رواية رحل همي حين عرفتك للكاتبة زهراء أمجد الفصل السابع والعشرون
ازل: - اجوي اهلي على اسيل كاعدة يمهم وملتهين دك سوالف بيناتهم واتصل شهاب عليه
البيت هوسة ماكدر احجي وياه
خليت وصعدت على السطح...
جان اكو مواد بناء فوك السطح رمل وسمنت
ارتجيت على كيس الأسمنت
واحجي وي شهاب...
شهاب: - وين جنتي خاتون بلة ليش ماتسالين رجلي وين ما وين
ازل: - اممم إذا اسأل عليك شكد تنطيني...
شهاب: - ليش إلى تسأل على زوجها أتريد مقابل
بلة شنو تردين...
ازل: - طبعا لعد اني راح اخسر من وقتي الثمين وأسأل عليك لازم مقابل
أريد ربع أريد أسافر بي...
شهاب: - ربع شنو هذا إلى تسافرين بي أول مرة ادري يسافرون بربع...
ازل: - ربع اشتري بي جيس حب واكعد أكلة واسافر بعقلي...
- والله خوش فكرة متخسرين انتي...
-شهاب اسمع صوت نفس قريب...
- بنوتي انتي وين...
- كاعدة على السطح...
شهاب: - انزلي رويحتي كومي انزلي جوة ونتراسل إذا ماتكدرين تحجين...
- ابقى وياي خلي انزل...
هستوني ردت اتحرك وأنزل طفت الكهرباء صار السطح اظلم...
انجر الشال مالتي من ورة واني اتخبلت بالعياط اني اعيط وشخص ثاني يضحك
أريد اكوم اشوف دربي ماكو تخبلت
نفتح باب السطح
وابوي وحسن واسيل يركضون علي وبيدهم الضوة
باوعت على مصدر الضحك ارتعب كلبي
واني اشوف رجال شايب وجهة محترك نصة ويضحك...
اسيل: - اخذنا الواهس بالسوالف انتبهت الكل كاعد إلا ازل ماكوووو
رحت ادور عليها بالبيت كلة ماكو ازل شنو وين.
ارتكبت ازل ماكووو فجأة طفت الكهرباء لا يالله
سمعت صرختها بس مادري وين
فجأءه عمب وحسن كلهم كامووو والصوت من الصطح صعدنالها، كلنا...
حسن: - ولج اسيل منو هذا...
اسيل: - عزززة هذا عمو أبو صدام
الي كتلك عليه دائما يطفر على سطحنا...
حسن: - لا حول ولا قوة إلا بالله كومي أخيتي لاتخافين
هذا رجال عائلتة احتركوا بالبيت وبس هو طلع وتخبل عليهم...
احمد: - يلا باباتي كومي يا نور عيوني شصعدج هنا يا بابا لا تخافين اني يمج
شيلي موبايلج من الكاع بنتي...
ازل: - بابا صعدت احجي وي شهاب
عززة بابا شهاب على الخط...
أخذ الجهاز مني ابوي...
شهاب: - تسودنت وما بقى عقل برأسي واني اسمع عياطها
شغلت السيارة وطلعت كبل من البيت الخط بعدة مفتوح
اسمع حجيهم وخوفها بعدني بالطريق وعمي صار يحجي...
احمد: - الوووو شهاب تسمعني
شهاب: - عمي ازولة شبيها...
احمد: - لا تنفزع ابني ترى خافت من وره رجال مجنون الله يرحم بحاله
لا تقلق ترتاح واخليها تحاجيك...
شهاب: - عمي ماكو داعي أجي لعد...
احمد: - صدك جذب ابني وين طالع بهل الليل ترى لازم تتعود على فزعة ازل لا تنرعب وياها انت ارجع
بس تغسل وتروح خوفتها تحاجيك...
شهاب: - هاي هية عمي أخذ راحتك...
احمد: - الله وياك ابني
حسن: - خايبة سليمة ما عفناج مرة لوحدج إذا ما جيتيني تعيطين...
اسيل: - يمعود هو كل مرة يرعبنا هيج.
ترى كلش ماعندة عقل...
ازل: - ليش ليش شنو بي...
حسن: - ولج كبر شكو تعتين بالحجي
العام بالشتاء عايفين الصوبه الكهربائية تشتعل وهي قريبة على البردة
ماخذتهم النار وماحاسين
والده اثنين وبنات اتلاث وزوجتة كلهم ماتوا
بقى بس هو ومن سمع بخبر موتهم تخبل...
ازل: - ياربي واني عيطت بوجه خطية بس والله ما كان قصدي هو إلى رعبني...
اسيل: - تكبرين وتنسين
ازل: - عفت حسن واسيل على الدرج واني رحت أغسل...
أعصابي ترجف.
حسن: - اكول يحلوة الصبح اني شايلج وجايبلج عصير وهسة جيبتلج باكيت مصاص ما تنطيني حلاوة شوية...
اسيل بخبث: - ادلل امي مسوية خوش حلاوة تمر هسة اترس حلكك منها...
حسن: - جريتها لصدري
اي فعلا امج عدها خوش حلاوة بس مو مال تمر
لا مال مصاص...
اسيل: - وانت شتريد حلاوة وما انطي خووووش...
حسن: - منو الماتنطي صرت ادغدغ بيها وهي تضحك اجانة صوت ازل...
- يمعوووودين ستروا علينا كلها بالاستقبال...
حسن: - دفعتني وراحت تضحك.
ايناس: - ورة ما رجعنا من بيت اسيل
دخلت لغرفتي.
عيسى نايم على الجرباية وحاط أيده على عيونة...
احنا ما نتحاجى من يوم إلى زكح بية على الفلوس واتخذ قرار يخص حياتنا من كيفة حتى ما شاركني بي.
حتى من ردت أروح لا سيل خليت عمتي تبلغة
اني اتعقد ولا أحد يتجاوزني بشئ
يخص حياتنا...
طول عمري اشاركة بكل شي ليش يضم علي هيج موضوع يعني حتى عمتي تدري واني لا
واكفة على المراية امسح بالكحل من عيوني ونزعت الحجاب فليت شعري
اجاني صوتة...
عيسى: - سلامج وراج كدامج ايناس خاتون...
ايناس: - ههههه سلامي وي فلوس البيت بالكنتور
عيسى: - تبسمرين مو خاتون...
ايناس: - لا مع الأسف مو ايناس إلى تبسمر والسلامي ما سلم وانت تعرف ليش...
عيسى: - كمت من الجرباية وكفت كبالها ترى انتي عجيب امرج
ترى ماكو وحدة ما تكيف تعزل من عيالها وتستقر...
ايناس: - براحتك عيسى سوي إلى تريدة
هذولي مو عيالي هذولي اهلي
وانت تروح للدوام نبقى اني وجهالك وحدنا
شلون تأمن...
عيسى: - انوسة أريد أخذ راحتي وياج اريدج...
أريد أدخل الكاج منتظرتني بيتنا ترة همه اهلي هم بس جهالنا كبروا
واريد الهم غرفة يستقرون بيها يا حبيبتي...
إيناس: - هاي هية براحتك...
عيسى: - انتي راحتي وحبيبتي وداعة طيبة كلبج ومحنتج على اهلي اني أفكر بحياتنا...
إيناس: - هاي هية حبيبي بس مرت الثانية تكدر تحجي وتنطيني علم نتناقش بالموضوع مو تجاوز وجودي...
عيسى: - شنو رايج تجين بحضني وتخلينة نتناقش على كيفنا...
إيناس: - بعدني ما مسامحتك وكلبي شايل عليك...
عيسى: - نرلت على ركبتي
انا آسف شريكة عمري مو قصدي اعيط بيج بس جنت مستعجل...
ايناس: -نزلت للمستواه وياه تعرف اني أحبك
اني اعشك كلشي بيك رغم كل إلى عشنا من تبتسم أحس نفسي أول مرة اشوفك
كلبي يبقى يدك على السريع...
عيسى: -وبكل مرة تعترفيلي بحبج اني
اوكع بحبج من جديد، دتعالي...
(كافي اطلعوا برة المتابعين ).
ازل: - بعد الرهبة المعدلة إلى اكلتها
اهلي راحوا
واني مددت بغرفة اسيل اتذكرت شهاب خطية
بابا كال راد يجي علمودي من سمعني اعيط
شلت الجهاز ودكيت عليه...
شهاب: - جنت انتظرها على نار واتصلت عليه
ازل: - الووو...
شهاب: - ها حبيبتي المكروصة شلون صرتي طمنيني
خفت عليج بنوتي...
ازل: - يالله شكد حلو اهتمامه
هااا اني صرت زينة بس هو شسمه شوية ارتعبت...
شهاب: - ههههههه شوية لج باباتي عياطج وصل لديالى...
ازل: - عزززة صدك شلون وصل
شهاب: - لج والقران اني سمعتة...
ازل: - لا عليك العباس صدك تحجي...
شهاب: - هههههههه اروح فدوة للغباء مالج ولج غير الموبايل جان مفتوح وسمعتة...
ازل: - والله عليك سوالف واني مصدكة...
شهاب: - بنوتي ترى هاي مو حالة خوفتج هيج ترى مو كل ظلام مرعب ولا كل هدوء يخوف...
ازل: - شون يعني اشو اني أحس روحي تنقبض والظلام يكبت نفسي تراودني هواجس وخوف...
شهاب: - بنوتي لو لا الظلام ما شفنا الكمر ونورة
بنوتي الهدوء والسكينة ما تخوف بس انتي لا تضلين حابسة روحج بفترة محددة عقلج يتعب...
ازل: - الله شهاب حجيك حلو...
شهاب: - وانطيج الأحلى منه من تخافين حطي ايدج على قلبج ورددي آيات قرآنية
راح يطمن كلبج...
ازل: - عادي هسة احط أيدي واقرأ...
شهاب بمكر: - هههههههه لا مو عادي تحطين ايدج بصدرج هسة خليها من تخافين...
ازل: - هااااااا رجعنا للحجي
شهاب: - كومي نامي بنيتي كافي سهر تأخر الوقت...
ازل: - حاااااضر كابتن...
شهاب: - تؤ تؤ حبيت باشا احلى...
ازل: - ادلل باشا...
شهاب: - اخ كلبي مو حمل كل العقل والطاعة.
ازل: - انت ابقى حباب وياي ولا تزكح
صير طيب وحنين عليه مثل اخواني وبابا...
واني اضل مطيعه واسمع كل التريده...
شهاب: - لا بنيتي إذا كلنا ندللج ونعاملج بطيب ما يضل طعم للحياة...