خيانة حمقاء بقلم حلا الشويكي

قصة خيانة حمقاء الجزء الأول + الثاني + الثالث + الرابع
بقلم_حلا_الشويكي

صعب كتير انك تموت وانت بعدك بتتنفس وصعب كتير اللي قتلك يكون هو اللي كان بالنسبة الك الحياة
بس لعرفكن بحالي بالأول

( انا لارا عمري 22 يا دوبني خلصت بكلوريا وطلعت من المدرسة .. اما عن نسبة الجمال انا مابعرف بس حبيبي بيقلي مافي احلا مني بالدنيا )
اي وكمان رح عرفكن ع حبيبي
( رامي كمان مخلص بكلوريا .. بيشتغل بالديكورات )

قفلنا الخط انا ورفيقتي ميس اخت حبيبي رامي كانت كتير هي وياه رفقات وما كان يخبي عنها شي بس بآخر فترة ما عاد قال لحدا شي عن حياتو ما حد بيعرف ليش

تعرفت على رامي بس كنت زور رفيقتي ميس هو شب كتير وسيم وقلبو طيب وحنون لهيك لفت انتباهي بشدة
بيوم كنت عند ميس زيارة فات رامي ومعو هدية لميس وهي استغربت وبتقلو شو مناسبتها الهديه
حكالها مو لازم اتزكرك بالمناسبات بس انتي اختي ولازم اتزكرك بكل وقت وبدون اي مناسبه
هالحوار دار وانا بتفرج فيهن وصفنت ...
اي اي صفنت بعيلتي اللي ما بشوف منهن شي من هالشي وصفنت بحالي ووحدتي واتطلعت لأول مرة برامي نظرة اعجاب
كتير حبيت حنانو وطيبتو وحبيت ذوقو بالحكي كتير مهضوووم
رامي: كيفك لارا ؟
لارا: اااااااا .. الحمد لله
رامي: اي يارب دايما .. انا رح فوت عغرفتي خدو راحتكن صبايا

بقيت صافنة طول الوقت وصارت الدنيا تمطر وانا بعدني عند ميس

لارا: ولييييي عم تمطر لاااا شلون رح روح على بيتي هلأ
ميس: اي هلأ بشوفلك رامي ازا بيقدر يوصلك
لارا: لا بخاف ينزعج
ميس: هههههه لا حبيبتي عادي

راحت ميس قالت لرامي يوصلني وهو فورا وافق
كتير بيحب ميس وما بيحب يخجلااا

ركبت معو بالسيارة واعتذرت
لارا: اسفه كتير رامي عزبتك معي
رامي: لا ولووو عادي ما فيا عزاب

بقينا ساكتين لوصلنا لأول حارتنا قلتلو حاج لهون يسلمو مشان اهلي
عزبتك معي يسلمو
ونزلت من السيارة ... وبقيت كم يوم مو على بعضي وصرت كتر زياراتي لعند ميس .. وكل مرة اتعمد اسألها سؤال عن رامي او المحو
وبعدين صرت حس انو معجب فيني ..
بيوم كنت بدي استعير فستان من عند ميس وكنت دقلا ما ترد ورحت لبيتا دقيت الباب
فتحلي رامي
رامي: اهلا لارا تفضلي بس ميس مو هون
لارا: اي وينااا بدي ياها ضروري
رامي: طلعت لعند خالي عالمزرعه
لارا: طيب برجع بوقت تاني يسلمو سلام
رامي: لارا تعي شوي
لارا: نعم رامي شوفي؟
رامي: انا معجب فيكي كتييير
لارا: اااا .. ااا... اااه طيب طيب سلام برجع بشوف ميس بعدين
رحت ركض ركض ركض وانا بضحك ومبسوطه كتيير ونسيت قصة الفستان من اساسووو
وصلت البيت شغلت غنية

بعترف قدام عينيك
م النهارده أنا عمري ليك
سبني أحبك يا حبيبي
وأنسى روحي بين أيديك

هو دا اللي حلمت بيه ضحكته نظرة عينيه
يا حبيبي و أنت جنبي تفتكر أنا هعمل إيه
هوا دا اللي حلمت بيه هو دا اللي حلمت بيه

يا حبيب قلبي الوحيد
هات أيديك نبعد بعيد
كل ما عيونك تاخدني
يتولد أحساس جديد

وانا عم اسمعها دق جوالي ..

لارا: الو اي ميس
ميس: اي لك جدبه قال مريتي لعنا عالبيت هلأ خبرني رامي هالشي
لارا: اي كنت بدي استعير فستانك الأحمر الطويل لحفلة بنت خالتي
ميس: اي بكرا مري خديه هلأ بحكي لرامي وين حاطيتو وبيجهزلك ياه مري عالبيت خديه

كانت كل ما تقول اسم رامي قلبي ينط من مكانو
يمكن انا من اول بحبو مو بس معجبة فيه بس كنت ناطرة منو كلمة

رحت تاني يوم لآخد الفستان بس هالمرة ما قدرت اتطلع بوش رامي ابدا
رامي: اهلين لارا هاي الفستان شوفيه هو يلي بدك ياه
لارا: اي اي هو يسلمو سلام
رامي: لك تعييي ... وشدني من ايدي
مافكرتي باللي قلتلك ياه مبارح؟
لارا: ...
رامي: طيب انتي عندك نفس المشاعر؟
لارا: ...
رامي: لك احكي اي شي شبك ساكته شبك
لارا: لك اي اي اي خلص ماشي يلا سلام
ومتل يلي بتهرب من شي حدا صرت اركض بس انا هالمرة من الخجل عملت هيك مو من الفرحه

وصلت البيت وجهزت لعرس بنت خالتي ورحت للكوافيرة ولبست الفستان مع كعب عالي
يعني كل حدا يشوفني يقول شو هالبنت بتجنن ... هههههه هااد كلامن مو كلامي انا

بس الحفلة كانت حفلة خطوبة مختلطه بفيلا خالتي الكبيرة وبتجنن
كانت بنت خالتي بنت عاديه كتير بس مابعرف ليش الكل كان يحبها .. اكيد مشان مصرياتها

بس احزرو مين شفت بالحفلة ... شفت رااامي
لارا: رااامي ! شو جابك لهووون؟
رامي: انا رفيق العريس هههههه شوووو طالعة كتييير حلوة يسلمولي هالعيون
لارا: (خجلت كتير ونزلت راسي بالأرض ) تسلم يارب عيونك الحلوين

الجزء الثاني

بقينا طول الحفلة صفنانين ببعض من بعيد .. واجت رقصة سلو
اجا لعندي رامي
رامي: تسمحيلي افتتح بداية علاقتنا برقصة السلو الحلوة هاي مع احلا اميرة بالكون؟
لارا: بس ...
رامي: ما في بس يلا قومي

انا كنت بدي بصراحه بس بتدلل ههههه مابعرف ليش كنت بتمنى لو مافي حد بكل المكان غيرنا كنت بتمنى ما تخلص الرقصه ابدا
ونحنا بنرقص ما بعرف انا نسيت كلشي وصرت اتطلع بعيونو وهو نفس الشي .. وما كنا نرقص تقريبا كنا حاضنين بعض وشادين كتير بإيدينا على بعض متل كأنو خايفين حد فينا يهرب من التاني
خلصت الرقصه وانا عبالي قلهن ما بدي تخلص خلوها لا تشيلوها ابداااا بدي ضل بحضنو بحجة الرقص
خلصت الرقصه ورجعت لعند اخواتي وبنات خالتي
رنيم: لك لارا مين هاد ؟
لارا: اخو رفيقتي وعرفت انه رفيق العريس
رنيم: بس اخو رفيقتك؟
لارا: اي

رنيم: امي من شوي بس شافتكن عم ترقصو صارت تسألني انو مين هو وليش هيك عم تطلعو ببعض وكيف سمحتيلو يرقص معك .. عم خبرك مشان تعرفي اتدبري اجوبتك قبل م تسألك
لارا: ولا يهمك
اجت امي وصارت تسألني مين هاد
امي: لك لارا والله مارح زعلك بس احكيلي مين هاد؟
لارا: خلص امي بس لنروح عبيتنا بخبرك
خلصت الحفلة ورجعنا عالبيت وماما فاتت لعندي عالغرفة طبعا ماما كانت عرفانه من نظراتنا كلشي بس حابة تسمع مني ههههه
امي: اي عم اسمعك
لارا: هاد والله اخو رفيقتي ميس بس من يومين خبرني انه معجب فيني
امي: وانتي؟
لارا: ...
امي: ههههه خلص فهمت بس ديري بالك من كلشي اوكي ماما؟
لارا: حاضر ي مامتي الحلوة
طلعت امي من الغرفه وانا كنت كتير تعبانه وبدي نام ... بس نوم شووووو هاااد بعد يلي صار بقيت فكر طول الليل بكلشي واتزكر كل نظراتو الي وانفاسو يلي لامست وشي

الصبح ... دق جوالي .. رقم مجهول
لارا: الو
رامي: صباح الورد
انا بس سمعت صوتو انتفضت من تختي
لارا: مين معي؟
رامي: انا رامي
طبعا انا بعرف صوتو بس حبيت غشمن حالي هههههه

لارا: اي اهلين رامي كيفك ؟
رامي: بس سمعت صوتك صرت بخير
لارا: الله يسعدك انا هيك كمان
رامي: شو انتي ههههههه
لارا: ...
رامي: بحبك

بس قال بحبك قفلت الخط فورا مابعرف ليش ههههه بس اول مرة بسمعا بحياتي خجلت كتير

رجع دقلي
رامي: لك وين رحتي؟
لارا: ليكني
رامي: بتحبيني؟
لارا: ...
رامي: احكي
لارا: بعدين بقلك
رامي: رح اتركك براحتك ... ليكي اليوم رح توصل ميس للبيت هي وامي ازا بتحبي تزوريها يعني ههههه
لارا: اي اكيد .. بدي سكر هلأ برجع بدقلك بس شوي

فتت غسلت وشي كتير مشان خفت يكون يلي سمعتو منام هههههه
لعبت رياضة الصباح وافطرت وشغلت فيروز وصرت اتذكر كلشي عم يصير معي
وفرحانه كتير كتيييير
وسمعت فيروز عم تحكي سألتك حبيبي لوين رايحين؟
وقفت الغنية ودقيت لرامي وشغلتا بس رد
رامي: شو عم تسمعي؟
لارا: فيروز
رامي: شو الغنية؟
لارا: سألتك حبيبي لوين رايحين؟
رامي: للجنة ياعمري
لارا: الجنة؟
رامي: اي ... جنة حبنا يا قلبي

انا مابعرف شو عم يصيرلي من كلامو عم دوووب عم حبو اكتر
بس قلي هيك فورا قلتلو بحبك
وسكرت الخط

مارجع دقلي لأنه عرف انه علاقتنا هون بلشت وما بدو يدايقني ابدا
مر شي 5 ساعات ودقلي
رامي: اشتقتلك كتير
لارا: وانا كمان اشتقتلك
وبقينا نحكي شي 3 ساعات وصرنا كل يوم نحكي بالساعات وما نحس
مر شي 6 شهور على علاقتنا وانا صرت روح كل يومين عند ميس وهو بس يشوفني يتطلع فيني ويصفن وحس بعيونو لمعة الحب

اجا اتصال لأمي ..
امي: الو
خالتي: كيفك نهلة ؟ دريتي شو صار مع هالة؟
امي: خير شو صار والله ما دريت؟
خالتي: تركت خطيبها من يومين
امي: يييي يلا كلو نصيب ولا يهمك

بنت خالتي كانت كتير تشوف حالها علينا يعني وضعها المادي كتييير منيح وتعتبر حالها مو من مستوانا

بس رامي كان وضعو المادي كتير منيح كمان ومن عيلة راقية .. يعني بيشتغل بالديكورات تسلية مو حاجه

بيوم عزمني رامي على مطعم فخم كتير
وهنيك شفت بنت خالتي رحت لسلم عليها انا وحبيبي رامي يلي صرت اتباهى فيه قدام الكل

هالة: اهلين لارا شو جابك لهون؟
لارا: عزمني حبيبي رامي يؤبر ألبي
هالة: هاد رامي؟
لارا: اي لكن
ما بعرف ليش بس اتطلعت فيه غرت كتير وسحبتو وقلتلو يلا تعال على طاولتنا
رحنا وقعدنا كنت متدايقه كتير من نظرة هالة لرامي
كنت حبو كتير وغار عليه كتير كمان
رامي: حبيبتي في شي شبك مانك على بعضك؟
لارا: ولا شي بس ما عجبتني نظرة بنت خالتي لألك
رامي: المهم انا بحب احلا بنت بالعالم حبي لارا انتي مافي بعد جمالك ولا نظراتك
كلماتو سحرتني ونستني كل الزعل
وبس تعشينا وبدنا نطلع من المطعم شفت هالة على باب المطعم عم تبكي
قلت لرامي خليك هون ورحت لشوفا
لارا: شبك هالة ؟ فيني ساعدك بشي؟
هالة: خطيبي او قصدي اللي كان خطيبي فبرك صوري وبيهددني ينشرن مقابل مبلغ كبير من المصاري انا مو مشان المصاري بس ليش ليعمل هيك فيني ؟
لارا: هلأ بخلي رامي يحكي معو هو رفيقو اصلا
هالة: اي كرمال الله لا تخلو يأذيني

الجزء الثالث

رحت لرامي وقلتلو كلشي قلي ناديلي ياها بدي اسألها كم سؤال
لارا: شووووو ؟
رامي: مسك ايدي وباسا وقلي مابتوثقي فيني؟
خجلني كتير بهالشغلة وقلتلو طبعا بوثق فيك .. ورحت لناديا
رامي: اهلين هالة .. هلأ احكيلي الصور يلي هددك فيهن مفبركات اكيد؟
هالة: اي والله مفبركات
رامي: طيب كم طلب منك ؟
هالة: لك افهمني انا مو مشان المصاري هو اصلا ما حددلي مبلغ بس رح يضل يهدد ويستغلني وياخد مني مصرياتي وانا مو عاملة شي ليش لأعطيه؟
رامي: معك حق .. هلأ انا بروح بشوفو وبردلك خبر اعطيني رقمك

انا بس قلي ناديلي هالة حسيت انه موضوعها حساس وما بدي احرجا وقفت بعيد بس شفتو طالع جوالو وعم يكتب رقما جن جنوني ورحتلهن
لارا: لشو اعطيتيه رقمك ؟ وانت ليش لتاخدو؟
رامي: يا قلبي انا طلبتو لأني هلأ رايح لخطيبها وبدي ردلها خبر وطمنها للمخلوقه

ما حبيت حسسو انه انا كتير بغار منها مشان ما يصير يركز فيها ويشوف فيها شغلات يحبها اكتر مني

قلتلو اوك

ركبنا بالسيارة وصلني للبيت ومتل العادة عانقني وقلي رح اشتاقلك كتير ونزلت من السيارة

كل هالحكي صار خلال 4 شهور يعني كنا بشهر 1 بس حبينا بعض وهلأ نحنا صرنا بشهر 5
انا ما بعرف شو صار بس اللي عرفتو انه انقذ بنت خالتي من حقارة خطيبها
رحت لعند ميس وكانت ميس طبعا بتعرف بكلشي لأنه كانو رفقات هي ورامي كتير بس ما كانت تسألني مشان ما تحرجني
فتت لعندها وبس قعدت قلتلها وينو رامي ؟
ميس: ...
لارا: ميس انا بعرف انك بتعرفي كلشي بس انا عم دق لرامي من الصبح ماعم يرد لهيك احكيلي وينو

فات رامي عالبيت وانا دمعتي بعيوني بتلمع
وقفت وقلتلو رامي !
رامي: اهلين لارا كيفك؟
لارا: اهلين يا قلبي وينك ما عم ترد؟
رامي تفاجأ كتير اني عم قلو هيك وميس سامعة اتطلع فيها رفعت حواجبها متل انها بتقلو مابعرف شبها المجنونه ههههه
رامي: لك والله نسيت جوالي هون وطلعت اسف ولا تبكي امسحي الدمعة مابحب شوفك هيك
تركتنا ميس وفاتت عغرفتا
لارا: لا تروح مني لا تتركني انا كتير بحبك
رامي: لك وين بدي روح كل الطرق بتجيبني لعندك تعي لحضني
ضمني وشد علي ومسحلي دموعي وقلي انا معك لاتخافي مابتركك
بقينا مع بعض كمان كنا نموت ببعض رغم الفترة القصيرة يلي حبينا بعض فيها بس انا كتير تعلقت فيه وحبيتو يعني ما عاد تخيلت حياتي بدونو
اجا شهر 12 ... رامي ماعاد معي متل الاول صرت لو ابكي قدامو ما يهتم وبدقلو 20 مرة ليرد
رجع تغير من بداية شهر 12 وما عاد حس بلمعة الحب بعيونو ولو شافني عند ميس يحاول يتهرب مني مابعرف ليش هيك صار !
صرنا ب 15/12/2015
رنيتلو شي 30 مرة واخيرا رد
لارا: الو
رامي: هلا
لارا: اي حبي كيفك ؟ متى رح ترجع رامي يلي حبيتو يلي ما بيهون عليه زعلي متى رح ترجع رامي اللي ليل نهار ما بدو يسكر الجوال ولو حتى ما يسمع الا صوت انفاسي؟
رامي: لارا .. انا حضرتلك مفاجأة براس السنة وانتي بتعرفي نحنا بنعمل حفلة كبيرة يعني رح تجي عالحفلة وتشوفي المفاجأة بعينك !
لارا: مفاجأة شو؟
رامي: اسمها مفاجأة شلون خبرك شو هي خلص اصبري
لارا: طيب قلي بحبك
رامي: اجاني تلفون ضروري باي هلأ .. وسكر الخط

دقيت ل ميس لأنه توقعت يكون خبرها

لارا: ميس بيقلي رامي رح يعملي مفاجأه ليلة راس السنة عندك فكرة شي عنها؟ رح يقتلني الفضول هههههه
ميس: لا والله انا اخي كتير بيحب المفاجآت وما بيخبرنا ولا بيخبر حدا عنهن
لارا: ايييي يارب اصبر .. بقيان لسا شي 15 يوم الله يصبرني
ميس: اي الله يصبرك ع اخي كلو مو بس على مفاجآتو ههههههه
لارا: هههههههه اي والله
صار الفضول يقتلني .. معقول بدو يطلب ايدي للزواج ؟ طيب معقول بدو يغنيلي غنية عالمايك قدام الكل ؟ مابعرف شلون رح يراضيني لأنه كتير زعلني بهالشهر ههههه هو كتير رومانسي ما بعرف شو بيطلع منو

ما بعرف شلون مضت ال15 يوم واجا موعد الحفلة كانت من الساعة 6 للساعة 1 بعد نص الليل
رحت للكوافيرة عملت مكياج ولبست فستان قصير ناعم حلو كتير وكعب عالي حاولت كون احلا وحدة بالحفلة مشان مايشوف غيري
رحت للحفلة يلي كانت بفيلا رامي وبقينا انا وميس مع بعض طول الوقت
سمعت صوت رامي عالمايك بيحكي اهلا وسهلا بالجميع .. اول شي بدي قول هابي نيو يير لماما وبابا واختي ميس ولكل الموجودين .. تاني شي في اليوم مفاجأة للكل رح تسعدكم كتير هيك بتوقع يعني ازا بتحبوني كلكم اكيد رح تسعدكم
هون ميس صارت تضحك وتطلع فيني .. بس انا كنت افهم نظراتو وهو اتطلع علينا وعلي انا تحديدا نظرة مافيها حب ولا فيها شوق ولا شي فيها شر ... مو اكتر
راح فات عالفيلا وكانت الحفلة بالجنينة يعني مافي جوا كتير ناس فات جوا وانطفى الضو وصار في صوت غنية سمعتها اول مرة قلي معجب فيني بعترف قدام عينيك !
وبس وصلت الغنية لعند مقطع هوا دا اللي حلمت بيه انضوت الأضوية وكانت الصدمة !
لك هاي مو مفاجأة هاي صدمة لك لك والله حسيت والله كنت خايفه يصير هيك
كان هو و بنت خالتي ! هالة ! لك هااااالة!؟

الجزء الرابع

كنت رح غيب عن الوعي مسكتني ميس وقعدتني عالكرسي ... قعدت ميس جنبي وصارت تبكي
ميس: والله مابعرف انه رح يعمل هيك والله كنت منعتو كنت .. كنت عملت اي شي لو بدي الغي الحفلة كلهااا
لارا: خديني على بيتي ولا قلك بدي رح لعند رامي وهالة باركلن ..
مابعرف شلون قدرت وقف وامسح دموعي وابتسم
ميس: لك تركين انا الي صرفة مع اخي والله مارح اسكتلووو
لارا: خليكي جنبي انا رايحه لعندن
رحت وصلت وبس مسك المحبس يلبسا ياه وقفت بيناتهن بالنص وبعدت ايديهن عن بعض
لارا: انا مو زعلانه منكن ابدا ! بتعرفو ليش؟
رامي وهالة اتطلعو ببعض نظرة استغراب
لارا: انا رح قلكن ليش ... لأنك يا هالة ومن زمان الكل بيعرف انك خبيثة ... وربنا بكتابه قال الخبيثون للخبيثات
اتطلعت برامي ونزلت دمعتي ورجف صوتي
وانت يا رامي بعرف انك خاين ..
وقبل م كمل كلامي رامي صار يبكي وقعد بمكانو عالأرض بس الغريب انه هالة ما اهتمت؟!
قعدت معو عالأرض ومسكت ايدو قلتلو قوم شو في شو صاير ماعمري شفتك بتبكي ليش عم تبكي؟

راح طلب المايك وقف وقال .. قبل ما تصير الساعة 12 رح قول .. انا ما بطيقها لهالة ابدا وهي مابتحبني بس بدها تقاهر البنت يلي حبيتها من قلبي وتفرق بيننا وهي بتكون بنت خالتها
انا يا جماعة بليلة هالبنت طلبت مساعدتي وانا ما رديتها وحاولت ساعدها مو لأي سبب بس لأنها بنت خالة حبيبتي
وبس اتصلت فيها لنتقابل واعطيها صورها يلي خطيبها هددها فيهن قالتلي جيبلي ياهن عالبيت قلتلها شلون اجي وانتي لحالك حكتلي مو لحالي الكل هون بس لاتعطيني الصور قدام حدا
وبالفعل بهدف المساعدة رحت اخدت الصور حطيتهن بظرف جوا ظرف جوا ظرف مشان ما حد يشوفن واخرب بيتها
اتصلت فيها واخدت العنوان وبس وصلت دقيتلا ماردت نزلت ودقيت الباب وفتحتلي وكانت تقريبا مو لابسه شي
وضلت وراي وتحاول اتدخلني للفيلا لغاية ما دخلت وصارت تغريني وانا يا عاااالم انا انسان مو ملاك انا انا انا... انا خنت حبيبتي مع بنت خالتها وحملت مني وانا مشان ما اخرب بيتها كمان كنت رح اخطبها قدامكن كلكن .. بس لما شفت دمعة حبيبتي واتطلعت بالبنت الرخيصة يلي بلا شرف وبس مشان تقهر بنت خالتها تقربت مني قررت اني احكي الحقيقة قدامكن كلكن لرد اعتبار لارا انا ما بدي افضحها كنت بس والله دمعة حبيبتي اغلا من كلشي عندي بالدنيا

انا كنت عم اسمع وما عم افهم شي من الصدمة بس صارت الساعة 12 الا 3 دقائق وقربت تفوت سنة 2016
سمعت رامي عم يقول لارا بتقبلي تسامحيني وتبدي معي صفحة جديدة بالسنة الجديدة؟

انا ما قدرت ... ما قدرت اتحمل انه خانني حتى لو مرة ما قدرت اسامح .. هو مو بس غلط بحقي هو اهان كرامتي هو دفن الحب يلي بيننا بإيديه .. ما تقولو ما كان واعي .. رامي عقلو ما بينام ابدا بس هو خانني .. واللي بيخون مرة بيخون عشرة

لارا: عطيني المايك
رامي: تفضلي
لارا: يا جماعة قبل ما تصير الساعة 12 رح قول لرامي كلمة وحدة
( انت قتلتني مو بس جرحتني ) وانا مستحييييل سامحك لو شو ما تعمل مارح سامحك ...

وصارت الساعة 12 ... طلعت من الفيلا كنت بكل خطوة بخطيها تنزل دمعة بتحرق قلبي .. ليش الخيانة ليييش لييييش
لحقتني ميس وقالتلي لا تتركيني قلتلها انتي رفيقتي مابتركك ما الك ذنب بشي بس تركيني شوي
ماتركتني وصلتني عالبيت خافت يصيرلي شي
ونيمتني بالسرير
فقت الصبح واتطلعت بالجوال لقيت رامي باعتلي مسج لا تتركيني
طالعت الشريحة وكسرتا
وقررت ما عاد بدي ياه لأنه حدا خااااين
قمت من سريري و قعدت على الكرسي وشغلت فيروز وكانت عم تغني سألتك حبيبي لوين رايحين؟
تذكرت بس قلي رايحين عالجنة .. جنة حبنا
ابتسمت ونزلت دمعة على خدي وقلت يكتر خيرك على هيك جنة عيشتني فيها ورب السما ما بسامحك ماااا بسااامحك

خطبت ميس واعتذرت اني اروح خطبتها مشان ما شوف رامي وما عاد زرتهن ابدا ابدا

انا كنت شوف بعيونو الحياة ليش يقتلني ليييش
خانني وبدو ياني سامحوووو
خانني بكامل ارادتو شلووون سامحووووو

انا ما عاد بدي حدا وما عاد اوثق بحدا لأنه اللي كان يعني الي كل العالم ... خذلني

#انتهت