رواية بنت الحداد للكاتبة أماني فهمي الفصل الحادي عشر
في الفندق
اتصل يوسف على أدهم و طلب منه ان ياتي لوجود مشكلة في الشركة
أدهم: طيب المشكلة كبيرة للدرجة ديه
يوسف: والله يا ادهم كنت حلتها بس امبارح الدنيا قامت
حازم: خلاص أدهم هيجيلك يخلص المشكلة
يوسف: والله يا بابا مش هينفع لان المشكلة تدخل فيها الشرطة
حازم بغضب: هما اتجننو انا هاجي النهاردة
يوسف: تمام هبعت العربيات المطار لنتظاركم
أغلق يوسف معهم ورتب حازم و أدهم شنط السفر وتم تقسيم الحرس.
مالك لنفسه: هو انا هفضل لوحدي انا كمان هرتب الشنطة وروح افضل عند فارس اليومين دول
غادر حازم و ادهم إلى المطار وتوجه مالك إلى منزل فارس.
في منزل فارس
وصل مالك إلى المنزل و صعد إلى الاعلي
فارس بخضة: مالك في ايه
مالك: وحيات امك عاوز انام الحقني بسرير بسرعة
لمار: تعالي مالك
صعد مالك مع لمار إلى احدي غرف النوم ورمي الشنطة ورتمي علي السرير بتعب والغريبة انه نام وبسرعة
لمار: حرام مالك شكله تعبان اوى
فارس: مالك و حشته سارا
لمار: تعرف انها وحشتني اوي بس انت قررت ايه.
فارس: انا عن نفسي موافق ارجع كفاية ان بابا فريد البحيري بنفسه جيه هنا ديه في حد ذاتها كبيرة عارفة نفسي ارجع وحشني البيت و الناس و المصنع واهم حاجة ازور قبر امي
لمار: عارف كلهم طيبين اللا لينا
فارس بضحك: احلى حاجة ان مسك هتظبط لينا وهتاخد حق كل واحدة هنتها لينا
لمار: بس تفتكر حازم أو عمو فريد هيسكت على كده
فارس بثقة: مش بس هيسكتو وممكن كمان بابا يقوم الدنيا هو اصلا جاي علشان خاطر يرجعنا و مسك اهم مننا.
لمار بخوف: ربنا يستر
فارس بغمزة: متسيبي مسك و لينا و اي حد وتركزي معايا
لمار بدلع: عاوز ايه طيب
فارس بغمزة: عاوز بيبي جديد العب
لمار بصدمة: بعد السنين ديه كلها كندا عندها 15 سنة
فارس بعشق: وفيها ايه يارب يكون 20 سنة المهم احنا ربنا كرمنا وموزع رزقنا وصحتنا كويسة يبقي خلاص خلينا نكبر العيلة بكرا ميكو تتجوز والقردة التانية تتشغل في حياتها يبقي معانا طفل نربية ويونسنا
لمار بدلع: عاوز بنت ولا ولد.
فارس بعشق: اي حاجه انا بحب الاتنين ربنا يرزقنا بالاصلح و يكون سند لينا
لمار بدلع: طيب هنفضل نتكلم كتير والليلة هتخلص
فارس بضحك: وديه تيجي نشتغل على طول
قرب فارس منها بكل عشق و ذابو بين أحضان بعضهم وسكتت شهرزاد.
في الصباح، في غرفة مسك
كانت مسك تنام بين أحضان جدها وتضع راسها علي صدره بكل راحة
اما فريد كان يمسح على شعرها بكل حنان و حب واخيرا بعد 20 سنة حفيدته بين أحضانة ولكن هي ليست كباقي احفادة فهي مسكه مسك قلب فريد مصرح لها بفعل اي شي
فريد بابتسامة وهو ينظر لمسك: هتيجي معايا صدقيني وهرفع راسي بيكي وسط الكل
فضل فريد يمسح على شعرها.
فى الخارج
انتفضت لمار بخضة اثر استماعها لصوت طرق شديد على الباب فاسرعت وفتحت وجدت أمامها عمار
عمار: صباحو لولو
لمار: حرام عليك خضتني
عمار بمشاكسة: سلامه قلبك يا عسلية فين بنتك
لمار وهي تتجه للمطبخ: نايمة ادخل صحيها عقبال مجهز الفطار
عمار: اشطا اعملي حسابي
لمار بسخرية: علي اساس لو قولت لا مش هتاكل انت ممكن تاكل اكلنا كلنا
دخلت لمار المطبخ و صعد عمار إلى غرفة مسك
فارس وهو يدخل المطبخ: صباح العسل دلوعتي.
لمار بابتسامة: صباح الياسمين فارسي
فارس: مين جيه
لمار: ده عمار وطلع يصحي مسك
فارس بفزع: يصحي مسك يالهوي
لمار: في ايه هي اول مرة
فارس: مسك نايمة مع ابويا
صعد فارس بسرعة و خلفة لمار ولكن وقفو على على بعد خطوات من غرفة مسك عندما استمعو لصوت عمار الغاضب
مالك: في ايه مين بيصرخ كده
كندا: اكيد عمار مش جديد
مالك بابتسامة: صباح العسل كينو
كندا: صباح الورد ملوكي
فارس بصدمة: ربنا يعوض عليا منكم.
في غرفة مسك
دخل عمار الغرفة حتى يصحي مسك ولكن وقف بصدمة عندما وجدها تتوسط أحضان ذلك الرجل وهو يضمها لحضنة و يلعب بشعرها
عمار بغضب: مممممممممممممسك ممممممممممسك
مسك بخضة و نوم: في ايه في ايه
عمار بغضب: مين ده
مسك بخضة: هو مين اللي ده انت مجنون ياض ده فارس
عمار بسخرية: لما اللي نايمة في حضنة فارس امال مين ده
نظرت مسك وجدت فارس يدخل الغرفة و خلفة امها و عمها مالك فلفت رأسها وجدت فريد البحيري.
مسك ببرود: ده فريد البحيري ابو فارس
عمار بغيرة: ما انا عارف ليه نايم جمبك وحضنك بالشكل ده
فريد بابتسامة وهو يقبل خد مسك: صباح الورد والياسمين مسكي
عمار بغيرة: ديه مسكي انا و حبيبتي انا
فريد ببرود: لا طبعا هي مسكي انا وبس
عمار بخنقة: مسك انتي مسك مين
مسك ببرود: انا مش مسك حد انا مسك نفسي
تركتهم مسك وتوجهت إلى الحمام حتى تنعم بدش بارد يريح اعصابها
نظر عمار بشر لفريد الذي ابتسم له ببرود وخرج برا الأوضة.
في الاسفل
نزل الجميع إلى الاسفل وجلسو في انتظار نزول مسك فكان المكان عبارة عن حرب مشتغلة بالنظرات القاتلة
وضعت لمار الطعام علي السفرة ودعت الجميع له فذهبو وجلسو
بعد قليل نزلت مسك وهي ترتدي بنطلون ازرق و بدي وجاكت جلد و كوتش باللون الابيض ورفعت شعرها إلى الأعلي.
جلست مسك بجوار عمار بعد ان قبلت خده بكل حب فبتسم عمار وضمها لحضنة حتى يغيظ فريد
مسك: قولي عموري منورنا ليه
عمار: اه صحيح النتيجة ظهرت
مسك بفلعة: نعم يا روح امك وقاعد كده عادي انت مجنون يا بن فريدة
فارس بخوف: اهدي مسك اكيد خير
مسك بغضب: قوم ياض نروح الكلية
عمار: طيب براحة افطر الاول وننزل
مسك بعصبية: والله العظيم يا عمار لو مقومتش حالا لولع فيك وانت عارف اني مجنون و عملها.
عمار وهو يمسك سندوتش: لا وعلي ايه اتفضلي
فريد: طمنيني
مسك بسماجة: مش معايا رقمك
فريد بابتسامة: لا ما انا سجلته امبارح بالليل
مالك بضحكة مكتومة: سميته ايه
فريد بابتسامة: اكيد جدو حبيبي
مسك: هو انت تعبان يا فريد يالا ربنا يشفي
مشيت مسك ولكن في لحظة كانت تصرخ في عمار الذي ياكل بسرعة فنتفض وأسرع خلفها.
في الشارع
نزلت مسك و خلفها عمار واخرجو الريس ولكن وقفت مسك تنظر إلى الشارع
عمار: مالك ميكو
مسك: في وشوش غريبة في المنطقة
عمار: فعلا انا شفتهم وانا طالع
مسك: ربنا يستر
اتصلت مسك على والدها وامرته بمنع امه او شقيقتها من النزول للاسفل حتى هو منعته من النزول وتحت أسرارها وافق
انطلقت مسك و عمار إلى الجامعة.
في منزل فارس
الباب خبط فاسرعت كندا بفتحة وجدت أمامها امرأة ومعها شاب وفتاة
كندا: مين حضرتك
المرأة بابتسامة: انتى كندا يا روحي
كندا: ايوة انتى عمتو سما صح
سما بابتسامة: ايوة انا تعالي يا روحي
حضنتها سما بشدة و فرحة و نضمت الفتاة والشاب لهم
فارس: في ايه مين دول كندا
سما بفرحة: فيرو حبيبي
فارس بفرحة: سما
جريت سما لحضنة بشدة وفضلت تعيط بشدة وبعد فترة بعدو عن بعض
فارس: مين دول
سما: ديه سلمي و ده سالم.
فارس بابتسامة: اذيكم يا حبايبي
سالم: احنا عرفين حضرتك من كلام ماما و بابا الله يرحمه
فارس بصدمة: مروان مات
سما: ايوة من فترة الحمد لله
لمار: البقاء لله يا سما
سما: ونعمة بالله يا لولو فين مسك فارس هي مش عوزة تشفنا
فارس: لا والله ديه لسه رايحة الجامعة تشوف النتيجة ربنا يستر
سالم: هي في كلية ايه خالي
فارس: هندسة حبيبي وانت
سالم: انا خلصت إدارة أعمال و ماسك الشركة مع امي
فارس: ربنا يخليك ليها.
فريد: هي مسك ليه مش بترد عليا
فارس: اكيد سايقة واول مهتعرف ترد هترد متقلقش
فريد بعصبية: انت بارد كده ليه مش قلقان عليها
فارس بابتسامة: ميكو حبيبتي محدش يقلق عليها ما شاء الله كل سنة بتطلع بامتياز و طلعت الاولي على الجمهورية في الثانوية العامة يعني ميتخفش عليها
سلمي: هي عربتها نوعها ايه
فريد بغيظ: ديه بترك ريس
مالك: انا مش عارف اذاي بنوتة ذي مسك تركب ريس.
فارس بضحك: والله حاولت معاها وهي رفضت مقدرتش اقول لا كمان هي بتعرف تسوق كويس
مالك: هو مين عمار ده والأهم مين ادم
فارس: ادم ده حبيب مسك و عمار بيكون اخو ادم
فريد بغيرة: وهو اذاي يدخل الأوضة عليها كده افرض كانت نايمة عادي
لمار: لا عادي دول بينامو مع بعض براحتهم حتى ادم بينام معاها
فريد بغضب: انت اذاي توافق على حاجة ذي كده اذاي تضيع شرف بنتك
فارس: ممكن تهدي وعادي هما من صغرهم بيعملو كده.
مالك بغضب: لاااااا الظاهر عشتك هنا نستك الأصول و العادات اذاي تسمح لبنتك تفرط في شرفها و شرف العيلة
فارس: بااااااس ادم و عمار اخوات مسك و كندا
مالك: اذاي أخواتها
فارس: لمار لما ولدت مسك مكنتش عارفة ترضعها فام ادم كانت لسه مخلفة عمار من شهر فرضعت مسك و علشان كده مسك و كندا اخوات الشباب في الرضاعة
سما بفخر: اخويا راجل طول عمره وعمره مهيسمح ل يقرب من شرفة و عرضة
فارس: انا عمري مفكر اضيع شرفي.
فريد: اتصل على مسك وطمني عليها
لمار: فارس انا هنزل اجيب شوية حاجات من تحت
فارس: لا مسك قالت محدش ينزل خالص وانتي عارفة لما بتغضب البيت بيبقي حريقة
لمار: طيب انا عوزة اعمل اكل
فارس: والله يا قلبي مش عارف طلعي اي حاجة
لمار: طيب انت و بنتك هتجننوني
فارس بضحك: بس بعشقك
وبغمزة: مفيش اخبار عن البيبي الجديد
لمار بكسوف: فارس اتعدل ايه الكلام ده
فارس: لا انا تعبت اوي امبارح ولازم اكد على مجهودي النهاردة كمان.
فريد بعصبية: انت يا زفت اتصل علي بنتك
كندا: اطمن جدو اكيد هتنجح ديه موس مزاكرة
سما بضحك: وانتى يا حلوة اخبار النتيجة ايه
كندا: انا نجحت في الاعدادية ولسه هدخل ثانوية عامية
فارس: ثانوية عامية يا فاشلة ديه عوزة تدرس رقص
كندا: انا شايفة نفسي رقاصة حلوة يا بابتي انا احلي من صوفينار
مالك بضحك: خلاص لما نسافر هقدملك في مدرسة رقص كبيرة
كندا بحالمية: ياااااااه اخيرا هبقي رقاصة.
فارس بعصبية: قومي يا بنت الكلب من هنا قال رقاصة
كندا: مالك بس يا فروستي انا هجبلك فلوس كتير
لمار: تعالي كينو ساعديني
الباب خبط ودخلت نور وهي تحمل أشياء كثيرة وتنظر للمار بغضب ولكن ابتسمت لها لمار
نور: المفروض اتثبت صح خدي لولو الحاجة عندي شغل
لمار: ادخلي شوية
نور: مينفعش صاحب المحطة هيعلقني علشان متخانقة معاه
كندا: مش جبتي الحاجة يالا امشي عوزين نرش ماية
نظرت نور لها بغضب ومشيت.
في الجامعة
وصلت مسك و عمار الجامعة واسرعو لمكان النتيجة واخذو يبحثو عن اسمهم إلى أن وجدو اسم عمار ووجدوه ناجح بتفوق مثل كل سنة بتقدير امتياز
مسك بفرحة: مبروك عموري مبروك يا وحش
عمار بفرحة: الله يبارك فيكي يا ميكو تعالي بقي نشوف نتيجتك
توجهو إلى الكشف الآخر وبحثو عن اسم مسك و أيضا وجدوها ناجحة بنفس تقدير عمار امتياز
صرخو بشدة وسط فرحتهم لأنهم لم يخزلو اهلهم و تفوقو بشده.
عمار بفرحة: الحمد لله ربنا كرمنا
مسك: صح الحمد لله مجهودنا مرحش هدر
عمار: هكلم بابا افرحة
مسك: وانا هكلم دومي
تحدث الشباب معهم و فرحت فارس بالنتيجة وهذا اسعده بشدة
مسك: يالا يا وحش عوزين نروح زمانهم مستنين
عمار: بس الاول مين الناس اللي ظهرت في المنطقة دول
مسك: يا خبر دلوقتي بفلوس بعد شوية هيبقي ببلاش يالا
غادر الشباب الجامعة و عادو إلى المنطقة.
في الجيارة
نشاهد مجموعة من الرجالة يجلسون على القهوة سواء مع بعضهم او لوحدهم في انتظار الاشارة و على بعد خطوات نجد مجموعة من الناس الذي يظهر عليهم البلطجة
وصلت مسك و عمار و صعدت إلى المنزل و صعد عمار إلى المنزل
مسك بصراخ: فارررررررررررس فاررررررررس انا نجحت يا بشر
فارس بفرحة: مبروك يا قلب فارس دايما رافعة راسي.
مسك بابتسامة: طول ما انا عايشة هفضل رافعة راسك للسما هخلي الكل يقول هي ديه مسك فارس البحيري بنت الحداد اللي عمرها متتكسر ولا يتهز فيها شعرة
لمار: مبروك يا ميكو يالا بقي تعالي ساعديني في عمايل الاكل
مسك: ايه يا حجة انا واحدة ناجحة و فرحانة يعني المفروض تقوليلي استريحي وانا هخدمك
لمار بسخرية: محسساني ان النجاح و التفوق جديد عليكي مكل سنة بتنجحي بقت موضة قديمة.
مسك: تصدقي يا لمار انتى صح علشان كده انا مش هعمل الاكل أصله موضة قديمة
فريد بابتسامة: مبروك النجاح المشرف يا مسكي
مسك: شكرا
سما بصدمة: انتى شبها اوي ليها حق ماما تجهزلك كل حاجة بنفسها
مسك: انتى عمتو سما صح
سما بفرحة: ايوة انا يا روح عمتو
حضنتها سما بحب و سلمت علي سالم و سلمي ولكن لم ترتاح إلى سلمي
لحظات وصدر صراخ في الشارع والجميع ينادي على مسك
لمار: في ايه
سلمي بارف: ايه الازعاج ده انتم اذاي عايشين هنا.
كندا بصراخ: مسك الحقي حد ولع في الريس بتاعك
مسك بصدمة: ايه
اسرعت مسك إلى الاسفل و منعت والديها من النزول.
في الشارع
نزلت مسك بسرعة وجدت الريس الخاص بها محروق وسط الشارع ومجموعة من الرجال يقفون يضحكون
ابتسمت مسك بشر وخلعت الجاكت و رمته وتوجهت إليهم
مسك بشر: مسا مسا يا رجالة
احدي الرجال: مسا يا عسل
مسك بشر: مشفتش ابن الكلب الحرام اللي ولع في الريس ده
راجل تاني: انا اللي ولعت يا موزة هتعملي ايه
مسك بابتسامة شيطانية: ولا حاجه هولع في امك يا ابن
الراجل بغضب: انتي بتقولي ايه يا بنت ال.
مسك بشر: هوريك دلوقتي هو مين
ضربته مسك بشدة في منطقة لا يظهر بها الشمس وفي لحظة كان يصرخ بشدة من شده الألم الذي يفتك بيه
رجعت مسك بظهرها إلى الخلف وتجمع الرجالة حولها
فريد بغضب: مين دول وهي وسط الرجالة
فارس بغضب: يا ولاد الكلب
نزل بسرعة فارس و خلفة مالك و فريد و سالم وأسرع الحرس خلفهم وأسرع عمار و شادي بالنزول
خرجت مسك بسرعة من الدائرة باعجوبة عندما ضربت شخص منهم.
أصبح الشارع ساحة قتالية من جهه مسك و عائلتها ولكن بعدت هم للخلف بعد ان حاطهم الحرس بأمر منها و من الجهة الاخري الرجال بالسلاح الابيض
مسك بغضب: انتم مين ياض منك ليه
احدي الرجال: احنا اللي هنعلمك الادب ونربيكي علشان ابوكي معرفش يربيكي
مسك بشر: اصله مكنش فاضي
احدي الرجال: احنا بقي فاضيين
عمار بغضب: ايه يا ابن الكلب منك ليه هتفضلو تحكو طول النهار
شادي بضحك: يمكن خافو
مسك بضحك: او يمكن بقو سوسن او عنايات.
هجم الرجالة على الثلاثة وكانو يضربوهم بشده ورفعو السلاح الابيض فاسرعت مسك وسحبت جنزير و شادي سحب خشبة كبيرة وعمار سحب حديدة
أصبح الشارع ساحة ضرب والنساء من البيوت تصرخ بشدة
كان الحرس يمسك فارس بشده خوفا من اصابتة
بعد فترة كان البلطجية على الارض تحت إصابات مختلفة
وقفت مسك وهي تلعب بالجنزير بكل غضب ورفعت واحد منهم
مسك بغضب: مين يا ابن اللي بعتكم
الراجل: اسلام عامر.
عمار بغضب: اه يا ابن الكلب يا والنعمة لوريك
شادي: اثبت يا عمار الصبر نشوف مسك هتعمل ايه
مسك بغضب: لو شفت طيف كلب فيكم تاني في المنطقة عليا النعمة من نعمة ربي لولع فيكم بجاز وسخ
الرجالة: حاضر حاضر هنمشي
مسك بسخرية: حق الريس يا روح امك منك ليه يالا قلبو نفسكم
اخرج الرجال الفلوس التي بحوزتهم واعطوها لمسك وغارو خارج الشارع
لحظات ودخلت الشرطة
مسك بضحك: هي ديه الشرطة
عنار: دايما بيوصلو في الاخر.
شادي وهو يضم مسك و عمار: حتى في الأفلام و المسلسلات
فارس بلهفة: انتى كويسة يا قلبي
مسك بضحك: ولاد الكلب كانو بيبركولي بالنجاح يالا
نزلت الشرطة المنطقة ولكن لم يتحدث اي شخص بما حدث
الضابط: مين ولع في موتوسكيل ده كده
مسك بارف: موتوسيكل يخربيت اهلك
شادي بضحكة مكتومة: البنت ديه يا باشا
الضابط: ولعتي فيه ليه
مسك بحزن: اصله كان مسكون و الشيخ بطارخ قالي لازم اولع فيه علشان العفاريت تخرج منه وانا سمعت كلامه.
الضابط بخوف: عفاريت اذاي يعني
مسك بشر: اصل انا اشتريته بتاع واحد مقتول عليه وكان سعره رخيص بس بعد كده لقيته بيظهرلي وانا رحت للشيخ بطارخ وقالي احرقه علشان روح القتيل تخرج منه وتتحرر وتلبس اول شخص حط ايده علي موتوسكيل
الضابط برعب: الله يحرقك يا شيخة انا حطيت ايدي عليه
عمار بسهتنة: حاسس بتنميل في ايدك
الضابط برعب: اه صح
عمار: ووشك بينخذ
الضابط برعب: اه فعلا.
عمار: لا حوله ولا قوه الا بالله العلي العظيم انت كده تروح للشيخ مشكاح هو اللي هيعالجك
شادي: يالا يا ولاد نطلع اصل انا جعان هي لولو عاملة اكل
مسك: اه يالا حبيبي لولو عمله اكل كتير
صعد الشباب إلى الأعلي و خلفهم الكبار
فريد بغضب: هي ديه البيئة المثالية اللي بناتك متربين فيها
فارس: بناتي بمليون راجل وانت شفت بنفسك
فريد بغضب: جهزو نفسكم للسفر انا مش هسيب احفادي للاشكال الزبالة دول.
مسك بغضب: الأشكال الزبالة دول اللي ضمه ابنك ومراته لما البيه صاحب القصور و الجاه و المال طردهم برا قصره من غير ولا تعريفة وراجع بعد 20 سنة تسال عاشو اذاي عمرك فكرت احساس انك تبقي بطولك في الدنيا من غير سند عمرك حسيت انك تخلف ومتلقيش ابوك و خواتك في ظهرك بلاش فريد انت بالذات تتكلم على اللي يصح واللي ميصحش
سالم بغضب: انتى مجنونة اذاي تكلمي جدك بالشكل ده.
مسك بصوت عالي: ولاااااااا ملكش فيه واحده وجدها اخرج برا الليلة علشان انا زعلي وحش
فريد بهدوء: محدش يدخل تمام مسك اعملي كل حاجة انتى عوزاها بس ورحمة مسك عندي لترجعي معايا ألمانيا وهتعيشي هناك
مسك بابتسامة باردة: وانا على استعداد للتحديد بس مترجعش تزعل
فريد بتحدي: اسبوع من النهاردة وهتكوني في قلب قصرك وقصر ابوكي واجدادك
سما: بابا من فضلك اهدي وانتى مسك روحى بدلي هدومك.
نظرت مسك للجميع وصعدت لغرفتها وخلفها عمار الذي كان يشاهدها وهي تضع اديها على بطنها.