رواية أسيرة لحصون قلبه للكاتبة سلسبيل كوبك الفصل الثالث والثلاثون
في الصباح الباكر...
فهد صحي من نومه لقي صقر و طيف حاضنينه باس طيف و صقر و قام من جمبهم ببطء.
فهد دخل الحمام غسل وشه و خرج غير هدومه.
فهد نزل علي المطبخ يعمل ليه اي أكل بسيط علي ما طيف تصحي.
عند طيف و صقر...
صقر فاق من نومه ملقاش فهد فقرب من طيف و حضنها,طيف فتحت عينيها لقت صقر قدامها.
طيف: يا ابني بطل تخضني يا ابني.
صقر: انا عملت حاجة.
طيف: اوف مش متعودة اصحي علي راجل غريب كدة...
صقر: فين الراجل الغريب ده يا بت انا جوزك...
طيف: هتفضل تقول الكلمة دي كتير.
صقر: الصبر يا رب من عندك، انتي غبية يا بت؟!
طيف: مسمحلكش بقي. انا مش غبية.
طيف قامت وقفت علي السرير و حطت ايديها علي خصرها.
طيف: انا قمر و عسل و كيوت و جميلة و ذكية جدا علشان تعرف و.
صقر شد طيف لحضنه و باس رقبتها.
صقر: و احلي بنت في الدنيا دي كلها.
تليفون صقر رن.
صقر: مين الرخم ده!؟
طيف: هقوم اشوف فهد.
صقر مسك التليفون و فتح الخط و شد طيف لحضنه...
صقر: الو...
نجلاء: صباح الخير يا حبيبي.
صقر: صباح النور.
نجلاء: طيف اخبارها ايه؟!
صقر: بخير.
نجلاء: احم بقولك.
صقر: ايه؟!
نجلاء: كنت عايزة اجي اقعد معاك يومين.
صقر: مفيش اي مشكلة. هعدي عليكي بليل بعد الشغل.
نجلاء: طب طيف مش.
صقر: طيف بتنط زي العبيطة جمبي اهي من الفرحة.
طيف: انا عبيطة؟!
نجلاء: انتي ست البنات كلهم يا حبيبتي.
طيف: شكرا يا نوجة.
نجلاء: طيب هقفل انا.
صقر: باي.
طيف: بقي انا عبيطة؟!
طيف: هوريك بقي العبيطة هتعمل فيك ايه.
طيف نطت علي صقر و عضت كتفه جامد.
صقر: يا بنت المجانين.
صقر: انتي قد اللي عملتيه ده؟!
طيف: ها اه.
طيف طلعت تجري و صقر وراها ملحقتش تنزل ل تحت لان صقر شالها علي كتفه.
طيف: صقر نزلني علشان خاطري.
صقر: لا.
طيف: طب طب.
صقر دخل اوضته و قفل الباب وراه...
-في مكان تاني...
عند رفيف و رامي.
رفيف: اتفضلوا.
معتز: تسلم ايد اللي عملت الشاي.
رفيف(ببرود): طنط عبير اللي عملته.
رفيف مشيت و دخلت المطبخ ل عبير...
صابر: و انت مش بتروح شغل يا معتز؟!
معتز: ما انت عارف اللي فيها يا عمو...
صابر: اه لسة بتأخد مصروف من ابوك.
معتز: معلش بقي انا مبحبش الشغل.
صابر: مصيرك تحبه او الظروف هي اللي هتخيلك تحبه غصب عنك.
معتز: ربنا يبعد الظروف عني.
صابر(بسخرية): و هي الظروف علي مزاجك مثلا...
في المطبخ...
رفيف: ده معندهوش دم خالص يا طنط.
عبير: و هو حد قالك انه عنده دم. ده شخص عايز ضرب الجذم.
عبير: اوف بجد شخص مستفز.
رفيف: شخص مستفز بس.
رامي(بنوم): في ايه؟!
عبير: مفيش يا حبيبي، انت لسة نايم ليه كدة؟!
رفيف: حاولت اصحيه كتير بس مرضيش.
رامي: واخد اجازة اصحي بدري ليه بقي؟!
رفيف: و انت واخد اجازة ليه؟!
رامي: علشان الحيوان اللي بره ميبصش ليكي.
رفيف(بضحك): حمش اوي.
عبير: متخافش ابوك يسد.
رامي: اكيد طبعا.
رفيف: يلا و انت عامل زي الفرخة كدة، خش خد دوش كدة و فوق.
رامي: اوف طيب.
رامي رجع اوضته دخل الحمام خد دوش و خرج غير هدومه و خرج قعد مع صابر و معتز.
رامي: منور يا معتز.
معتز: بنورك يا اخويا.
رامي: رفيف اعمليلي شاي.
رفيف: حاضر.
صابر: واخد اجازة؟!
رامي: ايوه.
معتز: و هما بيسبوك تاخد اجازة؟!
رامي: انا حر.
معتز: طيب براحتك، طب ما تشغلوا التلفزيون.
رامي بص ل صابر اللي بصله بملل.
رامي: البيت بيتك قوم جيب الريموت انت.
رامي(بهمس): هيغور امتي؟!
صابر(بهمس): لسة بقنع ابوه.
معتز: بيشتغل ازاي ده؟!
رفيف و هي ماشية خبطت في معتز فوقع الشاي.
رفيف: اسفة اسفة.
معتز(بعصبية): انتي غبية؟!
رامي(بحدة): في ايه يا معتز ما تحترم نفسك؟!
معتز: شايف بهدلت البنطلون.
صابر: خلاص معلش، خد مراتك يا رامي و ادخلوا اوضتكم.
رامي مسك ايد رفيف و دخلوا اوضتهم.
رفيف: آسفة و الله.
رامي: انتي بتعتذري على ايه غصب عنك فيها ايه يعني.
رفيف: انت مش زعلان؟!
رامي: لا طبعا...
رفيف: طيب.
-في مكان تاني...
عند نيران و ماهر...
نيران لمت هدومها في شنطتها و خرجت بره اوضتها و نزلت تحت كان ماهر داخل الفندق.
ماهر راح ناحيتها بغضب و مسك دراعها بغضب.
ماهر: انتي راحة فين؟!
نيران(بحدة): انت ملكش دخل بيا.
نيران(بحدة): وسع ايدك دي.
ماهر(بغضب): مفيش مشي من هنا يا نيران، بمزاجك او غصب عنك.
نيران(بحدة): و انت مين علشان تتحكم فيا؟!
ماهر: جوزك.
نيران(بحدة): و ده من ايه ده ان شاء الله؟!
ماهر: هبقي جوزك و هكلم محمد بيه و هتتجوزيني يا نيران بمزاجك او غصب عنك...
ماهر: و انا بقي هعرفك يا نيران.
نيران(بحدة): انت مفكر نفسك مين يا عم انت؟! فوق انت مجرد واحد شغال في شركة بابا يعني انت فلوسك دي من خير ابويا انا.
نيران(بحدة): فوق يا حبيبي فوق. متكونش طمعان في الفلوس اللي عندي.
ماهر ضرب نيران علي خدها قلم بغضب.
ماهر(بغضب): لا يا روح امك لولايا و لولا شغلي مكنش في شغل اصلا.
ماهر بص حواليه لقي الكل بيبص ليهم شد نيران من دراعها و مسك الشنطة و ركب الاسانسير و قفله.
نيران(بغضب): انت رايح فين؟! انا مش راجعة و همشي دلوقتي.
ماهر(ببرود): و انتي هنا تحت امري انا.
نيران(بغضب): بكرهك...
ماهر(ببرود): و انا بموت فيكي.
نيران ضربت ماهر بغضب علي ضهره و قعدت تضربه,ماهر لف ليها و مسك ايديها رفعها ل فوق.
ماهر(بغضب): مسمعش حسك فاهمة.
نيران(بعصبية): انت متحكم كدة ليه؟!
ماهر(بعصبية): متعليش صوتك و انا موجود.
ماهر وصل قدام اوضة نيران فتح بابها و زق نيران جوا الاوضة و دخل هو كمان...
ماهر: مش عايز اسمع حسك هنروح بكرة.
ماهر: و ربي يا نيران لو خرجتي بره اوضتك مش هتتخيلي ممكن يحصلك ايه...
ماهر: جتك القرف في شكلك.
ماهر خرج بره اوضة نيران و دخل اوضته اترمي علي السرير بتعب و فرد ايديه علي السرير.
عند نيران.
نيران انهارت في العياط اول ما ماهر سابها و مشي...
نيران(بعياط): غبي كنت بحبك.
نيران فضلت تعيط لغاية ما نامت مكانها في الارض.
-في مكان تاني...
عند قاسم و وعد...
قاسم: احم انتي علطول كدة؟!
وعد: كدة ازاي؟!
قاسم: يعني ده لقاء رومانسي و حلو المفروض فستان مش قميص و بنطلون مش بقابل انا واحد صاحبي.
وعد: اهو ده انا و ان كان عاجبك؟!
قاسم: لا عاجبني اتفضلي اقعدي.
وعد: ميرسي.
قاسم: ما احنا رقيقين اهو.
وعد: افندم!؟
قاسم: خلاص اسف ليه محسساني اني قاعد في قسم شرطة.
وعد: قدامك ساعة و نص غير كدة همشي.
قاسم: طيب، تحبي تأكلي ايه؟!
وعد: مش عايزة أكل اطلب عصير فراولة.
وعد: بتحبها طبعا و لا ايه؟!
قاسم: بحبها اكيد في حد مبيحبش الفراولة. تمام هطلب.
قاسم طلب عصير فراولة ليه هو و وعد...
وعد: ها بقي عايز ايه خلصنا؟!
قاسم: بصي يا ستي مش هقول اني وصلت لدرجة الادمان و العشق بس هقدر اقول اني حبيتك...
قاسم: حبيت كفاحك و حبيت انه رغم انك عايشة لوحدك بس قدرتي تحققي حلمك و حبيت اوي اصرارك علي الشغل و حبيت اتقانك في الشغل.
قاسم: حبيت كلامك و طريقتك و عيونك عليكي حتة دين نظرة تخلي الواحد هيغمي عليه.
وعد ابتسمت غصب عنها و قاسم ضحك.
قاسم: يخرب بيت جمال ضحكتك.
قاسم: اشربي اشربي.
قاسم: بصي يا ستي انا الولد الوحيد في ليلي و دي اختي انا اللي مربيها و بابا و ماما و انتي اتعرفتي عليهم و ماما حبتك اوي.
قاسم: ماما مش من الناس الhigh اللي بيتشرطوا علي العروسة لا ماما حبتك و قالتلك كدة في وشك علطول.
قاسم: انا مهندس و عندي شقة هنعيش فيها انا و انتي و نبني بيتنا علي اصول و قواعد.
قاسم: لما نتجوز هحاول بقدر امكاني اني اسعدك و اخليكي مبسوطة.
قاسم(و هو بيكح): انتي شخصية حلوة و قوية...
قاسم: بصي متعتبرنيش بحبك اعتبريني واحد طالب ايدك و هتلاقيه فرصة و تتجوزي لانك طبعا مش هتفضلي طول عمرك مش متجوزة.
قاسم(بوجع): آه.
وعد(بقلق): مالك في ايه؟! بتهرش كدة ليه؟!
وعد(بقلق و صدمة): عندك حساسية من الفراولة؟!
قاسم(بوجع): آآه...
وعد(بقلق): طب قوم معايا.
وعد سندت قاسم و اول ما مشيوا قاسم وقع في الارض بين ايدين وعد.
وعد(بقلق): قاسم قاسم فتح عينك.
وعد(بقلق): قاسم.
وعد(بصوت عالي): اطلبوا الاسعاف بسرعة...
بعد فترة جت عربية الاسعاف و نقلوا قاسم لاقرب مستشفي.
وعد كانت خايفة علي قاسم,دخلوا قاسم اوضة المرضي و فحصوه و عملوا ليه غسيل معدة و نقلوه اوضة عادية.
الدكتور: متقلقيش يا مدام هيبقي بخير.
وعد: شكرا.
الدكتور: هيفوق بكرة.
وعد: شكرا يا دكتور.
-في مكان تاني...
في القصر.
محمد(بعصبية): و انتي تمشي ليه من البيت؟!
نجلاء: هروح اقعد عند ابني يومين.
مهرة: في ايه يا محمد اهدي؟!
مهرة: عادي عايزة تقعد مع ابنها.
نجلاء: و فيها ايه لما اروح بيت ابني؟!
محمد(بعصبية): ليه هو مش ده بيتك؟!
نجلاء: و هناك بيت ابني هشوف ابني و مراته.
محمد(بعصبية): بس...
صقر(ببرود): اعتقد انك ملكش الحق انك ترفض ام من انها تروح بيت ابنها و تشوف مراته.
محمد(بعصبية): شرفت و متجبش انت مراتك ليه؟!
صقر(ببرود): مراتي مش هتدخل القصر ده تاني بعد الاهانة اللي حصلت ليها.
مهرة(بغيظ): و هو مش انت خدت حقك و حقها و كسرت دراع الحراس.
صقر(ببرود): مش قولتلك احمدي ربك اني مكسرتش دراعك.
نجلاء(بشهقة): محمد!
محمد(بغضب): لما تتكلم مراتي تكلمها بأدب و احترام...
محمد ضرب صقر بغضب علي وشه,آسر اتعدل في قعدته و قرب منهم.
آسر: خلاص اهدوا في ايه؟!
صقر(بغضب): و انت مفكر نفسك اب؟!
تليفون صقر رن بس صقر كنسل.
آسر: صقر اهدي مش كدة.
نجلاء: اهدي في ايه يا صقر؟!
نجلاء: بعد اذنك يا محمد هروح مع ابني يومين و مش هتأخر.
نجلاء: يلا يا صقر يلا.
نجلاء شدت معاها صقر لغاية ما خرجوا بره القصر.
نجلاء: كدة ينفع يا صقر؟!
صقر: انا مش فايق يلا نروح.
نجلاء و صقر ركبوا العربية و صقر ساق العربية ناحية البيت...
في القصر.
محمد(بعصبية): و انتوا واقفين ليه ما تغوروا في داهية.
مهرة: تعالي يا آسر.
آسر: هدئ نفسك يا بابا.
محمد طلع لاوضته و قفل الباب و قعد علي السرير.
محمد(بتعب): مش قادر مش قادر.
تحت...
مهرة: هو ماله الكل احواله متغيرة كدة ليه؟! حتى انت.
آسر: طلعيني من دماغك يا مهرة.
مهرة: حبيت؟!
آسر: لا و لو حبيت يبقي حب تملك بس.
آسر طلع علي اوضته و قفل الباب و بدأ يلعب رياضة.
مهرة بصت حواليها و بصت علي القصر كله و بعدها قعدت علي الكنبة لوحدها...
-في مكان تاني...
عند طيف.
طيف كانت في اوضتها في الحمام و خرجت تغير هدومها...
طيف لبست بنطلون اسود و فوقه سويت شيرت بكم باللون الرمادي و لبست شراب باللون الابيض و سيبت شعرها علي ضهرها و حطت مكياچ خفيف.
طيف خرجت من اوضتها و راحت لاوضة فهد.
طيف: تصبح علي خير يا حياتي.
فهد: و انتي من اهله يا حبيبتي. عايزة حاجة؟!
طيف: لا سلامتك.
فهد(بغمزة): بس ايه الشياكة دي؟! من امتي؟!
فهد(بغمزة): هو ده اللي مش هرجع معاك مش هرجع الله يرحم.
طيف(بخجل): بس يا فهد الله.
طيف(بخجل): و كمان احم يعني نام بقي الله، ده انت رخم اوي.
فهد: انا برضو؟! طيب يا ستي تشكري...
فهد: تصبحي علي خير.
طيف: و انت من اهله يا حبيبي.
طيف طلعت تليفونها و هي نازلة علي السلالم و اتصلت ب صقر بس طيف وقفت لما شافت خيال حد ,طيف لفت وراها بسرعة ملقتش حد.
طيف بدأت تتصل علي صقر و رجعت تاني علي السلالم و بدأت تمشي.
حسام: طيف.
طيف كانت هتصرخ بس حسام حط ايده علي بوقها.
حسام: هششش اهدي اهدي في ايه انا حسام مش فكراني.
طيف كانت مصدومة و بتحاول متعيطش,حسام شدها لاوضتها هي و صقر.
حسام: من يومه صقر و هو عنده ذوق.
حسام: بطلي حركة بقي ده انت غبية اوي يعني هو مش انا ممكن اخلص عليكي دلوقتي.
حسام: هشيل ايدي بس لو صرختي او عملتي حاجة البسي الاسود علي الواد الغلبان الللي جوا ده.
حسام شال ايده من علي بوق طيف و رماها علي السرير...
طيف: انت عايز ايه؟!
حسام: مفيش جايبلك هدية بسيطة كدة.
طيف: امشي من هنا...
حسام: ليه؟!
طيف: صقر لو.
حسام(بضحك): صقر الغبي اللي انا عارف كل تحركاته اه كملي كملي...
طيف: ده علشان انت عيل زبالة ممشي وراه حد.
حسام: و حياتك ابدا يا طيف...
طيف: مش عايزة اعرف المهم غور في داهية بقي.
حسام: ليه كدة يا طيف ده انا بحبك.
طيف: انت زبالة يا حسام زبالة.
حسام قرب من طيف و مال عليها.
حسام: ده انا برئ يا طيف.
حسام: بس ده مش عيبي انكم بتشوفوني قاسي.
حسام: اه نسيت اوريكي هديتي.
حسام بعد عن طيف و طيف كانت هتجري علي تحت.
حسام: عندك لابن خالك يوحشك.
طيف وقفت و سندت علي الباب و كانت خايفة,حسام مسك الثعبان و قرب من طيف.
حسام: مش هتسلمي ده جاي مخصوص علشان يشوفك.
طيف(بخوف): مين ده ابعد عني.
طيف(بخوف): ابعد يا مجنون يا مجنون.
حسام قرب الثعبان من وش طيف بس طيف كانت بترجع ل ورا و هي بتعيط...
طيف(بعياط): و النبي ابعد حرام عليك اللي بتعمله ده.
طيف(بعياط): ابعد عننا بقي.
حسام: انا جيت جمبكم يا طيف ده انا بلعب معاكم هي اللعبة وحشة و لا ايه؟!
حسام: مش انا قولتلك لعبتنا حلوة فيها جري و دم، ده احنا حتى لسة مشوفناش دم و لا حد جري ده احنا يعتبر لسة ملعبناش يا طيف...
طيف(بصرت عالي): ده انت مريض يا مريض، ابعد عني يا مريض.
حسام: طب ليه كدة هتزعليني و تزعليه منك ليه؟!
حسام: عموما كان لقاء حلو. و انا شايف خوفك و مستمتع كدة.
حسام: و كمان حد يخاف من الاشكال الظريفة دي.
حسام: يلا باي باي.
حسام بعد عن طيف اللي كانت في اخر الحيطة و بتعيط و اعصابها سايبة.
حسام راح للبلكونة و نط منها,طيف قعدت مكان ما هي واقفة و كانت بتعيط و بس...
تحت.
صقر وصل هو و نجلاء.
صقر: خشي يا امي.
نجلاء: دي ال?يلا اللي انت قولت عليها زمان؟!
صقر: ايوه.
نجلاء: فين القمر بتاعتنا؟!
صقر: طيف يا طيف.
صقر: تعالي.
صقر: طيف يا طيف.
صقر طلع الدور التاني هو و نجلاء,صقر راح ناحية اوضته خبط الباب و دخل.
طيف(بخوف): مين مين؟!
طيف حطت ايديها علي عينيها و هي بتعيط في الارض.
صقر اتصدم من منظرها و جري عليها فورا.
صقر: طيف.
طيف(بصريخ): ابعد. ابعد عني...
طيف(بعياط): حرام عليك سيبني في حالي بقي.
صقر حاول يلمس طيف بس طيف قعدت تقاومه و تضربه,صقر سيطر عليها و علي جسمها...
صقر: هشششششش اهدي انا صقر صقر يا طيف فوقي.
صقر: انا صقر اهدي يا طيف اهدي.
طيف فاقت من صدمتها و بصت ل صقر ثواني و اغمي عليها...
صقر(بقلق): طيف يا طيف حبيبتي.
صقر قعد و حط رأس طيف علي رجله.
نجلاء: اهدي يا ابني.
صقر(بقلق): طيف فتحي عينك ردي عليا. يا طيف.
صقر قعد يملس علي وش طيف و بدأ يضربها علي خدها براحة.
طيف فتحت عينيها بتعب اول ما لقت صقر حضنته و قعدت تعيط.
صقر شال طيف بين ايديه و قام حطها علي السرير و حاول يبعد عنها بس هي مسكت فيه و قعدت تعيط.
صقر: طيب خلاص اهدي انا جمبك.
صقر: احم امي معلش روحي اي اوضة لغاية بكرة الصبح اشوف مالها بس، و بكرة نتكلم.
نجلاء: طيب يا حبيبي ربنا يعينكوا، ان شاء الله هتبقي كويسة.
نجلاء خرجت بره اوضة صقر و طيف و اختارت اوضة تانية و دخلتها و بدأت تنام فيها...
عند طيف و صقر.
صقر بدأ يملس علي شعر طيف و يبوس رأسها و يتكلم معاه بهدوء...
صقر: حبيبة قلبي خلاص بقي متعيطيش كتير كدة حرام.
صقر: متوجعليش قلبي يا طيف.
صقر شال شعر طيف من علي وشها و بص عليها لقاها نايمة و وشها احمر بسبب العياط,صقر باس رأسها و ضمها لحضنه اكتر و غصب عنه نام جمبها...
-في مكان تاني...
عند رفيف و رامي.
رامي(بغضب): امشي...
رامي(بغضب): يلااااا.
عبير(بدموع): اهدي يا ابني.
رامي(بغضب): انتي جاية معانا ليه انتي اطلعي بره بره حياتنا، انتي بنت شوارع.
رامي(بغضب): يلا غوري في داهية تأخدك.
رفيف كانت بتعيط بصمت,بصت ل رامي و عبير و سابتهم و جريت بره المستشفي.