رواية أسير العشق للكاتبة شهد طارق الفصل الرابع
طبعا اخت سها فضلت تنتقل من شركة ل شركة وكل مرة بتسيب الشركة بمزاجها لأنها عايزة تاخد خبرات من كل الشركات لكن عمرها في لحظة ما نسيت الانتقام وبقت حياتها مملة وكئيبة مش بتعمل حاجة الا انها بتشتغل وف مرة...
صاحبتها: بقولك ايه يا دودو في شركة إنما ايه كبيرة اوى ومحتاجين موظفين ما تيجى نقدم.
اخت سها: وماله نقدم. التقديم امتى...
صاحبتها: بكرة.
اخت سهى: خلاص نتقابل بكرة، سلام...
صاحبتها: سلام...
وجه اليوم ال ولا على البال ولا على الخاطر...
طبعا من عادة اخت سهى انها متسألش على اسم الشركة أو صاحبها بتعرفهم لما بتتعين...
وفعلا تانى يوم راحت االشركة واتقبلت لكن صاحبتها متقبلتش بسبب خبراتها القليلة...
عدى اسبوع واخت سهى شغالة تمام لغاية ما قالوا في الشركة أن في انهاردة اجتماع لكل الموظفين لكن مدير وصاحب الشركة جيه وعايز يعمل اجتماع.
فعلا كلهم راحوا لغرفة الاجتماعات ومستنين المدير ال هو صاحب الشركة...
اخت سهى: هو اتأخر كدة دة...
موظفة معاها: يا بنتى أصله كان مسافر بقاله سنتين ولسه راجع من المطار علينا...
اخت سهى: ماشي يا ختى...
دخل المدير وكلهم وقفوا تحية ليه وسارة مش مركزة مع وشه خالص...
المدير: طبعا انا جمعتكم انهاردة عشان انا كنت مسافر ورجعت ولازم اعرفكم قوانينى...
المدير: فين المسؤلة عن HR.
موظفة: انا يا فندم...
المدير: فين ال اتعينوا جديد هنا...
موظفة: شاورت على اخت سهى...
اخت سهى قامت وبصت عليه واتصدمت صدمة عمرها
مراد الألفى يبقى صاحب الشركة مصدقتش نفسها كانت عايزة تقوم تقتله وف نفس الوقت اتبسطت ان لحظة الانتقام جت لغاية عندها فاقت على صوته وهو بيقول...
مراد: يا آنسة، يا آنسة...
اخت سهى: ها، اسفة يا فندم سرحت شوية.
مراد: لأ ممنوع السرحان هنا. انتى اسمك ايه...
اخت سهى: اسمى داليا يا فندم...
مراد: تمام يا آنسة داليا انتى هتتدربى شهر لو اثبتى كفاءتك هتتعينى هنا...
داليا: اتمنى اكون عند حسن ظن حضرتك...
مراد: اتمنى.
طبعا داليا فهمت من نظراته انها عجبته ف قررت تلعب على النقطة ديه...
فضلت داليا شغالة الشهر دة وأثبتت كفاءتها واتعينت في الشركة...
في معلومة مراد عنده اتنين سكرترية واحدة في الشغل وواحدة مسميها سكرتارية شخصية عشان تهتم بأكله وشربه وهدومه وسفره ومواعيدها دة ال مفهمه للناس لكن طبعا انتو عارفين هو عايزها ليه وقرر أن داليا تبقى السكرتيرة الشخصية بتاعته...
مراد: سعاد اندهى داليا خليها تيجى مكتبى...
سعاد: تحت امرك يا فندم...
راحت داليا مكتبه...
داليا: تؤمرنى ب حاجة يا فندم...
مراد: انتى بقالك شهرين في الشركة واثبتى كفاءتك صراحة وانا قررت اعينك السكرتيرة الشخصية بتاعتى
داليا طبعا عارفة يعنى ايه سكرتيرة شخصية وعارفة هو اختارها ليه لكن كانت عايزه تفهمه انها مش فهمة
داليا: يعنى ايه يا فندم سكرتيرة شخصية...
مراد: يعنى بخصصلك غرفة في فيلتى تعيشى فيها وتبقى مسؤلة عن اكلى وشربى ومواعيدى برة الشركة وسفرى...
داليا: اعيش معاك في الفيلا. ازاى...
مراد: عادى في بنات كتير جم قبلك...
داليا: مستحيل اوافق...
مراد: يبقى اعتبرى نفسك مرفودة...
داليا: مرفودة، لأ لأ خلاص هبتدى امتى...
مراد: اى وقت انتى روحى هاتى كل حاجتك وانا هخليهم يجهزوا الغرفة ليكى ونروح مع بعض عندك بقيت اليوم إجازة.
داليا: حاضر اول ما اخلص هاجى على الشركة...
طبعا داليا كانت عايزه تفهمه انها مش عايزة تترفد ف هيلعب على النقطة ديه...
داليا بتتبدى تخطط الانتقام وال هيساعدها اكتر انا هتعيش مع مراد ف هتعرف عنه كل حاجة بسهولة
وفعلا لمت كل حاجتها وراحت الشركة اخدها وروحوا...
مراد: اتفضلى. دة بقى بيتك...
داليا: متشكرة ل حضرتك...
مراد: غرفتك فوق تعالى اوريهالك...
طبعا مراد بيشتغل اى فرصة أنه يقرب منها لكن هي بتصده...
و ورها غرفتها وحطت حاجتها واتعرفت على عيلته كلهم طيبين جدا ما عدا هو مش عارفة ليه بس مش مهم عندها غير انها تنتقم ل اختها...
كل يوم داليا تقفل عليها بالمفتاح ومراد عمل كل محاولاته وفشل بس مراد الألفى مبيفشلش قرر بدل ما يجبها بمزاجها يجبها غصب عنها بس بالتدريج.
طبعا داليا بتعمل كل دة عشان يوصل للنقطة ديه وكمان عشان تاخد وقت تعرفه كويس وتعرف عنه كل حاجة وفعلا عرفت عنه كل حاجة وعرفت ان اغلى حاجة في حياته هي أخته ليلى ف قررت تحرق قلبه عليها بس لسه شوية...