رواية رحل همي حين عرفتك للكاتبة زهراء أمجد الفصل الثلاثون
ازل: - اني نايمه ب12 وكاعدة ب7
هوسة العرس كلها برأسي طريق من بغداد لديالى ساعة ونص وهسة
صار له ساعة
يسوق ما عرف شنو وضعي
غفيت بسيارة
من التعب
ماحسيت
إلا شهاب يفتح باب السيارة وايكلي انزلي يلا
انصدمت واني اشوف كدامي
اني بغداد وتحديدا بالكاظمية
المنارات الإمام (عليه السلام ) مقابيلي تمام
هاي شرجعنا لبغداد بيش الساعة هسة...
شهاب: - غطي وجهج عدل يلا خلي نطب للفندق تنزعين هاي القلاقيل إلى لابستهم ورانا روحة للأمام...
ازل: - نزلت الطرحة على وجهي وسحبني
دخلنا للفندق تلكاه ولد وضل يحجي وياة
انطانة مفتاح غرفة واني مثل الصخلة يسحل بية شهاب منا ومنا كلشي ما اشوف...
دخلنا للغرفة جانت بارردة وضلمه تخوف جلبت بسترتة شهاب...
همس لاتخافين اني يمج
ولا عبالك هو الجان يسحل بية
شغل ضوء الموبايل
لحد ما شغل ضوء الغرفة جانت كلش حلوة
ومزينة بطريقة تجنن
رجع شهاب لعصابة...
شهاب: - الج خمس دقائق اتنزعيني هل خرابيط وطبين للحمام ملابس بالجنطة موجودة البسيهم.
ازل: - هو يحجي واني ميتة جوع ونعاس مالي خلك اعاند
جان فستان طويل ابيض وبي وردة ناعمة زيتونية
شال زيتوني موجود
كوة يلا نزعت البدلة وحدي ذلتني السحابة
وما نفتحت...
والله جيت ابجي ربي شكاتبلي إذا أولها هيج
كمزت...
من الفرحة واني اشوف السحابة بدت تنفتح
الحمد لله ذبيت البدلة وأخذت الملابس ودخلت للحمام...
سبحت وطلعت أحس نفسي بس أريد اخمد
طفيت من النعاس يا ربي...
جوعانة شون بية...
والله راح انام وخلي مدري وين مشى...
حطيت راسي على المخدة أريد انام...
اجاني الموت يالكعبة...
شهاب: - كووووومي خاتون صار ساعة انتظرج يلا وانتي كاعدتلي تردين تنامين امشي كدامي...
ازل: - عليك الحسين والعباس ميتة من النعاس بس خلي انام شوية وبعدها حتى إذا تريد تذبحني عادي...
شهاب: - الج دقيقتين تكومين تلبسين الحجاب وعباية الصلاة يلااااااا...
ازل: - شدعواك عيوني كايمه
اباوع عليه دخيلك ربي القاط شامر الرباط منه
القميص عنابي طوووخ لونة السترة البنطرون اسود والعيون حمر شعرة مخربط...
اباوع علي شكلة مال واحد شارب أو مدمن مخدرات...
كلت خلي اتقرب علي اشمه إذا بي ريحة مطيبة اعوفة وانام...
وخلي يصيح وإذا لا ادبرلي حجة...
تقربت بخطواتي علي اشوفة يباوع علي وعاقد حواجبة...
وصلت يمه رفعت رجلي أريد أشم ريحتة
جرني من ايدي وصار يستغفر...
شهاب: - لج بابا تحركي، فضيني...
ازل: - اف همزين يعني ما شارب عفتة ورحت لبست الشال وعباية الصلاة
وهم جرني من ايدي
يا ربي حتى الصخلة ما يجرونها هالكد
نزلنا وتوجهنا للإمام...
كالي طبي زوري وتجين تلكيني هنا يم هذا المكان متتحركين خطوة
ازل: - دخلت وزرت وصليت دعيت ربي يوفقني بحياتي الجديدة...
وطلعت لكيتة لازم القرآن واكف بنفس المكان
شافني واجاني...
شهاب: - زرتي وخلصتي زيارة مقبولة
ازل: - تقبل الله منا ومنكم صالح الأعمال...
شهاب: - شوفي بنت الناس اجيتج قبل الخطوبة وكعدت وياج وسالتج
تحبين
أحد
اكو شخص جابرج
على هذا الزواج
لو بموافقتج
كلتي لا بموافقتي
بيوم خطبتنا تجيني رسالة ازل ما وافقت بيك الا عناد بية اني وياها علاقة سنين
ومن عفتها رادت تكسر خشمي بيك
ماتقنع اني المايشرفني وحدة مثلها تبقى وياي...
تزوجت الأشرف منها وتسواها...
ضجت وانفعلت ونار الغيرة اكلتني كل ضني علاقة سابقا...
رجعت للبيت هديت واستغفرت ربي كلت هاي هية صارت مرتي بعد
اني أعلمها على إلى اريدة
مريتي بعد صارت...
ورجعت أتعامل وياج صح قسيت بعض المواقف ما أنكر بس اني احترك حرك لو واحد نضرلج...
ليش ما نطقتي وكلتي جنت مخطوبة وفسخت
يمكن أتقبل هالشي واكمل وياج بس انتي استغفلتيني
هواي يا ازل
ازل: - هو يحجي واني صافنة ما قاطعتة نهائيا
ليش ميدري اني جنت مجرد مقرية فاتحتي
يعني شنووو ابوي ما بلغة
زين
اني مو سالتة وكتلة والدي بلغك بكل شي يخصني
وكالي
اي واني قانع
حجيت وياة
شهاب بس ابوي حاجيلك عني مو كتلك وكتلي اي حجالي كلشي يخصج
شهاب: - عمي ما حجالي غير عن حالتج ومرضج
محد ذكرلي سالفة خطوبتج
شوفي ازل.
هسة تقسمين على كتاب الله
أنتي ما مسوية شي وغلطانة وي خطيبج السابق
اعذريني
اني نفسي ما تتقبل اخذج واتاكد غصب عنج
بس أريد انتي طمنيني
ازل: - رغم كل اعصابة
لزمت ايدة إلى لازم بيها القرآن راد يسحبها ما خليتة
ممكن تسمعني بدون ما تقاطعني هم إلى حق أدافع عن نفسي
شهاب: - احجي اسمعج
ازل: - وحق هذا المكان المقدس وحق كل حرف بالقرآن الكريم
مابيني وبين ابن خالي اي شي
صح بفترة من الفترات
قرينا فاتحتنا.
واني ما جذب عليك كان بينا تواصل هاتفي
اما
تكول اخذج مدري شنو
فوحق
محمد واهل بيتة اصبعي ما طاخة لا هو ولا اي شخص
اني تربيتة
أحمد
حبيت حالي حال الناس لا اذنبت ولا كفرت
واني كل ضني ابوي مبلغك بالموضوع
مو قصدي أضم الموضوع عنك ولا شي ثاني
اني اكول كدام الكل ابن خالي غدر بية بوقت مرضي وطيحتي
وأحمد الله إلى فضحى الي
قبل لا اتورط وارتبط بي...
شهاب: - خلص من هاي الحظة ماريد اسمع اسم ابن خالي ولا ابن عمي ولا غيرة...
عهد علي يا ازل اصيرلج كلشي بس احفظيني وصونيني...
ازل: - وداعة عيون ابوي
وضحكة امي اني اصونك مثل ما صنت شرف اهلي
اني طول عمري محافظة على نفسي من البشر لخاطرهم وهسة
انتقلت مسؤوليتك معناها مثل ماجنت بنية وأخاف على سمعة اهلي...
راح أخاف على سمعتك
راح أحافظ على اسمك بكل وقت عهد علي كدام الإمام ما راح اخونك بيوم...
شهاب: - حلفتي بالكل إلا شهاب ماله حصة من حلفانج شي...
ازل: - ابتسمت وداعة قميص شهاب جوعانة ونعسانة
شهاب: - هههههههه ام بطن تعالي نرجع للفندق يلا الساعة ب1 بليل...
ازل: - رجعنا للفندق جابولنا أكل
صرت أكل بشراهة متناسية كلشي صار بهذا اليوم واني اتثاوب من النعاس
اللكمة بحلكي وغفيت مادري...
شهاب: - بيوم العرس وقبل الزفة بدقائق اجتني رسالة تخبرني انو ازل جانت مخطوبة قبلي
ودزوا صورة إلها واكفة بصف ولد شاب وضاحكين
انجنيت وحتركت حسيت نفسي نخدعت...
طول الطريق واني كوة اتنفس من الخنكة
استغفلتني وضمت علي الموضوع
وصلتلها...
وسلمني اياها عمي وهو يوصي بيه علمودها
شيطانة لا تخاف عليها
اشوف اهلها شلون متاثرين عليها
حمار وجه بسبب البجي شعلني
بزايد...
موقفها وي امها خلني ما اذيها لخاطرهم...
وصلنا لبيتنا ضربوا طلق جماعتي خافت
لزمت ايدها اطمنها
ماريدها تخاف مو زين عليها
خرب بكلبي العاشكها
دخلنا
والدك والركص علك للضالين.
عفتها وحدها وطلعت بس دخلتها طلعت حتى ما كعدت يمها شوية...
بقيت لليل كالوا نزفكم خابرت صديق إلى عندة فندق
بالكاظمية مقابيل الامام قررت اطلع بيها للفندق ماكدر اتناقش وياها يم اهلي...
بلغت امي واعترضت حتى هي ما قبلت
بس جبانة ادري بيها عيطة وحدة تمشي عدل بزر نستلة بعد
بنت الدلال محد جارح مشاعرها بعيطة
اخذتها وطلعت بيها كبل للامام
طول الطريق هي نايمة...
لا همتها طسة ولا صوت ما كعدت الا اني كعدتها.
دخلنا للفندق وطلبت منها تسبح الاخت انتظرها وهي ماكو
صعدت فوك والكاهة تريد تنام خرب بيج
كومتها بتهديد...
اجتي اقتربت علي تشم بريحتي وخرتهة مني واني ماريد اضعف بقربها
طلعنا زرنا وحجيت وياها
وحجتلي كلشي عيونها صادقة بكلشي كالتة
لا ضافت ولا نقصت حجت بثقة
بس كلبي صعب يتقبل الموضوع ماريد اجبرها عليه...
خلي هي تحبني وتريد قربي يلا
رجعنا وهي جوعانة
أكلت ونامت بدون ما تدري خليتها على الجرباية واني نمت على القنفة.
اني تعبان وهي تعبانة...
كعدت على صوت الموبايل ب10 الصبح
امي...
ربيعة: - الوووو...
شهاب: - هلا يمة
ربيعة: - بالمبارك عليك اوليدي صباحية خير انشالله
شهاب: - الله يخليج يوم شلونج
ربيعة: - بخير يمة تجون اليوم لا
شهاب: - باوعت على ازل شلون نايمه
كتلها يمه ورة الغدة ان شاء الله نجي
ربيعة: - يلا يمه لعد أخذ راحتك
شهاب: - يمه خوالي راحوا
ربيعة: - محد رايح كلها تنتظرك تجي
شهاب: - هاي هية يمه
أجي ورة الضهر.
ربيعة الله وياك عيني انت
شهاب: - سديت الخط من امي وشغلت الكامرة اخذتلها صورة نايمه على وجه
واديها كل ايد بجه
رافعة رجليها والفستان مرفوع شعرها
منكوش
منظرها طفلة مو مال عروس ابد...
هاي شراح يكعدها من النوم
عفتها
ورحت للحمام سبحت وبدلت وطلعت
جبت ريوك واجيت
وهي على نفس النومة
هاي صدك تحجي بلة
أكلت وكملت ولا كعدتها فتحت موبايلي ولل 12 هي نايمه ولا تحركت
بزعت من نومها
رحت عليها اكعدها...
ازززززل اززززل اكعدي صدك جذب شنو هالنوم
ماكو لا حس ولا خبر
صرت الا لعب بشعرها وازعجها عسى ولعل تكعد وهم ماكو ما كعدت
لا يالله هاي خاف ميتة...
كلاص المي بصفي ذبيتة على وجهة
كمزت وهي تغلط
حسن الكلب الحقير شلون بيك ادبسسز إلا اكول لبوي عليك أخلي يربيك...
فجأة سكتت وصارت تباوع منا ومنا على غرفة...
كالت اني وين...
استغربت هاي صدك مكروصة ماظالمها اني.
بعدين كعدت على الجرباية عبالك استوعبت هي وين صارت تلم بشعرها...
ازل: - ترى تكدر تكعد مثل البشر ماينحتاج المي
شهاب: - كون انتي نايمة مثل البشر حتى اكعدج مثلهم...
ازل: - كافي هاي شنو مأكل؟
لعد اني شون راح ابقى بلا أكل ترى انت جاي تعذبني نفسيا والله
ويحقلي اشتكي عليك...
شهاب: - بطلي لغوة وكومي اكلي يلا حاسب حسابج حتى نطلع للبيت بعد...
ازل: - كمت أكلت وضميت البدلة والأغراض.
حطهم بسيارة وكلي تعالي نفتر بالكاظمية شوية واشتري شي لنفسج بعد احنا جاين جاين...
صدك هناك اشترالي عباية رأس ولبسني إياها
اشترالي هواي أشياء
ههههههه والبنات يباوعن عليه وعلية مادري ليش مستغربينا
ضحكتني وحدة تغمزلة وكلساع تريد تطخة
جريتة عليه غرت منها جنها صخلة شامية مكشرة بوجه
كبر ولا تستحي وتكول مرتة وياة...
رجعنا لديالى واني طول الطريق اكرط حمص
تالي أخذ الجيس وشمرة من الجامه
كالي كافي ما بقى شي ونوصل...
الساعة جانت ب4 ونص العصر
دخلنا للبيت واستقبلتنا خالتي
أجواء وكذا.
خالتي كالت مسوية كيك وجاي اكلوا على ما يجي العشاء...
كعدنا نأكل اني وياة وجوري ويانة
انسولف اني وياها
مرت عمة حجت
يا خالة بشري خذاج لا
غصيت بالكمة من الفشلة شلون تسألني هيج كبالهم اخوانة كاعدين...
جاوبها هو
شلون لعد يا عمة واحد يحطون كبالة كيكة وما يأكلها لا اطمنج شبعت تحبين اشوفج شلون اخذتها...
مرت عمة جاوبته.
غير نريد نطمن بس انت ولا تبطل من سوالفك...
مارد عليها بعد وهي سكتت
للمغرب كلش كالت جوري
كومي لغرفتج بدلي وصلي يلا...
كتلها بس خلي أغسل
شهاب كاعدة يباوع وي الولد طوبة من كمت اشرلي وين
كتلة أغسل...
غسلت وكملت وصعدنا اني وجوري لغرفتي...
فتحت الباب وجان اشوف...