و راح لبيته...
-في مكان تاني.
عند ليث.
فريد بعت ل ليث مكان المستشفي. ليث وصل.
دخل بكل قوة و برود عكس اللي جواه. و وصل لاوضة اخوه.
فريد: اتصاب في دراعه يا ليث.
ليث: هخش ليه.
ليث دخل و قعد علي الكرسي جمب فهد.
ليث(بحزن): آسف انا اللي بعتك. آسف و الله. سامحني.
ليث(بحزن): فوق و كلمني. ارجوك.
الدكتور: ليث بيه.
ليث: خير؟
الدكتور: هو حاليا تحت تأثير مخدر مش هيفوق حاليا.
ليث: تمام شكرا.
ليث ساب الدكتور و خرج.
ليث: فهد زود حراسة علي اوضة فهد. و حط حراسة حوالين المستشفي. و محدش يدخل غير الدكتور فاهم.
فريد: تمام.
ليث: و انا كلامي مع الكلب اللي اسمه شريف.
فريد: اهدي بس الاول. شريف مستخبي خايف منك.
ليث: هخليه يخاف اكتر و اكتر.
فريد: انا معاك.
ليث: عملت ايه في موضوع العيال الصايعة؟
فريد: تحت السيطرة.
ليث: تمام معلش متقل عليك.
فريد: متقولش كدة يا صاحبي.
ليث: طيب.
فريد: انا هشتغل في الشركة من مكاني.
ليث: طيب. و انا هروح الشركة حاليا باي.
ليث طلع و ركب عربيته و راح علي الشركة.
ليث بدأ يشتغل بجد و كل تفكيره مع اخوه و حياة.
ليث: اتصل بيها و لا لا؟
ليث: لا هي مين ااساسا؟
ليث: بس برضو هي ريحتني نوعا ما امبارح.
ليث: يا الله. اعمل معاها ايه دي؟
ليث: انا هطلقها و هبعد عنها كفاية اللي هي عملته امبارح مش هكلمها تاني.
ليث: انت متأكد؟
قلبه: يا تري من ايه؟
عقله: لا مش اللي بتفكر فيه.
قلبه(بسخرية): اومال شاغل بالك ليه و بتفكر فيها.
عقله: لا لا مش شاغل نفسي خالص...
ليث: اوف ما تسكتوا.
قلبه: انت في مرحلة الاعجاب يا ليث.
عقله(بسخرية): انا ليث و هعجب بيها. لا طبعا.
قلبه: متسمعش كلام ابن الجذمة دي و اسمعي كلامي.
عقله: اسمع كلامي انا.
قلبه: لا كلامي انا.
عقله: لا انا.
ليث(بصوت عالي): بس بس بقي ايه القرف ده. منك لله يا حياة.
قلبه: شوفت انا اتوجعت علشان دعيت عليها...
عقله: امشي يا ضعيف يا ابن ال...
ليث: يا رب الصبر.
ليث لقي تليفونه رن. الخط اتفتح.
ليث: الو يا حياة.
فريد: حياة مين انا فريد يا ابني؟
ليث شتم نفسه مية مرة و لعن حياة كتير.
فريد(بخبث): ايه الصنارة غمزت؟
ليث(ببرود): عايز ايه يا فريد؟
فريد: طيب طيب. مفيش كنت بطمن عليك.
ليث: طيب اقفل.
ليث: غبي.
-في مكان تاني.
في القصر.
تالا: يا الله علي الروايح.
ادهم: ايه ده يا حياة؟ حلوة اوي.
حياة(بخيبة امل): اتريقوا اتريقوا دي تالت واحدة و تطلع محروقة سودة فحمة...
ادهم: فاشلة.
حياة: بس بقي.
ادم: ادهم تعالي.
ادهم: حاضر جاي.
ادهم(بهمس): ادم بيعرف يعمل كيك حلو خليه يعمل.
حياة: بجد الله هروح.
حياة جريت علي ادم.
ادم(بشوية قلق): في ايه اهدي؟ حصل ايه؟
حياة: محتجاك ضروري اوي.
ادم: حصل ايه؟
حياة: يرضيك اعمل 3 كيكات و يتحرقوا. و اعرف ان في شيف بيعرف يعمل كيك ممكن تعلمني.
ادم(ببرود): لا. و قولي للي قالك لو مستغني عن لسانه يقولي.
حياة: طب انا بقي بتحداك انك مش بتعرف تعمل حاجة كله كلام.
ادم: متتحدنيش.
حياة: بتحداك.
ادم راح علي المطبخ تحت نظر تالا و ادهم و حياة. و التلاتة ضحكوا لبعض و هما مبسوطين لانهم خلوا ادم يخش يعمل الكيك...
و شافوا ادم و هو بيعمل الكيك و بعد ما خلص طلع الكيكة.
حياة: الله ايه الروايح دي يا واد يا دومي.
حياة: لازم ادوق هات هات.
تالا: و انا انا برضو زي عمتك.
حياة بدأت تأكل و مصدومة من الطعم.
حياة: علمني و النبي.
حياة باست ادم علي خده.
حياة: شكرا ليك اوي. لازم اتعلم.
كاميليا(بغضب): انتوا مشغلين ولادي؟
حياة: لا.
تالا: ايوه بناكل من ايد ادم.
كاميليا: ابعدي عن ولادي يا ست يا حرامية انتي.
ادهم: امي محصلش حاجة.
كاميليا: جابتك في صفها ضدي.
حياة: ليه بتتعاملي معايا علي اني عدوتك؟ انا بحب الكل و لازم انتي كمان تحبي الكل.
كاميليا: طيب.
كاميليا مسكت طبق ازاز و ضربته علي دماغ حياة.
ادم(بغضب): اطلعي بره.
كاميليا: ادم.
ادم(بغضب): بره.
تالا(بصدمة): حياة حياة انتي بتنزلي دم.
حياة: اآآآآآآآه. في ازاز في شعري اه.
ادهم: تعالي اقعدي.
قعدوا حياة علي الكرسي.
صفاء دخلت واتصدمت.
صفاء: مين عمل كدة؟
تالا(بدموع): الحيوانة كاميليا.
حياة(بعياط): هششش اهدوا محصلش حاجة.
ادم و ادهم بدأوا يشيلوا الازاز اللي في شعر حياة...
حياة(بعياط): لا لا بليز.
ادم: اهدي هسحبها براحة.
ادم و ادهم بدأوا يعالجوا حياة و يطهروا جروحها. و ربطوا رأسها بشاش...
ادم: احسن.
حياة(بدموع): اه شكرا.
حياة باست ادم و ادهم.
صفاء(بعياط): انا اسفة يا بنتي.
حياة: و لا يهمك انا بخير. عن اذنكوا.
حياة طلعت و حست بتقل في رأسها و نامت علي السرير بهدومها...
تالا: يرضيك كدة يا ادم.
ادم: لا و انا هتصرف معاها.
صفاء: لازم نقول ل ليث. ده غباء و ليث هو اللي هيعرف يوقفها عند حدها.
ادهم: شوفوا حياة عايزة ايه...
و كل واحد راح مكانه، و بعد فترة ليث جه.
ليث: فين حياة؟
صفاء: في اوضتها يا حبيبي.
ليث: طيب جهزوا الغداء.
صفاء: ماشي.
تالا: اول مرة يسأل عنها.
صفاء: ربنا يستر لما يشوف رأسها مربوطة.
ليث طلع لاوضته و دخل يشوف حياة. لقاها نايمة بعمق.
ليث قرب منها و نام جمبها و وشه في وشها.
ليث: يا الله علي اللطافة.
ليث قرب من حياة اوي و مسك رأسها جامد و (لخيالكوا)...
حياة صحيت بسرعة بسبب وجع رأسها و بسبب ليث. و زقته كتير بايديها.
ليث حس بايديه فيها حاجة بعد عن حياة لقي دم.
حياة(و هي بتأخد نفسها): ااا ييه اا لل ي اا ن تت عمم لت هه دهه. (ايه اللي انت عملته ده).
ليث(بقلق): ايه الدم ده؟ و ليه رأسك مربوطة بشاش.
حياة(بتوتر): اه انت هتسيب بقي اللي عملته و هتمسك في كدة.
ليث(بحدة): انطقي حصل ايه؟
حياة: مفيش وانا واقفة طبق وقع عليا بس.
ليث: و المفروض هصدقك. دي بايد حد.
حياة: لا خالص.
ليث(بحدة): انجزي انطقي مين اللي عمل كدة...
حياة: مفيش.
ليث: طيب طالما مش عايزة تقولي براحتك.
ليث ساب حياة و دخل الحمام و قفل الباب وراه بغضب و حياة اتخضت لما قفل الباب.
حياة قامت و ظبطت هدومها و لفت رأسها تاني بشاش جديد.
ليث دخل اوضة الملابس و موداش لحياة اي اهتمام.
حياة: اخبار فهد ايه؟
ليث(ببرود): متدخليش في اللي ملكيش فيه...
حياة: ليث انت ليه زعلان؟
ليث(ببرود): مش هيجي علي اخر الزمن انتي تزعليني.
حياة(برفعة حاجب): و مين جاب سيره اني اللي مزعلاك.
ليث(ببرود): ابعدي عن وشي.
ليث ساب حياة و نزل، و حياة نزلت وراه.
و بعد فترة حياة لاحظت ليث رايح مكان غريب عليها في القصر.
حياة: عن اذنك يا صفصف.
صفاء: طيب براحتك.
حياة قامت ورا ليث لقته بيدخل مكان ممر كدة لوحده و المكان هادئ اوي و باب كبير ليث دخل منه، حياة لحقته و فتحت الباب براحة لقت مكتبة كبيرة جدا فيها الالاف من الكتب و كل الانواع و كل اللغات، و في مكتب و في كنبة و حاجة زي شازلونج و كان في شوية مخدات في النص.
حياة لقت ليث اختار كتاب، و قعد في نص الاوضة.
حياة قربت منه براحة.
ليث(ببرود): مش محتاجة تمشي براحة لاني عارف انك موجودة.
حياة(بارتباك): ها؟ لا هو ايه...
و بعدين ليث شد حياة قعدت في حضنه و ضهرها لبطنه.
حياة(باحراج): لو سمحت سيبني هقوم.
ليث فتح الكتاب و هو محاوط حياة. حياة لمحت اسم الكتاب.
حياة: دي رواية؟
ليث: اه.
حياة: و رومانسية كمان.
ليث: لسة مشوفتش.
حياة: اسمها عشق الليث.
ليث(بتوتر): مخدتش بالي.
حياة سندت علي ليث اكتر و هو ضمها ليه اكتر...
حياة: هتقرأ و لا اقرأ انا.
ليث: متعرفيش تقرأي بعينك.
حياة: خلاص فهمت...
ليث و حياة بدأوا يقرأوا الرواية و الصمت مالي المكان...
و فجأة الباب اتفتح...
السؤال: مين اللي فتح؟