رواية صفقة زواج للكاتبة سهام صادق الفصل الحادي والعشرون
كانت تجلس هي ووالدته يتثامرون ويضحكون
أمينه بحب: هههههههههه، كفايه كده يافرح خلاص مش قادره من كتر الضحك
وفي تلك اللحظه دخل عليهم كريم وعلى وجهه ابتسامه جميله: ياسيدي ياسيدي ناس عماله تضحك، وناس مطحونه من الشغل
امينه: ربنا يعينك ياحبيبي، ثم نظرت لفرح وقالت روحي يلا ياحببتي مع جوزك ساعديه عشان يغير هدومه وياخد حمام دافي
ذهبت مع زوجها بحب، جلس كريم على السرير بتعب ومدد جسده.
كريم بتعب: معلشي ياحببتي طلعيلي هدومي وحضريلي الحمام
فرح: من عنيا ياحبيبي
بعد ان فعلت ما طلبه منهاا
فرح: هروح حضرلك العشا
نظر لها كريم وابتسم، وذهب ليأخذ حمامه
ام محمد: خلاص ياحنان متعيطيش يابنتي، ان شاء الله ربنا هيشفهولك.
حنان (وهي احد الخادمات): الدكتور بيقول ان العمليه لازم تتعمل في خلال اسبوع، وهتكلف 50 الف جنيه انا مش عارفه اجيب الفلوس ديه ازاي ومنين، ياارب ساعدني انا ماليش غيرك، وبدأت تزداد في البكاء ثانية، وفي تلك اللحظه دخلت فرح عليهم
فرح: حنان ممكن تحضري، وقبل ان تكمل كلامها وجدت علامات الحزن والبكاء على وجهه حنان
فرح بحنان: مالك ياحنان انتي كنتي بتعيطي
حنان: ابدا يافرح هانم، حضرتك عايزاني في ايه.
ام محمد: اصل ابنها يابنتي عنده ثقب في القلب ياحبيت عيني ربنا يشفيه، والعمليه لازم تتعمل خلال الاسبوع ده
نظرت فرح لحنان ووجدتها تبكي بأسي شديد
فرح: سيبي كل امورك على ربنا وهي ان شاء الله هتتحل قولي بس ياارب وتوكلي عليه، ثم قالت لها بحب قومي روحي لابنك وخليكي جنبه هو محتاجك دلوقتي، وياستي انا ان شاء الله هقول لكريم واكيد هما في الشركه بيتعاملوا مع مستشفي خاصه
نظرت لها حنان بحب: ربنا يخليكي يافرح هانم.
فرح بعتاب: تاني هانم ديه
حنان: والله انتي طيبه اووي، ربنا يجزيكي خيرويكرمك ياااارب
فرح: طيب يلاا روحي بقي لابنك وخليكي معاه لحد مايخف
حنان: طيب احضرلك العشا لاستاذ كريم، وبعدين امشي
فرح: ياستي انا هحضره، متشغليش بالك
نظرت لها حنان بأمتنان شديد، ورحلت
الداده: ربنا يبارك فيكي يابنتي، هاتي انا أحضر العشا وانتي روحي ارتاحي
فرح بحب: لا ياحببتي روحي انتي خدي دواكي وارتاحي
الداده: يابنتي وقبل ان تكمل اعتراضهاا.
فرح بدعابه: احنا قولنا ايه، انتي هتروحي ترتاحي وانا هحضره قولي (حاضر بقي
الداده بضحك: ماشي ياستي، تصبحي على خير
اعدت لزوجها الطعام، وجلست معه وهي مبتسمه
كريم: مش هاكل غير لما تاكلي معاياا
فرح: والله اكلت انا وماما ياكريم، وشبعانه كل انت ياحبيبي بالهنا والشفا
كريم بزعل مصطنع: يبقي مش هاكل بقي
فرح بحب: حاضر
وبعد ان انهوا طعامهم.
كريم بدعابه: ده اكل عصافير إلى كنتي بتاكليه ده.
فرح بضحك: اعملك ايه انت إلى غصبت عليا، وانا مرضتش ازعلك
فرح بطفوله: بما انك جاي النهارده بدري، تعال نقعد نتفرج على اي برنامج مع بعض او اي فيلم او حتى كرتون
كريم بضحك: هههههههههههههه كرتون، ماشي ياستي
وبرغم تعب كريم وارهاقه في العمل، جلس معاهاا ليشاهدوا احد البرامج المضحكه
كانت تضع راسها على احد كتفيه وتضحك: هههههههههههه، برنامج جميل اوووي، ثم نظرت لوجهه وجدته بدء يتثاوب
فرح بحب: قوم ياحبيبي نام.
كريم بتعب: لا عادي خلينا ساهرنين شويه
فرح: لاء كفايه كده عشان شغلك وجامعتي
نظر لها كريم بحب وصعدوا إلى غرفتهم
انت قولتلها كده ياشادي، ده انا كنت فاكرك بتحبها
شادي وهو يدخن وبدء عليه السكر: احب مين يابني، انا مش بتاع حب هي إلى هابله
معتز: اصل ياسمين اكتر واحده فضلت معاك، ده تقريبا سنه انا قولت اكيد بتحبها، ده انت اكتر واحده قاعدة معاك كان اخيرها اسبوع وبالكتير شهر.
شادي: سيبك من السيره ديه، مش ناقص وجع دماغ، صحيح عرفتلي حاجه عنها من صاحبك ده إلى بتقول عليه دكتور عندهاا
معتز: اوبااا تصدق نسيت اكلمه، بكره هكلمهولك
شادي بضيق: عايزك تنجز وتعرفلي اي حاجه عنها، والايام إلى بتروح فيها الجامعه وامتا كمان فاهم
معتز: فاهم ياكبيييييير
ديه كل الملفات إلى طلبتها يا بشمهندس عمر، اي اوامر تانيه
عمر: لاء يا احمد شكراا، وقبل ان ينصرف احمد.
عمر: ممكن ثواني يا احمد عايز اتكلم معاك شويه
احمد بدهشه: خير يافندم
عمر: انا هكلمك كأخ لأخه وعايزك تجاوبني عن شكوكي ممكن
نظر له احمد وانتظر ان يبدء كلامه.
عمروبعد فتره من الصمت: انت كنت بتحب فرح يا احمد
نظر له احمد بحزن ولم يتحدث.
عمر: على فكره يا احمد، والي ناس كتير متعرفهوش، فرح كانت مرات كريم قبل ما تيجي تشتغل معاكواا.
نظر له احمد بصدمه: كانت مراته، ثم بدء يتذكر منظرها وضيقتها عندما كانت تسمعهم وهم يتحدثون عنه وعن شيرين
احمد: طب ازاي وهو كان خاطب انسه شيرين
عمر بتنهد: ديه قصه طويله، بس انا عارف انك راجل يا احمد وشخص محترم واكييد هتتفهم الموقف.
احمد بحزن: مقدرش اقولك اني نسيتها، بس اكيد مبقتش متعلق بيها زي الاول لانها دلوقتي مش من حقي ولا انا من حقي افكر في انسانه متجوزه او اخون الانسانه إلى انا مرتبط بيهاا، بس ممكن اسألك سؤال انت عرفت ازاي اني بحبها، مع ان اصلا هي متعرفش حاجه
عمربأبتسامه: احنا شباب زي بعض، واكيد بنفهم نظرات بعض
في الحب
احمد بأبتسامه حزن: يااا لدرجادي كنت مفضوح.
عمر: مهما خبينا جوانا، نظرة عينينا دايما بتفضحنا اول ما بنشوف إلى بنحبه
نظر لها احمد وابتسم، ثم رحل وهو ينوي ان يبدء حياة جديده مع ابنة عمه وينسي كل مامضي ويتمني لها السعاده
كان ينظر عليها بأعين متفحصه، ويتطلع عليها بنظرات بذيئه
ياسمين بضيق: مش المفروض لما الست مرتك متبقاش موجوده، يكون عندك دم وتخرج
رمزي ببرود تام: واخرج ليه، اما ممكن نقعد مابعض ياحلوه ونتبسط كمان.
ياسمين بحده وقد فهمت مايرمي له: ياااريت تتفضل تخرج، ومتورنيش وشك غيرلما ماما تيجي
رمزي بضحك: هههههه حيلك حيلك ياختي وبراحه علينا، ثم بدء يقول بنعومه وهو يقترب منها: بس هخرج عشان خاطر عيونك ياقطه
وقبل ان تبتعد ياسمين عنه، ابتعد هو وضحك
رمزي بضحكه مستفزه: سلام ياحلوه.
ياسمين بضيق: ربنا يسامحك ياماما، على إلى عاملتيه فيا فيكي، حاسه اني قربت ارتكب جريمه في الشخص إلى لا يطاق ده.
كان نائم على رجليهاا، وتلعب في خصلات شعره بحنان
كريم بأسترخاء شديد: حاسس اني مهدود، الصفقه الجديده بقيت واخده كل وقتي
فرح: ربنا يعينك ياحبيبي، ويوفقك
كريم بحب ويمسك يدها ويقبلها: ربنا يخليكي ليا ياحببتي
فرح بتردد: كريم انا عايزه اطلب منك طلب، او بالأصح خدمه هتعملها لحد وانا واثقه انك ياحبيبي مش هترفض
كريم وبدء يعتدل من جلسته تلك: قولي ياحببتي عايزه ايه
وبدأت تقص عليه تلك الطلب.
كريم: طيب مقالتليش ليه، على العموم خليها بكره تروح المستشفي الخاصه بالمجموعه، وانا هكلمهم يعملوا اللازم
فرح بحب وهي تقبل خدهه: كنت واثقه، ان حبيبي عمره ماهيتأخر على مساعده حد
كريم بحب وهو يلمس على شعرها: طب وحبيبي الجميل مش محتاج حاجه مني، انا عارفه الايام ديه مقصر معاكي ومش مهتم بيكي
فرح بحب: عارفه انك مضغوط في الشغل وانا عذراك، وكمان انا هحتاج ايه ربنا يخليكي لياا.
رندا: استاذ باسم شاكر مستني حضرتك بره
كريم: طيب يارندا، ممكن تدخليه
كريم بترحيب: اهلا اهلا ياباسم، نورت ومبروك على الخطوبه ربنا يتمملكم على خير انا عارف انها جات متأخره بس اعذرني
باسم: ولا يهمك، الله يبارك فيك
كريم: اكييد جاي بخصوص المشروع الجديد
باسم: انا جاي بخصوص حاجتين (الحاجه الاول هي فعلا بخصوص المشروع، اما الحاجه التانيه فده بقي يااريت تقبل عزومتي على العشا عشان نتكلم فيها.
كريم بتفهم: ماشي ياسيدي، نبتدي بالحاجه الاولي دلوقتي
في مكان اخر تماما...
اعملي حسابك، هتنزلي معايا مصر بعد شهر، ومافيش نقاش
نور: هننزل مصر ليه، ثم بدأت تفهم لماذا والدتها قررت النزول ثانيه
نور: ممممممممم، طبعا اكيد ماجده هانم بتفكر في حاجه تخلي ابن أختها ومراته ينفصلوا
ماجده بغضب: بنت، انتي ازاي تتكلمي معايا كده.
نور بضيق: بصي ياماما سفر ومش هسافر، سيبي كريم في حاله ياشيخه حرام عليكي انتي ايه مبتحبيش تشوفي اي حد مبسوط في حياته
قالت نور كلمتهاا هذه، ثم انصرفت
ماجده: اه يابنت الغابيه، هتفضلي طول عمرك غابيه، بس لو كنتي ضايعتيه من ايدك قبل كده، انا مش هسمحلك تضيعيه تاني، وانا المرادي إلى هتصرف
كريم بضيق: ازاي حصل الحريق ده، افهم ايه وبتاع ايه اقفل انا جاي حالا
عمر بخضه: في ايه ياكريم.
كريم بضيق: المزرعه حصل فيها حريق، للمره التانيه
عمر: انا قولتلك المره إلى فاتت، اكييد بفعل فاعل
كريم: انا لازم اسافر دلوقتي المنصوره واطمن على المحصول واشوف الموضوع ده
عمر: هتسافر حالاا، طيب والاجتماع مع الشركه الفرنسيه
كريم: احضره انت، ياعمر معلش
ممممممم، ديه المعلومات إلى جمعتهاا عنهاا
معتز: اي خدمه ياسيدي
شادي بأبتسامه: اخيرا عرفت اوصلك يافرح، ماشي ياحلوه اما وريتك.
معتز: اشمعنا البت ديه هي إلى شغلاك، ايه شكل السناره غمزت ولا ايه
شادي بضحك: غمزت ايه يابني، بس انت عارف لما حاجه بتعجبني لازم ادوقها واجربهاا
معتز بضحك: هههههههههههههه، ايوه بقي ياكبير هنيالك
شادي بصوت هامس: اشمعنا هو، ما انا كمان لازم اجربك بس ياخساره سابقني (ثم بدء يتذكر يوم انا رئها تخرج معه من المطعم وتركب بجانبه السياره
نورت ياكريم بيه المزرعه نورت
كريم: ربنا يخليك ياعم حسن، فين استاذ فهمي.
فهمي بخوف من رد فعل كريم: انا هنا يا كريم بيه، صدقني يافندم وقبل ان يكمل كلامه
كريم بحده: المره إلى فاتت انا سبتلك الموضوع ووثقت فيك، بس المرادي انا بنفسي إلى هشوف الموضوع، ديه تاني مره في نفس السنه
فهمي بخجل: إلى تشوفه يافندم
ظل كريم يتابع المكان وينظر عليه بتعجب: ازاي النار وصلت للمخزن، وفين المسئول عن المخزن
فهمي: حصله شويه حروق، وهو في المستشفي دلوقتي.
كريم: ياخد اجازه، ومرتبه شغال عادي، وتكاليف المستشفي تدفعله مفهوم
فهمي: مفهوم يافندم، احنا مبلغناش البوليس واستنينا حضرتك لما تيجي
كريم: تمام، ثم التفت على صوت احد الاشخاص
المنشاوي: اهلا اهلا بكريم باشا، منور المزرعه كلهاا، والمنصوره بحالها
كريم: اهلاا بيك يا منشاوي باشاا
المنشاوي: والله انا زعلت لما سمعت بالموضوع
كريم: قدر الله وماشاء فعل
المنشاوي: بس معرفتوش ايه السبب.
كريم: والله لساا، بس الحمدلله جات بسيطه
المنشاوي: لو احتجت اي حاجه انا في الخدمه عن اذنك
انصرف المنشاوي ومعه احد رجاله
المنشاوي بضيق: الغبي قولتله في المخزن الكبير، مش ده غبي
احد الرجال: متضيقش ياباشا نفسك، المره إلى جايه تبقي في المحصول
المنشاوي بضيق: اغبيه، انا مش عايز مشاكل، انا عايز بس اكرهه في المزرعه بمشاكلهاا لغايت لما يبيعها، مش اروح في داهيه محصول ايه ياغبي ويبقي سين وجيم بقي.
كريم بأسف: غصب عني ياحببتي سافرت فجأه، معلش في شويه مشاكل في المزرعه وعلى بكره ان شاء الله هتلاقيني في القاهره
فرح: ماشي ياحبيبي، خلي بالك من نفسك ومتقلقش علينا احنا كويسن، وابقي طمني عليك
وبعد ان انهي مكالمته، وجد احد العمال يأتي اليه وينهج من الجري
العامل: عرفت يافندم مين، إلى كان ليه دخل في الموضوع
ظل ينتظرهاا ولكن بدون جدوي، إلى ان رأي
ياسمين بحب: كنت متأكده وواثقه اني مش ههون عليك.
شادي وقد نسي أمر ياسمين تمام: ازيك ياياسمين، عامله ايه
ياسمين بحب: وحشتيني اوووي ياشادي، اوعي تبعد عني تاني
شادي: ياسمين احنا قولنا ايه بلاش تصرفاتك ديه، لان كل حاجه بينا انتهت
ياسمين بضيق: اومال انت جاي ليه، ها فاهمني
شادي: كنت جاي لواحد زميلي، وماشي عن اذنك
ثم ركب سيارته وانصرف وتركهااا وهي وسط ذهول تام من تصرفاته
كانت تتلملم في الفراش، ثم بدأت تستيقظ
كريم: صباح الخير ياكسلانه.
فرح بثاوب: هي الساعه كام دلوقتي، وانت جيت امتا من السفر
كريم ويلمس وجهها بحنان: لسا واصل، وياستي الساعه 12 الضهر
فرح: ياخبر، هو انا نمت كل ده
كريم: وطبعاا مروحتيش جامعتك النهارده، ما انتي قولتي بقي هو مسافر واغيب براحتي بس ماشي
فرح بضحك: ههههههههههه، هو يوم واحد بقي ياكيمو متدقش
كريم: ثبتيني بس برضوه، الدراسه وخط احمر مافيش تقصير فيها فاهمه
فرح: حاضر، صحيح عاملت ايه في المزرعه، وعرفت ايه سبب الحريق.
كريم بتنهد: اه عرفت السبب، ثم نظر لها بحنان: متشغليش بالك انتي، ممكن بقي حبيبي الجميل يطلعلي هدومي لغايت لما اخد شاور عشان اروح الشركه
فرح: حاضر
كان ينتظر خروجهاا، ثم بدء يتابعها، إلى ان رئها تدخل احد الاماكن
شادي بتفحص وهو ينظر للمكان: ملجئ الاطفال.
كان يشاهدها وهي تجلس وتلعب مع الاطفال بروح برئيه، ايعقل ان اكون احببتها وتعلقت بها، لاا انا لا احب اي امرأه كلهنا عاهرات، كان بين صراع كبير بين نفسه، فقلبه يقول له: انت تحبها
اما عقله فيقول: كلهنا واحد فرح مثل امك مثل ياسمين مثل اي امرأه كلهنا خائنات
افاق من شروده عندما وجد احد الاشخاص يدخل نفس المكان، نعم فأنه نفس الشخص الذي رئه مسبقاا
العقل: ارئيت، فاهي مثلهم.
ظل ينتظر خروجهاا، وبعد فتره وجدها تخرج معه وهي مبتسمه وتمسك يدهه بحب، ثم ركبت بجانبه السياره وذهبوا
شادي: طلعتي زيهم يافرح، وانا إلى كنت ابتديت اضعف ليكي، فعلاا كلكم زي بعض حتى لو تصنعتوا البرئه
ديه طلعت روحي ياماما عشان تيجي الست هانم
امينه بعتاب: ليه كده يامي ياحببتي
مي بأسف: والله ياطنط مش بقدر أطلع كتير عشان ماما مسيبهاش لوحدها، بعد ما اخويا سافر.
امينه: ربنا يرجعهملكم بالسلامه ياحببتي، انا عرفت من فرح انه مهندس واكيد الف شركه تتمناه، ليه الغربه بس
مي بأسف: للأسف ياطنط منها لله بقي، هي السبب كرهته في البلد كلهاا وخليته يسيبها مع انه كان بيكرهه الغربه وكان شغال هنا في شركه محترمه، بس هنقول ايه نصيب
امينه بأسف: لدرجادي كان بيحبهاا.
مي: للاسف اه، ومازال، زمانها دلوقتي اتجوزت وخلفت كمان الحكايه ديه من 5سنين، كنت بشوف ديماا الفرحه في عينيه بس دلوقتي كلها الم وحزن
امينه بأسف: ان شاء الله ربنا يعوضه بأحسن منهاا
مي بتمني: يارب
في تلك اللحظه دخلت عليهم فرح: وهي تحمل اكواب العصير
وبعد ان قضوا اليوم سوياا.
مي وهي تنظر لساعتها: يااا ده انا اتأخرت اوووي، ثم نهضت من مكانهاا لكي ترحل
وفي تلك اللحظه جاء كريم ومعه...