رواية أسيرة لحصون قلبه للكاتبة سلسبيل كوبك الفصل الرابع والعشرون
-في مكان تاني...
عند قاسم...
قاسم كان بيسوق عربيته بسرعة كبيرة و لقي قدامه عربية كبيرة حاول يفرمل بس ملقاش في فرامل فعمل حادثة كبيرة و عربيته اتشقلبت كذا مرة...
كان في عربية ورا قاسم فوقفت علطول و نزلت بدأت تشوف حصل ايه.
: يا استاذ حضرتك كويس؟!
: سامعني؟!
بدأ يفحص النبض ل قاسم و راح شاف الشخص التاني لقاه اتوفي اتصلت بالاسعاف.
: ابعتولي عربية اسعاف في ().
بعد فترة وصلت عربية الاسعاف.
موظف: دكتورة وعد.
وعد: ايوه اخلص.
وعد: الشخص التاني توفي. ده في وقت نلحقه يلا بسرعة.
نقلوا قاسم لعربية الاسعاف و وصلوا للمستشفي.
وعد: خلي الدكتور ساهر يجهز.
نقلوا قاسم اوضة الاسعاف و بدأوا يتدخلوا فورا.
وعد: هاتي 5 ملغ من().
وعد: بسرعة.
ساهر: في ايه يا وعد؟!
وعد: حادث سيارة، و احتمال يبقي شلل او كسر.
ساهر: يبقي لازم ندخله الاشعة.
وعد: بس لازم نتأكد ان مفيش نزيف داخلي الاول يلا بسرعة.
ساهر: طيب.
-في الصباح الباكر...
عند صقر و طيف.
طيف بدأت تفوق ببطء و هي حاسة بوجع في كل جسمها.
فتحت عينيها و قعدت نص قاعدة علي السرير.
طيف: ايه اللي حصل؟!
طيف افتكرت اللي حصل و خافت بصت حواليها.
طيف: صقر؟!
ميرا: مدام طيف اهدي صقر بيه كويس. اهدي.
طيف: عايزه اشوفه.
ميرا: لسة فايق هو كمان بس الدكتور عنده. و انتي قومي غيري هدومك الاول.
ميرا: جبتلك هدوم من ال?يلا.
طيف: يعني هو كويس؟!
ميرا: اه الحمدلله.
طيف خدت الهدوم من ميرا و دخلت الحمام بتعب بسيط و بدأت تغير هدومها.
طيف لبست بنطلون جينز كحلي فاتح و لبست تي شيرت ب ¾ كم باللون الاسود و دخلته في البنطلون و لبست كوتشي ابيض عالي نوعا ما و سيبت شعرها علي ضهرها.
طيف: هو فين؟!
ميرا: تعالي معايا يا هانم.
ميرا و طيف مشيوا ناحية اوضة صقر لقوا قدامها حراس كتير.
مهران: طيف هانم.
طيف: هو هنا؟!
مهران: ايوه اتفضلي. بس.
طيف فتحت باب الاوضة و دخلت.
طيف: انتي بتعملي ايه هنا؟!
نور: عرفت ان صقر اتصاب اكيد يعني مش هسيبه، يلا يا حبيبي كُل التفاحة دي.
صقر: نور ابعدي قولتلك مش عايز.
طيف قربت من سارة و مسكت منها التفاحة و السكينة و رمتهم في سلة الزبالة.
طيف(بابتسامة مصطنعة): معلش صقر مبيحبش التفاح.
سارة(بسخرية): بجد؟! ازاي و هو بيعشقها.
طيف(بابتسامة مصطنعة): مبقاش يأكلها بعد ما عرف اني مبحبهاش.
طيف: و شكرا انك اطمنتي عليه بس حاليا جه دوري بقي.
طيف شبكت صوابعها في صوابع صقر و بصت ل سارة.
طيف: و ده حقي اني ابقي مع جوزي و لوحدينا. اتفضلي اطلعي.
سارة(ببرود): طيب لو احتاجت حاجة يا صقر.
طيف: هيقولي انا معلش مش عايزين نتعبك بقي. اتفضلي و ابقي فكري في مشكلة اهلك دي اصلي حاسة انها طولت اوي.
طيف: اتفضلي حد من الحراس بره هيوصلك للبيت.
سارة بصت ل طيف باستحقار و سابتها و مشيت.
طيف لفت ل صقر بغضب و قربت منه مسكته من التي شيرت بتاعه.
طيف(بغضب): انا عايزة اعرف ايه علاقتك بالبت دي؟! الموضوع زاد اوي انتوا متأكدين انكم اصحاب بس.
صقر: مش ملاحظة اني تعبان.
طيف طلعت قعدت علي السرير قدام صقر اللي استغرب من عملتها.
طيف: ايه؟! الست ملهاش مكان غير جمب جوزها.
صقر(بخبث): بجد؟!
طيف: اوف بقي اتهد.
طيف: ها قولي مين دي؟!
صقر وشه قلب و رجع جسمه لورا و بص ل طيف.
صقر: كنا مرتبطين زمان و محصلش نصيب بس.
طيف: يعني مش بتكن ليها شوية مشاعر كدة؟!
صقر: عايزة الصراحة اه.
طيف ضربت صقر في كتفه اللي فيه الجرح بغضب.
صقر(بوجع): يا غبية.
صقر بدأ ينزل دم و طيف اتفزعت و جريت نادت الدكتور اللي جه بسرعة و وقف النزيف بسرعة.
الدكتور: لازم راحة.
طيف(بغيظ): اكيد.
طيف كانت هتخرج من الاوضة صقر مسك ايديها و وقفها جمبه.
صقر: مش كل المشاعر اللي موجودة في الدنيا دي حب بس. اكبري شوية.
طيف(بانفعال): يعني هي عايزاك ترجع ليها و عايزني افضل ساكتة مثلا.
صقر: و انتي بتغيري منها.
طيف(بانفعال): انا مش بغير منها انا بغير عليك منها.
طيف حطت ايديها علي بوقها بشهقة و بصت ل صقر بصدمة و سابته و جريت علي بره الاوضة.
صقر ابتسم ابتسامة خفيفة و رجع رأسه لورا.
صقر: آه منك يا طيف آه منك.
بره...
مهران: حضرتك كويسة يا هانم؟!
طيف كانت حاطة ايديها علي وشها باحراج و بتتنطط.
طيف(بعصبية): يا غبية انتي غبية غبية غبية. هتوريله وشك ازاي بعد كدة؟!
ميرا: اعملك حاجة يا هانم؟!
طيف: لا.
طيف قعدت قدام اوضة صقر و هي محرجة و بعد فترة دخل آسر.
آسر: لسة مفاقش؟!
طيف: فاق.
آسر: طيب.
آسر: عايزك يا طيف.
طيف: اتفضل.
آسر: لا مش هنا. تعالي.
طيف و آسر خرجوا ل جنينة المستشفي.
عند صقر.
صقر: شكرا يا مهران.
مهران: يا بيه ما تخليك لما ترتاح شوية.
صقر: و الشركة يا مهران مقدرش ابعد عنها و كمان انا مش ضعيف علشان اقعد هنا في المستشفي، لازم كل واحد يعرف حجمه.
صقر: طول ما الساحة مفتوحة ليه هيعمل اكتر من اللي هو عايزه بزيادة.
مهران: حضرتك ادري.
صقر خرج من اوضته و وراه حراس,صقر وقف لما لقي آسر و طيف جايين مع بعض.
صقر قرب من طيف لما لقي ملامحها شاحبة و حاوط وشها بين ايديه و رفع رأسها ليه.
صقر: مالك حصل ايه؟!
طيف لا رد.
صقر(بقلق): طيف ليه ساكتة عملك حاجة؟!
طيف(بهدوء): عايزة اروح. و مفيش حاجة حصلت انا تعبانة من احداث امبارح.
صقر: طيب يلا نروح.
صقر مسك ايد طيف و خرجوا بره المستشفي لقوا في عربيات و حراس كتير.
ركبوا العربية و راحوا علي الشركة.
صقر: هنزل انا الشركة روحي انتي.
طيف(بهدوء): لا هنزل انا كمان مش معني اني مراتك يبقي مجيش الشغل و التزم.
طيف فتحت الباب و نزلت دخلت الشركة و صقر بص ليها و هي داخلة و اتنهد و دخل وراها.
نانسي: انتي يا بت بتختفي كل شوية فين؟!
طيف: كأن المصايب مش عايزة تسبني خالص.
نانسي: معلش يا حبيبتي. بس مالك احكيلي ممكن اساعدك او اخفف عنك.
طيف: مفيش يا حبيبتي.
صقر بص علي طيف و بعدها دخل ل مكتبه و دخل وراه زين.
زين: ايه يا ابني مختفي فين؟!
صقر: مفيش حاجة يا زين مفيش حاجة.
زين: انت كويس؟!
صقر: بحاول.
زين: مالك يا صقر؟!
صقر: مفيش مفيش اخرج و اقفل الباب وراك و محدش يدخل عليا خالص.
زين: طيب براحتك.
صقر حط رأسه بين ايديه علي المكتب...
-في مكان تاني...
عند نيران.
نيران قامت من نومها خدت دوش سريع و خرجت تغير هدومها.
نيران لبست فستان قصير لغاية الركبة ضيق و مجسمها باللون الرمادي بكم و لبست كوتشي اسود عالي نوعا ما و سيبت شعرها علي ضهرها.
نيران نزلت ل تحت لقت نجلاء صاحية باستها علي خدها.
نيران: ازيك يا نوجة.
نجلاء: عاملة ايه يا حبيبتي.
نيران: بخير يا نوجة.
نيران: هما لسة مصحيوش؟!
نجلاء: لا بس باباكي راح يجري شوية.
نيران: تمام يا روحي هروح الشغل علشان متأخرش.
نجلاء: طيب يا حبيبتي.
نيران خرجت بره ال?يلا و ركبت عربيتها فتحت تليفونها لقت في ماسدج من ماهر فيه عنوان بيته.
نيران(بزهق): يا ربي ده ايه ده؟! السواقة بتاعته انا.
نيران ساقت ناحية بيت ماهر وقفت قدام العمارة بتاعته و طلعت تليفونها اتصلت بيه.
نيران(بغضب): ده بيكنسل. الحيوان.
نيران ضربت الدريكسيون بغضب و بصت علي الطريق دقيقة و كان الباب اللي جمبها بيتفتح و ماهر بيركب جمبها.
نيران: ريحة البرفيوم بتاعتك ايه؟!
ماهر: افندم؟!
نيران(باحراج): اسفة مش قصدي انت ده انا بتكلم في التليفون.
ماهر: و هو متشقلب كدة؟!
نيران(بحدة): ملكش دعوة.
نيران بدأت تسوق ناحية الشركة بس العربية اتعطلت و الكوتش فرقع في نص الطريق.
ماهر(باستفزاز): ايه يا بطة العربية الخربانة دي؟!
نيران(بعصبية): لو مش عاجبك انزل. و كمان كان زماني وصلت بيها لو مكنتش عديت عليك اوف اوف.
ماهر بدأ يقلع جاكت البدلة و تني اكمام قميصه,ماهر نزل بدأ يبص علي الكوتش.
ماهر: افتحي شنطة العربية.
ماهر خد شنطة المعدات اللي بتبقي في العربيات للطوارئ,ماهر بدأ يعالج المشكلة و رجع كل حاجة مكانها.
ماهر ركب جمب نيران و بصلها ببرود.
ماهر: مش يلا و لا هنفضل هنا كل السنة.
نيران: مع انك متستحقش بس شكرا.
بعد فترة وصلوا للشركة و نزلوا هما الاتنين دخلوا الشركة...
-في مكان تاني...
عند فهد.
ف
ريد(بزعيق): ازاي يعني مختفية الوقت ده كله؟!
فهد: قولتلك معرفش حتى مكلمتنيش و انا قلقان عليها اضعاف اضعاف.
منال: اهي ريحتنا منها و من قرفها.
الام: بس برضو لا مكونش سوسن لو الموضوع ده مفهوش إنَ.
منال: يا ماما دي بت دايما شمال مش عارفة شاغلين بالنا بيها ليه.
سوسن: اينعم ابوها كان غلبان بس لا كان سايب ليها قرشين في البنك بس هي متعرفش.
فريد: و كمان مش هتفضل لوحدها كدة كتير، و القريب احسن من الغريب.
فهد: و طيف لما تتجوز هتتجوزك انت علي ايه بس؟!
فريد(بغضب): ما تخرس ياض.
منال: ما ممكن صاحبتها المقرفة دي تكون عارفة...
سوسن: لا اذا كانت البت طيف ذات نفسها متعرفش صاحبتها هتعرف، و كمان صاحبتها مستحيل تعرف.
سوسن: دلوقتي هي بس فين.
فريد: لو ايدي تطولها مش هخليها تطلع بره البيت ده ابدا.
منال: اتلهي شايفها جميلة علي ايه؟!
فهد: طيف احلي منك يا منال بطلي غيرة منها و انت يا فريد طيف مستحيل تبص لشمام زيك.
منال و فريد بصوا ل فهد بغضب و جريوا وراه و فهد هرب علي اوضته و قفل الباب.
فريد(بغضب): هتروح مني فين بس اصبر.
منال(بغضب): و ربي لاكون قاتلاك.
-في مكان تاني...
عند قاسم.
قاسم بدأ يفتح عينه بتعب بص يمينه لقي حد بيظبط المحلول اللي متعلق فيه.
قاسم: انتي مين؟!
وعد: انا الدكتورة وعد. و انت دلوقتي في المستشفي و عائلتك كلها بانتظارك بره.
وعد: حمدلله بالسلامة يا استاذ قاسم.
قاسم: رجلي مش حاسس بيها.
وعد: ايوه لانها متجبسة و ان شاء الله لما تتعافي هنفك الجبس. حمدلله بالسلامة مرة تانية.
وعد: هخرج انادي عائلتك.
وعد خرجت بره اوضة قاسم.
وعد: المريض فاق تقدروا تخشوا تزوروه.
ليلي جريت و هي بتعيط علي اوضة قاسم جريت حضنته.
قاسم(بوجع): آه يا بت حاسبي.
ليلي(بعياط): اسفة بس كنت خايفة عليك اوي.
قاسم: متخافيش انا كويس و قاعد علي قلبك.
ليلي(بعياط): ربنا يخليك ليا.
سمية: حبيبي انت كويس؟
قاسم: اه يا حبيبتي متقلقيش.
والد قاسم: شد حيلك يا بطل.
قاسم: تسلم يا معلم.
والد قاسم: الف سلامة عليك.
سمية: ازاي بس ده حصل؟!
قاسم: قدر بقي، و اساسا احسن كنت عايز اخد اجازة.
ليلي(بعياط): طمني عليك. اهم حاجة تبقي كويس.
قاسم: متقلقيش يا قلبي.
قاسم: خلاص بقي بطلي عياط.
سمية: خلاص يا ليلي علشان متتعبيش اخوكي.
ليلي(بعياط): اسفة.
والد قاسم: ورايا مشوار مهم هروحه و اجي.
قاسم: مفيش داعي يا بابا كدة كدة مش مهم روح علي البيت و ماما كدة كدة شوية و هتمشي.
والد قاسم: بس...
قاسم: مفيش داعي.
والد قاسم: تمام براحتك باي.
سمية: عملت الحادث ده ازاي بس؟!
قاسم(بتفكير): معرفش يا امي. بس ان شاء الله خير.
ليلي(بدموع): اول ما عرفت الخبر حسيت انه قلبي وقف.
قاسم: لا يا حبيبتي بعد الشر عنك خليكي قوية دايما.
قاسم: متخفيش انا بقيت احسن دلوقتي.
الباب خبط.
سمية: ادخل.
وعد: الاكل.
وعد: بعد الاكل اتفضل خد الدواء ده.
قاسم: شكرا يا دكتور.
وعد: لا عادي و لا يهمك.
وعد: عن اذنكم. بالسلامة.
-في مكان تاني...
عند رفيف.
رفيف كانت قاعدة بتتفرج علي التلفزيون و بتأكل لقت الباب بيخبط.
رفيف قامت فتحت الباب لقت رامي.
رامي: ايه مش هتقوليلي ادخل؟!
رفيف: ده انت بقيت مسيطر علي كل حياتي هي جت علي كدة خش خش.
رامي: ده خوف عليكي و لمصلحتك مش انا اللي مستفاد.
رفيف: طيب.
رامي: بتعملي ايه؟!
رفيف: بأكل و اتخن من القعدة.
رامي: لا حالتك صعبة الصراحة.
رفيف: اوف بقي.
رامي: طيب يا طفلة خشي غيري هدومك هننزل.
رفيف(بفرحة): بجد؟!
رامي: ايوه يلا.
رفيف(بفرحة): هواء.
رفيف جريت علي اوضتها بدأت تغير هدومها.
رفيف لبست فستان واسع و طويل باللون الابيض ب ¾ كم. رفعت شعرها علي شكل ديل حصان و لبست صندل مش بكعب باللون الاسود.
رفيف: انا جهزت.
رامي: طلع الابيض حلو فيكي اوي.
رفيف قعدت تلف و الفستان بيلف معاها رامي قام وقف و قرب منها.
رامي: الفستان عظمة يا جميلتي.
رفيف: طب لا بينا هنروح فين؟!
رامي: يلا.
رامي مسك ايد رفيف و خرجوا بره شقتها و نزلوا ل تحت رامي ركب رفيف العربية و لف ركب مكان السواقة و بدأ يسوق.
رفيف: جبتنا هنا ليه؟!
رامي: في احلي من المشي علي الكورنيش.
رفيف: الصراحة الصراحة عندك حق يلا بينا.
رفيف و رامي نزلوا و بدأوا يمشوا علي الكورنيش و هما بيضحكوا و يهزروا و يتكلموا.
رفيف: طيف.
رامي: مالها؟!
رفيف: حلمت بيها النهاردة.
رامي: حلمتي بايه؟!
رفيف: حلم غريب اوي هحكيه ليك.
رفيف: طيف رجعت و كانت لابسة ابيض و علي هدومها دم و بعدها قعدت تعيط كتير.
رفيف: و جم شخصين حاولوا يأخدوها بالغصب و هي بتقاوم و بعدها جه شخص اول لما مد ايده ليها هي مسكت في ايده و راحت ناحيته.
رفيف: شخص من الشخصين اللي كانوا عايزين يأخدوها غصب ضرب الشاب اللي كان معاها بالرصاص و طيف وقعت في الارض جثة هي و الشاب اللي معاها.
رفيف: و قومت مخضوضة من النوم.
رامي: بصي يا رفيف انتي بتفكري كتير في طيف فعلشان كدة بتحلمي الاحلام ده.
رفيف: ممكن.
رامي: خلاص اهدي يا حبيبتي.
رفيف(بخجل): ما تجبلي حمص الشام.
رامي(باحراج): طيب. يلا بينا.
-في مكان تاني...
عند نيران.
نيران طلعت تليفونها و اتصلت ب ليلي.
الخط اتفتح.
نيران(بزعيق): جنابك مجتيش الشغل ليه؟!
ليلي: خلاص مش جاية تاني و كمان قاسم عمل حادثة.
نيران: اوف ازاي بس الف سلامة عليه.
ليلي: الله يسلمك...
نيران: و مش هتيجي ليه الشغل؟!
ليلي(بعصبية و بدموع): الحيوان اخوكي شك فيا و في اخلاقي.
نيران(بصدمة): ايه حصل ايه يا بنتي فهميني؟!
ليلي(بدموع): مش عارفة كل اللي حصل الزفت اللي اسمه محسن ده وقفني و قف يتكلم معايا و كان محتاج مساعدتي في حاجة علشان خاطر بنته و مش عارفة ايه.
ليلي(بدموع): قولتله تمام ابقي اتصل بيا و انا هجيلك في الوقت اللي تعوزني فيه.
ليلي(بدموع): اخوكي الحيوان فهم كلامي غلط و حكم عليا غلط و قالي كلام وحش و طردني.
نيران: محسن اللي كان بيضايقك بتصرفاته؟!
ليلي(بدموع): ايوه...
نيران: ما انتي غبية.
ليلي: اشمعنا؟!
نيران: هو انتي اي حد يقولك انا واقع في مشكلة تساعديه يا ليلي يا عبيطة.
نيران: ده راجل ناقص و عينه زايغة.
نيران: عموما انا هتصرف.
ليلي: مهما حصل مش راجعة الشغل.
نيران: و ملفك هتعملي في ايه لما يكتبوا انك مش جديرة بالشغل؟!
ليلي: مش مهم كرامتي اولا.
نيران: طيب يا اختي.
نيران: سلميلي علي قاسم و قوليله الف سلامة. و انتي انا هتصرف انا و لا عاش و لا كان اللي يزعلك.
نيران: و محسن ده حسابه معايا.
نيران: باي خلي بالك من نفسك.
ليلي: باي، بحبك.
نيران: و انا كمان يا قمري. باي.
-في مكان تاني...
في شركة صقر.
في مكتب صقر كان في اجتماع بسيط.
نانسي و زين و طيف و فريق التخطيط و التطوير...
صقر: كدة طيف اثبتت قدرتها علي العمل معانا يا مدام صافي.
صقر: و كدة اعتقد حجتك خلصت.
صقر: و اما بقي في المشكلة اللي حصلت بينك و بينها انا راجعت الكاميرات و حضرتك المذنبة علشان كدة اعتذري منها...
صافي(بصدمة): انا! ده.
صقر(ببرود): يا الاعتذار يا الرفد.
صافي(بغيظ): اسفة.
صقر(ببرود): مخصوم منك شهرين.
صقر: و لو معترضة الباب مفتوح و ألف من يجي غيرك...
صقر: نبدأ اجتماعنا.
صقر: ايه اخر الإضافات للتحديث؟!
يسرا: اضافات بسيطة جدا لان بعض من الناس بيشتكوا من ان بعد التحديث بيصبح التطبيق مهنج و اكثر صعوبة.
مازن: بس الارباح في تزايد.
زين: اما بالنسبة لاجهزة التجسس و التتبع ف كله تحت السيطرة.
زين: و كله تحت انظارنا.
نانسي: و المبيعات في تزايد.
صقر(بهدوء): طيف طيف.
طيف: ها؟!
صقر(بهدوء): حضرتك معانا؟!
طيف: ايوه.
صقر(بهدوء): انا كنت بقول ايه؟!
طيف: اسفة مكنتش مركزة. تعبانة شوية.
صقر: مش قولتلك خدي اجازة.
طيف: و انا لحد امتي هاخد اجازة...
صقر: ما انتي لو تبطلي عناد شوية و غباء. و تهتمي بصحتك.
طيف: انا بخاف علي صحتي اكتر منك.
زين: احم احم مستر صقر. نكمل اجتماعنا.
صقر: تمام.
بدأوا يتكلموا في الشغل كلهم.
بعد فترة كبيرة.
صقر: تمام كله علي مكتبه عايز اشوف حاجات جديدة.
طيف قامت وقفت و بتلم ملفاتها و ورقها.
صقر: انسة طيف خليكي عايزك.
صقر قام و راح قعد علي الكرسي بتاع مكتبه و رجع ضهره لورا.
صقر: تعالي.
طيف قربت من مكتب صقر و وصلت ليه.
صقر: اعملي مساچ لكتفي.
طيف: افندم!
صقر: مش عايزة براحتك هتصل ب صافي تيجي.
صقر كان هيمسك التليفون بس طيف بدأت تعمله مساچ في كتفه و صقر مبتسم.
طيف: انا بعمل كدة لانك رميت نفسك ورايا امبارح.
صقر: ميفرقش. المهم دلوقتي انك بتعمليلي المساچ و بس.
صقر غمض عينه و ساب نفسه ل طيف,بعد فترة طيف حست ان صقر نام كانت هتمشي بس صقر مسك ايد طيف و قعدها علي رجله.
صقر: طيف.
طيف: نعم!
صقر: مالك فيكي ايه؟!
طيف وطت رأسها في الارض صقر رفع رأسها ببطء ليه و بص في عيونها و قرب منها.
صقر: طيف لو في حاجة احكي هسمعك.
صقر: انا هنا موجود.
طيف(بدموع): انت متجوزني علشان تغيظ آسر مش كدة مش علشان تحميني منه.
طيف(بدموع): متجوزني علشان تقوله انك قدرت تأخدني منه و انه و لا اي حاجة في الدنيا دي.
طيف(بدموع): انت واخدني كشكل بس واخدني زينة.
طيف(بدموع): انا مليش اي لازمة في الحياة.
طيف(بدموع): انت كدبت عليا و قولت انك هتتجوزني علشان تخلصني من آسر لكنك اتجوزتني علشان تغيظ آسر و تكسر عينه و تحطمه.
طيف(بدموع): يعني انا كنت زي زوجة بلا اي قيمة.
طيف(بدموع و شهقة): صح؟!
صقر كان بيبص ل طيف بغضب من كلامها و اول ما خلصت كلام,صقر قرب منها بغضب و (لخيالكوا).
صقر(بحدة): و انتي طبعا صدقتي الكلام الفاضي ده صح؟! انا لو عايز اغيظ آسر مش هستخدمك كآلة علشان اغيظه عندي الف مليون طريقة علشان اغيظه.
صقر(بحدة): و انا فعلا اتجوزتك علشان اخلصك منه و كمان متنسيش انك انتي اللي اتجوزتيني يعتبر.
صقر(بحدة): و كمان مش انا اللي استخدم واحدة ست في حاجة تافهة زي دي.
صقر(بحدة): فهماني يا طيف؟!
طيف كانت بتعيط و هي بصاله و ساكتة...
صقر(بضيق): بتعيطي ليه دلوقتي؟!
طيف(بعياط): لانك عورتني.
صقر(بضيق): طيف قومي من وشي مش ناقص و الله انا فيا اللي مكفيني.
طيف قعدت تعيط كتير و صقر سابها تخلص فقرة عياطها دي.
صقر(بضيق): في ايه تاني؟!
طيف(بعياط): انت بتكرهني و مش عايزني...
صقر: بصي يا طيف ابوس ايدك متختبريش قوة تحملي. ان.
صقر(برفعة حاجب): ايه ده؟!
طيف: بوس ايدي.
صقر(برفعة حاجب): و الله؟!
طيف: ايوه.
صقر مسك ايد طيف و باس باطن كفها.
الباب اتفتح...
حسام: يا سلام علي حبي و حبك وعد و مكتوبلي احبك.
صقر:.