رواية حب رغم الصعاب للكاتبة دعاء سالم الفصل الثالث
وقفنا البارت الى فات على انا ساره هترجع مصر يالا نكمل
رجعت ليلى من الكليه وهى تعبانه جدااااا
امينه: حمد الله على سلامتك يا حبيبتى
ليلى: الله يسلمك يا ماما
امينه: ادخلى غيرى لحد ما احط الاكل
ليلى: لا يا ماما انا جعانه نوم هدخل انام
امينه: ماشى يا حبيبتى على راحتك
دخلت ليلى اوضتها ونامت على السرير وقبل ما تنام رن الفون بتعاها
ليلى: الرقم غريب انا مش هرد احسن
سابت الفون ورجعت تنام تانى بس الفون رن تانى اخدته ليلى لقته نفس الرقم ففتحت الخط
ليلى: السلام عليكوا
الشخص: ازيك يا ليلى وحشتنى اوووووى
قعدت ليلى مش حاسه مش حاسه بنفسها ده نفس الصوت لالالا مش ممكن
عدى شريط حياتها قدام عنيها ليلى وهى يا دوب قادره تاخد نفسها: انت مين
الشخص: لا ازعل منككده يا لولو ازاى مش عارفنى
ليلى: مش ممكن تكون انت مستحيييل
الشخص: لا هو انا يا حبيبتى ومتفكريش تقفلى الفون عشان هقدر اوصلك بكذه طريقه
ليلى وهىخلاص مش قادره تتنفس والكلام بيطلع منها بالعافيه بسبب الخوف: انت عايز ايه
الشخص: عايزك انتى
ليلى مستحيييل
الشخص: تؤ تؤ تؤ تؤ تؤ تؤ انتى هتبقى ليا سوى بمزاجك او غصب عنك سلام دلوقتى يا مراتى المستقبليه وقفل الفون
قعدت ليلى وهى مش مستوعبه الى حصل ازاى وصل لرقم تلفونها وايه الى فكره بيها
نامت ليلى وضمت رجليها لصدرها واخدت وضعيه الجنين وحاولت تنام عشان تهرب من واقعها الاليم لاحلامها الجميله
رجعت ايلين من الجامعه: ماما يا ماما انا جيت
محمد ابوى ايلين وطي صوتك يازفته ايلين وهي باصه في الارض اسفه يابابا مكنش قصدي
محمد: ايه اللي اخرك المفروض ترجعي من ساعه
ايلين وهي باصه في الارض: اصل قعدت مع اصحابي شويه
محمد: مش انا قولتلك تقطعي علاقتك بيهم
ايلين رفعت عنيها بسرعه ليه: لا يابابا مقدرش دول صحابي ازاي اقطع علاقتي بيهم
محمد: انتي بتجادليني
ايلين: لا يابابا دي حياتي انا ودول صحابي انا
محمد وعينه احمرت من العصبيه: بلا حياتك بلا زفت انتي تخلصي كليتك وتقعدي في البيت ولما اشوف هتشوفيهم ازاي
ايلين وصوتها عيلي: لا ياباباسبق واتكلمت في الموضوع دا انا هشتغل بشهدتي اصل انا مش واخداها علشان اعلقها علي الح...
مكملتش ايلين كلمتها واتفجات بايد بتنزل علي وشها فضلت ثواني مش مستوعبه وبعد كده بصت لباباها
محمد: انتي بتعلي صوتك عليا شكلك عايزه تتربي من الاول وجديد وانا اللي هربيكي ادخلي اوضتك ومفيش جامعه بكره يلا
دخلت ايلين اوضتها وفضلت تعيط هي مش اول مره باباها يضربها عمرها محست انو بيحبها ابدا ديما حاسه انو بيكرها
دخلت اومها ليها سعاد: معلش يابنتي انا مش عارفه هو ليه بيعمل كده معلش سمحي دا مهما كان ابوكي
ايلين وهي في حضن مامتها: والله ياماما انا مش عارفه هو ليه ضربني انا معملتش حاجه ولا غلط وذات في بوكائها
سعاد: معلش ياحبيبتي معلش وبعدين انا مش متوعده اشوفك كده طب انتي عارفه انا عامله ايه النهارده
ايلين وهي بتمسح دموعها بكف ايديها زي الاطفال: ايه
سعاد: مكرونه بشاميل
ايلين واتغيرت ملامح وشها من الحزن للفرح: لا اذا كان كده انا هطلع اكول قبل مالبقف تاني يخلصها
سعاد وهي بتضحك علي كلام بنتها: بقف ههههههه طب والله لو سمعك ليموتك
ايلين: ولا يقدر يعمل حاجه
اياد: هو مين اللي بقف
ايلين وهي بتبلع رقها: حبيبي داانا لسه كنت بقول لماما انو ايدو حبيبي وحشني
اياد: اها ماانا سمعتك علي فكره
ايلين وهي بتضحك: قلبك ابيض ياايدوا ماانت عارف اختك هبله
اياد:هههههه ماانا علشان عارف انها هبله فصابر عليها
ايلين وهي بتجري وبترمي نفسها في حضنه: بس بجد وشتني ياايدوا
اياد وهو بيحضنها: انتي اكتر ياايلي
ايلين: يبقا متتاخرش علينا في المامورات تاني
اياد: حاضر ياحبيبتي
ايلين وفاجاه بعدت عن حضنه وجريت علي المطبخ:معلش ياايدو مش وقت رومانسيه وحنان دلوقتي خالص المكرونه تزعل
اياد: والله العظيم مجنونه بس بحبك
ايلين بصوت عالي وهي في المطبخ:وانا كمان بحبك ياايدو
ياترا ليه ابو ايلين بيعملها كده ؟
وليلي هتعمل ايه في الشخص دا؟
كل دا هنعرفه البارت اللي جاي
وقفنا البارت الى فات على معامله ابو ايلين ليها يالا نكمل
فى مكان اول مره نمشيه ووقفت عربيه كبيره جداااا قدام قصر عائله الصياد نزل شخص باين عليه الوقار والطيبه من العربيه
دخل جو البيت وطلع الاوضه فوق وفتح الباب لقى ست كبيره باين عليها الجمال والرقه قاعده وحضنه صوره
رافت وهو بيدخل الاوضه: كل يوم كده يا فريال ده ليه 3 سنين مكلمناش
فريال والدموع مليانه عيونها: وحشنى وحشنى اووووووى يا رافت نفسى اشوفه واخده فى حضنى
رافت وهو بيحاول يهديها: بان الله هيرجه يا فريال ادهم قلبه طيب وهيسامحنى
برغم انى عارف انى ذنبى كبير اااوى بس والله مكنتش اعرف ان ده هيحصل
فريال وهى بتمسح دموعها: عارفه يا رافت ومصدقه كل كلامك بس هو مش هيرجع ده بقاله 3 سنين بعيد عنى
رافت: هيرجع باذن الله هيرجع
رافت وهو بيعدل قعدته: على فكره انا عندى ليكى خبر حلو
فريال وهى بتبص ليه: ايه هو
رافت: ساره راجعه مصر كمان 3 اسابيع
فريال والفرحه ملت وشها: بجد اخيرااا وحشتنى اوووووى انا ليه سنه مشفتهاش
رافت: معلش بقا بنتك دماغه ناشفه وصممت تدرس وتشتغل بره
فريال: عندك حق المهم انها راجعه
رافت: اه راجعه هى كلمتنى وقالتى
فريال: طب تمام
رافت وهو بيحضنها: متخافيش ادهم هيرجع بس محتاج شويه وقت
فريال وهى فى ضنه يا رب يا رافت يا رب
فى بيت محمد عمران ابو ايلين
كان قاعد وبيقراء فى الجرنان دخلت عليه مراته
سعاد: القهو يا محمد
محمد: تسلم ايدك تعالى يا سعاد عايزك فى موضوع
سعاد: خير يا محمد
محمد: كل خير باذن الله فى عريس متقدم لايلين
سعاد: انت عارف بنتك مش هتوافق وهتقولك لما اكمل الجامعه
محمد: مانا رفضه بس كلميها وقوليليها انها بعد ما تخلص هتجوز على طول
سعاد: انت ليه كده يا محمد
محمد باستغراب: كده ازاى يعنى
سعاد: ديما قاسى عليها ودلوقتى عايز تتجوزها عشان تخلص منها
مش ذنبها انها طلعت شبه عمتها يا محمد واطمن ايلين عمرها ما هتبقى زى عمتها
هى اه ممكن شبها فى الشكل والتصرفات بس عمرها ما هتعمل الى عملته عمتها
محمد بعصبيه: وانت ايش عرفك انا لما بشوف ايلين بتذكر صفيه ببقا عايز اقوم اموتها
عشان متهربش مع حبيبها وتجيب لينا العار زى عمتها
انتى عارفه انا لحد دلوقتى بمشى ومنزل عنى فى الارض بسبب عمايل صفيه
وخايف ايلين تعمل عملتها بس لو عملتها انا سعتها هقتلها بايدى
سعاد: مش هقول غير ربنا يهديك يا محمد عشان انا تعبت من انى اتكلم فى الموضوع ده
انا قايمه اشوف بنتى يا محمد
محمد: يبقى متنسيش تقوليلها
سعاد: باذن الله
عند ايلين كانت قاعده فى اوضتها وبتسمع اغانى دخلت عليها مامتها
سعاد: ايلين قومى اغسلى المواعين
ايلين مش سامعه ماتها بسبب السماعات: ايلين قومى مردتش انتى يا زفته
ايلين وهى بتشيل السماعات: نعم يا ماما فى ايه اهدى
سعاد: ماشى ياختى هديت قومى اغسلى المواعين
ايلين: هى المواعين ده ايه مش بتخلص تكنش بتولد وانا معرفش
سعاد وهى بتضربها على دماغها: طب قومى يا اخرت صبرى
ايلين: حاضر اسمه الاغنيه ده وهقو... مكملتش كلمتها ولقت الشبشب فى وشها على طول
ايلين: هى فين المواعين ده لا لا ده لازم تتغسل وبصت لمامتها مش تقولى يا ماما ولا لازم افكرك يعنى وجريت على المطبخ
قعدت سعاد تضحك على بنتها وبتدعى ربنا يسعدها فى حياتها
ليلى قاعد بتاكل هى ومامتها على السفره
امينه: ليلى كنت عيزاكى فى موضوع كده
ليلى وهى مش باصه لمامتها وبتاكل: خير يا ماما
امينه وهى بتبلع ريقها: متقدملك عريس
قعدت ليلى ثوانى مش مسدوعبه الكلام وبصت لمامتها فجاه: ايه متقدملى عريس
امينه: اه يا بنتى وراجل محترم وابن حلال
ليلى وهى مصدومه: مستحييييل يا ماما انا قولتلك قبل كده انى مش هتجوز
امينه وهى بتحاول تقنعها: ليه بس يا بنتى هتقعدى معابا على طول يعنى
ليلى: لو انا تقيله عليكى اووووى كده انا من بكره اسيبلك البيت وامشى اما جواز مش هتجوز
امينه: يا بنتى انا مش قصدى
ليلى: قصدك بقا ولا مش قصدك ده اخر كلام عندى وسابتها ودخلت اوضتها
امينه: ربنا يهديكى يا حبيبتى ويريح بالك
ادم قاعد فى اوضه وبيفكر فى ادهم وانه لو كان مكانه كان ممكن يسامح ابوه
مقدرش يجاوب نفسه لان الاجابه كانت صعبه اووووى
وفجاه جات فى باله ام عيون زرقه هو مش عارف اسمها حتى
بس هى شاغله كل تفكيره قرر انه يكلمها بكره ويتعرف عليها
فاق من افكاره على طرق الباب ادم: ادخل
دخلت اخدته وقعدت قدامه
يارا: مش ناوى تحكيلى مين الى شاغل بالك برضه
ادم وهو بيبص لاخته عارف انها عنيده ومش هتسيبه غير لما تعرف
ادم: هقولك وامرى لله
يارا وهى بتبص ليه بفضول: قول قول
ادم وهو بيضحك على اخته: اهدى هقول اهوى
يارا: اخلص يالا
ادم: ده يا ستى واحده شوفتها فى الجامعه وشكلى كده معجب بيها
يارا بفضول اكتر: طب اسمها ايه
ادم: معرفش
يارا: نعم ياخويا ازاى متعرفش
ادم: اصل انا شوفتها مره واحده بس
يارا: طب هتعمل ايه
ادم: معرفش
يارا: هو انت واخد دكتوراه فى معرفش فى ايه يا ادم
ادم: والله معرفش بس انا هكلمها بكره
يارا: يالا ربنا معاك
يارا عنيها اتملت بالدموع
ادم وهو قلقان: فى ايه يا يارا مالك
يارا وهى بتمسح دموعها: لا ابدا بس افتكرت بابا وماما كانوا هيفرحوا اوووووى علشانك
ادم وهو بيحضنها: مش عايز اشوف دموعك ده تانى سامعه
وغير كده بابا وماما راحوا للى احسن منك ومنى
يارا: ونعم بالله بس هما وحشونى اوووووى
ادم وهو بيبعدها عن حضنه وبيبص لوشها: ووحشونى انا كمان بس ده اراضه ربنا ادعلهم يا يارا هما محتاجين لدعاكى اووووى
يارا: بدعلهم يا ادم والله
ادم: ايو كده ده يارا الى اعرفها
يارا: ربنا يخليك ليا يا احن اخ فى العلم ده كله
ادم: ويخليكى ليا يا لورا
رافت قاعد فى اوضه وبيتذكر الى حصل معاه من 3 سنين
فلاااااااش باك
كان قاعد فى مكتبه وجاه المكتب اتفتح ودخلت سلمى وهى بتعيط
رافت: سلمى مالك فى ايه اقعدى واهدى وحكيلى
سلمى وهى يا دوب قادره تتكلم: انا انا كنت... ومقدرتش تكمل كلامها لانها وقعت على الارض واغمى عليها
رافت وهى بيحاول يفوقها: سلمى اصحى مالك يا بنتى
طلب رافت الدكتور لسلمى وجيه الدكتور وكشف عليها
رافت: طمنى يا دكتور سلمى كويسه
الدكتور: لا متخافش عليها ضغطها وطى شويه
رافت: يعنى هى كويسه دلوقتى
الدكتور: اه الحمدالله بس انا عطيتها ابره منومه هتنام ساعتين او تلانه كده
رافت وهو بيوصل الدكتور للباب: شكرا اوووى يا دكتور تعبتك معايا
الدكتور: لا تعب ولا حاجه ده واجبى اتصل بى لو حصل اى حاجه
رافت: اه طبعا يا دكتور
طلع الدكتور ورجع رافت لسلمى وهو مش عارف ايه الى وصلها للحاله ده
يا ترى سلمى مالها وليه مشيت لرافت مش لادهم؟
وادم هيقدر يكلم ليلى ولا فى حاجه هتحصل ؟
كل ده هنعرفه البارت الجاى