رواية حرب الحب للكاتبة سلسبيل كوبك الفصل الرابع والثلاثون

رواية حرب الحب للكاتبة سلسبيل كوبك الفصل الرابع والثلاثون

سمعوا صوت طلقة دوت في المكان كله. و الكل بدأ يسأل مين اللي مات.
جنون وقعت في الارض...
ادهم: اهدي يا جنون متخافيش.
جنون كانت قاعدة في الارض تايهة مش قادرة تتحرك جسمها سايب.
و القوات بدأت تدخل المستشفي و بعدها بدقيقتين كنان خرج.
ادهم: جنون.
جنون رفعت رأسها و شافت كنان قامت بسرعة و جريت عليه حضنته جامد...
كنان: انا كويس متخافيش...
جنون: متأكد؟!
كنان: اه يا روحي.
ادهم: خلاص يا بت سيبيه هيموت.

كنان: سيبيها يا ابني ده حضن مش هلاقيه كل يوم انا.
جنون: عيال رزلة.
جنون مسكت في ايد كنان و دخلوا المستشفي.
جنون: احكيلي حصل ايه؟!
كنان: متشغليش بالك انا كويس.
جنون: مش بسأل عنك بسأل حصل ايه فوق مع الراجل.
كنان: الشخص ده اساسا غلبان و حد قتل باباه و مرضيوش يودوا ليه اي تعويض و سكتوا علي الموضوع هو كان جاي ينتقم بس اتكلمنا. بس حاول يهاجمني تاني ضربته رصاصة في رجله بس.
جنون: هيأخدوا افادتك صح؟!
كنان: اه.

ادهم: هروح ابص علي مريضة عندي.
جنون: و احنا رايحين ل ندي اخت كنان.
ادهم: تمام.
كنان و جنون راحوا لاوضة ندي و دخلوا.
ندي(بدموع): كنان.
كنان حضن ندي جامد و باس رأسها.
كنان: انا اهو يا روحي متخافيش معاكي.
جنون: ندي معلش هنتكلم معاكي شوية، ايه السبب يا ندي؟!
الباب خبط.
ادهم: يا مزتي.
ادهم(باحراج): ايه ده؟!
جنون: هي دي اللي انت بتتكلم عنها؟!
ادهم: هي دي اختك يا كنان؟!
كنان: ايوه ندي اختي.

ادهم: انا هو الدكتور بتاعها.
ندي: عايزة اروح يا كنان.
ادهم: عادي برضو روحي و ابقي اجيلك جلسة كل يومين.
كنان: نبقي نتكلم بعدين يا ادهم.
ادهم: تمام.
جنون: ها يا ندي ردي حصل ايه؟!
ندي بصتلهم هما التلاتة و خدت نفس عميق و حكت حكاية سعيد كلها...
التلاتة كانوا مصدومين من الحكاية و ساكتين.
جنون: احم خلاص يا روحي ارتاحي دلوقتي و احنا بكرة ان شاء الله هنرجعك البيت.
ندي: تمام.

كنان: باي يا حبيبتي. خلي بالك منها يا ادهم.
ادهم: تمام انا بايت في المستشفي.
جنون: باي يا حبيبي باي يا حبيبتي.
كنان و جنون خرجوا ركبوا العربية و ادهم بص علي ندي و مشي.

-في مكان تاني...
في بيت جنون...
داليا: نورت يا اوبي نورت.
اوبي: بنور حضرتك يا طنط.
داليا: شجن خارجة لحظة واحدة.
اوبي: و لا يهمك.
شجن: مساء الخير.
اوبي: مساء النور.
داليا: عن اذنكوا هروح اشوف جورچ شوية باله كتير مختفي.
شجن: ماشي يا ماما.
اوبي: عاملة ايه دلوقتي؟!
شجن: الحمد لله. اسفة اني مروحتش الشركة.
اوبي: لا و لا يهمك. كنت عايزك في موضوع بخصوص الشركة.
شجن: قول.

اوبي: بصي يا شجن مضمنش انا تصرف و اخلاق كل العملاء علشان كدة هتقعدي من الشغل لغاية ما اكون نفسي و اعمل شركة خاصة بيا و بيكي.
شجن(بحدة): انت بتقولي الغي شخصيتي.
اوبي: اكيد مش كدة يا حبيبتي اسمعيني اللي حصل المرة دي ممكن يحصل مرة تانية و يبقي في تطور خليكي في البيت لغاية ما نتجوز و أبني شركتي بنفسي و تبقي بتاعتي انا و انتي.
شجن: بس لا برضو يا اوبي. انا بحب الشغل.

اوبي: يا روحي انتي ملكة اقعدي في البيت هانت قربنا نتجوز ان شاء الله.
شجن: يا اوبي.
اوبي: يا حبيبتي يا روحي افهميني بس انا بعمل ل مصلحتك، و خايف عليكي و غيران.
شجن: هفكر يا اوبي.
اوبي: تمام. خلي بالك من نفسك.
اوبي قام باس رأس شجن و مشي.
عند داليا.
داليا راحت ل بيت جورچ و خبطت الباب.
جورچ: حاضر جاي.
جورچ: طنط داليا.
داليا: ازيك يا حبيبي عامل ايه؟!
جورچ: الحمد لله اتفضلي خشي.
داليا دخلت و قعدت مع جورچ.

داليا: مالك مختفي ليه كدة من الوسط؟!
جورچ: شغل بقي.
داليا: عليا انا يا جورچ.
جورچ عيط و حط رأسه علي رجل داليا.
جورچ: مخنوق اوي اني زعلت مني جنون و طردتها من بيتي و هي ملهاش ذنب كنت خايف عليها بس.
داليا: جنون هبلة و هتسامحك.
جورچ: جنون مش كدة.
داليا: بقت كدة من ساعة ما حبت لا حبت ايه عشقت كنان.
جورچ: بجد خلاص جنون حياتها مستقرة.
داليا: لا امه هي المشكلة.
جورچ: هتتحل هتتحل.

جورچ: انا قربت اتجوز. عرفت بنت و اتعرفنا و هنتجوز قريب.
داليا: ربنا يفرحكم با رب.
جورچ: شكرا يا طنط.
داليا: انت ابني ياض اسكت.
جورچ: ينفع اجي النهاردة عندكوا؟! اعتذر ل جنون.
داليا: ده بيتك يا اهبل يلا امشي انا دلوقتي.
جورچ: باي.
داليا: باي.

-في مكان تاني...
في المبني.
شهاب: سجي ممكن لحظة؟!
سجي: تمام.
شهاب: هو انتي مش بتحبيني يا سجي؟!
سجي بصت في الارض و سكتت.
شهاب: وصلي الرد يا سجي.
شهاب: اسف اني تدخلت في حياتك و وديت ل نفسي مساحة زايدة.
سجي رفعت رأسها بصتله بصدمة و هو سابها و مشي.
سجي: يا اهبل انا بموت فيك الله.
سجي راحت تكمل شغلها.
علي: قلبي يا رب حب يا رب.
نور و تامر قاعدين عمالين يضحكوا علي علي. و عطر محرجة...

علي: السود عيونه شغلوني عيونه.
عطر: اللهم طولك يا روح.
علي: قلبي يا ناس قلبي يا رب حب يا رب.
عطر: لا انت فظيع مش طبيعي اوووووف.
عطر سابتله الاوضة و مشيت.
تامر مات علي نفسه من الضحك اول ما عطر مشيت.
تامر: لا مش قادر.
نور: انت ايه يا ابني انت مسخرة و ربي.
علي: بحبها اعمل ايه الله؟!
تامر: ربنا يكون في عونها.
علي: بتحبني برضو موتوا من الغيظ.
نور: اهبل ده اوي...
تامر: اوي يا بنتي.
جنون: ضحكوني معاكوا.

كنان: دايسة في اي حاجة انتي.
جنون: بطل يا رزل.
تامر: علي زهق عطر في عيشتها.
علي: ده حب علفكرة.
كنان: و لا يهمك يا ابني حب براحتك.
جنون: في اي جديد؟!
نور: لا.
لقوا الباب بيتفتح و جنون كانت واقفة وراه.
جنون(بوجع): آآه.
فارس: اسف يا جنون اسف.
كنان: مالك يا ابني؟!
فارس: التسليم كمان ساعتين.
فارس: هلحق اروح اجهز و كمان شذي و اياد جايين في السكة يلا.
جنون: هروح انا يلا.
و كل واحد راح لاوضة الملابس يغير هدومه.

عطر: نفسي اخلص منه اوف.
جنون: مالك يا سجي ساكتة؟!
سجي: لا مفيش بس فكريني اقولك حاجة بعد المهمة.
جنون: طيب يا روحي.
البنات لبست بنطلون جينز طويل و فوقه تيشيرتات ملونة كل واحد لون
1-جنون لبست تي شيرت اسود و فيه رسمة اسد باللون الابيض و كان التي شيرت لغاية قبل الركبة و مفتوح من الجمبين ب ¾ كم و عملت شعرها علي شكل ديل حصان. و لبست كوتشي ابيض.

2-سجي لبست تي شيرت باللون الابيض بكم قصير لغاية الخصر و لبست كوتشي اسود في ابيض.
3-عطر لبست تي شيرت باللون الاحمر بنص كم لغاية الخصر و كوتشي اسود.
4-شذي لبست تي شيرت باللون الاصفر في اسود طويل لبعد الخصر بشوية و لبست كوتشي ابيض.
5-نور لبست تي شيرت باللون الابيض في اسود و كوتشي اسود...
جنون: انا جهزت.
شذي: و انا.
جنون: هشوف الباقي خلص و لا ايه؟!
جنون خرجت قابلت الشباب.
جنون: كويس خلصتوا. فين كنان؟!

اياد: حبيب القلب قال هيلبس بعدنا.
جنون: طيب. و احترم نفسك علشان مفضحكش قدام مراتك.
اياد: الله يخرب بيتك.
جنون راحت ل كنان في الاوضة و فتحت الباب.
جنون(بصدمة): كنان؟!
كنان: اطلعي يا جنون.
جنون قربت من كنان و حطت ايديها علي جسمه...
جنون: انت مقولتش ليا انك مجروح.
كنان: علشان حاجة بسيطة يلا امشي جاي وراكي.
جنون: استني بقي و اسكت.
جنون جابت علبة الاسعاف و بدأت تطهر الجرح بتاع كنان.
جنون: محتاج خياطة.

كنان: هخيطه انا.
جنون: لا هعمله.
جنون خيطت الجرح ل كنان و حطت لازق طبي.
جنون مسكت كنان من ودانه اللي اتصدم من حركتها.
جنون: بعد كدة لو محكتش ليا هضربك.
كنان: خلاص يا هبلة بس ابعدي.
جنون: عيل رزل.
كنان لبس التي شيرت بتاعه و مسك ايد جنون و خرجوا.
جنون: زي ما اتفقنا يا جماعة مش عايزينهم ميتين اهم شخصين في الموضوع كله الكبار فاهمين...
الكل: فاهمين.
جنون: يلا.

و الكل بدأ يلبس سماعة البلوتوث و يجهز شنطة المعدات بتاعته و ركبوا العربيات...
و بعد فترة وصلوا للمكان المطلوب.
كنان: فارس و نور انتوا هنا...
نور: تمام.
و الكل بدأ يتسحب و يأخد مكانه و شايفين و هما بيبتادلوا الاسلحة و حصل ضرب نار بين الطرفين.
علي: خليك مكانك اقف.
علي لقي حد بيخنقه من ورا بسلسلة حديد و مكنش قادر يأخد نفسه. جنون جت و ضربته علي رأسه و قتلت اللي قدامها.
جنون: انت كويس؟!

علي قعد يكح كتير و مكنش قادر يأخد نفسه.
جنون: قوم معايا.
جنون سندت علي و مشيت بيه.
علي(بتعب): حاسبي.
جنون ضربت نار و راحت ل مكان فارس و نور.
فارس: علي.
فارس نزل خد علي من جنون.
جنون: يلا بسرعة.
سجي: شهاب حاسب.
شهاب مسمعش كلام سجي و كمل ضرب و مكنش واخد باله من اللي وراه. سجي جريت عليه و زقته و ضربت نار.
سجي: عيل غبي و حمار.
سجي سابته و راحت تكمل ضرب...
كنان: اياد خلي بالك هما مستخبين ورا العربيات.

اياد: طيب ماشي انت من هنا و انا من هنا.
كنان و اياد لفوا للعربية من ورا لقوا الشخصين اللي مطلوبين قاعدين في الارض.
اياد: قوم قوم.
كنان مسك واحد و اياد مسك واحد.
كنان(بصوت عالي): وقفوا ضرب.
الكل وقف و الرجالة بصت للكبار بتاعهم و حطوا رأسهم في الارض.
جنون(بصريخ): كنان.
كنان لقي شخص بيضربه بحاجة علي رأسه وقع علي الارض، و بدأت رجالة كتير تيجي و حاوطوا الفرقة كلها.
شخص: نزلوا سلاحكم...
جنون: سيبوني اروح اشوفه.

رجل المافيا: لا.
جنون(بزعيق): ده جوزي مش سامعني جوزي لازم اروح اشوفه.
شهاب: اهدي يا جنون اكيد كنان بخير متقلقيش.
الارهابي: اقتلوهم.
جنون: عايزة اروح اشوف جوزي لاخر مرة.
اياد: شذي انتي عارفة اني بحبك صح...
شذي(بدموع): و انا كمان يا اياد.
نور: ممكن نموت فعلا؟!
تامر: الاعمار بيد الله.
نور: و نعمة بالله.
جنون: طب اقتلوني بس عايزة اشوف جوزي لاخر مرة ارجوك.
جنون مشيت راحة ناحية اتجاه كنان.

الارهابي(بصوت عالي)اقفي مكانك.
جنون(بحدة): طالما كدة ميتة و كدة ميتة يبقي اموت جمب جوزي.
رجل المافيا: اقتلوهم حالا.
الرجالة بدأت توجه مسدساتها ناحية الفرقة بس حصل ضرب نار تاني خارجي.
جنون جريت علي كنان حاوطته بأيديها.
جنون: اسفة.
الكل لاحظ تدخل غريب...
سيف: انتي كويسة؟!
جنون بصتله بصدمة و بعدها بصت ل كنان.
جنون: ايه اللي جابك هنا؟!
سيف: ده مش مهم يلا.
جنون قامت بغضب وبصت ل سيف.

جنون(بعصبية): ليه عايز تتدخل في حياتي بشتي الطرق ابعد عني بقي يا شيخ، ايه بقي مش مكفيك زمان جاي تخلص مني دلوقتي.
جنون: مش محتاجة مساعدتك.
جنون: شهاب ساعدني علشان ننقل كنان.
جنون: الباقي يجهز العربيات هنتحرك.
جنون: اللي انت عملته مش هيخليني اسامحك و لا هيخفف عنك العقاب.

جنون شالت كنان هي و شهاب و كانوا هيخرجوا من المخزن اللي هما فيه بس سمعوا صوت ضرب نار. جنون لفت رأسها لقت سيف بيقع في الارض جنون اتصدمت جدا و فتحت عينيها علي اخرهم و وقفت مكانها عقلها توقف عن التفكير.
جنون سابت كنان و جريت علي سيف حطت رأسها علي رجلها.
جنون: فتح عينك يلا بلاش تستعبط.
جنون(بحدة): قوم يلا انت مبتسمعش الكلام ليه.

واحد: ابعدي انتي اساسا السبب هو بيحاول يعمل كل حاجة لسعادتك و لحمايتك و انتي بترفضيه دايما.
جنون(بحدة): ابعد عني و اتصل بالاسعاف لجوزي و ليه.
باقي الفرقة جت و بعدها الاسعاف جت و نقلت كنان في عربية و سيف في عربية و جنون كانت واقفة بين العربيتين محتارة تركب اي واحدة.
اياد: يلا اركبي مع ابوكي كلنا مع كنان.
جنون: بس.
اياد: كنان لو كان هنا كان هيقولك اركبي معاه يلا.

جنون ركبت مع سيف. و نور ركبت مع كنان و الباقي في عربيته و راحوا للمستشفي.
دخلوا سيف العمليات اما كنان الاسعاف.
و بعد فترة عائلة جنون و عائلة كنان جت.
جهاد(بعصبية): ايه اللي حصل لابني؟!
فارس: اهدي يا طنط هو.
جهاد(بعصبية): انتي يا حيوانة اللي عملتي كدة صح.
جنون: لو سمحت احترمي نفسك.
جهاد راحت علي جنون مسكتها من شعرها و خربشت وشها و الكل تدخل و بعدوها عنها بصعوبة.

جنون(بحدة): قسما بربي لو مكنتيش ام كنان و ست كبيرة كان زماني قتلاكي و محدش عرف طريقك.
داليا: اهدي يا حبيبتي، هما دول انواعها.
اوبي: ممكن نسكت شوية و نطمن عليهم.
اياد: جنون لسة مخرجوش من العمليات.
جنون: طيب.
شذي: هو مش باباكي ميت ازاي؟!
داليا(بصدمة): هو سيف في العمليات يا جنون؟!
شجن: بابا!
جنون: ايوه.
ادهم: بابا مين يا بنتي انتي.
جنون: ابوك عايش يا ادهم و بعدين نبقي نشرح دلوقتي نطمن علي كنان و سيف الدين.

فريد: ممكن نهدي شوية و مينفعش كدة احنا زاحمين المكان علي الفاضي روحوا ارتاحوا.
جنون: الكل يروح خلاص.
اياد: طيب يلا يا شذي.
شهاب: اشوفك بعدين باي...
و الكل مشي الا عائلة جنون و عائلة كنان...
جنون: امي روحي.
داليا: هطمن عليهم وامشي.
شجن: هروح اشوف الدكتور خرج و لا لا.
شجن راحت لقت الدكتور هيخرج نادت جنون.
الدكتور: تقربوا ايه للمريض؟!
جنون: اعتقد مش وقته هو اخباره ايه؟!
الدكتور: مين هنا اسمها جنون؟!

جنون: انا ليه في حاجة؟!
الدكتور: كان طول ما هو تحت تأثير البنج بيذكر اسمك.
جنون: احواله ايه يا دكتور؟!
الدكتور: الحمدلله بخير محتاج رعاية.
جنون: تمام شكرا.
نقلوا سيف اوضة عادية و داليا و ادهم و شجن دخلوا ليه...
جنون(بعصبية): هما اتأخروا كدة ليه؟!
اوبي: اشعة و تصوير مقطعي و حاجات كتير قالوا هيعملوها.
الممرضة: المريض فاق تقدروا تخشوا تشوفوه هو بخير.
جهاد: البت دي مش هتخش.
جهاد و فريد و اوبي دخلوا ل كنان.

كنان: جنون كويسة؟!
جهاد(بعصبية): فكر في نفسك الاول.
فريد(بحدة): جهاد.
كنان: هي فين؟!
اوبي: بره مستنيانا نخرج و هي تخش.
كنان: مستنين ايه؟!
فريد(بضحك): دي لحست مخك كله يا كنان.
كنان: هو بقي فيا مخ حتى.
جهاد(بعصبية): خليها تنفعك بقي.
جهاد سابتهم و مشيت و فريد و اوبي خرجوا...
اوبي: طردنا علشانك...
جنون ابتسمت بتوتر و بعدها دخل ل كنان و قربت منه.
جنون: الف سلامة عليك.
كنان: الله يسلمك.
كنان: ايه اللي في وشك ده؟!

جنون: خرابيش بسيطة متأخدش في باالك طمني عنك اهم حاجة.
كنان: انا كويس بيكي. بس فيكي حاجة؟!
جنون: سيف خد رصاص و دخل العمليات.
كنان: سيف مين؟!
جنون(بخفوت): بابا.
كنان: اه و ده ايه اللي حصله؟
جنون حكت ل كنان اللي حصل...
كنان: اطمنتي عليه؟
جنون: الدكتور طمني عليه.
كنان: طيب بس برضو روحي اطمني عليه.
جنون: حاضر يا كنان...
كنان: اخيرا سمعتي كلامي ل مرة واحدة في حياتك.
جنون: علشان تعرف غلاوتك عندي.

كنان مسك ايد جنون وباس باطن ايديها...
كنان: ايوه كدة وحشوني اوي غمازاتك.
جنون: اعمل ايه يعني؟!
كنان: اضحكي علطول.
جنون: و الناس تقول عليا هبلة.
كنان: هو حد قالك تضحكي للناس اضحكيلي انا علطول.
جنون: حاضر يا مجنون.
كنان: بحبك اوي يا جنون.
جنون: مش يلا بقي قوم كدة اعدل هدومك علشان تروح.
كنان: يا ربي عليكي يا جنون اقتل نفسي.
جنون: بعد الشر و يلا بقي يا حبيب.
جنون: طب علشان تصرفاتك دي مش هكمل الكلمة.

كنان: يا رزلة.
جنون قومت كنان و عدلتله هدومه و خرجوا.
فريد: هتروح؟!
كنان: نطمن علي ابو جنون الاول.
و راحوا كلهم لاوضة سيف و دخلوا.
كنان: ايه الاخبار؟!
داليا: لسة مفاقش.
جنون: طب مش يلا في هنا ممرضين هيهتموا بيه.
الكل قام و ركب عربياته و وصلوا ل بيت جنون...
كنان(بهمس): ما تخليك جدع و انزل اقنع امها.
فريد: هحاول طيب.
جنون: يلا عن اذنكوا.
كنان: استني.
جنون: ايه؟!
فريد نزل و وقف اتكلم مع داليا...

فريد: احم كنت طالب منك طلب.
داليا: اتفضل.
فريد: كنان يعني كان عايز جنون تبات معاه يعني خلاص مفيش داعي للانتظار.
داليا: بس مينفعش لازم فرح و كمان ابوها في المستشفي.
فريد: خلاص تيجي تعيش معانا مؤقت و كمان لازم تعتني ب كنان برضو.
جنون: ابوك بيقول ايه لامي؟
كنان: هنشوف.
جنون فضلت هي و كنان و اوبي و شجن و ادهم يتكلموا. و بعد فترة لقوا داليا خارجة بشنطة هدوم.
جنون: في ايه يا امي؟!
داليا: روحي مع جوزك اهتمي بيه.

كنان: و ربي انتي احلي طنط داليا في الدنيا و ربنا.
جنون: اينعم مصدومة بس.
ادهم: موافقة يلا غوري...
جنون: طيب، بس هو بالكتير اسبوع هيكون جرحه خف بس كدة.
كنان: معنديش مانع.
كنان و جنون و فريد و اوبي ركبوا العربية و راحوا علي الفيلا...
جهاد(بعصبية): جايبينها ليه هنا؟!
فريد قرب من جهاد و حط ايده علي كتفها.
فريد: العصبية الزيادة هتتعبك اكتر.
فريد: يلا يا ولاد علي اوضتكم.

كل شخص طلع علي اوضته و جنون اترمت علي السرير.
كنان: قومي بس غيري هدومك و بعدها نامي شكلك تعبان...
جنون: طيب.
جنون خدت هدوم ليها و غيرت هدومها.
جنون لبست بنطلون بيچ لغاية الركبة و فوقه تي شيرت اسود بحمالة رفيعة علي الكتف و سيبت شعرها.
جنون: هتنام؟!
كنان: ايوه يا حبيبتي.
جنون: بطل تقول الكلمة دي.
كنان: انتي حبيبتي من هنا لاخر العمر.
جنون: توبة توبة.
جنون فردت جسمها و كنان جه جمبها و حضنها.
تليفون جنون رن.

كنان: اوف مش وقته.
جنون: لحظة يا حبيبي.
جنون فتحت الخط.
جنون: الو يا حازم.
حازم: فاضية يا جنون؟!
جنون: قول عايز ايه؟!
حازم: في حاجة هتصدمك.
جنون: مبحبش الالغاز قول.
حازم: -----------------------------...
جنون اتصدمت و بصت ل كنان بصدمة و فضلت ساكتة لمدة دقيقة.