رواية خنجر غدر للكاتبة يارا رشدي الفصل الخامس والثلاثون
دلفت والدتها بعدما قامت بتجهيز غرفه إلى رشاد ولكن وجدته يغفو علي المقعد بجانب ابنتها تركته كما هو وخرجت وهي تدعو بداخلها ان ينتهي كل شئ ويغفر لها رشاد
استيقظت في اليوم التالي لتجد رشاد يغفو بجانبها علي المقعد هزته برفق وعندما فتح عينيه قالت
نومتك علي الكرسي كده هتتعبك
اعتدل في جلسته وقال وهو يضغط علي عينيه
شكلي نمت من غير ما احس بنفسي
ممكن اطلب منك طلب وبلاش تكسفني وتقولي لا.
قالتها برجاء لينتبه اليها هو
اتفضلي
خليك موجود معايا علي اقل الفتره دي انا محتاجكك جمبي يا رشاد اعتبرها اي حاجه بس تكون موجود معايا
وبالفعل طوال الفتره الاخيره ورشاد لم يترك لبني لحظه واحده الطبيب كان محق التعب وما بداخلها مجرد وهم في عقلها فقط ولكن هي تتحسن مع العلاج وبوجود رشاد بجانبها تحسنت حالتها النفسيه كثيرآ بل واصبح لديها امل كبير ان رشاد سوف يغفر لها.
تحاملت اليوم علي نفسها وقامت باعداد له صنيه المكرونه بالبشاميل برغم الم جسدها ولكنها ضغطت علي نفسها ولم تستمع إلى كلمات والدتها ورشاد جلس الجميع علي المائده ولبني تتابع رشاد الذي يتناول الطعام بحماس كبير وقالت
ها ايه رايك في الاكل
حلو تسلم ايدك
وتلك الكلمه كانت تعني لها الكثير ابتسمت بفرحه وهي تقول
بجد المكرونه عجبتك مفهاش اي غلطه صح
لا مفهاش اي حاجه تسلم ايدك
بكره بقي هدوقك المحشي وبعده الملوخيه وبع.
قاطعها رشاد قائلا
لبني انتي تعبانه والدكتور قال مينفعش تعملي مجهود ارتاحي علشان تخفي
انا خفيت وبقيت كويسه
بس بردو لازم تسمعي كلام الدكتور لحد ما النسبه تقل وتوصل لرقم إلى دكتور عايزو
حركت راسها بالموافقه ليقول عمرو
هو احنا امته هنرجع بيتنا
كادت ان تنطق لبني وتجيبه ولكن قال رشاد
لما لبني تخف هنرجع انا واختك هتقعدوا معايا يومين في الاسبوع وباقي الايام مع ماما هنا.
وبتلك العباره قضي رشاد علي امال لبني باكملها توقفت عن تناول الطعام ونهضت من مكانها لتقول والدتها بعتاب
ليه كده يا رشاد دي كانت عشمانه انكم ترجعوا لبعض
وانا قولت كده مخصوص علشان تفهم اني مش هرجعلها ووجودي هنا بس علشان حالتها وخصوصآ ان دكتور قال في تحسن
بكلامك ده هتخليها ترجع تتعب تاني في ايه يا رشاد سامحها وانسي إلى فات لبني اتغيرت وعرفت قد ايه هي بتحبك
وعندما وجد انتباه عمرو إلى تلك الكلمات قال.
لو سمحتي بلاش الكلام ده قدام عمرو
وفي المساء
دلف إلى الغرفه الموجوده لبني بها ليجدها ممده علي الفراش وتنظر إلى سقف الغرفه وعندما انتبهت إلى وجوده اعتدلت وقالت بصوت ممبحوح وهي تمحو دمعه علي وحنتيها
في حاجه؟
ومن الواضح انها كانت تبكي بصمت والسبب يعلمه جيدآ كلماته التي قالها علي مائده الطعام
عايز عنوان رحمه اكيد تعرفيه
ليه ناوي ترجعلها ماهو اكيد عايزو لسبب يعني.
قالتها بحزن والدموع في عينيها ليجيبها رشاد بهدوء
في حوار معاها لازم اخلصه قوليلي عنوانها ايه
ذهب رشاد إلى المكان الذي اخبرته به لبني وفي يديه يحمل حقيبه طرق الباب لتظهر امامه رحمه وما ان راته امامها صرخت به
وكمان جاي لحد عندي يا بجاحتك
تجاهل كلماتها ثم دلف إلى الشقه وجلس علي المقعد قائلا
اقعدي علشان نتكلم مع بعض
نتكلم في ايه؟ انت دمرتني خليت سمعتي زي الزفت دخلتني في لعبه انا مليش ذنب فيها.
وضع الحقيبه علي الطاوله التي امامه ثم قام بفتحها لتظهر منها العديد من النقود ثم قال
ادي تعويض علي الفضحيه واللعبه إلى دخلتك فيها مبلغ كبير ومحترم هيغير حياتك 180 درجه
ابتسمت ساخره إلى تلك النقود
هو الشرف عندك بفلوس يا رشاد صحيح في ناس من براه بتبان حاجه ومن جواه بتكون حاجه تانيه خالص
حرك راسه بالايجاب ثم بعث بالنقود وقال.
عندك يا رحمه انا اعرف واحده جوزها لما مات بقيت تكلم رجاله علي النت وتفتحلهم الكاميره علشان تاخد فلوس وبتبيع شرفها برخيص اوي
شحب وجهها وهي تستمع إلى كلماته تلك
انت قصدك مين.
اكيد مش هلبسك فضيحه واخليكي علي سرير مع واحد وانزلك فيديو علي النت وانتي بنت ناس ومحترمه مش اخلاقي دي علي فكره انا عرفت كل حاجه تخصك قبل ما اتجوزك وادخلك جوه اللعبه دي واهو يا ستي جايبلك تعويض محترم احسن بكتير من الفلوس إلى كنتي بتاخديها من رجاله النت
ضغطت علي شفتيها بضيق قائله
كنت عارف واتجوزتني
ابتسم اليها قائلا.
علشان كل حاجه تمشي صح يا بيبي كان لازم تكوني مراتي وبصراحه لقيتك انسانه جشعه طمعانه في حياه صحبتك وخونتيها شوفت انك متفرقيش حاجه عن حسن وحسيت قد ايه هتكونوا لايقين علي بعض
بس علي فكره إلى كنت بعرفهم علي النت مكنتش بتفضح بالشكل ده معاهم لكن انت فضحتني فضحيه كبيره ومحدش هينساها ابدا.
معلش يا رحمه الفلوس دي هتنسيكي انتي علي اقل وتقدري بردو تسافري اي مكان ان شالله يارب بلاد براه محدش هيعرفك هناك واهو يمكن الطياره توقع بيكي وتحصلي حسن ونبقي خلصنا البشريه من اتنين اندال
بعد الشر عليا يا خوفي تطلع انت كمان ورا وقوع الطياره بحسن مانت يطلع منك اي حاجه وانا الهبله كنت فاكرك طيب وغلبان
نهض من مكانه وهو يقول.
كنت طيب وغلبان كنت يا رحمه الفلوس عندك اهي ابدائي بيها من اول وجديد ولو علي الفيديو متقلقيش انا مسحته من تاني يوم وياريت الفلوس دي تنضفك وتشيل السواد إلى في قلبك
حركت جسدها بعصبيه وهي تستمع إلى كلماته تلك وعندما انتهت من كلماته رحل لتقترب هي من النقود التي علي الطاوله ثم ظلت تبعث بهم قائله بتساؤل
يطلعوا كام دول؟
مرت الايام واليوم نتيجه الفحص الخاصه ب لبني ذهب رشاد حتى يقوم باحضارها ولبني ترتدي اسدال الصلاه وتجلس علي المصليه
يارب النتيجه تطلع كويسه واكون خفيت مش عايزه اموت يارب استجيب لدعائي واديني فرصه واحده مش عايزه غير فرصه يارب
شعرت بصوت رشاد في الخارج دق قلبها بقوه ثم سجدت علي الارضيه وهتفت
يارب اكون خفيت يارب اكون خفيت يارب
ظلت تترد كلماتها تلك، دلف رشاد إلى الغرفه ووجدها بهذا الوضع ابتسم وهو يقول.
مبروك يا لبني انتي خفيتي المرض اختفي من عندك خلاص
سقطت الدموع من عينيها وظلت ساجده كما هي هامسه ببكاء
الف حمد وشكر ليك يارب الف حمد وشكر ليك
ورشاد يستعد ويجمع ثيابه الذي احضرها في فتره بقائه مع لبني وقفت لبني علي عتبه الباب وقالت
مش عايز حتى تديني فرصه تانيه علي اقل علشان خاطر الولاد إلى ما بينا.
مينفعش يا لبني صعب لاني مش هقدر انسي واظن انتي متفقه معايا وقت ما كنا مخطوبين اني لو خونتك عمرك ما هتسامحيني واهو حصل العكس وانتي إلى خونتي وانا اسف مش هقدر اسامح
بس انت خونتني واتجوزت رحمه وكمان روحت قابلتها وانا سامحتك اهو
قام باغلاق حقيبه ثيابه وهو يقول
جوازي من رحمه مكنش خيانه ليكي لانه كان جواز علي الورق بس وعايزه تعتبريه خيانه يا ستي مفيش مشكله ومتسامحنيش عادي انا مطلبتش منك تسامحيني.
اقتربت منه وجذبت الحقيبه منه
بس انا سامحتك علشان بحبك وانت كمان بتحبني يبقي مفروض تسامح
ضحك ساخرآ
ياااه يا لبني بتحبيني عملتي فيا كل ده وانتي بتحبيني امال لو كنتي بتكرهيني كنتي عملتي فيا ايه بس
احنا اتفقنا اننا احنا الاتنين غلطانين والسبب في إلى حصل ده مش ده كان كلامك يا رشاد؟
حرك راسه بنعم وهو يقول.
وعلشان كده مينفعش نرجع لبعض لاننا احنا الاتنين غلطانين كل واحد لازم يدفع تمن غلطته وكويس ان تمن الغلطه هيدفع ببعدنا عن بعض محدش رحمك من إلى كنت هعمله فيكي يا لبني غير مرضك
كنت ناوي تلبس ام عيالك فضيحه زي رحمه يا رشاد
جذب الحقيبه منها وقال
لا كنت هقتلك وادخل فيكي السجن اوعي يا لبني وسبيني امشي انا عملت ب اصلي معاكي وفضلت جمبك طول فتره تعبك بس علشان خاطر الولاد وكلام الدكتور بسبب نفسيتك.
والولاد هيقضوا معايا تلات ايام في الاسبوع وباقي الاسبوع عندك حافظي عليهم
ورحل رشاد من امامها جلست هي علي الفراش بحسره خسرت رشاد ولابد
تجلس امام الاطفال وتضم صغارها إلى احضانها تشعر انها في كابوس وسوف تستيقظ منه خيانه حسن لها وموته كل هذه الاحداث مرت امامها وكانها حلم
شعرت بوالدها وهو يجلس بجانبها قائلا
عندي ليكي خبر حلو اوي
انتبهت إلى والدها وقالت
خير يا بابا
عارفه انا قابلت مين النهارده؟
تسائلت هي باستغراب ليجيبها والدها بابتسامه
امير
نظرت امامها وهي تقول بجمود
وقدرت تقعد معاه وتقابله؟ ده انا اتحايلت علي حضرتك كتير قبل كده وكنت بترفض
انا فاهم قصدك يا سلمي بس اكتشفت اني كنت غلطان امير جدع وبيحبك بجد
ضحكت وهي تقول
وعرفت كمان يا بابا الحب مش ده إلى كان زمان بنسبالك لعب عيال
تنهد والدها وهو يرتب عليها
سامحيني يا حبيبتي كنت عايزك تعيشي عيشه مرتاحه وامير وقتها مكنش حيلته حاجه.
حسن هو إلى كان عنده كل حاجه ومناسب جدا عريس لقطه وظيفه وشقه تمليك مينفعش يترفض
قالتها بسخريه كبيره
ويعلم جيدآ ان ابنته لم تتوقف عن عتابه وتذكيره بالماضي
امير طلب ايدك مني يا سلمي.