رواية بنت الحداد للكاتبة أماني فهمي الفصل الثاني والعشرون
عند مسك و الشباب
خرجت مسك بكل برود من المطعم و كان ادم يضمها لحضنة
مسك: عوزة امشي من هنا روح في اي حته
ادم: عوزة تروحي فين يا قلبي
مسك: من غير مشاكل
شادي بضحك: يبقي عوزة ترقصي صح
مسك بضحك: دايما فاهمني يا شيدو
ادم: تمام يا قلبي يالا
توجه الاربعة إلى احدي الملاهي الليلية و رقصو و لعبو و هزرو و لكن لم يشرب احد منهم المنكر
تعبت مسك و عمار و نامو و هما في الطريق.
في قصر البحيري
كان فريد يجلس على اعصابة لتأخر مسك على القصر
فريد: هي مسك اتاخرت
مالك: مسك مع أخواتها الرجالة اهدي شوية يا بابا
حازم: بلاش يا بابا تشد في الكلام مع مسك
لينا: صح عمي لان مسك لسانها طويل جدا
فريد بغضب: لينا انا لو ساكت علشان عارف ان مسك هتاخد حقها بس يوم مهتزعل انا اللي هزعلك و انتى عارفة غضب فريد البحيري
حازم: لينا اتعدلي
فريد: فين فارس
سارا: عند لمار بيهتم بيها.
فريدة: و سايب بنتة طايحه في الكل
سما: كفاية كلام
لحظات و دخل ادم يحمل مسك بين أحضانة
ادم: مساء الخير
الكل: مساء الخير
فريد بلهفة: مسك كويسة حصلها ايه
ادم بابتسامة: متخفش هي بس تعبت من اللعب طول اليوم
عمار بنوم: انا عاوز انااااااام
شادي: معلش جدو هنطلع علشان ساند جثة
فريد: اطلعو طيب
صعد الشباب إلى الأعلي
توجه شادي مع عمار إلى جناحة حتى ينامو
اما ادم فصعد بمسك و وضعها علي السرير.
في جناح مسك
وضع ادم مسك بحنان على السرير
ادم: مسك حبيبتي اصحي علشان تبدلي هدومك
مسك بنوم: مش عوزة
ادم بحنان: معلش يا قلبي يالا قومي
مسك بنوم: ماسي
ساعدها ادم حتى توجهت إلى غرفة الملابس و جعلها تجلس على كرسي و احضر لها ملابس و اخذ ملابس له و توجه إلى الحمام
انهت مسك ارتداء ملابسها و خرجت من غرفة الملابس و جدت ادم يخرج من الحمام فذهب إليها و حملها و وضعها علي السرير و ضمها لحضنة و نامو.
عند فريد
كان فريد يجلس على السرير و ه9و حزين بسبب بعد مسك عنه
فريد بحزن: انا عارف انك مش بتحبيني بس و الله غصب عني انا اتربيت على كده الله يسامحك يا بابا اللي عملته في اخويا و موقفتش جامبة و ربنا ردهالي في ابني بس فوقت بعد فترة و كان كل شي راح الله يسامحك يا ابويا حرمت مالك من بنته و رمتها و حصرته عليها بس انا مش هسكت و هرجع حقها و هي الوريثة الوحيدة لمالك البحيري حقك عليا يا لمار.
نام فريد بعد عذاب ضمير.
عند مسك
صحيت مسك و ابدلت ملابسها و توجهت إلى جناح فريد و فتحت الباب و فضلت تبسبس ليه
فريد بابتسامة: تعالي حبيبتي
مسك بابتسامة: صباح العسل فيري
فريد بابتسامة: يسعد صباحك يا عمري
مسك بمشاكسة: النهاردة عوزاك تجهز و تكون على سنجة 10 علشان عندنا حدث مهم
فريد: ليه حبيبتي اه صحيح الفندق من يومين قالولي انك حجزتي القاعة الكبيرة ليه
مسك بهمس: هقولك بس اوعي تقول لحد
فريد بهمس: قولي مسكي.
مسك بهمس: النهاردة عيد ميلاد لمار و حنا متعودين نعمله ليها
فريد بابتسامة: ماشي حبيبتي
مسك: اه عرف اهل البيت كلهم و اصلا فارس خد لمار و خرجو و مش هيرجعو غير على الفندق
فريد: هو فارس عارف
مسك بصياعة: طبعا يا برنس انا بقي هخلع علشان اجهز كل حاجة و انت الساعة 7 بالظبط تكون هناك
فريد: حاضر يا قطتي و الكل هيجي غصب عنهم
مسك: اه صحيح انا عملت كروت دعوة و فرقتها على الناس بمساعدة الحرس
فريد بابتسامة: تمام مسكي.
مسك: ماشي هخلع انا بقي.
في الفندق
توجهت مسك و الشباب الثلاثة إلى الفندق و تم تجهيز على أحسن فخامة لاستقبال عيد ميلاد لمار البحيري
ادم: فين التورتة
الموظف: اتفضل يا فندم
شادي: فين المشروبات
الموظف: من هنا يا فندم
عمار: في المفرقعات
الموظف: من هنا يا فندم
مسك: فين المأكولات
الموظف: من هنا يا فندم
كان الشباب الاربعة يباشرو اعمالهم بجد و نشاط و بعد ان تاكدو من كل شي و جلسو لفترة
ادم: الحمد لله كل حاجة جاهزة.
مسك: اه ناقص اللبس بتاعنا و بس
عمار: كندا لسه باعتله رسالة انها جاية و معاها الهدوم
شادي: كويس الواحد عاوز ينقع نفسة في الماية
مسك: و مين سمعك يالا نطلع
صعد الشباب إلى جناحهم المحجوزة لهم و اخذو دش و خرجو
كندا: مسا شباب
ادم بابتسامة: مسا يا احلي كينو في الدنيا
كندا بابتسامة: يالا بقي هدومكم اهي يالا بسرعة
حمل الشباب البدل و توجهو إلى الغرفة حتى يرتدو ملابسهم
اما مسك و كندا فتوجهو إلى غرفة أخري حتى يلبسو.
لحظات و خبط الباب و فتح ادم و هو عاري الصدر وجد أمامه مجموعة من البنات و كانو من احدي البيوتي سنتر الكبار
تجهزت كندا واخذها شادي و لكن يوسف كان اسرع منه واخذها
كانت كندا ترتدي فستان باللون الروز القصير و تركت لشعرها الحرية
اما مسك فكانت ترتدي فستان باللون الأحمر الناري الرائع عاري الصدر و البطانة لمنتصف الفخد و رفعت شعرها إلى الأعلي بكل فخامة
ادم بتصفير: يلعن ابو الكفرة ايه يا بت الحلاوة ديه.
مسك بدلع: حلوة انا دومي
ادم بتصفير: انتي صاروخ يالا يا موزة
نزل الجميع و نبهر الجميع بجمال مسك و فخامتها
لحظات و نطفات الاضوية مع دخول لمار في يد فارس و كانت ترتدي فستان باللون الزيتوني و ترفع شعرها إلى الأعلي
لمار بخوف: فارس هو في ايه
تجمع الشباب الخمسة حولي لمار و مع اضائة القاعة اشتغل فرقة الألعاب النارية
مسك بضحك: كل سنة و انتي طيبة يا لولو
ادم بضحك: كل سنة و انتي عسل لولو.
شادي بضحك: الناس كلها بتكبر و انتي بتصغري لولو
عمار بضحك: كل سنة و انتي امنا لولو
كندا بضحك: الحلوة اللي كبرت سنة في البطاقة و بس
ضحكات ملئت المكان من هؤلاء المشاغبين
توافد الحضور على لمار يهنونها بعيد ميلادها و بعد فترة احضرو تورتة عيد الميلاد التي كانت رائعة و تحمل صورة لها و بجوارها فارس و حولها الشباب
لمار بابتسامة: ربنا ميحرمني منكم و تفضلو جمبي لاخر العمر.
فارس بعشق: كل سنة و انتي حبيبتي و عشقتي و روح قلبي و ضي عيوني
ادم بابتسامة: حبيبتي يا لولو
فريد بابتسامة: كل سنة و انتي طيبة يا لمار
لمار بابتسامة: و حضرتك طيب بابا
هنائها الجميع و اخذت الكثير من الهدايا و رقصت مسك مع ادم و فريد
اما لينا فكانت تغلي من الغضب و كيف تفعل تلك البغيضة كل شي دون اعتراض من احد
توجه فارس بصحبة لمار إلى الجناح الذي اعد خصيصا لهم لقضاء تلك الليلة المميزة.
اما الباقي فعادو إلى الفندق
توجهت مسك إلى جناح فريد و نامت معه لان ادم توجه للنوم مع عمار حتى لا يحزنة.
في جناح فريد
كانت مسك تنام بين أحضان فريد الذي كان يلعب بشعرها بكل حنان و لكن في لحظة قامت مسك و جلست على السرير
فريد: مالك يا روحي
مسك: احكي بقي
فريد: احكي ايه
مسك بابتسامة: باقي حكايتك مع مسك
فريد بابتسامة: اااااااااه يا شقية عوزة تسمع
مسك بابتسامة: اه يا فيري احكي.
فريد بابتسامة: حاضر في يوم كانت مسك زعلانة مني و مش عارف اصالحها فسالت مالك و عرفت ان النهاردة عيد ميلادها و بسرعة جهزت مطعم و مالك حجز جناح فب الفندق.
فلاش باك
صعد فريد إلى جناحة وجد حبيبتة تجلس حزينة
فريد: مسك من فضلك اجهزي علشان هنخرج
مسك: مش عوزة اخرج
فريد: يالا مسكي علشان منتاخرش و مفيش اعتراض
مسك بحزن: حاضر
فريد: البسي فستان سهرة
مسك: حاضر
جهزت مسك نفسها و خرجت و كان فريد جهز نفسه و اخذها و خرج
نزل فريد و قابل مالك في الخارج و اعطي له علبة بها هدية من الماس و وضعها فريد بسرعة في جيبة و اخذ مسك و غادرو.
فى المطعم
دخلو إلى المطعم الخالي تماما من الناس و مزين بطريقة جميلة
ترك فريد يد مسك و وقف خلفها و ضمها لحضنة و قبل عنق رقبتها بعشق لدرجه انه ترك علامة عليه
فريد بعشق: كل سنة و انتي طيبة يا مسكي
مسك بفرحة: و انت طيب حبيبي
فريد بعشق: تعالي
توجهو إلى التربيزة و جلسو عليها وأخرج فريد العلبة و فتحها
فريد بابتسامة: اتمني تعجبك
مسك بفرحة: ده جميل اوي فريد
كان عبارة عن خاتم ضخم باللون الازرق.
فريد بابتسامة: ربنا يخليكي ليا يا مسكي
مسك بابتسامة: و يخليك ليا يا حبيبي
نزل العشاء و تناولوه و رقصو و بعد ذلك تجهو إلى الفندق
باك.
فريد بابتسامة: و بس كده و رجعنا تاني يوم القصر
مسك بغيظ: هو ايه كل شوية بس بس انت بتغظني
فريد بضحكة: يا بت اهمدي شوية المهم عاوز أسألك سؤال
مسك: امممممممممم
فريد: هتعمل ايه في المصنع
مسك: كلها شهرين و الدراسة تخلص و نخلص منها ساعتها بس هننزل انا و عمار المصنع و نشتغل
فريد: مارفي داخل بنسبة كام
مسك: داخل بنسبة 15 %
فريد: ربنا معاكم
مسك: امين يا رب
فريد: يالا مسكي تعالي ننام بقي
مسك: يعني مش هتحكي.
فريد بنوم: يالا يا مسكي ننام
مسك: طيب احضني
فريد بحنان: تعالي حبيبتي
نامت مسك بين أحضان فريد الذي ضمها لحضنة و قبل رأسها بكل حنان.
في جناح كندا
الباب خبط فسمحت كندا للطارق بالدخول و كان يوسف
كندا: خير يوسف
يوسف: ممكن اتكلم معاكي شوية
كندا: اتفضل
يوسف: هو انا لو طلبت منك طلب تنفذية
كندا: على حسب الطلب
يوسف: ممكن تمنعي لبس القصير ده تاني
كندا: ليه يوسف الكل بيلبس كده شفت فستان فريدة و لا ملك و لا نور و لا سلمي
يوسف: انتي غيرهم كندا
كندا بحزن: ليه هما احسن مني صح
يوسف بسرعة: لا طبعا انتى احلي منهم و احسن منهم
كندا بابتسامة: بجد يوسف.
يوسف بابتسامة: ايوه
و بجدية: اعملي حسابك من بكرا هنذاكر الهانم في ثانوية عامة
كندا بضحك: هتبقي مدرس شاطر و لا فاشل
يوسف بغيظ: فاشل يا فاشلة
كندا: مين ديه اللي فاشلة انا بطلع الاولي على المدرسة
يوسف: هنشوف يا قطة يالا نامي
كندا: تصبح على خير
يوسف بابتسامة: تصبحي على خير
خرج يوسف و ترك كندا حتى تنام.
في صباح اليوم التالي
عاد فارس و لمار و هم سعداء و لكن و جدو مسك و كندا و عمار يجلسون في صمت
فارس بضحك: ما اسكت الله لكم حسنا
لمار: مالكم حبايبي
مسك بزعل: ادم و شادي هيسافرو دلوقتي
فارس بصدمة: ليه لسه بدري
ادم: خلاص بقي يا ابو الفوارس علشان الشغل
فريد: اتفضلو شوية انتم مكملتوش كام يوم
ادم: و الله احنا جينة بس علشان نطمن على الجماعة و نحضر عيد ميلاد لولو
لمار بابتسامة: حبيبي يا ادم.
ادم بضحك: فاكرة لولو لما كنت عاوز اتجوزت بس فارس اتخانق معايا و نقلت الجواز على مسك و طلعت طفسه و خلت فريدة ترضعها و اهو انا لغاية دلوقتي مش لاقي واحدة اتجوزها
مسك: علشان حمار نور قدامك و انت منفض
شادي: سيبك منه هو فعلا حمار و بغل
ادم بغيظ: انا حمار مسك
مسك بضحك: اه و بقرنين كمان
ادم: و الله ما انا سايبك.
جريت مسك و جري خلفها ادم و كان أصوات ضحكاتهم تملي المكان اللي ان مسكها و حضنها بشدة لحضنة و قبل خدها بلهفة
ادم بحنان: اشوف و شك بخير
مسك بحنان: هتوحشني دومي
ادم بابتسامة: ايه يا ميكو وقت متحتاجيني اتصلي بس و بعد ساعتين زمن هكون معاكي
مسك بابتسامة حزينة: ربنا يخليك ليا يا حبيبي
ادم: و يخليكي ليا انتى و عمار
شادي بسخرية: معلش هنقطع جو العشق الممنوع ده في معاد طيارة و الناس مستنية الكابتن.
ادم بغيظ: معلش يا باشا انت كبير في الجز و حنا كبار على الارض
مسك: هو اصلا فاشل
شادي بغرور: مش هرد عليكم انتم أعداء النجاح و هتفضلو دايما ترمو الشجرة المثمرة
مسك: بالجذم
شادي بغيظ: جذم يا جذمة
ادم: بااااااااااااااااااس كفاية مناكفة و مشاكل
شادي: هي السبب
مسك: لا هو السبب
فارس: بس كفاية صداع
استمر الهزار و الضحك إلى ان غادر ادم و شادي للعودة إلى مصر
و توجهت مسك و عمار إلى الجامعة.
في الجامعة
دخلت مسك و عمار إلى الجامعة و كانت الانظار عليهم من كل اتجاه فبعد خناقة مسك و المهندس و معرفة هويتها الحقيقة بعد الجميع عنها
مسك: الواحد اتخنق
عمار: و مين سمعك يا اختي
مسك: المهم البضاعة اللي ادم جابها و طلعت جناحي عوزين نوزعها
عمار: بصي انا رفعت على الفيس ان عندنا اثار فرعونية و عرضت صور كتير.
مسك بابتسامة: تمام حبيبي
عمار: يالا على المحاضرات عوزين نخلص بقي.
و بالفعل توجه الشباب إلى المحاضرات و هم يثقون في نفسهم و يدعمون بعضهم البعض في التفوق
مر الوقت سريعا و انهي الشباب المحاضرات و توجهو إلى المصنع.
فى المصنع
و صل الشباب إلى المصنع و كان في انتظرهم مارفي و الفريدو
مسك: صباح الخير
الفريدو بغيظ: هيجي بوم و هولع فيكي
مسك بزعل: مخصماك على فكرة
مارفي: اتفضلو بقي علشان تشوفو المصنع
دخل الجميع إلى المصنع و كانو يشاهدونة و يعرفون النواقص
عمار: كده احنا عوزين عمال
مارفي: انا كلمت واحد من العمال القدام و هو هيتواصل مع زمايلو
عمار: تمام ميكو انا هبص على المكن و اي حاجة عوزة تتظبط في الميكانيكا.
مسك: اشطا و انا هراجع على الحديد و النواقص
مارفي: لما اتزاع ان المصنع رجع تاني في شخص اتصل عليا و اطالب مني طلبية حديد
مسك: مين ده و ايه المواصفات
مارفي: اسمه يوهان و ده انا اشتغلت معاه كتير
مسك: تمام مواصفات الشغل
مارفي: هو عنده فيلا لسه بيجهزها و عاوز المصنع بتاعي يدخل يشيل شغل الحديد اللي فيه
مسك: تمام اتصل بيه و عرفة ان في اتنين هيجو ياخدو المواصفات
مارفي: متأكده من الخطوة ديه.
مسك: ابعت العنوان على الواتس و عرفه اننا رايحين دلوقتي
مارفي: اوامرك
اخذت مسك الفريدو معها بعد ان أخبرت عماربكل شي و فرح بشدة.