رواية النور والكابوس للكاتبة سلسبيل كوبك الفصل السابع
وجد و قصي كانوا وصلوا للقصر و استغربوا من الزيارة.
ماجدة كانت مبسوطة ان وجد لابسة فستان و شيك,يوسف كان بيبص ليها بغضب.
سليم: احم.
باسل: اه احم انا جيت النهاردة و جاي اطلب من حضرتك ايد الانسة وجد.
الكل سكت مفيش غير صوت الكوبايات و هي بتتكسر من ايدين ثريا.
وجد كانت بتبص يمين و شمال و بصت لقصي.
وجد: هو قصده الانسة وجد انا؟!
باسل: ايوه انتي.
باسل قام وقف و قرب من وجد و وجد بصتله باستغراب و صدمة...
باسل: انتي وجد يوسف ياسين الصياد. شايفك زوجة مناسبة و حبيبة مناسبة و فيكي صفات كتير حلوة حببتيني فيها و فيكي.
ثريا بصت ليهم بصدمة و سابتهم و جريت علي اوضتها,رانيا بدأت تلم اللي اتكسر,نهلة طلعت ورا ثريا...
وجد فجأة حست بوجع في قلبها او ان قلبها هيتشال من مكانه حطت ايديها علي قلبها.
باسل: انا كل اللي طالبه انه يكون ليا مكان في قلبك الجميل ده.
وجد بصتله و جريت علي اوضتها و قفلت الباب و وقفت ورا الباب و هي بتتنفس بصعوبة.
وجد: هو اول واحد يا وجد يتقدملك. فوقي.
تحت...
مريم: شكل العروسة اتكسفت.
ماجدة(بفرحة): هي بتتكسف كدة علطول، ربنا يتمم علي خير.
ياسين: اهدي يا ماجدة. اقعد يا باسل انت و قصي...
ياسين: مبدأيا بشكرك علي انك عملت الاصول و جيت طلبت وجد.
ياسين: ثانيا انت شخص سمعتك سبقاك فبالتالي مش محتاج اسأل عنك. و لو بقي في نسب بينا اكيد يشرفنا يعني.
ياسين: بس في الاول و في الاخر مش احنا اللي هنعيش معاك. فلازم نأخد رأيي وجد الاول.
يوسف: انا شايف ان.
ياسين: انت اينعم والد وجد يا يوسف بس مش انت اللي هتتجوز.
نيرمين ضحكت بخفوت هي و سليم.
مريم: و احنا ميهمناش غير رأيي العروسة و موافقتها. و لو رفضت ده حقها و كمان كل شئ قسمة و نصيب.
احمد: و طبعا انتوا هتقطعوا علاقتنا بيكوا لو هي رفضت.
باسل: لا. سواء وجد وافقت او رفضت و اتمني انها توافق بس ايا كان رأيها مش هيتغير في شغلنا حاجة، انا مش بخلط شغلي بحياتي الخاصة و كمان زي ما والدتي قالت كل شئ قسمة و نصيب...
يوسف: و انا ان شاء الله هخليها توافق و كمان مفيش سبب للرفض...
باسل: تمام نستأذن احنا.
مريم: تشرفت بمعرفتكم.
سليم: عن اذنك يلا يا نرمين.
نرمين: باي.
الاربعة خرجوا من القصر و ماجدة هي و يوسف مبسوطين...
يوسف: وجد لازم توافق.
ماجدة: هي مقدمهاش حل غير انها توافق.
منصف(بضيق): مبروك يا اخويا.
قصي: منصحكوش تجبروا وجد علي الجوازة دي علشان متسبش البيت و تهرب و ساعتها شكلكم هيبقي وحش اوي...
قصي خد بوكيه الورد و الشيكولاتة و طلع لاوضة وجد.
قصي: يا عروسة افتحي. يا بت.
وجد(بخجل): مشيوا؟!
قصي(بغمزة): مشيوا و منتظرين رأيك يا عروسة.
وجد(بارتباك): مش هوافق طبعا.
قصي(بغمزة): يا بت عليا انا.
وجد: ايه اللي في ايدك ده؟!
قصي: دي الحلويات و بوكيه الورد اللي سي باسل دخل بيهم تحبي تدوقي.
وجد شدت من قصي الورد و الشيكولاتة.
وجد: رغم اني هرفض بس ده ميمنعش اني استمتع بالشيكولاتة.
قصي: وبالنسبة لبوكيه الورد!؟
وجد: هو ده كلام هتصور معاه طبعا يا قصي. يلا باي.
وجد قفلت الباب في وش قصي اللي ضحك عليها و هي كانت مكسوفة و حطت الحاجة علي السرير.
عند ثريا و نهلة...
ثريا: انا يا ماما انا يفضلها عليا.
ثريا(بعياط): هي احسن مني؟! دي دي شبه خلة السنان.
نهلة: اهدي اهدي دايما وجد بترفض العرسان اللي بيجوا و اكيد هترفضه.
ثريا: و هو حد بيرفض باسل الانصاري؟!
نهلة: ان شاء الله هترفضه و لو حصل و وافقت هنوقع ما بينهم.
ثريا: ماما انا من غير باسل هموت.
نهلة: اهدي يا عيوني و الله لاخليه ليكي في يوم من الايام. وعد يا ثريا.
ثريا(بعياط): وجد زمانها شمتانة فيا.
نهلة: و لا ماجدة اللي هتفضل تضايقني و تخليني اعمل معاها الحفلات و تضايقني.
ثريا(بعياط): مامي متسبهمش يعملوا فيا حاجة.
نهلة: و الله يا ثريا اللي يقرب منك اكله بسناني
ثريا(بعياط): قربوا من باسل و هو بتاعي.
نهلة: اصبري لما نشوف قرار الغندورة و نبقي نتصرف.
عند وجد.
وجد كانت ماسكة بوكية الورد و مبسوطة و تليفونها رن برقم باسل مردتش.
وجد(بتنهيدة): يا تري عايز تتجوزني ليه يا باسل؟! ما هو اكيد مش حب صح؟! و لا حب اوف انا انا متلغبطة.
وجد قامت و دخلت اوضة الملابس تغير هدومها.
وجد لبست شورت بيتي باللون البيبي بلو و فوقه تي شيرت بنص كم لغاية الخصر باللون الابيض و عملت شعرها ضفيرة علي الجمب.
وجد خرجت و حطت بوكية الورد علي الكنبة و حطت الشيكولاتة في التلاجة بتاعتها.
وجد: نبقي نفكر بكرة بقي.
وجد لقت ماسدج اتبعت ليها من باسل.
باسل: - تشتاق العينان لرؤياكِ فيا معشوقة الروح ترأفين بحالي فما ذنبي انا سوي مشتاق يُحبكِ.
باسل: - تصبحي علي الخير يا قلبي.
وجد(برفعة حاجب): قلبك! انت ما صدقت يا عم و لا ايه؟!
وجد(برفعة حاجب): ده ارد عليه ده و لا اطنش. لا اطنش بقي و نبقي نشوف بعدين...
وجد حطت الموبايل جمبها و نامت بسرعة...
-في الصباح الباكر...
في القصر.
ياسين: وجد لسة مصحيتش؟!
رانيا: لا يا ياسين بيه.
قصي(بنوم): هتلاقيها تعبانة احنا صاحين امبارح من 6 الصبح...
ياسين: واضح واضح. و هو حد عاقل يصحي الساعة 6 الصبح ايه رايحين تبيعوا لبن؟!
قصي(بنوم): و هو حفيدتك دي عاقلة. و علفكرة قولت نفس الكلام بالظبط ده ليها.
ماجدة: هي حبيبة قلبي لسة مصحيتش؟!
احمد(بسخرية): هي مين؟!
ماجدة: في غيرها؟! وجد.
احمد(بضحك): لا بجد؟! تصدقي ضحكتيني.
احمد: عموما ربنا يهدي.
يوسف: ما تتكلم عدل يا احمد في ايه؟!
احمد: لا مفيش خالص.
يوسف: اقعدي يا حبيبتي زمانها نازلة.
قصي: فين ماما و ثريا؟!
ماجدة: تلاقيهم قاعدين في اوضتهم مش عايزين يوروني وشهم اصلهم مكسوفين.
قصي: و ده ليه؟!
ماجدة: يعني علشان باسل طلب ايد بنتي انا مش ايد ثريا.
قصي: دي ارزاق يا مرات عمي، و يا رب يكون الخير لوجد.
منصف(بحدة): مراتي مش جبانة علشان متنزلش يا اخويا عرف مراتك كدة.
ياسين(بحدة): خلاص كل واحد يلتزم بصمته. اطلعي يا رانيا صحي وجد.
رانيا: اوامرك يا بيه.
رانيا طلعت اوضة وجد خبطت الباب و دخلت.
رانيا: وجد هانم وجد هانم.
وجد كانت نايمة بعمق و بتحلم و بتبتسم,رانيا قربت منها لقت وجد بتقرب منها.
رانيا(بفزع): وجد هانم.
وجد(بخضة): ايه؟!
وجد فتحت عينيها ببطء و بصت حواليها.
وجد: هو فين؟!
رانيا(بخضة): هو مين؟!
وجد: كان هيبوسني.
رانيا(بصدمة): نعم مين هو؟!
وجد: با.
وجد فتحت عينيها علي اخرهم لما ادركت انها كانت بتحلم و ان رانيا موجودة.
وجد: احم كانت هتبوسني اصلي حلمت بتيتة الله يرحمها.
رانيا: اه طيب. هي اولفت هانم كانت بتبوس حضرتك من بوقك؟!
وجد(باحراج): كنتي عايزة ايه؟!
ماجدة(بابتسامة): حبيبة ماما وحشتيني اوي.
ماجدة قعدت جمب وجد و حضنتها جامد.
ماجدة: يا حبيبتي يا اغلي كل ما ليا.
وجد(باستغراب): مالك يا حاجة؟! مين دي يا رانيا؟!
رانيا: ماجدة هانم.
وجد: لا يا راجل؟! في ايه يا امي مالك؟!
وجد: يا تري عملت ايه حضرتك راضية عليه؟!
ماجدة(بابتسامة): حبيبتي اللي كبرت و هتتجوز يا ناس.
وجد: ااااااااااااه فهمتك. انسي يا روحي انسي.
ماجدة(بعصبية): يعني ايه انسي؟!
وجد: ايوه كدة ارجعي لاصلك زي زمان كنت قربت اصدقك.
ماجدة(بابتسامة): يا حببتي كل واحدة مصيرها تتجوز.
وجد: و انا بقي مش هتجوز الا شخص يستحقني.
ماجدة(بابتسامة): طب ما الشخص ده جه و طلب ايدك باسل بيه. فلوس و اخلاق و جمال محتاجة ايه تاني؟!
وجد: برضو لما اتأكد انه يستحقني. و ده بقي هعرفها بنفسي. ممكن مثلا ملهوش في الستات ممكن مش رومانسي مش بيهتم ممكن حاجات كتير.
ماجدة: بقي باسل الانصاري ازاي ميكونش ليه في الستات لا يا حبيبتي هيفهمك و يقدرك فكري انتي في الموضوع بس وافقي.
وجد: سيبيني يومين افكر و اتفضلي اطلعي عايزة اغير هدومي و انا مش بتكشف علي ستات.
وجد سابت ماجدة و دخلت الحمام.
ماجدة: انتي لازم يا وجد توافقي مقدامكيش قرار تاني...
ماجدة نزلت لتحت و وجد خرجت من الحمام غيرت هدومها.
وجد لبست قميص ابيض و طرف الاكمام باللون الرصاصي و لبست بنطلون ضيق باللون الابيض و الرصاصي و دخلت القميص فيه و رفعت شعرها علي شكل كحكة لورا و نزلت كام خصلة من شعرها. حطت روچ احمر غامق و كحل حدد عينيها,لبست صندل بكعب باللون الرصاصي.
وجد خدت الشنطة بتاعتها شنطة يد باللون الابيض صغيرة مسكت موبايلها في ايديها و نزلت لتحت.
وجد: صباح الخير.
الكل: صباح النور...
وجد: في تغير اهو. فين ثريا؟! و مرات عمي؟!
قصي: متتدخليش يا وجد.
وجد: طيب يا عم، ازيك يا جدو؟!
ياسين: معرفتش اتكلم معاكي امبارح بصي يا حبيبتي ايا كان قرارك انا معاكي فيه بس من رأيي جربي مفيش مشكلة...
وجد: شكرا يا جدو.
وجد: هروح المكتب ورايا قضية مهمة.
يوسف: كُلي يا حبيبتي الاول.
وجد: قصي هبقي اكلمك. باي يا جدو.
وجد سابتهم و خرجت و هي متعصبة.
وجد: هو انتوا اهل اصلا ده انتوا مصلحة.
وجد خرجت بره القصر و كانت لسة هتركب عربيتها.
باسل: عربية خطيبك جاهزة.
وجد(برفعة حاجب): لا و الله؟! انت ايه اللي جابك؟!
باسل: ينفع حبيبتي تروح المكتب لوحدها كدة.
وجد(برفعة حاجب): فجأة كدة بقيت خطيبتك و حبيبتك؟!
باسل قرب من وجد و مسك ايديها و رفع كف ايديها ناحية بوقه و باسها بحب,وجد بلعت ريقها بصعوبة و بصتله.
باسل: لا مش فجأة كدة الاول عيونك الحلوة دي سحرتني و بعدها سحرت قلبي حركتك كلامك اسلوبك شخصيتك كل حاجة جذبتني ليكي و القلب و العقل اجمعوا علي حاجة واحدة هي انتي.
باسل: القلب دلوقتي بينبض باسمك انتي عايش بانفاسك الموجودة. اللي بطلب انها تكون حواليا في كل مكان.
باسل قرب من وجد جدا و كان وشه قريب من وشها و وجد غمضت عينيها.
وجد(و هي بتتنفس بصعوبة): انا لازم امشي.
وجد سحبت ايديها من باسل و بعدت عنه.
باسل: تسمحيلي اوصلك؟!
وجد: لا و لو سمحت انا لسة بفكر متضغطش عليا.
وجد ركبت عربيتها و بدأت تسوق معرفتش.
وجد: و ده من ايه ده؟!
باسل(و هو بيرفع كتفه): قولتلك اوصلك.
وجد: علي اساس مفيش عربيات تانية يعني.
يوسف: ايه ده؟! باسل بيه اهلا و سهلا بحضرتك.
احمد(بصوت واطي): يادي باسل بيه اللي طلع في البخت. شكلك هترفضيه يا وجد...
باسل: اهلا و سهلا. حضرتك ايه احنا شكلنا هنبقي اهل.
يوسف: اكيد ان شاء الله.
باسل: جيت اوصل الانسة وجد لو حضرتك معندكش مانع.
يوسف: لا طبعا.
وجد: انا هروح بعربيتي.
وجد: سعد جبلي عربية تانية.
احمد: تعالي نوصلك يا وجد.
يوسف: لا روحي يا وجد مع استاذ باسل تتعرفوا اكتر علي بعض.
باسل: اتفضلي.
وجد بصت لباسل و يوسف بغيظ و ركبت عربية باسل,باسل سلم علي يوسف و ركب عربيته و مشي بيها...
باسل: شكلك مفطرتيش تحبي نروح نفطر.
وجد: لا.
باسل: عايزة تروحي لمكتبك علطول؟!
وجد: ايوه.
باسل: بصي يا وجد ممكن معرفتش اتكلم كويس امبارح بس انا مش طالب ايدك لانك مناسبة او لصفقة.
باسل: انا طالب ايدك لسبب تاني خالص.
وجد بصت ل باسل باهتمام و باسل بصلها و بعدها بص للطريق.
باسل: انا بحبك يا وجد.
وجد لا رد.
باسل: وجد سمعتيني؟!
وجد: كمان يومين هتسمع رأيي...
باسل: اللي هو بكرة بليل.
وجد: متخافش هحزم امري في اقل من كام ساعة و في حال اي قرار هاخده فده نصيب.
باسل: اكيد.
باسل وقف قدام مكتب وجد و نزل فتح الباب لوجد.
وجد: شكرا.
وجد نزلت و قفلت الباب و مسكت شنطتها بس فجأة لقت باسل بيبوسها علي رأسها.
باسل: ربنا يباركلي فيكي.
وجد(بتوتر): عن اذنك.
وجد(لنفسها): ده انت خطر...
وجد دخلت مكتبها و قعدت تشتغل بتركيز,باسل راح لشركته...
-في مكان تاني...
في فيلا المهدي...
مريم: باين عليها بنت محترمة و تستاهل كل خير و طيب بس.
كارما: شكلك هتنسينا يا بطة و هتحبي بس في مرات باسل.
مريم: كلكم عندي واحد حتى نرمين...
نرمين: طبعا انا اصلا اتحب.
كارما: مغرورة اوي.
نرمين: طبعا يا بنتي انا اي حد و لا ايه؟! و يلا امشي عايزة امك في كلمتين.
كارما: عايزة امك في كلمتين فين الرقي يا بت.
نرمين: مات مع اللي ماتوا يلا.
كارما: هروح اشوف الغداء عقبال ما سليم و باسل يرجعوا.
مريم: ايه يا بنتي؟!
نرمين: -بعد فترة...
باسل و سليم رجعوا من الشغل و كانوا تعبانين.
كارما: وحشتوني...
كارما حضنت سليم و باسل و باسل باس رأسها...
باسل: و انتي يا حبيبتي.
كارما: كدة اعرف من مامي انك هتخطب يا باسل؟!
باسل: مش لما العروسة توافق.
كارما: و مين سعيدة الحظ دي؟!
مريم: قصدك تعيسة الحظ...
كارما: باسل لما يتجوز هيبطل يكلم ستات صح يا باسل.
باسل: طبعا غير بقي اني بحب البنت اللي هتجوزها.
كارما(بفرحة): الله! Love story.
كارما: و البنت بتحبك؟!
باسل: مش عارف تصدقي.
كارما: انت قمر و كل البنات بتحبك.
باسل: بس يهمني هي اللي تحبني.
باسل: و يلا فين الاكل؟!
مريم: هقوم اجيبه تعالي معايا يا باسل.
باسل: لا تعبان بعد الاكل...
حطوا الاكل علي السفرة و قعدوا بدأوا يأكلوا.
سليم(و هو بيكح): ايه ده؟!
باسل(بقرف): ايه الاكل ده يا مريم حرام عليكي.
نرمين(و هي بتكح): ده اكل كارما.
باسل(و هو بيكح): منك لله يا شيخة.
التلاتة قاموا جريوا علي الحمام و يرجعوا اللي كلوه.
كارما(بابتسامة مصطنعة): دوقي السلطة يا مامي هتعجبك.
مريم: تعالي يا بنت ال.
كارما: عيب تجيبي سيرة الميتين يا حاجة.
باسل: ايه القرف ده يا شيخة! دلوقتي نأكل ايه؟!
نرمين: طلبت اكل من بره و مجبتش ليكي.
كارما: ماله اكلي يعني.
كارما داقت اكلها قعدت تكح و شربت ماية كتير.
كارما: عندكوا حق ايه القرف ده؟!
مريم: شيلي يا اختي الاكل و ارميه في الزبالة و متخشيش المطبخ تاني.
مريم: و انت يا باسل تعالي بره في الجنينة...
باسل و مريم خرجوا بره الفيلا و بعدين الكل سمع صوت عالي بره خرجوا.
سليم: في ايه يا امي؟!
نرمين: قولتلك مش دلوقتي هيقتلني.
كارما: في ايه؟!
مريم(بغضب): اسمع يا باسل لو عملت اللي في دماغك لا اعرفك و لا تعرفني.
باسل(بعصبية): في ايه لده كله؟!
كارما: ايوه بقي فهموني.
سليم: في ايه يا نرمين تعرفي حاجة؟!
باسل بص لمريم و مريم بصتله.
مريم: الباشا عايز لما يتجوز يأخد مراته و يستقر بره مصر و مينزلش تاني و لما نكون عايزين نشوفه نبقي نروحله احنا.
كارما: يا امي ده تفكيره نتفاهم بالعقل.
باسل: هعيد تفكير يا مريم حاضر.
مريم: طيب يا باسل لما نشوف اخرتها.
باسل: اخرتها راحة للكل متقلقيش.
باسل حضن مريم و باس رأسها و كارما جريت عليهم و حضنتهم.
نرمين: و انا مروحش ليه خدوني معاكوا.
نرمين راحت لحضنهم و سليم وراها و حضنوا بعض جامد.
كارما: ناقص مرات باسل و تبقي اكتملت عائلتنا.
كارما: بس معتقدش انت هتوافق يا باسل.
باسل: اشمعنا.
كارما: لانك لما بتحب هتغير و هتغير جدا و مش هتسمح ليها تحضن سليم او اي حد.
باسل: تعالي يا اوزعة هنا.
كلهم. حضنوا بعض و باسل باس رأس مريم و كارما و نرمين...
سليم: اغرورقت عيناي بالدموع.
نرمين: يا تافه.
سليم: بعضا من عندكم.
مريم(بحدة): بس بقي منك ليها.
باسل: هششش اهدوا.
-في مكان تاني...
عند وجد.
وجد كانت بتشتغل و بعد فترة من التركيز.
نهال: حضرتك طلبتيني؟!
وجد: ايوه الملف ده مهم جدا يا نهال خليه معاكي في بيتك تجيبيه ليا بكرة المحكمة قبل الجلسة.
نهال: حاضر حضرتك وعد هجيبه ليكي.
وجد(بابتسامة): بثق فيكي يا نهال.
وجد لقت ماسدج جت لتليفونها لقت باسل.
وجد(بابتسامة): طب روحي انتي يا نهال دلوقتي و خدي الملف.
باسل: - حبيبتي سرحانة في ايه؟!
وجد: - مين دي حبيبتك معرفش؟!
باسل: - اسمها وجد لو تعرفيها قوليلها باسل بيحب وجد اوي.
وجد: - اه اه عرفتها هبقي اقولها متخافش.
باسل: - بحبك يا حياتي كلها.
وجد: - انت فين؟! .
باسل: - هنبدأ بقي الشغل ده.
وجد: - شغل ايه؟! .
باسل: - انت فين؟! و بغير عليك و هتعمل ايه و رايح فين و جاي منين و حاجات كتير.
وجد: - و علي اساس هتجوزك.
وجد: - لسة بفكر لسة مش متأكدة.
وجد: - و كنت بسأل علشان اقولك لو في شغلك متتعطلش و كمل شغل و انا ورايا شغل.
وجد: - باي يا استاذ.
وجد حطت التليفون بحدة علي المكتب.
وجد: و فيها ايه لما اعرف هو فين يعني؟!
وجد: ما تعقلي كدة يا بت لسة هتفكري و هتدرسي الموضوع.
وجد لقت تليفونها بيرن ابتسمت لما لقته باسل.
وجد: بس بقي هششش اتكلم جد شوية...
الخط اتفتح.
وجد: افندم؟!
باسل: وحشتيني.
وجد: احم احم عايز ايه يعني الله؟!
باسل: بتتكسفي بقي؟!
وجد: ملكش دعوة. و سبني عايزة اشتغل بقي.
باسل: اعدي عليكي اوصلك.
وجد: اوف ده انا نسيت مش معايا عربية. هبقي اتصل بقصي.
باسل(بحدة): لا متتصليش بحد انا جايلك.
وجد: هتصل بقي بقصي هه، ملكش دعوة.
وجد: و اقفل علشان قصي حبيبي بيتصل.
باسل(بغضب): وجد متعصبنيش.
وجد(بحدة): انتوا ازاي تدخلوا هنا؟! انتوا مجانين.
شاب1: قومي معانا.
شاب2(بحدة): قومي يا بت.
وجد(بحدة): احترم نفسك انت في مكتب محترم.
وجد: اقفل يا باسل.
وجد قفلت مع باسل و قامت وقفت.
شاب1: لسة هنتكلم معاكي.
في شابين دخلوا ماسكين موظفة عند وجد و ضربوا علي رجليها نار.
وجد(بصريخ): انتوا مجانين؟! معندكوش قلب.
في شاب حط المسدس علي رأس البنت و التاني حط المسدس علي وش وجد.
وجد: خلاص خلاص اهدوا قولوا عايزين ايه؟!
شاب3: تعالي معانا يلا انجزي قدامنا.
وجد: طيب طيب اهدوا.
وجد رفعت ايديها لفوق و مشيت معاهم لان كان اعدادهم كبيرة و مسلحين.
نهال(بخوف): وجد هانم؟! مين دول؟!
وجد: هششش اهدوا انا هتصرف.
وجد(بحدة): انا جاية معاكوا اهو سيبوهم.
شاب1: متتكلميش قدامنا يلا.
ضربوا نار قدام رجل وجد اللي بصتلهم بغضب و مشيت معاهم.
وجد: واخدني علي فين تاني؟!
شاب2(بغضب): اركبي انتي لسة هتتكلمي.
زقوا وجد ركبت العربية و جمبها اتنين و في حد ساق و حد جمبه و مشيوا و وراهم عربية تانية فيها حراس.
وجد(بسخرية): اشتراكم طبعا.
وجد(بحدة): كلكم مشتركين في الجريمة بتاعته.
شاب2: اخرسي مش عايز اسمع صوتك.
وجد(بحدة): ما انتوا معندكوش قلب.
الشاب التالت ضرب وجد بضهر مسدسه و ده سبب جرح في رأس وجد و نزلت دم و بعدها دماغها تقلت و بدأت تغمض عنيها و تفتحها لغاية ما وقعت مغمي عليها...
شاب3: ده الباشا هيحتفل بيها و يستمتع.
عند باسل.
باسل اول ما وجد قفلت معاه خرج جري بره البيت و هو بيتصل بيها بس مردتش و ساق بسرعة ناحية مكتبها.
الخط اتفتح.
باسل(بلهفة): وجد؟!
نهال(بخوف): وجد خطفوها خدوها.
باسل(بغضب): مين دول؟!
نهال(بخوف): معرفش.
باسل كان ماشي و لمح عربيتين ماشين جمبه و حس بحاجة خلته يوقف العربية فجأة و...