رواية أسيرة لحصون قلبه للكاتبة سلسبيل كوبك الفصل الحادي والعشرون
صقر دخل اوضته لقي حاجات طيف مرمية علي السرير و ملقاش طيف...
صقر لقي ثعبان لونه اسود مرمي في الارض.
صقر(بصوت عالي): طيف!
طيف خرجت مفزوعة من التُراس لقت صقر واقف باين علي ملامحه الغضب و الخوف و اول ما شاف طيف راح عليها بدأ يتفحصها.
صقر: انتي كويسة؟!
طيف لا رد...
صقر شدها لحضنه جامد و دفن وشه في رقبتها...
طيف(بغيظ): ابعد كدة انا مش بكلمك اصلا.
صقر: هششششش آسف.
طيف فتحت عينيها علي آخرهم من اعتذار صقر المفاجئ. و بعدها حست ان جسم صقر انتفض بين ايديها.
طيف: انت كويس؟!
صقر وطي و مسك الثعبان و خرج التُراس رماه علي الجنينة...
طيف شهقت اول ما شافت الثعبان...
صقر(بصوت عالي): مهران اتصرف في الزفت اللي عندك ده.
صقر قفل باب التُراس و دخل قعد علي السرير بتعب,طيف قربت منه و حطت ايديها علي خد صقر.
طيف: ايه اللي وصل الثعبان ده لهنا؟!
صقر حط ايده علي خصر طيف و هي واقفة قدامه.
صقر: ممكن يبقي اختبار.
طيف(بعدم فهم): اختبار ازاي؟!
صقر: بصي في عيني يا طيف.
طيف بصت في عين صقر دقيقة بالظبط و نزلت عينيها.
طيف(بخجل): ايه الفائدة من ده؟!
صقر: مفيش، هنزل اعمل حاجة و اجي الاقيكي مستنياني علشان نكمل المشروع علشان تسليمه بكرة...
طيف: حاضر.
صقر قام و نزل ل تحت و طيف دخلت تغير هدومها.
طيف لبست شورت باللون الابيض واسع لغاية قبل الركبة بحاجة بسيطة و فوقه تي شيرت باللون الزيتي ب ¾ كم قصير مبين جزء بسيط من بطنها و سيبت شعرها علي ضهرها.
طيف بدأت تجهز القعدة و لقت صقر اتأخر نزلت ل تحت للمطبخ.
طيف(بحدة): ايه اللي بيحصل هنا؟!
سارة كانت لابسة لبس بيتي قصير و محاوطة صقر بينها و بين الحيطة و يعتبر الكل نايم...
صقر(ببرود): مفيش حاجة يا طيف. يلا نطلع.
سارة: صقر متنساش تفكر في الموضوع اللي قولتلك عليه، تصبح علي خير.
سارة: باي يا طيف.
سارة بدأت تمشي ببطء و اغراء بالنسبة ل طيف اللي بصت علي صقر بغضب.
سارة طلعت علي اوضتها و قفلت الباب.
تحت.
صقر كان خارج بره المطبخ طيف زقته علي الحيطة بايدها و مسكت سكينة في ايديها حطتها علي رقبته.
طيف(بغضب): يا حيوان يا حقير مش عيب تبص عليها كدة و كمان انا موجودة ازاي تسمح باللي حصل ده.
صقر ابتسم بخبث و حاوط خصر طيف بايده و مال عليها بوشه.
صقر(بخبث): بتغيري؟!
طيف(بغضب): انا مراتك فاهم و اللي بتعمله ده غلط في حقي، انت المفروض تحترمني في غيابي قبل حضوري.
صقر(بخبث): يعني انتي معترفة انك مراتي و معترفة اننا متجوزين؟!
طيف(بعصبية): انت عايز ايه؟!
صقر(ببرائة مصطنعة): هو انا اللي عايز يا طيف؟! انا اتكلمت طب؟!
طيف ضربت صقر في صدره.
صقر(بوجع): آه ايه الشراسة دي؟!
طيف: وسع كدة وسع ايدك انت ماسكني كدة ليه؟!
صقر: من بكرة هنبدأ تدريب.
طيف(باستغراب): تدريب ايه؟!
صقر: بما انك مرات الصقر لازم تكوني بتعرفي تسوقي و تعرفي تدافعي علي نفسك...
طيف بصت ل صقر و بعدها بصت علي المسافة اللي بينهم...
طيف(بشهقة): وسع.
صقر(بملل): طيف احنا كدة من عشر دقايق...
صقر: و كمان احنا متجوزين.
طيف: طيب.
صقر(بخبث): بس ايه اللبس الجميل ده؟!
طيف(بعصبية): احسن من هدوم ست سارة اللي شايفة البيت بيتها بدأت اكرهها.
صقر وطي و شال طيف بين ايديه و طيف اترمت منها السكينة علي الارض و صقر طلع ب طيف علي اوضتهم و حطها علي السرير...
صقر: يلا جيبي اللاب توب بتاعك.
طيف: اهو جاهز.
صقر: طيب.
طيف و صقر قعدوا جمب بعض و بدأوا يشتغلوا.
طيف: انت بتراقب رقم مين من اللاب توب بتاعك.
صقر: ملكيش دعوة.
طيف(بغيظ): رخم.
-بعد فترة كبيرة...
طيف: اخيرا خلصنا.
طيف رجعت جسمها لورا و قفلت اللاب توب بتاعها.
طيف: هتنام؟!
صقر: لا نامي انتي ورايا شغل.
طيف: انت ايه يا صقر؟!
صقر: اممممم ممكن انسان.
طيف: يا رخم انت عارف انه مش قصدي كدة.
صقر: انا صندوق اسود يا طيف متحاوليش تفتحيه هتخسري كتير...
طيف: طب مين الشخص اللي بيحاول يأذينا؟!
صقر رجع رأسه لورا و غمض عينه طيف قعدت فترة مستنياه يتكلم بس لقته مش عايز يتكلم.
صقر اتعدل في قعدته و بص ل طيف.
صقر: الفضول عندك ادمان؟!
طيف: مش فضول حب استطلاع.
صقر: كمان!
صقر: طيب يا طيف الشخص ده عدو ليا خلاص كدة.
طيف: طب هو في عداوة ممكن توصل للي بيحصل ده؟!
صقر: في اسوء من كدة يا طيف.
طيف: امممم طب.
صقر(بملل): طيف غيري الموضوع.
طيف ربعت رجليها و حطت ايديها علي خدها و بصت ل صقر.
طيف: هحكيلك عن ال love stories بتاعتي.
صقر لف ل طيف باهتمام و بص ليها.
صقر: قولي.
طيف: مش عارفة ابدأ بمين و لا مين؟!
صقر: هما كتير؟!
طيف: لا ممدوح و عزت و كنان و فؤاد و باسل و عبدالله و ادم و عصام و...
صقر: بس بس بس متتكلميش.
طيف: و محمد و.
صقر: اخرسي، ده كله يا مفترية.
طيف: كنت صغيرة.
صقر: طب اخرسي.
صقر حط ايده علي ودانه و طيف قربت منه.
طيف: في ايه؟!
صقر: تنسي قصص حبك الزفت دي مش عايز اسمعها، و اياكي تذكريهم قدامي او حتى مع نفسك.
طيف: انت ليه مجنون كدة؟!
صقر: البركة في جنابك.
صقر بص علي الشاشة بتاعت اللاب توب بتاعه و بعدها طلع تليفونه و اتصل بحد.
الخط اتفتح...
صقر: في القاهرة في ().
طيف: في ايه؟!
صقر: مفيش حاجة و يلا اتخمدي.
طيف بصت ل صقر و قربت منه باسته علي خده.
صقر(بغمزة): انا قولت برضو.
طيف(بضيق): مبتضيعش فرصة. و كمان ده كان شكر.
طيف: لما بشكر حد ببوسه.
صقر: ده كان زمان.
صقر شد طيف من ايديها اللي كانت ساندة بيها دقنها. طيف بقت قدام صقر علطول و قاعدة علي ركبتها.
صقر: كان زمان يا طيف دلوقتي اتغير الموضوع ده تماما.
صقر: و من هنا و رايح لما تشكري حد تشكريه لفظي ده اذا سمحتلك اصلا. اما بقي لما تيجي تشكريني انا تبوسيني عادي براحتك.
طيف: ا.
طيف شهقت لما لقت صقر شالها و حطها علي السرير.
طيف: انت سريع اوي.
صقر: متشكر.
صقر قفل الانوار و نام جمب طيف...
طيف: صقر.
صقر(شبه نايم): نعم.
طيف: هو انا هخلص منكوا امتي؟!
صقر شد طيف لحضنه جامد لدرجة ان طيف كانت حاسة بوجع في كل جسمها.
طيف(بخنقة): ده انت كدة هتخلص عليا.
صقر ابتسم غصب عنه و قلل من ضغطه علي طيف و غمض عينه نام و طيف بصتله بطرف عينيها و غمضت عينيها استسلمت لاحلامها...
-في مكان تاني...
عند نيران.
نيران(بغيظ): اعتقد كدة كفاية.
ماهر(ببرود): لا مش كفاية انتي غلطتي و تتحملي نتيجة غلطتك.
نيران(بغيظ): انت شايف نفسك علي ايه؟!
ماهر(ببرود): متنسيش اني المدير.
ماهر(ببرود): و تعالي هنا نخلص اخر عقدين.
نيران: تمام.
نيران قعدت جمب ماهر و بدأوا يشتغلوا مع بعض و نسيوا كرههم ل بعض.
ماهر: تفكيرك يُحترم بس شايف اننا نعرض البنود دي الاول و بعدها لو عندهم اعتراض نظهر البنود دي و في كل الحالات احنا كسبانين.
نيران: تمام فكرة.
ماهر: طيب يلا روحي.
نيران: تمام يا فندم و هاجي بكرة متاخر لاني ورايا محاضرة...
ماهر: طيب.
نيران خرجت و بدأت تلبس الجاكت بتاعها و خدت حاجتها و مشيت و ماهر نزل وراها...
نيران: اوف الاقي عربية فين دلوقتي؟!
نيران بدأت تتمشي لغاية ما لقت شابين فرجعت خطوتين لورا و بدأت تجري في الاتجاه التاني.
نيران: يا نهار اسود.
شاب1: بتهربي من مين يا قطة؟!
نيران: احم احم مش بهرب و ههرب من مين يعني؟!
نيران: حضرتك عايز حاجة؟!
نيران: لو مش عايزين حاجة اتفضلوا وسعوا علشان عايزة اروح بيتي.
شاب2: شوفناكي عجبتينا.
نيران: عيب لو سمحت ايه عجبتكوا دي؟! و كمان مش عيب تبصوا علي بنات الناس الله.
نيران(لنفسها): يا صقر انت فين يا قاسم اي حد يجي ينقذني بليز.
نيران: عن اذنكوا.
نيران كانت هتمضي بس الشاب الاول مسكها من دراعها و شدها ناحيته.
شاب1: ايه يا حلوة هو دخول الحمام زي خروجه؟!
نيران: هو فين الحمام هو انا دخلت حمامات يا ابني؟! وسع كدة بقي و عيب تمسك ايد بنت كدة في نص الليل
ماهر(ببرود): و علي اساس مش عيب بالنهار؟!
نيران: كانت نقصاك هي و كمان انت معاهم.
شاب2: مين الحلو؟!
ماهر(ببرود): بص مش هقولك ابعد ايدك عنها لاما كذا و كذا...
ماهر(بثقة عميقة و برود): انت هتنزل ايدك غصب عنك و هنتفق هتيجي تضربني انت و صاحبك اللي جمبك قدرتوا عليا تأخدوها و تمشوا...
نيران(بصدمة): يا حيوان بتبعني!
شاب2(بسخرية): شكله ميعرفناش يا عم.
شاب1: و انا قبلت الاتفاق.
الشاب الاول ساب نيران و الاتنين بصوا ل بعض و راحوا ناحية ماهر.
الاول حاول يضربه بوكس بس ماهر تفاداه بسرعة و ضربه في بطنه، التاني ضرب ماهر في وشه ماهر رجع خطوة لورا و بعدها رفع رجله و ضرب الراجل في بطنه و مسك رأسه ضربها في رأسه.
الاول ضرب ماهر في جمبه مرتين ورا بعض,ماهر مسك دراعه و تناه لورا ضهره و قعد يضغط عليه لغاية ما الشاب وقع في الارض من كتر الالم.
ماهر: كفاية عليكوا كدة.
ماهر ناحية نيران و مسك ايديها و شدها وراه.
نيران: واخدني علي فين يا اخ انت؟!
نيران: رد عليا.
ماهر: اركبي.
نيران: و انا ايه اللي هيخليني واثقة فيك؟!
ماهر: لو عايز اعملك حاجة انا جرئ و هقولك نظرتي فيكي و ان جسمك عاجبني.
نيران شهقت من كلام ماهر,ماهر بصلها ببرود.
ماهر: لكن انتي مش نوعي المفضل و مفيش حاجة فيكي تجذبني.
ماهر: ف اركبي.
نيران(بغضب): تصدق انك سافل؟!
ماهر: عارف.
ماهر ركب نيران العربية غصب و لف ركب هو كمان و بدأ يسوق...
ماهر: من هنا لغاية ما اوصلك بيتك مسمعش كلمة.
نيران: ا.
ماهر: اخرسي.
نيران بصتله بغضب و غيظ و ماهر كان مركز علي السواقة و الطريق...
بعد فترة بسيطة ماهر وقف قدام القصر.
ماهر: غوري.
نيران: ده انت رخم.
ماهر: اغلطي كتير علشان يطلع علي عين اهلك بكرة في الشغل يلا.
نيران فتحت باب العربية و جريت علي جوا القصر و ماهر ساق و رجع ل بيته...
-في مكان تاني...
عند رامي.
حسين: متأكد يا رامي؟!
رامي: ان شاء الله.
رامي و حسين و كام شخص وراهم ركبوا العربية و راحوا لمكان معين.
رامي: اتنين في الاتجاه ده و اتنين من الاتجاه ده و اتنين من الاتجاه ده و انا و حسين و انتوا من هنا.
رامي فتح باب خشبي صغير برجله و دخل.
رامي اول ما دخل حد ضرب رصاص و بدأوا يتبادلوا ضرب النار...
حسين: ادخل انت شوفها.
رامي بدأ يدور في البيت ده علي رفيف لغاية ما سمع صوت عياط حد راح ناحية الصوت.
رامي(بلهفة): رفيف.
رامي جري علي رفيف اللي مربوطة في كرسي و بتعيط و باين علي وشها التعب و في وشها كدمات.
رامي: خلاص متعيطيش...
رامي بدأ يفك الاحبال اللي حوالين رفيف و حاوط وشها بين ايديه...
رفيف رمت نفسها في حضن رامي و قعدت تعيط و تزيد من عياطها.
رامي: خلاص يا حبيبتي خلاص انتي دلوقتي بخير.
رامي وطي و شال رفيف اللي حاوطت رقبته بايديها و قعدت تعيط...
حسين: رامي عدي انا هأمن الطريق يلا.
رامي خرج بره البيت ده و هو شايل رفيف و ركبها العربية و لف ساق العربية و مشي.
حسين: يلا يا رجالة...
رامي: رفيف رفيف انتي غمضتي عينك ليه؟!
رامي هز رفيف فوقعت رأسها علي كتفه، حط ايده علي رقبتها لقي في نبض فكمل سواقة لغاية ما وصل لاقرب مستشفي...
رامي وصل و نزل فتح بابه بسرعة شال رفيف و دخل المستشفي...
رامي: لو سمحت عايز دكتور...
ممرضة: تعالي معايا يا فندم.
دخلوا رفيف اوضة الاسعافات و الدكتور ده و بدأ يفحصها.
الدكتور: محتاجة بس شوية تغذية لانه باين انها امتنعت عن الطعام لفترة.
رامي: تمام يا دكتور شكرا.
دكتور: هتفوق بكرة. عن اذنك.
رامي قرب من رفيف باس رأسها و غطاها كويس و راح نام علي الكنبة اللي موجودة في الاوضة...
-في الصباح الباكر...
في القصر...
نجلاء: انا بفكر نعمل حفلة نتعرف فيها علي مرات صقر...
مهرة(بعصبية): اصلا البنت دي مش المفروض تنتمي للعائلة.
نجلاء: صقر اختارها و مرتاح ليها...
مهرة: المفروض تكون ذات نفوذ و لا نسيت تقاليد عائلتك يا محمد؟!
محمد: بس بقت مراته يبقي مفيش داعي نعمل مشكلة يا مهرة.
محمد: تمام يا نجلاء شوفي الحفلة هتبقي امتي.
نجلاء(بلهفة): انا جهزت كل حاجة كنت منتظرة موافقتك.
محمد: تمام. و انا هحاول ارجع بدري.
نجلاء: طيب.
محمد: ساعديها يا مهرة.
مهرة: طبعا طبعا.
نيران: بابا.
محمد: نعم يا حبيبتي.
نيران: خدني معاك.
محمد: مش المفروض انه وراكي شغل!؟
نيران: لا هحضر محاضراتي في الجامعة الاول.
محمد: طيب تعالي يا حبيبتي.
نجلاء: جيبها معاك يا محمد.
محمد: اكيد.
نيران: باي.
مهرة: باي يا حبيبتي.
نيران: باي يا نوجة.
نجلاء: باي يا روحي.
نيران و محمد مشيوا و مهرة و نجلاء فضلوا يبصوا ل بعض...
-في مكان تاني...
في ال?يلا.
سارة(بزعيق): انتوا مش بتسمعوا الكلام ليه؟!
خدامة1: حضرتك احنا.
سارة(بزعيق): مفيش تبرير...
سارة: قولت شيلوا الكنبة دي من هنا و غيروا اللون ده للبينك.
سارة: و التحف دي مش عجباني.
آسر(بملل): بتعملي ايه يا سارة؟!
سارة(بابتسامة): صباح الخير يا آسر، بغير كذا حاجة في ال?يلا مش عجباني.
آسر(بملل): جنابك بقتي مقيمة هنا و انا معرفش؟!
سارة: يسمع من بوقك ربنا...
خدامة: مها روحي صحي صقر بيه و مدام طيف.
مها: حاضر يا ميرا.
سارة: خليكوا انا هطلع اصحيهم.
آسر: اوووووه متشوق اشوف صقر و هو بيطردك. يلا اطلعي فوق و انا هستني هنا اسمع صقر و هو بيهزأك...
سارة: خليك هنا.
سارة طلعت علي اوضة صقر و رنت الجرس,طيف فتحت عينيها ببطء و حست انها في مكان غريب.
صقر فتح عينه هو كمان و قام بكسل من علي السرير و فتح الباب.
سارة(بتوهان): صقر.
سارة قربت من صقر و حطت ايديها علي صدره,في اللحظة دي صقر معرفش طيف بقت قدامه ازاي و اتصدم.
طيف(بحدة): نعم يا حبيبتي عايزة ايه؟!
سارة(بخضة): خضتيني؟!
طيف: بجد؟! سلامتك من الخضة يا بيضة...
سارة: انا جيت اصحي صقر.
طيف: ربنا يخليكي يا حبيبتي لما مراته تموت ابقي اطلعي صحيه. بس معلش بقي قدرك اني لسة عايشة و لما اموت ابقي تعالي صحيه و اعمليله مساچ كمان لو حابة.
طيف لفت ل صقر و شافته من غير تي شيرت بصتله بغضب.
طيف: خش يا حبيبي الحمام و انا هخلص مع سارة و اجيلك.
طيف زقت صقر ل ورا الباب و بصت ل سارة.
طيف: سارة يا حبيبتي انتي عايشة في بيت فيه راجلين واحد عازب و التاني متجوز يا ريت تلمي جسمك ده شوية و استريه بهدوم من عندك و لو معندكيش رقبتي سدادة.
سارة(بدلع): و هو هدومي فيها ايه؟!
سارة كانت لابسة فستان باللون الاحمر و ضيق علي جسمها و مفتوح من الضهر و من قدام و لبست صندل بكعب احمر و سيبت شعرها علي ضهرها و حطت مكياج.
طيف: طيب يا حبيبتي البسي اللي انتي عايزاه صقر حبيبي مش بيبص لغيري اصلا و الا مكنش اتجوزني.
طيف: عن اذنك بيناديني.
طيف قفلت الباب في وش سارة و هي في قمة غضبها,صقر كان ساند ضهره علي الحيطة ورا الباب و مربع ايده و بيبص ل طيف...
طيف قربت من صقر بغضب و حطت ايد جمب رأس صقر بغضب.
طيف: انت كنت نايم امبارح وانت لابس التي شيرت قوم فجأة كدة بقيت قالعه طب تيجي ازاي؟!
صقر: انا و انا نايم ساعات بقلع التي شيرت بتاعي.
طيف: اه طب بص يا حلو الكلام اللي قولته ده ميتكررش تاني لغاية ما الحية اللي تحت دي تمشي. قال اصحاب قال.
طيف(بزعيق): و انت متضحكش كدة متعصبنيش.
صقر(بخبث): بس تعالي هنا، روح يا حبيبي خد دوش و انا هخلص مع سارة و اجيلك تخيلي انا فهمت ايه.
صقر(بخبث): و لا بتاعت حبيبي صقر مش بيبص لغيري اصلا. ده انا كنت قربت اصدق.
طيف(بعصبية): هو انت قاصد تجننني؟! و بعد كدة البت دي من طريق و انت من طريق لغاية ما نخلص من المصيبة اللي جت بيها دي.
طيف مشيت من قدام صقر و دخلت الحمام و بعدها خرجت و راحت ناحية صقر تاني.
طيف: و بعد كدة لو لقيتها جمبك حتى بالصدفة انت اللي هتزعل مني.
طيف دخلت الحمام بدأت تأخد دوش و حالها كل شوية يتقلب و تعبيرات وشها شوية تبقي متعصبة و شوية يبقي وشها احمر و شوية تبقي خجلانة و شوية شاردة.
طيف(بعصبية): دي حتة حية عايزة قطع الرأس...
طيف خرجت من الحمام و دخلت اوضة الملابس و كانت محتارة تلبس ايه وقعدت تشوف كذا طقم.
طيف لبست فستان قصير لغاية الركبة بحمالة رفيعة علي الكتف قماشته زي الحرير. كان نص باللون النبيتي و نص باللون الكحلي و من ورا الفستان كله باللون النبيتي و كان في حزام فيه فصوص بتلمع. و لبست كوتشي ابيض. و سيبت شعرها علي ضهرها و كتفها و حطت مكياج بسيط.
طيف خرجت ملقتش صقر دخلت التُراس لقته واقف بيشرب سجاير و شارد.
طيف(بحدة): يلا علشان الشغل.
طيف كانت هتمشي بس صقر شدها ناحيته و حط دراعه علي رقبتها و سند رأسها علي صدره و حط دقنه علي كتفها.
طيف(بخنقة): صقر بتخنق من السجاير.
صقر: انتي احلي منها في اي طقم بتلبسيه متخليهاش تحطم ثقتك بنفسك.
طيف: انا اصلا لابسة الطقم ده علشان...
صقر باس كتف طيف و شدها ناحيته اوي.
صقر: هنتعب يا طيف هنتعب اوي.
طيف لفت ل صقر باستغراب و حطت ايديها علي مكان قلبه بدون قصد.
طيف: قصدك ايه ب هنتعب؟! و قصدك مين؟! و ليه؟! و في ايه انت مخبيه عني؟!
صقر: يلا علشان منتأخرش علي الشغل.
صقر رمي السيجارة بتاعته و داس عليها بجذمته و نزل هو و طيف قعدوا علي السفرة.
طيف: هاي آسر.
آسر لا رد...
سارة: بقولك يا صقر.
طيف: صقر بيأكل مش فاضي اتفضلي كلميني انا.
سارة: خلاص بقي بعدين.
مها: يا هانم تحبي تأكلي اكله معينه؟!
سارة: اه عايزة.
طيف: قالت يا هانم اللي هو ست البيت و مين هنا مرات صقر انا يبقي هي تقصدني انا و انا مأذنتش ليكي تتكلمي بالنيابة عني يا مدام سارة.
طيف: اووووه سوري آنسة.
آسر: في حفلة النهاردة مامتك عازمانا و اتصلت بيك لقت تليفونك مقفول...
صقر(ببرود): طالما انت فيها يبقي مش جاي.
آسر: مش هتوق شوقا يا عم الصقر.
صقر: يلا يا طيف. ورانا شغل كتير.
صقر مسك ايد طيف و خرجوا بره ال?يلا و ركبوا هما الاتنين العربية...
صقر بدأ يسوق و طيف قاعدة جمبه في العربية بتعدل شعرها في المراية.
صقر: متلمهوش سيبيه كدة اهو يغطي شوية من اللي باين من ضهرك.
طيف: اساسا بحبه مفرود فمش هلمه و كمان انت مش قولت هتعلمني السواقة؟!
صقر: في ساعة الاستراحة.
طيف: و مش قولت هتعملني الدفاع عن النفس؟!
صقر: بليل لما نتعشي.
طيف: و ايه الحفلة اللي آسر بيقول عليها دي؟!
صقر: مش مهمة و مش هنروحها.
طيف: صقر.
صقر: متحاوليش.
طيف: طيب.
طيف: هو الطريق ده مفهوش حد غيرنا.
صقر: اول مرة يبقي كدة. بس احسن الطريق سهل للشركة.
طيف: حاسب.
صقر وقف العربية لما لقي شجر مرمي في نص الطريق,صقر بص ل طيف باستغراب. و كل عربيات الحراس اللي كانت مع صقر وقفت و نزلوا...
صقر: الكوبري مستحيل يتحط عليه شجر و الكلام ده. خليكي هنا يا طيف.
صقر اول ما نزل كانت طيف نزلت معاه صقر لسة هيتكلم لقي حد محاوط طيف من وراها.
صقر(بغضب): و ربي اقتلك يا حسام ابعد عنها.
حسام(بضحك): اهلا يا صقورة.
طيف كانت خايفة و بتبص ل صقر اللي محاوطينه رجالة كتير و شدوه معاه بعيد و وقفوا قدام طيف و حسام اللي شدها و وقفوا قدام صقر بس بينهم مسافة.
حسام: بصي مش هجبرك خالص انك تسمعي كلامي براحتك اللي يريحك انتي.
حسام: بس بناءا علي اختيارك انا هتصرف.
حسام: يعني مثلا لو قبلتي تيجي معايا مش هلمسه,اما لو قبلتي تروحي معاه فهقتله هو و رجالته و هأخدك برضو.
حسام: تعالي هنا يا فاروق.
حسام كان واقف هو و حراسه وراه. و صقر واقف قصاده و حراسه وراه. اما طيف كانت واقفة ما بينهم.
حسام: هي رصاصة واحدة تخترق قلبه و نخلص منه و برضو هأخدك معايا.
صقر(بتحذير): طيف اياكي توافقي اياكي لو بموت قدامك...
صقر(بتحذير): تعالي ليا يا طيف...
صقر مد ايده ل طيف و طيف بصتله و بصت لايدين صقر.
اما حسام كان ماسك مسدسه في ايده و رافعه ل وش صقر و مد برضو ايده ل طيف.
حسام: فكري في كلتا الحالات هتكوني معايا لكن تفرق بخسائر و لا من غير خسائر...
صقر: طيف اياكي تستسلمي و هاتي ايدك بطلي لعب عيال و فكري بعقلك...
طيف: يا تري هيحصل ايه؟! ????.
عايزة اعرف رأيكم في احداث الرواية و رأيكم في الرواية علي الوجه العمومي و رأيكم في الشخصيات و اي حد عنده تعليق علي حاجة يقول??.