رواية رحم للإيجار الجزء الثاني للكاتبة ريحانة الجنة فصل خاص برأس السنة تكملة
في قصر رعد الحديدي
في اوضة رعد وهمس.
همس كانت بتلبس وكانت بتحاول تقفل سحابة الفستان ومش عارفة لفت تشوف رعد يساعدها بس مالقتهوش مع انه لسة حالا كان واقف جنبها
بس في اللحظة دي حست بيه وراها بيقفلها الفستان. لفتله وهي عنيها في عنيه
همس ابتسمت قد ايه بتلاقيه جنبها ويعمل اللي نفسها فيه من غير ما تتكلم: كنت لسة حالا بدور عليك تقفلها دايما كدة حاسس بيا.
رعد بحنان وهدوء: وهو انتي لسة عارفة ان همستي بتغيب عن عيني ثانية انا قاعد بس علشان اتابعك بعنيا ولو محتاجة حاجة اكون جنبك من غير ما تطلبي الملكة همس ما تطلبش.
همس اتنهدت وباست ايده: والله انت اللي ملك ولا يليق الملك الا ليك انت حن قلب قابلته انت ملك قلبي.
رعد ضم ايديها لحضنه وباسها برقة: انا ملك علشان في حياتي ملكة ناعمة ورقيقة زيك. كل سنة وانتي حبيبتي ومعايا، كل سنة ومنورة دنيتي وحياتي، كل سنة وانتي ملكة قلبي وهمسته.
همس بسعادة: كل سنة وانت ملكي وحبيبي ليا انا وبس وافضل انا الوحيدة اللي متربعة علي عرش قلبك. بحبك يارعد بحبك اوي.
رعد قرب منها وباسها بحنان ورقة: بحبك يا همستي اوي. علي فكرة بعد الحفلة انا وهمستي هنسافر والصبح يطلع علينا واحنا في جزيرة بعيييدة مافيهاش غير انا وهمسة قلبي وبس. هنقضي اول ايام من السنة الجديدة كالعادة لوحدنا ماحش يشتركني فيكي.
همس ابتسمت علشان كانت متأكدة انه مستحيل تعدي مناسبة من غير ما يفاجأها.
همس: قرب ودنك.
رعد ابتسم وقرب منها اكتر: امرك مولاتي.
همس: احضني، احضني اوي.
رعد ابتسم وبص في عنيها مبسوط من نظرة السعادة والرضي اللي فيها. وحضنها بحنان لقلبه.
رعد: كام مرة اقولك ماتقوليش حضنك قولي مكاني. علشان ده مش حضن وبس ده مكانك يا همستي مكانك انتي وبس
همس مستمتعة بحضنه وحنانه: عارف لو مكانتش الحفلة والولاد والناس مستنينا ماكتتش ابدااااا سيبت حضنك ولا سيبتك كنت فضلت فيه طول الليل.
رعد: ولا يهمك ولا يفرق معايا حفلة ولا ولاد ولا ناس.
خاليكي في مكانك يا همستي ده عندي اجمل من كل حاجة.
همس خرجت من حضنه بسعادة: تؤتؤ زي ما باخد حقي منك لازم اخلي الولاد والناس تاخد نصيبهم اهي حاجة صغيرة علي قدهم كدة. ياللا بقي علشان ما نتأخرش.
رعد ابتسم وباسها من جبينها: ياللا يا روحي..
في بيت مؤمن & شيري.
مؤمن قاعد بيلعب في فونه ولسة ما مش لابس هدومه. شيري خرجت من الاوضة متغاظة منه.
شيري بعصبية: ممكن اعرف هتلبس امتي انت معصبني ببرودك ده هنتأخر كدة.
مؤمن رفع عنيه وشافها اتوهم من جمالها وصفر بإعجاب: وووواااو يجنن الفستان ده عليكي قمر يا سمارتي.
شيري عصبيتها هديت وابتسمت بنعومة: احممم. وبعدين معاك ما تغيرش الموضوع هتلبس امتي..
مؤمن قام من مكانه ورمي الفون وقرب منها بمكر: البس طب بذمتك يا مؤمنة واحد في مكاني ويشوف الجمال ده ويبلس والله عيبه في حقه..
شيري: ههههههههههه انت دايما كدة ما بتسترش ما تتلم. البس بقي وحياتي.
مؤمن اتنهد وقرب من عنيها: وحياة غلاوة سمراتي عندي ما هلبس الا لما ادوق العسل والكراميل اللي انا شايفه ده يرضيكي الناس تشوفك قبلي. ولا انزل وانا هموووت من الكراميل اللي يجنن ده اهون.
شيري بضعف: لا بس ااصل هنتاخر وانت دايما كدة ليك حركات غريبة وهو انا هطير ما احنا كام ساعة وهنرجع. ثم الولاد وماما فين مش شايفاهم.
مؤمن ضمها لحضنه وهو بيلعب في شعرها الناعم وبهمس: اولا نبدأ من الاخر. الولاد وماما مع السواق اللي هيوصلهم مع چواد الحفلة. اما بقي انك هتطيري فأيوة هتطيري مني في الحفلة، وانا معاهد نفسي كل سنة اودع السنة اللي فاتت بيكي
واستقبل الجديدة بيكي لما نرجع. ومستحيل اتنازل عن طقس من طقوس حياتي معاكي يا سمارتي. واضح ولا نقول كمان.
شيري بدلع: طيب بعد ما لبست وظبط كل حاجة جاي تتجنن كدة، انت غاوي تتعبني معاك.
مؤمن: طبعااااا انا اهم من الناس تلبسي وتظبطي كل حاجة علشان انا ادوق بمزاج ولا ايه. ثم لسة السهرة اللي بجد هتبقي بعد الحفلة انا مجهزلك حتة بدلة جديدة تهوس جايبهالك وصايا من تركيا، وغمزها بوقاحة. فاكرة تركيا وبدل تركيا...
شيري ضحكت بخجل: هههههههههه. انت مش بتتهد ابداااا بدل تاني مش هتكبر...
مؤمن: عيب بقي كدة اكبر ايه بس. انا هفضل كدة شباب وبصحتي يا سمارتي. تعالي بقي علشان نشوف هنودع السنة دي ازاي...
شيري بصتله بحب: بحبك.
مؤمن سند جبينه علي جبينها بشوق: وانا بعشقك يا سمارتي بعشقك.
مؤمن شالها ومشي بيها خطوات لأوضتهم. وهمسلها: اوعدك تودعي السنة دي في حضني وانتي اسعد ست في الدنيا يا حتة من قلبي...
في الحفلة الكل متجمع وتمارا كانت طلبت اغنية معينة تشتغل كانت جميلة ومناسبة للسهرة والليلة. وكمان هي ليها ذكري جميلة بتجمعها مع شهاب. الاغنية بدأت وهي قربت من شهاب ووشوشته.
سهرنا يا لييييل، للصبح يا ليييل، وآمنة ما تمشي يا قمر الليل اه يا محلا الليل ويا حبيبي...
تمارا ضمت ايده لحضنها: فاكر الاغنية دي...
شهاب ابتسم وحاوطها بإيده بحنان: طبعااااا فاكر. وانا هنسي شاكيرا حبيبتي ابداااااا. ده انتي جننتيني ليلتها نمت درجة حرارتي فوق ال40 بسببك.
تمارا ضحكت: هههههههههه. ليه كل ده...
شهاب ضغط علي خصرها بقوة: كانت اول مرة اشوفك بفستان وجميلة بالشكل ده وبتدلعي وتغني وترقصي وتحضنيني ولما روحتك وانتي في السرير تتعلقي فيا وتقوليلي بوسني. عايزاني ابقي عامل ازاي كنت بنههههااار طبعاااا. بس سيبك طلعت عليكي القديم والجديد بعد كدة تستاهلي.
تمارا بإعجاب بحبيبها: عايزة اقولك حاجة مهمة.
شهاب: قولي يا قلبي.
تمارا اخدت نفس بقوة واتكلمت: انا اخدت قرار اني استقيل زي ما انت كنت عايز. انا وقت ما طلبت مني ده رفضت وعاندت. بس كنت عايزة اشوف انت هتعمل ايه. لقيتك استسلمت لراي وما ضغطتش عليا. وانا مقدرة خوفك عليا وحرصك ان چواد يكون معايا دايما. انا اسفة لو كنت اتأخرت. بس انا كنت.
عايزة قرار زي ده اخده وانا مقتنعة تماما من غير ذبذبة.
شهاب بفرحة وراحة: بجد ده احلي خبر سمعته في السنة اللي فاتت وهيبقي اجمل خبر في السنة الجديدة. انتي ما تعرفيش انا حالتي كانت بتبقي عاملة ازاي واحنا في اي عملية ببقي همووت من القلق عليكي يا روحي بجد بجد بحبك بحبك اوي يا تمارتي..
تمارا مبسوطة للسعادة والراحة اللي هو فيها وكملت ليلة السعادة: وفيه قرار كمان اخدته. انت كنت بتتمناه.
شهاب قلبه بيدق وبيفكر في اللي هو نفسه فيه: اوعي تقولي اللي في بالي.
تمارا هزت راسها وابتسمت: ايوة وافقت اجيب بيبي كمان لچواد. انا كنت بأجل علشان شغلي ومستقبلي بس الحقيقة انت وچواد والبيبي اللي هيجي اجمل مستقبل ليا...
شهاب شالها وحضنها ولف بيها بجنون وسعادة: بحبك. بحبك. بحححببببك. اااخيرااااااا.
تمارا: هههههههههههه. كل ده، حقك عليا اتأخرت عليك...
شهاب بجنون وجرأة: اوعدك البيبي ده هيجي الليلة مش بكرة ولا بعده.
تمارا غمزته: ورينا شطارتك يا باشا. ارفع راس الدخلية واثبت نفسك...
شهاب بوقاحة: انتي اللي تثبتي يا قلبي علشان بتهربي وبجيبك من ورا الدولاب.
تمارا بتكتم ضحكتها: ههههههه. بصراحة انت مفتري...
شهاب ضحك معاها: ههههههه. بصراحة اااه...
وقرب من عنيها بحنان وحب كل سنة وانتي في قلبي وعنيا. كل سنة وانتي قطتي اللي مجناني وحبيبتي اللي محيراني وروح قلبي اللي خاطفاني، كل سنة وانتي طيبة حبيبتي.
تمارا باسته من خده بحب: كل سنة وانت روحي وحياتي كل سنة وانت فهدي اللي قاتلني كل سنة وانت محلي ايامي كل سنة وانت طيب حبيبي.
استني يا شمس بقي استني مش عايزة حبيبي يروح مني ماتجيش وحياتك دلوقتي اصل لسة ما خدتش وقتي عايزة اسهر مرة علي طرقتي واتمني لحد الصبح معاه..
همس في حضن رعد بسعادة: استني ياشمس بلاش تيجي انا لا عايزة الشمس تطلع ولا النهار يجي ولا العمر يجري اصلا مش عايزة اكبر اكتر واعجز وابقي وحشة عايزة افضل حلوة في عنيك.
رعد ضمها بحنان: خالي الشمس تطلع والعمر يجري. همستي انتي لا عمري هيغيرك ولا سنين هتعدي عليكي انا هفضل طول عمري اشوفك همستي اللي خطفتني من اول نظرة، اتطمني انتي عمرك ما هتكبري ابدااااا في عنيا...
همس اتنهدت بسعادة وعنيها علي ولادها والفرحة اللي هما فيها والضحكة اللي في عيونهم: الليلة جميلة اوي يا رعد الكل مبسوط وفرحان ربنا ما يحرمنا منك ولا من لمتك لينا. ربنا يخليك يا ملك كل سنة وانت طيب يا ملك قلبي.
رعد باسها من خدها: كل سنة وانتي متربعة علي عرش قلبي. كل سنة وانتي طيبة يا همستي.
استني يا شمس كمان حبة محتاجة اني في حضنه اتخبي وقف يا زمااان ساعتك لينا، دي السهرة بقت جنبه جميلة، وحياتي ماجتش من االليلة ده انا قلبي ما صدق يبقي معاه...
حلا بتبتسم بسعادة وقربت من فادي وباسته برقة: ااااااه لو الزمن يقف والوقت ما يعديش اااااه لو العمر بيرجع كنت رجعته وعشت معاك كل لحظة بنفس سعادة الليلة..
فادي قربها ليه بحنان: وانا لو عليا ارجعلك العمر والسنين واسعدك في كل لحظة وامتعك في كل دقيقة واضحكك في كل ساعة واعوضك عن كل اللي حرمتك منه...
حلا حضنته بقوة: كل سنة وانت حته مني كل سنة وقلبك ضاممني كل سنة وانت طيب حبيبي.
فادي ضمها بقوة اكبر وبحب: كل سنة وانتي غالية عليا كل سنة وانتي حلا ايامي كل سنة وانتي سارقة قلبي وانا راضي كل سنة وانتي طيبة حبيبتي.
هنا هنقابل يوسف & حنين
اللي وحشوكم وطلبتوهم، بس هما لسة السنين معاهم وقصتهم ما كملتش زي غيرهم. يعني لسة صغيرين مش زي رعد وهمس، لسة حكايتهم فيها كلااااام.
في بيت حنين ويوسف، الحفلة شغالة ويوسف مجمع العيلة والاصحاب...
يوسف قرب من حنين وحضنها: حبيبتي بتعمل ايه بعيد لوحدها...
حنين بخجل: وبعدين معااك الناس حاولينا عيب كدة، ابعد.
يوسف بتصميم حضنها اكتر: ناس مين انا اهم
انا احضنك في اي حته وقصاد اي حد.
حنين ابتسمت: هتفضل مجنون كدة مش هتتغير. قولي انت بتدبر لأيه من الصبح مش مرتحالك.
يوسف ببراءة مصتنعة: انا! برئ يا حنون. قوليلي هي عنيكي حلوة كدة ليه مش تخبيها بقي انا بغير كل اللي يشوفك يفضل متنحلها وانا كل شوية اعمل جناية بسببهم.
حنين: ههههههههه. طب اعمل ايه هو فيه غيرهم باين يعني اغميهم وامشي زي العمي. ثم انت اللي غيار بجنون ماليش دعوة اعمل فيهم ايه.
يوسف بغيرة: ماليش فيه اتصرفي وخبيهم انا بغير وخلاص.
عمر قرب منهم: بابا كله تمام.
يوسف باسه من خده: حبيب بابا يا اسد.
حنين: مش بقولك مش مرتحالك، فيه ايه...
يوسف: ما قولنا مافيش...
حنين بغيظ منهم: وانت يا عمر بتخبي علي ماما. وبعدين انا عايزة افهم ايه اللي بيتم في البيسين الجديد الداخلي. وليه بقالكم يومين قافلينه والناس اللي جوا دول بيعملوا ايه. انا قلبي مش متطمن.
يوسف غمز عمر: يا حنون انتي بتتكلمي في حاجات غريبة
سيبك بس المهم الحفلة قربت تخلص وماما خديچة مصممة تاخد الولاد وانا وعدتها بصراحة ماشي.
حنين رفعت حاجبها: بقي ماما هي اللي صممت تاخدهم يا چو بتشتغلني.
يوسف: مامي بقت لوكل اوي يا عمر كلامها بقي مش تمام..
عمر بتأكيد: عندك حق اخدت بالي، لازم تتصرف كدة مامي علي وشك الانحراف.
حنين بعصبية: انت بتقول ايه يا ولد انت، شايف يا بيه بوظت الولد عجبك كدة..
هنا قربت: بابي جهزت الشنطة وحطيتها في عربية جدو...
حنين بصتلهم بغيظ: كالعادة بتتفقوا وتفجأوني ماشي زعلانة منكم ماحدش يكلمني بقي...
مشيت حنين متغاظة منهم وهما ضحكوا يوسف: مامي هتتجنن وتعرف بجهزلها ايه. ياللا بقي الحفلة خلصت هونا...
عمر غمزه: عيش يا چو بس ابقي افتكر اني بساعدك...
يوسف: ههههههه. ماوتقلقش هظبطك ووعد تذاكر كأس العالم اللي جاي هتكون هديتي ليك علي جدعنك.
عمر: بحبك يا چو يا احلي اب في الدنيا...
هنا زعلانة ويوسف اخد باله: وهنون قلبي تذكرة حفلة عمرو دياب Vip جاهزة لحضور البرنسيس هنا.
هنا بفرحة حضنته: بحبك، بحبك يا اجمل چو في الدنيا..
يوسف حضنهم: ربنا يخليكم ليا ولماما ولاخواتكم مش هوصيكم تخلوا بالكم من اخواتكم اليومين دول.
هنا وعمر: ماتقلقش يا چو اعتمد علينا.
خلصت الحفلة والكل مشي ويوسف اخد حنين للبيسين الداخلي اللي كان بيجهز فيه يوريها هو عمل فيه ايه.
حنين ماشية معاه وهو مغمي عنيها، ولما وصلوا فك الغطا حنين اتفاجأت مش مصدقة...
المكان كله طالع منه بخااار وماليان بلاالين وقلوب كلها
happy New yaer
حنين بفرحة: ااايه ده مش فاهمة اانت هتعمل حفلة هنا تاني.
يوسف اخدها لجوا عند مكان تغير اللبس وغمزها: حياتي انا كنت مصمم احتفل بيها وبالسنة الجديدة في المياه زي اول ما اتجوزنا وفاجأتك فاكرة، وقتها شوفت في عنيكي فرحة مستحيل انساها. ولما فكرت هعمل كدة ازاي والجو برد افتكرت فكرة الچاكوزي بعت للشركة وقولتلهم علي التغير وبعته العمال تشتغل وتغير كل المطلوب المهم البيسين يكون دافي وحنين زي حنين حبيبتي، وكمان اشترتلك المياهوات دي ممكن تحربيهم كلهم لو تحبي.
حنين مش مصدقة جنانه قربت منه وباسته بحب: بحبك اوي لو الدنيا كلها لامتني علي حبي ليك هفضل احبك واموت في حبك...
يوسف: وانا لو عشت عمري اسعدك وابسطك مش هكفيكي انا بعشقك يا حنين بعشقك...
حنين بصت للمايوهات واختارت واحد منهم لونه احمر: هلبس ده..
يوسف حط ايده علي قلبه: اااااه يا قلبي كنت هموووت وتختاريه ده بالذااات يجنن عليكي. ياللا بقي البخار بينادي علي الليلة اللي مش هتتعوض دي.
حنين ويوسف غيره هدومهم ونزلوا المياه وهما وسط البخار والمزيكا اللي يوسف شغلها علشانها..
يوسف حاضنها وساند علي جبينها وبهمس: كل سنة وانتي في حضني كل سنة وانتي مغيرة حياتي كل سنة وانا بتولد معاكي من جديد. كل سنة وانتي طيبة حبيبتي وروحي انتي
حنين بحب وهي دايبة في احن واجمل راجل ممكن كانت تتخيل تعيش معاه راجل حبها من قلبها عوضها بعمره اتحمل علشانها كتيير.
حنين بحب: كل سنة وانت راحت بالي كل سنة وانا دايبة في حنيتك كل سنة وانا هيمانة في حبك. كل سنة وانا قاعدة علي قلبك ومتربعة ومش هسيبك، كل سنة وانت حبيبي كل سنة وانت معايا كل سنة وانت طيب يا أجمل چو في العالم...
يوسف بشوق: هو انتي تبردي لو قلعتي المايوه ده...
حنين بخجل: هههههههه انت قليل الادب..
يوسف غمزها: يبقي مش هتبردي، ولو برتي انا جنبك هدفيكي، في حضني، بحبك، بحبك يا حنين، بحبك.
حنين بإستسلام: بحبك، بحبك يا يوسف، بحبك..
خلصت السهرة وطبعاااا كان صعب اجمع كل ابطال مهمة حب بس اختارت احبهم لقلبكم، ومهاب غاب عنكم علشان ده محتاج حلقة لوحده مش هيكفيه مشهد...؟