قصص و روايات - قصص هادفة :

رواية سوء اختيار للكاتبة اسماء عبد العظيم الفصل الرابع

رواية سوء اختيار للكاتبة اسماء عبد العظيم كاملة

رواية سوء اختيار للكاتبة اسماء عبد العظيم الفصل الرابع

( هناء ) انا نازله ياماما هتعوزى حاجة ..
( عليه ) لا ياحبيبتى سلامتك ربنا يوفقك فى شغلك ...ومتتأخريش ..
( هناء ) ماشى ...سلام
خرجت هناء متوجه لشغلها الجديد مع عمرو ابن خالتها فى محل الملابس بتاعه ابتدى عمرو يفهم هناء ايه اللى مطلوب منها وان هيكون دورها فى المحل انها تمسك الحسابات الخاصة بالمحل فى غياب عمرو وخاصة انه بيحتاج يسافر علشان يجيب بضاعه وانه محتاج حد امين ويثق فيه ويأتمنه على المحل وكمان انها هتشرف على آيه اللى شغاله فى المحل واللى بتتعامل مع الزبائن بشكل مباشر . هناء مبسوطه بشغلها الجديد ..

فى منزل هشام :-
( هشام ) اميرة ..اميرررررررة .. انتى لسه نايمة
( اميرة ) إيه فى إيه .. بتصحينى ليه
( هشام ) هو ايه اللى بصحيكى ليه الساعة دلوقتى 3 العصر انا روحت الشغل وسايبك نايمة ارجع اقلاقيكى بردوا نايمة ..
( اميرة ) انا تعبانه .. وعاوزة انام ..
( هشام ) يعنى محضرتيش الغدا..
اميرة بترد عليه وهى بتتقلب على جنبها التانى لأ روح كل اى حاجة .. مش قدره اقوم
( هشام ) ليه ان شاء الله .. ده انتى لسه فى الشهور الاولى اومال لما توصلى للتاسع هتنامى لإمتى .. قومى ياهانم اعملى الغدا وروقى بيتك ...
( اميرة ) شوية كده ... وهقوم ..

هشام بيخرج من الاوضه وهو بيضرب كف على كف ... وبيقول لنفسه انا اللى عملت فى نفسى كده .. انا اللى استاهل .. ياريتنى سمعت كلامك ياما ..
بيستمر الحال عدة شهور اميرة مهمله فى بيتها وبتدعى طول التسع اشهر بالتعب المستمر ومبتحاولش انها تهتم ببيتها وجوزها ...
هشام فقد الامل فى اميرة .. وافتكر ان الحال هيصلح بعد ما تولد وكان بيستنى يوم الولاده بفارغ الصبر ....، هناء مستمرة فى شغلها .. واتعودت عليه وأصبح شىء مهم فى حياتها .. وكمان معاملة عمرو ليها بإحترام وده ساعدها على الاستمرار وحب الشغل ....
( اميرة ) اصحى ياهشام انا تعبااااانه ..
( هشام ) ايه هتولدى ولا ايه ؟
( اميرة ) شكلها كده .. قوم نروح المستشفى ...
هشام وناهد ومنار وسعاد فى المستشفى قاعدين مع اميرة وبيفكرواهيسموا المولود ايه
( منار ) ايه ياهشام هتسميه إيه ؟
اميرة مدتش فرصه لهشام يرد قالت انا امه انا اللى هاسميه ( انا هاسميه كريم )
( هشام ) وانا مش ابوه مليش يعنى الحق انى اختار اسم ابنى ؟

( ناهد ) خلاص ياهشام متعملهاش مشكله اسم كريم اسم حلو بردوا .. وياسيدى المرة الجاية ابقى سمى المولود الجاى ...
خرجت اميرة من المستشفى وابتدى شكل جديد للحياة فى منزل هشام كان فاكر ان اهمال اميرة لبيتها هينتهى بمجرد ما تولد وهتبتدى تهتم بيه وببيتها وابنها واللى اكتشفه العكس اهمال اميرة مقتصرش على اهماله له هو بس لأ كمان اهملت ابنها ....
( هشام ) اميرة اصحى مش سامعه كريم بيعيط ...
( اميرة ) وانا اعمل ايه يعنى ما انا رضعته وغيرتله وهو عمال يعيط ... وانا عاوزة انام .. سيبو يعيط شوية وهيسكت ..
( هشام ) ازاى يعنى قومى سكتيه ...
( اميرة ) لأ مش قايمة انا عاوزة انام .. قوم انت ...
هشام يقوم يشيل كريم ويحاول يسكته اكثر من ساعة وهو مستمر فى العياط لغاية ماهشام اتنرفز على اميرة وزعقلها انها تقوم تشوف كريم ماله ....
اميرة تقوم وهى متضررة ... ايه يعنى مش هاين عليك تشيله شوية وتسكته ....هو مكتوب عليا انا بس ... ايه القرف ده ...

فى منزل ناهد :
( ناهد ) مالك ياهشام
( هشام ) هيكون مالى يعنى ياماما .. مخنوق وقرفان ...
( ناهد ) من ايه يابنى ...
( هشام ) من اميرة ياماما معندش قادر اعيش معاها .. اهمال فى كل حاجة اهمال ليا ولكريم وللبيت ..مش قادر استحمل .. تعرفى ياماما انه لولا كريم انا كنت طلقتها ...
( ناهد ) يابنى حاول تتكلم معاها وتتناقشوا وتصلحوا الامور بينكم ... مينفعش كده ...
حاول يابنى على قد ماتقدر خراب البيوت مش بالساهل .....
( هشام ) هحااااااااااااول ............... مع انى متأكد ان مفيش فايده ...


فى منزل ناهد :
( ناهد ) هشام منار اختك متقدم لها عريس .. عاوزاك تقابله
( هشام ) مين ياماما ..
( ناهد ) محمد جارنا انت عارفه اللى شغال محاسب فى السعودية .. والدته جاتلى وطلبت منى تحدد ميعاد علشان يجوا
( هشام ) ماشى ياماما .. ربنا يكتب لها الخير .. انتى قولتى لمنار
( ناهد ) ايوه قولتلها ..
بتدخل ناهد على منار اوضتها ..
( ناهد ) منار انتى هتروحى الجامعه بكره ..
( منار ) ايوه ياماما ..

( ناهد ) بس الجماعه هيجوا بكره ...
( منار ) ماشى مفيش مشكله انا هحضر محاضرة مهمه وهاجى على طول ..
( ناهد ) ماشى بس متتأخريش .. آه بالحق عاوزاكى تروحى تشترى طقم حلو كده ليكى علشان تقابلى محمد بيه ..
( منار ) ماشى ياماما .. حاضر
تانى يوم بتخرج منار من الجامعة وبتتوجه لأقرب محل امام الجامعه علشان تشترى الطقم اللى هتلبسه النهارده ... وبعد ماإشترت طقم ليها وخرجت من المحل لاقت محل ملابس اطفال فكرت تشترى طقم حلو لكريم ...

بتدخل المحل ..
( منار ) السلام عليكم
( هناء ) وعليكم السلام ...
( منار ) لو سمحتى انا عاوزة طقم حلو لطفل عنده ست شهور
( هناء ) طب اتفضلى هناك الآنسة اللى هناك دى هتساعدك ..
بتروح منار لآيه وبتطلب منها انها تختار ليها طقم لكريم ....
( آيه ) طب حضرتك اختارى اللى انتى عاوزاه وحددى المقاس وانا هجيبه لحضرتك ..
( منار ) طب ممكن تساعدينى اصلى الطقم ده مش لإبنى ده لإبن اخويا وانا بصراحة مش عارفه اجيب له ايه مناسب ؟..
( آيه ) حضرتك فى زباين تانية فى المحل وانا مش فاضية ممكن تدورى انتى بنفسك على المناسب ... عن إذنك
بترفع هناء راسها .. بتلاقى منار واقفة مش عارفه تعمل ايه بتقرب هناء من منار وبتقولها
( هناء ) اقدر اساعدك بإيه ...
( منار ) انا عاوزة طقم لطفل عنده ست شهور .. ومش عارفه اختار ايه ..

( هناء ) لإبنك ؟
( منار ) لأ ... لإبن اخويا .. انا مش متزوجة ... انا لسه فى الجامعه
( هناء ) فى كليه إيه بقا ؟
( منار ) فى كلية تجارة
( هناء ) انا كمان خريجة تجارة .. بس سبقتك بقا بكام سنه ... انتى اسمك ايه ؟
( منار ) اسمى منار وإنتى
( هناء ) انا هناء
بتختار هناء مع منار طقم حلو لكريم وبعدين منار بتشكر هناء جدا انها ساعدتها وهناء بتبتسم لها وبتقولها اتمنى اشوفك تانى ومنار ترد عليها وتقولها بإذن هتشوفينى كثير .. وبتمشى منار تروح على البيت وبتفرج الطقم اللى جابته لناهد وناهد عجبها الطقم ولما هشام رجع من الشغل منار ادت الطقم لهشام ...

فى منزل هشام :
( هشام ) شوفتى ده ؟
( اميرة) ايه ده ؟ مين اللى جابه ؟
( هشام ) ده طقم منار اشترته لكريم النهارده .. شكله حلو ..صح
اميرة بترد على هشام برخامه آآآآه ياما جاب الغراب لأمه
( هشام ) ماتحترمى نفسك بقا .. انا صابر عليكى .. وانتى مفيش فايده .. انتى مش هترتاحى الا لما اطلقك ..
اميرة حست انها تجاوزت بالكلام وان فعلا هشام ممكن يطلقها ... حبت تمتص غضبه
( اميرة ) وهى بتقرب من هشام وبصوت دافىء تطلقنى ياهشام ... اهون عليك بردوا انا وكريم نعيش بعيد عنك ...
هشام بيضعف اودامها .. طب بلاش تتكلمى كده على اهلى وخصوصا انهم مبيعملوش فيكى حاجة وحشه ..
( اميرة ) حاضر ياحبيبى .......

فى يوم الخطوبه :
تمت خطبة منار ومحمد وحددوا ميعاد الفرح بعد اربع شهور
اميرة فى اوضتها وعماله تفكر فى جوازة منار واللى هى شايفاها جوازة حلوة وبتقارن مابين المستوى المادى لخطيب منار وبين هشام
( هشام ) ساكته كده ليه يااميرة فى حاجة
( اميرة ) شوفت الجوازة .. اختك دى حظها ناااار .. اهى دى الجوازات ولا بلاش
( هشام ) انتى بتقولى ايه .. انتى بتحسدى اختى كده عينى عينك ...
( اميرة ) لأ انا مش بحسدها ... انا بتحسر على حظى المهبب ...
( هشام ) حظك مهبب ليه ان شاء الله .. ايه اللى ناقصك ..

(اميرة ) كل حاجة نقصانى .. انا مش حاسة انى متجوزة .. انا حاسة انى فى سجن
( هشام ) بغضب سجن ، بقى انتى شايفه ان عيشتك معايا سجن ،كل اللى بعمله ليكى علشان ارضيكى وتقوليلى معيشك فى سجن ، استحملت تسلطك وكذبك وتطاولك عليا وعلى امى وتقوليلى سجن ، انتى مفيش فايده فيكى ،اقولك ..... وعلى ايه ياهانم انا ممكن احررك من السجن ده ... انتى طالق يااميرة ...
( اميرة ) بصدمه ... طلقتنى ياهشام ...

وبسرعه دخلت اوضتها ولمت هدومها وهدوم كريم وخرجت وهى شايله كريم ومعاها شنطتها .. وفتحت الباب..
( هشام )اميرة .... عاوزة تخرجى اخرجى لوحدك انما ابنى مش هسيبه لجوز امك يربيه
( اميرة ) صرخت .. لو مسبتنيش امشى ..هصوت وافضحك .. سيبنيييييي....

الآراء والتعليقات على القصة
أفضل القصص و الروايات حسب الأكثر قراءة: