رواية النور والكابوس للكاتبة سلسبيل كوبك الفصل الثاني عشر
فجأة احمد فرمل العربية مرة واحدة و كارما اتخبطت.
مريم(بخضة): في ايه؟!
كلهم بصوا قدامهم و فتحوا عينيهم من الصدمة.
كارما: ننزل نساعده.
مريم: ايوه.
احمد: اهدوا. ممكن يبقي كمين.
كارما: و انت هتسيبه كدة، انا هنزل اساعد الراجل ده.
كارما فتحت الباب و نزلت...
احمد(بغضب): الطفلة.
احمد: خليكي هنا يا مدام مريم.
احمد نزل بسرعة ورا كارما بعد ما خد سلاحه و لقي شخص هيضربها علي رأسها ضرب عليه نار...
كارما(بصريخ): عاااااااا.
الشخص اللي كان مرمي علي الارض قام و خد كارما ناحيته و حط سكينة علي رقبتها.
شخص: بص يا حلو خطوة كمان و هقتلك الحلوة، كل واحد كدة يطلع اللي في جيبه...
احمد(بسخرية): ايه يا طفلة؟! ننزل نساعده ننزل نساعده...
احمد(لنفسه): اصبري عليا.
شخص: اخلص يابا.
في شخص نزل مريم و بدأ يفتشها.
شخص: انجز و لا اقتلها ليك.
كارما كانت مغمضة عينيها و بتعيط بصمت فجأة سمعت ضرب نار و الشخص اللي وراها بِعد عنها,احمد في اقل من لحظة ضرب نار علي الشخص اللي بيفتش مريم.
كارما(بصدمة): انت قتلتهم؟!
احمد(بحدة): كلمة كمان و هقتلك يا كارما. قدامي.
احمد مسك كارما من دراعها بغضب و راحوا ناحية مريم اللي حضنت كارما...
احمد: نلحق نمشي بقي و لا ايه؟!
كارما: انت ازاي عملت كدة؟! و كمان البوليس و.
احمد: نمشي من هنا و بعدها نتكلم مش ناقصة هي.
التلاتة ركبوا العربية و احمد بدأ يسوق...
مريم: يا ابني فعلا هتعمل ايه في البوليس و.
احمد: متقلقيش يا مدام مريم انا هتصرف و هحل الموضوع ده.
احمد بص لكارما من تحت لفوق و راح ناحية بيتهم...
مريم: مش عارفة اشكرك ازاي يا ابني؟!
احمد: ده واجبي حضرتك. حمدلله بالسلامة.
مريم: طب ما تخش تشرب حاجة.
احمد: لا مرة تانية شكرا.
مريم: شكرا يا احمد.
احمد: مفيش داعي، اتفضلوا.
مريم نزلت و كارما كانت لسة هتنزل.
احمد: هنتقابل بكرة في كتب الكتاب...
كارما: و بعدها مش هنتكلم تاني؟!
احمد: بالظبط يلا غوري.
كارما: ده انت رخم يا شيخ و بارد.
كارما نزلت و دخلت هي و مريم الفيلا.
كارما: هو فين سليم يا ماما واحشني؟!
مريم: متقلقيش يا حبيبتي راجع النهاردة.
كارما: يا ريت وحشني اوي اوي...
كارما: بس وجد دي طلعت قمر زي ما باسل حكي.
مريم: ربنا يحفظها لشباببها يا رب.
كارما: يارب.
كل واحدة طلعت اوضتها و بدأت تغير هدومها و مريم نزلت عملت الغداء.
-في مكان تاني.
عند باسل و وجد...
وجد و باسل راحوا لمطعم شيك جدا و راقي و نزلوا اختاروا ترابيزة و قعدوا مع بعض.
وجد: هسأل سؤال صريح شوية.
باسل: قولي يا حبيبتي.
وجد: عرفت كام بنت قبلي؟!
باسل قعد يكح كتير و شرق و وجد ودته كوباية الماية يشرب.
باسل شرب ماية و هو بيبص لوجد و محرج.
باسل: عايزة ايه يا حبيبتي؟!
وجد: باسل.
باسل: نعم.
وجد: رد علي سؤالي. هما للدرجة دي كتير؟!
باسل: خلينا صريحين يا حبيبتي.
باسل: الصراحة ايوه كنت اعرف بنات كتير غيرك بس جيتي انتي و غيرتي تصرفي ده. انا مش عايز ابص لاي بنت تانية طول ما انتي معايا و جمبي.
باسل: انتي مكفياني و زيادة و انا راضي بيكي.
باسل مسك ايد وجد و باسها,وجد ابتسمت ليه.
باسل: قوليلي بقي عجبك الاكل؟!
وجد: ايوه حلو المطعم حلو اصلا.
باسل: جبتي لون الفستان ايه؟!
وجد: مش هقولك.
باسل: وجدي...
وجد: خليه مفاجاة.
باسل: طيب...
باسل: تسمحيلي؟!
وجد: ايه؟!
باسل: بالرقصة دي.
باسل قام و مد ايده ل وجد و وجد بصت حواليها و ليه.
وجد: الناس؟!
باسل مسك ايد وجد و شدها ناحيته.
باسل: كام مرة هقولك طول ما انتي معايا متركزيش في حاجة تانية.
باسل بدأ يرقص مع وجد و وجد باصة في الارض من كتر الاحراج.
باسل(بهمس): ارفعي عينك الحلوة دي ليا.
وجد(بخجل): باسل...
باسل: عيون باسل.
وجد رفعت عينيها ببط و خجل و هي و باسل نسيوا اللي حواليهم و كل واحد مركز في عيون التاني و وجد قريبة من باسل جدا.
الاغنية خلصت و باسل وقف رقص و كل اللي موجود بدأ يصقف و وجد خبت نفسها في باسل اللي ضحك عليها.
باسل(بابتسامة): يلا نكمل قعدتنا يا حلوة.
وجد(بخجل): عايزة امشي.
باسل(بابتسامة): ليه بس كدة؟!
وجد: باسل يلا بقي...
باسل: حاضر.
باسل حاسب و مسك ايد وجد و خرجوا.
باسل: اؤمري و انا انفذ.
وجد: طب ما تخليها بكرة بعد الخطوبة؟!
باسل: اممم طيب يا قمري.
باسل باس رأس وجد و فتح ليها باب العربية وجد ركبت و باسل لف ركب و بدأ يسوق.
باسل: عايزة اي حاجة تانية؟!
وجد: لا يا باسل. ممكن بس توديني المكتب بتاعي؟!
باسل: هتشتغلي يا وجد، بلاش يا حبيبتي علشان متتعبيش.
وجد: لا يا باسل متخافش انا بخير. و كمان انا لو تعبانة تلاقيني بشتغل هو اللي بيهون عليا تعبي و كمان في قضايا كتير اوي عليا لازم احلها.
باسل: طيب يا حبيبتي.
باسل: زي ما انتي عايزة. هوديكي.
وجد: شكرا يا باسل...
باسل: امتي بقي هتقولي حبيبي و بحبك؟!
وجد: لما احس فعلا انهم حقيقين يا باسل منكرش اني معجبة و منجذبة ناحيتك و بداية حب بس مش الحب اللي ممكن يوجع.
وجد: فاهمني.
باسل مسك ايد وجد باس باطن كفها.
باسل: فاهم يا حبيبتي. و انا مش هجبرك يلا انزلي.
وجد: طيب باي.
وجد نزلت من عربية باسل و دخلت المكتب.
نهال: استاذة وجد حضرتك كويسة؟!
وجد: اه متقلقيش.
نهال: مبروك.
وجد: علي ايه؟!
نهال: كلنا عرفنا انك خطبتي استاذ باسل الانصاري.
بنت: مبروك يا استاذة.
وجد: الله يبارك فيكي يا نهاد.
شاب: مبروك.
وجد: تسلم يا ناصر.
و الكل بدأ يبارك لوجد و وجد سابتهم و دخلت مكتبها و بدأت تشتغل.
عند باسل...
باسل راح للمستشفي بتاعت سليم.
حارس: نورت يا باسل بيه.
باسل دخل اوضة سليم لقاه بيغير هدومه.
سليم: كويس انك جيت تعالي ساعدني.
باسل: غريبة مجبتش اي بنت تلبسك يعني.
سليم: انت نسيت ان نرمين بتكره تشوف اي حد فينا بالشكل ده حتى لو ايه.
باسل: عارف.
باسل ساعد سليم و الباب خبط.
باسل: ادخل...
نرمين: خلصت؟!
نرمين لما شافت باسل جريت عليه حضنته و باسل باس رأسها...
نرمين: هيرجع تاني؟!
باسل: جايز.
نرمين: لازم نخلي بالنا.
سليم: اكيد...
باسل: عايزكم في موضوع يلا.
سليم: داخل حامي علينا اوي.
باسل: يلا بكرة كتب الكتاب.
نرمين: مبروك يا باسل.
باسل: يلا عايزكم في موضوع مهم يلا.
نرمين و سليم بصوا لبعض و بصوا لباسل و مشيوا وراه بس سليم كان ساند علي نرمين و خرجوا ركبوا عربية باسل و وراهم الحراس.
سليم: ايه يا ابني؟!
باسل:
-في مكان تاني...
في القصر...
كانت الجنينة بيتم تزينها و ماجدة و يوسف في قمة انبسطاهم.
منصف(بهمس): روحي ساعديها.
نهلة(بغيظ): عايزني انا اللي اروحلها يا منصف.
منصف(بهمس): انا مقبلش حد يقول عليكي انتي و بنتك كلمة علشان كدة بيني ليهم انك احسن منهم و كمان الف واحد بيتمني ثريا. عززي بنتك.
نهلة(بغيظ): طيب يا منصف طيب.
نهلة سابت منصف و مشيت,منصف قعد علي الكرسي و هو حاسس بوجع في رأسه...
ياسين: مالك؟!
منصف: بابا.
منصف: اتفضل.
ياسين: مالك يا ابني مهموم ليه؟!
منصف: لا مفيش حاجة.
ياسين: لو علي الجواز ف ثريا هتتجوز هتتجوز نصيبها هيجي ليها، افرح لبنت اخوك يا منصف.
ياسين: شكلك نسيت امك يا ابني...
منصف: مقدرش يا بابا انت عارف كنت متعلق بيها ازاي.
ياسين: و امك كانت بتحب بنت اخوك اوي حبها حبها يا منصف. متسبش الكره يملئ قلبك هتخسر.
ياسين: همشي انا.
ياسين قام و طلع اوضته بص علي صورة مراته و ابتسم و راح علي السرير فرد جسمه عليه...
تحت.
قصي و ثريا رجعوا من بره...
ماجدة: فين وجد و باسل؟!
قصي: خرجوا يتغدوا بره.
نهلة: اتاخرتوا كدة ليه؟!
قصي: ثريا كانت تعبانة شوية و روحنا المستشفي و اتغدينا و رجعنا...
نهلة: انتي كويسة يا حبيبتي؟!
ثريا: اه يا ماما الحمدلله.
ثريا دخلت القصر و طلعت علي اوضتها.
ماجدة: طب الشبكة ايه شكلها؟!
قصي: اهي. ده اللي وجد اختارته عن اذنكم.
قصي طلع علي اوضته بعد ما بص علي ابوه و هو شارد.
ماجدة(بصدمة): دبلة و محبس!
نهلة(بضحكة): لا و سلسلة فضة. بنتك خايبة زيك.
ماجدة(بغضب): اخرسي يا نهلة متعصبنيش.
ماجدة طلعت علي اوضتها و رمت الحاجة علي السرير.
يوسف: مالك خير؟!
ماجدة(بغضب): بنتك راحت اشترت دبلة و محبس. الغبية دي.
يوسف: اهدي هي لما تتجوز باسل هيجبلها الماظ و مجوهرات كتيرة، و كمان كويس انها عملت كدة علشان ميبانش قدامهم ان احنا طمعانين.
ماجدة(بغضب): الغبية لو لقيتها قدامي هقتلها في ايدي.
تحت...
وجد كانت داخلة من باب القصر لقت سعد واقف ليها.
وجد: وسع يا سعد عايزة اعدي.
سعد: وجد هانم عايز اتكلم معاكي في حاجة.
وجد: اتفضل.
سعد: مبروك هتكتبي الكتاب بكرة. بس انا عايز اقول حاجة تانية.
وجد: الله يبارك فيك. عايز ايه؟!
سعد قرب من وجد و مسك ايديها و وجد رفعت حاجبها و بصت ليه.
سعد: انا.
وجد لا رد.
سعد: انا بحبك.
وجد شدت ايديها من ايدين سعد بعنف و بصتله بصدمة.
وجد: انت مجنون؟!
سعد: انا قولت لازم اقولك علي مشاعري الاول.
وجد: يا ريتك ما فكرتك و لا اتكلمت و لا قولت...
وجد: اسمع انا عارفة ان قلبنا هو اللي بيختار حبنا بس انا منفعكش مش علشان انت مجرد حارس و انا من عائلة غنية تؤ علشان زي ما قلبك اختار اللي بيحبه قلبي اختار اللي بحبه و اللي هيبقي اسمي علي اسمه بكرة. انسي يا سعد مش نفس الطريق.
وجد سابت سعد و هي متعصبة و دخلت القصر و سعد خرج بره القصر كله و مشي...
وجد: السلام عليكم.
منصف: عليكم السلام. مشوفتيش احمد؟!
وجد: لا كان معانا و بعدها المفروض كان يروح، هو لسة مرجعش؟!
منصف: لا و تليفونه مغلق...
وجد: متقلقش حضرتك هيرجع ان شاء الله، عن اذنك.
وجد شالت دبوس شعرها و نزل علي ضهرها و طلعت اوضتها بتعب و قعدت علي السرير.
وجد قعدت شوية علي السرير و كانت حاسة بوجع في كل جسمها و لقت تليفونها بيرن.
الخط اتفتح.
وجد: الو.
باسل: ايه اخبارك؟!
وجد: الحمدلله و انت.
باسل: كويس. بس حبيت اسمع صوتك قبل ما انام.
وجد لا رد.
باسل(بضحك): ده علشان قولتلك بحب صوتك اومال لو قولت كلام اكتر من ده هتعملي ايه هتختفي طبعا.
وجد: اقفل يا رخم قاصد يعني تضايقني.
باسل: انا اقدر ازعل وجدي.
وجد: طب اقفل يا رخم باي هشوفك بكرة.
وجد قفلت مع باسل و هي مبسوطة و قامت غيرت هدومها و رجعت نامت علي السرير بتعب و غمضت عينيها لسة هتنام لقت اللي بيفتح الباب فجأة.
وجد(بخضة): في ايه؟!
ماجدة(بعصبية): قوميلي.
وجد: حرام عليكي كنت هنام.
ماجدة(بعصبية): راحة تجيبيلي محبس و دبلة اتجنيتي؟!
وجد: هو مين هيتجوز انا و لا انتي؟! و كمان هو الجواز بالخاتم و الدبلة.
ماجدة(بعصبية): انتي قاصدة تجنيني؟!
وجد: و الله انتي اللي بتجنني نفسك. و يلا سيبيني انام بعد اذنك.
وجد رجعت لنومتها و غمضت عينيها بتعب و نامت و ماجدة بصت ليها بغيظ و سابتها و مشيت.
-في الصباح الباكر...
في فيلا باسل...
باسل كان نايم بعمق في اوضته و فجأة سمع صوت حد بيزغرط تحت و سمع صوت كارما فوق رأسه.
كارما(بصوت عالي): قوم يا عريس يلا قوم.
باسل فتح عيونه ببطء و قام قعد نص قعدة علي السرير.
باسل: ايه يا كارما؟!
كارما: يلا يا باشا الليلة كتب كتابك.
باسل: مين تحت؟!
كارما: ماما و سليم و نرمين.
باسل: و انتي طلعتي ليه؟!
كارما: بصحي اخويا و صاحبي.
باسل(بابتسامة): طب انزلي يا عسل نازل وراكي.
كارما: اخيرا بقي هتتجوز يا عم.
كارما باست باسل علي خده و نزلت جري لتحت و باسل قام غسل وشه و نزل لتحت...
مريم: صباح الخير يا حبيبي.
باسل: صباح النور يا حبيبتي.
سليم: مبروك يا عريس...
نرمين: مبروك.
باسل: الله يبارك فيكوا.
عامر: مبروك يا باسل بيه.
باسل: الله يبارك فيك.
امل: مبروك.
باسل: الله يبارك فيكم.
سليم: طب يلا عايزين نظبط الشعر و نحلق الدقن دي كلها.
باسل: طيب يلا بينا.
عند وجد...
وجد كانت نايمة و فتحت عينيها ببطء و هي مبسوطة و لقت اللي بيفتح الباب و بيدخل.
رانيا: حضرتك صاحية؟!
وجد(بابتسامة): ايوه.
رانيا: شكلك كنتي بتحلمي بحلم حلو؟!
وجد(بخجل): ايوه.
وجد رمت نفسها علي السرير تاني و هي مبسوطة.
رانيا: شكلك وقعتي؟!
وجد(بابتسامة): لا مبسوطة اني هتجوز شخص محترم زي باسل.
رانيا: طب يلا قومي علشان الفستان عطيات هتطلعه و اكيد هتطلعي اميرة النهاردة...
وجد: لسة في الفرح بقي.
رانيا: انتي اصلا جميلة في كل وقتك...
وجد: حبيبتي تسلميلي.
و الكل بدأ يصحي و يظبط كل حاجة ناقصة و في اللي كانوا مبسوطين و في اللي مكنش مبسوط.
-بعد عدة ساعات...
بعض الضيوف المقربين بدأوا يجوا و باسل و عائلته دخلوا و رحبوا بعائلة وجد.
ماجدة: و الله زادنا شرف.
مريم: شكرا...
ياسين: اتفضلوا خشوا اقعدوا...
نرمين(بهمس): انا حاسة انه في حاجة هتحصل.
سليم(بهمس): بت مش عايز اسمع صوتك لغاية ما نروح ده انتي متشائمة.
ثريا نزلت من علي السلالم و راحت قعدت جمب منصف.
منصف(بهمس): عقبالك.
ثريا لا رد.
قصي: مبروك يا عم باسل...
قصي سلم علي باسل و باسل سلم عليه و سلم علي سليم...
يوسف: فين وجد يا ماجدة استعجليها؟!
مريم: خلوا العروسة تأخد وقتها براحتها.
الكل بص ل باسل اللي لقوه وقف فجأة و هو باصص علي السلالم و كلهم بصوا علي السلالم لقوا وجد نازلة و حاطة وشها في الارض و كانت في قمة جمالها بفستانها اللي هي اختارته...
وجد لبست صندل بكعب بسيط باللون الابيض و سيبت شعرها علي ضهرها و حطت روچ هادئ و بسيط و حطت كحل حدد عينيها و حطت البرفيوم بتاعها.
وجد كانت نازلة ماسكة الفستان بايديها و نازلة بهدوء و وراها عطيات و رانيا و هما مبسوطين...
وجد رفعت عينيها لقت باسل باصص ليها باعحاب شديد و هي قربت منهم و قربت من ياسين و باست ايديه.
ياسين: بسم الله ما شاء الله يا حبيبتي بدر منور...
وجد سلمت علي مريم و نرمين و سليم و كارما,وجد رفعت عينيها لباسل و باسل كان باصص ليها و مش حاسس بحاجة حواليه و حس بأنه مش قادر يأخد نفسه.
باسل خد نفس عميق و غمض عينيه...
باسل: انا بقول نكتب الكتاب بقي. يلا يا عمي يلا.
باسل مسك ايد وجد و خرجوا علي بره للجنينة.
وجد: اهدي يا ابني في ايه؟!
باسل: و هو انتي خليتي فيا عقل اصلا بام فستانك ده و جمالك.
ماجدة(بضيق): الدبل.
باسل: اه نسيت.
ماجدة ودت لباسل العلبة اللي فيها الدبل,باسل لبس وجد الخاتم في ايديها اليمين الكل بدأ يصقف و وجد ابتسمت لباسل و بدأت تلبسه المحبس بتاعه,الناس برضو صقفوا و الكل كان مبسوط.
المأذون جه و بدأوا يقعدوا علشان يكتبوا الكتاب.
وجد قعدت جمب مريم و كارما و كارما حضنتها.
وجد: جدو عايزاك تبقي وكيلي.
الكل بص ليها و ياسين ابتسم ليها و باس رأسها و قعد مكان يوسف اللي اتضايق و بص ليها.
سليم(بهمس): هو فين اللي اسمه احمد ده؟!
نرمين(بهمس): و انت مالك بيه؟!
سليم(بهمس): بطاقتي يا اختي مش معايا و باسل هيقتلني.
نرمين(بهمس,بشهقة): باسل هيعمل منك بطاطس.
سليم(بهمس): يالهوي دول بيكتبوا الكتاب.
المأذون: فين الشهود؟!
قصي: انا اهو...
قصي حط البطاقة بتاعته علي الترابيزة,باسل مد ايده لسليم.
باسل: بطاقتك...
سليم(بتوتر): ها؟! هو مينفعش الكارنيه؟!
المأذون: افندم؟!
باسل(بهمس و حدة): فين بطاقتك يا زفت؟!
سليم: خدوها مني.
باسل(بهمس): هما مين؟!
سليم: لما عملت الحادثة.
باسل بص لسليم بغضب و حط ايده في شعره بغضب...
المأذون: اي شاهد تاني.
يوسف: ا.
احمد: انا موجود.
الكل بص لاحمد و وجد ابتسمت ليه و احمد قرب منهم و حط بطاقته علي الترابيزة.
باسل: شكرا...
و بدأوا يكتبوا الكتاب و وجد و باسل كانوا متوترين...
المأذون: بارك الله لكما و بارك عليكما و جمع بينكما في خير,بالرفاء و البنين ان شاء الله...
باسل قام وقف و مسلمش علي حد راح ناحية وجد اللي وقفت و هي حاسة بأن قلبها هيخرج من مكانه من كتر السعادة.
باسل حاوط وش وجد بين ايديه و باس رأسها و حضنها جامد وجد لفت ايديها حوالين خصره و حضنته هي كمان.
باسل(بهمس): بحبك.
سليم(بضحك): خلاص يا عم الحبيب مش قدامنا يعني.
مريم: مبروك يا ولاد.
كارما: مبروك يا عم.
ماجدة: مبروك.
نهلة كانت واقفة متغاظة من اللي بيحصل.
الكل بدأ يبارك لباسل و وجد اللي كانوا اكتر اتنين مبسوطين.
قصي: تعالوا نتصور.
قصي نادي المصور علشان يصورهم و كلهم وقفوا صف واحد و باسل و وجد في النص,باسل شد وجد لحضنه و هي بصتله و المصور لقط الصورة كدة.
قعدوا يتصورا كتير و وجد و باسل بيضحكوا مع بعض...
باسل: تسمحيلي بالرقصة دي يا مراتي يا حبيبتي...
وجد: انت شكلك ما صدقت اننا اتجوزنا.
باسل: و الله يا دكتور حالتي صعبة.
وجد ضحكت و باسل حضنها و خدها و بدأوا يرقصوا مع بعض و عمالين يتكلموا و يضحكوا.
سليم: تيجي نرقص؟!
نرمين: يلا يا قدري.
نرمين و سليم راحوا و بدأوا يرقصوا جمب باسل و وجد و بيتكلموا و يضحكوا...
الباقي قاعد بيتكلم و مبسوط...
كارما: لو سمحت فين التواليت؟!
رانيا: اتفضلي معايا.
رانيا عرفت كارما مكان الحمام...
رانيا: انتظرك؟!
كارما: لا خلاص روحي هعرف ارجع لوحدي.
كارما دخلت الحمام و خرجت و كانت راحة ناحية الباقي لقت اللي بيحط ايده علي بوقها و بيسحبها لبعيد,كارما قعدت تضرب الشخص ده في ايده.
كارما لقت اللي ماسكها بِعد عنها و هي لفت ليه بغضب.
كارما(يغضب): ايه اللي انت بتعمله ده انت غبي؟! و كمان جبتني فين؟!
احمد(ببرود): المفروض نعمل صلح النهاردة. اركبي.
كارما بصت للعربية و بصت لاحمد.
كارما: و ايه اللي يخليني اثق فيك؟!
احمد قرب من كارما و مال عليها و هي رجعت لورا.
احمد(ببرود و سخرية): و هو في واحدة نازلة الشارع بقميص النوم تخاف؟!
كارما كانت لابسة فستان باللون الاسود طوله لقبل الركبة بشوية و كان ب ¾ كم و مفتوح من الضهر بفتحة واسعة و لابسة صندل بكعب باللون الاسود و رافعة شعرها علي شكل ديل حصان و حطت روچ احمر غامق و كحل حدد عينيها...
كارما لمعت في عينيها الدموع و بصت لاحمد.
كارما: و محدش قالك تقول رأيك. ممكن ننهي هنا اي خلاف كان بينا.
كارما: هات موبايلي و انا همسح الصور بتاعتك كلها هنا قدامك. خلص الموضوع.
احمد طلع موبايل كارما و حطه علي العربية,كارما مسكت الموبايل بتاعها و مسحت الصور قدام احمد اللي كان بيبص عليها و هي بتخفي دموعها.
كارما كانت هتمشي بس احمد مسكها و شدها تاني و سندها علي العربية...
احمد: بتعيطي ليه انتي اللي سامحة لاي حد يبصلك كدة. ده مش لبس ده فعلا قميص نوم ركزي في كلامي هتلاقي عندي حق فيه...
احمد بص لكارما اللي دموعها نزلت غصب عنها و سابها و مشي,كارما مشيت وراه و قعدت جمب مريم.
مريم(بهمس): مالك يا حبيبتي؟!
كارما(بهمس): مفيش يا ماما.
عند باسل و وجد.
وجد: انت ما صدقت اني ابقي مراتك؟!
باسل(بابتسامة): طبعا، اخيرا بقيتي ملكي و ليا...
وجد(بخجل): باسل.
باسل: لا مفيش كسوف بقي ده انتي بقيتي مراتي.
وجد: تعرف؟!
باسل: ايه يا حبيبتي؟!
وجد: عمري ما قولت لحد انا حاسة بايه عمري ما بينت مشاعري لحد.
باسل(بابتسامة): و طبعا انا مش اي حد فبتبيني ليا ضعفك مش كدة.
وجد: احم ايوه بس ده سر.
باسل: عيب عليكي يا قمري.
باسل باس رأس وجد و وقفوا رقص و رجعوا قعدوا...
و كان الكل قاعد بيتكلم و يهزر.
سليم: طب نستأذن احنا.
قصي: انتوا لسة قاعدين لسة بدري.
مريم: لا هنروح احنا و باسل هيقعد مع وجد.
كارما: انا تعبت يلا بينا.
نرمين: عن اذنكم مبروك يا وجد هنبقي نتكلم كتير.
وجد: اكيد.
سليم خد كارما و مريم و نرمين و ركبوا عربيتهم و وراهم حراسهم...
ماجدة(بفرحة): خدي يا بنتي باسل اوضتك.
وجد(برفعة حاجب): نعم!
يوسف: قصدها تفرجيه علي الاوضة يا وجد.
ياسين: مرة تانية يلا نسيبهم لوحدهم يلا، مبروك.
قصي حضن وجد و باس رأسها.
قصط: عقبال الليلة الكبيرة يا حبيبتي.
وجد: و عقبالك.
الكل بدأ يدخل جوا و كل واحد يطلع لاوضته بسبب التعب...
عند وجد و باسل...
باسل قعد جمب وجد و حاوطها بايديه...
باسل: جايبلك حاجة.
وجد: ايه؟!
باسل طلع من جيب الجاكت بتاعه علبة قطيفة و فتحها كانت عبارة عن خاتم شيك و رقيق فيه فصوص ماس...
باسل مسك ايد وجد و لبسه ليها و باس ايديها و رفع عيونه ليها و قرب منها و هي رجعت لورا.
وجد: شكرا بس مكنش في داعي.
باسل: و برضو مفيش داعي تشكريني و تبعدي عني كدة انا مش هأكلك.
وجد: انا مش بعيدة اهو ما انا قاعدة جمبك. و كمان عادي لما اشكرك.
وجد حطت رأسها علي كتف باسل و شبكت صوابعها مع صوابعه و باسل باس رأسها...
قعدوا يتكلموا فترة لغاية ما باسل قام وقف.
باسل: طيب يا حبيبتي هكلمك بليل لما ارجع...
وجد: ماشي خلي بالك.
باسل حضن وجد و باس خدودها و قرب منها بوشه...
باسل: بحبك.
وجد ابتسمت بخجل لباسل و مسكت فستانها و دخلت تجري علي القصر قبل ما تدخل لفت ليه لقته بيبص ليها و مبتسم و هي دخلت القصر و هي حاسة ان قلبها خلاص هيطلع من مكانه...
باسل كان فرحان و مبتسم و خرج بره القصر بس لمح سعد و هو بيبص ليه بس مهتمش و ركب عربيته و بدأ يسوق...
تليفون باسل رن.
باسل: مش وقتك.
الخط اتفتح.
باسل: الو يا...
(بوجع): هي ققت تل ل وو ني ي(هيقتلوني).