رواية الملاك المتمرد للكاتبة سلسبيل كوبك الفصل الخامس والأربعون والأخير
ملاك كانت طالعة جري علي السلالم و اتكعبلت في الفستان...
ملاك(بصريخ): سيف!
الكل لف ناحية ملاك و سيف كان هيجري عليها. بس لقي عفاف مسكت ملاك قبل ما تقع...
سيف(بقلق): انتي كويسة؟!
سيف خد ملاك في حضنه و ملاك قعدت تعيط.
سيف: شكرا يا عفاف.
عفاف: لا عادي. انتي كويسة يا هانم؟!
ملاك(بعياط): اه.
سيف: خلاص يا حبيبتي حصل خير. انتي الحمد لله سليمة.
محمد: خلاص بقي يا ملاك.
سهي: معلش يا حبيبتي الحمد لله.
نور: ربنا ستر.
ملاك دفنت وشها في سيف اكتر و مسكته جامد...
سيف: امي ودي محمد بيه اوضته.
سيف وطي و شال ملاك بين ايديه و طلع اوضتهم حطها علي السرير.
سيف: يا حبيبتي متعيطيش علشان خاطري.
سيف: حقك عليا انا.
سيف: طب قوليلي اعمل ايه و تبطلي عياط؟!
ملاك: مفيش.
سيف: طب يلا قومي خدي دوش و غيري هدومك.
ملاك: حاضر.
ملاك قامت دخلت الحمام غسلت وشها و خدت دوش سريع و خرجت تغير هدومها.
ملاك لبست شورت جينز و تي شيرت ب ¾ كم باللون البنفسجي و سيبت شعرها علي ضهرها.
ملاك خرجت لقت سيف قاعد علي الكنبة راحت قعدت جمبه و نامت علي رجله.
سيف: مالك يا حبيبتي؟!
ملاك: مفيش...
سيف: طب عايزة حاجة اجبهالك؟!
ملاك: لا، السواق مجاش ليه؟!
سيف: انتي قلقانة عليهم.
ملاك: اتأخروا.
سيف: متخافيش في الطريق.
ملاك: طيب...
سيف: تعرفي.
ملاك: ايه؟!
سيف: مجهزلك حاجة هتعجبك.
ملاك: ايه هي؟!
سيف: لا مفاجاة.
ملاك: س.
سيف: متحاوليش ابدا ابدا، و جمالك المرة دي مش هيأثر عليا.
ملاك: رخم.
تليفون سيف رن، الخط اتفتح.
سيف: الو يا عريس. خير؟!
جاسر: كدة برضو تكلمني كدة.
سيف: انت هتصاحبني يا ابني، عايز ايه؟!
جاسر: و الله لو عليا مكنتش اتصلت بيكوا ابدا بس المجنونة اللي جمبي عايزة تكلمكوا...
تاج: هات كدة.
تاج: الو يا سيف.
سيف: ايه يا حبيبتي؟! اخباركوا؟!
تاج: الحمد لله، الواطي ده قافل تليفوني و شايله. يرضيك؟!
سيف: لا طبعا ميرضنيش.
جاسر: لو كنت مكاني يا سيف هتعمل ايه؟!
سيف: هكسر كل الموبايلات هو انتوا هتقرفوني في كل الاوقات.
جاسر: شوفتي علشان تعرفي.
تاج: شوفت انا عملت ايه؟!
سيف: جيد جدا زي كل سنة.
تاج: الاولي علي الدفعة.
سيف: بركاتك يا سي جاسر.
جاسر: هو انا اي حد و لا ايه؟!
سيف: طيب ناويين تيجوا امتي؟!
جاسر: هو احب اقولك ان عدي مخرجش من اوضته لمدة اسبوع. و الاكل بيوصل ل حد عنده.
سيف: جدع. هبقي اكلمه انا.
جاسر: طيب باي.
سيف: باي.
سيف اتصل ب عدي، بعد فترة الخط اتفتح.
عدي: مش قولتلك سنة سنتين.
سيف: بطل ياض انت.
عدي: خير؟!
سيف: جايين امتي؟!
عدي: هو لازم نتجمع كلنا يعني.
سيف: معلش تعالي علي نفسك.
عدي: خلاص هشوف.
سيف: طيب و ارحم نفسك شوية...
عدي: جاسر الكلب طيب.
سيف: باي يا اخويا باي.
سيف: ملاك ا.
سيف: نمتي؟!
سيف باس رأس ملاك و قام و حط تحت رأسها مخدة و نزل ل تحت.
سهي: ايه الاخبار؟!
سيف: تمام. بس بقولكوا.
نور و سهي: ايه؟!
سيف(بصوت واطي): ايه نظامهم؟!
-سهي و نور بصوا علي مني و محمد اللي قاعدين بيضحكوا و يهزروا مع بعض.
سهي: و حياتك يا ابني ما اعرف.
نور: بس شكل حب كدة.
سيف: حب مين يا اختي حب مين؟! ده انا اقطع رقبتهم.
سهي: يلا هنشوف اخرتها، ممكن تبقي جواز؟!
سيف: هتشلوني هما مراهقين دول في الخمسينات.
نور: سيبهم يعيشوا سنهم.
سيف: و النبي؟!
سيف: همشي قبل ما ارتكب جناية.
سيف راح اوضة مكتبه قعد يعمل كذا حاجة في الشغل.
-في مكان تاني...
عند مريم و عمر.
عمر: ها يا حبيبتي اساعدك في حاجة؟!
مريم: لا انا خلاص قربت اخلص.
عمر: طيب متنسيش الدواء بتاعك.
مريم: حاضر بعد الاكل.
عمر(بقلق): انتي كويسة؟!
مريم حست بدوخة و وقعت في الارض بين ايدين عمر...
عمر(بخوف و قلق): مريم انتي كويسة يا مريم ردي عليا.
عمر شال مريم و طلع الاوضة بتاعتهم و شممها برفيوم مريم بدأت تفوق ببطء.
عمر: انتي كويسة؟!
مريم: اه.
عمر(بحدة): مش مهتمية بنفسك ليه؟!
مريم: ا.
عمر(بحدة): انتي مأكلتيش صح؟! بتضحكي عليا و بتستنيني لما اجي من الشغل.
عمر(بخوف و حب): يا حبيبتي ارجوكي حافظي علي نفسك، كلي علشانك و علشان الطفل انا ممكن اتاخر في الشغل علشان كدة ارجوكي حافظي علي صحتك و نظمي اكلك علشان خاطري متقلقنيش عليكي.
مريم(بدموع): حاضر.
عمر خد مريم في حضنه و طبطب علي ضهرها.
عمر: اسف يا حبيبتي.
مريم: و لا يهمك.
عمر: طب يلا قومي البسي.
مريم: ليه؟!
عمر: هنخرج نتغدي بره...
مريم: و الاكل اللي تحت؟!
عمر: بعدين يلا قومي البسي.
مريم: حاضر.
مريم قامت غيرت هدومها لبست جيبة واسعة باللون الابيض و فوقها تي شيرت بكم باللون الازرق الهادي. لبست صندل اسود مش كعب. و سيبت شعرها علي ضهرها.
مريم: عمر.
عمر: نعم يا حبيبتي.
مريم: انا حاسة اني بقيت وحشة.
عمر: مين قال كدة؟!
مريم: انا.
عمر: حمارة. انتي اجمل و احلي واحدة شوفتها في حياتي و هتفضلي الاحلي و الاجمل في نظري دايما.
مريم: ربنا يخليك ليا يا حبيبي، بحبك.
عمر: و يخليكي ليا يا قلبي، بموت فيكي.
عمر: يلا بينا.
عمر خد مريم و ركبوا العربية و راحوا لاقرب مطعم و دخلوه.
عمر: شوفي يا حبيبتي هتأكلي ايه.
مريم: هاكل اللي انت هتاكله.
عمر: اممم طيب.
عمر: لو سمحت هات اتنين من ده.
الجرسون: تمام يا فندم. عن اذنك.
مريم: انت مش ندمان يا عمر.
عمر: بالعكس انا فرحان جدا.
مريم: بحبك و الله.
عمر: قسما بربي ما حد واخد قلبي غيرك...
-في مكان تاني...
عند خالد و شروق.
خالد و شروق وصلوا للفندق و طلعوا اوضتهم.
شروق: اخيرا وصلنا.
خالد: ايوه.
شروق: هقوم اغير هدومي.
خالد: حد مسكك.
شروق: عيل رخم.
شروق دخلت غيرت هدومها و خرجت.
خالد: ده ايه الاحترام ده؟!
شروق: مش عاجبك طلقني.
خالد: يالهوي يا بت عايز اضربك.
شروق: حد يضرب مراته في الفرح.
خالد: اين الفرح لا اراه.
شروق: انا مش اي حد علشان كدة لازم فرحي يبقي غريب و شيك كدة و قمر.
خالد: ده انتي خليتي منظرنا زبالة بالورد اللي كان علي شعرك انا قولت مزعلكيش علشان يوم في العمر مش هيتعاد.
شروق: قصدك اني كنت وحشة.
خالد: يا ربي.
خالد: لا طبعا يا حبيبتي مين الحمار اللي يقول عليكي كدة...
خالد قرب من شروق و حاوط وشها بين ايديه.
خالد: انتي اجمل و ارق و احلي بنت اعرفها.
خالد باس رأس شروق و خدها في حضنه.
شروق: هنرجع امتي؟!
خالد: بتفكري هنرجع امتي من دلوقتي!
شروق: لا بقول هنقعد قد ايه مع بعض انا و انت بعيد عن العالم.
خالد: يا اختي كميلة.
شروق: بنت اختك انا يا عم.
خالد: انتي دبش علطول يا بت.
شروق: لا ساعات و ساعات.
خالد: الصبر من عندك يا رب.
شروق: خالد.
خالد: نعم.
شروق: بحبك.
خالد: بعشق امك.
خالد قرب من شروق و (لخيالكوا)و...
عدي اسبوع...
-في القصر.
سهي(بخضة): في ايه يا بنتي؟! بتجري ليه؟!
ملاك: ينعل ابو معرفة ابنك، ورايا تصوير و مأكدة عليه من بليل و هو رايح الشغل من الصبح و مصحنيش.
سهي: طيب اهدي براحة.
حلا: ماما تعالي كلي الاول.
ملاك: لا هأكل في التصوير.
ملاك: يلا باي باي، قبلات قبلات.
ملاك طلعت تجري علي بره القصر و ركبت عربية.
ملاك: روح ل ().
السواق: حاضر يا هانم.
في القصر.
مني: ها ايه الاخبار؟!
سهي: تمام، انتي كنتي مختفية فين؟!
مني: كنت بتمشي مع محمد بيه.
نور: تمام.
نور و سهي بصوا ل بعض و قاموا يعملوا كذا حاجة.
عند ملاك.
ملاك وصلت لموقع التصوير.
ملاك: ايه ده؟!
ملاك: انت غيرت النظام و لا ايه؟!
صابر: ايوه يلا خشي غيري هدومك.
ملاك: طيب.
ملاك دخلت اوضتها و لقت فستانها و ناس كتير معاها.
ملاك: وه الموضوع جد اوي كدة ليه؟!
بنت: معرفش صابر بيه قال ان تصوير النهاردة اهم تصوير.
ملاك: طيب.
ملاك: الجو حر كدة ليه؟!
بنت2: خشي خدي دوش الاول؟!
ملاك: تمام.
ملاك دخلت خدت دوش بسيط و خرجت بدأت تغير هدومها.
بنت3: الميكب.
بنت2: ايه رأيك؟!
ملاك كانت مبهورة بنفسها و وقفت قدام المراية.
ملاك: سيبوني لوحدي خمسة.
البنات: ماشي.
كل البنات خرجوا و ملاك كانت بتبص علي شكلها في المراية...
ملاك: لو كان حقيقي كان هيبقي احلي.
سيف(بابتسامة): نخليه حقيقي ليه لا؟!
ملاك(بصدمة): سيف!
سيف: عيون سيف.
سيف قرب من ملاك و باس رأسها.
سيف: الفستان عليكي قمر و انتي قمرين تلاتة اربعة كمان...
ملاك كانت لابسة فستان فرح شيك كب مبين ضهرها و ضيق نازل بوسع من عند الخصر و الديل بتاع الفستان طويل و عليه نقوش و رسومات علي شكل ورود في الفستان شفاف من عند الخصر. رفعت شعرها علي شكل كحكة عالية مع نزول كام خصلة من شعرها علي رقبتها، لبست طرحة طويلة مخبية ضهرها و عليها نفس نقوش الفستان من الاطراف. و لبست جذمة بكعب عالية باللون الابيض و فيها لمعة. لبست سلسلة رقيقة في رقبتها و حلقين شيك نازلين علي رقبتها.
سيف: لو تعلمي كم انا متيمٌ بكِ؟!
انتي إمراتي,و حبيبتي,و صديقتي,و امي و كل شئيًا في حياتي.
انتي عذابي و فرحة عمري.
انتي ناري و جنتي.
كل يوم أُحبكِ اكثر من كل يوم.
فانتِ نور حياتي...
ملاك حضنت سيف جامد و سيف مسك دقن ملاك و رفع وشها ليه.
سيف: بحبك.
سيف لبس ملاك تاج شيك عليه فصوص من الماس و باس رأسها.
سيف: انتي الاولي و الاخيرة مولاتي.
سيف: تسمحي؟!
ملاك حطت ايديها في ايد سيف الممدودة و خرجوا من اوضة التغير...
ملاك لقت كل اللي هي تعرفهم موجود. و من اول ما خرجوا في ورد كتير عمال ينزل عليهم.
ملاك(بفرحة): الله.
سيف: لسة في مفأجات كتير.
ملاك(بابتسامة): مستنية.
صابر: يلا قدامي هنا.
-سيف و ملاك وقفوا في الخلفية المجهزة ليهم و قعدوا يتصوروا كتير و ملاك مبسوطة.
سيف: هاتي ايدك.
ملاك: هنروح فين؟!
شروق: ملاااااااك.
شررق جريت علي ملاك و حضنتها.
ملاك: خلاص يا حبيبتي نفسي نفسي يا روحي نفسي يا ماما.
خالد: ابعدي عن البت حرام عليكي.
شروق: الله بقي دي مزة اوي اوي اوي، و اخيرا شوفتها بالفستان الابيض هزغرط و الله.
سيف: شكرا ل فرحتك يا شروق.
ملاك: جدو.
ملاك جريت علي محمد حضنته و باست ايده.
محمد: ربنا يخليكوا ل بعض.
ملاك: و يخليك يا جدو.
سهي: مبروك يا حبيبي.
سيف: الله يبارك فيكي يا امي.
سيف باس ايد سهي و حضنها.
عدي: وقعت يا سيف.
سيف: سيبني يا عم.
عدي: طب حضن طب.
سيف: ليه كنت مراتي؟!
عدي و سيف ضحكوا و حضنوا بعض، عمر دخل ما بينهم...
تاج: يلا صورة جامعية. يلا.
-كلهم راحوا اتصوروا مع بعض. و بعدها الشباب لوحدهم، و بعدها البنات لوحدهم. الكبار لوحدهم. كل ثنائي لوحده. ملاك و سيف مع مالك و جودي و حلا. سيف و ملاك.
جاسر: يلا بينا يلا.
الكل راح ركب العربيات و سيف ركب ملاك و ركب جمبها...
ملاك: مع اني مصدومة و مأخدتش اذني بس مش هنكد عليك.
سيف: و الله تبقي عملتي فيا خدمة العمر.
بعد فترة ملاك لقتهم وقفوا قدام اكبر قاعة مناسبات في مصر...
ملاك: انت عازم كل العدد المهول ده!
سيف: قولتلك انه هيبقي اكبر فرح و كل الناس هتتكلم عليه. و كمان مش كتير 4000 فرد بس.
ملاك: لا لا هيغمي عليا...
تاج: بطلي بقي و يلا.
-سيف مسك في ايد ملاك و بدأت الزفة تشتغل و دخلوا القاعة و الكل قام صقف ل سيف و ملاك.
ملاك كانت مبسوطة اوي و ماسكة في سيف.
سيف خد ملاك و راحوا قعدوا للكرسي المخصص ليهم، و بدأ الكل يبارك لبعضه.
عمر: اخيرا يا عم.
سيف: محسسني انه اول مرة.
عدي: طبعا اول مرة مش شايف الابتسامة مش عايزة تفارق وشك ازاي. المرة اللي فاتت كنا بنتحايل عليك تبتبسم بس.
سيف بص علي ملاك بحب اللي بتتكلم مع شروق و مريم و تاج.
ملاك: يا رزلين كدة متقولوش ليا كنت عملت حسابي اكتر...
مريم: مرة تانية.
تاج: هما هيتجوزوا كل يوم يعني.
شروق: انتي عايزاها تتعصب علي الواد يعني.
ملاك: لا كفاية عمل ده كله ليا.
مريم: اصيله.
محمد: اخيرا يا حبيبتي شوفتك بالابيض.
ملاك(بخجل): ده بفضل سيف يا جدو...
سيف: يا واد يا جميل انت.
مني: بطل يا واد تضايقها.
سيف: انا عملت حاجة الله.
نور: معلش معلش.
جود: مبروك.
سيف و ملاك: الله يبارك فيكي.
الكل كان مبسوط، سيف و ملاك قاموا علشان يرقصوا.
سيف: مبسوطة؟!
ملاك: قد الدنيا كلها...
سيف: بحبك.
ملاك: و انا كمان و شكرا كتير اوي ليك.
سيف: بحبك يا احلي ملاك في الدنيا.
ملاك: و انا كمان.
سيف باس رأس ملاك و خدها في حضنه و شالها لف بيها كتير، الكل صفر و صقف...
ملاك: يا مجنون!
سيف: مش عارف اعملك ايه علشان اثبتلك اني بحبك حاسس اني معملتش اي حاجة تعبر عن مدي حبي.
ملاك: انا واثقة في حبك و متأكدة انك بتحبني...
سيف و ملاك بدأوا يقطعوا التورتة و يأكلوا بعض و رجعوا تاني مكانهم...
ملاك(بعصبية): ايه اللي جاب البت الرزلة دي؟!
سيف: ملاك حبيبتي اهدي انهاردة فرحنا.
جود: مبروك يا سيفو.
ملاك: معلش مش بيسلم علي ستات.
ملاك: و كمان اسمه سيف سيفو دي تقوليها عند خدامين السيدة يلا بيتك بيتك يا روحي.
جودي: انتي ازاي عارضة ازياء و اكيد عارفة الاتيكيت.
ملاك: لا ما انا بيبقي عندي شيفت بعد شغلانة عارضة ازياء و بنزل اضرب في الناس و اي حد مبكنش طايقاه زيك بالظبط.
ملاك: ف لو عايزة وشك يفضل سليم خدي بعضك و غوري في داهية.
سيف كان بيحاول يكتم ضحكه، جودي خدت بعضها و مشيت بغضب...
سيف: انتي مسخرة...
ملاك: اضحك اضحك.
بعد فترة الفرح كان قرب يخلص و سيف كان عايز يمشي...
عمر: ايه في ايه؟!
سيف: عايز امشي.
عمر: طيب. يلا.
سيف خد ملاك و خرجوا و راحوا للمطار.
ملاك: مطار! هنروح فين؟!
سيف: بعدين بعدين.
سيف: يلا يا جماعة اشوف وشكوا بخير.
ملاك: طب استني اروح اسلم عليهم.
سيف: هو في وقت قدامي.
سيف خد ملاك و دخلوا المطار كانت طيارتهم جاهزة طلعوا ركبوها...
ملاك: انت مجنون يا ابني.
سيف: متشكر.
بعد فترة وصلوا و ملاك نزلت...
ملاك(بفرحة): هنروح جزر المالديف؟!
سيف(بابتسامة): ايوه.
ملاك: الله. يلا بينا.
سيف و ملاك ركبوا عربية و راحوا ناحية الفندق.
سيف: الفستان ضايقك؟!
ملاك: يعني شوية علشان من الفرح للطيارة للبيت كدة.
ملاك: بس الفستان حلو اوي اوي اوي اوي بحبك اوي انا.
سيف: بموت فيكي.
بعد فترة وصلوا للفندق و ملاك عرفت انهم هيأخدوا اوضة تحت الماية و انبسطت اوي.
سيف: تمام شكرا.
سيف قفل الباب بالمفتاح و راح قعد علي الكنبة.
سيف: روحي غيري هدومك...
ملاك: طيب بس الحمام شكله صغير اوي.
سيف: لا مش صغير الحمام هناك اهو.
ملاك: اه طيب. ده جاكوزي تمام.
ملاك(بخجل): احم طب يعني هو.
سيف: فهمتك.
سيف قام و فك رباط الفستان و فتح السوستة.
ملاك: اطلع بره.
سيف: طالع.
سيف طلع غير هدومه بره لبس بنطلون بس.
ملاك لبست شورت بيتي باللون الاسود عليه قلوب حمراء و لبست تي شيرت اسود بحمالة رفيعة علي الكتف باللون الاسود قصيرة لغاية الخصر. سابت شعرها زي ما هو.
ملاك خرجت و راحت قعدت جمب سيف علي الكنبة.
سيف: ارفعي وشك يا بنتي انتي مع حد غريب.
ملاك: الله بقي ما انا هو انت يعني النهاردة انت فجأتني و مكنتش عاملة حسابي و كمان انا.
سيف: هتحكيلي قصة حياتك.
ملاك: يا حيوان.
سيف حط ايده علي كتف ملاك لقي ملاك انتفضت بسرعة.
سيف(بقلق): مالك؟!
ملاك: مفيش حاسة اني سقعانة اوي.
سيف: طيب يا روحي معلش.
سيف حط ايده علي خد ملاك و قرب وشها منه. ملاك ارتعشت و بعدت عن سيف و راحت للسرير...
ملاك: هنام تصبح علي خير...
ملاك غطت وشها بالبطانية و كانت فعلا سقعانة و بترتعش. سيف كان مصدوم من موقفها قام و قعد جمبها علي السرير...
سيف: ملاك انتي كويسة؟!
ملاك لا رد.
سيف: ملاك طب احكيلي في ايه؟!
ملاك لفت و حضنت سيف جامد سيف حاوطها بايده و نام جمبها.
سيف: في ايه يا حبيبتي؟!
ملاك: معرفش كل ما تقرب مني اخاف و ارتعش و عايزة انام بس كدة.
ملاك خبت وشها في سيف و غمضت عينيها.
سيف: طب اهدي كدة و متخافيش خالص.
سيف: احم انتي افتكرتي معتز؟!
ملاك: لا معتز اسااسا مقربش مني.
سيف(بصدمة): انتي بتهزري!
ملاك: لا كنت بحطله منوم كل يوم.
سيف: احلفي.
ملاك: اه و الله، مالك مصدوم ليه؟!
سيف ابتسم ل ملاك و كان مبسوط.
ملاك: في ايه يا ابني؟!
سيف: لا مفيش مفيش. انتي حاسة بسقعة طيب و لا حاسة بدفء و لا ايه.
ملاك: لما حضنتك دفيت جسمك دافئ.
سيف: ملاك.
ملاك: نعم.
سيف: عارفة اني بحبك صح؟!
ملاك: صح.
سيف: و مستحيل اخونك او اغدر بيكي.
ملاك: اه.
سيف: طيب غمضي عيونك.
ملاك: اهو.
سيف قرب من ملاك و (لخيالكوا)و...
-في الصباح الباكر...
عند سيف و ملاك.
سيف و ملاك كانوا نايمين بس التليفونات مبطلتش رن.
سيف(بعصبية): اوف بقي.
سيف مسك التليفون بغضب و قفل التليفون خالص.
ملاك(بنوم): في ايه؟!
سيف: مفيش كملي نوم انتي.
ملاك فعلا كملت نوم و سيف خدها في حضنه و قعد يملس علي شعرها لغاية ما نام هو كمان...
بعد فترة كبيرة.
سيف صحي و بدأ يفوق ملاك.
سيف: ملاك ملاك يلا يا حبيبتي قومي...
سيف قرب من ودن ملاك.
سيف(بهمس): ملاك يلا قومي. حبيبتي.
ملاك(بنوم): يا سيف سيبني انام...
ملاك حطت مخدة علي رأسها. سيف شدها منها و شالها بعيد.
سيف: ملاك يلا قومي...
ملاك(بنوم): و حياة عيالك يا شيخ سيبني انام.
سيف: يا بت قومي بقي...
ملاك فتحت عين و قفلت عين و حضنت سيف.
ملاك: بليز سبني انام.
سيف: لا مفيش نوم يلا قومي.
سيف مسك ايد ملاك و باسها و قرب من ملاك باس رأسها و خدها و رقبتها.
ملاك: بس بقي خلاص قومت.
ملاك: عيل رزل.
ملاك فتحت عينيها و بصت ل سيف.
ملاك: ها و بعدين؟!
سيف: ايه و بعدين دي قومي يا بت...
ملاك: سيف.
سيف: قلبه.
ملاك: سيبني انام.
سيف: ممكن فعلا.
سيف قرب من ملاك و (لخيالكوا)و...
-بعد مرور خمس سنوات...
سيف و ملاك قضوا شهرين شهر عسل و رجعوا خلفوا فارس عنده 4 سنين و ملاك حامل، مريم خلفت ولد اسمه ايان عنده 4 سنين و كام شهر. عدي و جود خلفوا بنت اسمها ملك عندها 3 سنين. تاج بتحضر دكتوراة علشان تبقي معيدة زي جاسر و مأجلين موضوع الخلفة، خالد و شروق ربنا لسة مرزقهمش بأطفال. حلا كبرت و بقي عندها 16 سنة و دخلت علمي، مالك بقي عنده 14 سنة. جودي عندها 10 سنين. مني و محمد بقوا يتكلموا كتير و بقوا صحاب اوي. سهي و نور بقوا علطول يقعدوا مع بعض...
سيف: مالك فين ملاك؟!
مالك: فوق يا بابا.
سيف: طب اطلع ناديها.
حلا: بابا.
سيف: نعم يا حبيبتي...
حلا: بتحبني صح؟!
سيف: امممم.
حلا: ممكن اروح اسهر مع صحابي شوية.
سيف: ابدا.
حلا: يا بابا.
سيف: قولت ابدا...
حلا: هاخد جودي.
سيف: لا و الف لا...
مريم: ايان تعالي هنا.
ايان: سيبيني يا ماما.
مريم: لا تعالي بعيد عن النار.
عمر: سيبيه يلمس النار علشان يتعلم.
مريم: لا ابني اخاف عليه...
سهي: كلنا كنا بنخاف علي عيالنا...
خالد: سيف.
سيف: اممم...
خالد: انا ابتديت اشك في جدو.
سيف: كلنا بقينا نشك فيهم و حياتك.
سيف: هات السيخ ده يا عدي.
عدي: هتقتلني بيه.
سيف: ظريف...
سيف: جودي روحي العبي مع ملك يلا.
جودي: حاضر...
حلا: يا بابا...
سيف: قولت لا.
حلا: يا عمو جاسر.
جاسر: نعم.
حلا: خليه يوافق.
جاسر: ما توافق يا جدو سيف بقي.
سيف: جدو في عينك عندي 34 سنة يا غندور.
تاج: اوف انا جعت بقي فين الاكل؟!
جود: هنجيبه ل سيادتك ذاكري انتي ذاكري.
تاج: ها؟!
نور: و الله كل المذاكرة و الهري ده مش هيجيب فايدة الحقي خلفي يا بنتي. ده انتي 27 سنة...
تاج: ايه ده بجد! يالهوي.
تاج: جاسر...
جاسر: نعم.
تاج: بقول نخلف بعد ال30.
جاسر: بقول اجي اكسر دماغك، اخرك السنة دي يا روح طنط.
تاج: اوف رزل.
تاج: يعني هي خلفة الاطفال جنة.
تاج(بصريخ): اه يا ملك حرام عليكي. بطلي شد في شعري.
جود(بضحك): شدي اكتر يا ملك.
مالك: بابا جبت ماما و فارس.
سيف: تعالي يا حبيبتي.
سيف مد ايده ملاك ملاك مسكت ايده، سيف خد منها فارس...
سيف: اخبار حبيبة بابا ايه؟!
ملاك: متكلمهاش انا مخاصماها.
سيف: ليه كدة يا ملاك؟!
ملاك: معصباني معصباني قاعدة طول الليل و النهار تضربني في بطني انا قادرة...
سيف: معلش.
سيف: فارس.
فارس: نعم.
سيف(بتريقة): نعم!
سيف: عمرك اربع سنين ياض مضايق امك و لا ايه؟!
فارس: هو حد يقدر يقرب منها طول ما انت موجود ده انت تحرقني و تعلقني يا عم. و مش بعيد تاكلني.
سيف: طبعا هي اي حد و لا ايه!
ملاك: ربنا يخليك ليا يا حبيبي.
سيف باس خد ملاك.
سهي: رغم ان كلنا قولنا انه مستحيل تكملوا مع بعض.
ملاك: قدر شوفتي...
نور: ناس مجنونة.
سيف: انا حبيتها من فراغ يعني.
خالد: اوبا شكلنا هنفضح كدة.
سيف: ايوه عنادها و تمردها عليا كان كل مرة بيشدني ليها اكتر و اكتر، لقيت فيها حاجة مختلفة.
سيف: اول مرة الاقي حد بيحب يعاندني و بيخلق مشاكل معايا و المشكلة بقي اني مكنتش بقدر اواجهها عنيدة عناد القرود.
ملاك: يا رزف.
سيف: بحبك.
-كل واحد حضن حبيبته و باس رأسها و الكبار بصوا ليهم و هما مبسوطين...
-استمرت ايامهم مكنتش بتخلو من المشاكل و الحب كان كل ما في مشكلة تواجههم يجتمعوا و يحلوها كانوا بيقفوا جمب بعض دايما في المشاكل قبل المناسبات كانوا مجتمعين دايما...
النهاية.
العلاقات: دايما في علاقات بتبدأ و في علاقات بتنتهي. طول ما احنا عايشين و كل ما بنكبر بنكون علاقات زيادة و كتيرة، في علاقات بتفشل و في علاقات بتنجح، بس اهم من ده كله قوة العلاقة و قوة الحب اللي موجود في العلاقة، قوة الاخلاص و الصدق اللي موجود، في علاقات كتير سهل تتكسر لانها مش بتبقي مبنية علي اُسس قوية و تقدر تحمي و تحافظ علي العلاقات، لازم لما نيجي نكون علاقة نبنيها علي قواعد و قوانين مش سهل اي حد يكسرها، لازم الطرفين او ال كذا طرف اللي بيبقي في العلاقة يحموا و يحافظوا علي علاقتهم علي قد ما يقدروا، علشان بعدين هنرجع نشتاق و نندم ان علاقتنا انتهت و اتكسرت. و لما نيجي نرجع نلاقيهم كونوا علاقات جديدة و اقوي...
الاهتمام: قلة الاهتمام الشديد بيؤدي إلى عواقب و اخطاء كبيرة جدا بنندم عليها في الاخر، لما تكون منتظر من حد الاهتمام و ميودهوش ليك بتحس بانكسار و ضعف بتحس بمدي كرهك للحياة بتحس ان الدنيا وقفت، و برضو كترة الاهتمام هيخلي الواحد يمل و يفتكر نفسه محاصر و مخنوق و ممكن يسيبك و يمشي، علشان كدة دايما خير الامور الوسط الاهم اني اكون دايما محسسك اني جمبك. اهتم بيك و اوديك مساحة من الحرية ليك. علشان خاطر مخسرش في الحالتين. حالة الاهتمام الزيادة او حالة عدم الاهتمام. الاهتمام بيفرق اوي مع كل شخص كبير صغير بنت او ولد، الاهتمام بصديق بقريب بحبيب بزوج بانثي الاهتمام لوحده شئ حلو جدا...
الفرص: مش اول فرصة في حياتك بتبقي ال perfect او المثالية، لازم تتأني و انت بتختار شريك حياتك. للاسف معظم الاهالي بيبقوا شايفين انه طالما ليه اسم و مركز و معاه فلوس و محترم يبقي خلاص نجوزه بنتنا و خلاص، لا الجواز مش بيعة البنات ذات نفسهم مش بيعة، البنات ليهم رأيي و ده ميمنعش انه لو كان الاب حكيم و عاقل يتدخل في رأيهم، يعني انه البنت هي اللي هتتجوز مش اهلها هي اللي هتعاشر الشخص ده، بلاش الغصب علي البنات، و للاسف البنات لاما بتوافق غصب لاما بتلجأ لحل الهروب و ده مش سليم. الاهتمام برأيي البنات و بالذات في الامور اللي تخصهم...
في ناس هتقول دلوقتي مبقاش في اجبار لا لسة في اشخاص بيجبروا بناتهم علي الجواز و كمان و هما في سن صغير و ده فكر مريض و متخلف...
استني و اختار الفرصة اللي هتناسبني و هتريحني مش مع اول فرصة تيجي اختارها التأني الاول في الاختيار، لان المستقبل ممكن يتدمر بسبب اختيار واحد غلط.
كما تُدين تُدان: كلنا عارفين الكلام ده و ان الكلام ده سليم، و ان كل اللي هتعمله هيترد ليك سواء كنت ظالم او مظلوم. لو كنت ظالم و بتفتري علي الناس و بتذلهم هيجي الوقت اللي انت هتتذل فيه و هتندم و تقولي يا ريتني بس هيكون فات الاوان، لو كنت بتعمل خير هيعود ليك لان الخير دايما بيلف و بيرجع ل صاحبه، اللي انت متقبلهوش علي نفسك متقبلهوش علي غيرك، انت متقبلش علي نفسك انك تتذل متقبلش علي غيرك انه يكون كدة، خلي جواكوا ابيض خلوا يبقي لسة في خير في الدنيا.
ضيوف: كلنا ضيوف في الدنيا دي كلنا هنسيبها و هنمشي يبقي منتضايقيش و نحزن، نعمل لاخرتنا و نعمل اللي يسعدنا في دنيتنا، متكونش كثير الشكوي غلط، اسعد نفسك متدورش علي الحزن و تروحله برجليك دور علي السعادة هي مش هتيجي لوحدها، هتدور علي السعادة هتلاقيها اعمل اللي يسعدك و انسي هموم الدنيا، خلي عندك حسن ظن بالله محدش واخد منها حاجة...
حلم: اللي عنده حلم يسعي ليه. ميسبش حد يتحكم فيه و في احلامه و في خططه المستقبليه، اسعي ل حلمك و اشتغل كتير علي حلمك هتوصل، حلاوة تحقيق الحلم تعبه، لما توصل ل حلمك تعب السنين هيروح و هتفرح بيه، هتتعب في البداية بس بقوتك و عزيمتك و اصرارك هيبقي الطريق سهل، متسمعش ل كلام الناس السلبية و الحقودة حقق ذاتك. متركزش في كلامهم طول ما انت بتركز هما بيقولوا ايه مش هتحقق، حقق حلمك اللي انت عايزه مش اللي غيرك عايزه...
تمت