رواية زوجة القيصر الجزء الأول للكاتبة رهف سيد الفصل السابع عشر
امسكت هاتفها بخوف من ان يسمعها احد واجابت بخوف
نسمة، الو
عمرو، ايوة يا حبيبتي
نسمة، ايوة يا عمرو معرفتش ارد عشان ماما جمبي
عمرو، ولا يهمك بكرة تبقى خطيبتي ومراتي ومحدش يتكلم
نسمة، ياه يا حبيبي مستنية اليوم ده بفارغ الصبر
عمرو، مانتي مراتي يا بت
نسمة وهي تحرك شفتيها، عرفي ياخويا ومش هخليك تلمسني الا لما الدنيا كلها تعرف
عمرو، ماشي انا هقوم اكمل شغل
نسمة، ماشي يا قلبي
بعد ان اغلق معها.
عبدو، هي البت ديه لسة لازقة معاك
عمرو، مكنه ياض طلقة بس اخد اللي انا عاوزو منها وبعدين اقلبها
عبدو، هههه واطي.
استيقظ عند الساعة3، 30 عصرا لينظر بجانبه كانت نائمة على ذراعة بعشوائية ابتسم وهو يراجع ذكرياته بالامس طبع قبله على رأسها وتحرك من جانبها بهدؤ كي لا يوقظها اخذ حمامه ارتدى بنطال طويل نسبيا ونزل إلى الاسفل بدا يجهز الإفطار انتهى من تحضيرة ثم صعد وجدها مازالت نائمة ضحك على شكلها كانت صغيرة جدا مقارنه بسريرة الكبير تمدد بجانبها وبدا يحرك على شعرها
سيف، روما حبيبتي اصحي يلا
روما، امممم.
سيف، اممم إيه بس يلا يا قلبي اصحي
روما، عايزة انام شوية
سيف، يا حبيبي اصحى خدي دش وافطر ونامي تاني
روما، وانا اصحى من الاول ليه بس سبني انام شوية
سيف، قومي بقى
روما، مش قادرة والله جسمي تاعبني شوية
ضحك بخفة ليقول، معلش قومي خدي دش هترتاحي
روما، طيب طيب
سيف، هتقومي
روما، ايوة ايوة.
نهض من جانبها ونزل إلى الأسفل تاركا لها الحرية تململت في الفراش جائت لتنهض ولكنها سحبت الغطاء لتداري جسدها العاري بصدمة حدقت دقيقة في الفراغ وهي تسترجع ذاكرتها أصبح وجهها مثل حبة الطماطم قميصها الملقي على الارض و السرير المبعثر بشدة لفت الشرشف على جسدها ودخلت إلى الحمام لتجدة مجهز والورد الملقى في الماء
روما، الله طلع رومانسي.
وضعت جسدها في الماء الدافئ وهي تريحة صعد إلى الاعلى وضع الاطباق على الطاولة في البالكون وبدا يرتب الغرفة قليلا خرجت من المسبح وهي تبحث عن ملابس
روما، صحيح الحلو مش بيكمل يعني ظبط كل حاجة نسي يجيب هدوم
سيييف سيييف
سيف من الخارج، نعم
روما، ممكن تجبلي هدوم
سيف، ليه
روما. معنديش هدوم جبلي هدوم
سيف. ما تخرجي انتي تجبيهم
روما، طب معلش جيب
سيف، اوضتك بعيدة
روما. انا اوضتي في أوضتك اصلا يلا جبهم.
سيف، ما تخرجي تجبيهم
روما، مفيش هدوم
سيف، عادي يا حبيبتي هو انا غريب ماانا شفت كل حاجة امبارح
لتصرخ بخجل، سيييف
سيف، ههههه مش جايب واخرجي بدل ما ادخل انا
روما، تدخل فين يووة الله يسامحك
سيف، ماشي
بحثت في الحمام حتى وجدت روب لها تركته ارتدتة وخرجت
سيف. ما بدري كنتي استني شوية وكنت هدخل
روما، امشي ده انتا غلس انا هروح اغير
سحبها اليه واطبق على خصرها، مش هنفطر
روما. هغير طيب
سيف، لا تعالي معايا وانتي كده.
روما. سيف!
سيف، قلب وعقل وحياة سيف
حملها من خصرها واتجه إلى البالكون اجلسها على رجله
سيف، يلا نفطر
روما، طب اقوم عشان تعرف تفطر
سيف، لا انا كده مرتاح
روما، ماشي انتا اللي عامل الفطار
سيف، ايوة دوقي وقوليلي
روما. طب استني اقعد جنبك
سيف، براحتك
سحبت الكرسي وجلست بجواره اخذت لقمه و وضعتها بفمها كان يراقب تعابير وجهها بشدة
روما، جميل يا حبيبي تسلم ايدك
سيف، كنت عارف.
اخذ لقمة في فمه لقد كان طعمها سئ للغاية رفع وجهه ليجدها تضع اللقمة التي في فمها بمنديل
سيف، حلو اووي ها
روما. امم من كتر مهو حلو مش قادرة اكلو
سيف، الكداب بيروح النار حدف على فكرة
روما، طب بص انتا جوزي حبيبي لو قالولك تطبخ قولهم لو عايزين تموتو انا معنديش مانع
قالتها ثم نهضت وهي تركض ركض خلفها
سيف، بقى كده عايزة تشغليني عشماوي
روما. تف من بوقك ياخي ده عشماوي ارحم
سيف، طب وربنا لاجيلك.
ظل يركض خلفها قليلا حتى امسكها
روما، اخ خلاص خلاص حرمت ده حتى الاكل حلو وعسل
سيف، يا شيخة
حملها بين يدية وصعد إلى الأعلى
روما. إيه مش هنروح لماما
سيف، لاماما ولا بابا انهرده
روما، لا لا لا يا سيف مينفعش كده نزلني عشان اروح اجيب نونو
سيف، نونو هتبات معاهم خليكي انتي معايا شوية ده انتي جننتيني يا شيخة
روما، جننتك فين ده نزلني بقى
دلف إلى الجناح وضعها على الفراش وضعها على الفراش وحاصر جسدها بجسدة.
روما، يا حبيبي نروح نقعد معاهم شوية
سيف، لا
روما، بس.
ترررن تررررن
روما، طب رد على التلفون
سيف، لا
روما، يلا بقى انتا مش بتسمع الكلام
سيف، ماشي يا ستي
مد يدة وسحب هاتفه بجانب الفراش
سيف، الو يا نادين
ما ان سمعت اسم امراءة سحبت الهاتف من يده وشغلت مكبر الصوت كان ينظر لها بصدمة
نادين، الو مستر سيف مش هتيجي
رفعت روما حاجبها ونظرت له بغضب
سيف، لا مش هاجي انهرده
نادين، ليه كده
سيف، ملكيش دعوة.
نادين، اصل حضرتك بتوحشنا اوي يا مستر
اغلقت روما الهاتف والقته على الارض
روما، بتوحشهم ها ابعد عني
سيف، اهدي بس يا مجنونة
أصبحت تتلوى اسفلة، لا مليش دعوة ابعد وروحلها عشان متوحشهاش
سيف، يا بنت المجنونة اهدي
روما، لا لا لا ابعد عني بقولك
امسك يدها بقوة ونظر لعينها، قولتلك اهدي لازم تعرفي اني بحبك ومش هحب غيرك ومفيش ست في الدنيا هتملى عيني ولا هلمس ست غيرك
نظرت له بدموع، انا بحبك ومش عايزاك تسبني.
مد انامله برفق وهو يمسح عبارتها
سيف، هششش انا مش هسيبك انا بحبك اكتر ما بتحبيني
ما ان انتهي من كلماته لثم شفتيها برقة ذابت بين ذراعية سريعا ليغرقا الاثنان في عشقهم
في صباح اليوم الثاني مد يدة في الفراش بجانبه لم يجدها فتح عينية بكسل لم يجدها في الغرفة اعتدل في جلستة على الفراش سمع صوت خروجها من الحمام
روما، صباح الخير
سيف، صباح النور يا قلبي
مد يدة بجانبه لياخذ علبة السجائر الخاصة به ولكن سحبتها هي منه.
روما، ممكن نبطل سجاير مش على الصبح كده
سيف، امم طيب
روما. احبك وانتا مطيع
نظر لها سيف بضحك اتجهت إلى المشط وهي ترفع شعرها كعكة
سيف. رايحة عند ماما كده
روما. اه
سيف، شوفتي نفسك في المراية
روما، لا لسة وحش
سيف وهو ينهض، لا يا حبيبتي اطلاقا بس عايزك تشوفي ديه
سحبها أمام المرأه
روما، مالي
اشار لها على عظمة الترقوة لتجد علامة حمراء
روما، إيه ده انا اتخبطت في إيه
سيف، هههه ديه مش خبطة يا قلبي
روما، طب هغير هدومي بقى.
سيف، نساعد
روما، لا لا شكرا يلا ادخل خد انتا دش عشان نروح سوا
سيف، خلينا شوية
روما، لا بقى امبارح مشوفتش حد بسببك وانهرده كمان وبعدين مش هتروح الشركة
سيف، صحيح ده انا عندي شغل
تعلقت بعنقة لتقول، خلاص روح وانا هستناك
حاصر خصرها ورفعها الية، ما تخليني قاعد شوية
روما وهي تحاول ابعادة، لا يلا روح شغلك
سيف، ساعة اتنين تلاتة من فضلك حياتي
روما، محاولة تسبيت فاشلة يا قيصر.
سيف وهو يمرر انفة على وجنتها، فاشلة! انا عمري ما فشلت في حاجة تحبي اثبتلك
روما، لالا لا خلاص يلا ننزل بقى
سيف، طويب
روما، فك التكشيرة ديه بقى يلا
سيف، ههههه تعرفي انا بحبك اوي
روما. عارفة
سيف، يا واد يا واثق اموت انا في الواثقين
روما، يلا بقى
سيف، مش عايز
روما، عشاني
سيف، حاضر بس بشرط
روما، شرط إيه
سيف، امممم بوسة كبيرة اوي
ضحكت روما واقتربت طبعت قبلة على وجنته
سيف، إيه ده انتي بتبوسي ابن اختك لا مش عجباني.
روما، يوة طب اعمل إيه
ضمها الية وهو يقبل شفتيها بقوة، انا هعمل
سرعان ما راقت قبلاتة شعرت به يضعها على الفراش ابعدته
روما، لا انتا بتخم وربنا ابعد خليني اقوم
سيف، خلاص وقعتي في ملعبي يا قطة
انهى جملته وهو يقبلها إلى أن خضعت الية
في المساء
مريم، كنتي فين يا بنتي قلقتيني عليكي
روما. ها لا مفيش
ضحى، وانتا عمار بيقولك محتاجينك في الشغل
سيف، طيب هبقى اروح بكرة
روما، قولتلك روح مسمعتش الكلام.
سيف، كان عندي حاجات مهمه اووي صح ولا مش صح يا رورو
روما، لا مش مهمه
سيف، يا شيخة
مريم، حاجة إيه ها ها
ضحى، قولو واحنا هنحدد اذا مهمه ولا لا
سيف، لا خلاص هي مهمه اومال نونو فين
ضحى، مع ماما
مريم. لسة طالعين ينامو
سيف، كويس عشان اكمل الحاجات المهمه
ضحى. حاجات إيه بقى
مريم، المهم البت شهد كانت هنا وبتسلم عليكي وبتقولك من لقى احبابو نسى اصحابو
روما، هههه صح انا بقالي كتير مش بكلمها هبقى اشوفها.
ضحى، ايوة عايزين نخرج يا سوسو
سيف، ما تخرجو
روما، خلاض بكرة نخرج
سيف، انتي عايزة تخرجي
روما. اكيييد
سيف، خلاص بس مش تتاخرو فاهمين
مريم، هيييه أخيرا
سيف، طب نروح احنا بقى عشان ننام
ضحى، روح انتا خلي رورو معانا شوية
سيف، اهو ده بقى لا لا لا
مريم، لا ليه اختي وعيزاها
سيف، كانت اختك دلوقتي مراتي
ضحى، لا بقى احنا عايزين روما تقعد معانا شوية.
روما، جري إيه انتو التلاتة عمالين تتخانقو عليا ولا كيس بطاطس وعمالين وتقررو مكاني
ضحى. طب قولي يا صاحبة السمو
روما، والله انا هموت وانام
سيف، شوفتو
روما. بس ممكن انام هنا عشان البنوتات
سيف، نععععم!
ضحى و مريم، هيييييييه هيييييييه
سيف، لا لا لا معندناش ستات تبات برة البيت
ضحى. وبعدين بقى
روما، خلاص عشان سيف ميزعلش
سيف، حياتي وربنا
مريم، ايوة بقى يا عم الله يسهلو
سيف، الله اكبر من عنيكم يلا يا حبيبي.
غادر الاثنان متوجهين إلى الفلة خاصتهم دخل سيف إلى الحمام اما هي اتجهت إلى الفراش لتنام خرج سيف وجدها نائمة على الفراش
سيف، روما انتي نمتي؟!
روما، ايوة همووت وانام
سيف، طب وأنا!؟
روما، تعالا يا حبيبي نام عشان انا هموت من النعس
سيف بخيبة امل، طيب
اتجه بجانبها وسحبها إلى حضنة لينام الاثنان بعمق.