رواية رحلة حب للكاتبة نورا عبدالعزيز الفصل التاسع والثلاثون
يعود سيف من شغله فحاله غضب
تفتح له جيهان ويدخل يجدها تجلس مع والدته تشاهد التلفزيون وترى لتبتسم له وسرعان ما تختفى ابتسامتها حين تلاحظ علامات الغضب على وجهه وهو يتقدم نحوها
مريم: هو ماله شايط ليه
نور بهمس: معرفش
يصل امامهم
سيف بغضب: انتى كويسه عملك حاجه
نور: ايه ياسيف مالك
سيف: عملك ايه
نور: هو مين
سيف بغضب: الزفت معتز الحراس قالولى انه ضايقك
نور بابتسامه: طب اهدى انا كويسه اهو قدامك.
مريم: متخافش منقصتش حته
سيف: انتى كنتى معاها
مريم: اه
ينظر لنور: مزعلكيش صح
تشير له بنعم ليضع قبله على راسها بحنانها فهو يعلم صديقه وتفكيره الغلط فالجميع
سيف: خليهم يجهزوا الغداء على مااغير هدوم
نور: ماشى
ويصعد للجناح
نور: ماما هتاكلى انتى وبابا
مريم: لا
نور: ماشى
تدخل المطبخ وتخبر سناء وتصعد للجناح وتجده يرتدى تيشرته
سيف: تعالى شكلى عايزة تقولى حاجه
نور: بصراحه اه
سيف: تعالى في ايه.
تقترب منه بابتسامه خفيفه ليرى علامات الخوف فعيونها
سيف: في ايه بقا
نور: هحكيلك بس ناكل الاول
سيف: ماشى
وتنزل معه ولم يجد الاكل على السفرة
سيف: فين الاكل، سناء
نور: انا قولتلهم يحطوا على الترابيزة فالجنينه تغير
سيف: ماشى
تاتى له سناء: ايوة
سيف: خلاص
ويخرج للجنينه ويجلسوا معانا ياكلوا ويلاحظ انها تلعب فالطعام ولم تاكل
ليترك الشوكه
سيف: في ايه يانور مالك ياقلبى
نور: ها مفيش كمل اكلك.
سيف: اكل وانا شايف حبيبتى قلقانه كده وفي حاجه شاغلها
نور: سيف انا في حد بيبعتلى رسايل
سيف بغضب: حد ايه ورسايل ايه
نور: لا مش رسايل حب ده رسايل غريبه عنك انت وهتضع منى وحاجات انا مش فاهمها
سيف: عنى ازاى
تخرج هاتفها من جيبها وتعطي له ليرى الرسايل ولم يفهم شئ
سيف: تلاقى حد بيعاكس حبيبتى سيبك ومتفكريش متشغليش بالك لان انا اصلا عمرى ماهضيع منك وهفضل بتاعك وده وعد منى والله
نور: انا عارفه
سيف: طب ممكن بقا ناكل.
نور بابتسامه: ماشى
ياكل وهو يفكر من يفعل ذلك لم يتجاهل الامر وشغل جزء من تفكيره.
تمر الايام وياتى موعد خطوبه ملك وعمر
تقف نور ترتدى فستان اسود بيلمع طويل بكم وله ديل من الخلف طول وتلف حجاب ذهبى عليه وتجلس ترتدى صندل ذهبى بكعب عالى وتقف امام المرايه تتأمل مظهرها ليدخل سيف عليها وينبهر من جمالها تقف تنظر له فقط
سيف وهو يقترب منها: القمر ده بتاعى يالهوووى
نور بخجل: حلو
سيف بحب: اوووووى
ترفع يديه لتعدل له جرافته ليلف يديه حول خصرها.
نور: وبدله وشياكه مقدرش على كده الناس هتحسدك لو لاقيت بنت واحده فالفرح بتبص عليك هموتها واموتك
سيف بحب: واهون عليكى
نور بدلع: لا اشتهون
ليبتسم لها ويطبع قبله على شفتيها خفيفه
سيف: يلا
نور: يلا، استن لحظه
وتحضر منديل لتمسح له شفتيه من الروج بتاعها وتنزل معه
سيف: احنا خارجين يابابا
محمد: ماشى خلى بالكم من نفسكم
مريم: ومتتاخروش وخلى بالك من مراتك
سيف باستغراب من اسلوب امه: حاضر
ويخرجوا
محمد: ايه الحنيه دى.
مريم بابتسامه: ههه اصل افتكر اول مرة خرجتنى فيها وامك وصتك عليا فرحت اوووى بيها
محمد: فقولتى تفرحى نور
مريم: يلا بقا مدام مخليه ابنى سعيد
محمد: ربنا يهديكى ويخليكى لينا وميحرمنيش منك
مريم: ويخليك لينا.
تصل نور على القاعه وتدخل مع سيف ويستقبلهم اسر الذي اترسمت على شفتيه ابتسامه واسعه بمجرد رؤيتها
سيف: مبروك يااسر وعقبالك
اسر: الله يبارك فيك
نور: مبروك وربنا يتتم بخير
اسر: الله يبارك فيكى يانور
سيف بغيرة: عن اذنك هنسلم على العروسه والعريس
يمشى وهي بجانبه تضع يديها فيديه وتصل امام ملك
ملك بسعادة: نور
نور: الف مبروك ياقلبى وربنا يتتملك بخير
ملك الله يبارك فيكى ياحبى
سيف: مبروك
عمر: الله يبارك فيك.
نغم: عملت ايه، حجز ايه، الاسبوع ده، اه بعد بكرة، طب كويس. احجزلى على نفس الطيارة، اه ونفس الفندق، سلام.
تجلس مريم مع محمد ويدق باب القصر وتفتح لهم سناء لتدخل نور غاضبه وخلفها سيف
سيف: يانور استنى
نور بغضب: اسكت خالص متكلمنيش
محمد: في ايه مالكم
نور: تعال يابابا شوف ابنك ابو عين زيخه اللى واقف جنب مراته وبيضحك لواحده تانيه
سيف: والله محصل يانور
نور: يعنى انا كدابه مثلا ولا بفترى عليك
سيف: احنا كنا ففرح عايزنى اكشر
نور: لا تضحك للبنات
سيف: والله مضحكتش لحد
نور: ده انا شايفه بتغمزلك وانت بتضحك.
سيف: يانور والله...
نور بعصبيه: يووووووه انت مكدبنى وبتعمنى كمان
وتتركه وتصعد غاضبه وهي تشتعل من الغيرة
سيف: عجبك كده
لينظر لامه وهو تضحك بقوة
مريم: هههههههههههههه
محمد: بتضحكى
سيف: بتضحكى على ايه ياماما
محمد: سيبك اصل امك عملتها فيا كتير اطلع صالح مراتك
سيف: يارب صبرنى ويهديكى يانور
يصعد لها ويجدها تقف تسرح شعرها وبمجرد ان تراه تدخل البلكونه غاضبه ليدخل خلفها
سيف: حبيبى.
نور بعصبيه: اطلع برا ياسيف وسيبنى لوحدى
سيف: مقدرش اشوف قلبى متعصب كده واسيبه
نور: والله ياخويا وهو مين اللى معصبه مش انت
سيف: انا مظلوم
نور بغضب: تانى
سيف: يعنى بالعقل اناهيبقى معايا القمر ده كله واروح ابص برا
نور بسعادة: بجد يعنى مش بتبص برا.
سيف: انا راضى ذمتك حد يبقى معاه القمر ده ويبص للنجوم وبعدان انا لو بصت برا الناس هتقول عليا حمار لما يبقى معايا اجمل واحده فالعالم وابص لمعفنين اللى برا يانور والله اناعينى وقلبى ميملهمش غيرك انتى وبس وانا مش عايزك غيرك والله
نور بسعادة: وانا بحبك والله
سيف: وانا بموت فيكى.
تدخل ملك على اسر غرفته
اسر: في ايه
ملك: مين يااسر البت الموزة اللى كانت واقفه معاك فالخطوبه دى
اسر: وانتى مالك جايه تحققى معايا ليه
ملك: اه بقا يبقى الموضوع زى مانا توقعت
اسر: اللى هو
ملك: انك بتمشى مع بنات وبتصاحبهم ماشى ماشى والله لقول لماما
اسر: انتى هبله يابت يخربيتك
ملك: لا يابابا هبله ايه ده انا مركزة اوووى
وتخرج تركض للخارج وهو خلفها
ملك: ماما ياماما ياام ملك
والدتها: نعم عامله دوشه ليه.
يضع اسر يديه فوق فمها: مفيش ياماما تصبحى على خير
تدخل امه للغرفتها
اسر: اكتمى بدل مااديكى على بوظك
ويتركها ويدخل
ملك: وراك وراك يااسر.
تستقيظ نور فالفجر على صوت هاتفها تنظر بجانبها وتجده نائم عارى الصدر ويحتضن المخدة لتبتسم عليه وتنظر لهاتفها لتفتحه بتعب وتصدم من الرساله...