رواية رحل همي حين عرفتك للكاتبة زهراء أمجد الفصل السابع عشر
هالايام كلما اشرب الحرمل بطني تكوم تتكطع من الألم
خابر نعمان على ملأ أنور وكلة...
ملا كال هاي أثر السحر المشروب
لازم تتقيى
لحد الآن ما تقيت...
ملا كال اني مو كتلكم اخذوها لزيارة
بابا كال هاي هية
باجر نطلع لزيارة لعد كبل كربلاء وبعدها النجف...
ثاني يوم الفجر طلعنا كربلاء اني وبابا وماما وعيسى
كلي لهفة وشوق
أريد ازووور مشتاقة لعطر الحضرة
وصلنا كربلاء واني عيوني غوركت بدموعي.
كل تعبي إجه بالي كل لحضة عشتها بتعب وحزن كله مر مثل شريط كبالي واني
اتذكرت شكد دعيت الإمام الحسين إذا حيدر بي خير إلى يديمه وياي...
تالي تفاركنا وانتهى كلشي تخلى عني الشخص الجان بكول بس الموت يفرقنة عافني وهوه عايش مع الاسف بس اكيد ربي قاسملي الاحسن والافضل المهم
لبست عباية الصلاة فوك ملابسي
ونزعت حذاء تكرمون أريد اوصل الحضرة حافية
أريد ادخل لحبيبي أبا الفضل
اشكي همي
مشتاقة حيل اله.
الله يشهد أحس روحي طاكة بس أريد ادخل حضرة...
بابا وعيسى
كالوا نتظرجن يم هاي الكشوانية تزورن وتجن
واني ما صدكت انطلقت للحضرة
وهم زين الازدحام مو قوي كلش
بجيت من كثر شوقي
دقات قلبي زادت
جسمي قشعر كله نسيت كلشي
ماحس بااحد يمي
عطر المكان ملئ ريتي
اييييي هاي اني اجيتك حبيبي...
طال البعد مولاي
ناديت بكل صوتي
يا عباس
وصلت لشباك واني اشكي كل شخص جان اله سبب بلي اني بي.
يارب بجاه أبا الفضل عندك أريد كل إنسان يفكر بسحر وشحوذة...
تحركة بالدنيا قبل الآخرة
يارب أقسم عليك با ابافضل...
تنتقم من كل شخص يكيد لشخص بسحر او عمل شيطان وتنتقم من كل شخص اذاني وخله حالتي توصل للموت، بجاه رقيه بت الحسين تطلع حوبتي بيهم واني بلا ذنب...
جنت أدعي واني مدنكة على الشباك
افترقت عن امي
أحس بطني تتكطع من الوجع
شالتني مرآة من زندي
ورفعتني...
جرتني من بين الزائرين
التفت عليها
مره نهاية الأربعينات
وياها بنية مجلبه بعبايتها بكدي تقريبا
اباوع امي ماكو
ضيعتها
طلعت واني نفسي تلعب متت المرأة ماعفتني
وصلت للحاوية صرت اتقيى
دم...
وبداخله مثل الدود اسود
لعبت روحي بزايد من منظرة...
المرأة شهكت وضلت
تبجي على حالي
شوية أحس نفسي ارتاحيت
انطتني مي من
الي بالحضرة غسلت وجهي وادية وحلكي
أخذتني وياها...
وصرت أزور الإمام الحسين
مطمئنة امي ترجع يم مكان الكشوانية
بابا متفق ويانة
حتى لو افترقنا هناك نلتقي...
تعرفت على بنتها
اسمها جوري
حبوبة كلش المرأة كالت اوصلج يم ابوج يلا اعوفج
رحنا اني وياها وبنتها الكشوانية
شفت بابا واكف من بعيد وياة
رجال غريب
اتقدمت عليهم...
والمرأة عرفت بابا وكعدت تسلم علي.
شوية واجتي امي
وشافت المرأة وهم سالمت عليها
ادري شنو الفلم...
غير افتهم منين يعرفونهم
الولد الشاب صافن بوجهي ويباوع استغفر الله ادري ما شايف بنية شنو...
احمد: - ازل بابا هاي خالتج أم شهاب
اتصير زوجتة لابن عمتي
رب صدفة
خير من الف ميعاد...
ام شهاب هاي ازل ازغر بناتي...
ام شهاب: - هاي إلى جنت تجيبها وياك من تجينا مو صدك...
احمد: - اي هي هاي ازل الوكحة ههههههه
عيسى: - واكف اني وابوي بعد ما خلصنا الزيارة.
ننتظر امي وازل
باوعت هذا شهاب
صحت عليه شهاااب شهاااب
التفت عليه وأبتسم...
شهاب: - السلام عليكم عمي احمد شلونك عيسى شخباركم
احمد: - هلا بيك وكل هلا وليدي اليوم هنا
وحدك أحد وياك...
شهاب: - لا والله عمي الوالدة وجوري وياي
خلصت زيارة وجاي انتظرهن...
عيسى: - ولك بذات وين اختفيت
من ساعة إلى رحت أربيل ما خابرتني بعد...
شهاب: - ولك والله بالشغل
واليوم اتفرغت وجبت العائلة واجيت...
احمد: - اجتي ازل وي ام شهاب سلمت عليهم...
شهاب ابن ابن عمتي
والده صديقي المقرب عشنا طفولتنا وشبابنا سوة
وهو دخل كلية عسكرية
وصار ضابط
مرة جان دوامه
بالاربيل شافها لربيعة (ام شهاب)
حبها
وهي كردية
واحنا اصلنا من ديالى واصلا جانوا أهلنا بقرية عايشين
وناس معروفين
عدهم حلال ومال خير من الله بس ما تركوا أرضهم...
تزوجها وجابهة من أربيل لديالى
صار عندة شهاب وفهد وسامي وجوري...
بعدها نقتل بالإرهاب وتيتموا.
ربيعة ما قبلت تترك ولدها وحدهم
بنت بيت من فلوس علي (أبو شهاب)
بصف عيالها وكعدت بي...
ابد ما تركتهم
ولد الغالي هذول جنت دائما من أرواحهم أخذ ازل وياي ولدي أصدقاء شهاب ويحبونة...
بس قبل أربع سنوات اخذتهم ربيعة واستقروا بااربيل
بقينا بس على الإتصال
واليوم التقينا صدفة بكربلاء هم ما صارلهم فترة من رجعوا لديالى
بس سامي بقى يم خوالة...
كعدنا كليتنا تحت المسقف إلى بين الإمامين
ما خليتهم يفترقون عنا
عزمتهم يرجعون ويانة...
ازل: - استغفرالله طول الكعدة وهو يباوع عليه من تجي عيني عليه يدور وجهه
كبر حتى كبر...
أحترم بابا واخوي كبالك شكو تباوع
تجاهلت وكعدت اسولف وي جوري.
امي وابوي وعيسى يسولفون بينهم
ومشغولين...
إلا الأخ ماخذلة ركن والجهاز بيدة
وكلساع يرفع راسة علينا.
توجهنا
للنجف وهم ويانة...
جوري صعدت ويانة بسيارة توسلت بابا يبقيها حبيتها كلش هالبنية
احمد: - شهاب أزل تريد جوري وياها شكلهن ندمجن البنات...
واحنا كلنا متوجهين للنجف أخذ عيسى وياك
وجوري تجي ويانة
ازل: - بابا يحجي وياة وهو باوعلي من فوك ليجوة جنت جاي انزع بحرم الصلاة
جنت لابسة بنطرون كابوي وبدي نيلي للركبه.
ويلك كابوي وشال نيلي...
يباوع اخذله صفنة وحجة
ادلل عمي أخذها وياك وبالنجف نلتقي...
ازل: - طول الطريق نحجي ونحشش اني وجوري
سولفتلي علي كل حياتها تقريبا
صارت السيارة ونسة
وماحسينا بالطريق
وصلنا
للنجف
والتقينا بخالتي ربيعة وشهاب...
تقسمنا امي وخالة ربيعة راحن يزون اني وجوري رحنا للحمامات...
غسلنا واتوضينا وطلعنا كبل للحضرة
جنا متفقين على مكان نلتقي بي
صرنا نمشي اني وجوري
وحدة تكول الثانية من اجينا
ضيعنا الطريق.
جوري كبل بجت...
ازل: - ولج شكو شغلتي الحنفيات هسة وإذا ضعنا يحظي...
خلي نفتر نشوف الامام والناس شكد حلوة
بكل الأحوال راح يلكونة...
جوري: - عزززة أريد امي ولج أريد امي
والعباس اليوم شهاب ينجلط إذا دورني ومالكني...
ازل: - جلطة الجريدي وإذا نجلط بعدين قابل بدينا ضعنا وخلص...
امج ترديها اوكفي هسة اشتريلج جبس أبو الهدية بلكت تطلع امج بي...
ترى اني هم ضايعة مثلج بطلي تنوحين، هاي سوالف المزعطه قبل ههههههه بس انتي مره...
جوري: - يعني خلص بعد ما نشوف أهلنا انتهت ايام الدلال راح نسيب...
ازل: - بذات الله راح الطخج بالكاع ترى هسة بالمنادى
ينادون على أهلنا بطللللللي دررررراما...
بعدنا نحجي واجانة صوتة...
شهاب: - بدال المنادى انتبهن على طريقجن وثول صارلجن ساعة تفترن واحنا كبالجن
بس ملتهيات باللغوة حقجن ما تشوفن...
ازل: - استغفر الله هم حجة وكونك الرجل البنزرقي...
صرت أفكر بيني وبين روحي إذا تعاركت وياة وضربتة راح يتأثر...
اتخيلت روحي أسد خشمه وحلكة ويصير لونة ازررق هههه تماما مثل وكونك القرد إلى جنت اتابعة على ام بي سي ثري...
ضحكت على أفكاري التافهة...
شهاب: - إذا خلصتن لغوة امشن انريد نزقنب جوري خطوة ما تتحركين بدون امي فهمتي...
جوري: - حاضر خيي تامر
ازل: - طول الطريق واني أفكر هذا شياكل زين شلون جان بطن أمه
هذا هم جان زغير
صرت أفكر شلون حملت أمه بي، شهل ضخامه جنة غول...
أفكاري سخيفة واني أفكر شلون طلع من بطن أمه.
سكتت
ورحنا لاهلي
بقينا كاعدين أكلنا وخلصنا
وطلعنا للسوك نفتر واشترينا غراض
وبعدها
رجعنا لبغداد
وجوري وياي طبعا
بسيطة وحبابة انسانة درامية لأبعد حد
يعني إذا صارت طسة بالطريق كالت راح نموت، هههههههه.
وصلنا للبيت دنيا الليل تقريبا ب 8 ونص
اجتمعوا الولد بالاستقبال...
واحنا جتمعنا بغرفتي ايناس وهبة واني
امي وخالتي كاعدات بغرفة بيبي الله يرحمها
ايناس: - ازل الحلويات بنص اني وياج تدرين اني مرت اخوج المفضلة والجبير...
هبة: - ول يابه يطبج حمس ترى هي مو فد صفة مرت الجبير...
الحلويات إلى والقرآن خاصة الشعرية
بعدين ازل نعمان يحبها هواي فهي لازم تحب مرتة...
ازل: - جوري حبيبتي مددي إذا تعبانة
خليني اكوم.
اشوف عصا بيبي وين خلوها
أريد اكسر هذني الزريكة والعوبة وجه القواري
كومن مني لا انعل يومجن...
مرت الجبير ومرت الزغير كومن كومن
حلويات ماكو لا وكاعدات يتشهن بعد
اصلا راح اطب بالكنتور
اكلهن واطلع...
والي تريد دهينة وحلاوة تجي تبوس ايدي يلا
عود اني الخانم واشفق عليجن واطيجن...
ايناس: - يلوك لأم شلوك عوزج والله
هبوش جتفيها راح أبوك العلبة واشرد...
هبة: - زين اني مستفادة شي مثلا
جتفت ازل
وتالي حلويات زيارة بطنج...
ازل: - دنجب وتعالن يلا خلي نأكل ونزقنب
يلا جوري كومي لاتضلين مفهية دخلي بالجو
ويانة...
ايناس راحت تجيب مي وتجي
ايناس: - ولج ازل كافي راح اطلك اني اليوم وأول مرة بعمري ارييييد اخون
ولجن صعد عندي السكر لحكني...
ازل: - بفزعة ولج شبيج احجي عدل شكو
شنو تخونين
سكريش مصخنة انتي...
ايناس: - ولج رحت اجيب ألمي وانصدمت بواحد وانكلب علي المي
ولج بس مو واحد عزززة
والقرآن يمكن جن ازل نكلب بية.
الطول والضخامة والجمال يكتل اررريد اخون كافي، هههههههه
اسفة عيسى اني راح اخونك
ازل: - اني وجوري متنا ضحك على حال ايناس وهي شافة الغول شهاب
عبالها جن...
جوري: - أهدي انوسة هذا اخوي شهوبي ترى شجاج انتي بهل الليل لا يسمعج رجلج ويطحنج.
ازل: - بلة بربج شعجبج بهل الغول
اشو اني من شفتة تذكرت القرد كونك...
جوري: - شمرت عليها المخدة
انجبي هييي ما اسمحلج تحجين على اخوي
ضحكت...
وبعدها كمنا نمنا كعدت الصبح تقريبا ب6 كلها نايمه
اني جوعانة دائما اجوع بهل الوقت اكعد أكل خيارة...
لو تمر مشتهاتي الصبح عليهن
أرجع انام بالهول اتعاجز اوصل الفراش
طلعت عبالك...
سكرانة من النعاس إلى بوجهي
فتحت الثلاجة أخذت خيارة
وطلعت بالحوش
مغمضة عيوني وامشي.
اسمع صوت العصافير يتعاركن...
كعدت بنص الحوش كرطت خيارتي ورجعت الهول
باوعت على وجهي بالمراية...
ايعععع شنو هاي شعري مكفش ومرفوع
وجهي احمر دم صاير أثر النوم تشيرتي ادلع نص جتفي طالع منه...
تفلت على روحي بالمراية
وانخمدت نمت بالهول
كعدت من النوم كالوا خالة وجوري راحوا
لديالى واني نايمه
ضجت لأن ما شفتها...
امل: - لا تضلين جنج ارملة كعدناج وكنالج راح يرحون وانتي ما كعدتي...
جوري كالت خلي تحاجيني على رقم امي وعافتلج الرقم
كومي يلا كملي العلاج
واتريكي
ازل: - كمت واني جهرتي مكلوبة
ايناس
تحجي بالغول عاجبها ههههههه
كملت العلاج
واتريكت دزيت رسالة لجوري...
هلاوو دراميتك هذا رقمي...
اني ازل احفظي يمج...
دقائق واجاني الرد
حفظته يمي وإذا عندج فايبر نزلي ونحجي بي احسن...
ازل: - وما هذا الفايبر هل هو صالح للاكل ام للشرب يا جوري...
جوري: - لا حبيبي هذا برنامج ينحجي بي انتي بيا عصر عايشة.
وما تعرفين الفايبر...
ازل: - اعذري جاهلي فأنا لم أسمع به من قبل سأطلب من عسيى المسيح أخي
أن يسويلي فايبر...
جوري: - ههههههه طاح حظج ماكو هيج يسويلي مو صارلج ساعة جنج هارون الرشيد ترطنين فصحة، احجي عدل لج...
ازل: - ابعدي عني الآن أريد أن انام بالله عليكي...
جوري: - ولي نامي مو تنسين حاجيني...
ازل: - اوكفي قبل ما انام اني حبيتج كومة
يعني كلشي يصير خاف انام و ماكعد...
جوري: - واني هم احبج انطمري...
ازل: - سديت الجهاز من جوري ونمت
السلام عليكم
اسمي شهاب عمري 27 سنة
خريج كلية تربية (مدرس فيزياء)
والدي متوفي
اني الأخ الأكبر للعائلة
عندي أخت وحدة وإخوان اثنين
حاليا مستقر بديالى.
جنت عايش بااربيل مدة من الزمن ورجعت لديالى
والدتي أصرت انروح نزور
كربلاء والنجف اخذتها هي وأختي وطلعنا لزيارة
هناك لكيت عمي أبو عيسى وعائلته
جنت واكف وياهم واجتي امي
التفت عليها وشفتها
أول نظرة
أول لقاء
أول بنية
اجتي عيني على إلى واكفة بصف امي
يالله أميرة...
شنو هاي صرت استرق النظر لعيونها الحمر
عيناها عميقتان
ترسم فيهما ملامح روح متعبة
أحلام
مؤجلة
تبدو نقية
تشبه السماء من يطيل النظر إليها يغرق بسحرها الأخاذ.
واكف اباوع لطولها...
هاي ليش هيج عيونها تعبانة وحزينة رغم هل شي
جمالها أخذ وبسيط
حرام الصلاة لابستة اسود وبي وردة ناعمه بيضة
أحسه يشبه
من ساعة إلى وكعت عيوني عليها واني
مادري شصار بية
نظراتها تائهة بين الحضرتين
عيونها مورمه شكلها جانت تبجي خشمها احمر بعدة
كعدت بصف جوري وامي...
: : : : : : طبعااا هنا اخونه بالله شهاب طلع اضرب من ازل بلتصنيف ههههههه هذا كلامه بلتفصيل من شافها اول مره...
وهاي شبيه ازل بلضبط...