رواية الملاك المتمرد للكاتبة سلسبيل كوبك الفصل الثاني عشر
ملاك خرجت لقت سيف ساند علي العربية و مستنيها ملاك قربت منه.
سيف: اركبي.
نور(بدموع): ست ملاك ست ملاك.
ملاك: في ايه يا نور؟!
نور(بدموع): محمد بيه مات.
سيف بص ل ملاك اللي وقفت ساكتة و متحركتش من مكانها.
سيف جري علي جوا بسرعة و ملاك مشيت وراه و وشها خالي من اي تعبير.
سيف قرب من محمد و شاف نبضات قلبه و في ذات اللحظة ملاك دخلت و حطت ايديها علي قلبها و باصة ل محمد.
سيف: في وقت اتصلي بالاسعاف بسرعة.
سيف(بصوت عالي): انجزي.
نور: حاضر حاضر.
سيف: ملاك اهدي جدك عايش.
نور: قدامهم نص ساعة و يجوا.
سيف: مش هنستني.
سيف شال محمد و قعده علي الكرسي بتاعه و شد ملاك و راحوا للعربية بتاعته و ركبه هو و ملاك و لف ساق بسرعة...
سيف: ملاك سمعاني؟!
ملاك: هيعيش؟!
سيف: إن شاء الله.
ملاك فضلت باصة من الشباك منزلتش من عينها و لا دمعة و ماسكة نفسها، سيف مد ايده و مسك ايديها و شدد عليها بخفة.
سيف: هيبقي كويس متخافيش.
و بعد فترة بسيطة وصلوا للمستشفي. سيف نزل طلب نقالة و دكتور.
حطوا محمد علي نقالة و دخلوا بسرعة علي الطوارئ.
الدكتور: ده في حالة متأخرة.
سيف: بمعني؟!
الدكتور: انتوا متعرفوش انه عنده القلب و المفروض يتنقله قلب...
ملاك سابت الاوضة و خرجت بره بسرعة و سيف بص عليها.
سيف: قصدك هتعملوا عملية ليه؟!
الدكتور: هنعمل فحص بس محتاجين متبرع بأقصي سرعة في اقل من ساعتين.
الدكتور: احنا هندور و انتوا لازم تدوروا قدامكوا ساعتين. و الا هنفقده.
سيف: اعمله الفحص و انا هتصرف.
الدكتور: طيب.
سيف خرج لقي ملاك قاعدة في الارض و ضامة رجليها و باصة قدامها و ملامحها شاحبة اوي.
سيف نزل لمستواها و حط ايده علي كتفها.
سيف: ملاك.
سيف لقي ملاك بتحضنه اوي و بتعيط.
ملاك(بعياط): هو مينفعش يموت، انا بحبه اوي.
سيف: متخافيش مش هيحصل حاجة، هو هيبقي كويس...
ملاك(بعياط): لا هو مش بيحبني علشان كدة عايز يسبني...
سيف: لا طبعا يا ملاك متحكميش عليه كدة، هو بيحبك و بيحبك اوي.
ملاك(بعياط): و انا كمان بس بس.
ملاك(بعياط): مش هتحمل فراقه، حرام.
سيف: و مين قال اننا هنفقده، متخافيش انا هتصرف.
ملاك(بعياط): انا خايفة اوي.
سيف: لا اهدي متخافيش.
عمر: الف سلامة يا ملاك.
سيف: قومي معايا يا ملاك.
سيف مسك ملاك و قعدها علي الكرسي و مسك دراع عمر و بعدوا شوية عنها...
سيف: عايزك تتصرفلي في متبرع...
عمر: بس.
سيف: مفيش بس ده امر يلا يا عمر.
عمر: حاضر طيب...
عمر: عن اذنك.
سيف قرب من ملاك و خدها في حضنه.
سيف: هيبقي كويس متقلقيش...
ملاك: روح ل جودي و مالك انا هفضل مع جدو.
سيف(بحدة): هعتبر نفسي مسمعتش حاجة يا ملاك.
عدت فترة و كان عمر جه ل سيف...
عمر(بهمس): كله جاهز يا سيف.
سيف: طيب. تعالي معايا.
سيف: ملاك خليكي هنا متتحركيش...
سيف قام هو و عمر و راحوا للدكتور.
سيف: انا اتصرفت شوفوا العملية امتي؟!
الدكتور: هنبدأ حالا و فعلا طلع قلب المتبرع مناسب مع قلب المريض...
سيف: انجز.
الدكتور: حاضر حاضر.
الدكتور قام و بدأوا يجهزوا محمد للعمليات.
ملاك غصب عنها نامت و سيف جاب قهوة و قعد جمبها. و الحراسة محاوطة المستشفي كلها.
عمر: انت كويس؟!
سيف: ايوه، ايه اخر الاخبار؟!
عمر: زي ما انت عايز.
سيف: طيب.
-قعدوا 3 ساعات و ملاك بدأت تفوق فتحت عينيها ببطء لقت جمبها سيف و هي ماسكة فيه جامد و نايمة علي كتفه و لقت نفسها متغطية بجاكت سيف رفعت عينها شافته...
ملاك(بصوت واطي): جدو فين؟!
سيف(بهدوء): لسة في العمليات متقلقيش العملية ناجحة...
ملاك(بصوت واطي): طيب.
ملاك بعدت عن سيف و رجعت شعرها لورا.
Flash back...
ملاك: جدووووووووو.
محمد: ايه يا مجنونة؟!
ملاك: تعرف انا زعلانة اوي...
محمد: ليه؟!
ملاك راحت حضنت جدها و نامت في حضنه.
ملاك: علشان النهاردة جد صاحبتي مات و هي زعلانة اوي.
محمد: معلش يا روحي.
محمد: و كمان كلنا ضيوف في الدنيا.
ملاك: بس لا انا مقدرش اتخيل حياتي من غيرك.
محمد: لا يا ملاك لازم تعرفي اني مش هعيش ليكي العمر كله.
ملاك: بس...
محمد: و لما اموت مش عايزك تعيطي فاهمة.
ملاك: لا بعد الشر عليك، اهم حاجة عندي انك تكون مبسوط.
ملاك: لو روحت بعيد عني انا هموت بعدك.
محمد: لا يا ملاك الدنيا مش بتقف يا بنتي انتي متوقفيش حياتك.
ملاك: لا يا جدو علشان انت حياتي.
محمد: طب توعديني وعد؟!
ملاك: ايه هو؟!
محمد: قولي وعد الاول.
ملاك: وعد يا جدو ها ايه بقي؟!
محمد: لما اموت متعيطيش و لا تزعلي.
ملاك: بتطلب مني المستحيل و كمان انت خدعتني خلتني اوعدك الاول.
محمد: انتي وعدتيني بس كدة.
ملاك: ادي اخرة اللي يثق فيك يا جدو يا لئيم انت.
محمد: بس انتي وعدتيني يا ملاك يعني متزعليش فاهمة.
ملاك: اولا بعد الشر عليك، ثانيا بحبك اوي. ثالثا حاضر مش هعيط ابدا.
محمد: طب يلا قومي خدي دوش علشان هتسافري النهاردة.
ملاك: حاضر، هتوحشني اوي.
Back.
ملاك: هما بقالهم قد ايه جوا؟!
سيف: ساعة.
عمر بصله باستغراب و سيف بصلها بمعني انه يسكت...
ملاك: طيب...
عدت ساعة كمان و الدكتور خرج.
ملاك(بلهفة): جدو عامل ايه؟!
الدكتور: الحمد لله العملية نجحت هيفوق كمان 48 ساعة، بس هننقله العناية المركزة للاطمئنان اكتر.
سيف: شكرا يا دكتور.
الدكتور: علي ايه.
الدكتور سابهم و مشي. و ملاك حضنت سيف جامد.
ملاك: شكرا ليك.
سيف باس رأسها و رفعها ليه بحيث رجليها مش علي الارض.
سيف: انتي مراتي يا ملاك يعني مفيش شكر ما بينا، فاهمة؟!
ملاك(بخجل و توتر): فاهمة.
عمر: احم احم.
سيف نزل ملاك و بص ل عمر بغضب.
خرجوا محمد علي نقالة و حطوه في العناية المركزة.
سيف: يلا يا ملاك نروح.
ملاك: لا طبعا هقعد معاه.
سيف: الدكتور قال 48 ساعة و يفوق هتقعدي هنا يومين يعني، قومي ربنا يهديكي.
ملاك: قولت لا هه.
سيف: الصبر يا رب.
سيف: عمر جهز العربيات عقبال ما اشوف المصيبة دي.
ملاك: انسي انا.
ملاك(بشهقة): يا نهارك اسود!
سيف شال ملاك علي كتفه و مشي ل بره المستشفي.
ملاك(بزعيق): سيف و ربي لاقتلك نزلني مش هسيب جدو.
ملاك(بزعيق): الحقووووووووووووني.
ملاك(بزعيق): المجنون ده خاطفني سيبني يا حيوان.
ملاك(بزعيق): لو نزلتلك هقتلك يا سيف.
سيف(بسخرية): كلها كام خطوة و هنزلك هنشوف بقي.
سيف: و بطلي فرك ده انتي مقرفة.
ملاك(بزعيق): يا حيوان انت اللي مقرف.
سيف(بزهق): اوف يا ملاك صوتك ده و لا مايك.
ملاك(بزعيق): نزلني.
ملاك(بصريخ): عاااااااااااااااااااااا.
سيف(ببرود): مش انتي قولتي نزلني. اهو نزلتك.
ملاك مسكت ضهرها و حاولت تقوم نفسها.
ملاك(بزعيق): جحش مش عارف ان دراعي واجعني.
سيف: الارسال كان فوق واطي عن كدة. تحبي ارفعك تاني ل فوق.
ملاك: حيوان بغل جحش.
سيف: قمر عسل.
سيف قرب وشه من وش ملاك. ملاك وشها احمر و بعدت عنه.
عمر: احم احم.
سيف(بغضب): الله يخرب بيتك يا عمر.
عمر: انا عملت حاجة، العربيات جاهزة.
سيف: طيب. روح.
سيف قرب من ملاك و ملاك بتبصله بتوتر.
سيف: شايفك مش خايفة.
ملاك: لا مش خايفة.
سيف: و لا خايفة؟!
ملاك: مش خايفة.
سيف: خايفة؟!
ملاك: اه.
ملاك(بادراك): لا لا مش خايفة منك مش خايفة و مش هخاف بس كدة.
سيف(بابتسامة جانبية): طب يلا علي العربية.
ملاك: لا.
سيف: بجد؟!
ملاك(بتوهان): ها؟!
سيف(بضحك): شكلي ليا تأثير عليكي.
ملاك(بعصبية): فاكر نفسك مين يعني. انت كلب بلدي.
ملاك لقت نفسها في حضن سيف و بصت في عيونه و فضلت ساكتة مفاقتش الا لما سيف قرب منها و (لخيالكوا).
عمر: اسف هقطع اللحظة دي بس يعني هنتحرك و لا لا؟!
ملاك زقت سيف و جريت علي العربية. سيف لف بغضب و بص ل عمر.
عمر(بخوف): انا عملت ايه؟!
سيف ضرب عمر بوكس في وشه و واحد في بطنه.
سيف(بغضب): قسما بربي يا عمر لاكون نافخك بس اصبر عليا.
سيف راح العربية و ركب جمب ملاك. ملاك كانت وشها احمر و بتهوي علي نفسها بأيديها.
عمر: احم اطلع يا ابني.
السواق: حاضر يا بيه.
و بعد فترة وصلوا للقصر و سيف نزل فتح الباب ل ملاك.
ملاك(بعصبية): شكرا.
ملاك سابت سيف و مشيت بغضب ناحية القصر. سيف مشي وراها و دخل القصر.
ملاك: سيف.
سيف بصلها و فتح عينه علي اخرهم لما لقي ملاك ضربته قلم علي وشه.
ملاك مسكت سيف من القميص بتاعه و قربت منه.
ملاك(بغضب): اياك ثم اياك و لو للحظة انك تقرب مني، انا مش عاهرة علشان تقرب مني كدة.
ملاك(بغضب): تحذيري الاخير، مش هسمحلك تقرب مني تاني.
ملاك(بغضب): انت زوج سيدرا و بس، ابعد عني.
-ملاك زقت سيف بغضب و طلعت علي اوضتها ملقتش هدومها و لا اي حاجة تخصها. قفلت الباب و سندت بضهرها عليه و قعدت تعيط.
-سيف طلع لاوضته بغضب و قفل الباب بغضب و قعد علي السرير يفكر في كلام ملاك.
-في الصباح الباكر...
عند ملاك.
ملاك صحيت من نومها الساعة 6: 30 لقت نفسها نايمة علي الارض قامت ببطء و افتكرت كل اللي حصل امبارح. قامت و راحت لاوضة سيف و دخلت بهدوء جابت ليها هدوم و خرجت راحت لاوضة جودي دخلت خدت دوش و لبست هدومها.
ملاك لبست بنطلون جينز و قميص ابيض و بليزر باللون البيبي بلو. و لبست صندل بكعب باللون الكافيه و اختارت شنطة نفس لون الصندل و سيبت شعرها وحطت روچ هادئ و كحل حدد عينيها.
ملاك راحت ناحية جودي و بدأت تصحيها.
ملاك: جودي جودي.
ملاك: جودي يلا قومي.
جودي(بنوم): نعم!
ملاك: يلا النهاردة اول يوم ليكي في المدرسة.
جودي(بفرحة): بجد؟!
ملاك: اه يا روحي. يلا قومي.
جودي: حاضر.
جودي قامت بكل نشاط خدت دوش و خرجت ملاك لبستها هدومها و باست رأسها.
ملاك: ايه الجمال ده يا ناس؟!
ملاك: يلا انزلي لتحت علشان تفطري...
جودي: حاضر.
ملاك راحت لاوضة مالك و باست رأسه. كانت هتمشي بس مالك مسك ايديها.
مالك: راحة فين؟!
ملاك: هشوف جودي فطرت و لا لسة علشان النهاردة اول يوم في المدرسة.
مالك: عايز انزل ل تحت اودعها.
ملاك: حاضر.
ملاك دهنت كريم علي رجل مالك و ساعدته يغير هدومه و مسكت ايده و نزلت ل تحت.
جودي: مالك.
جودي جريت علي مالك حضنته.
مالك: انتي كويسة؟!
جودي: اه.
ملاك: طنط عفاف حضري الفطار.
عفاف: جاهز يا هانم.
ملاك: طيب.
التلاتة قعدوا يفطروا و يأكلوا.
عفاف: باص جودي هانم وصل.
ملاك: يلا.
عند سيف.
سيف فاق من نومه و خد دوش و خرج يغير هدومه.
سيف لبس بدلة باللون الرمادي و قميص ابيض و لبس جذمة سوداء و لبس ساعته و حط البرفيوم بتاعه.
سيف كان بيجهز ورقه لفت انتباهه جودي في الحديقة بص من البلكونة لقي ملاك ماسكة ايد جودي و مالك و قدامهم الباص.
سيف لقي جودي بتركب الباص و بتبوس مالك و باست ملاك و ملاك حضنتها و باستها.
ملاك: خلي بالك من نفسك يا روحي.
جودي: حاضر.
مالك: متتصاحبيش علي ولاد فاهمة.
جودي: حاضر...
جودي: باي.
جودي لمحت سيف شاورت ليه و هو شاور ليها و ابتسم.
باص جودي مشي و جودي كانت مبسوطة.
ملاك: حبيبي تحب تعمل ايه؟!
مالك: معرفش.
ملاك: طب ممكن اروح شوية ل جدو لانه تعبان؟!
مالك: ايه ده بجد؟!
ملاك: اه شوفت.
مالك: خديني معاكي.
ملاك: لا يا حبيبي علشان بابا ميزعقش.
مالك: لا هقوله و هو هيوافق متخافيش.
ملاك: يا حبيبي خليك انت تعبان.
مالك: لا انا حبيته اوي المرة اللي فاتت، هروح اطمن عليه معاكي.
ملاك: انا هروح علي الشغل بعدها.
مالك: هأجي معاكي.
ملاك: اوف علي العناد، طيب طيب.
مالك: بابا صباح الخير.
مالك راح حضن سيف و سيف شاله و باس رأسه.
سيف: عامل ايه؟!
مالك: الحمدلله.
مالك: بابا خليني اروح مع ملاك عند جدها.
سيف: و هي قالت انها راحة ل جدها؟!
مالك: اه.
سيف: هي استأذنت.
ملاك بصتله برفعة حاجب و سخرية.
مالك: انتي استأذنتي يا ملاك؟!
ملاك: لا و مش هستأذن، هه ايه كمان؟!
سيف(بعناد): مفيش خروج من القصر الا لما اقولك تخرجي و لا لا؟! و بمزاجي.
سيف دخل القصر و هو شايل مالك و ملاك ضربت برجليها الارض...
ملاك: طب و الله لاخرج و اللي عندك اعمله بس.
ملاك خرجت من القصر و ركبت تاكسي و مشيت...
في القصر...
-عند تاج.
تاج صحيت علي رنة تليفونها، الخط اتفتح.
تاج(بنوم): خير؟
ريتاج: يا نهارك اسود انتي لسة نايمة المحاضرة 8: 30 قومي انجزي. هنطرد.
تاج(بفزع): يا لهوووووي طيب قايمة.
تاج قامت بسرعة غسلت وشها و خرجت تلبس هدومها.
تاج لبست بنطلون ابيض و تي شيرت اسود في ابيض لغاية الركبة بس مفتوح من الجمب مبين بطنها. و لبست كوتشي اسود و عملت شعرها علي شكل ديل حصان و حطت روچ احمر غامق.
تاج نزلت جري علي السلالم.
سيف(بحدة): براحة.
تاج: طيب حاضر، عن اذنكوا.
مالك: مش هتاكلي؟!
تاج: في الجامعة.
تاج خرجت بسرعة ركبت العربية و ساقت بسرعة ناحية الجامعة.
تاج كانت هتدخل الجامعة بعربيتها لقت عربية قدامها كانت عايزة تدخل.
تاج ركزت في العربية لقت جاسر المعيد. جاسر كان هيرجع بس لما شاف تاج عاند و فضل واقف.
تاج(بزعيق): ما ترجع يا عم.
جاسر(بهدوء): جاي قبلك و مش هرجع ارجعي انتي.
تاج(بغضب): بص انا ورايا محاضر و متأخرة فابعد عن وشي بقي اوف دي ايه الاشكال اللي علي الصبح دي...
جاسر(بهدوء): ارجعي انتي يلا.
تاج(بعناد): طب مش راجعة بس كدة.
جاسر(بهدوء): و لا انا.
جاسر نزل من العربية و حدف المفتاح ل تاج.
جاسر: اركنيها.
جاسر دخل الجامعة بكل وقار و دخل لمكتبه.
تاج(بغضب): و ربي لاوريك يا كلب انت.
تاج فتحت بابها بغضب و ركبت عربية جاسر ساقتها بكل غضب و راحت لمكان زبالة و ركنت العربية و جابت طوب و كسرت الازاز بتاع العربية...
تاج مشيت بكل برود و راحت لعربيتها ساقتها و دخلت الجامعة.
ريتاج: اوف اخيرا جيتي الدكتور اجل المحاضرة نص ساعة الحمد لله.
تاج: فين الدكتور الجديد؟!
ريتاج: قصدك مين؟!
تاج: اللي اتخانقت معاه امبارح.
ريتاج: هتعتذري؟!
تاج(بحدة): انجزي يا ريتاج.
ريتاج: في مكتبه.
تاج راحت ل مكتب جاسر و فتحت الباب من غير استأذان.
جاسر(بحدة): ازاي تخشي من غير استأذان كدة؟!
تاج: معلش قلة ادب.
تاج حدفت المفاتيح في وش جاسر.
تاج(ببرود): عربيتك جمب الزبالة روح خدها.
تاج خرجت و راحت المدرج بتاعها و قعدت جمب ريتاج...
جاسر قام بكل غضب و راح ل مكان الزبالة اتصدم لما لقاها مكسورة.
جاسر(بغضب): و ربي لاوريكي النجوم في عز الضهر لسة بدري لسة في اول ترم.
جاسر اتصل بحد يجيوا يأخدوا عربيته للصيانة و بعت عربية تانيه من بيته.
جاسر راح مكتبه و بدأ يشوف محاضراته، تاج مبسوطة اوي من اللي هي عملته.
جاسر كان عنده 28 سنة شاب مجتهد و كمان غني عائلته كانت غنيه عنده اخ واحد و باقي عائلته متوفية. اخوه مسئول عن الشركة. جاسر بيشتغل معيد. متوسط الطول بشرته بيضة و عنده غمازة واحدة في الشمال. و عيونه باللون العسلي. شديد وقت اللزوم و مع اخوه مرح...
-في مكان تاني...
في القصر.
مني: صباح الخير.
سيف و مالك: صباح النور.
مني: صاحي بدري يا مالك!
مالك: كنت بوصل جودي مع ملاك للباص...
مني: اه. ربنا يخليكوا لبعض.
مني: وراك شغل يا سيف؟!
سيف: ايوه.
مني: فين ملاك؟!
سيف: في الجنينة.
سهي: صباح الخير اه يا ضهري اه.
سيف: معلش. اقعدي افطري.
سهي: طيب.
سهي: اومال فين نور؟!
سيف: لسة هي و رزق مصحيوش.
سهي: اه طيب.
الكل بدأ يأكل...
بعد ساعة.
مني: ايه ده يا رزق؟!
رزق: هنسافر يومين انا و نور يا امي.
مني: بس.
نور: خلاص يا طنط لو حضرتك مش عايزة بلاش.
مني: لا خلاص روحوا عادي.
رزق: عن اذنكوا، عايز حاجة يا سيف؟!
سيف: اتمني ننجز يا عمي.
سيف: عن اذنكوا.
سيف باس رأس مالك و خرج ملقاش ملاك...
سيف: ملاك خرجت؟!
حارس: اه يا بيه.
سيف(بعصبية): ماشي يا ملاك.
سيف خرح لقي عمر مستنيه ركب العربية و عمر معاه...
رزق: عن اذنكوا يلا يا نور.
نور: حاضر.
نور و رزق خرحوا ركبوا العربية و سافروا ل شرم الشيخ...
-في مكان تاتي...
عند ملاك.
ملاك راحت لشركة جدها و نزلت...
صابر: اخيرا رجعتي؟!
ملاك: ازيك يا عم صابر. اه بس هروح افك البتاعة دي.
ملاك: خالد فوق صح؟!
صابر: ايوه من امبارح.
ملاك: طيب.
ملاك طلعت لاوضة خالد و دخلتها لقته نايم علي الكنبة.
ملاك قربت منه و نزلت لمستواه.
ملاك: خالد خالد.
خالد(بخضة): ايه؟!
ملاك: انت اللي ايه يا ابني؟! مرجعتش بيتك ليه؟!
خالد: الشغل الشغل...
خالد قام قعد و ملاك قعدت جمبه.
ملاك: خالد.
خالد: ايه؟!
ملاك: جدو عمل عملية امبارح.
خالد(بصدمة): انتي مجنونة يا ملاك؟!
ملاك: لا.
ملاك حكت كل اللي حصل امبارك ل خالد.
خالد: ازاي متتصليش بيا!
ملاك: معلش تعالي يلا نزوره.
خالد: طيب. يلا بسرعة.
ملاك و خالد نزلوا و ركبوا عربية خالد و راحوا للمستشفي زاروا محمد.
ملاك: لسة قدامه 36 ساعة.
خالد: ان شاء الله هيقوم بالسلامة.
خالد: بس هو انتي كنتي تعرفي انه عنده القلب؟!
ملاك: لا.
خالد: يبقي كان بيخبي علينا.
ملاك: لما يفوق نبقي نتكلم.
ملاك: يلا هروح افك ده.
خالد: طيب.
ملاك راحت ل دكتور متخصص و شالت ساند ايديها و غيرت علي جرحها.
ملاك: يلا انا غبت عن الشغل اوي.
خالد: طيب يلا بينا.
ملاك و خالد راحوا للشركة و بدأوا يشتغلوا.
صابر: عايزين اعلان شركتنا يبقي قوي يا ملاك.
ملاك: استر يا رب.
صابر: المصمم جاك راجع من امريكا و معاه تصاميم حلوة هنبدأ في التعامل معاه...
خالد: جاك ده اشهر مصمم في امريكا صح؟!
صابر: ايوه. هو ممتاز في شغله و شاب صغير.
ملاك: هتجوزه كفاية عليا الجحش اللي في البيت.
صابر و خالد بصوا ليها باستغراب.
ملاك: متأخدوش في بالكوا.
صابر: سهر تعالي هنا مع ملاك.
سهر: حاضر...
ملاك: هاي سهر يلا بينا...
ملاك لبست هدوم بيتي شورت قصير باللون الوردي و تي شيرت بنص كم باللون الرمادي الفاتح و رفعت شعرها علي شكل كحكة و حطت مكياح بسيط اوي.
ملاك: جاهزة؟!
كان التصوير في غرفة نوم و ملاك قعدت علي الارض مربعة و ماسكة مانكير في ايديها و زي كأنها بتحط مانكير و مبسوطة.
و بدأوا يصوروا فيديوهات ل ملاك...
-في مكان تاني...
في مكان مجهول.
: تفتكر انه بيلعب بيها؟!
دراعه اليمين: اكيد.
: دي خطة كويسة.
دراعه اليمين: ازاي؟!
: هنقتله.
دراعه اليمين: متأكد انها جت اللحظة يا باشا؟!
: ايوه اقتلوه هو و بس.