رواية أسيرة لحصون قلبه للكاتبة سلسبيل كوبك الفصل الرابع عشر
طيف خبت وشها في صقر.
صقر حاوطها بايده جامد.
الشخص المجهول راح ناحية الباب اللي صقر و طيف مستخبين فيه.
رزق: انت مش راجل اصلا مجرد شخص مريض حيوان مكانك مستشفي المجانين. انت مجنون.
الشخص ده لف و ابتسم ابتسامة مخيفة و قرب من رزق ضربه قلم بكل غضب رزق وقع في الارض مغمي عليه و بينزل دم من شفايفه.
: يلا بينا.
الشخص ده هو و رجالته مشيوا من المكان كله.
صقر: طيف طيف.
صقر لقي طيف مغمي عليها بين ايديه رفع رأسها ليه.
صقر: طيف طيف فتحي عينك مش وقته...
صقر قام و هو ساند طيف بايده و حاول كتير يكسر الباب و ضرب الباب الخشبي برجله كذا مرة لغاية ما اتكسر و توازنه اختل كان هيقع فمسك طيف و وقعوا هما الاتنين في الارض و طيف في حضن صقر.
صقر: طيف حاولي تفوقي مش وقته دلوقتي. انتي يا بت.
صقر ضرب طيف كذا مرة علي خدها مفاقتش,صقر لف و عدل رزق و حاول يفوقه هو كمان.
صقر: رزق يا رزق.
همام: رزق يلا فوق، جيبي مايه بسرعة يا وداد.
وداد(بعياط): حاضر.
همام: حصل ايه؟!
صقر: مين الشخص ده؟!
راجل: مفتري ربنا ينتقم منه.
صقر بص علي رزق و حاول كتير يفوقه.
همام: خد يا ابني فوق مراتك و احنا هنفوق رزق.
صقر بدأ يرش مايه علي وش طيف و هي بين ايديه.
طيف(بشهقة): يا ماما!
صقر: انتي كويسة؟!
طيف(بخوف): مشي؟!
صقر: متخافيش.
صقر سند طيف و وقفها جمبه.
همام: انتوا ايه اللي جابكوا هنا؟!
صقر: ممكن اقعد مع حضرتك نتكلم شوية؟!
همام: اكيد يا ابني تعالي.
همام: وداد اهتمي بيها.
صقر كان هيتحرك لقي طيف ماسكة ايده بخوف,صقر لف ليها و حط ايده علي خدها.
صقر: متخافيش هنخرج من هنا.
صقر باس طيف علي رأسها و طيف ابتسمت ليه بخوف صقر مشي مع همام.
وداد: تعالي معايا.
طيف(بتوتر): هنروح فين؟!
وداد: متقلقيش.
رزق: تعالي تعالي.
رزق و وداد خدوا طيف و قعدوها معاهم.
وداد: ده رزق ابني.
طيف: انت مش خايف او موجوع؟!
رزق: انا اتعودت علي كدة و كمان انا راجل و الراجل مبيخافش من اي حاجة. و اكيد في يوم هخرجهم كلهم من هنا.
طيف: انتوا ايه اللي جابكوا هنا؟! و مين الشخص الظالم ده؟!
وداد: كنا ناس بسيطة و عايشين في بيتنا مرتاحين.
وداد: بس تقولي زي ما هو كان بيدور علي الناس اللي زينا و جابنا هنا زي منفي كدة.
وداد: ذل و اهانه. بيحس بسعادة لما بيشوفنا مكسورين و مذلولين و وحيدين كدة.
وداد: شخص ظالم و مفتري.
طيف: مين ده برضو؟!
عند صقر و همام.
همام: ايه حكايتك انت و مراتك؟!
صقر: اختي كانت مخطوفة هنا.
همام: و بعدين؟!
صقر: كانت مخطوفة في القصر اللي انفجر و بعدها في ظباط لقوها و طبعا بعد اللي حصل ده عرفت ان الظباط دي من طرف اللي خطف اختي.
صقر: لانهم لو كانوا ظباط بجد و شريفين كانوا فعلا عرفوا ان في حاجة غريبة في المكان.
صقر(بهدوء): بس انا عرفت مين السبب في ده كله.
همام: تعرفه؟!
صقر: اعرفه و اعرف كل حاجة عنه و هيجي اليوم اللي هخلص منه فيه. و هخلصكم.
صقر: هخلصكم من بين ايدين واحد مجنون زي ده و مريض.
همام حط ايده علي كتف صقر و طبطب علي ضهره.
همام: المهم دلوقتي تخرج انت و مراتك من هنا رجالته هترجع الصبح.
همام: لازم تهربوا قبل ما يرجعوا.
صقر: ازاي؟!
همام: متخافش رزق هيبقي معاك.
صقر: و انتوا ليه متهربوش؟!
همام: هيلاقونا و لو هربنا هنروح فين. هيرجعنا ده شخص معندهوش ضمير بيحب يشوف الناس بتدمر و تتعذب قدام عيونه.
همام: بس عندي طلب.
صقر: اطلب.
همام: تأخد رزق معاك رزق اتمرمط و اتأذي كتير و هو لسة شباب كدة.
صقر: تمام موافق.
همام: طب يلا نرجع علشان تلحقوا تمشوا.
صقر و همام رجعوا و طيف اول ما شافت صقر قامت وقفت. صقر مد ايده ليها طيف مسكت في ايده و وقفت جمبه.
وداد: ايه يا همام؟!
همام: رزق انت راجل و هتعرف تتصرف صح؟!
رزق: ايوه يا بابا.
همام حضن رزق جامد و وداد حضنت رزق.
همام: يلا ربنا معاكوا.
رزق و صقر و طيف خرجوا بره البيت ده و الكل كان بيبص ليهم...
رزق(بدموع): هنرجع تاني؟!
صقر بصله و بص حواليه و بعدها بص لهمام.
صقر(بابتسامة): هنرجع.
صقر و طيف مشيوا مع رزق في اماكن غريبة بالنسبة ل طيف لغاية ما دخلوا غابة.
طيف(بخوف): لا لا مش هكمل مش هكمل. رجعوني لا.
صقر مسك ايد طيف و شدها ناحيته.
صقر: اهدي اهدي انا معاكي اهو اذا كان الطفل الصغير مش خايف.
طيف(بدموع): انا ايه اللي دخلني في كدة بس يا رب.
صقر باس طيف علي خدها و حضنها.
صقر: خلاص فاضل حاجة بسيطة.
رزق: وطوا رأسكوا بسرعة شافوكوا.
سمعوا صوت ضرب نار ناحيتهم بدأوا هما التلاتة يجروا كتير. الناس التانية وراهم بمسدساتهم.
رزق رجله اتحشرت و وقع في الارض.
صقر: قوم قوم.
رزق(بدموع): امشوا.
طيف و صقر حاولوا كتير يخرجوا رجل رزق لغاية ما طلعوه,صقر وطي شال رزق و مسك ايد طيف و بدأوا يجروا.
طيف(بدموع): هنروح فين تاني؟!
صقر: تعالي هنا.
صقر بص وراه لقي المجرمين و بص قدامه لقي بحر.
طيف(بتحذير و دموع): اياك.
صقر: مفيش حل غيره.
صقر نط في البحر و هو ماسك طيف في ايده و شايل علي كتفه.
صقر(بصوت مكتوم): طيف.
ايد طيف فلتت من ايدين صقر و كانت بتغرق صقر راح ناحيته و مسكها و رفع رأسه لفوق و خد نفسه هو و طيف و رزق.
صقر(لنفسه): و ربي لاندمك يا حسام.
طيف(و هي بتنهج): دي اخرة افكارك السوداء...
رزق(بحزن): ده كله بسببنا صح؟!
صقر: هنخرج من هنا اهدي.
-في مكان تاني...
عند آسر.
آسر: ده اللي هو ازاي يعني؟!
مهران: حتى تليفونه مغلق.
آسر(بعصبية): تقلبوا الدنيا عليه.
مهران: حضرتك عارف ان صقر بيه ساعات بيحب يبعد كدة.
آسر(بعصبية): بس مش المرة دي. لازم تلاقوه فاهم.
مهران: حاضر يا بيه، بعت الحراس يدوروا عليه.
آسر: مش كفاية بلغ البوليس...
آسر: الدنيا تتقلب و يكون قدامي هو و طيف.
آسر و مهران سمعوا صوت صريخ انتصار خرجوا بسرعة علي بره.
آسر(بصدمة): طيف!
فجأة صقر وقع في الارض و لاحظوا دم نازل من دراعه.
طيف(بخضة): صقر.
طيف: اطلبوا اسعاف بسرعة.
آسر: صقر.
آسر جري علي صقر هو و مهران و عدلوا جسمه.
آسر(بعصبية): اتصل بالاسعاف يا غبي.
مهران: حاضر اهو.
مهران طلع تليفونه بسرعة و اتصل بالاسعاف.
انتصار(بقلق): صقر صقر.
رزق: متقلقيش يا ابله طيف هيبقي كويس و الله.
طيف: ان شاء الله.
بعد فترة بسيطة الاسعاف جت و نقلوا صقر للمستشفي و دخلوه الطوارئ علطول.
آسر: هو فيه ايه؟!
الدكتور: هنشوف اهو.
الدكاترة بدأت تفحص صقر و شالوا الرصاصة من كتفه.
الدكتور: الحمدلله الجرح مكنش عميق الرصاصة جت من مسافة كبير و طايشة يعتبر. احمدوا ربنا...
-صقر و هو بينط في البحر كانوا الاشخاص اللي بيجروا وراهم بيضربوا نار و جت رصاصة في كتف صقر.
طيف: شكرا.
الدكتور: هننقله اوضة حالا.
نقلوا صقر اوضة مرضي واسعة.
آسر: مهران خلي في حراسة هنا.
مهران: حاضر يا آسر بيه.
آسر: طيف.
آسر قرب من طيف و حط ايده علي خدها و قربها منه.
آسر: حصل ايه؟!
طيف: لما يفوق يبقي يحكي هو.
-طيف بعدت ايد آسر و دخلت اوضة صقر بصت عليه و بعدها راحت قعدت علي الكرسي و ضمت رجليها عليها و بدأت تفتكر كل اللحظات السيئة اللي مرت بيها طول حياتها و بدأت تعيط بصمت لغاية ما نامت...
بره.
آسر(بغضب): بتبص علي ايه قدامي؟!
مهران: هفضل هنا لحماية صقر بيه...
آسر(بغضب): عنك ما جيت...
آسر خرج و ركب عربيته بغضب و ساق رجع للقصر.
انتصار: آس.
آسر طلع لاوضته و قفل الباب بغضب و بدأ يلعب ضغط لغاية ما عرق و اترمي علي الارض بتعب.
انتصار: و انت اعمل معاك ايه؟!
رزق(ببرائة): اعمل ايه؟!
انتصار: تعالي تعالي معايا.
رزق: حاضر.
انتصار خلت رزق يستحمي و اكلته.
انتصار: خليك هنا لغاية ما طيف ترجع و تفهمني انت مين.
انتصار: و متخرجش بره الاوضة دي.
رزق: حاضر.
انتصار بصت علي رزق بصة اخيرة و خرجت و قفلت الباب وراها.
رزق كان مبسوط بالاوضة و بالسرير افتكر عائلته حزن و قعد يعيط لغاية ما نام.
-في الصباح الباكر...
في القصر.
مهرة: انت رايح الشغل؟!
محمد: اه.
مهرة: طيب و انا هروح النادي اقابل صحابي.
محمد: تمام روحي.
مهرة خرجت ركبت عربيتها و راحت للنادي.
محمد لقي نجلاء خارجة من القصر ناداها.
محمد(بهدوء): راحة فين؟!
نجلاء: خارجة للجنينة.
محمد: جاي معاكي.
محمد قام و راح ناحية نجلاء اللي بصتله بهدوء.
نجلاء: بس انا مطلبتش منك تيجي بعرف امشي لوحدي يا محمد بيه.
نجلاء سابت محمد و خرجت بدأت تتمشي في الجنينة و محمد وقف يبص عليها فترة و لقي اللي بيحضنه من ضهره.
نيران: عامل ايه؟!
محمد: بخير يا حبيبتي و انتي؟!
نيران: الحمدلله.
محمد لف و وقف قدام نيران و حاوط وشها بين ايديه.
محمد: انا عايز اعرف حصلك ايه يا نيران. انا ابوكي و ليا حق اعرف انا مش عايز اضغط عليكي.
نيران(بدموع): مشوفتش حد منهم.
محمد: متعرفتيش علي صوت حد طيب؟!
نيران(بدموع): لا بس هو صقر فين؟!
محمد: كويس هيرجع متخافيش.
نيران(بدموع): حاسة انه مش كويس و انت بتخبي عليا.
محمد: لا كويس متخافيش.
عند صقر...
طيف بدأت تفتح عينيها ببطء و كانت حاسة بصداع في رأسها حطت ايديها علي رأسها بتعب.
طيف لقت نفسها علي سرير صقر قامت مفزوعة لقت صقر واقف بيلبس قميصه.
طيف: ايه اللي حصل؟!
صقر: في هدوم هنا ليكي خديها و خشي البسي في الحمام.
طيف: انا جيت هنا ازاي؟!
صقر ساب الاوضة و خرج,طيف قامت باستغراب و خدت الهدوم دخلت تلبسها في الحمام.
طيف لبست بنطلون اسود و فوقه تي شيرت ب ¾ كم مبين كتفها باللون الافويت و التي شيرت كان واسع و طويل من ورا و قصير من قدام لغاية الخصر، لبست كوتشي اسود عالي سيبت شعرها علي ضهرها.
طيف خرجت لقت حراسة قدام الاوضة...
مهران: طيف هانم اتفضلي معانا.
طيف: فين صقر؟!
مهران: صقر بيه هو اللي طلب مننا نوصلك.
طيف: طيب هو فين بقي؟!
مهران: محدش يعرف يا هانم. ممكن نمشي؟!
طيف: طيب.
طيف مشيت و وراها حراس كتير,لقت شخص واقف قدامها.
مهران: لو سمحت ابعد.
شخص: انتي هي...
طيف: افندم!
مهران(بحدة): استاذ مؤمن صقر بيه لو عرف هيهد الدنيا و محدش قد وقفة الصقر.
مؤمن(بسخرية): و هو فين صقر دلوقتي؟!
طيف: لو سمحت ابعد من طريقي.
مهران(بحدة): مستر مؤمن كلامك مع صقر بيه مش معايا و لا مع طيف هانم، و لو سمحت امشي لاما هتضطر اتعامل مع حضرتك.
مؤمن: ليه بس كدة ده انا حتى ابقي حماها.
مهران(بهدوء مصطنع): طيف هانم يلا بينا.
مؤمن(بعصبية): امنعوهم.
مهران طلع سلاحه و حطه علي رأس مؤمن و حراس مؤمن حطوا السلاح علي رأس طيف و حراس صقر.
مهران(بعصبية): مستر مؤمن متخلنيش اتعامل معاك بطريقة مش هتعجبك.
طيف: لحظة حضرتك بتقول انك حمايا؟!
طيف: انت ابو صقر؟!
مؤمن: مش بالظبط.
مهران(بعصبية): مستر مؤمن كدة مينفعش.
طيف: طب ممكن تنزلوا سلاحكم احنا في مستشفي و الناس بتبص علينا...
مؤمن: ا.
مؤمن سكت لما لقي حد بيحاوط كتفه بايده.
صقر(ببرود): مش عيب كدة يا عمي العزيز توقف مراتي في نص الطريق و هي مروحة البيت.
مؤمن(بسخرية): و الله و شوفتك يا صقر.
صقر(ببرود): عن اذنك يا عمي مش فاضيلك.
صقر مسك ايد طيف و مشاها معاه.
مؤمن: مصيرك تندم يا صقر.
صقر(ببرود): لو علي الندم ففي اللي هيندم يا عمي.
صقر و طيف مشيوا و وراهم الحراس.
طيف: مين ده؟!
صقر(بهدوء): وصلوها للبيت.
مهران: صقر بيه انا حاولت ابعده بس هو اللي رفض و رفع السلاح علي الهانم.
صقر(بهدوء): تمام.
طيف: انت رايح فين؟!
صقر: روحي علي البيت.
صقر كان هيمشي طيف زقته علي العربيه و حاوطته بين ايديها.
طيف: رايح فين؟!
صقر(باستغراب): و انتي بتتدخلي ليه؟!
طيف: جوزي.
صقر(بخبث): بجد؟!
طيف(بتوتر): رايح فين متوهش في الموضوع؟!
صقر: رايح الشركة.
طيف: طب ما تأخدني معاك انا ع.
صقر: انتي هتروحي البيت متأخدلك اجازة. يلا.
طيف: ا.
صقر(بتحذير): يلا.
صقر: مهران.
صقر باس طيف جمب شفايفها و لبس نضارته و ركب العربية و مشي.
طيف ركبت العربية التانية و مهران قعد قدام و السواق جمبه و وراهم حراس.
طيف: مين اللي قال ل صقر؟!
مهران: حارس من الحراس يا هانم اتصل ب صقر بيه و بلغه باللي حصل.
طيف: و مين الشخص ده؟!
مهران: عم صقر بيه، اكتر من كدة مقدرش اجاوب حضرتك...
-في مكان تاني.
عند رفيف.
رفيف كانت نايمة قامت من النوم دخلت الحمام غسلت وشها و خرجت تغير هدومها.
رفيف لبست بنطلون جينز و تي شيرت باللون الازرق الهادئ بكم و طويل لغاية الركبة. سيبت شعرها علي ضهرها و لبست كوتشي ابيض.
رفيف خرجت من الاوضة بتاعتها و دخلت المطبخ.
طيف انا هشرب في المج ده.
رفيف: لا انا.
طيف(بطفولية): لا المج ده حلو و انا هشرب فيه.
رفيف(بعناد): لا انا بقي.
طيف: طب و لا انا و لا انتي.
طيف مسكت المج كسرته رفيف فتحت عينيها علي آخرهم بصدمة.
طيف: و لا عاش و لا كان حاجة تزعلنا من بعض.
رفيف: يا هبلة يا بنت المجانين.
طيف(ببراءة مصطنعة): انا!
رفيف: لا انا يا روح اهلك، يا نهارك اسود حرام عليكي يخرب بيتك يا شيخة.
طيف: يا وحشة.
رفيف: بعد ده كله انا اللي وحشة. اه منك يا عفريتة انتي.
طيف(بتريقة): اه منك يا عفريتة انتي.
رفيف: بتتريقي عليا طب تعالي بقي.
طيف طلعت تجري و رفيف وراها.
طيف: لو قربتي مني هصوت و الم الناس عليكي.
رفيف: هقولهم بربي قليلة الادب دي.
طيف: انا اكبر منك علفكرة.
رفيف: يا شيخة اتلهي اكبر مني ب 15 يوم...
طيف: احم في ايه؟!
رفيف: تعالي هنا...
طيف: المقابل؟!
رفيف: هعمل منك بطاطس محمرة.
طيف رمت مخدة علي رفيف و رفيف قعدت تضربها و هما الاتنين قعدوا يهزروا و يضحكوا.
رفيف كانت بتعيط و هي متخيلة المشاهد اللي كانت بتحصل بينها هي و طيف.
رفيف عملت ليها نسكافيه و شربته و بعدها فطرت فطار خفيف و فتحت باب الشقة و نزلت.
ست: الله اعلم البت راحت فين شكلها شافت شوفة.
ست2: طبعا ليها حق تمشي في السكة الغلط ما لو ابوها كان عايش كان كسر رقبتها.
ست: ربنا يتوب علينا من الناس دي و يحفظ بناتنا يا رب.
ست3: تلاقي صاحبتها زيها ده هاشم قال انه كان في راجل هنا دخل معاها الشقة.
ست2: اعوذ بالله هيجيبوا شبهة للعمارة...
ست: ربنا يتوب علينا بنات اخر الزمن، ده انا بنتي تلاقي راجل ماشي كدة تبص في الارض و متقدرش ترفع عينيها في عين راجل غريب عنها او محلل ليها.
رفيف كانت نازلة علي السلالم و سمعت كلام الستات.
ست: انا بنتي مستحيل تعمل حاجة غلط.
رفيف(بسخرية): علشان كدة داريتي علي فضيحتها مع ابن استاذ سالم.
الستات اتصدموا من كلام رفيف و رفيف سابتهم و مشيت.
هاشم: رفيف.
رفيف(بحدة): افندم!
هاشم: طيف فين؟!
رفيف(بعصبية): انت بني ادم حيوان و حقير و سافل و مش محترم.
رفيف(بعصبية): شوية تحب في طيف و شوية تحب فيا انت ايه يا اخي منعدم الاحساس كدة. ده انت فعلا بني آدم و لا بني آدم ايه ده انا بظلم الناس ده انت حيوان حتى متحصلش تكون حيوان الحيوانات احسن منك.
رفيف(بعصبية): غور يا اخي غور.
رفيف زقت هاشم بايديها بغضب و سابته و مشيت...
هاشم(لنفسه): حلو الكلام يا ست رفيف اما وريتك.
رفيف كانت ماشية و فجأة جت عربية بسرعة كبيرة ملحقتش تفرمل خبطتها.
رفيف وقعت في الارض مغمي عليها و بتنزل دم...
السؤال: يا تري هيحصل ايه؟! خمنوا????.