رواية الملاك المتمرد للكاتبة سلسبيل كوبك الفصل الثالث
سيدرا حضنت و باست ملاك و هي قاعدة و قامت مشيت.
ملاك كانت لسة مش مستوعبة كلام سيدرا.
تليفون ملاك رن. الخط اتفتح.
خالد: يا بنتي خلصتي كلام مع صاحبتك؟!
ملاك: اه اه مستنياك.
خالد جه ل ملاك و دخل الكافيه و قعد قدامها.
خالد: مالك يا بت سرحانة ليه؟!
ملاك: لا مفيش. اطلب عصير مانجا.
خالد: طيب.
خالد طلب عصير مانجا و بدأ هو و ملاك يشربوا.
خالد: تعرفيها منين؟!
ملاك: دي صاحبتي في الجامعة و.
خالد: و؟!
ملاك: فاكر الشخص اللي حاول يعتدي عليا و انا في الثانوي؟
خالد: اه...
ملاك: استغل سيدرا و خلاني اروح ليه و حاول يعتدي عليا و بعدها بعد ما الحراسة تدخلت انا مكلمتش سيدرا تاني. الكلام ده من سنين.
خالد: انتي كويسة؟!
ملاك: اه، يلا بينا نمشي.
خالد و ملاك روحوا للفيلا. خالد سلم علي محمد و مشي علي بيته.
محمد: عاملة ايه يا حبيبة قلبي.
ملاك: بخير بس حيرانة.
محمد: ليه مالك؟!
ملاك: هحكيلك و بالمرة استشيرك.
محمد: مبتحكيش الا لو انتي عايزة حد يساعدك الصبر.
ملاك: قلبك كبير. اسمع بقي يا عم.
ملاك: كان عندي صاحبة اسمها سيدرا ظهرت النهاردة و عرضت عليا اتجوز جوزها، هل ده كلام يُعقل يا عم الحاج؟!
محمد: لا الصراحة.
ملاك: انا بقي مش مصدقة او بمعني اصح مش.
محمد: حيرانة. طب هي اكيد قالتلك سبب صح.
ملاك: عندها سرطان...
محمد: مفهمتش.
ملاك: و حياتك و لا انا. اوف.
محمد: اهدي و احكي براحة...
ملاك: دلوقتي هي بتثق فيا و عندها سرطان و عندها ولدين فهي عايزاني اراعيهم بس اتجوز جوزها.
محمد: بصي هو انتي اسااسا هتكوني قادرة تصوني طفلين.
ملاك: انت عارف اني بحب الاطفال يا جدو و كمان انا بحب النظام فأكيد هنظم وقت بين شغلي و بين تنظيم حياتهم. بس فكرة اني اتجوز فاهمني صح...
محمد: انتي عايزة ايه يا ملاك؟!
ملاك: اوف مش عارفة.
محمد: صلي استخارة يا ملاك.
ملاك: و لو مثلا بقي ارتاحت.
محمد: يعني انتي رافضة اصلا؟!
ملاك: اوف معرفش بقي.
محمد: يا رب الصبر يا رب.
محمد: لما تفكري تعالي اتكلمي.
ملاك: طب لو وافقت يبقي كدة مش سرقت منها جوزها.
محمد: هي اللي عرضت عليكي مش انتي اللي عرضتي عليها.
ملاك: بس ده علشان تحمي عيالها و تحافظ عليهم.
محمد: بتشليني يا ملاك علفكرة.
ملاك: انا! ده انا بلسم يا محمد.
محمد: ربنا يشفي يا رب.
ملاك: يا رب.
محمد: نور نور.
نور: نعم يا محمد بيه.
محمد: وديني اوضتي.
نور: حاضر اتفضل معاايا.
نور مشيت ب محمد و ودته اوضته و ودته الدواء بتاعه و خرجت.
ملاك غمضت عينيها شافت شخص قدامها بدون ملامح رجعت رأسها لورا و نامت علي الارض و فضلت مغمضة عينها و الشخص ده يبعد شوية شوية.
تتلاقي الارواح رغم بُعد المسافات??.
نور: انسة ملاك انسة ملاك.
ملاك(بخضة): ايه؟!
نور: حضرتك شكلك نمتي علي الارض.
ملاك قامت من علي الارض و قامت طلعت علي اوضتها و من غير ما تغير هدومها اترمت علي السرير.
ملاك: اوف يا سيدرا اوف حطتيني في ايه بس.
ملاك غمضت عينها بتحاول تنام لغاية ما نامت.
-في مكان تاني...
في قصر سيف.
سيدرا دخلت القصر بخوف و توتر.
سيف(بغضب): كنتي فين يا هانم؟!
سيدرا(بتوتر): سيف تعالي نتكلم في اوضتنا.
سيف(بغضب): كنتي فين يا سيدرا مش هكرر كلامي تاني.
سيدرا(بتوتر): كنت في مشوار.
سيف(بعصبية): مع مين؟!
سيدرا: روحت قابلت واحدة صاحبتي من زمان.
مني: خلاص بقي يا سيف.
سيف(بجمود): طيب بس اعملي حسابك اني مش راضي عنك.
سيف كان هيمشب.
تاج: اخيرا رجعتي يا حبيبتي.
سيدرا: اه يا روحي عن اذنكوا، هروح اصالحه.
سيدرا طلعت جري علي سيف قربت منه و حضنته جامد.
سيدرا: اسفة يا سيف.
سيف: ابعدي يا سيدرا.
سيدرا: بليز متزعلش مني انت عارف اني بحبك.
سيف: اتمني تكوني اتنازلتي عن الكلام بتاع الصبح.
سيدرا: لا يا سيف انا عايزاك تتجوز.
سيف: استغفر الله العظيم يا سيدرا افهمي.
سيدرا: بليز يا سيف دي رغبة و وصيتي يا سيف.
سيف: مش هقدر.
سيدرا: عارفة انك بتحبني بس الاولاد هيرتاحوا و ان شاء الله اخف ان شاء الله بس لازم مالك و جودي الفترة دي يبقي معاهم حد يراعهم ارجوك يا سيف.
سيدرا(بعياط): مش هطمن علي ولادي.
سيف(بزهق): سيدرا انتي ليه مش عايزة تفهمي و كمان مين اللي هترضي.
سيدرا: موجودة و هي موافقة.
مني(بصدمة): يعني انتي كنتي مع البنت اللي موافقة تتجوز سيف.
سيدرا: اه بليز يا سيف بليز.
سيف سابهم ببرود و مشي طلع اوضته.
تاج: سيدرا انتي ايه اللي عملتيه ده؟!
سيدرا: يا رب يوافق يا رب.
سهي: اهدي شوية يا سيدرا.
رزق: مساء الخير.
الكل: مساء النور.
رزق: اسف يا حبيبي الصبح مكنتش جمبك. عاملة ايه دلوقتي؟!
سيدرا: الحمد لله يا بابا. عن اذنكوا.
سيدرا طلعت جري علي اوضتها و قفلت الباب.
سيدرا: سيف.
سيف(بزهق): اوف يا سيدرا. قدري ان تعبك تاعبني انا و ارجوكي متطلبيش مني طلب زي ده تاني. خلينا نفكر في علاجك.
سيدرا: يا سيف انا لازم احافظ عليك انت و العيال ممكن يحصل حاجة.
سيف(بعصبية و تحدي): هتقبلي تشوفيني في حضن واحدة غيرك؟!
سيدرا: هي هتكون مراتك اساسا.
سيف بصلها بشوية صدمة و بعدها رجعت ملامحها للبرود.
سيف(ببرود): طيب موافق.
سيدرا نطت علي سيف حضنته.
سيف: ابعدي يا سيدرا.
سيف ساب سيدرا و دخل الحمام خد دوش و غير هدومه و خرج نام من غير و لا كلمة و سيدرا لفت حضنته و نامت.
-في الصباح الباكر...
في قصر سيف.
جودي: صباح الخير مامي.
سيدرا: صباح النور حبيبتي.
جودي: مامي خدي ضفري ليا شعري.
سيدرا: هاتي.
سيدرا ضفرت ل جودي شعرها و باست رأسها.
مالك: يا صباح الحب.
سيدرا(بابتسامة): صباح النور علي عيونك يا قلبي.
جودي: بابي حبيبي.
جودي جريت علي سيف اللي لسة خارج من الحمام و سيف شالها و باسها...
جودي: ريحة البرفيوم بتاعتك تجنن يا بابي.
سيف: و انتي احلي يا حبيبة بابي.
مالك: عامل ايه؟!
سيف: الحمد لله، و انت؟!
مالك: كويس طول ما احنا مع بعض.
سيف و سيدرا تلاقت عيونهم في المراية.
سيف: يلا يا حبيبة بابي انزلي هلبس و اجي.
جودي: بحبك بابي، يلا يا مالك.
مالك: طيب.
سيف ساب الاوضة و دخل اوضة الملابس سيدرا راحت وراه و حضنته من ضهره.
سيدرا: حبيبي متزعلش مني لو زعلان خلاص متعملش كدة.
سيف: تعرفي انه مهما حصل مبرجعش في كلامي.
سيدرا: اللي تشوفه يا حبيبي.
سيف: شوفيها جاهزة امتي ا.
سيف: اسمها ايه؟!
سيدرا: ملاك. اسمها ملاك.
سيف بصلها و بعدها كمل لبس.
سيف: اه اللي اسمها ملاك دي عرفيها طبعي و اني بكره الخاينين و خليها تعرف انها هتبقي مرات سيف الدين فؤاد رضوان يعني خطوتها بحساب.
-سيف خلص لبس و ساب سيدرا و نزل ل تحت. و سيدرا نزلت وراه ملقتش مكالمات من ملاك و لا رفضت و لا وافقت.
سيدرا: صباح الخير.
الكل: صباح النور.
رزق: هتبدأي امتي علاج؟!
سيدرا: احم.
رزق بص ل مالك و جودي و سكت.
مالك: في ايه؟!
رزق: مفيش يا حبيبي في ايه.
مالك: علاج ايه؟!
سيف: مفيش يا مالك كمل اكلك.
مالك: طيب علشان بس بثق فيك.
عفاف: اتوبيس حضرتك جاهز يا مالك بيه.
مالك: طيب.
مالك خد شنطته و مشي.
سيدرا: جودي خلصتي؟!
جودي: ايوه يا مامي.
سيدرا: روحي العبي يلا.
جودي: حاضر.
سيدرا: انا هبدأ علاج بعد ما سيف يتجوز.
تاج: بس.
سيدرا: و سيف وافق هكلم البنت النهاردة.
مني: انت وافقت يا سيف؟!
سيف(ببرود): دي رغبة سيدرا علشان تبدأ علاج.
سيف خد شنطته و مشي راح علي شغله.
تاج: اكيد اللي هتيجي دي هتكون خدامة بس.
مني: عيب يا تاج.
تاج: ايوه هي هتبقي خدامة ل مالك و جودي بس.
سهي: خلاص خلاص. واثقة فيها يا سيدرا؟!
سيدرا: اه.
سهي: احم و حلوة؟!
سيدرا: ايوه.
سهي: طيب.
-في مكان تاني...
في بيت ملاك.
ملاك صحيت من نومها و قامت غسلت وشها و خرجت غيرت هدومها.
ملاك لبست شورت ابيض قصير و فوقه تي شيرت احمر في ابيض و رفعت شعرها ل كحكة فوق.
ملاك نزلت من اوضتها ملقتش جدها صحي.
ملاك: نور اعملي كوباية لاتيه.
نور: حاضر يا هانم.
ملاك قامت و قعدت قدام حمام السباحة و سرحت.
نور: ملاك هانم ملاك هانم.
ملاك: ها؟!
نور: اتفضلي.
ملاك: شكرا يا نور، هو جدو صحي؟!
نور: اه هروح اساعده و احضر الفطار.
ملاك: طيب.
ملاك بصت لحمام السباحة و بعدها لقت حد بيحط ايده علي كتفها مسكتها و باستها.
ملاك: صباح الحب علي عيونك يا حبيبي.
محمد: صباح النور يا حبيبتي.
محمد: قررتي؟!
ملاك(بتنهيدة): لا بس هرفض.
محمد: وافقي يا ملاك.
ملاك لفتله و بصت ليه باهتمام.
ملاك: اوافق ازاي يا جدو. طب ايه وجهة نظرك؟!
محمد: مبدأيا هتأخدي ثواب كبير اوي اوي و انتي بتأخدي بالك من الاطفال اللي محتاجين مساعدتك.
محمد: و كمان انتي مش هتقعدي هناك بصفتك خدامة لا هتقعدي هناك بصفتك ست بيت لانك هتكوني متجوزة.
محمد: و كمان انتي بتحبي الاطفال جدا، و كمان امان ليكي.
ملاك: ايوه معاك يا جدو في ده كله و كلام مقنع. بس مش حابة حد يلمسني فاهمني يعني لو جواز علي ورق ماشي.
محمد: اتكلمي مع صاحبتك.
وصلت ماسدچ ل ملاك من سيدرا.
ملاك: هي باعتة ماسدچ هقرأها بصوت عالي.
سيدرا: - ملاك انتي صاحبتي و اختي و مهما يحصل هنفضل اخوت و صحاب. مس هجبرك توافقي بس دي وصية مني ولادي هتعرفي تحافظي عليهم انا اختارتك لانك هتحميهم وهتهتمي بيهم اعتبريهم امانة عندك لغاية ما ارجع او لغاية ما اخف. بطلب منك ان ولادي يعيشوا بامان الفترة دي. جربي شهر و لو معجبكيش الوضع اطلقي و الحرية ليكي، و لو مش عايزة يبقي جواز فعلي ممكن تكلمي سيف في الموضوع ده. هو كل اللي طالبه انك تكوني مخلصة و تحافظي علي ولاده. خليكي واثقة و متأكدة اني اختارتك انتي لانك انتي الوحيدة اللي هتقدري تقومي بالمهمة دي. و سيف طيب و مش هيعملك حاجة، و شغلك زي ما هو يا ملاك متقلقيش. ارجوكي ردي عليا يا ملاك في اسرع وقت. شوفي عايزة فرح و لا كتب كتاب بس اللي يريحيك و طلباتك مجابة ارجوكي ردي -.
محمد: ها قررتي ايه؟!
ملاك: اجرب شهر طيب.
محمد: ماشي يا ملاك بس تخلي بالك من نفسك و لو محستيش براحة تقولي ليا و لو عايزة تتطلقي تقولي ليا.
محمد: و كمان.
ملاك: لا مش موافقة مش هسيبك لوحدك ابدا.
محمد: الواد خالد هيجي يعيش معايا ملكيش دعوة.
ملاك: لا برضو.
محمد: ملاك براحتك بس انا قولتلك رأيي و قولتلك الاصوب ايه.
محمد ساب ملاك و مشي و ملاك مسكت موبايلها و قرأت الرسالة تاني.
خالد: قفشتك بتكلمي مين يا بت؟!
ملاك: هحكيلك حاجة بس متزعقش.
خالد: قولي.
ملاك حكت كل اللي حصل ل خالد.
ملاك: ها و انت رأيك ايه؟!
خالد: معرفش بس اكيد ارفضي.
ملاك: بس دول يتامي يا خالد.
خالد: خلاص هاتيهم هنا و اعتني بيهم و كمان لاحظي تصويرك اللي هيبقي كل شوية متوقف و كمان تصويرك مش في مصر بس.
ملاك: كل weekend هبقي اصور بره البلد.
خالد: انتي موافقة؟!
ملاك: محتارة اوف معرفش.
خالد: براحتك.
خالد ساب ملاك ودخل راح ل محمد. ملاك مسكت موبايلها بتردد و كتبت موافقة.
-في مكان تاني...
في مكتب سيف.
سيف كان مرجع رأسه لورا و مغمض عينه.
سيف: اسمها ايه؟!
سيدرا: ملاك. اسمها ملاك.
سيف(بهمس): م ل ا ك(ملاك).
عمر: سيف سيف.
سيف(بخضة): ايه في ايه؟!
عمر: ايه يا ابني بنادي عليك من سنة.
سيف: معلش في ايه؟! احكي.
عمر: كل اللي الورق بخصوص قضية يوسف جهز مستني تروح تترافع...
سيف: طيب سيب الورق اراجعه.
عمر: احكيلي حصل ايه؟!
سيف(بملل): هتجوز انت عارف مبحبش الزن و سيدرا نازلة في وداني زن قولت اسكتها و اهم حاجة عندي ولادي بس كدة.
عمر: عارف اي حاجة عن العروسة؟
سيف: لا.
عمر: و ناوي تتجوزها و لا؟!
سيف: اول سبوع هضايق سيدرا و بعدها متمهنيش و هتكون سيدرا معظم الوقت في المستشفي.
عمر: حرام عليك مرااتك تعبانة.
سيف: تعرف اني بكره الزن و تعرف اني مبجيش ب لوي الدراع.
عمر: انت حظك ليه زفت؟!
سيف: لانك صاحبي.
عمر: متشكر يا رجولة متنساش تخلص الورق اللي في ايدك و قرر هتقوم بأول جلسة امتي.
سيف: طيب غور بقي.
عمر خرج و هو خارج خبط في بنت.
عمر: اسف جدا يا مريم.
مريم(بحدة): و لا يهم حضرتك.
مريم سابت عمر ومشيت. عمر كمل شغله.
-في مكان تاني...
في القصر.
سيدرا: وافقت يا تيتة.
مني: هي مكنتش موافقة؟!
سيدرا: اه.
مني: و ازاي قولتي انها موافقة؟!
سيدرا: علشان سيف يوافق.
مني: طيب هتعملي اييه دلوقتي؟!
سيدرا: كتب الكتاب هيبقي بكرة. يبقي فاضل فستان الفرح و بدلة و مأذون.
سيف رجع بدري وراح باس ايد مني.
سيدرا: تحب مأذون و لا عمر يا سيف.
سيف: هو انتوا مستعجلين ليه؟!
سيدرا: علشان الحق اتعالج.
سيف: لسة مصرة يا سيدرا؟!
سيدرا: اه.
سيف(ببرود): طيب يا سيدرا.
سيدرا: بكرة كتب كتاب.
سيف: هي الهانم ناوية يتعمل ليها فرح و كدة؟!
سيدرا: معتقدش. هتصل بيها.
سيدرا اتصلت ب ملاك، بعد فترة الخط اتفتح.
ملاك: يعني عايزين ايه دلوقتي بطلوا رخامة الله.
سيدرا: احم احم ملاك.
ملاك: اه سيدرا اسفة انا كنت بكلم جدو.
سيدرا: و لا يهمك.
سيدرا: هو انتي عايزة فرح؟!
ملاك قعدت دقيقة تفكر و بعدها ردت.
ملاك: كتب كتاب يا سيدرا.
سيدرا: طيب جهزي هدومك هتيجي بليل بكرة كتب الكتاب في فستان هيتبعت ليكي.
ملاك: لا ايه اللي انا سمعته ده؟! سيدرا انتوا مستعجلين اوي كدة ليه!
سيدرا: نسيتي اللي قولته ليكي...
ملاك: طيب يا سيدرا طيب.
ملاك قفلت مع سيدرا و هي مصدومة.
خالد: في ايه؟!
ملاك: بكل بساطة فرحي بكرة. او بعني اصح كتب كتابي...
خالد: خلاص وافقتي؟!
ملاك: فترة صغيرة اوي يا خالد.
خالد: طيب و هتكملي شغل عادي و انا زي ما انا مدير اعمالك فاهمة.
ملاك: اكيد يا قمري.
محمد: يلا اطلعي جهزي هدوم.
ملاك: بس.
محمد: يلا بقي. نور ساعديها.
نور و ملاك بدأوا يساعدوا بعض و حطوا حاجات كتير و جت عربية من قصر سيف خدتها منهم.
نور: حاجة تانية؟!
ملاك: لا يا روحي. تصبحي علي خير.
نور: و انتي من اهله.
-ملاك حست بتعب شديد اترمت نامت من كتر التعب. محمد جه ليها لقاها نامت باس رأسها و نزل لاوضته نام و خالد في اوضته.
-في مكان تاني...
في القصر.
سيف: فهمتوا؟!
سهي: اه، مش هتقرب من اوضتك هيبقي ليها اوضة لوحدها جمب اوضة الاولاد.
سيف: تعودوها علي طبعي و قولوا ليها ان هي في حالها و انا في حالي الا للضرورة بس و ايام ما اكون انا عايز...
سيدرا: طيب يا سيف.
سيف: هتقولي ل مالك و جودي؟!
سيدرا: ممكن تيجي معايا!
سيف: اقولهم ايه اذا كان انا مش عارف ايه إلى بيحصل، سيدرا ارجعي عن اللي في مخك يا بنتي.
سيدرا: خلاص بقي يا سيف.
سيدرا راحت لاوضة جودي لقت مالك و جودي قاعدين فيها...
سيدرا: عاملين ايه؟!
مالك: كويسين.
سيدرا قربت منهم و خدتهم في حضنهم.
سيدرا: عايزة اقولكوا حاجة.
جودي: في ايه يا مامي؟!
سيدرا: بكرة بابي هيتجوز.
مالك: قصدك ايه هو مش متجوزك انتي بس.
سيدرا: انا الفترة الجاية مش هكون موجودة علطول لاني تعبانة شوية لكن في بنت هتيجي و هتحبوها اوي و هي هتحبكوا...
جودي: انتي راحة فين يا مامي؟!
سيدرا: انا تعبانة شوية و بكرة هروح اتعالج علشان خاطركم بس في بنت هتكون بترعاكم و لازم تخلوها تحبكوا فاهمين.
مالك سابها و قام مشي راح علي اوضته و قفل الباب.
سيدرا: خلاص يا جودي؟!
جودي: حاضر يا مامي.
سيدرا باست رأس جودي و راحت لاوضتها غيرت هدومها و حاولت تنام...
عند رزق.
رزق: يا حبيبتي حصلت شوية ظروف مش هينفع دلوقتي.
رزق: افهميني حصلت مشاكل و بنتي عندها سرطان.
رزق: اول ما موضوع سيف ده يخلص هتجوزك علطول متخافيش انا بحبك بحبك انتي و بس.
الباب اتفتح.
رزق(بخضة): تاج!
تاج قربت من رزق و حضنته جامد.
تاج: مكنتش عارفة انام. قولت اجيلك.
رزق: ماشي يا حبيبتي.
رزق حضن تاج و باس رأسها و قعد يطبطب عليها لغاية ما نامت تاج...
رزق باس رأسها و حط رأسها علي المخدة و نام جمبها.
-في الصباح الباكر.
في قصر سيف.
تاج: شنط مين دي؟!
عفاف: البنت الجديدة.
تاج بصت للشنط بغيظ و مشيت.
عفاف: يلا يا بنات يلا نلحق نخلص الاوضة قبل ما تيجي.
مني: صباح الخير، مالك يا تاج؟!
تاج: مفيش شوفت شنط البنت الجديدة دي.
مني: اتعاملي معاها علي اساس انها بتعتني ب جودي و مالك.
تاج: خدامة يعني.
تاج سابتها و طلعت اوضتها، رزق نزل.
رزق: صباح الخير يا امي.
مني: صباح النور يا حبيبي.
رزق: اومال فين الباقي؟!
مني: لسة مصحيوش...
رزق: طيب.
في اوضة سيف.
سيدرا: سيف بليز متعاملنيش ببرود، دول كلهم ست شهور و احتمال كمان اموت.
سيف: سيدرا انا هقدر اتصرف و الله و ان شاء الله هتخفي و انتي اللي هتربي ولادك.
سيدرا: لما اخف يا سيف النسبة ضعيفة جدا.
سيف: طيب يا سيدرا براحتك، بس متجيش بقي نار الغيرة تحرقك.
سيدرا: هي عايزة الجواز علي ورق بس.
سيف: اه هي بقي عايزة كدة اما انا وقت ما اكون عايز حاجة بعملها و انتي عارفة ده.
سيدرا: لا يا سيف ارجوك.
سيف سابها و نزل ل تحت و هي نزلت وراه.
سيدرا: صباح الخير.
الكل: صباح النور.
و بعد شوية كان الكل في شغله و المدرسة و بينظموا البيت...
-في مكان تاني...
عند ملاك.
ملاك قامت من علي السرير و كانت عايزة تنام تاني بس قامت خدت دوش يفوقها.
ملاك(بصدمة): فين هدومي؟!
ملاك(بصريخ): عاااااااااااااااااااااااااااا.
نور(بخضة): في ايه يا هانم؟!
ملاك: هدومي!
نور: مش احنا لميناها مع بعض علشان خاطر حضرتك هتتجوزي.
ملاك حطت ايديها علي رأسها و افتكرت.
ملاك: اوف انا نسيت خالص. طيب شكرا يا نور.
نور: و لا يهم حضرتك.
ملاك كانت سايبة طقمين واحد تلبسه لما تصحي و التاني و هي راحة.
ملاك لبست جيبة قصيرة باللون الابيض و فوقها تي شيرت اسود قصير مبين بطنها و لبست كوتشي ابيض و سيبت شعرها علي ضهرها
ملاك نزلت و راحت لاوضة جدها. ملاك راحت دفنت نفسها في حضن جدها.
محمد(بضحك): انتي هتسافري الصين؟!
ملاك: متتريقش انت عارف انا بحبك قد ايه و مقدرش ابعد عنك ثانية.
محمد: طيب يا حبيبتي بس كل بنت مصيرها تتجوز و كمان مين عارف ممكن تحبيه.
ملاك: ده انت هتلاقيه اقرع و عنده سنان مكسورة.
محمد: ممكن برضو.
ملاك: طب يلا قوم عشان نفطر سوا. هو فين خالد؟!
خالد: بيبص علي اخته و هي بتودع جدها، و صعبان عليه نفسه انه ملقاش ليها راجل مناسب احسن من كل ده.
ملاك قامت و حضنته جامد.
ملاك: حبيبي.
خالد: اغرب فرح ممكن اشوفه احنا رايحين نكتب الكتاب عند العريس.
ملاك: لا اصل انا حسبتها هنا هنعمل مصاريف و كمان هبقي امشي من هنا لبيتهم لا من الاساس هطلع اوضتي بس. اتعب نفسي ليه؟!
خالد: خلي بالك من نفسك فاهمة. محدش يعرف موضوع الجواز غير استاذ صابر زي ما انتي قولتي.
خالد: و لو في اي حاجة هتقوليلي.
ملاك: طيب حاضر كدة كدة هنزل شغل و هتكون ملازمني زي خيال مآته.
خالد: ايوه برضو.
ملاك: بحبكوا و الله.
ملاك خدت صور ليها و ل خالد و ل محمد.
ملاك: شكلهم حلو.
-الكل بدأ يجهز و يلبس و بيستعد.
عند سيف.
سيف و عمر رجعوا علي القصر.
سيف لبس بدلة باللون الاسود و قميص اسود و جذمة باللون الاسود و حط الرفيوم بتاعه و لبس ساعته.
سيدرا: حبيبي.
سيدرا حضنت سيف و سيف باس رأسها و سابها و مشي.
سيدرا لبست فستان باللون البنفسجي ضيق مجسمها و قصير لغاية الركبة و لبست صندل بكعب عالي و سيبت شعرها علي ضهره.
تاج لبست فستان اسود مفتوح من الجمب و من الضهر و صندل بكعب احمر و حطت روچ احمر و رفعت شعرها علي شكل ديل حصان.
جودي لبست فستان بسيط لونه ابيض زي فساتين الافراح.
مالك لبس بنطلون اسود و تي شيرت ابيض ب ¾ كم و كوتشي ابيض -و كان طول اليوم شكل غضبان و زعلان-
مني: اتأخروا يا سيدرا؟!
سيدرا: هتصل بيها اهو اشوفها فين.
تاج: هتلاقيها بتغسل الحمامات ما هي خدامة برضو.
رزق(بحدة): تاج عيب.
عند ملاك.
مسكت تليفونها و كانت تلبس جذمته بسرعة.
ملاك: ايه يا سيدرا؟!
سيدرا: انتي فين؟!
ملاك: بلبس و جاية...
ملاك(بصريخ): عاااااااااااااااااااااااااااا.
الكل سمع صوت صريخ ملاك لان سيدرا كانت مشغلة الاسبيكر...