قصص و روايات - قصص رومانسية :

رواية حب رغم الصعاب للكاتبة دعاء سالم الفصل الثامن

رواية حب رغم الصعاب للكاتبة دعاء سالم كاملة

رواية حب رغم الصعاب للكاتبة دعاء سالم الفصل الثامن

وقفنا البارت الى فات على الشخص وهو بيضرب نار على ايلين يالا نكمل

فى مصر فى عائله الصياد قاعد ساره بترسم دخل عليها رافت

رافت: عامله ايه يا حبيبتى

ساره وهى بتبص ليه: الحمد الله تمام يا بابا

رافت: بتعملى ايه بقا

ساره وهى بتبص للوحه: عادى برسم

رافت وهو بيبص للوحه باعجاب شديد: بسم الله ماشاء الله رسمك حلو اووووى يا ساره

ساره: لا لا لا كده اتكسف ههههههه

رافت: ده واحده عندها 27 سنه

ساره: ولا سبع سنين حتى يا بابا

رافت: الحمد الله انك عارفه

ساره: هو ادهم لسه مش بيكلمكوا

رافت والحزن فى عنيه: ربنا يهديك يا حبيبى ويلين قلبه علينا

ساره: لا متخافش يا بابا ادهم هيرجع ده مهما كان ابنك

رافت: يارب يا ساره يارب

ساره: معلش استاذن انا بقا عشان عندى مشورا مهم

رافت بتسال: رايحه فين

ساره وهى مرتبكه: لا ابدا هقابل صحابى اصل ليا فتره مشفتهاش

رافت: تمام يابنتى

ساره: سلام يا بابا

مشيت ساره واحت مشورها

عند حازم فى البيت

امينه: لسه برده يابنى عايز تاخد شقه لوحدك

حازم: اه يا ماما انا خلاص كبرت وعايز استقر بقا

امينه: طب هتسبنا وحدنا كده

حازم: لا طبعا يا ماما انا هاجى ازوركم على طول

امينه: الى يريحك يابنى

حازم: ادعيلى بقا يا امى اتقبل فى الوظيفه ده

امينه: يارب يا حبيبى

ونزل حازم متجه لشركه الصياد عشان يقدم على الوظيفه

نزلت ساره وكانت خايفه جداااا بس حاولت تشجع نفسها

نزلت وركبت عربيتها متجه لشركه الشافعى وصلت لحد الشركه ونزلت ودخلت

ساره: السلام عليكم

السكرتيره: وعليكم السلام

ساره: كنت عايزه اقابل مستر وليد

السكرتيره: عندك معاد مع حضرته يا فندم

ساره: قوليله ساره وهو هيفهم

السكرتيره: تمام حضرتك

اتصلت السكرتيره بوليد وقالته ان فى واحده عايزه تقابله اسمها ساره

وليد: دخليها بسرعه

السكرتيره: حاضر يا فندم اتفضلى المستر بانتظارك

دخلت السكرتيره ساره لوليد

وليد: اهلا الهلا بساره الصياد كنت متاكد انك هتيجيلى

بصت ليه ساره بعصبيه: جيت غصب عنى يا وليد باشا

فى شرم الشيخ عند الشباب والبنات

قبل ما الراجل يضرب النار بشويه يارا كانت واقفه

مع ريم على البحر شافت ايلين مع ليلى حبت تمشى

تتعرف على ايلين عشان هى معتقده انها حبيبته ادم

(غبيه يا يارا مش هى ده احم احم يالا نرجع)

استاذنت يارا من ريم مشيت ناحيه ايلين ووصلت لحد عنها

ووقفت قدامها فى نفس الحظه الى الى اياد جيه وتزها على الارض عشان تبعد

عن الرصاصه بس للاسف الرصاصه جات فى كتفه هو ووقع اياد مع يارا على الارض

ايلين: ايااااااااااااد وجريت على اخوها

ايلين: اياد انت كويس

اياد وهو بيتالم: ااااه اه كويس الرصاصه جت فى كتفى

يارا: بص انت لازم تقوم معانا علشان تطلع الرصاصه

اياد بص ليها وابتسم: تمام قام اياد مع ايلين وليلى ويارا وسلمى لما عرفت مشيت معاهم

ومشيوا المستشفى القريبه منهم وطلعوا الرصاصه وخيطوا الجرح

الدكتور: جت سليمه الحمد الله بس لازم راحه وكتتحركش كتير تمام

اياد: تمام يا دكتور

طلع الدكتور من عند اياد ووصل الشباب ومعاهم ريم بعد ما عرفوا المستشفى

ادم وهو بيجرى على اخته: يارا انتى كويسه

يارا وهى بتحاول تهديه: انا كويسه يا ادم الرصاصه مجتش فيا

جاسر: ازاى يعنى

يارا:اياد رمانى على الارض والرصاصه جت فيه هو

ادم: اياد مين

يارا وهى بتغمزله وبصوت هامس: اخو حبيبت القلب

ادم باستغراب: بس ليلى معندهاش اخوات

يارا: ليلى؟ ليلى مين مش هى ايلين

ادم: لا يا غبيه ايلين ده تبقا صاحبتها

يارا: وانا منت فاكراها هيا

ادهم: بتتكلموا فى ايه بصوت واطى كده

يارا: لا عادى

ادهم: طب يالا ندخل لاياد

دخلة الشباب لاياد وكانوا البنات جوه

ادم: حمد الله على السلامه يا اياد

اياد: الله يسلمك

ادهم: بجد مش عارف اشكرك ازاى يارا ده تعتبر اختى

اياد: لا شكر ولا حاجه والصراحه الرصاصه مكنتش قاصده يارا

جاسر: امال كانت قاصده مين

اياد: كانت قاصده ايلين

ايلين وهى مصدومه: كانت قصدانى انا ازاى وليه

عند ساره ووليد فى الشركه

وليد: معلش المره الجايه يبقا تيجى برضاكى

ساره: انجز يا وليد وادينى الرسومات علشان امشى

وليد:الرسومات ده هتمشى المسابقه

ساره: اه تمشى باسم حد غيرى ويبقا تعب الشهور كله ضاع

لا يا وليد مش هسمحلك وعلى فكره انا لو قلت لبابا او ادهم

هينصفوك من وش الارض بس انا مبحبش د يحل مشاكلى غيرى فاهم

وليد:خلاص توافقى على شروطى

ساره: مش لما اعرف ايه هى الاول علشان اوافق عليها

وليد: لا شاطره اسمعى بقا يا حبيبتى

ساره وهى بتبص ليه بخنقه: اخلص يا وليد وقول عايز ايه

رجع وليد ضهر لوراء واتسند على الكرسى وبكل برود اتكلم

وليد: تتجوزينى

وقفت ساره مصدومه اثوانى وبعد كده فاقت من صدمتها

ساره: ايه اتجوزك انت

 

ساره وهى مصدومه: انت اكيد اتجننت

وليد وهو بيضحك: لا يا حبيبتى متجننتش ولو موفقتيش رسوماتك هتمشى المسابقه باسم حد غيرك

ساره: اكبر ما فى خيلك اعمله وانا مش هسكت يا ةليد باشا مش هسكت

وليد وهو بيحاول يعصبها: مع السلامه يا مراتى المستقبليه

بصت ليه ساره بغضب الدنيا كله وطلعت من الشركه

قعدت تتمشى لحد ما وصلت للبحر قعدت تبكى وتعيط وتسال نفسها هى ليه بيحصل فيها كده

فجاه لقت حد مدلها منديل بصت ليه

الشخص: على فكره مفيش حاجه تستاهلى تزعلى عليها كل حاجه وليها حل

اخدت ساره المنديل منه وسكتت

الشخص: ممكن اقعد

بعدت ساره وسابت ليه مكان قعد الشخص جمبها

ساره: بس ساعات البكى بيريح القلب

الشخص: لا طبعا البكى والعياط دول اكبر عدو لينا مينفعش

نخليه يتغلب علينا مفرود نحاربه استنى هعلمك ازاى

بصى اول حاجه لما تلقيه جاى عليكى اضربيه بالبكس وقعد يعمل حركات فى الهواء بايده

ساره ضحكت على حركاته

الشخص: ايوه كده اضحكى وخليكى الفرح يدخل قلبك

ساره: شكرا اوووووووى لحضرتك

الشخص: لا شكر ولا حاجه بس اوعى تنسى بالبكس

ساره وهى بتضحك: لا مش هنسى وعملت نفس الحركه فى الهواء

الشخص: ايوه كده اسيبك بقا علشان عندى مقابله شغل ادعيلى اتقبل

ساره: يارب مشى الشخص وساب ساره لوحدها

ساره: انا نسيت اساله اسمه ايه يالا مش مهم كده كده مش هشوفه تانى

عند الشباب والبنات فى المستشفى ايلين لسه واقفه مصدومه

ايلين: طب ليه

اياد وهو بياخد نفس: انا هحكيلك كل حاجه

فى شحنه مخدارات داخله البلد ومع تحريتنا عرفنا ان يحى الشرقاوى هو الى مسئول على الشحنه ده

ادهم اول ما سمع اسم الشرقاوى جت فى باله صوره سلمى وهى مدبوحه: الشرقاوى

اياد: اه هو انت تعرفه

ادهم وعينه كلها حقد والم: اه اعرفه وعز المعرفه كمان

محدش كان فاهم ادهم الى ادم وجاسر صحابه بصو ليه بحزن وحسره وسكتوا

ليلى: كمل يا اياد

اياد: المهم احنا عرفنا فالرئيس بتاعنا كلفنى انا وكام واحد من صابى بالمهمه ده

والشرقاوى لما عرف حب يئذينى انا وصحابى وانا كنت عارف انه ممكن يائذينى

باى حد بحبه وبص لايلين: علشان كده اصريت انى اطلع معاكى الرحله

ايلين: طب ليه العذاب ده كله يا اياد

اياد: علشان بلدى يا ايلين انتى عارفه لو الشحنه ده دخلت البلد

واتوزعت فى كام شاب ممكن يضيع من الهباب ده وكام اسره هتدمر

لما تشوف ابنها بالحاله ده انا لازم امنعه حتى لو كان التمن حياتى

ايلين وهى بتجرى على حضنه: متقولش كده يا اياد

اياد بالم: ايا يابنتى حاسبى ومتخفيش الى كاتبه ربنا هيكون

ايلين: ونعم بالله

اياد بص لايلين: انا عايز اطلع

سلمى: بس مفرود تقعد كام يوم تانى

اياد: لا مش هقعد هنا

ايلين عارفه انى اخوها عنيد جدااا

ادهم: طب احنا هنمشى ناخد اذن خروج ونيجى وحمدالله على سلامتك

اياد: الله يسلمك

طلع ادهم وادم وجاسر وفضلوا البنات مع ريم ويارا

يارا كانت خايفه عليه جداااا وقلبها وجعها لما حست انه ممكن تحصله حاجه

يارا: حمدالله على سلامتك يا استاذ اياد

اياد: الله يسلمك بس بلاش استاذ ديه

يارا بصت ليه وابتسمت

قعدوا البنات مع اياد ويارا وريم يتكلموا ويهزرا وحبوا وريم ويارا جدااا وبقوا صحابهم

خرجوا الشباب مع البنات واياد ووصلوا الفندق

ايلين: طب احنا هنرجه بكره يا اياد

اياد بسرعه: لا يا ايلين احنا هنفضل هنا انا كويس

ايلين: لا يا اياد انت كده هتتعب

اياد: انا قولت مفيش رجوع يعنى مفيش رجوع

ايلين بخيبه امل: تمام برحتك بس هتستريح ومش هتتحرك كتير

اياد: تمام يا ايلين

عند: ادهم رجع الاوضه وغير ودخل علشان ينام بس حلم بحلم عجيب لقا نفسه في اوضه ومقفول عليه الباب

بس الاوضه كان شكلها حلووو جداااا بص علي الباب لقا بيتفتح و دخلت منه سلمي

ادهم وهو فرحان : سلمي حبيبتي انتي كويسه

سلمي : كويسه يا ادهم ومبسوطه اوووي

ادهم : بس انا مش مبسوط انا عايز اجيلك

سلمي وهي مبتسمه : لا يا ادهم انت خالص لقيت الي تحبها ولازم تنساني

ادهم : بس انا مش عايز انساكي يا سملي

سلمي : يا حبيبي انت لما تبقي مبسوط انا هبقي مبسوطه

ادهم : لا انا مش هسيبك

سلمي : ادهم انتي خلاص حبيت ولازم تنساني ومشيت سلمي وفتحت الباب علي اخره انتي دلوقتي حر يا ادهم

انت مش سجين عندي ومشيت بص ادهم وراء لقا نور موجود بص لقا سلمي واقفه ولبسه فستان ابيض وشكله حلوووو اوووي

صحي ادهم من حلمه وحس براه رهيبه

عند ليلي نزلت تتمشي علي البحر شويه علشان مش عارفه تنام

شافها ادم من اوضه فنزل بسرعه ليها وصل لحد عندها لقا بترسم علي الارض

بص لقا قلب

ادم : ومين الي واخد عقلك وبترسمي قلبه

ليلي بخضه : ادم خضتني انت جيت امته

ادم : من شويه كده ممكن اقعد

ليلي : اكيد قعد ادم وفضلو شويه ساكتين

ادم: والله مش قادر اشبع من كلامك بسم الله مشاء الله

ليلي وهي بتضحك : عايزني اقول ايه يعني

ادم : اي حاجه احكيلي عن نفسك

ليلي : ماشي يا سيدي انا ليلي عبد الوهاب عندي 20 سنع عايشه مع ماما وبابا متوفي

بص ليها ادم كتيير فهي اتكسفت من بصته

ليلي : هو انت بتبص كده ليه

ادم: ليلي انا بحبك

ليلي وهي مصدومه : ايه بتحبني

الآراء والتعليقات على القصة
أفضل القصص و الروايات حسب الأكثر قراءة: